|
قوانين كليتنا اللي ماترحم ابدا
بسم الله الرحمن الرحيم
بنات حبيت افتح موضوع عن القوانين اللي في كليتنا اللي كرمالها تزيد سوء وتحطمنا زيادة وتخلي الواحد يطفش من حياته 1- لبس عباءة الكتف , الصراحة هم وش دخلهم هاذي حرية شخصية وغير كذا المدرسات يلبسوا ايه حلال احنا اللي حرام علينا 2- بالنسبة لألوان البلايز , وين قاعدين احنا , قلنا مع الوانهم اللي اطفش بنصبر وخاصة انه كل الكليات سمحوا بألوان بس انه يطلع قانون انه البلايز تكوون سااادة مافيها شىء , هذا اللي ماينسكت عنه ابدا ابدا وشوه شايفينه احنا , على كذا مابيبقى سوق مانروحه عشان ندور لهم , اصحوا احنا بنات ونحب نتكشخ 3- دوام الكلية , يعني وحدة تداوم من الساعة 7 الى الساعة 12 ونص , وايام تكون مافي الا محاضرة وحدة ولا ثنتين ونجلس في الوقت الباقي مثل الكراسي, مش حرام والشى اللي قاهرني زيااادة انهم يقولون هاذي قوانين الكلية , وش هالقوانين اللي تطبق على كلية وحدة بس في السعودية , مافي قوانين كلية زي كليتنا , حتى بالنسبة لفروع كلية المجتمع , ليش يعني احنا اللي نننظلم مش كفاية انهم مس معتبرينا من بنات الدولة ويعطونا مكافاءت او انه انكمل دراسة بكالريوس من جد شىء يزهق وللصبر حدود , وفي النهاية حسبي الله على العيشة في هالوضع واللي عندها اي تعليق تقول |
رد: قوانين كليتنا اللي ماترحم ابدا
تو قريت موضوعك اللي بمنتدى الجامعة .. وانا معك بصراحة يمنعونا من شي وهم يسوونه "مثل العباه الكتف " حتى الوكيله والعميدة تلبسها بس مو بالكلية !!! وشؤون الطابات اللي يمنعونا يلبسونها قدامنا "يقهرون " :mh19: بس الخوف لا يجرونك ويخانقونك لانه صار مع كم طالبه يكتبون بالمنتدى وتطلبهم الوكيله وتقول لهم ليش تكتبون وليش تسوون ،، بس لو غير الشكاوي عادي :mh001: بس كلامك كلنا معه هذا سجن مو كليه مثل الكليات الباقية حتى القطيف صديقاتي يقولون هناك احسن ويسوون كل اللي يبونه وش رايك ننقل للقطيف :mh35: طمنينا عليك عسى مايعتقلونك قريب وتغيرين كلامك ههههههههههههه بعد قبل كان فيه من يسمع لنا لكن الحين كل شوي نازل قرار ولما نفضحهم يتراجعون عنه حلوووه نفضحهم "صح ":sdfgdsf: |
رد: قوانين كليتنا اللي ماترحم ابدا
هاي شلونكم
وزيدكم من شعر بيت انا مسائي وعندهم شي جديد الي تلبس نص كم يجلسها في المكتبه الي نهايت الدوم الي شوف يقول كانه باجلسين في كليه :Cry111: الحمد الله وشكر |
رد: قوانين كليتنا اللي ماترحم ابدا
الصراحة انا صحيح شوي زودتها بأسلوبي , بس انه يقولوا انهم يقرارو واحنا علينا ننفذ بالقوانين ونسكت , هذا شىء ابدا مش عدل لنا , كيف يكون التحوار كذا
اللي اشوفه هذا شىء ميأثر فينا ولا شىء ولا له دخل مصلحتنا يمكن الطلعة من الكلية ايه بس الزي والعباية ابد ابدا مش مقتعة مليت كل يوم طالعة السوق ملابسي صارت كلها كئيبة عشان الكلية |
رد: قوانين كليتنا اللي ماترحم ابدا
هلا فيكم خواتي بنات كلية المجتمع
انا برد على كلامك واتمنى ما يكون اي زعل او مناقضة في ردي انا ما الومكم على الا تقولونة يمكن لو انا مكانكم قلت نفس كلامكم بس بما اني ابغي ادرس التزم بالقوانين ردي على كلامكم اقتباس:
واذا عليهم هم يلبسون ليش ما تقولون لهم لان عرفو ان مستحيل احد الاستاذات راح تفتح موضوعكم لان ما يتواجدون في هالمنتدى اقتباس:
انا درست وتخرجت ولا فكرت يوم اني اخالف يا حلو الطالبة الملتزمة ولو الطالبات تكون ملابسهم ملونة ما تقدرين تفرقين بين الاستاذة والطالبة اقتباس:
انا في هالحالة استقل فرصتي واحضر محاضرات مع شعب ثانية او اجلس اذاكر يعني تقدرين تستقلين وقتك بطريقتك الخاصة يلا ياختي غلا عمري تحملي كلها سنتين دراسة وهذا الحين ما باقي ششي على نهاية السنة وربي يوفقكم ان شاء الله يا اختي ارضي بالا عندك غيرك يتمنك مكانك غيرك يتمنى لو تحصل له انة يدرس في هالكلية ولا جلست البيت اسفة طولت عليكم واتمنى ما يكون في كلامي اي زعل |
رد: قوانين كليتنا اللي ماترحم ابدا
تسلمين اختي وماقصرتي
, انا صابرة , بس للصبر حدود بلبس العباءة كل وحدة مسؤالة عن نفسها ومثل ماقلت حرية شخصية وبالزي والله نتعب واحنا ندور بالسوق وغير كذا يقولون يبون ساادة والله حرام , وتسلمين مرة ثانية اختي على ماداخلتك الطيبة وبالتوفيق |
رد: قوانين كليتنا اللي ماترحم ابدا
معليش اختي خوية حاسب .. كلامك يهون علينا لكن لو كنتي مكانا كان كلامك غير .. يعني محاولاتك للتخفيف فية ظلم لنا المفروض يسمعون لنا .. وشكلك اختي غلا عمري خفت وبديتي تغيرين اسلوبك ..:119: هههههههههههههههههههههه وكلها سنه ونخلص |
رد: قوانين كليتنا اللي ماترحم ابدا
اقتباس:
يعني لو اعترضنا بيغيرون القوانين كنت رئيسة شعبة و كنا نتفق رئيسات الشعب ونكلم رئيسة القسم والعميدة في تغير بعض الامور وصحيح انهم ما يقصرون يغيرون يحاولون معنا بس لازم نكلمهم باسلوب علشان نقنعهم يا اختي وشو الظلم تتوقعين الحين في استاذة بتفتح هذا الموضوع يعني اقولها لك ما اتوقع وجود استاذات في هذا المنتدى يعني لو تتكلمون من اليوم الى بكرة ما حد راح يسمعكم الا طالبات حالهم من حالكم وربي يعينكم و يوفقكم ان شاء الله |
رد: قوانين كليتنا اللي ماترحم ابدا
اقتباس:
يلا ما باقي شي على نهاية السنة وربي يوفقكم ان شاء الله انا الله مع الصابرين |
رد: قوانين كليتنا اللي ماترحم ابدا
مااافي دمقراطية ابدا ابدا ابدا بين الطالبة ومكان دراستها
الظلم آخذته من الابتدائي والمتوسط والثانوي والحين حتى الجامعة وللحين اذكر ليه !!لاني طالبة وبس ولازام انظلم واسمع الكلام واصبر لاني ادرس وغيري مايدرس بس للأنسان مقدرة على الصبر محدودة , وانا صبرت كثير ولاني اغتربت عن اهلي اعذروني صرت حساسة بزيادة ومش قادرة اصبر على اقل الشىء اتحسس منه ومايعجبني بس يظل في القلب وسوري على الكائبة :c8: |
رد: قوانين كليتنا اللي ماترحم ابدا
السلام عليكم ورحمة الله وبركاته ..
مرحبا بنات . أنا أضم صوتي لصوت الأخت خوية الحاسب ..:g8: في الحقيقة لو فتحوا المجال لمثل ماطالبتوا راح يصير الوضع سئ .. ( مع أحترامي الشديد لوجهة نظركم ):089: ولكن فيه بنات يسؤون التصرف طبعاً أخصص ولا أعمم يعني يعني أحياناً تطلع البنت برى بعباة الكتف تقولين في نفسك لو طلعت بدون هالعباة أفضل ( عبايات ملفته للإنتباه وضيقة والشعر برى وإلخ ..) :000: بالنسبة للباس لاتلومينهم والله فيه بنات وأكرر ( أخصص ولا أعمم ) يلبسون تنانير قصيره وبلايز بلا أكمام وشفافه ..يعني صراحة اشكالهم غلط .. ماتدل إنهم ملتحقين في مجال أكاديمي أبداً . ( أدري طلعت عن نطاق الألوان .. ولكن الأحاديث تتشعب ):s12: أما بخصوص الفراغ من 7 إلى 12 من المفضل استغلالها بشي مفيد يعني تروحين للمكتبة تستعينين فيها لإكمال بحوثك أو محاضراتك أو حضور حلقات دينية أرشاديه إلخ .. :150: بنات كلها فترة قصيرة وبتمضي وبتصير ذكرى .. الأهم التقدم الدراسي ..:d5: (قولي صواب يحتمل الخطأ وقول غيري خطأ يحتمل الصواب):mh19: أسأل الله للجميع التوفيق والسداد . |
رد: قوانين كليتنا اللي ماترحم ابدا
مايدخل بالي , ماله دخل ابدا عباءة الكتف
العباية عباية بنات بعبايات الراس وقفزات شوفيهم ايش يسوا , ماله دخل العباية له دخل اخلاق البنت نفسها اذا هي ماتخاف الله ولاتستحي مايهمها ايس لابسة ونفس الشىء بالملابس قلنا خالفوا القصير والشفاف هذا شىء يسوا , بس غيره ابدا ماله داعي تسلمين اختي وماقصرتي على كلامك , وكل شخص وجهة نظره وانا احترمها |
رد: قوانين كليتنا اللي ماترحم ابدا
المشكلة انا احنا ناس تفكر بالسخافات و التفاهات و ننسى المهم
اذا بيظل تفكيرنا كذا فما عمرنا راح نتطور ما اقول الا الله يعين لا احد يستغرب اذا طلعنا برا البلد ندرس و لا نرجع مرة ثانية |
رد: قوانين كليتنا اللي ماترحم ابدا
اقتباس:
لان لكل شخص وجهة نظر وانا في نظري العباية افضل واستر ولكل اشخاص عاداتهم وتقاليدهم لكن الكلية بما ان حنا بندرس نلتزم بقوانينها اقتباس:
يعني لو يسمحو الالوان البنات بيلبسو القصير والشفاف اذا هذا قوانين والبنات متمادين كيف لو يسمحون بالالوان ووو للمعلومة انا مو ضدكم واكيد من كلامي بتقولون خوية صايرة ضدنا لا بس القوانين تلاحقك في كل مكان والمفروض علينا نلتزم بيها عندك مثال فالمنزل الوالد او الوالدة يفرضون عليك قوانين حتى لو مو عاجبتك اجباري بتنفذينها واعيدها ثانية وثالثة وعاشرة خواتي لا تتحطمون لا تخلو اليأس امام عيونكم انتي دخلتي الكلية علشان تدرسي مو تكشخي او تلبسي اوو اوو انتي دخلتي الكلية وقدامك هدف وش هدفنا من دخولنا للكلية ان حنا ندرس ونتخرج بشهادة في البعض يقول هذي ما تسمى شهادة بالعكس افتخري غيرك ما قدر يحصل عليها غيرك ما قدر يكمل الثانوية وبعضهم متوسط والغير ما درس ابد ويكفي ان تكون عندك خبرة لنسعى الى هدفنا سمعت مقولة تقال ان من لم يتعلم الحاسب يسمى اااامي فانتي متعلمة ويكفي حصولك ع الشهادة الابتدائية والمتوسط والثانوية والان بفضل الله سوف تحملين الشهادة الجامعية يا اختي انسي القوانين وخلك بدارستك لان ما راح تنفعك الكشخة ووو دراستك اهم من كل حاجة وموفقين ان شاء الله ادري طولت عليكم اتمنى ان لا اكون ثقلت عليكم بكلامي واي اعتراض في كلامي تكلمو حنا خوات ويعلم ربي اني اعتبركم مثل خواتي لذا تكلمت |
رد: قوانين كليتنا اللي ماترحم ابدا
اختي غلا عمري .. قلت لك من قبل لا تتكلمين لان اكيد بتغيرين كلامك .. وقريته وقلت ياليت ماكتبتي شي .. وكلنا معك لكن الخوف واضح انه لعب دور ومالومك ابد خاصة بعد كلام الاستاذة سهى معك واكيد بتسحبك قريب مكتبها والله يساعدك :mh19: وشكرا لانك فتحتي موضوع بس ياليت ثبتي على موقفك!!:sdfgdsf: |
رد: قوانين كليتنا اللي ماترحم ابدا
ايه والله ..الله يعينك ..!
صرتي حديث الساعه في الكليه ..الكل يمشي ويتكلم عنك والتعليقات اللي ماتخلص .. المشكله مو هنا ..! المشكله فلي يرز فيسه ويسوي فيها انضباطي ونظامي ويتكلم مع الأستاذات ..ايه يا استاذه البنت غلطانه واسلوبها مادري ايش . مسويين فيها راعيين قوانين وانضباط وهم أول المخالفين . لكن شنو اللي ينجيهم من هالهذره كلها . انهم يمشون ويبعيون في الكلام بيع ..واصبغ لما تصبغ وازبخ وانت ماشي عاد انتِ الله يهديك كان سوتي مثلهم ..كان زبختي وصبغتي لين قلتِ بس ..بعدين كتبتي اللي في خاطرش ..وختمي بنفس الحكايه بالزبخ والملخ ... امشي ع هالمنوال في اي مكان ..تحسين فيه اشخاص مصابين بداء العظمه :t1: لكن ذا الحين الله يعينك ..ع اللي بيجيك ..! :119: |
رد: قوانين كليتنا اللي ماترحم ابدا
السلام عليكم ورحمة الله وبركاته
انا مع اختي غلا عمري انا مااقوول صرحووا الالواان كلها.. يعني احنا بنات نحب نلبس ونكشخ ..والمصيبة اذا مالبسنا قالوا عنا متخلفات مانعرف للموضة طريق .. والعباة اعتقد انها حرية شخصية مااحد يتدخل فيها.. شكرا:sdfgdsf: |
رد: قوانين كليتنا اللي ماترحم ابدا
الحمدالله الحين صار كل شي تمام اسمحو للوان بس يخالفون ع النص كم وربي حرررررررررررررررررررررررررررررررررررررررر وش السوات
مااقول الله يعطينا خير هالكليه ويكفينا شرها يااااااااارب:praying: |
رد: قوانين كليتنا اللي ماترحم ابدا
حبيبتي هذي قوانين عاديه لو تمشي عندنا بالدمام مايصير هذا لاالتسيب لان البنات يلبسون على كيفهم شوي شوي والي تلبس مفتوح من قدام ومشقق وهلم جرا اتمنى يطبق قانون توحيد اللباس بالدمام الي صاير عندنا مسخره وبعدين انتي رايحه تتعلمين مو تتكشخيييييييين:g4:
|
رد: قوانين كليتنا اللي ماترحم ابدا
ياربي وش هالحالة
السؤال اشلون المعلمات عرفوا غلا عمري ؟؟ شلون انفضحت في الكلية ؟؟:000::000::000: |
| All times are GMT +3. الوقت الآن حسب توقيت السعودية: 06:24 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام