ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية المجتمع بالأحساء (https://vb.ckfu.org/forumdisplay.php?f=59)
-   -   نصيحة لسنة اولى (https://vb.ckfu.org/showthread.php?t=12621)

خوية الحاسب 2008- 4- 29 05:17 PM
نصيحة لسنة اولى
 
السلام عليكم والرحمه
كلمة اوجهها الى كل اخت لي في سنة اولى
وهي (مشروع التخرج)
كانت السنوات الماضية كل مجموعة في مشروع
لكن تغيرت القوانين كل طالبة مشروعها لحالها
وش الواجب عليك اختي علشان ما تتعذبين مثلنا
ولا تنشغلين عن دراستك :m23asmilies-com:
فكري في مشروعك من الحين
فكري بالبرنامج الا راح تستخدمينه
:bgs6: سألي طالبات وش الصعوبات الا واجهتهم
عن نوع البرامجهم
وفي امكانية انك تاخذين مشروع وتطورينه
في طالبات اخذو مشاريعنا حقين سنة اولى وطوروهم
وقبل البداء بالمشروع سألي عن القوانين والشروط
نصيحة من مجربة
والله ولي التوفيق
وادعوا من ربي يسهل لكم اموركم
وانشاء الله تكون مشاريعكم افضل منا
وانشاء الله نسمع عنكم كل خير
الله يوفقكم:77g1:


اي استفسار خوية الحاسب معكم

مخاويه دلووووخ 2008- 4- 29 08:01 PM
رد: نصيحة لسنة اولى
 
... يعطيك الف عافيه اخيـــه ..ماقصرتي ..نصيحه حلوه مره مره ..

خوية الحاسب 2008- 4- 30 06:45 PM
رد: نصيحة لسنة اولى
 
اشكر مرورك اخت مخاوية
مرورك عطر الصفحة
تواجد يدل على تعاونك
وانشاء وجودك دوم معنا
والله يعطيك الف عافية

شوق البسمة 2008- 5- 14 12:16 AM
رد: نصيحة لسنة اولى
 
فعلا اتبعوا نصيحة الاخت خوية الحاسب

انا الي استشكل علي اني ماكنت قادرة احدد نوع البرنامج

ولما حددته انشغلت بتحديد موضوع للمشروع

وبعدها عينكم ماتشوف الا النور اكتئبت لان عندي عقدة

اخر شيء اسويه فالنفسية كانت جدا جدا سيئة

وطلعت بمشروع بسيط ومرتب لكن كان ممكن يكون افضل

والله يوفقكم وتسون المشروع الي تتمنونه

الغموض 2008- 5- 27 03:33 AM
رد: نصيحة لسنة اولى
 
صحيح كلامك يا اختي خوية الحاسب


الله يوفقك يارب ولكي جزيل الشكر

خوية الحاسب 2008- 5- 27 10:39 AM
رد: نصيحة لسنة اولى
 
اختي شوق البسمة اشكر مرورك المبارك
والله يعطيك الف عافية
صحيح كلامك
حالتنا النفسية سيئة جداً
وشغلنا عن دراستنا
وخصوصاً ان كل طالبة لحالها
والله يكون في عون البنات
صحيح تعبت بس ربي ما ضيع تعبي
الحمد لله فااااااااز مشروعي
والله ولي التوفيق

خوية الحاسب 2008- 5- 27 10:40 AM
رد: نصيحة لسنة اولى
 
اختي الغموض مشكورة على المرور
مرورك عطر الصفحة
وجزاك الله الف خير

بنوته دلع 2008- 5- 28 11:15 PM
رد: نصيحة لسنة اولى
 
صح كلامك خيتوا
لان امر المشروع مو سهل
اذا ماجمعتي افكارك
تحياتي
بنوته دلع

خوية الحاسب 2008- 6- 2 09:13 PM
رد: نصيحة لسنة اولى
 
اشكرك اختي دلع على المرور
والله يعطيك الف عافية

Chocolate 2008- 6- 3 11:12 PM
رد: نصيحة لسنة اولى
 
الله يعين يارب أنا شايلة هم المشروع من الحين بسبب بنات ثاني ونفسياتهم أنعكست علينا إن شاء الله نقدر نطلع بشي صح:s12:

خوية الحاسب 2008- 6- 5 04:15 AM
رد: نصيحة لسنة اولى
 
اختي احنا ما حبينا نخوفك او نخوف سنة اولى بشكل عام
بس ما نبغي تعانون مثل ما عانينا
بس لان احنا اول دفعه كل طالبة مشروعها لحالها
لكن ان شاء الله راح يكون عليكم سهل
ولا تنسينا ياختي احنا معك
اي حاجة بس طلبي منا
خواتك ماراح يقصرون
الله يوفقك واي استفسار حنا معك اختي
لا تخافي بس مثل ما قلت حنا اول دفعه....
واقول لك والله الاستاذت ما يقصرون يساعدونك
لا تنسبن احنا معك اختي



اختك خوية الحاسب

abdc123 2008- 6- 22 11:28 AM
رد: نصيحة لسنة اولى
 
أختي خويه الحاسب شنهي نوع البرامج المستخدمه في المشروع

وما هو أفضل برنامج لكي نختاره ؟؟؟ولماذا؟؟

ممكن تعطينا أفكار حلوه زيك أذاممكن

والله يعطيك العافية

خوية الحاسب 2008- 6- 22 11:59 AM
رد: نصيحة لسنة اولى
 
اقتباس:
المشاركة الأصلية كتبت بواسطة abdc123 (المشاركة 145129)
أختي خويه الحاسب شنهي نوع البرامج المستخدمه في المشروع

وما هو أفضل برنامج لكي نختاره ؟؟؟ولماذا؟؟

ممكن تعطينا أفكار حلوه زيك أذاممكن

والله يعطيك العافية
البرامج (الفيجوال , النشر , البوربوينت ,اكسس , فرونتبيج)
افضل البرامج ما اقدر اقولك افضل برناممج لان كل طالبة ومقدرتها على العمل ف البرنامج
مثلاً انا ما كنت افكر في الفيجوال بس احس عندي قداراتي فيها علشان كذا اخترتة
يعني قدراتك ومعلوماتك فالمادة هي الا تحدد البرنامج المختار
اختي الافكار ما تخلص
اهم نقطة ان الفكرة تتلائم مع نوع البرنامج الا راح تشتغلين علية
والله يعافيك
والله يوفقك
ان شاء الله احاول اجمع لك افكار بس انتي حددي برنامجك

abdc123 2008- 6- 22 07:41 PM
رد: نصيحة لسنة اولى
 
اللة يعطيك العافية أختي خويه حاسب وهتمامك بالموضوع

يمكن الفجول أوالنشر محتاره بينهم بس ماعندي أفكار

معينة محتاره شسوي ماعندي أفكار معينه

أسفه أختي خويه حاسب تعبناك معني الله يعطيك العافية

ولايحرمني منك ويجعله في مزان حسناتك الله يوفقك:praying:

Compunet 2008- 6- 22 09:42 PM
رد: نصيحة لسنة اولى
 
>>>...الله يعينكم بس هالمادة وناااسة ما فيها اختبار ...<<<

خوية الحاسب 2008- 6- 23 05:03 AM
رد: نصيحة لسنة اولى
 
اقتباس:
المشاركة الأصلية كتبت بواسطة abdc123 (المشاركة 145316)
اللة يعطيك العافية أختي خويه حاسب وهتمامك بالموضوع

يمكن الفجول أوالنشر محتاره بينهم بس ماعندي أفكار

معينة محتاره شسوي ماعندي أفكار معينه

أسفه أختي خويه حاسب تعبناك معني الله يعطيك العافية

ولايحرمني منك ويجعله في مزان حسناتك الله يوفقك:praying:
الله يعافيك انتوا خواتنا لازم نهتم فيكم ولا
خلاص البنات يكتبون افكارهم
وان شاء الله اجمع لك افكار
حلو الشغل على الفيجوال و النشر
عندنا اجازة طويله نقدر نجمع افكار


اختي وش دعوة ما فيها لا تعب ولا شي
ما سويت حاجة
مجرد اساعد اختي يعني ما فيها اي تعب
الله يوفقك ان شاااء الله

abdc123 2008- 6- 23 08:47 AM
رد: نصيحة لسنة اولى
 
مشكوره أختي خوية حاسب علي أهتمامك باموضوع والله يوفقك :praying:

أنتي مدرسة بالنسبه لنافضايلك علينا كثيره مانقدرنوصفها

الله لايحرمنا منك

خوية الحاسب 2008- 6- 23 11:35 AM
رد: نصيحة لسنة اولى
 
اقتباس:
المشاركة الأصلية كتبت بواسطة abdc123 (المشاركة 145514)
مشكوره أختي خوية حاسب علي أهتمامك باموضوع والله يوفقك :praying:

أنتي مدرسة بالنسبه لنافضايلك علينا كثيره مانقدرنوصفها

الله لايحرمنا منك
العفو مع اني ما سويت حاجة
الا اقدمةكل اخت تقدمة لاختها
الله يوفقك اختي
ومشكورة والله يعطيك الف عافية
وربي لا يحرمنا من تواجدك معنا ومن مواضيعك وردودك
مرة ثانية الله يوفقك

abdc123 2008- 6- 23 08:00 PM
رد: نصيحة لسنة اولى
 
مشكوره أختي خويه حاسب تري الكلام الي كتبته

أشوي في حقك تراني ماأجامل شكرا مره ثانيه لهتمامك بالموضوع

عاد نبي نشوف أفكارك الحلوه

خوية الحاسب 2008- 6- 23 08:11 PM
رد: نصيحة لسنة اولى
 
اقتباس:
المشاركة الأصلية كتبت بواسطة abdc123 (المشاركة 145667)
مشكوره أختي خويه حاسب تري الكلام الي كتبته

أشوي في حقك تراني ماأجامل شكرا مره ثانيه لهتمامك بالموضوع

عاد نبي نشوف أفكارك الحلوه
العفو اختي
واللة الا اقدمة قليل في حقكم كأخوات
وان شاء الله اكون عند حسن ظنك فيني
وان شاء الله احاول اجمع لك افكار بس يمكن اتأخر اختي
لاني حالياً مشغولة
بس مهما انشغلت ما انساكم خواتي
معاكم على طووول
والله يوفقك اختي وان شاء الله نشوف منكم مشاريع متميزة

abdc123 2008- 6- 24 12:08 AM
رد: نصيحة لسنة اولى
 
أخذي راحتك أختي خويه حاسب

ليكونثقلنا عليك والله يعطيك العافيه

خوية الحاسب 2008- 6- 24 04:07 AM
رد: نصيحة لسنة اولى
 
اقتباس:
المشاركة الأصلية كتبت بواسطة abdc123 (المشاركة 145798)
أخذي راحتك أختي خويه حاسب

ليكونثقلنا عليك والله يعطيك العافيه
وش دعوة اختي لا ثقلتوا علي ولا حاجة

والله يعافيك حبيبتي

راحله 2008- 7- 1 01:09 PM
رد: نصيحة لسنة اولى
 
والله نصيحتي لكل أخواتي:066::066::066:أول شيء أبعدي الخوف عنك من سالفة المشروع
وأيضا ركزي على المواد الثانية تراها طويله
ثانياُ بأن يكون المشروع ذا هدف وتعليمي وأهم شي يحبونا المعلمات ان يكون المشروووووووووووع
سمبل بسيط لكن أن يكون شامل للموضوع اللي إخترتيه وأن يكون ناعم ومرتب عاد كل وحده وذاقها
والفكرة مش لازم خيالية ومن تريد مساعدة في المادة العسل فيجوال لاتتأخر والله يوفكم طولت عليكم
:066:أسأل مجربه ومتميز مشروعها ولاتسأل خبير
وشكرررررررررررررررررررررررراُ:g20:

خوية الحاسب 2008- 7- 1 03:40 PM
رد: نصيحة لسنة اولى
 
اشكرك اختي على المرور وتقديم النصيحة
ربي لا يحرمنا منك ومن مساعدتك لاخواتي البنات
ربي يعطيك الف عافية

راحله 2008- 7- 1 07:57 PM
رد: نصيحة لسنة اولى
 
إذا في أحد يستحق الشكر من وضعت الموضوع وأرجوا لكن دوام التوفيق والتقدم
أشكرك أختي خوية الحاسب :love080:ودمتي

حلم الأمل 2008- 7- 5 10:06 PM
رد: نصيحة لسنة اولى
 
هلا أختي خوية الحاسب
حبيت تنصحيني عن أختيار البرنامج والموضوع اللي ببدء مشروعي فية كما تفضلتي :066:

أمنياتي لك بالتوفيق

خوية الحاسب 2008- 7- 6 02:33 PM
رد: نصيحة لسنة اولى
 
هلا والله اختي حلم الامل
اختي البرنامج انتي الا تحددينة
على حسب مقدرتك في البرنامج
اما الموضوع ان شاء الله احاول اجمع لكم مواضيع متنوعه
والله يوفقكم
بس انتوا اذا اخترتو الموضوع بلغونا وش اسم الموضوع
علشان نساعدكم في تجميع المعلومات
لان تجميع المعلومات يبغالها وقت
وان شاء الله بحاول انزل لكم شروط المشروع
والله يوفقكم

حلم الأمل 2008- 7- 9 05:18 PM
رد: نصيحة لسنة اولى
 
الله يعطيك ألف ألف ألف عافية على ردك الجميل وهذا دليل على حسن تعاونك


نحن بأنتظار تنزيل شروط المشروع

ودمت لنا بخير
:s12::s12:

خوية الحاسب 2008- 7- 9 08:09 PM
رد: نصيحة لسنة اولى
 
الله يعافيك خيتو


وان شاء الله بحاول اشوف لكم الشروط وانزلهم

خوية الحاسب 2008- 7- 13 04:05 AM
رد: نصيحة لسنة اولى
 
السلام خواتي
اخباركم
اليوم جايبة لكم

الشروط العامة ...
  • ان يكون الموضوع ذو اهمية
  • ان تعتمد الطالبة على ذاتها في عمل المشروع
  • دور المعلمة هو الارشاد وليس التنفيذ
  • يمنع ان يكون فية مخالفات شرعية من ناحية الموضوع او الموسيقى او الصور الغير لائقة
  • ان لا يكون فية اي توجه مذهبي او سياسي
  • ان يكون المشروع يحافظ على القيم والوازع اليني ونحاول ابرازها .

خوية الحاسب 2008- 7- 13 04:32 AM
رد: نصيحة لسنة اولى
 
شروط مشروع الاكسس

  • ان يحتوي واجهة المشروع على شاشة افتتاحية (اختياري)و لوحة تبديل تسهل عملية التنقل لجميع الكائنات
  • ان تحتوي الجداول على علاقات صحيحة وبيانات متكاملة (اختياري على حسب موضوع المشروع .)
  • ان تكون النماذج ذات واجهة منظمة ومنسقة .
  • سهولة التنقل بين النماذج بعضها مع بعض .
  • احتواء المشروع على صورة واضحة وهادفة .
  • التقارير تكون ملخصة لجميع البيانات (اختياري على حسب موضوع المشروع)
  • يتضمن استعلامات ممكن الاستفاجة منها (اختياري على حسب الموضوع).

انتوا لسا ما اخذتو برنامج الاكسس
ان شاء الله هذا السمستر تاخذونة
والله يوفقكم

خوية الحاسب 2008- 7- 13 06:11 AM
رد: نصيحة لسنة اولى
 
شروط مشرع البوربوينت

[SIZE="4"]
  • الربط الجيد بين الشرائح وسهولة الانتقال مع وجود ازرار في الشرائح لكل عملية تنقل بين الشرائح اثناء العرض
  • احتواء العرض على اصوات تتناسب مع فكرة العرض التقديمي
  • اضافة حركات مخصصة لشرائح العناصر لكل شريحة .
  • ضبط الوقت المناسب لعرض عناصر لكل شريحة .
  • ان لا يقل عن 30 شريحة ولا يحتوي العرض على اي خلفية جاهزة من البرنامج .
[/SIZE
]

خوية الحاسب 2008- 7- 13 06:24 AM
رد: نصيحة لسنة اولى
 
شروط مشروع فرونت بيج وHTML

  • اضافة خلفيات مناسبة للفكرة .
  • تنسق النص من حيث المحاذاة واللون والحجم .
  • إضافة صور مناسبة مع ضبط محاذاة النص والصورة .
  • تنظيم الصفحة باستخدام الجداول .
  • إضافة ارتباطات تشعبية بين الصفحات والتأكد من عملها .
  • ان لا يقل عدد الصفحات عن 15 صفحة و ان لا تحتوي على اي خلفية جاهزة .

خوية الحاسب 2008- 7- 13 06:28 AM
رد: نصيحة لسنة اولى
 
اما شروط مشروع الفيجوال
الا هو مشروعي ما ادري وين الورقة
كانت عندي ورقتين بس ولا ادري عن اي وحدة منهم
ان شاء الله اشوف لكم واحاول انزلهم باسرع وقت
مع ان مشروعي كان بالفيجوال
ولا عطيتكم الشروط
نطروني ...

abdc123 2008- 7- 19 01:24 PM
رد: نصيحة لسنة اولى
 
الله يعطيك العافيه أختي خويه حاسب علي الجهود المبذوله

والله تعبناك و يانه اسفين علي الازعاج

حلم الأمل 2008- 7- 19 04:28 PM
رد: نصيحة لسنة اولى
 
شكرا جزيلا أختي العزيزة :d5:

أستفسار /

بالنسبة لشروط مشروع البوربوينت لا يحتوي العرض على اي خلفية جاهزة من البرنامج

مالقصد من ذلك ؟

Compunet 2008- 7- 19 04:56 PM
رد: نصيحة لسنة اولى
 
يعني مش من القوالب الجاهزة الموجودة ضمن البوربوينت

خوية الحاسب 2008- 7- 19 05:31 PM
رد: نصيحة لسنة اولى
 
اقتباس:
المشاركة الأصلية كتبت بواسطة abdc123 (المشاركة 158375)
الله يعطيك العافيه أختي خويه حاسب علي الجهود المبذوله

والله تعبناك و يانه اسفين علي الازعاج
اختي لا تعب ولا حاجة

انتو بس امرو
على فكرة
وما نزلت لكم شروط الفيجوال لما اشوف الورقة وينها وان شاء الله انزلها

خوية الحاسب 2008- 7- 19 05:34 PM
رد: نصيحة لسنة اولى
 
اقتباس:
المشاركة الأصلية كتبت بواسطة حلم الأمل (المشاركة 158606)
شكرا جزيلا أختي العزيزة :d5:

أستفسار /

بالنسبة لشروط مشروع البوربوينت لا يحتوي العرض على اي خلفية جاهزة من البرنامج

مالقصد من ذلك ؟
مثل ما ذكرت اختي سمر

مشكور اختي سمر والله يعطيك الف عافية

اختي حلم الامل اذا عندك اي استفسار لا تترددين


All times are GMT +3. الوقت الآن حسب توقيت السعودية: 11:27 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه