ملتقى طلاب وطالبات جامعة الملك فيصل,جامعة الدمام - جميع التخصصات كــرسـي الأعــتــراآآآف للــعــلـومــيــاآآآآآت

اقتباس:

المشاركة الأصلية كتبت بواسطة jroOo7 (المشاركة 3994441)

looly...{~,,

ارحبي وـآلله وهذآ كرسيك .. تسدحي على ـآ رآحتك :biggrin:

نجي للكرف :33_asmilies-com:

هههههههههه
هلآ هلآ جروح لاتخافين تبطحت وانسدحت وسويت كل شي يجيب الراحه والكسل :24_asmilies-com:

نجي لاسئلتك اللي مو شوي ابدن :biggrin:

اقتباس:

1/ أمنيآتك بالأمس كيف كآنت ؟ وكيف هي اليوم ؟ ومآذآ ستكون بآلغد ؟

آممم الامنيآت غآلبآ مآتتمآشي مع العمر
بمعنى بالامس كانت امنيآتي لاتتعدى حدود دميه (( ملآبسهآ كثير :biggrin: ))
والاكيد امنيآتي المرحله التي اعيشهآ الآن ستختلف كليآ عن امنيآتي بعد عشر سنوآت مثلآ
يعني مجرد تغيير في بعض الافكآر ينتج عنهآ تغيير في الطموحآت والآمآل

اقتباس:

2/شخصيتك تشبه شخصية مين من ـآلمشآهير ؟

مدري
ع العموم مااحب اشبه نفسي بـآحد تبون تشبهوني كيفكم ههههه
ومااحس في احد يشبه الثاني تمآمآ لآبد من وجود فرق في تكوين الشخصيه او طريقة تقبل الموآقف مثلآ :biggrin:

اقتباس:

3/أكثر مشكله وآجهتك وتخطيتيهآ ؟

آخر مشكله قعدت فتره احآول اتقبلهآ
هي قبولي بقسم الفيزيآ ورآح يكون تتمة جوآبي في سؤآل فيزيآئيه :love080:

اقتباس:

4/ موقف بآلكليه لآيمكن تنسينه ؟

كثييييره الموآقف بالكليه اللي عآلقه بالذآكره
وخصوصا المواققف المضحكه مع صديقآتي :biggrin:
رآح اذكر مثآل
لما كان ع 5 مقفل دخلناه انا و2 من صديقاتي
بالخرابه هذيك مستوعبين :mh318:
وعلى المكاتب كانت في عبايات تخرج
واكيد اكيد اي احد بمكاننا بيبدا استهبال وضحك لبسنا العبايات وتخيلنا اشكالنا
وبس ضحك ومرفعين صوت الاغاني ورقص وكل الاشياءات الممنوعه كانت معنا :mh318:
دخلت علينا العنود وهزئتنآ طبعآ وسحبتنا لمكتب الدكتوره نهاد ايام ماكانت وكيله
وطبعا لاخلآ من الزياده وضخمت الموقف وفعلوو وسوو كذا خلتنا ارهابيات ولله :mad:
طلعتها نهاد برا وقعدتنا ع طاوله طويله وبدت تحقيق وربي حسيت انو مجرمات خيير ههههههه
وعدت ع خير مايحتاج اكمل :mh318:

اقتباس:

5/صفه تحبينهآ فيك ؟ وصفه ودك تغيرينهآ ؟

آمم مدري مااعرف اجاوب ع مثل هالنوعيه من الاسئله لانو ممكن اقول مثلا احب فيني طيبتي
والطرف الثاني ناس ماتشوفني طيبه
بس راح اقول احب فيني انو انا انسانه تحب الضحك وين ماتواجد :mh318:
واكره فيني وجهي العبوسي الصباحي
اللي كل من شافني ع الصباح تخرع ويقول تبسمي وانا ولله مو من قصد بس تعودت امشي وانا مكشره او معصبه ورافعه حاجب ههههههه :mh318:

اقتباس:

6/سؤآل لآتحبين الإجآبه عليه ؟

اكيد الاسئله اللي تتعدى خصوصيتي واشياءاتي
خصوصا لاجا من شخص مابيني وبينه هذيك الميانه
والمشكله احاول دائما ارد رد لائق بس مااقدر لازم افشل اللي يسئلني اسئله ملقوفه هههههه :hahahahahah:

اقتباس:

7/أطرف موقف حصلك بحيآتك ؟

مو اطرف موقف بس اول موقف طرآ ببآلي
آممم مره دخلنا انا وشلتي يمكن 15 بنت المسرح
وقعدنا ضحك واستهبال ولعب وازعااااج ومضبطين وضعنا انو مستحيل احد يدخل علينا من بوابة المسرح
ونسينا او مااستوعبنا بوابة الكواليس
ومادرينا الا في قمة الضحك والصراخ تدخل وحده من المسؤولآت ومعها وحده ثانيه اتوقع من برآ كليتنآ توريها وكذا
كنا وقتها نلعب ولاكلمه فالبنت اللي تشرح لنا معطيه المسرح ظهرها حنا شفنا ذي دخلت فطسنا ضحك ههههههه
وتعرفين الواحد لما يضحك خلاص مايقدر يقول شي
وهي تاشر لنا انو اسكتو ويلا انتبهو وماتقدر تتكلم تخاف يروح عليها الدور
وحنا مازلنا نضحك ونآشر لها انو شوفي وراك :biggrin: وفي بنات ماانتبهو فمتحمسين ويصارخون يبون يجاوبون عليها ههههههههه :hahahahahah:
يعني اشكال سكآآرى ولله العظيم ضحك ودموووع بس

وشافت اشكالنا المسؤوله وحقدت جايه تكشخ عند الجديده ذي وحنا فشلناها ههههههههه :hahahahahah:
وهذيك تضحك فـ المسؤوله قالت خلكم خلكم هنا مو لازم تطلعون بنظرات حقد
وعرفنا على طول انها ناويه تبلغ الامن ونحط رجلنا
وانتو بس استوعبو الامر 15 بنت فجاءه من باب المسرح طلعوا مره وحده وبركضون
هههههههه
البنات اللي بالكليه تخرعو من اشكالنا :biggrin:
وببرآئه كل 2 راحو مع بعض وماسكين الضحكه وحنا المسكاين اللي ماسوينا شي
وفعلا دقايق بس الا الامن متوجه للمسرح هههههههه :biggrin:
وزين هذيك ماحفظت اشكالنا ولا اسامينا 15 وحده وش تحفظ ووش تخلي :hahahahahah:

اقتباس:

8/ وش تعنيلك هذه ـآلكلمآت :

الحب ~> حيآه :love080:
الغرور~> صفه دآيمآ يتهمني فيهآ اشخآص آول مره يشوفوني :biggrin:
الصدآقه~> بعد حيآه :love080:

اقتباس:

.............. و .............. و ..............
قولي ثلآث من صفآتك في الفرآغآت ..

العصبيه ,ماعندي شي بحيآتي اسمه تردد متهوره يعني , حسآسه

^
قلت الصفآت السلبيه لآنو الايجابيه بقولك مثل ماقلت فوق بالاجابه الاولى :biggrin:

اقتباس:

ضعي بين الأقوآس اسم ـآلعضوه المنآسب

تبين طيبة قلبهآ من مشآركآتهآ ( فيزيآئيه )
تحسين انهآ مآخذه الحيآة بكل روقآن ( انا :biggrin:)
لهآ دور كبير في المنتدى ( ملآك ربي يحفظهآ :love080: )
مهمآ قلتي في حقهآ قليل ( انتي جروح :love080: )
خفيفة ظل وتترقبين طلتهآ في موآضيعك ( روني:biggrin: :love080:)
تفرحين لمآ ترد على موآضيعك ( الكل )

اقتباس:

أيهمآ أفضل ... ولمآذآ ؟
التمسك بالعادات ... اختراق القوانين؟

في عآدآت مجبورين نتمسك فيهآ مو مختآرين , وعآدآت تتمسكين فيهآ لآنك مقتنعه فيهآ
بس بالنسبه لي الاخترآق له لذه شديده عندي :mh318:
مع وجود قليل من تقييد الحريه في الاخترآق يعني مش تهور تهور اكييد

اقتباس:

الاصدقاء الماضيين ... ام الحاليين؟

بالنسبه لي الحمدلله الاصدقاء القديمين للحين بتوآصل معهم
يعني مايعتبرون قديمين :love080:
والجديدين لهم مكانه كبيره في قلبي :love080:
هالسؤال مستحيل يصير فيه اختيآر
كلهم :love080:

اقتباس:

*الاشخاص الكتومين ... ام الصريحين
؟

الاشخاص اللي يعرفون يوآزنون بين هالصفتين بشكل جيد
يعني مو حلوه الصراحه التآمه , ومتعب وضع الكتمآن الشديد

اقتباس:

أدري طفرتك :cheese: ’, بس أخليك آلحين ولي بآك + :106:

لآ بالعكس حبيت اسئلتك كثير
طلعت حرتي من زمآن ع اللآب ههههه :biggrin::love080:

انتظر رجعتك اكيييد :love080: