|
أ0د عايده الظواهري
السلام عليكم ورحمة الله وبركاته00
اتوقع من اسم الموضوع عرفتوا عن ايش راح اتكلم00 راح اتكلم عن أطيب دكتوره بالعالم دكتوره جامعه أحلى الصفات شديده بس بطريقه حلوه جدا محترمه00تمزح معانا وقت المزح وجديه وقت الجد00محاظرتها لها بروتوكول خاص جدا انا بصراحه يخوني الكلام احس اني ماراح اقدر اعبر عن معزتي لها 00ودائما بالمواقف هذي الإنسان يخونه التعبير00 اخواني الصفه اللي بالدكتوره عايده جدا مميزه فيها ومالقيتها عند أحد ثاني كل مره أروح فيها لمكتبها ترحب فيني مش بس معي أنا مع كل الطالبات 00وحتى إني سمعت من بنات إنك ممكن تسألينها عن شي مو من ضمن تخصصها وتبحث عنه بعدين تجاوبك عليه يعني تتعب معانا بشكل كبير00 دكتوره بجد راقيه بتعاملها معانا فارضه إحترامها علينا ولها هيبه كبيره جدا00 كثير من الأشخاص معانا بالكليه لهم علاقه فيها 00 هذا يدل على صدق كلامي إنها حبوبه كثير00 وحنونه00 وبزودكم بمعلومه جدا حلووووووووووه عنها انها لها حس فكاهي جدا رائع00 راح اذكر لكم موقف صار لي في محاضرتها في يوم ماكان لي خلق الكليه أبدا كنت ماراح أدوام لولا إني أحب يوم الإثنين لأنه جامع محاضرات احلى الدكاتره00من ضمنهم محاضرة الدكتوره عايده00 المهم كان فيني نوم بشكل ماتتصورونه والقاعه كانت جدا هاديه وكانت الدكتوره تشرح عن مرض يصيب البصل وفجأه من شدة مافيني النوم دمعت عيوني من التثاوب ونزلت نظارتي امسح دموعي الا قطعت الشرح الدكتوره وقالت لي مالك زعلانه على البصله ههههههههههه00طبعا ضحكوا علي البنات00بس عادي مسيطره على الوضع00 المهم برجع للموضوع الأساسي وبقولكم إني كنت أسعد الأشخاص لأن دكتورتي الغاليه درستني0 آخر شي راح اكتبه للدكتوره00 دكتوره عايده انتي انسانه بكل ماتحمله الكلمه من معنى والكلام مستحيل يوفيك حقك00واتمنى انك تعرفين ان الكلام نابع من كل قلبي00 اتمنى لك التوفيق دائما00 تحياتي لك 00طالبتك وحده قلق |
رد: أ0د عايده الظواهري
بصراحه أنا ماأعرفها
لكن من أسلوبك وكلامك عنها حبيتها جزاها الله ألف خير وكثر من أمثالها |
رد: أ0د عايده الظواهري
هلا فيزيائيه00أسعدني مرورك كثير
تحياتي لك00 |
رد: أ0د عايده الظواهري
فديتهـآآ ..
وقسم اني مآآعرفهـآآ لاني توني سنهـ آولـآ ..:cheese: هـي وش تدرس وبآآي قسـمـ ..؟! آلله يـوفقهـآآ يـآآرب ويسعدهـآآ دنيـآآ وآخـرهـ.. :119: |
رد: أ0د عايده الظواهري
هلا وغلا يامشاعر مجهوله00
نور الموضوع00 ياطويلة العمر هي بروفيسوره بقسم علم النبات والأحياء الدقيقه 00 تدرس الفرقه الثالثه كورس كائنات ممرضه00 والفرقه الرابعه00نسيت اسم الكورس بس يمكن بيئة الأحياء الدقيقه00 تحياتي لك00:119: |
رد: أ0د عايده الظواهري
:o3::o3:
اتمنى انك تصيري السنة الجاية عندها بـ البحث وبعدين نشووف تغيري كلامك أو لااا مع اني مش عندهــاااا والله يزيد المحبـة.. سلام |
رد: أ0د عايده الظواهري
هلا دمعة فجر00
ليش معقول000كثير من البنات يعزونها ويمكن انتي حكمتي عليها من بعيد00 هي كثير طيوبه00 تحياتي لك:119: |
رد: أ0د عايده الظواهري
الله اكبر شوي شوي لاتبالغين
ماصدق انك تتكلمين عن دكتوره عايده افكرك تستهبلين عالعموم انتي توك جديده عليها انا مدرستني 5 كورسات واعرفها اكثر وحده ماعليش ماحب اغتابها بس اخر دكتوره اتمنى تدرسني هي الدكتوره عايده لانها اقل شي ممكن اقوله ان اتفه وابسط منهج معاها يصير منهج تعجيزي نصيحة : (احبب حبيبك هونا ما عسى ان يكون بغيضك يوما ما وابغض بغيضك هونا ما عسى ان يكون حبيبك يوما ما ) هذا غيض من فيض |
رد: أ0د عايده الظواهري
هلا يا S.q اتمنى انكم تحكمون عليها من قريب اكيد انتي ماخذه كلام الناس في اعتبارك00
عموما هذي وجهتك نظرك وانا احترمها واتمنى تحترمين وجهة نظري00 تحياتي لك |
رد: أ0د عايده الظواهري
من بعيد !!!
وهي مدرستني 5 كورساااااااات لمعلوماتك في بنات كانوا مثلك ونفسي تسمعين كلامهم الحين عالعموم انا ماقصد انك تكرهينها بس لاتبالغين والله كنت بصدق لو اني مااعرفها مثل نفسي وبقلك شي لايغرك اللي يضحك بوجهك انتظري الين يصير لك معها موقف وتشوفين الصدق |
رد: أ0د عايده الظواهري
اولا انا مابالغت00
ثانيا مايحتاج تعصبين مرررررره0اخاف يطق فيك عرق:119: ثالثا انا بالنسبه لي اشوفها كذا وماعلي من الباقي00 شكرا حبيبتي عل المرور |
رد: أ0د عايده الظواهري
السلام عليكم ورحمة الله وبركاته
يسلمو على موضوعك خيتو قلق صراحه أ.د.عايده ونعم الدكاتره انا اللي سمعته انهم يقولون بس تو هالسنه صارت حبوبه وفرفوشه والا العام كانت والعياذ بالله عصبيه و ........ وتصارخ ....... وغير ذلك من الشئ اللي يعصب ويضايق البنات انا من وجة نظري كانت بالنسبه لي زي الفل وعسل وحبوبه وكنت اخدمها وااااااجد بس صار لي موقف معاها كرهتها حتى ماأحب اسمع سيرتها موقف جدا عادي وتافه بس شكلها كانت معصبه ومحتره وبردت حرتها فيني مدري وش ذنبي :Cry111: يسلمو على موضوعك |
رد: أ0د عايده الظواهري
هلا وغلا اختي سهى
كلامك عل عيني وراسي ياذوووووووووووووووووووووووق00 ويمكن فعلا كانت معصبه من شي وحطت الحره فيك00 بس والله هي حبوبه00 شكرا حبيبتي0 وحده قلق:119: |
رد: أ0د عايده الظواهري
ان شالله تكوون عند حسن الظن....:119:
|
رد: أ0د عايده الظواهري
باذن الله راح تكون عند حسن الظن وراح تشوفين 00
تحياتي لك |
| All times are GMT +3. الوقت الآن حسب توقيت السعودية: 02:47 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه