|
الصيفي
السلام عليكم و رحمة الله و بركاته
ابغى احد يساعدني رفضو لي اخذ مادة هالترم و قالو اذا نزلت خوذيها صيفي سؤالي هو شلون طريقة دراسة المادة بالصيفية هل عن بعد او اداوم و متى اسجل هالمادة و عند مين اسجلها ؟ اللي يعرف لا يبخل علي بمعلوماته و الله يجزاكم خير . |
رد: الصيفي
وعليكم السلام ورحمه الله وبركاته :-
طريقة التسجيل يا أختي نفس التسجيل للترم العادي يعني يفتحون له يوم وتسجيل المواد اللي تبينه والاهم نازله بالقسم يعني. بالنسبه لطريقة الدراسه تقريباً يبدا الصيفي قبل رمضان ويستمر الى قبل نهايه رمضان بأسبوع او اكثر ؛ طبعاً اذا ماده راح تكون يومين بالاسبوع يعني اربع ساعات باليوم وفيها بريك وكذا يعني :) والاختبار النهائي يكون بعد العيد بعضهم يقدمون الاختبار قبل اذا خلصو المنهج . وفالك التوفيق يارب |
+
انو بعض الدكاتره يقترحون ع الطالبات التدريس عن بعد عشان رمضان وكذا ، بس اذا الطالبات ما وافقوا بسبب المشاكل اللي يتعرض له النظام راح تكملون دوام |
رد: الصيفي
اي ماده بغيتي انا ابي مبادىء تحليل
|
رد: الصيفي
وعليكم السلام ورحمة الله وبركاته
الدراسة بالصيفي زمان كانت تقريبا بعد الاختبارات النهائية باسبوع او اسبوعين وتنتهي برمضان والاختبار النهائي ب21 او 24رمضان تقريبا حاجة مثل كذا لكن كان يتم الاتفاق مع الدكتور/ة بتقديم او تاخير الاختبار :004: اما الحين فاتوقع (تاكدي من البنات) صارت تبتدي تقريبا شهر 8 وتنتهي بوسط رمضان تقريبا وطبعا هذا يعتمد على سرعة الدكتور/ة في انهاء المنهج اما الاختبار يكون بعد العيد وبامكانكم تتفقون مع الدكتور/ة انه يكون برمضان اذا المنهج مخلص بدري حطي في بالك ان دراسة الصيفي ما تعني منهج اقل او اسهل هذا يعتمد على اللي بيدرسكم .. انا درست فيه وكان متعب لانه برمضان لكنه ممتع لان العدد قليل ومثل ما قلت قبل بعض الاحيان يكون المنهج اقل :004::004: فانا انصحك تاخذين صيفي اذا قدرتي لانه يفك ازمة وما تتاخرين اذا مادة في السمستر هذا ما اخذتيها ولها متطلبات على بعدين او انه يطلع لك اوف في السمستر القادم .. موفقة:004: |
رد: الصيفي
وش هي المواد اللي دايما تنزل بالصيفي قسم رياضيات ؟
|
رد: الصيفي
ومواد العامه تنزل بالصيفي ولالا ؟!
|
رد: الصيفي
احلام صاعده / Baneen a/ هنو محمد جزاكم الله خير :rose: :004::rose::004::rose::004:
the PROmise انا المادة اللي ابغاها هي مادة فيزياء عامة 2 انا مو حاملتها بس مارضت تسجل لي لانه تعارض مع كل الشعب وقالو ما نسوي توسعة للتعارض:icon9: بس هل ممكن تنزل لي هالصيفية لانه معمل بعد؟ و وين اقدر القى جدول الترم الصيفي ؟:(107): |
رد: الصيفي
السلام عليكم . طيب كم ساعة مسموح لي اسجل بالصيفي يعني عادي اكثر من مادتين او لا وكمان لو مثلا ابي ادرس الصيفي بجامعة ثانيه عادي والا لا ؟ |
رد: الصيفي
اقتباس:
وعليكم السلام ورحمة الله وبركاته :rose: الصيفي مسموح 9 ساعات كحد اقصى او 3 مواد كحد اقصى :biggrin: بالنسبة للدراسة بين الجامعات مادري:sm12: |
رد: الصيفي
اقتباس:
ايوة عادي بس جمعي 15 طالبة (قولي لقسم الرياضيات يعلق ورقة حصر اسماء للطالبات اللي يبغون ينزلون المادة) وان شاء الله يوافقون << على ما وصلني ان دكتورة المادة هي اللي تدرسك بالمعمل مو شرط استاذة واذا رفضوا بحجة ما فيه دكتورة تدرس بالصيفي كلمي قسم الفيزياء يدبر لك دكتورة تدرسك وتلاقين الجداول معلقة بقسمك موفقة:love080: |
رد: الصيفي
اقتباس:
اذكر بالصيفي بنات كانوا يدرسون بكليتنا وهم من الجبيل بس كان تعب عليهم . موفقة:004: |
رد: الصيفي
السلام عليكم ورحمة الله وبركاته
هالسنة الصيفي راح يبدا برمضان لان الاختبارات بتخلص نص شهر 8 لاننا بادين متاخر بشهر وبالنسبة لعدد الساعات اقصى شي 10 ساعات في الاسبوع لو المادة 4 ساعات تصير 8 ساعات في الصيف تتدبل والمعمل يكون الدكتورة او طالبات متخرجات يطبقون وبالنسبة الصيف بجامعات ثانية موجود عادي تطلبين زائر صيفي في اي جامعة بالمملكة بس اهم شي انها تدرس نفس المادة بنفس عدد الساعات اللي تدرسها جامعتنا عشان يسوون لها معادلة وافضل اسئلي شؤون الطالبات يمكن ماصاروا يقبلون هالشي وموفقات |
| All times are GMT +3. الوقت الآن حسب توقيت السعودية: 11:23 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام