|
استفسار عن الدكاترة
السلام عليكم ورحمه الله وبركاته
بغيت استفسر عن اسماء الدكاترة اللي يدرسوني اللي درستها نفس الدكتورة او عندها خلفيه عن طريقه تدريسها وتعاونها مع الطالبات ي ليت تفيدني النظام الاقتصادي في الاسلام ----- هدى عبدالعزيز التيسان مبادئ الاقتصاد الكلي ----- ناديه عيسى الماحي النظام الاجتماعي في الاسلام ----- ايمان البغا مدخل محاسبه مالية 2 ----- نورة الخطيب اخلاقيات العمل ---- نجوى البدالي :rose: |
رد: استفسار عن الدكاترة
^
ايمان البغا جربت معهاا اقتصادي مآهي شينه تمشي الحال لكن اسالتها دقيقه بالاختبار وتجيب اشياء ماتتوقعينها نظامها كتاب وتكتبكم اشياء وتجيبها بالاختبار .. الشي الحلو انها تاخذ بالفهم مهما كتبتي يعني بفهمك تاخذه .. بالتوفيق |
رد: استفسار عن الدكاترة
وعليكم السلام ورحمة الله وبركاته ..~ ما درسني أحد منهم غير د.إيمان البغا ، تاخذ وقت المحاضرة كله لآخر لحظة . . أهم شي سجلي الملاحظات اللي تقولها وإذا قالت لك اكتبي معاي لا تطنشي كلامها وسجلي كل شي ، بالنسبة للمذاكرة هي راح تخطط معاكم الكتاب . . أسئلتها مقالية جددداً وتحب التعاليل كثير كثير ، لكن دامها تدرسك اجتماعي فتطمني أنا جربت عندها 3 مواد والاجتماعي كان أسهلها من ناحية الأسئلة والمذاكرة بعد . . أما الباقي إن شاء الله يفيدونك ، وصح لو تحبي أوراق مساعدِة للمذاكرة مسويتها أنا راسليني خاص وراح أعطيك موفقة عزيزتي =] |
رد: استفسار عن الدكاترة
يعطيكم العافية
شايله هم الاسئلة المقالية متعوده ع الدلع بالتعليم عن بعد الاسئله موضوعية |
رد: استفسار عن الدكاترة
اقتباس:
لا تشيلين هم أغلب المقالية تجي سهلة ، بس فيه كم شي يجي صعب :icon120: بالنسبة لي الأسئلة الموضوعية حقها أصعب من المقالية :064: |
رد: استفسار عن الدكاترة
لا تشيلين هم .. و فيه موضوعي ايضا, اهم شي انك تذاكرين كويس . |
رد: استفسار عن الدكاترة
لا تشيلين هم .. و فيه موضوعي ايضا, اهم شي انك تذاكرين كويس . |
رد: استفسار عن الدكاترة
نفس كلام البنات عن د. ايمان البُغا + تأخذ راحتها طول السمستر وفي المحاضرات الاخيره تضغطنا وبعض الدروس ماتشرحها .
|
رد: استفسار عن الدكاترة
اقتباس:
مايهمني شرحها قد ما تهمني اسئلتها بالاختبارات لان الماده احسها معلومات عامه حتى لو ما شرحت بفهم الله يسهل علينا ويسخرها لنا |
رد: استفسار عن الدكاترة
هدى التيسان درستني عقيدة
الله يعينكم عليها تهدر كثير وماتثبت على كلمة تغير رايها في الدقيقه نفسها بس لكل محاضره تعطينا اوراق و اسئلتها في الميد مره سهلة تقول لنا بس اقروا المحاضرة وتعالوا الاختبار بالنهائي الاسئلة عاديه ماينخاف منها :d5: يعني مافي انسان كامل ..ههه |
رد: استفسار عن الدكاترة
دكتورة ايمان دقيييقه جدا لازم تكتبين معاها الي تقول كتبيه حتى لو ماله علاقه بالموضوع كتبيه لانها تييبة
دكتورة نجوى خلو شرحها واسألتها من الي تقوله دكتورة نورة الخطيب ماتطلع ابدا من الي تقوله صج منهجها طوييييل بس حلو تستمتعين فيه لانها تقسمه لكم وممكن بالفاينال تييب افكار شويه بس مو برة الي تقوله كله تقولة |
رد: استفسار عن الدكاترة
دكتورة إيمان البغا يعني وش أقولك تحب تسولف بششكل رهيب :biggrin:
يعني الماده في جهة واللي تسولف فيه اغلب الوقت في جهة ثانية ماله داعي ابد :24_asmilies-com: وماتطلعك بدري ابد تحب تاخذ الوقت كله:007: ، واحتا ف اغلب الوقت نقول لها خلص الوقت عشان تطلعنا :16.jpg: وتخليك تكتبي ف الكتاب وهذا مهم مهم مهم انك تذاكريه لانها اكيد راح تجيبه :(204): وف اخر السنه تمشي المنهج سريع سريع وعادي تحدد لكم شي تذاكروه ب الفانيل وهي ماشرحته :(177): وأسئلتها نص ونص موفقة :004: |
رد: استفسار عن الدكاترة
وعليكم السلام ورحمة الله وبركاته ,
أ. نادية الماحي , درستني السمستر اللي فآت . شرحها جمميل وما تملين معها , وتبسط لك الماده تحب تتفاعلين معها وتنتبهين تنزل حوالي 5 واجبات ع البلاك بورد سهله تقدرين تقولين مجرد تطبيق ع الدرس , أكثر شيء تكرهه انك تتأخرين وتتكلمين بمحاضرتها أو تطلعين الجوال . تعطي بونس بنهاية كل محاضره ل اللي شآركوا معها . أسئلة الميد حلوه وواضحه * من بعد دراستي للأقتصاد عندها وعند أ. أمل زكي تمنيت فيه تخصص إقتصآد :( --- أ. إيمان البغآ درست عندها النظام الاقتصادي في الأسلام . مثل ما قالوا نادراً تترك دقيقة من محاضرتها , تحب تتكلم عن المواضيع بشكل واسع و أحياناً تنسين بداية الموضوع أو الفكره اللي بدأ فيها الشرح , طول السمستر طلبت واجبين وبحث ما تحب أحد يتكلم ولا يضحك بالمحاضرة و كل الاشياء اللي تقولها وتنبه عليها بالكتاب مهمه جداً و التعاليل مهمه .. بالميدات تجيب صح و خطأ وتقول لك قولي السبب ليه صح و اللي خطأ صححيه . بالنسبه لي شفت أسئلتها حلوه وواضحه سواء بالميدات أو الفآينل ,. .. أ .نجوى البدالي أنسانه خلوقة جداً جداً تشرح بذمه وضمير و تعاملها جميل أسئلتها حلوه وواضحه . تحب الأختياري و أغلب أسئلتها هو :) تحاول قد ما تقدر تبسط لك المنهج و الأشياء المهمه تقولك عليها . ولو فيه نقآط متشابه في الدروس تنبهك عليها وتحاول تربط لك الأمور وتوضحها . و موفقه ~ |
رد: استفسار عن الدكاترة
السلام عليكم ورحمه الله وبركاته
بغيت استفسر عن اسماء الدكاترة اللي درستها نفس الدكتورة او عندها خلفيه عن طريقه تدريسها وتعاونها مع الطالبات ي ليت تفيدني الاحصاء في الاداره .... اماني بابكر مدخل محاسبه ماليه 2 .... اماني ابراهيم النظام الاقتصادي .... امينه الجلاهمه شكراً مقدماً :2: |
رد: استفسار عن الدكاترة
اقتباس:
http://www.ckfu.org/vb/t610527-2.html |
رد: استفسار عن الدكاترة
اقتباس:
كلامك جدا مريح يعطيك العافية ايمان البغا كرهتها من الحين يعني اساسا الماده احسها سهله ومعلومات عامه ليه يحبون يصعبون الماده ما ادري :Cry111: |
رد: استفسار عن الدكاترة
درستني البغا ، وهدى التيسان
طبعاً م قصروا البنات هههه وكل كلمه قالوها فعلا ب محلها اما استاذه هدى برضو تهرج وتحسينها مرتبكه كثير لكنها طيبه .. يعني بتحصلين عندها درجات ع قد تعبك بالضبط باذن الله اسئلتها مو صعبه ابدا ابدا بالتوفيق |
رد: استفسار عن الدكاترة
بشكل عام كيف انطباعكم عن مستوى ثالث ؟
|
| All times are GMT +3. الوقت الآن حسب توقيت السعودية: 04:04 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام