|
استفسار يابنات الفيزيا فزززززعتكم
السلام عليكم
بنات الفيزيا بليييز ساعدوني :12: انا خصصوني فيزيا وانا ما ابيه وقالوا لي ان ما اقدر احول الحين الزبدة ابي اسالكم كيف الفيزيا معكم ؟ وهل فيكم وحدة مثلي خصصوها غصب ومشت فيه ؟ وكم مادة رياضيات عندكم ؟ وكم تفاضل ؟ :39: انا الحمد لله راح اتقبله واجتهد فيه اذا لقيته سهل وكذا انتووو وش رايكم ؟ + كيف الدكاترة بالفيزيا وتعاونهم ؟ وهل الفيزيا فيه كلام والا بس مسائل وكذا؟ بليييز جاوبوني بسررررعة متوتررة كثير :22::9: يقولون صعب وما اقدر اكمل ومدري ايش فقلت اسالكم يا صاحبات التجربة وكلي امل فيكم يابنات :1: وبليز ابغى خطة القسم عشان اطلع عليها وكذا ؟ وخبروني بالدكاترة الكويسين عشان اخذ فكرة مرة محتاااسة وخايفة :12::40: الله يجزاكم خير ويوفقكم :1: |
رد: استفسار يابنات الفيزيا فزززززعتكم
انا زيك الله ياخذهم ان شالله :( استغفر الله
وللاسف مانزلو هالترم مواد الا قليل اقصد مواد التخصص وهذي الخطه http://www.ud.edu.sa/cs/groups/publi...char_pdf_a.pdf |
رد: استفسار يابنات الفيزيا فزززززعتكم
1 مرفق
انا نفسك خصصوني فيزياء فقلت اجرب اخذت كيمياء عامة 2 مع الدكتوره احلام العرفج /شرحها حلو ومتعاونه مع الطالبات واسئلتها سهله /كانت الماده يعني بالبداية كانت سهله ولما نتعمق تصير صعبه بس الحمدالله نجحت بالماده
اخذت فيزياء عامة 2 مع الدكتوره.منيره شرحها كله كان بالانقلش كانت متعاونه معنا بس عصبببببيه بس الحمد الله عديت هالماده بنسبه للتفاضل مافكرت اخذه ابداا لانه يقولون صععععب وانا اساسا ناويه احول بس لازم اجييب معدل والله يسسر بس هذا اللي صار معي وهذي المعلومات اللي اعرفهاا فحبيت افيدك:42: الله يوفقك وويسسر امرك ياارب :1: |
رد: استفسار يابنات الفيزيا فزززززعتكم
وعليكم السلام ورحمة الله وبركاته
أولا أبارك لكم القبول وإن شاء الله خيرة يا رب :1::1: عموما شدوا حيلكم قد ماتقدرون سواء حولتوا أو بقيتوا في القسم والله يوفقكم يمكن ما أفيدكم كثير بحكم اني خطة قديمة ومتخرجة والمواد تتغير وحتى الدكاترة والمعيدات فيه جدد بس بشكل عام صعوبة المادة وسهولتها تعتمد على محتواها وعلى اللي ماسكها وعلى اللي يدرسها الناس أذواق وغير كذا المذاكرة الجدية تأثر بعد والدكاترة متفاوتين فيهم الزين وفيهم العكس بس غالبية اللي جربتهم زينين حتى لو فيه سلبية بسيطة ماشي الحال لو حابين تسألون عن أحد أو مادة معينة يمكن أفيدكم لو عندي معلومة وموضوع رحتلنا عارفة اني ما أدري كم مرة نشرته بس لأنه من مجهود بعض طالبات ودكتورات القسم وما اخذ حقه في الإعلان في الكلية وحابة إن الكل يستفيد منه لأن شامل الفيزياء من جميع النواحي :29: http://www.ckfu.org/vb/t425000.html |
رد: استفسار يابنات الفيزيا فزززززعتكم
الفيزياء تخصص جميل ورائع والحمدالله مرتاحه فيه بالنسبه للسهولهدوصعوبه ما اتكلم فيها لان هذه بالمذاكره اول باول والجديه كلش بيصر سهل وارك وهذه لكل المواد والفيزياء شبه رياضيات يعني فيزياء ونص رياضيات طبعا كلهم حلوين حمواد تخصص والله يوفق الجميع بس لاتنسون توكلوا على الله والجد والاجتهاد والمثابره صدقيني بتكونين مرتاحه. معدين
|
رد: استفسار يابنات الفيزيا فزززززعتكم
شكرا لكم
بس يابنات انا مو راغبة فيه وبنفس الوقت خاايفة لانه دسم وكذا مدري ايش اسووي :12: |
رد: استفسار يابنات الفيزيا فزززززعتكم
احلاااا :17:في احد يكرة نيوتن وتفاحتة ! في احد يكرة الجاذبية في احد يكره علم الفلك:11:
بصراحة بصراحه والصراحة راحة الفيزياء حلو بس يخرب عليه مواد الرياضيات اكثر من مواد التخصص نفسه المواد بالخطة الجديدة اسهل بكثير من الخطة القديمة ولكن فيه صعوبة من مواد الرياضيات ويبيله مذاكرة اول بأول بس بشكل عام معيدات ودكاترة القسم حبوبات خفيفات دم بالتوفيق ياحلوات:16: |
رد: استفسار يابنات الفيزيا فزززززعتكم
الانتظار اذا انتي تحسين انك بتحوسين بالقسم فانا انصحك تاخذي مواد معينه مثلا بعدي عن التفاضل اخذي مواد دين و كيميا عامة و مواد عامة و شدي حيلك عشان تقدرين تحولين الحين لا تفكرين ابد في كلام البنات الي سمعتيه عندك الخطة فوق وابدي بسم الله و اختاري المواد السهلات :16:
|
رد: استفسار يابنات الفيزيا فزززززعتكم
مب شرط كلهم عادي حت لو تدرسين 4 مواد و ظامنه انه بيرتفع معدلك اعلى من 3 ونص عشان يمديك تحولين للقسم الي تبينه
|
رد: استفسار يابنات الفيزيا فزززززعتكم
وعليكم السلآم ورحمة الله وبركاته , مبروك التخصص حتى لو ماكان مثل رغبتك , لعله خير لك :16: والله يكتب لك الي فيه الخير بإي تخصص كان , الفيزياء ماهو صعب , وبشكل عام كل تخصص وله صعوباته , اسوأ شي بتخصص الفيزياء مواد الرياضيات نفسها لانه تقدمك بالمستوى يعتمد على اغلبها , وندرس من مواد الرياضيات ( تفاضل 1 - تفاضل2 - تفاضل3 - فيزياء رياضيه1 - فيزياءرياضيه2 - ميكانيكا كلاسيكه ... ) تقريبا هذولي او اذا فيه بعد ماني متأكده :42: طبعا انا ماكانت رغبتي فيزياء بس الحمدلله على كل حال عن نفسي تقبلته وحبيته بعد :1: والدكاترة بطبيعة الحال في كل قسم فيهم الشين والزين , وفيه دكاترة بقسمنا ماشاءالله مثل ( امل العتيبي - منيرة المصيريعي - حسني زهر الدين .. ) > من افضل الدكاتره بالنسبه لي , وفيه كثير دكاتره يمدحونهم البنات , والفيزياء مو كله مسائل فيه بعض المواد ماراح تكون الاسئله عليها الا مسائل وبعضها متنوع , ولاتهمتي بكلام احد .. خلك بينك وبين نفسك وشوفي انتي وش تبين , ولاتتخوفين من كلام احد , وحلو انك سألتي الي متخصصين فيزياء وجربوا الصعب والسهل فيه وان شاءالله موفقه :16: وأي سؤال حاضرين :16: |
رد: استفسار يابنات الفيزيا فزززززعتكم
الفيززياء اغلبه رياضيات فاللي ماتحب ماث او تهرب منه بنظري ماينفع هذا شيء مع الفيزيا وبالتالي ماراح ترتاح ومت ثم تبدع والله يوفقنا واياكم لأعلى درجات دنيا والآخره
|
رد: استفسار يابنات الفيزيا فزززززعتكم
اقتباس:
اقتباس:
اقتباس:
اقتباس:
اقتباس:
اقتباس:
واكره شي فالقسم انه كله متطلبآآآآت يعني لازم تحاولين قد م تقدرين م تحملين ولاماده عشان تمشين فيه .. وهذي النقطه اللي خلتني اكره القسم واحول لكليه التربيه قسم الفيزيا :8: اقتباس:
وربي يوفقج :16::37: |
| All times are GMT +3. الوقت الآن حسب توقيت السعودية: 08:40 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه