|
نداء لبنات كليه العلوم المتخصصات
السلآم عليكم
بنــات بما أن تسجل الجامعات فتح ,مبدئيـآ أنا بسجل بكليه العلوم بس بما أن عندي فرصه أختار كليه قلت أسأل البنات اللي درسوآ أبي أعرف وضعكم في الجامعه دراستكم مسليه ولا تجيب المغص؟ , مسهلين عليكم ولا مصعبين ؟ ووش أسهل قسم وأصعبهم ؟ وأي ملاحظات أو أشياء لسه مو حاطه ببالي قسم معين عشان كذا أبي تجاربكم وآرائكم :36: وبسسس شكرآ |
رد: نداء لبنات كليه العلوم المتخصصات
22 مشاهدة وولا رد :12::24:
|
رد: نداء لبنات كليه العلوم المتخصصات
اهلين حبيبتي قلوريز :1::1:
حياك الله انا تخصصي احياء وتوني مستوى ثالث بس حبيت اقولكم من الترم اللي شفته بالاحياء وسمعت عنه من بنات اكبر مني وبنات تخرجو جدا قسم ممتع و مريححح بالمحاضرات وكل شي بس شوي ضغط بالاختبارات بس لو انتي بتذاكرين اول باول يصير اسهل عليك اكيد وحتى معاملنا جميله وممتعه جدا :11: يعني لو انتي تحبين الحفظ بتمشين فيه بالراحه ومعدل زين ان شاء الله :1: و طبعا فيه ترم تحضيري بتدرسين فيه كل المواد وشوفي وش اقرب شي ل ميولك والله يوفقك ويكتب لك اللي فيه الخير :1: واكيد البنات بيفيدونك من تجاربهم ان شاء الله :1: |
رد: نداء لبنات كليه العلوم المتخصصات
مرحبا ياحلووه .
انا تخصصي كيمياء , اهي الدراسه تختلف من ماده لماده فيه سهلين وفيه صعبين ومختلط مابين الحفظ والفهم ونفس الشي معاملة الدكاتره بس ان شاء الله ماتصادفين احد شين خخخخ بس قسمنا اللي يحلييه المعامل جدا ممتعه وترفع الدرجات تقريبا تضمنين درجة المعمل بسهووله .. واتمنى لك التوفييق يارب ..:16: |
رد: نداء لبنات كليه العلوم المتخصصات
وآنآ كيميآء :$ كليتنا كـ مبنى جميله وواسعه وبارده ونظيفه وكـ دراسه المواد فيها الشين وفيها الزين , وكل ماصرتي تمشين مع خطتهم كل ماتسهلت اموركك , ويبيلها متابعه اول باول وكـ دكاترهه برضو فيهم الشين وفيهم الزين , قسمي اغلبهم جديين بالمحاضرات وفيهم ذمه ولله الحمد معيداتنا عسسل عسسل كل معيده تحببك بالمعمل وودرجاتهم بسهولة تقدرين تاخذينها وذا الشئ مره يرفع وكـ نظام اداري صراحتن زباله وانتي بكرامه , يعني لو تمشي امورك بالنظام الالكتروني تمام وماتحتاجين تروحين للموظفات تكونين محظوظه وماراح تكرهين الكليه منهم وكـ طالبات ماشاء الله اغلب الشعب يعاونون بعض * ان شاء الله ماطولت ويارب تفهمين علي * استخيري وربي يكتب لك ولنا اللي فيه خير .. |
رد: نداء لبنات كليه العلوم المتخصصات
بصراحه مافي قسم سهل ... انتي حدد رغبتك من الحين رياضيات ، كمياء ، احياء ، فزيا ء
و نظام الجامعه يختلف عن الثنويه ... يعني توكلي على الله و اختاري التخصص الي تحبينه و تبدعين فيه انا احياء ، القسسم حلووو و فيه دكاتره راائعين بمعنى الكلمه يسسسسهلوون علييك و اسسلوبهم حلوو ً و في دكاتره الله المسستعاان " يعني فيه الزين و فيه الشيين " نظام كليتناا الحبيبه عندنا في كل الاقسام عملي و نظري ما عدا رياضيات ً " النظري 60+ العملي 30 =100" طبعا" المعمل يسسساعد كثيييييييييييييييييرر و تقدرين تجيبين فيه كاامل اما النظري يعتمد عليك و على الدكتوره و اهم شي اسسستخيري قبل ماا تسسجليين الرغباتت و مووووفقه :16: |
رد: نداء لبنات كليه العلوم المتخصصات
ششششكرا كلامكم رفع معنوياتي كنت قلقانه لان ما أعرف عنها شي وكل آلي سمعه ذم :1::1:
أنا محتاره بين الكيمياء والأحياء أنا أحب الأحياء وأحفظ بسرعه بس مشكلتي ما أميل للحفظ لاني أفهم أسرع والكيمياء أحبه لكن أكره المعادلات عقدتي بالثانوي المعادلات :10: بس يارب يقبلوني فيها وأشوف المواد من التحضيري وإن شاء الله أرتاح لوحده منهم :1: وششششكرا مره ثانيه :1::1: |
رد: نداء لبنات كليه العلوم المتخصصات
انا عن نفسي فيزيا ومو معجبني بس الحمدلله ادرس ولا اجلس بدون دراسة
انتي اذا معدلك حلو وممكن تنقبلين باي مكان افضل ف قدمي فيه فيها الشين و فيها الزين نفس ماقالولك البنات بس لاتنسي انها علوم يعني مواد علمية مكثفة مو نفس التربية انا جربت التربية كان اسهل بكثير والحمد لله اول سنة ماحملت الا مادة من ترمين وبس حولت للعلوم تندمت طبعا مو جايه احطمك بس اذا تحسين لك مستقبل بكليات افضل فالاولى تقدمي عليهم |
رد: نداء لبنات كليه العلوم المتخصصات
*, في البداية بسم الله الرحمن الرحيم شوفي والله اذا رغبتك علوم فانا اقول لك وصلتي خير بس اذا رغبتك شيء ثاني فانا ما انصح ابداً يعني لا تضيعين عمرك بشيء ما تحبينه بالنسبة للدراسة زي ما قالوا البنات كدكاترة فيه الزين والشين و التخصصات نفس الشيء بس في النهاية كل شيء يعتمد عليك على اجتهادك و تعبك و توفيق رب العالمين فوق كل شيء طبعاً جامعتنا كمبنى موذاك الزود صراحةً لكن في تطورات كثير خصوصاً بالسنة الماضية أهم شيء نفسيتك تكون كويسة و تكونين مستعدة للحياة الجامعية :33: و تحافظين على حماسك :34: و الله يوفقك يا رب :16: |
رد: نداء لبنات كليه العلوم المتخصصات
والله يا اختي انا انصحك تشوفين مكان ثاني افضل
لان الكلية ذي مساوئها اكثر من ايجابياتها وعادي ترى يظلموونك ويخلونك تحملين مواد وان كنتي تذاكري وكذا عشان كذا قد ماتقدري ابتعدي موفقة :16: |
رد: نداء لبنات كليه العلوم المتخصصات
اهلا فيك ي عسل
البنات كفوو وفوو نصيحه لاتسمعين راي احد ادخلي الي تبينه انتي باقتناع تام تام عشان مهما كان القسم الي تبينه صعب بيسهل عليك كثير لانك تحبينه ودخلتيه من رغبتك حددي انتي ايش تبين مسار صحي او مسار علمي او تربوي الخ الخ شوفي ايش الاكثر الي تحبينه وترتاحين له والي له مستقبل ونصيحه لاتدخلين ع راي احد واستخيري اكثر من مره وتوكلي ع ربي والله يوفقك :16: طمنينا بعدين :43: |
| All times are GMT +3. الوقت الآن حسب توقيت السعودية: 11:47 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه