|
هام بخصوص تسجيل المواد
السلام عليكم ورحمة الله وبركاته كل عام وأنتم بخير وأسأل الله أن يتقبل صيامكم وقيامكم لقد تم تغيير موعد تسجيل المواد أترككم مع الرابط http://www.kfu.edu.sa/ar/Deans/Admis...lan143010.aspx |
رد: هام بخصوص تسجيل المواد
جزاك الله خير
|
رد: هام بخصوص تسجيل المواد
مشكوووره اختي
بس ع اي اساس اسجل وهم قايلين لنا نجي للكليه عشان استمارات التسجيل وهم الي يحددون لك الشعبه وهيك؟؟ يعني الحين هم منزلين لنا المواد مع ارقامهم بس مو مقسمين البنات ..يعني انا مثلا اسجل بأي شعبه ابغاها ولا كيف؟؟ اتمنى احد يوضح لي الفكره .. وبعدين الماده العامه الي نازله لقسمي(نظام مالي)بلقاها في جدول الدراسات بس مئة مليون دكتور لها انا شدراني اي واحد الي بيمسك قسمي؟؟!! :( ياليت لو تجي عضو هيئة التدريس وتشرح لنا السالفه ولا احد يكلم المشرفه ويستفسر؟؟ |
رد: هام بخصوص تسجيل المواد
اي والله جد
بنات ساعدونا اي احد مسؤل يفيدنا ويجزاكم ربي بالخير |
رد: هام بخصوص تسجيل المواد
ارجو المساعده :mh19: مررره حوسه الله يعيننا
|
رد: هام بخصوص تسجيل المواد
بالنـــــــــــــسبه لـلــــطالبات المـــــــستجدآآآآت......
التسجيل عندهم مفتوح من 14\10الـــــــــــــى18\10 يعـــــــني لازم تداومون اول يوم عشان تعرفون اول انتوو بأي شعبه اذا عرفتي مثلا لقيتي اسمك بشعبة 60.......... تاخذين المواد اللي مسجله في هذي الشعبه من الرابط اللي فووق وتسجلينهاا بالبانر................... وعندكم وقت مفتووح من السبت للاربعاء يعني يمديكم تستفسروون خلال هذي الفتره اما طالبات الدفعه الــــــسابقهـ واللي قبلهاا يمشوون علــــــــى نفس النظام اللي قبل يعني نفس شعبتهم+تسجيل المحــــمول اذا كــــــآن فيه.......... اتـــــــــمنى أكون أفدتكم بالتوفيق للجميع...........:praying: |
رد: هام بخصوص تسجيل المواد
اما طالبات الدفعه الــــــسابقهـ واللي قبلهاا يمشوون علــــــــى نفس النظام اللي قبل يعني نفس شعبتهم+تسجيل المحــــمول اذا كــــــآن فيه طيب اختي انا كيف بعرف شعبتي وهم كاتبين في الجداول شعبه 60_61_62_63 ودخلت ع البانر حقي وطلع في مواد الي العام ماخذتها مكتوب جمبها 60 وشي مكتوب 61 يعني اسجل بنفس هالشعب ؟؟ طيب والماده (نظام مالي)كيف اختار crn حقها ؟؟ وبس ان شاء الله مااكون ثقلت عليكم بالاسئله بس لاني مو فاهمه الكليه تقول كلام وموقع الجامعه كلام ثاني |
رد: هام بخصوص تسجيل المواد
اقتباس:
هذا اللي منزلينه جدول المواد العامه يعنــــــــــي اكيد انتي كنتي ظمن الشعبتين 60+16............ الماده اللي هي النظام المالي تاخذين الcrn من جدوول آداب:mh19: عالعموم انتي اخري تسجيلك لحد تاريخ 14\10 عشان نتأكد من الموضوع انا هذا حسب علمي وان شالله بتأكدلكم من الموضوع قريب............:mh19: |
رد: هام بخصوص تسجيل المواد
ياليت والله تتأكدين لنا لاننا محتاسين :(
وبعدين عادي ااخر تسجيلي لين 14 وموقع الجامعه كاتب دفعتي اتوقع تاريخ 9 !!! |
رد: هام بخصوص تسجيل المواد
اقتباس:
لآآآآ سوري الــــــــــى 13\10 اي عااادي مفتووح لجميع الطالبات الى هذا التاريخ عموماا يصير خيير ان شالله.........:praying: |
رد: هام بخصوص تسجيل المواد
انتظروا لين ماينزل إعلان في موقع الجامعة وشوفوا يمكن يوزعونا على المرشدات ونروح الكلية الأسبوع الجاي وهم يناقشونا في الجدول أو يسوون طريقة ثانية ماأدري بالتوفيق إن شاء الله |
رد: هام بخصوص تسجيل المواد
وعليكم السلام ورحمة الله وبركاته
تسجيل كليات البنات يبدأ 14-10 وينتهي 23-10 والرابط هنا يعني بإذن الله يمدي واللي عندها استفسار يمديها تسأل والمرشدات الأكاديميات مايقصرون الله يوفقكم ويسعدكم دنيا وآخرة . |
رد: هام بخصوص تسجيل المواد
شكرا يا عمري على التوضيح الله يوفق ويعننا يا رب
تقبلي مررررووورري المتواضع |
رد: هام بخصوص تسجيل المواد
جزاكن الله خيرا أخواتي الكريمات على مروركن الكريم واسمحوا لي على تكرار الكلام الرابط الذي وضعته في هذا الموضوع جديد ولم يكن موجودا من قبل افتحو موقع الجامعة الحين وسترون الخطة الجديدة ولن تروا الخطة القديمة والمصدر منتديات النقاش اقرو الرد على الموضوع http://kfuforums.kfu.edu.sa/showthread.php?t=28197 موفقين إن شاء الله |
رد: هام بخصوص تسجيل المواد
أعتذر عن الخطأ الذي بدر مني التسجيل يبدأ بتاريخ 14 شوال وينتهي بتاريخ 23 شوال وكان السبب أن الرابط الخاص بكليات البنات لم يكن يظهر عندي عند دخولي لموقع الجامعة والآن ولله الحمد رأيته وأرجو ان تقبلوا تحياتي واعتذاري |
رد: هام بخصوص تسجيل المواد
السلام عليكم...
كل عام و أنتم بخير...هذي اول مشاركه لي بالمنتدى ... و لأني عمليه كثير:150 راح أبدأ علطول بالأخبار اللي عندي... إتصلت على مكتب الدكتوره نهاد و اللي ردت علي قالتلي إنه الجداول هذا الأسبوع والتسجيل الأسبوع الجاي. |
رد: هام بخصوص تسجيل المواد
الاخت فيزيائيه طموحه تراك خربطتينا التسجيل المواد في 7 ولا 14 ؟؟؟؟؟؟؟؟؟؟؟؟؟
|
رد: هام بخصوص تسجيل المواد
يا بنات افيدونا لايروح علينا التسجيل
التسجيل 7 او 14 لان موقع الجامعه زي ماشفت هالاسبوع طيب والي طلعت لهم ارقام المواد من وين طلعوها لاني ماشفت رابط لارقام المواد بليززززززز ساعدوني |
رد: هام بخصوص تسجيل المواد
وعليكم السلام ورحمة الله وبركاته أهلا بك أختي شيفره دافينشي نورتي المنتدى وأنت بألف خير مشكورة على الخبر أجل مايحتاج نروح هالأسبوع إذا التسجيل الأسبوع الجاي مرة وحدة ناخذ الجداول ونسجلها بنفس اليوم أخواتي القصواء وبنت الأحلام 2 التسجيل في تاريخ 14 شوال هذا هو الخبر الأكيد وآسفة على إني خربطتكم فكل بني آدم خطّاء وبالنسبة لأرقام المواد تجدونها على الرابط التالي http://bannerinb.kfu.edu.sa/KFU/ws?p...&p_sex_code=81 وهذا لدفعة 2010 http://bannerinb.kfu.edu.sa/KFU/ws?p...&p_sex_code=22 وطريقة الحصول عليه من موقع الجامعة هي من الصفحة الرئيسية تضغطون على دليل التسجيل تلاقونه تحت في تبويب الطلبة ثم تضغطون على دليل التسجيل للفصل الأول ثم الجداول الدراسية لكليات الجامعة وإذا وصلتوا لكلية العلوم للبنات تضغطون على كلمة الدمام الأولى ل2008 و2009 والثانية ل2010 (المستجدات) وأي استفسار أنا في الخدمة ] |
| All times are GMT +3. الوقت الآن حسب توقيت السعودية: 08:18 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه