|
من يضمن لنا حقوقنا ؟!!
السلام عليكم
بنات ماتلاحظووووون ان اسئلة الاختبارات مرررة صعبببة ويجيبون خارجي كثير الى متتتى يعني ؟ نتعب ونذاكر ووبعدين نحمل المواد على ايش ذا كله ؟ اليوم مثلا الانجليزي العلممي وربي مدري شقول حسبي الله عليهم بس ليه كذا !! ليييه نتعلم ونذاكر شي ويجيبوون شي مختلف !! يتعمدوون ينقصونا ترررى والنهاية طيب ؟ مين يضمن لنا حقوقنا جالسين نحمل مواد بدون وجه حق والله حرام معليش بنات لو سمحتووا اللي بتجي تقولي ان الاسئلة سهلة وانا ماذاكرت و... لا تررد احسن :29: + كلامي هذا مجرد فضفضة لان ادري محد حوولي بس والله ان نعاني بدوون حل ! :24::22: |
رد: من يضمن لنا حقوقنا ؟!!
أنا مؤيده لكلامك إلى متى ؟؟؟؟؟
نشتكي ويقولون اكتبوا في ورق وما نشوف شئ :39: |
رد: من يضمن لنا حقوقنا ؟!!
مجرد يأخذون الشكاوى ويرمونها بس كلام فاضي
|
رد: من يضمن لنا حقوقنا ؟!!
والله احس اني بفقد اعصابي عاللي يصير شي مو طبيعي :24:
المشكلة يا اختي ان البنات موب متعاونات ما يبون التغيير يخافون يمكن اللي يقلون عنهم مسؤولات جن مو بشر مثلنا !! استغفر الله بس الله يعين |
رد: من يضمن لنا حقوقنا ؟!!
صحيييييييييح
اختباااار الانجلش الميد تيرم والنهاائي خاارجي خير ايش الغبااء هذا والكلمات اللي درسناها ولا كلمه جت في الاختبار غير انو في قااعده ماانشرحت والقطعه الخاارجيه لحالها <صح انو على كيفهم يجيبونها خاارجيه>بس مووو قطعه هذي صاارت رواايه ضاع ووقتنا وحنا ندور فيها حسبي عليهم الله لايوفقهم بناات ترا لازم نشتكي عشان يشوفون لهم حل:12::12: |
رد: من يضمن لنا حقوقنا ؟!!
اي والله )":
جايبين لنا هنديات مانعرف نتفاهم معهم )": نروح ل د.نهى مرا متعاونه .. نحمل ماده عامه قههههر )": |
رد: من يضمن لنا حقوقنا ؟!!
تدرون يابنات مع أن مالي دخل لأني مااخدت انجليزي علمي
مارضيت المادة تتسجل لكن درست انجليزي عام بالحفر و بما أني مترجمة صديقتي عطتني احل ورقتها الشهري تبع انجليزي عام من جد الاسئلة ماتحلها طالبة تعرف محتوى الكتاب كان فيها اشياء واجد خارجية وكلمة وتكوين جمل لتكوين الجمل محتاجين الطالبات مخزون من الكلمات وطبعا دا راح يكون صعب لانهم مايدروا وش الكلمات الي راح تجيهم ترى يابنات كدا من كليتنا الجميلة هي الي ترغمهم يحطوا الاسئلة دي وكمان حركة الموحد الغبية دي لما كنت بالحفر الانجليزي العام مااعتقد فيه بنت جابت اقل من b + ﻷن منهج الانجليزي الدكتورة الي جابته ونفسهم الي علموكم علموني في الحفر الدكتورات الهنديات وكانت القطعة داخلية وقالت لينا بجيب لكم بس ثلاث اشياء خارجية وراح تكون سهلة الامتحان كان مرة حلو مش سهل لكن معقول وبقوة الله يعينا على هل الكلية الي ماتعرف تصحح ولا فيه دكتورة تقول لينا ابغى اعلمكم الصبر ترانا تعلمناه اول ماشمينا ريحة الكلية الله يعينا |
رد: من يضمن لنا حقوقنا ؟!!
صحيح كلامكم حسبي الله ونعم الوكيل
والله شيء يقهر مادة سهلة خلوها قمة الصعوبة وغير كذا اصلا الهنديات ماعندهم اسلوب وغيير محترمات وماعندهم غير اهانات لنا حسبي الله ونعم الوكيل واحنا مش خايفين من الشكوى بس مافي أحد راح يعطينا وجه بـ يخلونا نروح ونجي من مكتب لمكتب وكلللللله على الفاضي ما في الحين ذمه وضمير كل همه نفسه بس الله مـــوجـــود رب العــبــاد ما يظلم ولا يرضى بالظلم حــســبي الله ونــعم الــوكـــيل في كل ظــالــم |
رد: من يضمن لنا حقوقنا ؟!!
السلام عليكم ورحمه الله وبركاته قبل كل شي الله بيضمن حقك (حسبنا الله ونعم الوكيل ) انا ماشرة على دكاترة اشره الي اسمحت لدكاترة اجانب يعطونا المادة ويعاملونا على اساس احنى متمكنين منه وهي اللغه السائدة عندنا ؟؟ الاسئله الي جات على مستوى عالي من فهمنا للمادة او لغه الانجليزيه هم يحسبون اننه ناخذ موادنا في اللغه الانجليزيه ؟؟ مايدرون كله عربي انا اعتب علي مسكت اجانب هذا المادة وعلى المراجع الي اقدر اخذها في معهد الدكاترة ماشفنا منهم اي تعاون بالاسئله الله يوفقنا ويسهل علينا ماتبقى ((حسبنا الله ونعم الوكيل )) حسبنا الله ونعم الوكيل حسبنا الله ونعم الوكيل :16: |
رد: من يضمن لنا حقوقنا ؟!!
المشكله مش في اجانب او مش اجانب المشكله في تعااملهم معانا وانظمتهم الفاشله :24:
|
رد: من يضمن لنا حقوقنا ؟!!
ونعم بالله لكن نبيهم يحسسووووون على دمهم شوي والله حرام كل يوم اختبر ويطلع الاختبار اصعب من
اللي قبله ّ!! والله ما ناقص الا يكتبون من فوق الورقة اتحداكم تحلوون لمتى الوضع ذا |
رد: من يضمن لنا حقوقنا ؟!!
لو الموضوع وصل لقسم الرجال بيتصرفون هم لان كذا شيء صار قبل ولما اشتكوا لقسم الرجال
حل لهم السالفه لكن عندنا لو تلاحقين بكل مكان ما راح نستفيد شيء |
رد: من يضمن لنا حقوقنا ؟!!
يااحليلهم السعوديات السنه اللي راحت والله اخذتaبلس
الله يعين بس اذا سكتنا بيااكلون حقووقنا زيااده بالنسبه لي انا بروح السبت واللي بروح معي حياه الله على السااعه9 |
رد: من يضمن لنا حقوقنا ؟!!
اقتباس:
وين بتروحين ؟ |
رد: من يضمن لنا حقوقنا ؟!!
لدكتوره نها او العميده
|
رد: من يضمن لنا حقوقنا ؟!!
:23:
:12::12::12::12::12: |
رد: من يضمن لنا حقوقنا ؟!!
وكيف قسم الرجال يعني بشكوى اولياء الامور؟ ووين يصير القسم بالظبط ؟
والله اتمننننى تنتهي معاناتنا امون حاولي ماتروحين بروحك لان المفرووض نتعاون كلنا صراحة اما لو شافوك لوحدك ياجبل ما يهزك ريح :40: اذا قسم الرجال مثل ما قالت رفيف فاتمنى تكون الشكوى عندهم |
رد: من يضمن لنا حقوقنا ؟!!
رحنا بعد الامتحان ولا فاد قالوا طيب وخير ان شاء الله ولا صار شيء اللي تقدر تروح قسم الرجال افضل
|
رد: من يضمن لنا حقوقنا ؟!!
والله من دخلنا هالكليه وحقوقنا ضاايعه
لا رئيسة قسم نافعتنا ولا دكتورات متعاونات يعني مثلاا الاطياف ي بنات الخطه الجديده شفتو الاسئله كيف كانت السبت والله تعجيزيه وندري لو نتكلم ماراح يعطونا وجه لكن ربي ع الظالم والله ينصرنا عليهم * اللي بتجي تقول الاطياف سهل وانو الطالبات مايذاكرون بالله لاترد تحتفظ بالرد لنفسها :30: مااقول الا حسبي الله ونعم الوكيل وكليتنا للاسف من جرف لدحديره وي قلب لاتحزن :9: |
رد: من يضمن لنا حقوقنا ؟!!
ايوه انا ابي نتجمع ونروح بلييييز خلنا نحااول
عاارفه البنات كلمووهم بس الاختبار صارلهيومين بنشووف ايش سوا مو نشتكي ونسكت حتى الميد تيرم ايش الحل الغبي هذا انو يخلونه من٤٥ والاختبار النهائي ٥٥ مع احتراامي حل غبييي جداا لا والختباار النهاائي لااااتعليق:5::5: شر البلية مايضحك |
رد: من يضمن لنا حقوقنا ؟!!
فعلا الهنديات ذول لازم يشوفون لنا حل اشياء موب عندنا ليه جايبينها لنا مثل ما قالتي
ايش القطعة ذي والله تعببببت وانا اطلع الاجوبة طووويلة والوقت ما يكفي انا راح احمل المادة اذا ما لقوا لنا حل :30:والمشكلة يستغبون عاملين حالهم ما يعرفون عربي ايش الاستهبال ذا !! |
رد: من يضمن لنا حقوقنا ؟!!
وعليكم السلام ورحمة الله وبركاته
الله يوفقكم ويسهل كل أموركم بس عندي ملاحظة صغير اتمنى تتقبلونها مني :29: عزيزاتي الموضوع جدا جميل ونقاشكم هادف وبناء ويسعى للوصول إلى حل بس لاحظت البعض في مشاركاتهم قالوا اللي تشوف الإختبار سهل لاتدخل عزيزاتي مافيها شي لو دخلت وحدة عندها وجهة نظر مخالفة لكم بالعكس يعني شوفوا ايش اللي خلاه يكون سهل بالنسبة لها عشان تستفيدون من تجربتها وهالشي أبدا ماراح يأثر عليكم اذا كنتوا بتشتكون لأن اساسا اللي شافت الإختبار سهل مابتشتكي سواء ردت هنا او ماردت :29: وكانت مجرد نصيحة من أختكم الكبيرة قبل لايكون المبدأ اللي يقوم عليه المنتدى المفتوح للجميع :29: وبالتوفيق للجميع :1::1::1::1: |
رد: من يضمن لنا حقوقنا ؟!!
لا هي اللي سوت الموضوع هي اللي قالت وماعتقد انو كان قصدها شي
صحيح الموااضيع مفتووحه للجميع:21: وبالنسبه للاختبار اعتقد ٣/٤البنات قاالو صعب غير البنات اللي طلعو يبكوون:10: الله يعين وانشااء الله يساعدونا بالنسبه لي انا ماعترض على كل الاختبار اللي قااهري نفس الخطاء اللي صار في الميد تيرم رجع يتكرر ليه كيذا:22: بس الاختبار ماكان على اللي درسناه وهذا ظلم يعني بقولك البنت اللي بتقولك سهل راح تكون عندها لغه انجلش حلوه انا الحمدالله عندي بقدر اللي ماخلاني ازفت كثير بالاختبار:42: بس ولو الحق ينقاال(لييييييييييييييه خااااااااارجي) وليه في قرامر يكذبوون ويقولون انو شرحوهاا والكلماات اللي في اليونتات ولا كلمه جاتنا حسبي الله ونعم الوكيل:16: |
رد: من يضمن لنا حقوقنا ؟!!
اقتباس:
وأسأت التعبير وعدلت كلمة ردودهم إلى مشاركاتهم لأنها أشمل واساسا حتى الردود فيها رد لو رجعتي لها بس لمادة ثانية وأكيد مايقصدون شيء ومن انفعالهم قالوا كذا ، بس تعرفين الناس مالها الا الظاهر وماودنا أحد يتضايق بالنسبة للإختبار الله يعوضكم بخير منه ، وإن شاء الله إذا شافوا مستوى الأغلبية كذا ينجحونكم فيه انا معاكم دام انه خارجي او شي ما انشرح المفروض مايجيبونه ، لأن مستوى البنات في اللغة متفاوت فالمفروض يكون من المنهج وحتى لو قالوا بنقيس مستوى البنات يكفي فقرة وحدة يكون فيها تحوير من المنهج نفسه مو انها تكون خارجية ! والله يفرجها عليكم وتجون تبشرونا بنجاحكم :16::16: |
رد: من يضمن لنا حقوقنا ؟!!
الله يجزااك خيير:16:
|
رد: من يضمن لنا حقوقنا ؟!!
من جدكم الاختبار صعب !!؟
انا ما قول انه كان سهل بمعنى " مووووويه " بس ما كان مستحيل او صعب بهالصعوبه الي فهمتها منكم ! صحيح القطعه كانت اطول من اللازم والسؤال الاخير مال امه داعي ! بس بشكل عام الاختبار كان حلوو بس يبيله شوية تركيز وتوكل على الله :29: ان شاء الله محد حامل الماده اصلا ما تستاهل من يحملها ! كلكم ناجحين ان شاء الله لا تخافون :21::13: |
رد: من يضمن لنا حقوقنا ؟!!
انا مااقلت انو مستحيل صحيح القطعه طوييييله والسؤال الاخير والكلماات الخاارجيه
:23::23::23: انا اللي اعترض عليه الخطا اللي صار ليه يتكررر؟؟؟ مع انو البنات اشتكوا في الميد تيرم السؤال الاخير 5درجات والكلمات 7درجات يعني 12 درجه تروح كذا غير اذا كان عندك اخطاء ومع الميد تيرم اللي كان خارجي بعد اللي اقصده واعترض عليه المااده سهله ليه تضيع درجاتنا كيذا الانقلش دايم اجيب فيه فل مارك ماعندي صعوبه فيه بس الهندياات :9: لاااااتعليق:24: |
رد: من يضمن لنا حقوقنا ؟!!
بنات شصار ؟!
كلمتوا د.نهى؟! |
رد: من يضمن لنا حقوقنا ؟!!
أختي تقول راحوا عند د.نهى الملا بيراجعوها ع الموضوع وبالوقت نفسه شافوا الدكتوره .... عند الدكتوره نهى :14: ان شاء الله خير ويااارب يشوفون لنا حل
والنتايج انصحكم لا تنتظرونها ولاتحرقون دممكم أتوقع انها بتنزل آخر شي بسبب المشكلة:40: |
رد: من يضمن لنا حقوقنا ؟!!
يالله عساه خير يااارب .. جعل كل تأخيرة في الأمر خيرة :24:
|
رد: من يضمن لنا حقوقنا ؟!!
سؤاال؟؟
كيف بيحلون المشكله..:22: |
رد: من يضمن لنا حقوقنا ؟!!
مدري اهم شي وصلنا خبر لهم على اعتراضنا عالاسئلة ذي المفروض ينجحونا كلنا لان لو بيلاحظوا
الاسئلة اللي من المنهج جاوبناها صح بس الخارجية حدث ولا حرج يعني الخطا منهم :30: |
رد: من يضمن لنا حقوقنا ؟!!
احس اغلب ردود البنات عند .... انا الحمدالله سميرة احس مو ظالمتنا ابد واسئلة الميد ترم جت حلوة والنهائي مو صعبة واجد بس انقهرت ع :25:الوقت اللي ضيعته في المذاكرة وماجا منه شي وبعدين انا ملاحظه شي ي رب يكون لاحظتم كمان عشان ماجلس اوسوس بعمري :39: الاختبارات حق هالترم صايرة صعبه صح ... !مستحيل اني ماذاكرت زين وبعدين المقالي السؤال الواحد عليه 10 درجات ليه وش هالخبال انا اذا شفت كذا بروح اتكلم بس ابي احد معي لانه من جد 15 درجه ع 4 اسئله مثل الثقافه ليش احنا محتاجين الدرجات مايصير نسكت :40: وبعدين حبيت انوه بشغله مرة ثانيه اللي عندها مشكله مع دكتورة او ماضي سي لا تتكلم عنها بالمنتدى لما يسالون البنات عن دكتورة يبون ياخذون عنها مثلا وحدة الله يسامحها قالت انه دكتورة سميرة ترسب البنات وماتفهم واسئلتها صعبه وانا كنت مسجله عند .....ع كلام البنات اللي بالمنتدى انها كويسه والخيرة انه تقفلت كل الشعب ومافيه الا سميرة يوم الاربعاء قالت باخذها وبجربها ولو حسيت انه صعب بسحب المادة بس الحمدالله طلعت الدكتورة رهيبه وتعطينا بونص احس من .... صحباتي الحين يشتكون منها ف ماحب اطول عليكم حبيت انبه في الترم الجاي لما نسالكم عن دكاترة جاوبو بالشي الزين مو تذمون ويطلع العكس :30:
|
رد: من يضمن لنا حقوقنا ؟!!
ههههههههههههههههههههه:5:
وربي صادقه.. هذا الي قاهرني:10: |
رد: من يضمن لنا حقوقنا ؟!!
اقتباس:
هالحركة صارت معي بأكثر من مــــــــــــــــادة يذمون الي زين و يمدحون الي شين :32:وحنا الي ناكلها :20: |
رد: من يضمن لنا حقوقنا ؟!!
الله يسهل اموورناا و ان شااء الله انهاا تعدي على خييرر
|
رد: من يضمن لنا حقوقنا ؟!!
السلام عليكم و رحمة الله و بركاته
طاب صبآح/مسائكن .. أولاً . . أبدأ تعليقي بكلمة حق أود قولها بخصوص موضوع الانجليزي العلمي , من تنتقد د.خديجة فلتبحث فيمَ كان تقصيرها من أهملت تستحق النقص لأن الدكتورة كانت تعطي عدد كبير من الواجبات و نوهت بأنه من ستلتزم بإحضار جميع الواجبات فلها "بونص" مع أنها غير ملزمة بذلك إنما تعاوناً منها . . د..... رائعة و لم أرى في أسئلتها أي شيء من التعقيد ! ثانياً . . أسئلة الإمتحان النهائي لا تستدعي كل هذه " البلبلة " الغير مبررة . . من ذاكرت ستعرف الحل ! أن لا ألوم عليكن إنما المرحلة التي وصلتن لها كطالبات جامعيات تخولكن لحل هذا المستوى من الأسئلة . . لم أرى إطلاقاً أنها غريبة أو معقدة إنما كانت " في قمة السهولة " لأن أي طالبة مجدة خريجة من المرحلة الثانوية قادرة على حلها !! القطعة واضحة و أجوبة أسئلة القطعة " كوبي بيست " و الكلمات كذلك تبقى قاعدة الربط و من ثم علامات الترقيم و التي هي محور حديثنا كل محاضرة , شعرت بالأسف من كمية الأسئلة حول كلمة " Punctuate " مع أنها الكلمة التي تقال كل محاضرة مئة مرة ! فلنتعلم أن نقول الحق ولو على أنفسنا , تمنيآتي لكن بالتوفيق =) |
رد: من يضمن لنا حقوقنا ؟!!
وعليكم السلام
حبيت اعلق ع كلامك اول شيء الواجبات احنا سلمناها كامله ونقصتنا كثير ومو عارفين وين النقص ورفضت تناقشنا اصلا وتصحيحها سيء ثاني شيء تخرجنا من الثانوي زي ماتقولين لازم عندي معلومات انا درست بالثانوي مواد كثير معناها اي دكتوره تجيب في ماده اشياء ما درسناها معها وتقول هخريجات من ثانوي درستوها وهذا مو منطق انا مطالبه بمنهجي فقط وبعدين ماشفت الشرح للدكتوره اللي تقوليه عشان تصير ماقصرت ماعمرها دربتنا ع شيءوالكتاب كله واجبات ماحلت تمارين معانا واتمنى ما يضايقك كلامي .. بالتوفيق للجميع |
رد: من يضمن لنا حقوقنا ؟!!
سلام عليكم ورحمه الله وبركاته
ههههههههههههه مقدر علئ رسميه انا :13: انا اقووول الي ايدة بالماي غير عن ايدة بالنار :42: ومافي غير داود الشرياني :24: بحل المشكله اتمنئ كل وحدة بعد النتايج اما نفرح عدينها ولانعزي بعض :12: ان شاء الله ناجحين فيه اي اهم شي نعديها |
رد: من يضمن لنا حقوقنا ؟!!
السلام عليكم
اختي اسما المعاني الموضوع مفتوح للجميع سواء سلبيا او ايجابيا بس حبيت اعلق على(من ذاكرت ستعرف الحل)مافهمت هذي الجمله لاني ذااكرت وماجا اللا شي قليلل بالنسبه للقطعه الاعتراض انوو كانت طوييله وتضيع الوقت ماحد اعترض وقال صعبه الاعتراض انو الككلمات الخارجيه تعتمد على الطالبه نفسها هل عندها كم كبير من الكلمات مو مذا كرتها او انها مهمله او لا اقول مهمله لو جاها كلمات من المنهج واعترضت وقالت صعبه وانا اعيد للمره الالف الكلمات ليه خارجيه والقرمر الاخير مانشرح اساسا اخر اليونتيتا ت كانت تقرا القطعه والكلمات والباقي هو مورك البنات اللي ماخذين انجلش علمي خذو انجلش عام قبل ليه ماصار هذا االاعتراض من قبل او(البلبله) وين الخطا ؟؟لانهم غيرو الدكتورات اللي اساسا جايبينهم لنا من الخفجي والنعيريه ماحد يبيهم. وبعدين انا من بنات .... ومانقصت في اختبار الميد تيرم بس 2درجتين ودفتري كامل والواجبات اسلمهما نقصتني 6درجات بعد ماعطيتعا الدفتر ويوم اعترضنا قالت اساسا انا حاطه الدرجات قبل ماتعطوني الدفاتر غير البنات اللي نقصتهم ويوم راجعوها طلع تصحيحها في الاختبار غلط الله يعين ويوفق الجميع |
رد: من يضمن لنا حقوقنا ؟!!
اقتباس:
وعليكم السلام ورحمة الله وبركآته :1: آختي من جآب طآري الدرجآت ؟!!, ومآ آذكر قآلت آن عليهآ بونس ! .. يمكن وقتهآ كنت غآيبه مدري! وعلى سآلفة آني درست مرحله ثآنويه وآقدر آحل هآلكم من الآسئله إلي مستوآه مش نفس مستوى الجميع ! نفس مآقآلت رفيف :21::15: اقتباس:
انآ من الطالبآت إلي عندي المستوى نآزل ب الآنقلش .. وآن عرفت كلمآت كلهآ من الآفلآم يعني المستوى ضععيف .. وهي آختبرتنآ ست مية آمتحآن ولآ عرفت مستوآنآ !!!!! وش ترتجي منآ ب آمتحآنهآ .. ندخل دوره ل تعلم الكلمآت الآنجليزيه !!!! وآختم كلآمي بَ هآلرد .. اقتباس:
آتمنى للجميع التوفيق .. :1: |
رد: من يضمن لنا حقوقنا ؟!!
هالسنة عجيبه بالمره احس مب مثل السنوات الي مرت
الاسئلة صعبببببه غير كذ يطلبون باكثر من مرجع ؟؟ 3 دكاترة يحطون الاسئلة ..(((موحد))).. و يلا حلي الي تقدرين عليه ؟؟ و المشكله مايقبلون بالنقاش ؟؟ طيب ياخي انت ماشرحته !!! هالترم ابي انجح يكفي المواد الي حاملتها قبل .. يبون يطورون يبدون بنفسهم مب بالاسئلة !!! الحمدلله والشكرر |
رد: من يضمن لنا حقوقنا ؟!!
السلام عليكم و رحمة الله و بركاته
طاب صبآح/مسائكن .. أولاً . . أبدأ تعليقي بكلمة حق أود قولها بخصوص موضوع الانجليزي العلمي , من تنتقد د..... فلتبحث فيمَ كان تقصيرها من أهملت تستحق النقص لأن الدكتورة كانت تعطي عدد كبير من الواجبات و نوهت بأنه من ستلتزم بإحضار جميع الواجبات فلها "بونص" مع أنها غير ملزمة بذلك إنما تعاوناً منها . . د.خديجة رائعة و لم أرى في أسئلتها أي شيء من التعقيد ! ثانياً . . أسئلة الإمتحان النهائي لا تستدعي كل هذه " البلبلة " الغير مبررة . . من ذاكرت ستعرف الحل ! أن لا ألوم عليكن إنما المرحلة التي وصلتن لها كطالبات جامعيات تخولكن لحل هذا المستوى من الأسئلة . . لم أرى إطلاقاً أنها غريبة أو معقدة إنما كانت " في قمة السهولة " لأن أي طالبة مجدة خريجة من المرحلة الثانوية قادرة على حلها !! القطعة واضحة و أجوبة أسئلة القطعة " كوبي بيست " و الكلمات كذلك تبقى قاعدة الربط و من ثم علامات الترقيم و التي هي محور حديثنا كل محاضرة , شعرت بالأسف من كمية الأسئلة حول كلمة " Punctuate " مع أنها الكلمة التي تقال كل محاضرة مئة مرة ! فلنتعلم أن نقول الحق ولو على أنفسنا , تمنيآتي لكن بالتوفيق =) وعليكم السلام معليش الظاهر في بنات يبووني اعطيهم من كلامي الزين :29: مع اني سبق ونوهت اللي تعترض لا ترد تصدقين عاد انا اموووت عالناس المثالية واللي مسوية انها حقانية بس الحق بعيد عنها!! ياحليلك بس مدري وش تحسين به على هالكلام اللي مو صحييح ابدا !! ايوووة انا انتقد .... وما قصرت والله الشاهد والواجبات سلمتهم لها كلهم وبالعكس ما شفت بونص ما شفت الا نقصاااان غير مبررر بالله غير ملزمة ؟!! ما شاء الله يعني حنا ملزمين نحل اسئلة هي ما شرحتها اصلا اكثر المنهج صار عندها واجب !! معليش ماعترضنا عالواجبات بس ليه هالكثر وليه تنقص عليهم وانا متاكددددددة انه الحل صح انا ما افتخر بنفسي بس الحمد لله الانجلش عندي اوكي بس الاسئلة ذي موب لنا وما شرحتهم باي وجه حق تجيبهم ؟ والا الكلمات كلها خارررجية قالت ايش تثقفوا واقروا كتب خارجية < ياحليلها بس اقنعتني ! البلبلة على قولتك مع انه هاللفظ مفروض ماتقولينه بس برد عليك باسلوب مثلك :29: هاذي البلبلة مو من فرااغ من قهر وظللم :36: واذا انتي امورك ماشية تمام غيرك لا مع انه مو مقصر ليه ؟ لان جامعتك فاااشلة طيب ؟ ما شاء الله تووي ادري اني صرت نيوتن المفروض احل اسئلة الانجليززي اصلا مررة سهلة ولا بها شي خارجي :7: صراحة ماعندنا سالفة لا انا ولا البنات نتبلى على خديجة واللي معها :36: طيب واذا الكلمة ذي تقال كل محاضرة سالتي نفسك ان كان دربتنا عليهم او شرحتهم ؟ سالتي نفسك شرحت اخر قاعدة جابتها ودربتنا عليها ؟ سالتي نفسك شرحت الكلمات الخارجية اللي جابتها ؟ ولعلممك انا ذاكرت كووويس وواثقة من مذاكرتي والحمد لله وما اسمح لاي احد يشكك في مذاكرتي لا انا ولا البنات اللي ذاكرووا زين طيب ؟ وبعدين اسلوبك بشويش علينا مدري بنات الظاهر حنا ظلمنا خديجة واللي معها اكييد !! ياحرام بس ما يستاهلون ابد :40: ومثل ما قالوا لك البنات تسلم يدهم اللي يده بالماي غير عن اللي يده بالنار والله يعطي الكل على قد نيته يارب :28: |
رد: من يضمن لنا حقوقنا ؟!!
الله يوفق الكل وان شاء الله الكل ناجح
لاتخلون العصبيه تأخذكم بعيد |
رد: من يضمن لنا حقوقنا ؟!!
الأنجليزي العلمي والأنجليزي العام نفس المشكله !
المشكلة مو من الأسئلة المشكلة من اللي يعطون المادة! بغض النظر سواءً كانت كلمات جديدة او مرت علينا المفترض تنذكر مره ثانية لو بمراجعه او خلال المنهج صراحه انا مستواي بالانجليزي ممتاز مو جيد لا الحمدلله ممتاز! ومع ذلك انا اقول الأسئلة ما كانت تراعي المستويات كلها وكان فيه كلمات ماتعتبر من الأنجليزيه المتداولة ! يحق لها تستخدم الكلمات اللي تبيها بس تذكرها لنا من قبل ! لو 200 كلمه تعطينا ومانحل اقول الغلط ممنا ما ذاكرناها بس اني ادخل القاعهمذاكره المنهج تماما ومراجعته واغلط باشياء خارجيه !! مو معقولة يعني حتى لو رجعنا الوقت مافي شي يتذاكر الا اذا يقترحون اذاكر الدكشنري ؟؟ ظلم والله ظلم مافيه مراعاة للمستويات ومافيه عدل ابداً ! انا مع استاذة .....! يعني انا بالميد منقصتني ربع ! وبالدفتر ربع واختبار ربع واختبار ربع ! تتخيلون ؟؟ وكلهم طلبت منها الأطلاع على اخطائي فيها وجلست تتعذر ان الاوراق مو معها لمدة شهر وانا الاحقها ابي اعرف الغلط بس وماعرفته ! يعني على الأقل علشان ما اكرر الخطأ !! يحقلي اطلع على الورقة بس ابد مافيه مجال وماعطتنا ولا نص درجه بونس والفاينل فيه خارجي بعد .. مافيه اي عدل لنا صراحه ابدا، لو ملتزمين بالمنهج والسلوكيات الاحترافيه في تعاملهم معانا كطالبات كان درجاتنا اعلى بكثير .. حرام والله مادة مثل كذا بنات واجد على الحفه لو نجحوا !! واللي يستحقون امتياز زين اذا جابوا بي اتمنى اتمنى مايبقى وضعهم كذا، لازم تتغير طريقة التعامل هذي .. وحسبي الله ونعم الوكيل ولنا الله اذا انهم ظلمونا .. |
رد: من يضمن لنا حقوقنا ؟!!
وغير الميد ترم حقنا كان نص ساعه بس !!
واشتكينا لسوء التنظيم وتكلمنا وكتبنا ورقة ورحنا اكثر من شعبه ولا احد حولنا طبعا .. كتبنا بهالاوراق على الفاضي البنات درجاتهم بالميد ترم تعور القلب انسحبت الاوراق وهم ماخلصوا مافي مراعاه للقدرات والمستويات ايش اقول وايش اخلي بس :( |
رد: من يضمن لنا حقوقنا ؟!!
من ججججد صحيح كلامك يا دلال كلامك دررر ما شاء الله عليك حبيبتي :16::1:
عكس العالم اللي بس عليها من نفسها و ماعندها الا تشكك في كلام غيرها :28: صحيح نسيت اقولك يا اسمى انتي قلتي فلنتعلم أن نقول الحق ولو على أنفسنا < طيب وش تحسين به على الكلام ذا وانتي ما قلتي ولا شي من الحق ؟ يامرون بالمعروف وينسون انفسهم !! وبعدين دليل ان كلامنا صح هو ان عدد اللي انتقدووا الاسئلة والدكتورات (وانا اولهم طبعا) اكثر منك انتي واللي مثلك :29: + لحد يجي يقولي كلامي واسلوبي موب اوكي معها معليش لو سمحتوا يعني انا سبق ونوهت اللي مو عاجبها كلامي لا ترد تجنبا لمثل هالكلام لكن مثل ما تشوفوا هي بدت اساسا باسلوب موب اوكي وكلام خطا فجاها الرد |
رد: من يضمن لنا حقوقنا ؟!!
اقتباس:
الانتظار عدد البنات الي معارضين اكثر بواجد من الي مب معارضين و انا اول المعارضين و بعيني شفت لكن مو معناته حبيبتي انه البنت عارضتك بشي هو صح عليك حق لكن تقولين اسلوبها مب اوكي بالعكس البنت تكلمت بادب و ما اجرحت احد غير كذا مليون بالميه محد يطل علينا من هيئة التدريس عشان تقول ان بنت وحده مب معارضة خلاص لو ان صدق الاسئلة مخيسه و تتوقعون بتحملونها تتجمعون بقروبات و تتفقون مب كل وحده تحط رد اقوى من الثاني على هالمقرر المخيس و تطالعون ردود بعض بدون شغل انتوا تضيعون وقتكم بهالاشيا مثلها مثل التسجيل تتكلمون هنا ولا هو حد معطيكم وجه المفروض تلحقون على انفسكم قبل لا تنرصد النتايج و تشتكون ... هالكلام و هالموضوع والله ما يفيييييييييييييييييييييييييييييييييييييد طالما كل وحده جالسه مقابل هالجهاز ويلا كل وحد تحط الي عندها ... اتكلم انا كاخت خايفه عليكم ولا تاخذون الموضوع هواش و عناد ... ودي :16: |
رد: من يضمن لنا حقوقنا ؟!!
ثقاافه
بالنسبه لي طلبت من البنات نتجمع وحدددت وقت بس ولا احد جا فرحت لحالي وقالت دكتووره نهى انو ماشين بالمووضوع بس انقهرت كتبت هنا وانتظرت يوم السبت وماحد جاا كلااامنا هنااا مااااايفيد:21: بالتوفييييق للجميع:16: |
رد: من يضمن لنا حقوقنا ؟!!
وجهات النظر تختلف انا اشوف ان اسلوبها مو حلوو :29:
والحمد لله كلامنا هذا وصل لعندهم وان شاء الله ياخذون هالكلام بعين الاعتبار والله ييسر لنا جميعا وانا الله الشاهد علي ما احب ارد برد كذا لكن البعض يبدا بكلام واسلوب مو حلو فالازم ينرد عليهم :36: مقدرة لك اهتمامك اخت ثقافة وياليت ينحذف الموضوع |
رد: من يضمن لنا حقوقنا ؟!!
السلام عليكم ورحمة الله وبركاته
عزيزاتي نوهت سابقا بأن المنتدى مفتوح للجميع والمواضيع ايضا للجميع والجميع له حق إبداء رأيه أيا كان ويجب تقبله بصدر رحب فكلنا أخوات :1: وهذا بيتنا الإلكتروني فهل يستطيع أحد منا طرد أخته من بيته ؟ الذي يتعبر في الأساس بيتها ! ولاحظت بعض الكلمات من البعض مع الأسف تمنيت أن لا أراها ، ومهما أخطأت الدكتورة يبقى لها حق الإحترام لعلمها وكبر سنها وأيضا تمنيت أن تكون ردود البعض أرقى مع أخواتها ولكن :36: وأنا مضطرة لحذف أسماء الدكتورات من جميع الردود وخاصة أن الشكوى وصلت كما ذكرتم لأن التشهير بهذه الطريقة ممنوع ويغلق الموضوع ولايحذف لوجود الردود فيه :16: |
| All times are GMT +3. الوقت الآن حسب توقيت السعودية: 07:05 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام