|
* أقتراح بخصوص البوآبــــــــــه !
مجرد اقتراح انا اقترح من ادارة الكلية بخصوص موضوع البوابه وهو ان يوزع على الطالبات بطاقة يوضح فيها توقيت المحاضرات موضحا فيها اليوم والوقت على مدار الاسبوع ويتم اخراجها لحارس البوابه لكي يسمح لهن فيها بالدخول الى الكلية حتى لو تم اغلاق البوابه لان اللي اشوفه ظلم مثل ماذكر سابقا والله لو يتم تنفيذ مثل هذا الاقتراح بدلا من حضور بعض الطالبات في تمام الساعه 8 ومحاضراتهن تبداء في تمام الساعه 10 لكي يسهم هذا الاقتراح في تخفيف معاناة بعض الطالبات في حرم الكلية وتخفيف معاناة مستخدمي الطريق من امام بوابة الكلية كي لايتسبب تكدس السيارات زحاما شديدا هذا وتقبلوا فائق تحياتي ^ أنا مع فكرته . . و أتمنى النظر بجديهَ لهذا الموضوع حتى لا يكون هناك ظلم :") |
رد: * أقتراح بخصوص البوآبــــــــــه !
بإمكانكم رفع الاقتراح إلى محافظ الخفجي + هيئة الأمر بالمعروف والنهي عن المنكر ولو وافقوا على الاقتراح فلا مانع لدينا من ذلك حيث أنه قد سبق لنا إفادتكم بأن موضوع البوابة هو موضوع خارج عن إرادتنا |
رد: * أقتراح بخصوص البوآبــــــــــه !
المفروض الخطاب انتمَ اللي ترفعونه :119: !
مع توقيعات البناتَ . . |
رد: * أقتراح بخصوص البوآبــــــــــه !
لم يردنا أي توقيع حتى الآن وبإمكان أولياء الأمور رفع خطاب إلى محافظ الخفجي لطلب فتح البوابة حتى تخلي الكلية مسئوليتها بهذا الشأن |
رد: * أقتراح بخصوص البوآبــــــــــه !
محافظ الخفجي ؟؟؟؟؟؟
ماتكلم الا بالبوابه!!!! طيب تكلم بالبوابه خل يطالب بسااحه لناااا مدامهم حشرونا خلاص خلو الباب مسكر مايسوى علينا اللي صار :mad: دخلت الهيئه والمحافظ بالسالفه ! نبي ساحه من هالساحات اللي برا غطوها بشي من فوق وحطو لنا تكيف او بدون حتى راضين فيها الشتاء جاء بس نبي مكان نقدر نقعد فيه مرتاحين نتمشى مانصدم بالبنات شووووفو مطالبنا يضركم بشي لو وسعتو علينااااااا انا ادرس بالكليه وشفت الحمله من زمان ومتابعتها بس ماشاركت فيها بس مطالب الحمله اشياء معقووووله والله معقوله وانتم مكبرين السالفه بقووه انا معاهم باللي طالبوه بس اهم شي عندي الساحه قسسسم ضيق وسعو علينا الله يوسع عليك افتحو ساحه من الساحات الخارجيه ... الله يفتح لكم باب رزق اتمنى ياثر فيكم كلامنا لان وربي الحاله مأتطاق العام بالشتاء الساحه اللي قصيتوها ماكانت تكفي كان زحممه شلووووون اللحين بعد ماقصيتوهاااااا وش راح تكفي .................................................. .. في موضوع ثاني بعد سووووري اختي الالحان بطرحه بموضوعك :mh318: بتكلم عن الكافتريا (اول شي ما احس انو اسعارهم حيل غاليه ) <<لحد يخز:mh318: صح حنا نطاااااااااااااااالب بتغير نوعية الاكل شوي لاننا طالبات جامعيات كل ماقلنا شي قالو طالبات جامعيات بكل شي طبقتو كلمة جامعيات الا بالاكل !!! نبي تنووويع مو معقوله من اول ابتدائي وحنا فطيره وعصير الى متــى!!! الشي الثاني واللي اهم شي ******* اللحين حنا نطلع بين المحاضرات 10 دقايق بس مايمدي نااااكل بس اقل شي نشتري ماي ,,عصير,, الكافترياااا زحمممممممممممممه بمعنى الكلمه ومع هذا فاتحين دريشتين بس!!!!! واذا ارحمونآآآ وكسرنا خاطرهم افتحو الثلاثه ابي احد يكلم المسووله تفتح الدريشه الرابعه والله حرام ننطرد من المحاضره علشان الزحمه اللي بالكفتريا كلامي صح ولا تحسين في شي غلط !!! والله اشياء تقدرون عليهاااااا بس ما ادري ليه انتم رافضين هالشي **ترا حنا كبار وارأئنا تنفع علشان نتطور ونرتقي** اتمنى من كل قلبي انكم تسمعووووووووون شكوانا نبي المعقول مانبي شي ممنوع |
رد: * أقتراح بخصوص البوآبــــــــــه !
اقتباس:
كلامك صحيح .. وكل شي قلتيه صح .. و بالنسبه للكافتيريا عادي لو اتصير غاليه على اقل على اكل سنع مو غاليه على فطيره وعصير! طيب احنا بالخفجي عندنا كودو و كنتاكي وارنب الجائع ووو .. ألخ كثيره مطاعم الوجباتَ ليه ما تعاملون معهم ! منها يكون فطور و يكون غداء لنا لانو احنا مانطلع الا 2 وعليها من المحاضرات ! وترى بعد بالخفجي عندنا كون زون ليه بعد ما اتعاملون معهم! ترى احنا والله بجججـآمعه ! ونبي الخير والتطور لجامعتنا . . يعني ما طلبنا لبنَ العصفور كل اللي طلبنا شيء موجود و مقدور عليه ! يعني مو يكفي ضغط الدراسه ! نبي اشياء تحببنا بالجامعه مو كل صباح نحاتي هم الزحمه و الجوع ! .. جد اتمنى منكمَ تسمعون منآ :love080: |
رد: * أقتراح بخصوص البوآبــــــــــه !
اختصر لكم الرد واوفر عليكم الانتظآر
اكتبو خطاب ويجيب الله مطر |
رد: * أقتراح بخصوص البوآبــــــــــه !
اقتباس:
سبحاااااااان الله:(107): بهاالشغله بس دخلتو المحافظ والهيئه بعد:33_asmilies-com: مااقول الا الله يصبر البنات عليكن بس..:Cry111: انا من راايي ياامعرف الكليه تغيررين هاللساالفه :biggrin: تررى والله حفظناها من دخلنا الكليه اي شي نقوله قالو اكتبو خطااب <<قديمه يااعمي غيروهاا:hhheeeart4: بعدين صراحه مااشاءلله عالبنات اسلوبهم مره رووعه وحتى اقراحااتهم بمحلهاا<<يعني انتو مااعندكم اقتراحات او افكر غير سالفه هالخطاابات والتهديد:hahahahahah: مااطلبو منكم المستحيل اشيااء انتو تقدرون تسوونهاا.. بيعوو براا الكفترياا حطوو طااوله عااديه وبيعوو عليهها خففو هالزحمه او افتحوو شبااك زياده:(204): غير ذلك السااحه اللي ورى يطررد فيها الخيل افتحوهاا يقعدن فيها البنات ماايبون تسوون فيها شي عاادي يحطون زوالي وحصير ويقعدون عليهاا اهم شي يتنفسوون شووي:017: |
رد: * أقتراح بخصوص البوآبــــــــــه !
كنا صريحين معكم منذ البداية بشأن البوابة الموضوع عند الهيئة والمحافظة وبإمكان أولياء اموركن المطالبة بفتح البوابة كما طالبوا بإغلاقها من قبل !!! . . بالنسبة لموضوع الكافتيريا فهناك مشرفة خاصة بالكافتيريا وبإمكانكن اقتراح جميع ماتم طرحه بالموضوع كفتح جميع الشبابيك والتعامل مع عدد من المطاعم وستقوم هي بإيصال إقتراحاتكن للمتعهد . . نزف من المتعارف عليه أن جميع الدوائر الحكومية تتطلب وجود خطابات ومعاملات لسير العمل !! لذلك لا داعي لإثارة البلبلة بردودك بدون فائدة تذكر . . سحابة حلم لن أقوم بالتعليق على ردك لما به من سخرية وتكذيب لمعرف الكلية فإن أردتي أن تؤخذ بإقتراحاتك فعليك المخاطبة بأسلوب جاد وإلا سيتم تجاهلك ولدي كل الحق في ذلك |
رد: * أقتراح بخصوص البوآبــــــــــه !
لذلك لا داعي لإثارة البلبلة بردودك بدون فائدة تذكر
اي بلبله؟!!!:(107): انا اختصرت عليهم الطريق لا اكثر ولا اقل وقلت اللي بتقولينه((ارفعو خطاب)) |
رد: * أقتراح بخصوص البوآبــــــــــه !
سحابة حلم لبيه امرري:119: لن أقوم بالتعليق على ردك لما به من سخرية وتكذيب لمعرف الكلية اي سخريه حقوقنا صارت سخريه :017: انا ماكذبتك انتي ياقلبي انا قلت من دخلنا الكليه وهذي ساالفتهم خطابات في خطابات ومكان الخطابات سله المهملات :mh12:حتى بنعدل الجداوال قالو خطابات :hahahahahah: فإن أردتي أن تؤخذ بإقتراحاتك فعليك المخاطبة بأسلوب جاد أكثر من هالجديه وش تبون أقول:(107):وإلا سيتم تجاهلك ولدي كل الحق في ذلك مو غريبه عليكم التجااهل طال عمركم:cheese: *: http://www.ckfu.org/vb/t237635.html#ixzz1bSKSYjFT |
رد: * أقتراح بخصوص البوآبــــــــــه !
.,.
عزيزتي معرف الكليه وبعد قلتم سآبقآ في موضوع الرد على مطآلبنآ والذي نشر في الرآئديه وفي أبعآد الخفجي أن الطآلبه بإمكآنهآ الخروج بالطرق النظآميه قبل موعد فتح البوآبه وذلك مع ولي أمرهآآ ولم نرى هذآ الشيء ولم نلمسسه الذي رأينآه أن حضرة الموظفة ترفض خروج الطآلبآت مع أوليآء أمورهم وتقوول لهم "لآ تتبلون على أنفسكم" في حآل كآن خروجهم للمستشفى ! صديقتي جتهآآ نوبة ربوو وكآن لآزم تطلع وحضرة الموظفه رفضت تعطيهآ ورقه وتطلعهآ إلآ بعد م رآحت البنت لمكتب العميده وشكت عند السكرتيره ! وين كلآمكم ؟! طآر بالهوآآ وإلآ طآر بالهوآآ ؟! صرت أشكك إن كل شي بهالكليه م يمششي إلآ بالشكآوي إذآآ المكآتب اللي كآنت مضيقه علينآ السآآحه يووه أقصد بقآيآ السآحه م إنشآلت إلآ لمآ نزلت صورتهآ بالجرآيد ! .,. |
رد: * أقتراح بخصوص البوآبــــــــــه !
اقتباس:
ميييينَ المشرفه !! |
رد: * أقتراح بخصوص البوآبــــــــــه !
تباً لـ الحنين بالنسبة لخروج الطالبات فلا يتم الا في حال الضرورة وهذا هو المقصود بالطرق النظامية ولو أن الموظفة رفضت خروج الطالبة فـ للطالبة كل الحق في الشكوى عند وكيلة الكلية للشئون الإدارية والمالية كونها الرئيسة المباشرة للموظفة أما بالنسبة لموضوع المكاتب فقد تم نقلها فور إنتهاء أحد متعهدي الصيانة من أعمال الصيانة الخاصة به وليس للمقال أي تأثير على موضوع النقل كون المكاتب هي نتيجة ترميم بعض المعامل ومن الطبيعي جداً نقلها للساحة حتى يتم تفريغ أحد الغرف لتخزينها فيها . . آلحان هناك مشرفة بالكافتيريا وهي ( أم خالد ) وهي جداً متفهمه وبإمكانكن نقل مقترحاتكن إليها لدراستها ولا أعتقد أنها ستمانع الاقتراحات التي تسعى إلى تطوير مستوى الكافتيريا |
رد: * أقتراح بخصوص البوآبــــــــــه !
- يعني ام خالد راح تتصرف بدون موافقه العميده ؟
ولما سألوها البنات ليه منع الببسي قالت جامعه الدمام مانعين الببسي برغم جامعات الدمام يباع فيها ! ع العموم اذا راح تتصرف بدون موافقه العميده او تدخل جامعه الدمام ! راح يكون سهل عليها تنفيذ اقتراحاتنا :) |
رد: * أقتراح بخصوص البوآبــــــــــه !
اتمنى الاجابه على سؤالي ..
هل يحق لـ أم خالد ان تتصرف دون موافقه العميدة ! |
رد: * أقتراح بخصوص البوآبــــــــــه !
بالنسبة للمشروبات الغازية فعلاً تم منعها من قبل إدارة الجامعة بخطاب رسمي أما بالنسبة لبقية الأمور مثل زيادة عدد الوجبات أو التنويع فيها أو التعامل مع مطاعم أخرى فبإمكانها التنسيق مع المتعهد وتنفيذها وعرض الموضوع على وكيلة الكلية للشئون الإدارية والمالية للأخذ برأيها |
رد: * أقتراح بخصوص البوآبــــــــــه !
ياجماعه خافو الله فينا وربي انا ام اخلي بنتي بالبيت لحالها ياجماعه اللي عارفين بنتهم داشره لا يودونها للكليه انا غير مسؤوله عن اي بنت تبغى تصيع ولا تطلع مع شباب الله لا يردها ولا يوفقها بحياتها مثل ماخربت علينا ياناس وين نروح علشان تفتحو الباب والبنات وقعوا على دفتر وش كبره وين راح يا انكم تفتحوا حضانه ولا انا خلاص بعد العيد ان شاء الله بنتي بتداوم معي كيفكم :mad: *
|
رد: * أقتراح بخصوص البوآبــــــــــه !
اذا جا ولي الامر والطالبه طلعت معه خلاص مالها حق الموظفه تمنعها مالها حق ابدن لا تسألها ليش ولا كيف خلاص ولي الامر يكفي انه هو حاضر وهو مسؤول وانتم بس منعتوا انها تطلع مع السايق وبعدين اذا الطالبه خلصت محاضراتها وطلعت مع ولي الامر تخففوا من الزحمه والازعاج هذا الشي لصالحكم بعد !!!!
|
رد: * أقتراح بخصوص البوآبــــــــــه !
.,.
توني أدري إن "الطرق النظآمية" معنآهآ الضروره ! شكرآآ عطيتيني معلومه جديده =) طيب ي عزيزتي ممكن تقولين لنآ وش هي الضروريآت اللي تسمحون للبنت تطلع لبيت أهلهآ عشآنهآ ؟! يعني عشآن نكون على بينة ومآ نقول م درينآآ :biggrin: .,. |
رد: * أقتراح بخصوص البوآبــــــــــه !
ممملًآذي أنتي :(204):
|
رد: * أقتراح بخصوص البوآبــــــــــه !
موضوع البوابة لدى محافظ الخفجي + الهيئة وعلى أولياء الأمور مراجعتهم لتقديم الشكوى لإعادة فتح البوابة كما سبق لهم مراجعتهم لإقفال البوابة أما بالنسبة لضروريات الاستئذان بإمكانك مراجعة مكتب وكيلة الكلية للشئون الإدارية والمالية لمعرفتها يقفل / موضوع البوابة مفروغ منه وقد سبق لنا افادتكن بالحل له |
رد: * أقتراح بخصوص البوآبــــــــــه !
.,.
لآ زلت أريد الضروريآت التي تبيح عفوآ تسمح للطآلبه بالخروج من الكليه ! إذآ حتى المستشفى مو عآدينه من الضروريآت والدليل رفضكم لخروج زميلتي اللي كآنت رآح تموت عندكم بسبب الربو !!!!! .,. |
رد: * أقتراح بخصوص البوآبــــــــــه !
.,.
أسمحي لي عزيزتي أعدت فتح الموضوع لآن النقآش م خلص للحين م أفدتيني بالضروريآت والبنآت أيضآ لآ زآلت لديهم أسئله =) .,. |
رد: * أقتراح بخصوص البوآبــــــــــه !
ي ليت لو تجاوبين ي عزيزتي ع سؤال تبآ للحنين؟؟
|
رد: * أقتراح بخصوص البوآبــــــــــه !
معرف الكليه
انا عندي سؤاال ياعزيزتي ليه اذا شفتي البنات يسألون عن شي قلتي يقفل اجل ليه هذاا المنتدى وبالاخص قسم التواصل فااتحينه بالاسااس؟ اذا ماافي تعااون لااقصى درجااته لاتفتحون النقاش بالاساس يعني ماادري اسمي موقفك هرروب او مدري وش... بعيييدا عن السخريه لان كل ماتعمقنا بنقااشكم تحسون انا قااعدين نسخر منكم او اشي من هالقبيل لا والله حشى انتو استاذاتنا وعل العين والرأس وانتو حالكم من حاالنا يعني منا وفينا لانكن لكم حقد ولا استهزااء كل اللي نبيه منك او منكم يااعزيزاتنا حواار الطاالبات بكل تعاون وشفاافيه وتوواضع لكي خاالص شكري |
رد: * أقتراح بخصوص البوآبــــــــــه !
تبآ لـ الحنين ليس لديك الحق في التدخل بممارسة صلاحياتك كمشرفة بقسم التواصل وقد سبق وأن تم التنبيه عليك بذلك وإن تكرر التصرف على هذا سيتم التنازل عن القسم بأكمله لكم وبالتالي لكم حرية التصرف بالرد على جميع استفساراتكم حسب ماترونه مناسباً وإجابة عن سؤالك فقد سبق لي إفادتك بالتوجه إلى وكيلة الكلية للشئون الإدارية والمالية لمعرفة الضروريات . . نزف + سحابة حلم سبق لي الإجابة عن جميع أسئلتكم ولا أعلم ما هو سبب عدم إقتناعكن بالرد المذكور سابقاً موضوع البوابة بيد الجهات المذكورة سابقاً , لا بيد إدارة الكلية وقد سبق لي ذكر هذا الكلام مراراً وتكراراً ومع ذلك تقومون بطرح الأسئلة حول الموضوع وكأن الإجابة ستتغير مع تكراركن للسؤال !! يقفل |
رد: * أقتراح بخصوص البوآبــــــــــه !
.,.
جزآتس الله خخييير لو م عندكك جوآب ي عزيزتي قولي والله بنعذركك ندري إن الشغل عندكم كثييير ولفوق رآسكم لدرجه تشتغلون وإنتو ببيوتكم وإنتو مو مجبرين تشتغلون ببيوتكم ! بس م نبي نظآم هالمرآسيل اللي دآيم شغآل عندكم روحي لفلآنه وإلآ روحي لعلآنه ! والبنت المسيكينه تقضي يومهآ تفرفر بهالأسيآب والممرآت ! تبين أقفل عنكك الموضوع ؟! .,. |
| All times are GMT +3. الوقت الآن حسب توقيت السعودية: 09:34 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام