ملتقى طلاب وطالبات جامعة الملك فيصل,جامعة الدمام - تجمع ـآلمقبولآت في كلية ـآلعلومـ .. حيآكمـ

السلام عليكم ..
اخباركووم؟! مبروك لكوول المقبولات والفال ان شا الله للي مانقبلو..

ممممـ انا طالبه بكلية العلوم بروح سنه ثالثه تخصص رياضيات>>مو حبا بس نصيب..طبعا مو فالحه ابدا فيه
بس لاني ماحب محاضرات العملي بالتخصصات الثانيه..

المهم انا شوفت بعض البنوتات يسألون عن الجدول انا راح افيـد باللي عندي ادخلي ع موقع الجامعه وراح تشوفي
تحت (دليل التسجيل) ادخلي عليه بعدها اضغطي على(دليل التسجيل للفصل الاول من العام....)
بعدها ادخلي( ع الجدول الدراسي لكليات جامعة الملك فيصل...........)>>فيصل مو الدمام

بعدها راح شوفي كول الكليات وتحتها طلاب وطالبات روحي للكيله اللي اتني مقبوله فيها ودخلي وراح تشوفي الماد
>>ملاحظه في بعض الكليات كاتبه باللون الاحمر اقروها عشان تعرفو تختارو المقررات المخصصه لكم لان فيه مواد تاخذوها من كلية التربيه (اللي هي المواد العامــه) ومواد تاخذوها من كلية العلوم لانكم اول سنه حتاخذو المواد العامه بس من كلية العلوم..>>اتمنى تكونو فهمتي علي..

راح اعطيكم مثال ..
بكلية العلوم للطالبات كاتبين ملاحظة للطالبات فقط: أرقام الشعب التي بحرف (A,B,...) هي شعب نظرية والتي بحرف ورقم (A1,B1) هي شعب عملية مخصصة لدفعة 2011)

ادخلي ع كلمة الطالبات راح يطلع جدول راح تشوفي مكتوب ع يمينك كلية العلوم التخصص فيزيا..بعده كيميا بعده احياء بعده رياضات
المهم انتي طبعا بما انك سنه اولى راح تاخذي المواد العامه مثل (فيزيا عامه 1..كيميا عامه 1..احياء عامه..رياضيات عامه..)

بس قبل ماتاخذي المواد خلي نظرك على الشعبه راح تشوفي في كل جدول موجود مكتوب بالخانات الشعبه لان الشعب المخصصه لدفعة 2011 حروف وليست ارقام مثل(A,B,c....)فقط

وملاحظه حابه انبهكوم عليها في خانه بعد بالجداول اللي هي (متاح للكليات ) قبل ماتاخذي اي ماده روحي عليها
مثل انا حاخوذ رياضيات عامه اروح ع خانت متاح للكليات اشوف الرقم المكتوب جنب الماده واضغط عليه وحتطلع لك هذي حق اي
كليه لان في بعض المواد حتكون مخصصه لكليات ثانيه غير العلوم..اوكي..

ملاحظه بعد >> ادري طفشتو ملاحظات^_^

في اخر خانه راح تشوفي مكتوب (متاح للتخصصات) هذي بعد لازم تمري عليها لان في مواد مايحق لك تاخذيها
بما انك سنه اولى فما يحق لك تاخذي الا اللي مكتوب فيها لما تضغطي عليه ..(رياضيات..كيميا..فيزيا..احياء)
في بعضها مكتوب بس(فيزيا) هذي بس فقط لطالبات الفيزيا..^_^

هذا طبعا مثــــــــــــال مو بس تاخذو مواد من كلية العلوم في مواد تاخذوها من كلية التربيه واتبعو نفس الطريقه
بس لازم تشوفو الملاحظه اللي باللون الاحمر قبل ماتدخلو ع الجدول..

وانتي عاد اختاري الاوقات اللي تعجبـــــك .. نسقي جدولك ع كيف ماتحبيـن وبعد ماتاخذي المواد
راح تشوفي عند كل ماده حابه تسجليها رقم اللي هي خانت CRN هذا لازم تكتبينه عشان اذا جيتي تسجلين المواد ماراح تكتبين الماده لا راح تكتبين رقم CRN حقها ..في هنا بالمنتدى طريقة تسجيل الجدول راح ادور عليه واسدح الرابط هون لانه شرحه وافي وبالصور..

وابي انبهكم على شي بعد بالنسبه لكلية العلوم في بعض المواد حتكون نظري وعملي..فلازم تاخي الثنتين
يعني اخذتي فيزيا عامه انتي يناسبك وقت شعبه A هي عباره عن شعبة النظري راح تكون محاضرتين بالاسبوع
فالنتبهي راح يكونو بالجدول فوق بعض شوفي الوقتين اذا ناسبك خذي الشعبه وسجلي CRN تبعه
بعدها روحي للعملي اللي هيA1 اختاري الوقت اللي يناسبك وخدي CRN تبعه

(مو شرط حرفA انتي شوفي الوقت اللي يناسبك بالشعب المخصصه لدفعة 2011 ووخذي CRN تبعه)

ومثل ماقلت قبل راح اسدح الرابط هون وراح تعرفو وين تحطو CRN بوقت التسجيـل..

اتمنى ماكون نسيت شي وافدركم وسامحوني ع القصـــــــــور واذا كان فيه اي معلومه غلط سامحوني
لان انا هذا اللي اعرفـــــــــه..واي استفسار ان شا الله ماراح اقصر..

بس بالنسبه للتسجيل مادري متى حيكون لكم اتمنى حد يفيكوم غيري..

بالتوفيـــــــــق لاتنسوني من دوعائكم >>ادعولي تتحقق امنيتي وارتــــــــــآح:mh3535: