|
ماذا بعد ؟؟
بسم الله الرحمن الرحيم السلام عليكم و رحمة الله و بركاته تخرجنا من الثنوي بعد طلعة الروح و اختبرنا اختبار التحصيلي و القدرات و انفجر مخنا و سجلنا في جامعة فيصل و انتظرنا القبول و جانا القبول و سلمنا الاوراق المطلوبه و الحين !! شنو باقي ؟؟ هل في مقابله شخصيه ام لا و شنو سالفة نظام البنر هذا ؟؟؟ شنو باقي شنو راح يصير بعد تسليم الاوراق المطلوبه شنو .. شنو رجائاً ساعدوني ؟؟ لاني راح انفجر ... ما اعرف شنو اعمل ارجو المساعده تحياتي |
رد: ماذا بعد ؟؟
اولا مبرووووووك القبول
خلاص انت بعد ما سلمتى اوراقك انت سويت اللى عليك اما نظام البانر هذا اللى نشبولنا علية هذا بتعتمدى علية اللى ان تتخرجى ان شاء الله بس انا ما اعرف اذا كان عندكم تسجيل مواد ولا لا صح نسيت اقولك انة ما فى مقابلة >>>انا هذا اللى اعرفة واى سؤال انا حاضرة |
رد: ماذا بعد ؟؟
اقتباس:
صحيح و لا بس مزحه :000: مشكوره اختي على ردك و اقولك احنى عندنا تسجيل مواد بس بصراحه ما فهمة شيء من شرح المعلمه الي جات تشرح النا و قالت عن نظام البانر و ما ادري شنو ... الاخت كانت مستعجله و معصبه الله يهديها ما فهمت شيء منها الله يوفقك اختي و مشكوره على ردك مره ثانيه تحياتي |
رد: ماذا بعد ؟؟
هل يوجد مقابله شخصيه ؟
نعم يوجد مقابله .. وهي انهم يعطونك مثل الاستمارة من نفس القسم . او تتوزع اثناء محاضرة من المحاضرات . وهي عنك انتي وعن حياتك وعن عائلتك . بعد كذا تروحين مكتب الارشاد الطلابي وتسلمين الورقه وتوقعين . راح يكون هناك مشرفه تسألك وتراجع معك اجاباتك . المشرفه مرة حبابه بتسولف معك .. ماهو نظام البانر ومافائدته ؟ نظام البانر هو نظام الطلاب بالجامعه تسجلين فيه معلومات عنك انتي وارقامك "تيليفون البيت وكذا " يعني تقدرين تشبهينه بموقعك الخاص . اذا اختبرتي الاختبارات النهائيه بدل ماتروحين الكليه تطلعين لنتائج و الشهادة. تفتحين النظام وتشوفين علاماتك اللي راح تطلع لك على هيئه حروف انقليزيه A ,B ,C , D وو F يعني راسبه . ... وطبعا اذا طبقو نظام الساعات راح تنزلين المواد عن طريقه .. انتي ان شاء الله لما تداومين بالكليه راح يسوون لكم مثل المحاضرة بالصاله الكبرى عن هالنظام مثل ما سوو لنا ..:g4: خلاص انتي كملتي اوراقك . يبغالك تستنيين اللين يجي وقت الدوام .. تروحين لقسمك عشان تشوفين انتي بأي شعبه وتاخذين جدولك اللي راح يكون معلق بلوحه الاعلانات بالقسم . يبغالك تجيبين معك قلم ودفتر . وتكتبين الجدول من حيث اسم المادة ورقم المدرج و الوقت ,, وباقي الاشياء المهمه . الشغله ما يبغالها توتر .. بسس رووووقي :119: عشان تركزين على المطلوب والغير مطلوب .. موفقه اختي . |
رد: ماذا بعد ؟؟
R.x
فيه احد دخل عندكم وشرح انا قسم رياضيات محد دخل علينا ولا قالوا لنا شي انا حبيت اعرف وشلون نظامهم متشددين ولا عادي ؟؟ اقصد باللبس والدراسه ومن هذي الاشياء |
رد: ماذا بعد ؟؟
اقتباس:
كفيتي ووفيتي خيتوو بس متى المقابله لاني الحين مسلفرهـ :( |
رد: ماذا بعد ؟؟
اممم
المقابله تكون يمكن الترم الأول اثناء الدوام واذا تأخرو تكون الترم الثاني .. بس اهم حاجه انهم لما يعطوونك ورقه فيها اسئله مرة كثيير لا تتجاهلينها لازم تعبينها .. |
رد: ماذا بعد ؟؟
اقتباس:
لا مو متشددييين مررة .. يعني لما يشوفونك لابسه تنورة سوداء يسألونك انتي علوم ولا آداب ؟ ومثلا كنتي لابسه بلوزة فسفوريه يقولون لك انها ممنوع .. واذا كانت اول مرة لك بس يسجلون اسمك واذا تكرر اسمك اكثر من مررة عااد هنا ياوييلك .. انتي سنه اولى ؟ غريبه انا لما كنت سنه اولى في الترم الأول بلغونا انو فيه محاضرة بالصاله الكبرى عن البنر .. وكل الاقسام كانو هناك .. ! |
رد: ماذا بعد ؟؟
سلام أنا بعد قبلوني رياضيات بس مثل ماقالت أختي مرام محد دخل عليناولا قالولنا شي ألي تعرف ياليت تفيدنا |
رد: ماذا بعد ؟؟
لالا انتي مافهمتيني ..
انتي رايحه سنه ثانيه ؟ ولا للحين ما بدأتي بالدراسه .. انا اقول لما تبدأ الدراسه .. ما يبلغونكم الحين . ! يبلغونكم في وقت الدوام في الترم الأول .. !! او الترم الثاني . |
رد: ماذا بعد ؟؟
اقتباس:
بس نادو علينا علشان نسلم الاوراق اسفه على التاخير في الرد :c8: اقتباس:
بس بعد عندي سؤال نظام البنر يبغاله تسجيل و لا هم يسجلونه و شنو قصة الرقم الاكاديمي |
رد: ماذا بعد ؟؟
انا كمان ماحد دخل وشرح شيء وجلسنه مثل الأطرش في الزفه :bngo12::bngo12:
واذا من الدفعه الاوله الى القبول يصير قبول فوري من دون مقابله على حسب معلوماتي :000: |
رد: ماذا بعد ؟؟
طيب اللحين متى يعطونا البطاقه الجامعيه؟؟
وش فايده الورقه الصغيرة اللي عطونا اياه؟؟ :000::000::000::000: |
رد: ماذا بعد ؟؟
حياتى بيتأخرو لما يعطوك البطاقة الجامعية انا اعطونى اياها على نهاية الترم الثانى
اما البطاقة الصغيرة اللى اعطوكى اياها فهذى البطاقة تقوم مقام بطاقة الجامعية ولازم تحافظى عليها وتجيبيها معاك الكلية لانة ما يدخلوكى الكلية اللى بها |
رد: ماذا بعد ؟؟
انا عندي سؤال للمشرفه وش الوان التنوره اللي نلبسها ومشكوره
|
رد: ماذا بعد ؟؟
مشكورة ضيائي
|
رد: ماذا بعد ؟؟
مشكورة ضيائي
|
رد: ماذا بعد ؟؟
اقتباس:
في البطاقه اللي هم عطوكي اياها موجود فيها رقم طوييل هذا هو الرقم الأكاديمي .. انا على وقتي هم سجلو لي المواد وعطوني الجدول .. بس مادري اذا نظام الكليه بيتغير ويصير ساعات مادري .. ! |
| All times are GMT +3. الوقت الآن حسب توقيت السعودية: 09:33 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه