|
جميلاتي المتخصصات.. اطلب منكم المساعده
بسم الله الرحمن الرحيم
أهلين بالجميلات نورتو الموضوع.. يلا بدخل بالموضوع أنا طالبه تحضيري:biggrin: وان شاالله كم أسبوع بتخصص مع باقي بنات دفعتي .. اطلب منكم تساعدونا في اختيار الدكتورات والدكاتره.. معليش لاحد يقول انه في موضوع عن استفسارات عن الدكاتره وشوفيه لانه مررا حوسه وطويل.. حايسين التحضيري مع المتخصصات . الحين راح أحط جداول اللي بيتخصصون حق كلية العلوم.. يلا على بركة الله نبدأ : * الفيزياء:42: فيزياء عامه (2) تفاضل وتكامل(1) كيمياء عامه(2) انجليزي عامه العقيدة والأخلاق * الكيمياء:16.jpg: العقيدة والأخلاق كيمياء عامة (2) كيمياء عضويه(1) انجليزي عامه تفاضل وتكامل(1) * الأحياء :g2: العقيدة والأخلاق انجليزي عامه مقدمه في الإحصاء علم اللافقاريات علم الخلية أساسيات علم البيئة * الرياضيات:(269): فيزياء عامه(2) تفاضل وتكامل (1) انجليزي عامه المنطق وطرق الإثبات نظرية المجموعات العقيدة والأخلاق وكذا خلصت من الجداول.. طبعا اغلب المواد في التخصصات مكررره . بس مو مشكله اهم شي البنات يعرفون جدولهم وانتو يالمتخصصات تتساعدونا. هع باقي شي ابغاه منكم مادة الرياضيات علموني وش افضل دكتور لاني كنت مع نوره الهاجري وكان شرحها اغلبه غلط وسحبت الماده . وعسى ربي يفتح وينور طريق كل بنت ترد على موضوعي أو تستفيد من الموضوع. |
رد: جميلاتي المتخصصات.. اطلب منكم المساعده
هلا حبيبتي
انا بقولك ع دكاترة الكيمياء لانه تخصصي بس قبلها بالنسبه للرياضيات اخذته مع دكتوره سمية الهاجري واشوف انها كويسه من ناحية الشرح والتعاون وفي ايضا فاطمة الرواجح يمدحوها بالنسبة للكيمياء العضوية اخذتها مع دكتوره مشيره وهي تمام كنا نعتمد على اللي نكتبه وراها بس ولو نزلت مع دكتوره منصوره جميله وتعجبني كيمياء عامه كانت نازله مع دكتوره منصوره ودكتوره احلام اخذتها مع دكتوره احلام لان شعب دكتوره مشيره قفلت لكن دكتوره احلام حلوه يمكن شرحها شوي مو مرتب بس تساعد التفاضل لو نزل مع فاطمة الرواجح ينصحون فيها الانجلش كان مع استاذه هيا الدوسري كانت مره جميله واساعد واللي تحله معك يجي نفس بالنهائي بس للاسف راحت واتوقع الحين الدكاتره هنود وباكستانيات اللي يدرسوا اخر شيء العقيدة انصحك بدكتوره ابتهاج بالتوفيق يارب |
رد: جميلاتي المتخصصات.. اطلب منكم المساعده
مقدمه في الإحصاء
الدكتور رامي ممتاز |
رد: جميلاتي المتخصصات.. اطلب منكم المساعده
:verycute: مشكورين .. بميزان حسناتكم يارب
|
رد: جميلاتي المتخصصات.. اطلب منكم المساعده
الحلوين اللي يدخلون على الموضوع .. شاركونا .. مرره محتاجه أنا وصديقاتي التحضيري نعرف عن الدكاتره.. فشاركونا وساعدونا قبل ما نخلص الترم الأول :)
|
رد: جميلاتي المتخصصات.. اطلب منكم المساعده
دكتورة منصوووورة توب ماشالله أنصحكم فيها للعضوية 1و2 أنا حبيت العضوية بسببها
وسمعت إنو مريم الدوسري مرة كويسه بالرياضيات وتساعد ... عَ فكرة دايما البنات يفضلو الدكاترة ع الدكتورات وأنا أشوف إذا واجهتك ماده يدروسها دكتور ودكتورة أختاري الدكتورة أحسن عشان تقدري تفهمي وتقدري تناقشيها وإذا حابه تكوني مع دكتور أفضل إنك تختاري المحاضرات تكون مرئي لأنه بمحاضرة الشبكات راح تضيعي كثيييير وبس الله يوفقكم ويسهل عليكم |
رد: جميلاتي المتخصصات.. اطلب منكم المساعده
انا راح اتكلم عن الاحياء بما انه تخصصي
العقيدة والأخلاق >> معروفين هم ثلاث دكاترة جهاد,ابتهاج, ابتسام >>صراحه كلهم حلويينن وماراح تتعذبين انجليزي عامه > نصيحححححححه نصيححححححه اذا كان القروب الدكاترة سميرة الهي وخديجه الانصاري وياسمين حداد لاتاخخخخخخخخخخخخخخخخخذون عندهم واذا غيرهم خوذو بس نصيححححه لوجه الله لاتخاطرون مقدمه في الإحصاء > معروف حبيب الكل راممي علم اللافقاريات > انا اخذتها عند الدكتورة امال اككبر هالانسانه اتعب وانا اقول دكتورة بجداره درست معها وهي كأنها اختنا الكبيرة ولا أمنا تخاف علينا بشكل كككبير تحس فينا وبمعاناتنا تشرح بطريقه ماشاء الله تخليك تطلعين وانتي مستانسه وفاهمه من اسلوبها تشرح بطريقه سلسه وبسيطه بعيده عن تعقيد اللي بتفوتها بتندم ككككثير علم الخلية > اخذته انا عند هند الزهراني حليوة بس مو مرة أساسيات علم البيئة > محمد حمود بدون نقـــــــــــــــــــــــــــــآش |
رد: جميلاتي المتخصصات.. اطلب منكم المساعده
شكرًا يا جميلات :43:
|
رد: جميلاتي المتخصصات.. اطلب منكم المساعده
متى نحدد التخصص اي يوم ؟؟
|
رد: جميلاتي المتخصصات.. اطلب منكم المساعده
فيزيا ابتسام النعيم ويمدحـون حسني
مـواد الدين ابتسام الكيميا منصورة و مشيرة الاحصاء رامي الاحياء عندك ابتسام الضويان وفـوزية الشمري كذا عايلتها اذا مانسيت موفقين هيا بالنسبة لسؤالك اخر يوم لكم بالاختبارات بيعطونكم ورقة شارحين فيها طريقة تسجيل المـواد وتاريخ بداية تسجيل المـواد ونهايته وتاريخ تسجيل رغبات التخصص عاد ان شاء الله ما يحطـونكم بتخصص ما تبـونه مثل اللي صار لي انا وكم بنت :biggrin: |
رد: جميلاتي المتخصصات.. اطلب منكم المساعده
* الأحياء
العقيدة والأخلاق >>> ماخذتها للحين انجليزي عامه >>> عارفه (باكستانيه ) مانصحك فيها إلا إذا كنتي توب بالانقلش مقدمه في الإحصاء >>> راااامي علم اللافقاريات >>> سعاد الصقعبي بس اتوقع انها نقلت علم الخلية >>> هند الزهراني , تعطي درجات بالهبل واسئلتها حلوه أساسيات علم البيئة >>> وفاء التيسان كمان حلوة |
رد: جميلاتي المتخصصات.. اطلب منكم المساعده
علم الخليه مع رمضان جميل ويساعد واخر محاضره يعطيكم اسأله اغلبها تجي في الاختبار
الانقلش اذا غيرو قروب الهنديات والباكستانيات خذوه اواذا ماغيروهم لاتاخذونه حفظا على صحتكم لانهم يجيبون المرض بقوووووووووووووووووووووووووه مع اني شاطره بالانقلش بس نصيحه الاتاخذون الماده معاهم مع ان الماده سهللللللللللله بس الله يهديهم الدكاتره الكويسين عندنا بالاحياء فوزيه الشمري وهاله طنطاوي وعفاف السالم وامال اكبر وفي بعد بس نسيت الكيمياء خذوها مع منصوره رووووووعه |
رد: جميلاتي المتخصصات.. اطلب منكم المساعده
بنا ان تخصصي احياء راح اجاوبج عن المواد ..
عقيدة و اخلاق اخذتها في آداب بس يمدحون د.ابتهاج انجليزي عام عند سميرة و هي باكستانية اتوقع و كان شي جميل و سهل جداً بس عيبها انها ما تساعد الا اذا كنتي توب في الانقلش لا فقاريات عند د.سعاد الصقعبي بس نقلت علم خليه عند د. هند الزهراني تعطيج درجاتج و زياده و ماتحب الكلام الزايد علم بيئة عند د. وفاء التيسان تهبل و اسئلتها سهله و تضمنين النجاح ان شاءالله و بس .. بالتوفيق :106: |
رد: جميلاتي المتخصصات.. اطلب منكم المساعده
مشكوووورين:53:
|
رد: جميلاتي المتخصصات.. اطلب منكم المساعده
بنات التحضيري .. اللي تعرف بنات متخصصين وسألت عن الدكاتره تقول.. بالذات حقين الفيزياء
|
رد: جميلاتي المتخصصات.. اطلب منكم المساعده
طيب وتخصص الماث ماحد تكلم عنه :004:...
|
رد: جميلاتي المتخصصات.. اطلب منكم المساعده
السلام عليكم ..
انا رياضيات والحمدلله أغلب الدكاترة جربتهم بس المشكلة ان انتو مالكم خيار في الدكاترة يعني عالأغلب يكون دكتورة وحدة تدرس المادة أو دكتورتين بالكثير ولكن رح أقولكم تجربتي في المستوى الثاني المنطق وطرق الأثبات والمجموعات درستها عند الدكتور كريم للأسف ماكنا نفهم عليه لأنه تونسي ولهجته مو مفهومة بس اسئلته سهلة تفاضل 1 كانت مع د.منيرة الهاجري ماأنصحكم فيها ولكن بشكل عام المواد جميلة هاذي كانت مواد التخصص واذا عندكم أي استفسار انا موجودة موفقات عزيزاتي وأن شاء الله كل وحدة تتخصص في اللي فيه خير لها |
رد: جميلاتي المتخصصات.. اطلب منكم المساعده
كيمياء عضوية - منصورة :004::004::004::004::004:خليه - محمد حمودة علم بيئة واساسيات علم بيئة و مملكة نباتيه - محيي او حمود رياضيات عامة - دكتورة نهى الملى ( ذوق واهم شي عندها المشاركة والتفاعل اكثر من درجة الاختبار نفسه) بس مو معناته ماتشدين حيلك تطمحين بدرجات اعلى الانجليزي عام - اخدتها من ياسمين صراحة طلعت عيونا على النقطة تحاسبنا والحرف مافيه تساهل ولا مراعاة ولا مساعدة ومايمدحون بعد الدكتورات االباكستانيات دكتور بيومي حق الأحياء مانصحك فيه بعد لانه كله يجيب كلام دش ويضيف اشياء مالها داعي بالماحظرات الشعب الأخرى ماتاخده اخدت كيمياء عامة عن فاطمة الزهراني ...مانصحك فيه الحاسب خديه عند نشأت والباقي خليها على الله لان هذولا من افضل الدكاترة وكل المواد سهله مع المداكرة والجد وماعليك من البنات الي يخرعون المسكينات ويقولون الاختبار صعب والمادة اصعب اغلبهم مايادكرون وصراحة ماعرف شنو المطلوب يبون؟؟ بالتوفيــــــــــــق وشدي حيلك مو بس نجاح لن درجات الجامعة مو زي الثانوي, لان بتبقى معك لين تتخرجي |
رد: جميلاتي المتخصصات.. اطلب منكم المساعده
طيب والفيزياء :confused:
|
رد: جميلاتي المتخصصات.. اطلب منكم المساعده
فيزياء عـامه 2 اخذته مع دكتـوره السنه اللي راحت أسمه أميـره مرره تجنن اظن مصرية
ومعه كانت تدرس الدكتوره منيره المصعيري كويسه ذي الدكتوره بس ماتتكلم عربي كل شيء بالانجليزي يعني شوي تعقد السالفه المعمل للفيزياء اخذته مع المعيده نوره القحطاني اذا موجوده بالجدووول لاتفـوتك مرررره تجننن وعسل وتساعد كيمياء 2 اخذته مع احلام العـرفج شرحه حـلٓو تفـاضل 1 هالسنة مـوجـوووود الدكتـور أسامه عبدالحمـيد اذا موجـود بالجـدول لايفــوتـك أحسن دكٌتور مر علي بقسم الفيزياء حسنـي ابددددا ما انصحك فيه |
رد: جميلاتي المتخصصات.. اطلب منكم المساعده
مشكوره
|
رد: جميلاتي المتخصصات.. اطلب منكم المساعده
بنات متي تنزل الدرجات عشان نسجل ..
|
رد: جميلاتي المتخصصات.. اطلب منكم المساعده
فيزياء مانصحكم تاخذون عند ابتسام النعيم ,صدق انها تساعد بالدرجات لكن شرحها مو مرا كانها تسولف .. |
رد: جميلاتي المتخصصات.. اطلب منكم المساعده
.. الحلوه اللي تعرف متي نسجل الجداول ونختار التخصص او تعرف انه في اليوم ذا فتح التسجيل تقول..
|
رد: جميلاتي المتخصصات.. اطلب منكم المساعده
راح يعطونكم ورقة باخر يوم اختبار لكم توضح الاشياء ذي
+ بيعلنون هنا مـوفقات |
رد: جميلاتي المتخصصات.. اطلب منكم المساعده
الاربعاء القادم بإذن الله تنفتح التخصصات ^^
|
| All times are GMT +3. الوقت الآن حسب توقيت السعودية: 07:16 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام