المشاركة الأصلية كتبت بواسطة meemo0 (المشاركة 2754158)

بسم الله الرحم الرحيم

السلام
بعد ه

ودنا نتناقش بـ احسن دكاتره جربتوووهم لمواد التأهليه

وابي راااااااايكم فيهم من ناحية القاء المحاضره وغيره,,,,,,,,,



مبادى محاسبه 1

أخذتها عن الدكتوره عائشه بصراحه تأسس البنات زيين وشرحها حلووو تدخل المعلومه.. وأوقات الفراغ عندها إذا عندج شي مو فاهمته تروحين لها وعادي تشرح لج

مبادى رياضيات 1

انا درستها عند الدكتوره شاديه وأفهم عليها بسرعه يمكن لأني علمي مو ادبي .. بس أغلب البنات ما حبوا شرحها على قولتهم تعطي الرموز بإنجليزي مثل س,ص تبدلهم بـ x,y

بس سمعت كمان أن الدكتور الطاهر شرحه حلو وأسئلته حلوووه
عموما يا قلبي رياضيات 1 حده سهل بس ذاكريه أول بأول

مبادىء ادارة الأعمال

خخخخ أنا هذي الماده حملتها بسسب الدكتور (؟؟؟؟؟) ما أقول إلا حسبي الله عليه
المهم الحين في الدكتور أمجد والدكتوره سماح بيومي
وأنا سمعت من بعض البنات يمدحونهم أثنينهم وأنا هذا السمستر خذت إدارة الأعمال عند سماح بيومي

مبادى القانون

ما في إلا الدكتور خالد عبد التواب شرحه حلوه بس أسئلته دقيقه شوي
وأنتبهي كل شي يقوله كتبيه معاه بالتفصيل لأن يجيب من إللي يشرحه ومن الملزمه إللي بتشترينها من المكتبه

تربيه صحيه

الماده سهله جدا جدا جدا تحسين أن معلوماتها عامه وبسرعه تنحفظ ..مالها دكتوره معينه



مبادى الاقتصاد الجزئي

أنا اخذتها عند الدكتور حسن الهجهوج شرحه جداجدا حلو بس أسئلته دقيقه بمعنى الكلمه يبي له أم التفكير تحسين ما كأنج مذاكره ومو من الملزمه

يمدحون حيييل في إسلام نصار عليها شرح وأسلوب وأسئله سهله بس لازم تجيب سؤال ذكاء شوي يبي له تفكير ..أنا أخذت هالدكتوره ألحين لمادة إقتصاد كلي




وسؤال واحد وشو اصعب ماده جربتوها ؟
انا بالنسبه لي مادة القانون مو صعبه بس معلوماتها دسمه حيييل حييييل
وإدارة أعمال نفس الشي

يعني هالمادتين يبي لهم مذاكره أول بأول ولا بتندمين بعدين مافي وقت تذاكرينهم للنهائي يعني إذا مو مذاكرتهم أول بأول تروحين الإختبار النهائي وأنتي مو مخلصه