|
سؤال ضروووري عشان أحدد مصيري....
السلام عليكم.. أخباركم بنوتات... أنا عندي إستفسار ارجوووكم جاوبوني واللي تقدر تسأل الكليه بكون شاكره لها من كل قلبي.... أممم بقولكم قصتي.. أنا من دفعة 2010 رحت التيرم الأول وحملت الفيزياء والرياضيات .. التيرم اللي بعده أجلته.. التيرم اللي بعده داومت ووقت الإمتحانات صابتني ظرووف (حملت وكانت النفسيه زفت وماقدر اذاكر وكله ترجييع :71:) ومارحت اختبرت لاعملي ولانظري.. التيرم الثاني بدايته رحت لهم وصرت راسبه بكل المواد ونزل المعدل عن ال 2.. وقلت أوكي وروحه وجيه منشان ينزلون لي المواد وداومت شهر وشوي وفي النهايه الدكتوره منعتني من الحركه و صارت تجيني ألام بسبب ركوب ونزلة السلم.. وصرت ماروح بدون ماقدم اعتذار أو تأجيل.. حالياً قررت أسحب ملفي .. بس الشعور بعدم الرضا هالكني ابي أكمل دراستي بس مابي علوووم صار الفيزياء والرياضيات عقدتي وكرهتهم بالحياه يصير أحول كلية الأداب يرضون يودوني ولا لأ.؟؟؟... ومعدلي أقل من 2؟؟؟؟ إذا مابحولوني بسحب ملفي وبيضيع مستقبلي البكالوريوسي....:Cry111::Cry111::Cry111: ضايقه فيني الدنيا مادري شنو أسوي؟؟؟؟؟؟؟؟؟؟ شورووووا عليي تكفوووووووووووووون لاتطنشوووني...... |
رد: سؤال ضروووري عشان أحدد مصيري....
:(107):
اللي اعرفه ان ثلاث مرات معدل تحت الاثنين راح يكون فصل !! الا اذا ما قالو لك او جاك قرار بالفصل .. )))((( ما تقدرين تحولين اداب الا اذا معدلك التراكمي اكثر من ٣ لانه تحويل من كليه لكليه . . . اما من تخصص لتخصص داخل الكليه لازم معدلك التراكمي ٢ . . اذا بتسحبين ملفك ماراح تقدرين تسجلين بجامعه الدمام الا بعد سنتين .. و بشرط ان شهاده الثانويه ما تكون مرت عليها ٥ سنوات . . . و فيه عندكـ خيار .. انك تسجلين بكليه الجبيل الجامعيه .. :106: بالتوفيق |
رد: سؤال ضروووري عشان أحدد مصيري....
مشكوره غلاكم عالرد أنا معدلي التيرم هذا اللي خلصناه تو نازل عن 2 صار 1.72 وماتخصصت للحين.. طيب انا انقرفت من كلية العلوم موب راضيه أنجح في الرياضات والفيزياء مدري كيف كنت شطوره في الثانوي وأحين بالكليه صرت مافهم شيء.. اممم كيف طريقة التسجيل في كلية الجبيل الجامعيه وعدي يقبلوني وأنا مو ساكنه فيها؟؟؟ وايش المتطلبات..ياليت تفييديني اكثر يالغلا.. |
رد: سؤال ضروووري عشان أحدد مصيري....
كليه الجبيل الجامعيه تقبل النسب العاليه ع حد علمي بس دامك متزوجه ماشاءالله ريحي ع عمرك ي قلبي وماله داعي الشعور بعدم الرضا او تأنيب الضمير دام الظروف كانت اقوى منك وماكان أهمال منك........روحي الكليه واستفسري من هناك احسن لك مع ان المفروض ان الكليه تكون معطيتك انذار ع كل مره يقل معدلك عن 2 وبعد ثالث مره ع طول فصل.....الله يوفقك ويوفق الجميع |
رد: سؤال ضروووري عشان أحدد مصيري....
اممممممم الحمدلله ع سلامتك حبيبتي
انتي ع كلامك ماتخصصتي لسا يعني في عندك انك تاخذين اللي حملتيهم مع المواد العامه :119: فـ لو تشدين حيلك بالعملي بيرفعك ان شاء الله لان النظري مو كل يضمنه موفقه وربي يسهلك :119::106: |
رد: سؤال ضروووري عشان أحدد مصيري....
لاحرام تسحبين ملفك فكري زين
|
رد: سؤال ضروووري عشان أحدد مصيري....
وعليكم ـآلسلآم ورحمة ـآلله وبركآته ~,, زين مآتسرعتي حرآم كذآ تضيعين تعبك هآلسنتين ’, ولآ رآح ينفعك كثر شهآدتك :(204): ,, نصيحتي لك إخذي من خطتك مآدتين أو ثلآث موآد وأحذفي البآقي حتى ـآ عشآن تركزين فيهآ أكثر ومآتحملينهآ صحيح رآح تزيدين سنوآت بس حتى ـآ تكونين مآشيه مظبوط ومآتآخذين إنذآرآت ,, وأنتي قدهآ وقدود بإذن ـآلله رآح تقدرين توفقين بين مسؤوليآتك ودرآستك ,, موفقه ربي يريح بآلك ويكتبلك ـآلخيره :106: ,, |
رد: سؤال ضروووري عشان أحدد مصيري....
اقتباس:
|
رد: سؤال ضروووري عشان أحدد مصيري....
آلحمد لله ع سسلآممتك قلبوو ومآتشوفي شـــــــر :love080: آن ششـآْء آلله آقدر آفيدك بمآ آن آنـآ من سكآن آلجبيل فآلجآمعيه عآدي تقبل ولو آنتي مو من سكآن آلجبيل بس آلموآصلآت تكون عليك >> هذآ شرطهم يعني مآلهم علآقه فيك آن رحتي ولآ صآر شي لآ سسمح آلله هم حدوودهم ببنآت آلصنآعيه وغير كذآآ تقبل عآآدي لو من جآمعه لجآمعه آنتي قدمي ع نسبتك آلثآنوي وتكوني مختبره آلقيآآس >> لآ ببــــــــد وعندك لغه >> مو ششرط تكوني مره محترفه آنجلشش هم بيسوو لك آختبآر تحديد مستوى وهيييك سوآلف فآلحقي آلتسجيل بيبدآآ بككـــــــــــرآآ آلسبت 15 / 8 / 1432 هـ وربي يووفقك ي قلبي :119: وفـــــــــــــــآآلك كل خـــير وربي مآيضييع تعععب آن شششششـآآء آلله :106: دعوآآتك :wink: |
رد: سؤال ضروووري عشان أحدد مصيري....
مرحبا قلبو
نصيحتي لك لاتسحبين ولا تيأسيين <= قولي انا راح اقـدر وبتقدريـن اما انك تسحبين عشان حملتي ماده مرتين مو حل ابــد افرضي سجلتي بالجبيل وحملتي ماده مرتين راح تسحبين ملفك بعد <= ماصـآارت خل املك كبيـر وانتي حملتيه مو من صعوبتها انتي حملتيها عشان ظروفك يعني انتي قادره تنجحين فيها نصيحتي شيلي فكرت سحب الملف من راسسك وكملي وشدي حيلك وخليك قريبه من الدكاتره ترا يساعدون وبالاخير القرار لتس واستخيري |
رد: سؤال ضروووري عشان أحدد مصيري....
وعليكم السلام ورحمة الله وبركاته
الحمد لله على سلامتك وماتشوفين شر فكري قبل لاتسحبين خصوصا الحين لما نزل معدلك عن 2 لأنك اذا بتسحبينه وتسجلين بجامعة ثانية بختبرين قدرات وتحصيلي وبعضها يشترط التوفل أو شي زيه فريحي نفسك وقدامك فرصة كبيرة انك ترفعين معدك وزي ماقالوا الخوات خذي الفيزياء والرياضيات والمواد العامة وإن شاء الله الترم الثاني تتخصصين في اللي تبينه وإن شاء الله تجيبين فيهم a+ وتتغير نظرتك للمادتين وللكلية لاتضيعين مستقبلك عشان مادتين بإذن الله بيصيرون سهلين عليك لأنك دارستهم من قبل وإذا احتجي أي مساعدة فيهم حطيها في المنتدى وإن شاء الله ماأحد يقصر عنك الله يوفقك وييسر أمورك ويفرج عنك :106: |
رد: سؤال ضروووري عشان أحدد مصيري....
اقتباس:
اذا لا قدر الله و جاك فصل من الجامعه ماتنقبلين في اي جامعه حكوميه سعوديه :119: |
رد: سؤال ضروووري عشان أحدد مصيري....
مشكووووووووووورين كلكم أخواتي عالرد بصرااحه رفعتوا من معنوياتي كثيير.. انا بحاول استخير وبشوف شنو يصير :mh12:.. عااد دعواتكم ليي بتسهيل أموري.. |
رد: سؤال ضروووري عشان أحدد مصيري....
الله يسهلك و يوفقك يارب
و يكتب لك اللي فيه خير لك :106: |
| All times are GMT +3. الوقت الآن حسب توقيت السعودية: 06:27 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه