السلام عليكم
كيف الحال شخباركم كلكم
انا ول الله الحمد تم قبولي في كلية الجبيل الصناعية.
بس عندي بعض الإستفسارات

س1/وين اللأفضل كلية الجبيل الصناعية ام الجامعية؟
س2/انا قبولوني في المجال التقني شنو افضل تخصص(انا ابغى ادرس هندسة ميكانيكية)؟
س3/لما اخلص الكلية درجة دبلوم واشتغلت في شركة شني راح تكون شلتي؟ صحيح فني
:c8:؟
وهل من السهل اني اقدر اكمل بكالوريوس سواء كان داخل الكلية ولا في الخارج؟؟

واتمنى اني ماأكون ثقلت عليكم

ويعطيكم العافية

المشاركة الأصلية كتبت بواسطة n1000 (المشاركة 1336158) السلام عليكم كيف الحال شخباركم كلكم انا ولله الحمد تم قبولي في كلية الجبيل الصناعية. بس عندي بعض استفسار س1/وين اللأفضل كلية الجبيل الصناعية ام الجانعية؟

والله يالغلآ الصناعيه دراسه 3 سنوات وتعطيك شهادة دبلوم + بآمكآن تكمل بكالوريوس بس
مو كل الاقسام تقدر تكمل فيهم على حسب القسام امآ مدة البكالوريوس سنتين فقط + هي تعطي سكن للبعيد عن الجبيل 100 كم + فيهآ مكآفآه

اما الجامعيه دراسه 5 سنوات وتعطيك شهادة بكالوريوس + مافيه سكن + فيه مكافآة
والله يالغلآ كل التخصصآت مأعليهآ كلامـ وآنآ افضل التقني أفضل من الاداري
بس انت وعلى حسب ميولك وآنت حر
مآ آعرف أن شاء الله أحد يجآوبك
مآ آعرف أن شاء الله أحد يجآوبك

لا أخوي مآثقلت مآآشاء الله عليك وزنك خفيف

نفس السؤال .. وبالتوفيق لـــك ..

أولا احب ابارك لك اخوي على قبولك في الكلية واتمنى لك دوام التوفيق والنجاح

ثاني شي أحب أشكر اخوي رايموند فهو جاوب على اغلب الأسئلة واللي ماجاوبه باحاول أجاوبه لك


بالنسبة للوظيفة بعد ماتخلص دراسة الدبلوم المفروض أنك تكون في موقع أعلى من اللي يحطونك فيه الشركات فعلى سبيل المثال.

أنا مخلص دبلوم في تقنية الهندسة الكيميائية طيب. المفروض أن ال position او المسمى الوظيفي لي يكون مساعد مهندس بس المشكلة مافي شي في السعودية اسمه مساعد مهندس فأصير مشغل مصنع...

فأنت يا أخ n 1000 احب احيي فيك الروح العالية والهمة أنك تبي تكمل دراسة وهذا شي طيب أنك مخطط لمستقبلك صح . يعني اخوي خذ المشوار خطوة بخطوة خذ الدبلوم وبعدين كملها باكلوريوس سواء في الكلية او في الخارج..



الشي الثاني بالنسبة للقبول في برنامج باكلوريوس الكلية

طبعا الكلية الآن صارت تفتح البرنامج كل سنة مرة وحدة فقط ( مع بداية كل سنة دراسية)
عدد الطلاب يكون في حدود 25 الى 30 لكن الواقع يقول من 25 الى 16 طالب فقط
المشكلة ياخوي ان القبول في ناس واجد يتنافسوا عليه.

طبعا انت عارف ان التخصصات اللي فيها BS هي 4 ميكانيكا وهندسة كيمياء وكهرباء والات دقيقة

المشكلة اللي تواجهنا هم طلاب ال part time التفرغ الجزئي. يعني انت طالب منتظم وقدمت خلنا نفرض معدلك 3 من 4 و في طالب تفرغ جزئي زيك راح يفضلونه عليك :017:لأن هو راح يدفع فلوس للكلية وانت بتاخذ منهم:003:

اما من ناحية دراسة ال BS في الكلية فثق تماما 180 درجة غير عن الدبلوم يعني انت في لدبلوم بتكون مدلع بس في ال BS مافي يما ارحميني يعني لازم تكون 100% مع المحاضر او تضيييييييييييييييييع


اما الدراسة في الخارج حط رجلك في ماي بااااااااااااااردة مادلة الساعات للكلية سهلة وشباب واجد راحوا وعادلوا لهم ساعات كثير أنا أصحابي عادلوا لهم 69 من 72 يعني لاتشيل هم.



وعلى فكرة اذا كنت طالب متفوق الكلية تعطيك بعثة على حسابها فانت خلك متفائل بالخير والله يكتب لك كل خير يارب

المشاركة الأصلية كتبت بواسطة HaMoOoD (المشاركة 1336295) [align=center] ^^^^^^ ططيب أخوي سؤال جآنبي .. الحين لو توظفت بعد الدبلوم بأحد الشركآت مثل سآبك وغيره .. وصرت مشغل مصنع .. حوآلي كم تكون الروآتب .. طبعاأ انا لو أنقبلت أن شاء الله رآح أكمل بس حبيت أسأل :g8: وشكراً [/align]

طيب اخوي أنا ماعندي علم في سابك لكن بعطيك معلوماتي عن شركة ثانية

أنا طبقت في شركة اسمها شيفرون فيليبس وهذي الشركة طبعا هي الوحيدة في الجبيل الغير سعودية (( امريكية )) وبصراحة هي أكثر شركة محترمة من كل النواحي.
طبعا زي ماقلت انت وانا انصحك تكمل لان الوظيفة انشاء الله لاحق عليها .
انا جاني عرض وظيفي من الشركة وكان كالتالي
أساسي 6700 ريال

بدل سكن لغير المتزوجين 25000 ريال في السنة وللمتزوجين 40000 في السنة (( يشجعونك على الزواج مبكرا:hahahahahah:))

بدل مواصلات 10% من الراتب الاساسي

بدل شفت 10% من الراتب الأساسي

وطبعا العلاج لك ولمن تعول عليهم حتى امك وابوك

وبدل أثاث 100000 ريال ايه مئة الف مو ألف:119: بعد سنتين من التوظيف في الشركة

غير انك تاخذ مليون و مئتين ألف بعد خمس سنين في الشركة كقرض عشان تبني لك او تشتري بيت في الجبيل البلد او الصناعية


طبعا اخوي لو تفحط السعودية كلها ماراح تلقى زي هذا العرض الوظيفي(( كلام ال HR يوم قلت له ماأبي العرصض الوظيفي وأبي أكمل دراسة الحين))

فيعني لو كانت تبي تتوظف مشغل ومعزم على الوظيفة لا يردك الا شيفرون فيليبس ((s-chem ))

اتمنى اكون افدتك اما بالنسبة لسابك ماأدري عنهم يمكن أحد ثاني يفيدك

يآآآآآآآهـ شكلي بنتحر لو مآ قبلوني الكلية .. يالله يآرب طلبتك على هالفجرية ..
ويعطيك العــآفيـــــه أخووووي .. والله يسهل عليــــك ..

المشاركة الأصلية كتبت بواسطة hamoood (المشاركة 1336359) يآآآآآآآهـ شكلي بنتحر لو مآ قبلوني الكلية .. يالله يآرب طلبتك على هالفجرية .. ويعطيك العــآفيـــــه أخووووي .. والله يسهل عليــــك ..

الله يسهل دربك ويجعلك بكل خطوة سلآمـــه ..

طيب سؤال يالذيب .. فيه واحد يدرس بجآمعة القصيم .. تخصص كيميا ..
السؤال هل يقدر يكمل دبلوم عالي بكلية الجبيل الصنآعيه .. لو عندك معلومه يآ حبذآ لو تطرحه بذآآآ .. وشكرأ مقدماً ..

المشاركة الأصلية كتبت بواسطة HaMoOoD (المشاركة 1336431) طيب سؤال يالذيب .. فيه واحد يدرس بجآمعة القصيم .. تخصص كيميا .. السؤال هل يقدر يكمل دبلوم عالي بكلية الجبيل الصنآعيه .. لو عندك معلومه يآ حبذآ لو تطرحه بذآآآ .. وشكرأ مقدماً ..

اولا اخوي الدراسة لازم تكون بالانكليزي فقط الا مواد الثقافة الاسلامية.

وثاني شي العمر مايزيد عن 23 بالإضافة الى المعدل مايقل عن 2.5 من 4 او 3.5 من 5

بس ياخوك ماابي أحبطك لكن نظام التعليم في السعودية فيه خلل.

يعني تحول من جامعة لجامعة احلم كله بس كلام الا إذا عندك واو قوي.

وبعدين خويك هذا يدرسchemical engineering not chemistry والكيمياء الصناعية مافيها الا دبلوم مافيها باكلوريوس (( في فرق بين هندسة الكيمياء اللي فيها باكلوريوس والكيمياء الصناعية او المختبرات)) فأنا اقول دام انه هناك بياخذ باكلوريوس احسن له من دبلوم صحيح يمكن دبلومنا أحسن من باكلوريوس القصيم لكن بيكون عنده فرصة للتكملة في الخارج اذا اراد واتمنى له ولك التوفيق

يعطيك العــآفيـــه تعبنآك معنآآآ .. وهو بيقرآء ردك .. ســـــــــــــلآآم ..

آمممم .. على فكرة بخصوص الطآالب اللي بالجآمعه .. حب يوضح هالنقطــه على كلامـه :-

*انا ادرس كيمياء عامه و المعدل 4 و معدي اختبار التوفل وابي اكمل بالجبيل يمكن او لا

بالانتظآآر ..

المشاركة الأصلية كتبت بواسطة HaMoOoD (المشاركة 1336583) [align=center] آمممم .. على فكرة بخصوص الطآالب اللي بالجآمعه .. حب يوضح هالنقطــه على كلامـه :- بالانتظآآر .. [/align]

شوف اخوي الشروط هنا وانا اقول لو تراجع الكلية احسن
http://jic.edu.sa/SubSectionPage.asp...fQgs3GqdpPM_3d

المشاركة الأصلية كتبت بواسطة n1000 (المشاركة 1336861) انزين يا hassan myth يالطيب شركة شيفرون فيليبس في وظايف حق المهندسين الميكانيكين ؟ وبالنسبة حق الإبتعاث في واحد تخرج من الكلية وطلع برة يكمل باكالوريوس درس خمس سنوات من جديد !! شالكلام

سلام عليكم اخوي n1000

بالنسبة للوظايف في شيفرون فيليبس كثيرة . الآن عدهم توسعة في المصنع الجديد NCP حوالي 6 مصانع بوليمر او اكثر يعني يحتاجون موظفين بالهبل. انت لو تشوف شيفرون قامت ترسل طلاب للكلية عشان تدرسهم وتطلعهم مشغلين عشان يغطوا العجز او النقص في الموظفين.

شي ثاني انت تسالني عن مهندس ميكانيكا. أكيد في يااخوي بس لازم تحط في بالك ان شركة محترمة زي شيفرون في ناس واجد يبون يدخلونها ( وأنا واحد منهم لم أخلص BS :hahahahahah:)
يعني المنافسة عليها بتكون قوية فلازم معدلك يكون تمام وكذلك ملوماتك الاكاديمية.

خلني اعطيك وصف وجيز عن الشركة .

الآن الشركة عبارة عن مصنع SCP SAUDI CHEVRON PHELEPS
JUBAIL CHEVRON PHELEPS JCP

والشركة اللي قلتها لك NATIONAL CHEVRON PHELEPS NCP

طبعا كل ادارة مستقلة لكن الشركة وحد وهي شيفرون فيليبس. أغلب الموظفين الموجودين كمششغلين 95% سعوديين.

أما المهندسين فأغلبهم أمريكان والسعوديين موجودين لكن بنسبة أقل.

طبعا على مااذكر المهندس مال الميكانيكا اللي في المصنع اللي انا فيه كان سعودي وكان محترم جدا .

فأتمنى لك التوفيق اخوي وياخذونك وأي سؤال عن الكلية او الشركة انا حاظر ..

سلام