|
للطالبات الموجودات في سكن جامعه الملك فيصل
[SIZE="5"][COLOR="Purple"]هــــــــاي صبايا :g20:انا طالبه مستجده في الجامعه انا من الدمام انشالله راح اجلس في السكن التابع للجامعه واتمنى اعرف واتعرف على البنات اللي راح يجلسووون معي فحابه اعرف كيف عايشين هناك .......... هل حاسين بغربه ولا عادي من جد خايفه من هالشي مع حبي..... تعبك راحه
|
رد: للطالبات الموجودات في سكن جامعه الملك فيصل
وش دعوه محد رد على معقوله مافي احد في السكن يحليلكم:c8:
|
رد: للطالبات الموجودات في سكن جامعه الملك فيصل
^
والله انآآ شسمه بدخل بالسكن إن شاء الله :D |
رد: للطالبات الموجودات في سكن جامعه الملك فيصل
السلام عليكم
اول شي مبروك عليك القبول بالجامعه،وانا متخرجه :lllolll:وكنت بالسكن والله يوفقك والسكن سلاح ذو حدين ،،يعني صحيح بالبدايه بتحسين بضيقه وبغربه ،،بس بعدين يتلاشى هذا الشعور ركزي على طموحك واهدافك والصراحه السكن مره مفيد لانه كله بنات معك بالجامعه وتستفيدون من بعض بالكتب والمشاريع وتتساعدون في الابحاث وتنجزون اشياء كثيره واهم شي تختارين رفقه كويسين ،،ودوافير عشان يشجعونك على الدراسه:cheese: اول ماتدخلين بيحطونك مع بنت ويمكن تناسبك او ماتناسبك،،المهم اذا ماناسبتك انتي تعرفي اكثر على بنات دفعتك واتفقي انك تصيرين معها بغرفه عشان تتساعدون في الابحاث والدراسه وبما انك راح تختلطين مع شريحه اكبر من الناس،،خليك متمسكه بمبادئك وبيئتك اللي جيتي منها وشدي حيلك وخلي وجودك في السكن حجه لك لا عليك ،، وبتتعلمين كيف تعتمدين على نفسك وتنسين البابا والماما بالتوفيق |
رد: للطالبات الموجودات في سكن جامعه الملك فيصل
بسم الله الرحمن الرحيم
اللهم صل على محمد وآل محمد اهلييييييييييييين بنااااااااااااات:c8: معليش ممكن مساااااااااااعده:119: صااحبتي حاابه تكووون في السكن الجاامعي بس مهي عاارفه وش الاجراءات المطلووبه :mh19: وفي شئ محتاارين منه دام انه في سكن جاامعي للطاالبااات ليه وقعنا على تعهد بعدم مطاالبة الجاامعه بسكن ؟؟؟؟ :g2: المهم يا اخواااتي اي بنت تعرف بخصوص اجرااءات التسجيل بالسكن الجاامعي تقول لييي لان صااحبتي في ورطه :Cry111: جزااااكم ربي كل خير ان شاااء الله :praying: |
رد: للطالبات الموجودات في سكن جامعه الملك فيصل
مرآآآآآآآآآآحب خيتو بالنسبه للسكن للطالبات ماقالوا لنا شي لان يوم رحت للمسؤله قالت انا المبنى للدفعه الجديده للحين ماجهز يعني جديد وقالت استنوا لين يخلص واحنا نعطيكم خبر بي انشالله اقدر اجيب رقم المسؤله واهي تكلمها في شوال تقبلي مروري سلام
:g8: |
رد: للطالبات الموجودات في سكن جامعه الملك فيصل
بسم الله الرحمن الرحيم
اللهم صل على محمد وآل محمد اهلييييييييين خيتووو تعببك راااحه :119: شكرا يالغاااليه ما قصرتي :mh19: يعني لازم بداية الدراسه تكون معناا سكن خااص ليما تخلص اجرااءااتهاا يلا ربي يكون في العووووووون:g2: ثاانكس تعبك رااحه:g8: :love080: |
رد: للطالبات الموجودات في سكن جامعه الملك فيصل
أهلا ً أهلاً ببنات دفعتي تدرون أنا وين بسكن ؟؟ في بيت أبووي:cheese: خخخخخخخخ زعلتو مني :c8: تكفون لا لاتزعلون بس ابي اقول لكم اني صحيح عايشة في بيتنا بس ترى قلبي عليكم و حاسة فيكم وفي معاناتكم تقبلوا مروري |
رد: للطالبات الموجودات في سكن جامعه الملك فيصل
امممممممممم انا من انا:017:
لالالالا مالك حق كذا نعطيك عين كلنا:bgs18: ولا نبيك معنا في القروب لا تتلزقين خلاص لا تحاولين:hahaha_2008: ههههههههه:hahaha_2008: يالله الله يوفقك حبيبتي بس المهم انا بنشوفك في كليتنا لا تزعلين:c8: نتميلح :mh35: مع حبي وسلامي |
رد: للطالبات الموجودات في سكن جامعه الملك فيصل
خخخخخخخ يخرب ابليسك ياتعبك راحة:hahaha_2008: اللي يسمعك يقول اني ميتة على قروبكم :mh35: أصلاً بيني وبينك:064: شلة الثانوي أنقبلو معاي :hahaha_2008: :lllolll: يالله بالتوفيق ياقروب تعبك راحة الله يوفقكم ويوفقنا معاكم في امان الله |
رد: للطالبات الموجودات في سكن جامعه الملك فيصل
ياحظكم <<<<<<<<<<<< ودها بسكن من يوم كانت بأبتدائي :cheese:
|
رد: للطالبات الموجودات في سكن جامعه الملك فيصل
طيب عندي سؤال لو سكنت تبع سكن الجامعه وبغيت انزل للدمام مثلاً لازم حضور ولي الامر ولا شسالفه!
ودي اسكن بس اخاف لازم ولي الامر يجي هو اللي يطلعني! اتمنى تردون |
رد: للطالبات الموجودات في سكن جامعه الملك فيصل
بصراحه انا اللي سمعته عن السكن ان الطلعه على كيف البنات بس مو راضي يدخل في بالي هالشي:mh19:
صحــيــح؟؟؟!!!:g2: |
رد: للطالبات الموجودات في سكن جامعه الملك فيصل
اقتباس:
حلو احس وناسه :g4: |
رد: للطالبات الموجودات في سكن جامعه الملك فيصل
خخخ طيب انا سالت قالوا لي اول يوم دراسه علشان سكن تبع الجامعه واذا وصلت الاحسا ابات بالشارع هههههههههههه
مشكله وربي:bawling: |
رد: للطالبات الموجودات في سكن جامعه الملك فيصل
كيف أول يوم دراسة ..!!
زين نأخذ معنا اغراضنا !! أخاف مايدخلونا من اول يوم ؟! |
رد: للطالبات الموجودات في سكن جامعه الملك فيصل
السلا عليكم ورحمة الله وبركاته.......
انا من سكان الدمام... بس ماراح اسكن في سكن الجامعه............ بسكن عند جدتي ........ انا عن نفسي احس السكن حلووو وممتع........... وفرصه يكون عندك خوات جدد............. الله يوفقكم يااااااااااااااااااارب...........:praying: نتقابل بالقطااااااار رايحين الدمام.........خخخخخخخخخخخ:hahaha_2008: |
رد: للطالبات الموجودات في سكن جامعه الملك فيصل
:love080: :love080: :love080:السلام عليكم ورحمة الله وبركاته :love080: :love080: :love080: مبروك طبعاً للي انقبلوا معنا بالجامعه واللي انقبلوا بالسكن وحابه اعطيكم نبذه بسيطه عن السكن من خلال السنتين اللي عشتهم فيه يعني بصراحه السكن ممتع من ناحية اذا كان معك شخص او اثنين تعرفينهم هذا اول شي" ثاني شي ابي اقولكم ان السكن بصراحه موهذاك الزود يعني موسكن كشخه ولافيه وسائل ترفيه زي البيت وبصراحه اناموحابه احطمكم بس هذي سبيات السكن نجي للإيجابيات"""وهوانك تتعرفين على ناس جدد وشخصيات جديده ويساعدك انك تكونين انسانه اجتماعيه وبصراحه انا ساعدني كثير وبرضوازي ماانتو عارفين اغلب المتفوقات ماشالله تبارك الرحمن بالسكن يعني بإذن الله ماراح تحتاسين بالمذاكره واذا فاتك شي بنات السكن جاهزين ماشالله وطبعاً لازم انتِ تخلقين لنفسك جوممتع بالسكن يعني حاولي تجيبين من البيت اي شي يسليك بعد المذاكره وعن طلعات خارج السكن طبعاً ممنوع بس ممكن اذافيه شي طارئ يكون فيه وكيل او ولي امرك يقدرون يطلعونك واي شي تطلبينه بيجيك لانه صار فيه الطلبات مفتوحه للساعه 11.30 بالليل وحالات الطوارئ فيه سياره خاصه او باص يوديك للمستشفى اذا احتجتي وعادة يودون للمركز الصحي اللي خاص بالجامعه وفيه ممرضه داخل السكن وبوفيه صغييير مررره ومصلى ومكتبه متواضعه مكتبه تحوي كتب للاستعاره وكمبيوترات <<<عادة خربانه ومكتبه للادوات اللي تحتاجينها وطبعاً الوكيل يوديك ويجيبك لمحطة القطار واي شي تبينه ممكن يجيبه لك هوالاخر جزاه الله الف خير بصراحه احنا حتى اذا نبي نسوي حفلات بالسكن يجيبلنا هو كل شي وختاماًًً <<<ههههههه حشااخطب فيكم الله يوفقكم للي فيه الخير وانا من وجهة نظري اللي بعيد عن الحسا تسجل بالسكن<<<بس على فكره يقولو انهم بينقلونا بسكن جديد ومحدمدحه لي للحين :000: وبصراحه اناالزم ماعلي قروبي يكونون معاي وبس يعني احس بديت اتأقلم مع السكن ((بشروني عنكم حتى لوبالخاص)) وسلاااااام:love080: |
رد: للطالبات الموجودات في سكن جامعه الملك فيصل
طيب اختي فراوله حامضه لو جبنا معنا الاب توب وكنكت عادي يدخل السكن ولا لا
:g2::s11: |
رد: للطالبات الموجودات في سكن جامعه الملك فيصل
هايــــ ــــز حلواااااتــ =) تطمنوا السكنــ من جد فلهـ ووناسهــ ... المسألهـ مسألة وقتــ .. في البدايهـ شي طبيعيــ تحسينـ بالغربهــ ... معـ الوقتـ تتأقلمينــ ولشان ماتتفاجأو ... السكنــ القديمــ (شكلهـ رعبــ) .. بس على كلامهمــ خلاص بينقلونا اقتباس:
بس مهما يكون ... اكيد بيصير اهونــ من القديمــ ــخخخخخـــ نصيحهـ منيــ ،،،،، احرصوا على اختيار الصحبهـ الصالحهــ.. وبــيـهونـ عليكمـ كل شي ... هذا اهم مافي الموضوعــ =] وبالنسبهــ للابتوبـــ ... مافيش مشكلهـــ خالصــ ... اهمـ شي يكون بدونــ كامــ تبعاً وفي البدايه لازم تروحين عند مسؤولة السكن منيرة الأزرقيــ لشان تديكــ تصريحــ للاب بالتوفيقــــ حبايبــي ... وياربــ ترتاحوونـ في السكنــ دمتمــ بود |
رد: للطالبات الموجودات في سكن جامعه الملك فيصل
ابي اسال عن السكن كم غرفة باالشقة وكم بنت بالغرفة؟ معليش لو حنا نختار اللي نبي معنا بالغرفة والا لا؟ واذ ابي لوحدي بالغرفة نفس القيمة والا غير؟ |
رد: للطالبات الموجودات في سكن جامعه الملك فيصل
اقتباس:
( وهذا بالنسبهــ للسكنـ القديمـ مدري اذا السكن الجديد نفس نظام توزيعـ الغرفـ او يختلف !! ) اقتباس:
اقتباس:
موفقهــ حبيبتيــ =) |
رد: للطالبات الموجودات في سكن جامعه الملك فيصل
مرآآآآآآآآآحب
انا بس ابي اعرف احنا بنات السكن الجامعي متى نروح نقدم اورقنا للسكن لاني حاسه ان راح تبدى الدراسه ومافي مكان نجلس فيه اذا عندكم اي معلومه بليز افيدوني مع حبي:g2: |
رد: للطالبات الموجودات في سكن جامعه الملك فيصل
^
نفس السعآل :000: بليييز أبي رد .. |
رد: للطالبات الموجودات في سكن جامعه الملك فيصل
سلااااااام .. انا رحت قالوا بعد ماتستلمي الجدول الدراسي ..وسألتهم يعني أكيد يفتح المبنى الجديد قالت لي احتمال من 50% الـى 70% يعني مش أكيـــــــــد..:g2: أنا عني قلت هالترم بكون في خاص والترم الثاني يصـير خـير..أتمنـى انـي أفدتكــــــــم.. |
رد: للطالبات الموجودات في سكن جامعه الملك فيصل
اللي سمعته انه بدى التسجل للسكن وانا اوراقي صارت عندهم:g8:
|
رد: للطالبات الموجودات في سكن جامعه الملك فيصل
^
كيف ومتى ؟! تفكين جاوبيني وقسم آني محتآآره مدري وين بسكن ؟!:000: |
| All times are GMT +3. الوقت الآن حسب توقيت السعودية: 12:29 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه