ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية الجبيل الصناعية (https://vb.ckfu.org/forumdisplay.php?f=84)
-   -   المقبولين ... هنآآ إستفسارآآتكم (https://vb.ckfu.org/showthread.php?t=88189)

عبدالله الجديد 2010- 8- 4 02:19 PM
المقبولين ... هنآآ إستفسارآآتكم
 
شباب إحنا المقبولين عندنا كم سؤال وياريت أحد يجاوبنا ..

1- ايشهي المواد اللي بندرسها في الترم الأول ؟؟

2- كم تستمر فترة القبول .. يوم والا يومين ؟؟

3- اللي انجليزيته زينه يقدر يسوي تعديه للانقليزي ؟؟

4- كيف أسئلة المدرسين صعبة ولا سهله ؟؟ وكيف تجيب درجات زينه ؟؟

الله يوفقكم جاوبوا علينا اللي عندكم خبره ,, وسلامتكم

ابن عرعر 2010- 8- 4 02:26 PM
رد: المقبولين ... هنآآ إستفسارآآتكم
 
^^

مشكوور على الموضوع

وانا بعد ودي اعرف


متابع ...

طارقtariq 2010- 8- 4 02:26 PM
رد: المقبولين ... هنآآ إستفسارآآتكم
 
[align=center]
السلام عليكم ورحمة الله وبركاته

1- ايشهي المواد اللي بندرسها في الترم الأول ؟؟

رايح تدرس انجليزي كل يوم 4 حصص , وعندك مادة بدون كتاب ولاشي بس اهم شي تحضر مرة بالاسبوع ,وعندك رياضة حصتين مع بعض بالاسبوع وعندك حاسب حصتين بالاسبوع وهذي تابعه للانجليزي يعني هي على الكمبيوتر تسمع انجليزي , وعندك مادة حاسب بس بدون حصص يحددون لكم وقت للمحاضرة وهي سهلة اختبار بالاكسل والورد.
2- كم تستمر فترة القبول .. يوم والا يومين ؟؟

امممم

تقصد يعني كم يوم تحتاج تظل بالجبيل عشان تخلص اجراءات القبول..!!

يعني اذا انت نشمي وهب ريح مابتاخذ معاك غير يومين.
3- اللي انجليزيته زينه يقدر يسوي تعديه للانقليزي ؟؟

هو باختبار تحديد المستوى اذا سويت زين رايحة تجيك رسالة ع الجوال بيقولن لك عندك اختبار2 عشان اذا تعدي المستوى الاول لو لا.
4- كيف أسئلة المدرسين صعبة ولا سهله ؟؟ وكيف تجيب درجات زينه ؟؟

شوف اخوي المدرسين متعاااونيين معاااكم وااااايد

وان ماعليك الا انك تحفظ الكلمات المطلوبه وتحاول تطور من نفسك

ترى والله مررررررررررررة سهل اني ماكنت اعرف شي بالانجليزي بس الحمدلله عديت وتخصصت

بالتوفيق
[/align]

ابن عرعر 2010- 8- 4 02:32 PM
رد: المقبولين ... هنآآ إستفسارآآتكم
 
مشكووور على مروورك << بعد اذن صاحب الموضوع


اخوي انا اوراقي جاهزه ... كيف استغرق يومين ولا بعد اذا كنت هب الريح

اذا على كذا بنظل اسبوع !!.

انا الي اعرف تدقيق بالاوراق

واختبار

وبعدها كذا حاجه ماتستغرق ساعتين بالكثير


ايش الي يخليك تقوول يومين



المهم مشكووور الف شكر افدتني كثير

وجزاك الجنه وما تتمنى


...

طارقtariq 2010- 8- 4 02:39 PM
رد: المقبولين ... هنآآ إستفسارآآتكم
 
اللي يخليك يوومين انك لازم تجيب نتيجة الفحص من العيادة اللي بتسوي فيها الفحص

وبعد كذا لازم تشتري الكتب وتشتري بدلة الكلية وبعد كذا تستلم السكن واخيرا تستلم البطاقة وتجي تداوم بعد العيد تحياااتي اخووي

اي استفساار بالخدمة

ابن عرعر 2010- 8- 4 02:43 PM
رد: المقبولين ... هنآآ إستفسارآآتكم
 
مشكوووور الف الف شكر


الحين فهمت ليه التاخير

بس الله يعين بنصبر

جزيت خيرا اخوي طارق

وعساك على القوه

...

طارقtariq 2010- 8- 4 02:45 PM
رد: المقبولين ... هنآآ إستفسارآآتكم
 
ولو بالخدمة اخوي
موفق بإذن الله ... لك مني أجمل تحية .

مُحبة آل يس 2010- 8- 4 02:53 PM
رد: المقبولين ... هنآآ إستفسارآآتكم
 
سؤال جزاكم الله خيرا

بخصوص التفويض البنكي هل لازم يكون جاهز معانا ؟؟؟؟؟ يوم السبت لان موعد مراجعة اخي يوم السبت؟؟؟

ممكن الاجابة جزاكم الله خيراً ..

عبدالله الجديد 2010- 8- 4 02:54 PM
رد: المقبولين ... هنآآ إستفسارآآتكم
 
مشكوورين شباب الله يعطيكم العافية ..

ماقصرتم .. الموضوع مفتوح ياشباب اللي عنده سوعال ؟؟

مُحبة آل يس 2010- 8- 4 02:56 PM
رد: المقبولين ... هنآآ إستفسارآآتكم
 
جاوبو على سؤالي الله يحميكم

طارقtariq 2010- 8- 4 02:56 PM
رد: المقبولين ... هنآآ إستفسارآآتكم
 
اقتباس:
المشاركة الأصلية كتبت بواسطة cute love (المشاركة 1346313)
سؤال جزاكم الله خيرا

بخصوص التفويض البنكي هل لازم يكون جاهز معانا ؟؟؟؟؟ يوم السبت لان موعد مراجعة اخي يوم السبت؟؟؟

ممكن الاجابة جزاكم الله خيراً ..
اممم

انت اطبع الورقة من موقع الكلية وسجل بياناتك فيها وسجل رقم الحساب

التفويض مومهم وااايد

اهم شي انك تسجل رقم الحساب وتعطيهم وياه عشان ينزلون لك المكافأة فيه

موفق بإذن الله ... لك مني أجمل تحية .

ook2005 2010- 8- 4 02:57 PM
رد: المقبولين ... هنآآ إستفسارآآتكم
 
طارق كفى ووفى في الاجابة بس احب اضيف شي ركز على القرمر ( grammar) لانة يساوي تقريبا السكلز المقصود بالسكلز الريدينق والرايتنق واللسن لاتسوون مثل الشباب يهمل القرمر ويركز على السكلز ترى هالكتاب يعادل كل كتب السكلز
تحياتي للجميع

عبدالله الجديد 2010- 8- 4 02:59 PM
رد: المقبولين ... هنآآ إستفسارآآتكم
 
أخوي كتاب القرمر اللي هو esential grammer in use الأحمر ؟؟ ولا غيره ؟

مُحبة آل يس 2010- 8- 4 03:00 PM
رد: المقبولين ... هنآآ إستفسارآآتكم
 
اخي الكريم

الموضوع ليس هكذا
فأخي ليس لديه حساب في البنك وماذا يكتب الحساب !!
ولا ندري هل مهم نسلمها ولا من ضمن المعلومات ان لايكتمل القبول إن كانت البيانات ناقصة بارك الله بكم


أخواني الكرام ..
ماهي التخصصات التقنية في الكلية ..


أعذروني أخواني فأنا اسئل لأخي ......وليس لي

أختكم في الله

طارقtariq 2010- 8- 4 03:01 PM
رد: المقبولين ... هنآآ إستفسارآآتكم
 
نعم اخوي هو الاحمر

وهو سهل مرررررررررررة
بس شد حيلك وذاكر والكوزات مهمة بعد عليها نسبة 10%
موفق بإذن الله ... لك مني أجمل تحية .

ook2005 2010- 8- 4 03:02 PM
رد: المقبولين ... هنآآ إستفسارآآتكم
 
اللي اذكرة ان تاخذ خطاب من الكلية للبنك اللي تبي تنزل فية المكافأة بس عادي في اي وقت تجيبة انشا الله امورك طيبة

طارقtariq 2010- 8- 4 03:06 PM
رد: المقبولين ... هنآآ إستفسارآآتكم
 
اقتباس:
المشاركة الأصلية كتبت بواسطة cute love (المشاركة 1346333)
اخي الكريم

الموضوع ليس هكذا
فأخي ليس لديه حساب في البنك وماذا يكتب الحساب !!
ولا ندري هل مهم نسلمها ولا من ضمن المعلومات ان لايكتمل القبول إن كانت البيانات ناقصة بارك الله بكم


أخواني الكرام ..
ماهي التخصصات التقنية في الكلية ..


أعذروني أخواني فأنا اسئل لأخي ......وليس لي

أختكم في الله
طيب اختي

مولازم يكون حساب اخوك حطي رقم حساب ابوك او اي احد قريب

وبعدين وقت الدراسة يراجعهم ويغيرونه له

التخصصات:
1-هندسة ميكانيكية ((تخصصي))
2-هندسة كيميائية
3-هندسة كهربائية
4-هندسة الآلات الدقيقة
5-كيمياء صناعية
6-تقنية البوليمرات
7-هندسة التصنيع
8- تقنية المعلومات والاتصالات((للمسارين العلمي والاداري))
ويوجد قسم التبريد والتكييف ولكن تم اغلاقه

واي سؤال اني بالخدمة


يمكن تكون مشاركتي الاخيرة يمكن وصلت 10 مشاركاتب اليوم



tariq
موفق بإذن الله ... لك مني أجمل تحية .

مُحبة آل يس 2010- 8- 4 03:37 PM
رد: المقبولين ... هنآآ إستفسارآآتكم
 
سؤال ايضا رحم الله والديك

هل يجيب اثبات ان مو من سكان الجبيل عشان يحصل على سكن ؟ولا بطاقة الاحوال تكفي ذلك

وايضا ...هل مضمونة الوظيفة تبع الهيئة الملكية عند التخرج

طارقtariq 2010- 8- 4 03:54 PM
رد: المقبولين ... هنآآ إستفسارآآتكم
 
اقتباس:
المشاركة الأصلية كتبت بواسطة cute love (المشاركة 1346399)
سؤال ايضا رحم الله والديك

هل يجيب اثبات ان مو من سكان الجبيل عشان يحصل على سكن ؟ولا بطاقة الاحوال تكفي ذلك

وايضا ...هل مضمونة الوظيفة تبع الهيئة الملكية عند التخرج
لااختي مايجتاج يثبت انه مو من سكان الجبيل

البطاقة تكفي والشهادة الثانوية تكفي بعد

اختي مافي شي مضمون

بس اذا اخوك جد واجتهد الشركات هي تجيه للوظيفة

واي استفسار بالخدمة

موفق بإذن الله ... لك مني أجمل تحية .

عبدالله الجديد 2010- 8- 4 04:24 PM
رد: المقبولين ... هنآآ إستفسارآآتكم
 
بطل أخوي طارق الله يوفقك أن شاء الله ..

مجهود تشكر عليه ..

طيب همه يقلون في الاستماره شهادة القدرات والتحصيلي الأصل ؟؟ وش قصدهم

مو هذي اللي في موقع قياس ؟؟

طارقtariq 2010- 8- 4 04:37 PM
رد: المقبولين ... هنآآ إستفسارآآتكم
 
اقتباس:
المشاركة الأصلية كتبت بواسطة عبدالله الجديد (المشاركة 1346464)
بطل أخوي طارق الله يوفقك أن شاء الله ..

مجهود تشكر عليه ..

طيب همه يقلون في الاستماره شهادة القدرات والتحصيلي الأصل ؟؟ وش قصدهم

مو هذي اللي في موقع قياس ؟؟

ااي اخوي ادخل موقع القياس واطبعهم وخذهم معاك يوم تسليم الاوراق

موفق بإذن الله ... لك مني أجمل تحية .

عبدالله الجديد 2010- 8- 4 05:29 PM
رد: المقبولين ... هنآآ إستفسارآآتكم
 
طيب حلو .. وت اباوت اللبس في الكلية ؟؟

يعني فيه ملابس خاصة للكلية والا نلبس جنزات وتياب ..

واذا فيه لبس خاص زي ماسمعت متى نلبسه ؟؟

طارقtariq 2010- 8- 4 07:27 PM
رد: المقبولين ... هنآآ إستفسارآآتكم
 
اقتباس:
المشاركة الأصلية كتبت بواسطة عبدالله الجديد (المشاركة 1346572)
طيب حلو .. وت اباوت اللبس في الكلية ؟؟

يعني فيه ملابس خاصة للكلية والا نلبس جنزات وتياب ..

واذا فيه لبس خاص زي ماسمعت متى نلبسه ؟؟
اخوي حنا طلاب الكلية كلنا نلبس لبس موحد وتلبسه وقت الدوام

وتشتريه من الكلية وقت تقديم الاوراق

كل شي بيكون موضح لكم بالكلية وقت التسليم

موفق بإذن الله ... لك مني أجمل تحية .

mohtref 2010- 8- 4 08:52 PM
رد: المقبولين ... هنآآ إستفسارآآتكم
 
الصور المطلوب احضارها هل بالزي الرسمي (الغترة) او حاسر ؟
وشكرا

عبدالله الجديد 2010- 8- 4 09:24 PM
رد: المقبولين ... هنآآ إستفسارآآتكم
 
????????????

طارقtariq 2010- 8- 5 09:36 AM
رد: المقبولين ... هنآآ إستفسارآآتكم
 
اقتباس:
المشاركة الأصلية كتبت بواسطة mohtref (المشاركة 1346947)
الصور المطلوب احضارها هل بالزي الرسمي (الغترة) او حاسر ؟
وشكرا
لك الاختيار تبي حاسر او يشماغ على كيفك

اني عن نفسي جبت لهم بدون شماغ
موفق بإذن الله ... لك مني أجمل تحية .

mohtref 2010- 8- 5 12:55 PM
رد: المقبولين ... هنآآ إستفسارآآتكم
 
مشكور اخي والله يرزقك الجنة

عبدالله الجديد 2010- 8- 5 02:54 PM
رد: المقبولين ... هنآآ إستفسارآآتكم
 
طيب يا أخوان الكلية فيها عياده للطلاب زي البترول ؟؟

وإلا تتعالج برا ؟؟ وش نظامهم في العلاج ؟؟

طارقtariq 2010- 8- 5 03:44 PM
رد: المقبولين ... هنآآ إستفسارآآتكم
 
اقتباس:
المشاركة الأصلية كتبت بواسطة عبدالله الجديد (المشاركة 1349342)
طيب يا أخوان الكلية فيها عياده للطلاب زي البترول ؟؟

وإلا تتعالج برا ؟؟ وش نظامهم في العلاج ؟؟
امممم
عيادة مافي داخل

بس اعتقد انها تحت الانشاء يعني بس باقي الطاقم الطبي

في عيادات وتقدر تتعالج بمستشفى الهيئة الملكية

موفق بإذن الله ... لك مني أجمل تحية .

Ahmad ALmulhim 2010- 8- 6 01:57 PM
رد: المقبولين ... هنآآ إستفسارآآتكم
 
شباب متى موعد المراجعه للكيه بكره ولآ يوم الاححححد ؟

ابي ججواب ضروري تكفوون

عبدالله الجديد 2010- 8- 6 03:46 PM
رد: المقبولين ... هنآآ إستفسارآآتكم
 
أخوي حسب اللي مكتوب عندك في استمارة الترشيح

بالنسبة لي أنا يوم الأحد 27/8/1431

مدري اذا الجميع كلهم كذا والا لا ..

موفق ان شاء الله ..

hashim 2010- 8- 6 03:57 PM
رد: المقبولين ... هنآآ إستفسارآآتكم
 
لا مو الكل مثلكـ

اللي اعرفه انه ناس السبت وناس الاحد

عبدالله الجديد 2010- 8- 6 04:13 PM
رد: المقبولين ... هنآآ إستفسارآآتكم
 
هلا hashim

مشكور على ردك الحلو وتوضيحك ..

ممكن السبت للي نسبهم عالية والاحد للي أقل وهكذا ..

hashim 2010- 8- 6 04:57 PM
رد: المقبولين ... هنآآ إستفسارآآتكم
 
اقتباس:
المشاركة الأصلية كتبت بواسطة عبدالله الجديد (المشاركة 1353531)
هلا hashim

مشكور على ردك الحلو وتوضيحك ..

ممكن السبت للي نسبهم عالية والاحد للي أقل وهكذا ..
يعني انا نسبتي عالية:150:

وليش مو العكس..؟
لو انت مو واثق من نفسكـ
ترى الكلية فيها مواد اسهل من الثانوية بووواجد
وفيه مواد اصعب بواجد
بس ترى كلها سهلات
والـ3.5 مي صعبه واجد
وادا تبي تجي الكلية لا تحط في بالكـ غير 4 من 4
اللي جابوها مو احسن منكـ

عبدالله الجديد 2010- 8- 6 06:58 PM
رد: المقبولين ... هنآآ إستفسارآآتكم
 
هههههههه ايه مو واثق وش رايك تعطيني
دروس في الثقة ,, الله يصلحك ياولدي ..

دعونا نتناقش هنا بموضوعيه وبما يفيد بعضنا
بعيداً عن الاستفزازات رجاءً ..

abady 2010- 8- 10 06:39 PM
رد: المقبولين ... هنآآ إستفسارآآتكم
 
طيب يااخواني انا قبلوني بالدفعه الثانيه

وعطوني موعد من 29 / 8 الى 4 / 9

بسس ماحصلت حجز الا الجمعه يعني 3/9

يعني عادي لو اجيهم اخر يوم من الموعد والا لا

وسؤالي الثاني هل تفتح الكليه بالويكند

ياليت تردون علي باسرع وقت
شاكر لكم

صفحة أمل 2010- 8- 10 08:33 PM
رد: المقبولين ... هنآآ إستفسارآآتكم
 
لو سمحتوا يااخوان





اخوي قبلوه وموعده الى 4-9

وللحين ماأخد قراره بين التقنية والصناااعية






اخوي لما ادخل بياناته مو أهو والحين خايف انو الادخال غلط ولا شي فيه طريقة يشوف فيها بياناته المدخله ؟؟؟؟


درجة الرياضيات والانجليزي حقين الثانوية ؟؟؟؟؟؟؟؟؟


وذا راح الجبيل يقدم اوراقه لازمـ تكون معاه رخصة السيارة لانه للحين ماطلعهااا وكمان التفويض لازم يكون جاهز معاه ؟؟؟؟؟؟

صفحة أمل 2010- 8- 10 09:09 PM
رد: المقبولين ... هنآآ إستفسارآآتكم
 
انتظر ردكم

hashim 2010- 8- 11 08:25 PM
رد: المقبولين ... هنآآ إستفسارآآتكم
 
اقتباس:
المشاركة الأصلية كتبت بواسطة عبدالله الجديد (المشاركة 1354243)
هههههههه ايه مو واثق وش رايك تعطيني
دروس في الثقة ,, الله يصلحك ياولدي ..

دعونا نتناقش هنا بموضوعيه وبما يفيد بعضنا
بعيداً عن الاستفزازات رجاءً ..
اشفيكـ عزيزي انا بس امزح وياكـ
لا تزعل علي انا ما قصدي استفزكـ ولا شي بس :mh35:
وشو يا ولدي تراكت في عمري

fahd-370 2010- 8- 12 07:35 PM
رد: المقبولين ... هنآآ إستفسارآآتكم
 
نفس مشكلة الأخوآن اللي فوق
يآريت تتركون الهوآش وتركزون على اللي عنده أسئله
؟؟

hashim 2010- 8- 12 10:05 PM
رد: المقبولين ... هنآآ إستفسارآآتكم
 
اقتباس:
المشاركة الأصلية كتبت بواسطة fahd-370 (المشاركة 1378849)
نفس مشكلة الأخوآن اللي فوق
يآريت تتركون الهوآش وتركزون على اللي عنده أسئله
؟؟
انا ما كنت اقصد اتهاوش مع اي احد وادا كنت غلطت ع احد فانا اسف

لكن:103:


All times are GMT +3. الوقت الآن حسب توقيت السعودية: 08:51 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه