ملتقى طلاب وطالبات جامعة الملك فيصل,جامعة الدمام - ضروري لإدارة كلية الدراسات التطبيقيه وخدمة المجتمع

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- منتدى كلية الدراسات التطبيقية وخدمة المجتمع بالدمام (https://vb.ckfu.org/forumdisplay.php?f=303)

- - ضروري لإدارة كلية الدراسات التطبيقيه وخدمة المجتمع (https://vb.ckfu.org/showthread.php?t=364437)

M!ne ~

2012- 9- 1 04:15 PM

ضروري لإدارة كلية الدراسات التطبيقيه وخدمة المجتمع

السلام عليكم ورحمة الله وبركاته

انا طالبه محوله تعبت وانا الحق وراكم من مكان لمكان

اللي يقول روحي الشؤؤون الأكاديميه واللي يقول روحي القبول والتسجيل

واللي يقول روحي لمدري مين وبعدين يعطوني رقم اكلمه وطول الوقت مشغول محد حوله

يعني لو سمحتوا نبغى احد يهتم بموضوعنا

انا من رمضان اروح واجي واضرب مشوار الطريق كله وارجع بدون فايده

سويت طلب التحويل وقبلوني وسويت اوراق وصف المقررات ووقعت على المعادله

واليوم اروح يقولولي لسه ماجانا شي !!!

طيب انا ابغى اعرف انا بأي مستوى وايش المواد اللي راح ادرسها وابغى اسجل موادي بس في النظام حتى معلوماتي ماتغيرت باقي على الكليه القديمه ؟؟؟

وفيه وحده حولت معانا ونزلت موادها بالنظام وسجلت جدولها

وهي من نفس كليتنا وانا وكم طالبه من نفس الكليه ماجانا شي بخصوص المعادله

ياريت احد يشوف موضوعنا قبل لا تبدأ الدراسه

ويعطيكم العافيه :rose:

Faso0olo03

2012- 9- 1 04:24 PM

رد: ضروري لإدارة كلية الدراسات التطبيقيه وخدمة المجتمع

من الافضل تخلي ابوك يروح قسم الرجال ويخلصك هناك لان بصراحه ع ما سمعت ان البنات اكثر شي يخلو ابائهم يستفسرو لهم بسبب البط في قسم البنات ويليت يكون بكره لان راح تقفل قسم المشاكل بكره فياليت تلحقي ع نفسك

M!ne ~

2012- 9- 1 05:08 PM

رد: ضروري لإدارة كلية الدراسات التطبيقيه وخدمة المجتمع

طيب واللي ماعنده او مايقدر ايش يسوي ؟؟
يعني يقعد تحت رحمتهم لين يفرجوها له ؟؟

يعني الواحد المفروض يفكر بظروف غيره كمان ويحطوا احتمالات وارده

جد ف هذا الشي اتمنى اكون رجال عشان اخلص اموري بنفسي ولا اقعد على انتظار احد :(177):

الوعد غدا

2012- 9- 1 05:09 PM

رد: ضروري لإدارة كلية الدراسات التطبيقيه وخدمة المجتمع

انتي تعالي اليوم التعريفي وكلمي الدكتورة دلال وقولي لها ع كل شيء

M!ne ~

2012- 9- 1 05:13 PM

رد: ضروري لإدارة كلية الدراسات التطبيقيه وخدمة المجتمع

اكيد ان شاء الله راح اجي ماراح اخليهم بحالهم

يعني حرام وضعي كدا معلق

رحت اليوم على الفاضي كل شويه يرسلوني مكان

الله يعيـــــــــــــــــــن

توكلت عليك يااااااارب في اموري وقضاء حاجتي :106:

الوعد غدا

2012- 9- 1 05:16 PM

رد: ضروري لإدارة كلية الدراسات التطبيقيه وخدمة المجتمع

الله يووفقك ويسهل امورك ان شاء الله

M!ne ~

2012- 9- 1 05:24 PM

رد: ضروري لإدارة كلية الدراسات التطبيقيه وخدمة المجتمع

آمين يارب ويسهلها على الجميع

بنت النجدي

2012- 9- 1 05:54 PM

رد: ضروري لإدارة كلية الدراسات التطبيقيه وخدمة المجتمع

أنا النظام عندي تغير :(107): ودقو علي وقالوا سجلي موادك ودخلت وسجلت المواد المستوى الاول لاني مادرستها / إلا مادة وحده رفضت تتسجل معي وهي مهارات حاسب ...بكرا بداوم واشوف الوضع ::إذا عرفت أي حاجه بقولك والله يسهل على الجميع :000:

جنة عدن

2012- 9- 1 09:53 PM

رد: ضروري لإدارة كلية الدراسات التطبيقيه وخدمة المجتمع

اهليين ياقمر
شوفي اني رسلت رساله الى دكتور صالح عميد كليه الدراسات من المنتدى جامعه الدمام الرسمي
واذا صار اي شي افكورس رح اخبرك

جنة عدن

2012- 9- 2 12:35 AM

رد: ضروري لإدارة كلية الدراسات التطبيقيه وخدمة المجتمع

حبيبتي mine دكتور صالح رد عليي
وهذا رده

اقتباس:

السلام عليكم ورحمة الله؛؛
لقد تم رفع أسمائكم لعمادة القبول والتسجيل من أجل تحويل سجلاتكم على الكلية... وبعد تحويلكم سيتم عمل معادلة مواد وتسجيل المواد لكم؛؛

التأخير ليس من الكلية .. ان شاءالله المشكلة محلولة هذا الاسبوع

تحياتي

رده يريح
بس مارح نرتاح لحد مايتسجلوا المواد
كيف الى الان الجامعه مانقلت سجلاتنا،، مايندرى الي محولين داخلي من الكليات الاخرى في احد عنده نفس المشكله لو بس احنا
كل شي بيبين خصوصا ان الدراسه الفعليه رح تبدأ سبوع الجاي
بس اهم شي اذا ماتمت المعادله والجامعه مارضيت تنقل سجلاتنا يرجع الينا السجل الورقي مو يضيع >>اكثر شي قالقني السجل الورقي يضيعونه ولانستفيد شي

بس ان شاء الله كل خير

M!ne ~

2012- 9- 2 01:35 AM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة بنت النجدي (المشاركة 7134814)

يعطيك العافيه ياقلبي وربي يوفقك

يعني دحين انتي تدرسي 7 مواد كامله من المستوى الأول ؟؟؟

M!ne ~

2012- 9- 2 01:39 AM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة جنة عدن (المشاركة 7138328)

حبيبتي mine دكتور صالح رد عليي
وهذا رده

رده يريح
بس مارح نرتاح لحد مايتسجلوا المواد
كيف الى الان الجامعه مانقلت سجلاتنا،، مايندرى الي محولين داخلي من الكليات الاخرى في احد عنده نفس المشكله لو بس احنا
كل شي بيبين خصوصا ان الدراسه الفعليه رح تبدأ سبوع الجاي
بس اهم شي اذا ماتمت المعادله والجامعه مارضيت تنقل سجلاتنا يرجع الينا السجل الورقي مو يضيع >>اكثر شي قالقني السجل الورقي يضيعونه ولانستفيد شي

بس ان شاء الله كل خير

يعطيك العافيه ياقمر وانا كمان واحد قال لي راح يسأل القبول والتسجيل ويرد لي خبر

يجزاه ربي كل خير ويجزيك ربي كل خير

يعني ماراح نداوم هالاسبوع كله لين يجينا الرد صح ؟؟ :(107):

اذا ماصار شي نروح ناخذ سجلاتنا اصرف لنا

واذا جاك رد على الموضوع خبريني ,,

تسلمي يا عسل :rose:

جنة عدن

2012- 9- 2 04:42 AM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة m!ne ~ (المشاركة 7138741)

ممتاز انه رح يسأل
اي اني ماباداوم لانه الكليه الى الان ماجا اليها رد واذا تعادلت المواد اكيد النظام رح يتغير وبيبين معانا
اني بدخل على نظام السجلات وباشوف يتغير لو لا
اذا ماتغير برجع اسأل من جديد مافي اي فايده خلاص بسحب اوراقي
اكيد غناتي رح اخبرك عن اي شي جديد

أم ريم

2012- 9- 2 07:24 PM

رد: ضروري لإدارة كلية الدراسات التطبيقيه وخدمة المجتمع

بصراحة انا تعبت من التفكير بوضعنا لدرجة شكيت انهم غيروا رايهم في تحويلنا خصوصا ان المشكلة تواجه اللي انهو الدبلوم بالكلية السابقة اما اللي تحولو و هم سنة اولى انتقلت سجلاتهم ،،، ماحبيت وضعنا المعلق ليش مايعطونا كلمة و يريحونا من البداية الوضع ماكان واضح >_< ،، نفس الشي بكرة اذا رحت بحاول استفسر عن وضعي

بنت النجدي

2012- 9- 2 07:47 PM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة m!ne ~ (المشاركة 7138717)

يعطيك العافيه ياقلبي وربي يوفقك

يعني دحين انتي تدرسي 7 مواد كامله من المستوى الأول ؟؟؟

يب ادررس 7 مواد لانو مادرسناهم وترا قالوا لي انو ولانص مادة بيسون معادلة مواد يعني لاتتأملون لان مادرسنا مثلهم ابد ....
ترا في بنات كثير محولين شفتهم اليوم عادي سجلوا جدولهم عند الاداره وطلعوا وامورهم تمام ..

واي استفسار بعاونكم:119:

جنة عدن

2012- 9- 2 08:18 PM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة أم ريم (المشاركة 7144364)

لا تتعبي ولا شي اذا الينا رزق رح اناخده

GYGY 93

2012- 9- 3 02:02 AM

رد: ضروري لإدارة كلية الدراسات التطبيقيه وخدمة المجتمع

وانا بعد محولة للكلية وللحين ماسويت جدولي :000:

اللحين نروح نختبر تحديد مستوى انجليزي ولا مايحتاج ؟:(269):

سئلت الشؤون وسئلت استاذة بالقبول والتسجيل يقولون مايدرون :139:

M!ne ~

2012- 9- 3 05:45 AM

رد: ضروري لإدارة كلية الدراسات التطبيقيه وخدمة المجتمع

يعني لو رحت اليوم بتكون روحتي على الفاضي .. :(107):

أم ريم

2012- 9- 3 06:01 AM

رد: ضروري لإدارة كلية الدراسات التطبيقيه وخدمة المجتمع

يعني كيف مانروح اليوم؟ ،، لاني كلمت السواق قلت بروح و اكلمهم ،، ابي بس اعرف احنا بندرس بهالكلية و لا لا ،،، اذا لا الغي حجوزاتي عند السواق و الحضانة :Cry111:

M!ne ~

2012- 9- 3 09:51 AM

رد: ضروري لإدارة كلية الدراسات التطبيقيه وخدمة المجتمع

اذا رحتي وقالولك شي خبرينا :sm12:

أم ريم

2012- 9- 3 05:01 PM

رد: ضروري لإدارة كلية الدراسات التطبيقيه وخدمة المجتمع

اليوم رحت و طبعا كل مارحت لوحدة تحولني للثانية و من وحدة لوحدة و من وحدة لوحدة و عند كل وحدة انتظار طويل و زحمة لحد ما راسي صار هالكبر :Cry111: ههههههههه و قالولي ان اسماءنا رفعوها بخصوص النظام او السجلات عشان تنرسل من كليتنا السابقة ،،، المهم في الاخير خلوني اختار شعبة و اسجل المواد يدويا يعني تعطيني ورقة و اكتب فيها اسماء المواد و السي ار ان و اسم الشعبة و اعطيها و خلاص بعدين اذا مثلا مادة من اللي سجلتهم عادلوها هم يحذفونها و ان شالله يعادلو اكثر من مادة ،،، بكرة روحو و ان شالله بتشوفو الوضع اخف لان كثيييير اليوم جاو مستجدات ماسجلو لانهم ماكانو يعرفو للنظام و ماجاو الا اليوم عشان فرصة انهم جايين للقاء حق المستجدات ،،، و عشان اسهل عليكم اكثر اذا دخلتو اسالو عن مبنى F و روحو له و اظن اسم اللي سجلت لي استاذة هناء البابطين

أم ريم

2012- 9- 3 05:04 PM

رد: ضروري لإدارة كلية الدراسات التطبيقيه وخدمة المجتمع

اقترح على الكلية مستقبلا توظيف منسقة مهمتها فقط الاهتمام بالمحولات و اجراءات التحويل او على الاقل التوضيح للمحولات بماهو مطلوب منهم لان الوضع بصراحة لا يوصف

جنة عدن

2012- 9- 3 07:34 PM

رد: ضروري لإدارة كلية الدراسات التطبيقيه وخدمة المجتمع

اني عن نفسي ماني رايحه ولا شي
وحتى لو عبيت ورقه التسجيل اليدوي مارح يسجلوني الا لما يقلب السيستم على ع كليه الدراسات
اني اتوقع جامعه الدمام جالسه تدرس حالتنا والى الان تفكر في وضعنا خخخخخ
لان اول ماقبلونا في التحويل
سجلي في النظام قالب على كليه الدراسات ويظهر في النظام لم اسوي بحث عن فصل عن مواد الكليه وبعد ماسلمت اوراقي تغير ورجعوه الى الكليه السابقه والان يظهر عندي ليس لديك صلاحيه
والله اعلم

M!ne ~

2012- 9- 4 05:56 AM

رد: ضروري لإدارة كلية الدراسات التطبيقيه وخدمة المجتمع

انا عن نفسي بعد مو رايحه

اذا كلموني رحت واذا لا بروح لهم السبت ان شاء الله بيكون الوضع لنا ومافيه قروشه زي هالاسبوع

وراح يستوعبوا ايش قاعدين نقول اما يقعدوا يصرفونا وسجلوا موادكم ومدري ايش

وبالسستم على قول جنة عدن ماتغيرت معلوماتنا ماراح نستفيد شي :sm4:

الله يعين :rose:

جنة عدن

2012- 9- 4 08:28 PM

رد: ضروري لإدارة كلية الدراسات التطبيقيه وخدمة المجتمع

خلاص mine اذا جيتي اكتبي ويش يصير معاش
اني الحين لما ادخل تسجيل من النظام تطلع الي
http://store2.up-00.com/Sep12/q4O79054.png
خخخخخخ من قبل ع الاقل اقدر ابحث عن فصل ويطلع الي مواد المجتمع بالقطيف بس الحين ابد حتى هالصفحه مااقدر ادخلها

ولما اروح لطلب تحويل اضافه قيمه يطلع المؤسسه كليه المجتمع بالقطيف دبلوم

جنة عدن

2012- 9- 5 02:20 PM

رد: ضروري لإدارة كلية الدراسات التطبيقيه وخدمة المجتمع

بنات الكليه اتصلت عليي وقالوا الي اجيب وصف مققرات مختوم
يبي الي اروح للمجتمع السبت
المشكله الي في الشؤون الي في المجتمع قالت الي مااقدر اعطيش مختوم

أم ريم

2012- 9- 5 05:49 PM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة جنة عدن (المشاركة 7168533)

انا رحت و عطوني وصف مقررات مصور يعني عليه ختم بس الورقة نفسها صوره ههههه بس قالت لي عادي
و لما وديتها ماقالو شي

يعني تمام اتصلو عليك يعني في تطورات على الاقل تحسسنا ان احنا بندرس هههههه:33_asmilies-com:

جنة عدن

2012- 9- 5 07:04 PM

رد: ضروري لإدارة كلية الدراسات التطبيقيه وخدمة المجتمع

حتى اني لما وديته صوره ماقلات الي شي
بس اليوم اتصلوا قالت الي تبيه مختوم رسمي
قلت اليها الكليه ماتعطيني الا هذا قالت الي دبري روحش عندش لسبوع الجاي الاحد تجيبه لنا :hhheeeart4:

M!ne ~

2012- 9- 5 07:53 PM

رد: ضروري لإدارة كلية الدراسات التطبيقيه وخدمة المجتمع

الله يعين بنشب لهم ولا بدخل على استاذه فاطمه العواجي

انا راح اكلمها اكييييييد

لأن كلنا اعطونا مصوره .. مدري الدراسات بيصعبوها علينا ولا ايش الهرجه

ام ريم اكيد بيكلموك لأن حتى انا كلموني :000:

الله يعييييييييين يارب وتتسهل :rose:

أم ريم

2012- 9- 6 03:00 PM

رد: ضروري لإدارة كلية الدراسات التطبيقيه وخدمة المجتمع

.... بعد عدة رسائل ارسلتها للعميد حتى استطيع فهم وضعنا اجابني في النهاية .. :

للأسف أي طالبة تم اعطاءها القبول على التحويل وهي قد أنهت الدبلوم فلن يتم اكمال التحويل لها... مجلس الكلية يرفض اكمال الدبلوم الا لطالبات الكلية على النظام السابق وبشروط محددة؛؛

تحياتي

انا من ناحيتي ارفض مجرد هذه الاجابة ،،، لانه تم حرماننا من الفرص الوظيفية و الدراسية بسبب هذا التعليق و اللي قهرني اكثر ان و لا موظف بالكلية كلف نفسها اخبارنا على الاقل بالرفض يعني لو اني مارسلت و سألت كان حضرت السبت المحاضرات و انا مرفوضة ....
عندي رغبة بتصعيد الموضوع و ارسال شكوى لان بالنسبة لي الوضع مو هين ،،،لان ماعمري سمعت بقبول في جامعة و بعد ارسال الوثائق يصير رفض ،،، لكن ماعندي فكرة وين اشتكي عند الامارة مثلا؟

جنة عدن

2012- 9- 6 03:08 PM

رد: ضروري لإدارة كلية الدراسات التطبيقيه وخدمة المجتمع

ويشو يعني الان
نسحب ملفنا ؟؟
ام ريم ويشو بتسوي الان ؟
وmine ويشو بتسوي الان ؟

CONFIDENCE

2012- 9- 6 03:58 PM

رد: ضروري لإدارة كلية الدراسات التطبيقيه وخدمة المجتمع

أنا نزلت لي المواد اليوم بالنظام وسويت جدولي بس لما أضغط
تاكيد التسجيل من عربة التسوق يقولي
غير مصرح لك بتسجيل خدمة ذاتية في الوقت الحالي. !

كيف يعني خلص وقت التسجيل ؟
وانا طالبه محوله وتوها تنزل المواد بالنظام اليوم ؟!

بنت النجدي

2012- 9- 6 06:48 PM

رد: ضروري لإدارة كلية الدراسات التطبيقيه وخدمة المجتمع

أنا دقو علي وقالت لي اجيب وصف المقررات مختوم مابطلع من القطيف إلا لما تختم لي ان شاء الله ....
اما شنو رفض :eek:
انا ماخلصت الدبلوم :sm5:

بنت النجدي

2012- 9- 6 06:49 PM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة confidence (المشاركة 7175350)

انا نزلت المواد على النظام وفيه ماده مارضت تتسجل يقول انت درستها من قبل ....
سمعت انو الجمعه اي بكرا بيخلص التسجيل ....
انتي سجلتي موادك بالكليه من قبل ولالا !!!!

GYGY 93

2012- 9- 7 01:29 AM

رد: ضروري لإدارة كلية الدراسات التطبيقيه وخدمة المجتمع

مين عندها خبر بخصوص معادلة المواد ؟؟

M!ne ~

2012- 9- 7 06:28 PM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة أم ريم (المشاركة 7175087)

ايييييييييييييييييييييش :eek:

مالهم داعي :139: بروح بكره واشوف :017:

M!ne ~

2012- 9- 7 06:30 PM

رد: ضروري لإدارة كلية الدراسات التطبيقيه وخدمة المجتمع

لا والله يوافقوا على تحويلنا وبعدين يرفضوا لعبه احنا ؟؟؟؟

مالي شغل بنشب لهم :017:

M!ne ~

2012- 9- 7 06:52 PM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة GYGY 93 (المشاركة 7178073)

مين عندها خبر بخصوص معادلة المواد ؟؟

تعالي بكره وراجعيهم لو سكتي ماراح يهتموا بموضوعك آخر موعد الأحد على قولتهم :139:

..

والله اني مقهوره على وضعي جد جد جد متضاااااااااااااااايقه :bawling:

GYGY 93

2012- 9- 7 07:12 PM

رد: ضروري لإدارة كلية الدراسات التطبيقيه وخدمة المجتمع

اتمنى والله يكون اخر شي الاحد

لان الشؤون قالوا لي انتظري هالاسبوع

M!ne ~

2012- 9- 7 07:23 PM

رد: ضروري لإدارة كلية الدراسات التطبيقيه وخدمة المجتمع

^
^

ربي يسهلها عليك ويوفقك :106:

GYGY 93

2012- 9- 7 07:38 PM

رد: ضروري لإدارة كلية الدراسات التطبيقيه وخدمة المجتمع

وياكك :004:

بنات مادة مهارات الاتصال هي نفسها مهارات الاتصال والتعلم ؟

أم ريم

2012- 9- 7 08:22 PM

رد: ضروري لإدارة كلية الدراسات التطبيقيه وخدمة المجتمع

انا بعد بروح بكرة و ما عندي نية امشي الموضوع ببساطة
ليش؟ ... لان احنا اللي انقبلنا بالتحويل مانقبلنا الا لمعدلاتنا العالية
هل يعقل ان هذا يكون مكافأتنا في الاخير؟ حرماننا من الفرص بسبب تعليق وضعنا بالدراسة في الجامعة
و هل لنا ذنب بالفعل في حال كان في خلل في نظامهم؟
و مايحق لنا ابدا المطالبة؟

han0o0odah

2012- 9- 8 01:27 AM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة أم ريم (المشاركة 7175087)

انتي كان معك دبلوم من كليه المجتمع بالقطيف ؟؟

han0o0odah

2012- 9- 8 01:31 AM

رد: ضروري لإدارة كلية الدراسات التطبيقيه وخدمة المجتمع

بنات وش رايكم كل وحده تكتب هي من وين محوله وكانت بأي مستوى وأي قسم حولت
عشان نعرف نتفاهم صح :oao:

أنا محوله من كليه المجتمع بالاحساء الى انظمه اداريه
في أحد معي

و في أحد بيداوم بكره ؟؟

M!ne ~

2012- 9- 8 05:20 AM

رد: ضروري لإدارة كلية الدراسات التطبيقيه وخدمة المجتمع

يب احنا محلوين من كلية المجتمع دبلوم

وراح نروح اليوم ان شاء الله

ماراح نفتح سيرة العميد عشان لا يقفلوها بوجهنا بس نعطيهم اوراقنا ونتفاهم معاهم ان لنا حق ندرس بكالريوس حتى لو نعيد سنوات الدراسه

وربي معانا :106:

han0o0odah

2012- 9- 8 01:08 PM

رد: ضروري لإدارة كلية الدراسات التطبيقيه وخدمة المجتمع

بشرو وش صار ؟؟

أم ريم

2012- 9- 8 03:20 PM

رد: ضروري لإدارة كلية الدراسات التطبيقيه وخدمة المجتمع

انا ماقدرت اروح اليوم ظروفي كانت صعبة ... بشوف ايش صار معاهم و بروح بكرة

بنت النجدي

2012- 9- 8 07:18 PM

رد: ضروري لإدارة كلية الدراسات التطبيقيه وخدمة المجتمع

أنا قالوا لي انتظر معادلة المواد :119:

han0o0odah

2012- 9- 8 08:11 PM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة بنت النجدي (المشاركة 7190272)

أنا قالوا لي انتظر معادلة المواد :119:

طيب سويتي الجدول ؟؟

انا يمكن اروح بكره

M!ne ~

2012- 9- 8 09:01 PM

رد: ضروري لإدارة كلية الدراسات التطبيقيه وخدمة المجتمع

من اول قالوا انتظروا المعادله

الهم انا كلمت وحده من صحباتي وقلت لها تشوف لي الموضوع تخيلوا وش قالولهم ؟؟؟؟؟

قالوا ان الموضوع واقف ومحد مشى فيه .. بالعربي محد منتبه اساسا لموضوعنا :sm4:

وانا بكره بروح لهم بنفسي

رحت القطيف اليوم وطلبت وصف من جديد وبكره بستلمه وبروح الجامعه

استغفر الله العظيم زهقت من السالفه بسببهم :017:

han0o0odah

2012- 9- 8 09:57 PM

رد: ضروري لإدارة كلية الدراسات التطبيقيه وخدمة المجتمع

شدعوة ليش الموضوع واقف
احنا مجموعه مو وحده عشان يوقفونه :017:

han0o0odah

2012- 9- 9 12:52 AM

رد: ضروري لإدارة كلية الدراسات التطبيقيه وخدمة المجتمع

بنات اللي عندها بيبي ترسلي البن تبعها ع الخاص

أم ريم

2012- 9- 9 01:18 PM

رد: ضروري لإدارة كلية الدراسات التطبيقيه وخدمة المجتمع

رحت اليوم للكلية و بعد انتظار طويل وروحة و جية في الكلية مو عارفة وين اتوجه في الاخير رحت لقسم القبول و التسجيل و مجرد ماقلت اني محولة من كلية المجتمع قاطعتني و قالت خريجة؟ قلت ايي قالت اجل مالج شي عندنا!!
تقول توه العميد كلمهم و بلغهم ان اللي خلصو الدبلوم مالهم قبول خلاص يتكنسل و ماتخليني انطق كلما جيت بتكلم تقولي ان احنا الغلطانين مو اهم و تقولي عندج العميد خلي ولي امرج يروح له ،،، حسيت بالمغثة و قلت لها خلاص ماله داعي اهين نفسي وولي امري و قلت لها دامكم حاسمين امرنا و ماعندكم نية تخلونا ندرس اجل عطيني شهادتي الثنوية و طبعا جلست انتظر طويل طويل طويل على ماعطتني حسيت بانجاااز و ربي يعوضني باحسن من اللي اخذوه مني بحجة قصور بالنظام مالي ذنب فيه

han0o0odah

2012- 9- 9 02:46 PM

رد: ضروري لإدارة كلية الدراسات التطبيقيه وخدمة المجتمع

الله يعوضك خير يا ام ريم

GYGY 93

2012- 9- 9 09:55 PM

رد: ضروري لإدارة كلية الدراسات التطبيقيه وخدمة المجتمع

للحين ماعادلوا المواد :017:

M!ne ~

2012- 9- 10 02:49 AM

رد: ضروري لإدارة كلية الدراسات التطبيقيه وخدمة المجتمع

اقتباس:

المشاركة الأصلية كتبت بواسطة أم ريم (المشاركة 7196055)

اظن اني نفسك بيصير لي بس انا بيزودوها معايا حبتين عشان يلاقوا شي يتسلوا فيه

للحين يقولولي انتظري مننا اتصال :017:

ra7lt

2012- 9- 10 04:31 PM

رد: ضروري لإدارة كلية الدراسات التطبيقيه وخدمة المجتمع

لو سمحتوا ممكن إيميل العميد د.صالح !

M!ne ~

2012- 9- 11 08:23 AM

رد: ضروري لإدارة كلية الدراسات التطبيقيه وخدمة المجتمع

^

للأسف مااعرف ان شاء الله احد يفيدك

M!ne ~

2012- 9- 24 08:56 AM

رد: ضروري لإدارة كلية الدراسات التطبيقيه وخدمة المجتمع

حطمتوا حلمي يا جامعة الدماام

حسبي الله ونعم الوكيل

وآخر كلامي اقول ..

يااااااارب فوضت امري إليك

han0o0odah

2012- 9- 25 07:54 PM

رد: ضروري لإدارة كلية الدراسات التطبيقيه وخدمة المجتمع

في حل انك تقدمين في جامعه الاحساء او اي جامعه ثانيه وبعدين تحولين
الله يوفقك

ms amal

2012- 9- 26 02:52 AM

رد: ضروري لإدارة كلية الدراسات التطبيقيه وخدمة المجتمع

بنات انا نسبتي 82 فاصلة ويمنية ومانقبلت بالترم الاول لان ماكان لنا فرصة نحط تخصصات بس تخصص واحد الي هو سنه تحضيري مسار علمي ومانقبلت لان كانوا طالبين نسبه 85 حبيت اسال

في تسجيل ترم ثاني بكلية الدراسات انتظام؟؟؟؟
ومتى راح يبدأ؟
هل يشمل الغير سعوديات؟
التقديم يدوي ولا عن طريق النت؟؟

han0o0odah

2012- 9- 26 12:46 PM

رد: ضروري لإدارة كلية الدراسات التطبيقيه وخدمة المجتمع

ودي ملفك قسم الرجال الترم الجاي قبل الدراسه
وان شاء الله خير

All times are GMT +3. الوقت الآن حسب توقيت السعودية: 09:35 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه