|
بشكي وبفضفض لكم *اسمعوني*
السلام عليكم
ابي نصيحتكم أمانه لآني والله ضايققققه فيني الارض اول شيء أنا اللي لقبي *هنوي* بس نسيت الرقم السري وسجلت بواحد ثاني المهم أنا قررت أني افصل من الجامعه وربي ماتدرووووون وش صار لي بسببها بالأخص بسبب المعدل ايام وليالي كنت ابككككي فيها ومحد كان يدري عن حالي وربي كله بسبب المعدل خلاص حسبت معدلي راح يرتفع من 2.33الى2.42 يعنننني حتى النص ما وصصل أنا وش سويت عشان يصير لي كذا وتخصيص رياضيات لحد يقول لي حول يمرر راح احول لأسباب كثيرة وررررررربي اكتب لكم والعبره خانقتني خلاااااااص أحلامي كلهااااا ضاااااااااااااااعت الحين وش اللي يرفع معدلي خلاااااص راحت علي ورررربي مدري وش أقول لكممم قسم بالله مابي أتكلم مع أهلي اليوم لآني مابي اطلع ضيفني في اي احد احسسسس خلااااص بنفجججر والله مرة اخوي الكبير قال لي كم معدلة قلت 3 قال حلو أنا من داخلي مقههههههوره اول شيء كذبت ثاني شيء. قاهرتني سسسالفه المعدل والله اليوم كله أقول لأهلي بفصصل من الجامعه ومراح أسجل مواد عشان يعتبروني منقطعه ويفصصلوني سوري بس والله اكتب لكم من قهري ومحد بيحس فيني الا اللي مثلي |
رد: بشكي وبفضفض لكم *اسمعوني*
ي حيآتي لا تتحطمين ولآ شي انتي حاولي حاولي ترفعين معدلك هذي السنة
و ادعي ربك كثير انه يوفقك لا تنفصلين وبعدهآ صدقيني رآح تندمين لازم تثبتين لنفسك ان قادرة ع هالشي ، الله يوفقك يا رب |
رد: بشكي وبفضفض لكم *اسمعوني*
ان شاء الله
وربي أني ما عرفت اكتب من البكاء أمانه ادعيلي |
رد: بشكي وبفضفض لكم *اسمعوني*
لاتنقهرين ولاشي تره اكثر طلاب كلية العلوم ماتعدوا 3
اهم شيء يكون المعدل فوق 2.5 علشان الواحد ياخذ راحته في التسجيل عدد الساعات 19 |
رد: بشكي وبفضفض لكم *اسمعوني*
المشكله فيك انتي مو في المعدل وعلى فكره حل المشاكل مايصير بالدموع والبكاء
حلها عندك يا ما تقولي انا قدها واقدر اجيب معدل كويس في السمستر الجاي وتسوين ملخصات ماتعتمدين الا على ربك ماتعتمدين على احد وتذاكرين اول باول او اذا انتي شايفه نفسك مانتي قدها اجلسي في البيت وبلاش تكتبي كثير لان ماحد منا بيفيدك انتي فقط اللي بتفيدين نفسك وكلنا مرينا بنفس الظروف ورسبنا وصار معدلنا قليل موب بس انتي لحالك بس رجعنا وقفنا ودرسنا ماسويناها ازمة ولا قنا بنقعد في بيوتنا وانا اشوفك بصراحه تسوين سالفه ع الفاضي واسمحي لي اذا كان كلامي قاسي بس جد احنا مابيدنا شي انتي اللي تقدرين ترفعين معدلك مو الناااس مو اهلك مو الاشخاص اللي في المنتدى وهذي نصيييحه لك مني ولاتزعلين |
رد: بشكي وبفضفض لكم *اسمعوني*
ادري والله أزعجتكم ف سامحوني :(
|
رد: بشكي وبفضفض لكم *اسمعوني*
اقتباس:
مو عن ازعاج بس هذا الشي احنا ماننفعك فيه لان كل واحد ادرا بمصلحه نفسه انتي هالسمستر غيري نظامك شوفي الاشياء اللي تخلي المواد سهله حاولي من نفسك تحلي مسائل تلخصي قوانين اكتبي محاضراتك كامله لا تهملين نفسك هالسمستر باقي لك موااد كثيره ف لا تحطمين نفسك كثيير قولي لنفسسك انا قدها ابي ارفعه بتتعبين بس في النهايه بتشوفين نتيجه تعبك :d5: |
رد: بشكي وبفضفض لكم *اسمعوني*
.
تقدرين تاخذين المواد اللي قبل اخذتيها وجبتي درجة نازلة فيها اذا واثقة انك بتجيبين درجات اعلى يعني مثل الاحيا والكيميا 4 ساعات بتفيدك |
رد: بشكي وبفضفض لكم *اسمعوني*
الله يوفقك يارب
|
رد: بشكي وبفضفض لكم *اسمعوني*
ليش هالتشاءم يا فتاة
انصححكك تكملي لا تفصلي ترى جلست البييت تطفش اكثر .. انا بصراحة زهقت من هالاجازه استنى تخلص بس ..ولا تكدري خاطرك بشي لا في معدل ولا غيره الدنيا ماتسوى .. كلنا نفس حالتك بس حق شنو اشيل ع خاطري خليها ع ربك بس |
رد: بشكي وبفضفض لكم *اسمعوني*
السلام عليكم الله يعوضك خير يا أختي بس ما توصل حد الفصل لأني أول مرة أشوف واحدة تبغى تفصل عمرها من الجامعة !!!!!! أختي لا تطلعين الناس تتمنى ربع اللي أنتي فيه بتقولين لا تتمنى و لا شي ، أنا أقولك كونك انتظام و ماشية هذي نعمة تتخرجين بشهادة جامعية أحسن من تظلين في البيت بشهادة ثانوية ليش تكذبين على أهلك يا أختي قولي لهم لأن أهلك راح يساعدونك أنا أقول لك كملي و الله يوفق الجميع |
رد: بشكي وبفضفض لكم *اسمعوني*
قدامك فرصه ترفعينه المعدل النازل اذا خذتي في مستوى درجات حلوة بسرعه يرتفع بس شدي حيلك هالسمستر ذاكري واجتهدي واهم شيء لاتحطمين نفسك وانسي المعدل
الله يوفقنا وياك يارب |
رد: بشكي وبفضفض لكم *اسمعوني*
اه بس انا مثلك كنت ومن جد قهررر عطوني 3 انذارات + بالنظام انا مفصولة بس اعطوني فرصة رابعه
يا ختي انا حاسة فيك مرت بنفس الشي ونقطعت عني المكافاة واسجل مواد بالموت والهواش معاهم طبعا انا مثل ماتشوفين من كلية العلوم بس تجربتي مثلك المهم نصيحة لك والله يا اختي اجعليها تحدي بينك وبين نفسك واكيد انتي قدها انا قلت مب احسن مني اللي معدلاتهم مرتفعه ونجحوا وكذا نظام كليتنا فاشل وظالم يتطلب الصبببر والعزم بالرغم اني كنت اسمع كلام من البنات ويرمون اللوم علي الا اني تحديتهم ووريتهم اني قدها والحمد لله بعد سنتييين من الفشل والقهر والنفسية الدمار تخصصت فيزياء << مش باختياري الكلية اختاروا لي يعني تخيلي ايش بكون حزتها بس قلت معليش ماراح استسلم درست ترم وسبحان الله حبيته وعرفت ان كل هذا خير من الله بالرغم اني حملت مواد التحضيري كلها تقريبا وحملت الماث 3 مرات !! كان الله بس يعلم بحالي :) اكذب عليك اذا ما قلت انا ما جات ع بالي فكرة الفصل وكثير بعد بس الفرق ان انا خبرت اهلي فشجعوني الحمد لله فانتي قولي لهم ترى عادي اكيد الغلط مش منك يعني وش نسوي اذا ذاكرنا واجتهدنا وماقدرونا :000: سامحيني طولت عليك بس ابي اثبت لك ان العزم والاصرار يجيب كل شي وكثير يتمنون الدراسة فلا تستسلمي وتفصلي انا الان فخورة بنفسي وبانجازاتي وهالاشياء صارت ذكرى بالنسبة لي . طبعا البعض فكر اني فصلت :cool: بس فاجاتهم واعطيتهم درس ان موب انا اللي انسحب بهزيمة:(269): هاذي تجربتي وياليت تستفيدي منها تحياتي |
رد: بشكي وبفضفض لكم *اسمعوني*
مشكورين الله يجزاكم خير
ويا الانتظار ربي يوفقك ويسهل أمورك يارب رفعتوا معنوياتي ربي يجزاكم خير اناا أمي وأهلي عارفين بسالفتي مع المعدل بس كذبت على اخوي الكبير لانه متزوج وساكن بلحاله وهو يعرف أني شاطره ايام الثانوية خفت أطيح من عينه حتى أقول لامي أنا مقهوره لآني كذبت عليييه قالت عادي اعتبريه فآل لك |
رد: بشكي وبفضفض لكم *اسمعوني*
طيب أنا ناويه أخذ مواد مقدمه في البرمجه ومبادئ جبر وتحرير عربي وإنجليزي علميه وكلها سهله بس بيصير عدد الساعات 10 وأهو لازم أسجل 12 ساعه طيب ابي أسجل ماده دين وما فيه ماده متاحة للكلية الا نظام اقتصادي وقضايا وعقيده وانا هذي المواد اخذتها ابي ماده سهله أضيفها كنت ابي أخذ تفاضل3 بس الدكتور اللي يدرس الطلاب عبدالباسط وأخاف من أسئلته تكون صعبه وش تنصحوني أسوي
|
رد: بشكي وبفضفض لكم *اسمعوني*
خذي فقه السيره ماده جميييلة عن سيرة الرسول بتحبينها كثير
|
رد: بشكي وبفضفض لكم *اسمعوني*
اقتباس:
|
رد: بشكي وبفضفض لكم *اسمعوني*
السلام عليكم ياحلوه ،،
انا مسيره على قسمكم فقط لاغير شفت موضوعك ودخلته شوفي بنصحك نصيحه أخت ل أختها انا اكره الدراسه كره الموت الثانوي تخيلي درست اول ثانوي شهر عقب جلست بالبيت !! ماعجبني وضع الثانوي المهم سنه كامله نمت فيها وسهرت فيها ولعبت وانكرفت بالبيت يعني كل شيء أبيه سويته عقبها رجعت لعقلي ودرست والحمد لله عدت ثلاث سنوات مثل البرق نجحت وتخرجت بنسبه ٩٥٪. والقدرات كانت ٧٩ يعني كنت ذكيه وشاطره بس بغيت أهدم نفسي بنفسي وسجلت بكليه الدراسات التطبيقيه طبعا سجلت وانا مدري وش تخصصاتهم وانجلطت لما بدأت الدراسه انا أدبي وموادها علمي !!!!!! رياضيات ١و٢ وإحصاء ١و٢ ومحاسبه ١و٢ وماليه كلها معادلات وأرقام وحسابه وقلق وانا مو حولها أبد !!! لا وغير كذا اول ترم كنت ادرس من ثمان لحد اربع العصر !! وانا بالدمام والجامعه عند الميناء مشوار ساعه ما اكذب عليك جتني فتره ابكي عند امي وأختي تعبت نفسيا كل يوم أجي البيت خمس المغرب بس فكرت انا محسوده على جامعتي بنات كثار ما انقلبوا فيها ليش ارفس النعمه برجولي !! وشديت حيلي والحمدلله عديت سنتين تأهيلية وبديت سنتين التخصص ومتفائله جدا الشاهد يا حبيبتي انك تعوذي من ابليس وشدي حيلك وحاولي تهزمين ضعفك لا تستسلمين والسنوات بتعدي بلمح البصر صدقيني لاتتخذين قرار بلحظه ضعف ثمن تندمين بعدين تفائلي بالخير وكملي دراستك لانها هي سلاحك بهالحياه والله يوفقك ويكتب لك الي فيه الخير والسموحه طولت عليك ������ |
رد: بشكي وبفضفض لكم *اسمعوني*
اقتباس:
مشكورة ربي يجزاك خير يارب ويوفقك :004: |
رد: بشكي وبفضفض لكم *اسمعوني*
مريت بنفس حالتك قبل كم سنة ..
الانذارات والمعدل والمكافأه المقطوعة .. وصلت فيني اني رحت واخذت اوراقي علشان اسوي اخلاء طرف وبديت باجراءات سحب ملفي من الجامعة على امل اقدم بالتقنية أو جامعة الإمام محمد بن سعود .. سبحان الله وقت سحب ملفي كان التسجيل والقبول بالتقنية وجامعة الامام خلص :/ انحبطت وقلت مابي أجلس سنة كاملة بالبيت بدون فايدة .. بس الحمدلله كانت خيرة من ربي ‘ ماكملت اجراءات سحب الملف ‘ وضليت بالجامعة .. صرت آخذ مواد قليلة علشان اقدر أشد واركز عليها .. ماكنت اخذ اكثر من 14 ساعة بالسمستر .. تأخرت عن موعد تخرجي سنة وزيادة .. بس معليه .. الأهم اني كملت ورفعت معدلي صحيح مو كثير ‘ بس الحمدلله قدرت أكمل وأستمر ودرجاتي صارت أحسن من قبل بكثير .. والحين باقي لي سمستر واحد بس وأتخرج .. لاتتحطمين أبد .. |
رد: بشكي وبفضفض لكم *اسمعوني*
يآقلبي أنتي أي سنة ؟ إذآ باقي لك سمسترات كثيرة ليه تتحطمين ؟ يمديك ترفعين المعدل بالجاي " لايكلف الله نفساً إلا وسعها " وبما إن ربي كاتب لك الدراسة في تخصصك هذا أكييد إنك قادره عليه وبتفوق ! بس شوية صبر وعزيمه وإصرار وبتوصلين للي تبينه وتذكري إن النجاح لا يأتي إلا بعد الفشل ! كونك أنتي الآن معدلك نازل مو معناه إنك ماتقدرين تنجحين بالجاي وترفعينه ! أنا واثقه إنك تقدرين لكن اتركي التفكير السلبي بعيد عنك وخلك متفائله وإيجابيه بالتوفيق يارب ()' |
رد: بشكي وبفضفض لكم *اسمعوني*
صح كلام نوفمبر :sm12:
وانا انصحك تاخذين تذوّق ادبي :(125): |
رد: بشكي وبفضفض لكم *اسمعوني*
اقتباس:
ربي يجزاك خيررر ويوفقك وربي رفعتي معنوياتي خصوصا كلمتك *انك واثقه أني اقدر ارفع معدلي * ربي يسسسسسعدك |
رد: بشكي وبفضفض لكم *اسمعوني*
مشكورين كلكم ماقصصصرتوا بسس أمانه ساعدوني بنماذج الاختبارات والدكاتره :(
|
رد: بشكي وبفضفض لكم *اسمعوني*
اي وانا خلصت سنتين بس باقي مواد تخصص متأخرة فيها
|
رد: بشكي وبفضفض لكم *اسمعوني*
اقتباس:
أي حاجه تبينها اسألي عنها وإن شاء الله اللي يعرف يفيدك كلنا موجودين وبخدمتكم , موفقه :love080: |
رد: بشكي وبفضفض لكم *اسمعوني*
اسمعيني من اخت لاختها معدلي ب اول سنة كان عاليي ولله لحمد
نزل لان تخصصت شي ما ابيه تحطمت وصحت وقدرت اوقف على رجولي مرة ثانية تعرفي ليش؟؟ لاني بالبداية انقبلت بكلية ما ابيها ,, ولا من ضمن رغباتي بس الحمدلله قمت اذاكر أول بأول ,, واجتهد واقرا المحاضرات قبل ما ادخل القاعة و اهم شي احاول ارضي امي عني و اخليها تفخر بي و اذا مافهمت اسال البنات ما فهموني اروح للدكتورة نفسها واحن عليها لما توضحه اكثر ,, بالتوفيق يا قلبي ,,.؟ |
رد: بشكي وبفضفض لكم *اسمعوني*
واذا على تاخرش بمواد التحخضض كلنا نتاخر بس سبحانك يارب خيلرة انا متاخرة مادة عليها 4 متطلباتت ولا كان الحين خريجة بس بضل سمستر ,,عليهم ,,
|
رد: بشكي وبفضفض لكم *اسمعوني*
نوفمبر مشكورة ماتقصرين يا حبيبتي
انتصار ربي يجزاك خير وان شاء الله بسوي اللي قلتيه |
| All times are GMT +3. الوقت الآن حسب توقيت السعودية: 04:38 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام