|
اي سؤال عن الكلية والحياة في الكلية ..انا موجود
السلام عليكم
بما ان الاسئله كثرت عن الكلية والمواضيع كلها تتكلم عن الموضوع نفسه. فتحنا الموضوع هذا علشان اللي عنده اسئله غير اكاديميه واكررها غير اكاديميه يضعه هنا ونحن جاهزون للاجابه دمتم بود ............... |
رد: اي سؤال عن الكلية والحياة في الكلية ..انا موجود
ياااسلام عليك جيت في وقتك
استلم :hahaha_2008: 1- كلمنا عن الدكاتره في الكلية من ناحية : جنسياتهم - اخلاقهم وتعاملهم - شرحهم - اختبارتهم 2- كلمنا عن التخصصات التالية : هندسة كهربائية , ميكانيكية , كيميائية .. من ناحية السهولة والصعوبة وايهم اصعب وايهم اسهل وايهم عليه طلب في التوظيف :119: 3- نصائح للطلاب المستدجين امثالي :hahaha_2008: في اول ترم لهم .. 4- كلمنا عن اخطاء عملتها في اول ترم لك وندمت عليها 5- وجهة نظرك بشكل عام عن كلية الجبيل الصناعية .. هل انت مرتاح لها ام لا .. لانه في ناس اذا انذكر طاري كلية الجبيل قالوا اعوووذ بالله :cheese: .. فماهي وجهة شخصكم الكريم من هذي الناحية ولو فيه اسئلة ثانية راح اقولها :mh19: شكرا لك :d5: |
رد: اي سؤال عن الكلية والحياة في الكلية ..انا موجود
محاضرة البدنية كيف طريقتها ؟
مثل الثانوي والمتوسط نغير ملابسنا في الكلاس ونطلع للملعب ونرجع ونكمل محاضرات هل هي الساعة 11 الظهر مثلا :000: او العصر او بأي وقت ؟ وش نسوي فيها نلعب كورة ولا لياقة ولا سلة ؟ لازم نلبس لبس رياضي او بلباسنا :o3: ؟ |
رد: اي سؤال عن الكلية والحياة في الكلية ..انا موجود
ماقصر اخوي النبراسي جاب كل شي ننتظر الجواب حبيبكم
|
رد: اي سؤال عن الكلية والحياة في الكلية ..انا موجود
اخوي اشكر جهدك الرائع ولك مني كل التقدير والاحترام.... حبيت اسالك عن اوقات الدوام يعني اقدر اغير اوقات دوامي او كل الطلاب على نظام واحد تحياتي لك وشكرا |
رد: اي سؤال عن الكلية والحياة في الكلية ..انا موجود
لا هنت بسألك ..
كم النسبه المتوسطه لطلاب الكليه بالثانويه .. يعني كم متوسط النسب اللي قبلتهم الكليه .. لأني بشوف نفسي مقارنه معهم .. مرتفع أو منخفض .. والقدرات بعد لا هنت .. ومعليش ممكن السؤال موقعه غلط .. بس حب أطلاااع .. وإذا جاوبت بكون شااكر لك .. :119: |
رد: اي سؤال عن الكلية والحياة في الكلية ..انا موجود
السلام عليكم
والله انكم ريحتوني كنت ماني متوقع بيصير طلب على الموضوع بس ابشروا بسعدكم وانا حبيبكم اولا نبدا بالنبراسي واسئلته الدكاتره من انواع الجنسيات يعني بتلقى امريكان وبريطانيين وجنوب افريقيين واستراليين ومصريين وهنود وبنقلادشيين وعراقيين وهولنديين فلسطينين يعني كل جنسية بتطري على بالك بتلقاها وخاصة في مبنى اللغه الانجليزيه واخلاقهم قمة في الاخلاق لان الكلية تمنعهم من اشياء كثيره مثل السياسه والديانات والكلام اللي من السرة وتحت:119: شرحهم ممتاز وعلى حسب نوعية المدرس بس انا اللي شوفه من المدرسين اللي درسوني انهم اوكي وماشي حالهم لان الكليه منقيتهم واغلب الاختبارات موحده مثل المياجر اللي هي الاختبارات الشهريه والفاينل وهي اسئله موحده اما الكوزات على حسب المدرس بعضهم سهل وبعضهم صعب اما من ناحية التخصصات فكل تخصص له ايجابياته وسلبياته وكلها مطلوبه وتوظيفها ان شاء الله مضمون نصائح لاول ترم انك ماتعود نفسك على الوناسه 24 ساعه يعني لازم تضغط على نفسك اقل شي يوميا ساعه مذاكره علشان ماتروح فيها ولاتخلي الطلاب الفاشلين قدوتك في الكلية وتقول في نفسك العالم هاذي كلها داجه وانا بروح فيها ومن الكلام ذا وابيك تدور صحبه زينه لان اذا صاحبيت ناس رايحين فيها اعلم انك بتصير مثلهم لانهم يخالطونك اغلب يومك ونصيحه مهمه انتبهوا من التدخين تسعين في الميه من طلاب الكلية مدخنين تعال شوفهم في البريكات شلون يدخنون يحرقون حرق غير طبيعي انتبهوا انتبهوا انتبهوا اخطائي اللي ندمت عليها الحمدلله انا كنت ماشي كويس بالتحضيريه واللي ندمت عليه هو اني نجحت على الحفه في الرياضه وجهة نظري بالكلية انها كليه كرهتها في التحضيريه وندمت على اني دخلت لها ولكن عقب التخصص حبيتها قسم بالله اني اذا رحت في الاجازات اشتقت لها ولكرفها وللشباب اخوياي وجوها اللي هو فعلا جو دراسه . محاضرات التربيه البدنية فيه مكان تغيير الملابس في الملاعب واحضر بدلتك معك في كيس وبدل في الملعب . واذا كان عندك محاضره عقب الرياضه المدرب راح يعطيك وقت تبدل وتروح ويمكن مايكون عندك محاضره لان الدعوه ماهي دراسة ثانويه ممكن يكون عندك محاضره ويمكن لا ... وقت المحاضرات ماراح يفرق معك لانك في الصيف راح تلعب في الصالات المغلقه وفي الشتاء راح تلعب في الملعب الاخضر او الملاعب المكشوفه يعني عصر صبح ظهر ماراح تفرق معك ... انواع اللعب كرة سله وتاخذ فيها كورس وكرة قدم وتاخذ فيها كورس وكرة طائره وراح تاخذ فيها كورس اما من ناحية اللبس الرياضي لازم تجيب معك لبس رياضي اهم شي يكون ساتر للعورة وانه مايكون حركات شباب هاليومين مثل البرمودا ومن الخرابيط ذي ولا يشترط فيها لون موحد ننتقل لاسئلة اخوي فيصل هشام تغيير الدوام مااذكر احد غير جدوله بالتحضيريه الا اللي عنده ظروف يعني اللي اذكره انا غير جدوله هو واحد من الشباب يبي يدرس مع اخوه التوام في نفس الفصل لانهم يجون على سيارة وحده من بيتهم وغيروا له وليس كل لطلاب في مكان واحد يعني بعضهم يدرس الصباح في مبنى اللغه الانقليزية الى لظهر وعقبها يروح للمبنى الثاني يدرس مواد ثانيه او يروح للصالات المغلقه يلعب رياضه وتكون الجداول موزعه بحيث مايكون زحمه داخل مبنى اللغه الانقليزية وفي نفس الوقت الملاعب تكون فاضيه يعني فيه ترتيب كويس ولا تخاف السنه التحضيريه ينتهي دوامهم ثلاث الا عشر العصر ننتقل لاخوي ابو طيف اخوي النسبة تختلف من ترم الى ااخر يعني انا يوم انقبلت كانت الثمانينات وانا كانت نسبتي في التسعينات يعني كنت من اول المقبولين وكل ترتفع اكثر من الترم اللي قبله اما من ناحية اختبار القدرات مااقدر افتيك بشي لاني قابلت ناس واجد في السبعينات وناس في الستينات بس نسبهم بالثانوي مرتفعه ولقيت ناس نسبهم في الثانوي نازله يعني ب80 وحولها لكن القدرات 92 يعني على حسب كل درجه تشفع للثانيه القدرات يشفع للثانويه والثانويه تشفع للقدرات اتمنى اني اكون افدتكم جميعا واذا فيه اي تقصير ياليت تقولون لي واللي عنده اسئله يسالني لان والله ماتدرون كيف انا فرحان وانا ارد عليكم تقبلوا تحياتي ............حبيبكم |
رد: اي سؤال عن الكلية والحياة في الكلية ..انا موجود
السلام عليكم الله يعطيك العافيه
انا عندي سؤال ليه نجحت على الحافه في التربيه البدنيه وكيف تنحسب الدرجات فيها والسؤال الثاني الي يدخل الكليه لازم يكون فاهم انقليزي والا يبدون من جديد :c8: |
رد: اي سؤال عن الكلية والحياة في الكلية ..انا موجود
يامال العافية ماقصرررت
الله يرزقك الجنة اجابات شافية ووافية :d5::d5::d5: |
رد: اي سؤال عن الكلية والحياة في الكلية ..انا موجود
الله يعطيك العافيه اخوي
بس حبيت اسوي لك تعدي:t1:ل انا اسمي فيصل هاشم مو (فيصل هشام ) تحياتي لك يعطيك العافيه ع الاجابات المميزه:d5: |
رد: اي سؤال عن الكلية والحياة في الكلية ..انا موجود
السلام عليكم
هذا واجبي تجاهكم وانا كنت في يوم من الايام مثلكم جديد ولاني عارف شي عن الكلية وكنت محتاج احد يعلمني ولحين حاس بوضعكم اخوي فيصل هاشم انا ااسف ماركزت لاني كنت مستعجل بالردود اخوي عاطل بجداره انا ماني حق رياضه ولا اعرف لها الشباب كلهم نجحوا بدرجات كويسه اما من ناحية مستواك بالانقليزي ومن وين يبدون بك فهذا يرجع الى اختبار تحديد المستوى يعني فيه ناس يبدون معهم بالحروف والارقام وفيه ناس يبدون معهم على انهم يعرفون الاساسيات وفيه يطمرون الانقلش ون بكبره ويروحون للانقلش تو يعني لاتخاف من ناحية من وين يبدون بك تقبلوا تحياتي ..................حبيبكم |
رد: اي سؤال عن الكلية والحياة في الكلية ..انا موجود
السلام عليكم....
شكراً أخوي على الموضوع الحلو :119: ولدي سؤال: كيف الدراسة في الكلية؟ أرجو أن يكون الجواب بالتفصيل الممل :000: |
رد: اي سؤال عن الكلية والحياة في الكلية ..انا موجود
استاذ / حبيبكم الفاضل
بخصوص السكن اقدر استلمه واسكن فيه قبل بداية الدراسة يعني بتاريخ 8 او 10 ؟ ام لابد من استلامه مع بداية الترم ؟ فقط عشان ما اتخسر واحجز شقـة واتردد ..:praying: |
رد: اي سؤال عن الكلية والحياة في الكلية ..انا موجود
اقتباس:
شكرا انك سالتو |
رد: اي سؤال عن الكلية والحياة في الكلية ..انا موجود
الله يعطيك ألف عافيه على المعلومات القيمه ..
............................ أنا يا أخوان متردد , أبشركم طلع لي قبول بالكليه والحين توه يطلع لي قبول فـي معهد الإداره بالرياض ومحتار بينهم .. ياليت لو تعطوني رايكم بالموضوع .. ومعهد الإداره قريب جداُ من السكن وبالرياض بين الأهل هذا اللي عاجبني فيه .. ومنقبل في قسم إدارة مستشفيات .. وأنتظر منكم أرائكم والأسباب .. إذا ماعليكم أمر .. |
رد: اي سؤال عن الكلية والحياة في الكلية ..انا موجود
السلام عليكم
عدنا والعود احمد نبدا باسئلة اخوي naz الدراسه في الكلية حلوه للي يبي يعرف لها يعني افهم وش لك ووش عليك يعني اهم شي تحضر المحاضرات انا ادري انها ضغط عليك وانها تختلف من الثانوية بسبب قلة الحصص في الثانوي والحين الحصص كثير واضف الى ذلك المدرسين صاروا يتكلمون انقليزي واضف الى ذلك ايضا انكم تدرسون اغلب يومكم في مادة وحده وهي الانقليزي يعني بيصير فيه ضغط نفسي عليك وبيني وبينك اول الايام بيكون فيه ضغط نفسي بقوه لاتخاف ترا الدعوه بسيطه يعني انا الحين صرت ضحك على نفسي يوم كنت اتضايق ايام التحضيريه والاسباب هي كالتالي - جو الكلية اللي يختلف عن جو ديرتك يعني في ديرتك كنت ترجع من المدرسة وتلقا الغداء وتلقا القيلوله اللي تكون دايم في نفس فراشك اللي تنام فيه كل يوم واذا جاء العصر تلقا من يصحيك ويعدل نومك وتمشي في جو اجتماعي وعائلي طول اليوم واضف الى ذلك انك ماراح تلقى احد يسال عنك يعني مرضت او غبت او زحفت برا الكلية الى الفجر يعني اللي يعرف مصلحته ماعليه خووف واخلك ماراح يدقون عليك بالكثير في اليوم مرتين واذا كلموك تحس انك بعيد منهم واذا سكرت راح تدمع عيونك من البعد:Cry111: وتسوي مثل الصورة هاذي وتروح للكورنيش حق النخيل وتوقف على جسر النهر الصناعي اللي فيه وتقوم تبكي وتبكي >>>>>دخل جو كنه يقول قصة فلم بالمختصر المفيد اعرف مصلحتك اعرف مصلحتك اعرف مصلحتك ( وبعدين اسال اسئله واضحه علشان ابين لك ) ننتقل للاخوان النبراسي و فيصل هاشم السكن من يوم تحط مفتاحه بجيبك اعتبره بيتك تدخل متى ماتبي وتطلع متى ماتبي حتى في اوقات الاجازات وعطل نهاية الاسبوع لان السكن مايفضى يعني حتى في الايام هاذي اعف ناس ساكنين بالسكن وهم طلاب يطبقون بالشركات ولا عندهم اجازات لرمضان لكن واكرر لكن متى يعطونك السكن ؟ اذا كان فيه فراغ في السكن وفيه مجال للسكن وانت مستوفي للشروط رراح تسكن باذن اللي ماتنام عينه لكن اذا مافيه فراغ دق اصبع وابلش بروحك وين تلقى شقه في يوم واحد يعني تروح تسكن بالانتر كونتيننتال الغرفه ب 800 ريال يوميا ههههههههههه بس ماعليك بسيطه راح ترقع لين مايقون لك سكن وانت بعدين اذا قالوا لك مافيه سكن قل لهم يااخي وين اروح انا جاي من المدينة الفلانيه ولا اعرف احد ولا لقيت شقه ؟ وين اسكن ؟ بالشارع؟ ولا بالسياره ؟ وان شاء الله يدورون لك سكن ويلقونه وموظفي الاسكان بالكلية كلهم طيبين ومتفاهمين مع الطلاب وهم افضل ادارة متفاهمه مع الطلاب >>>>>>>>>يسب ادارة شئون الطلاب بطريقه غير مباشره اتمنى اكون افدتكم ........... واي سؤال يطري في بالكم انا هنا موجود عقب صلاة الفجر كل يوم ......... دمتم بود.........................حبيبكم |
رد: اي سؤال عن الكلية والحياة في الكلية ..انا موجود
الا خ ابو طيف
والل ه اكتفي بقول كلمة استخير ربك وشف انا ماابي افتي لك بشي واخاف تندم عليه بعدين وانا اقول ان معهد الاداره اسمه معهد ويكفي ان اسمه معهد واضف الى ذلك مستشفيات يعني متكي في البيت بعد التخرج استخر ربك وشوف ورد لنا خبر |
رد: اي سؤال عن الكلية والحياة في الكلية ..انا موجود
شكراً أخوي على الإجابة
وعندي كمان سؤال ثاني: هل يوجد في الكلية أماكن للترفيه؟ وسمعت من بعض الشباب أن في الكلية يوجد (ويرلس) بشكل قوي وسريع في التحميل....صح ولا خطأ:119: |
رد: اي سؤال عن الكلية والحياة في الكلية ..انا موجود
انا داري اني خثيتك بس تحملني
بالنسبه للميز يقولو فيه اثنين واحد معروف وله فروع في الجبيل :o3: والثاني تابع للكليه با اسعار رمزيه بس اكلهم ما يسوى :mh19: ويقولون يحطون فيه ماده ما تخليك ...:c8: .. والله اعلم ياليت تتحملني وتجاوب بصراحه :praying: :praying: |
رد: اي سؤال عن الكلية والحياة في الكلية ..انا موجود
اقتباس:
يحطون كافور يخلّيك ماتفكر في شي تتبلّد ذهنياً وبدنيا و..... بس انا قد كلت منه مره وحده وماصار معي شي ابد...... اعذرني ياحبيبكم على التدخل بس الموضوع موضوعي عارف..... وبالنسبه للمطعم الثاني له فروع في الجبيل والدمام .... وشكراً |
رد: اي سؤال عن الكلية والحياة في الكلية ..انا موجود
اقتباس:
مافيه الا الضعوي بهالكليه فيه وايرليس بس مو قوي وين شايفنا جامعة البترول<< يقولون بهالجامعه سرعة اتصال صاروووووووووووووخ معليش ياحبيبكم مره ثانيه على الرد بس امون :mh001: |
رد: اي سؤال عن الكلية والحياة في الكلية ..انا موجود
السلام عليكم
اولا ليش مافيه مشاركات ياشباب ثانيا نبدا باجابات الاسئله الاخ NAZ من ناحية الترفيه فيه صالات للبلياردو وللترفيه في الكلية وتقع خلف المسجد وهي خوووش اماكن وهادئه ولا فيها عيال الشوارع وانت تعرف وش يصير بالمقاهي واماكن البلياردو من دخان وصياح ولجه بالعكس اللي موجود بالكلية مكان هادئ وفيه اشراف ومراقبين وناس مسؤؤله عن الشي هذا وكذلك فيه مكتبة الكلية ويوجد فيها انترنت مجاني سريع جدا وكذلك قسم لقراءة الجرائد والصحف التى تصل يوميا الى المكتبه وفيه مكتبة لقراءة الكتب في الدور الثاني وهذا كله مجانا يعني لاتخاف راح تقزر البريكات اللي بين المحاضرات ومن ناحية الواير ليس موجود واير وجيد نوعا ما اذا مافيه زحمه عليه يعني بعد العشاء تلقا ضغط عليه فتحصل على سرعه مقبوله ولكن اوقات الظهيره والعصر تكون السرعه عاليه جدا واحب اقول لك شي ان الواير ليس مراقب يعني كل شي تحمله تشوفه الاداره وسبق ان عوقب طلاب لتحميلهم مقاطع ولدخولهم مواقع مخالفه للعادت والقيم والدين الاسلامي ننتقل لاسئلة اخي عاطل بجداره ( وش دعوه يااخي ترا لا غثيتنا ولاشي بالعكس ماتصدق كيف انا فرحان وانا ارد على اسئلتكم وانتظرها على جمر) المطاعم ثلاثه بالكلية وهي كالتالي 1- مطعم الزاد وهذا مكانه جنب السوبر ماركت يقدم وجبات خفيفه مثل البرجر والتشيبس والفيليه والحركات الي زي كذا واسعارهم معقوله 2- مطعم شركة نسمه وهاذا مطعم مخفض للطلاب يعني الوجبه مايقارب ريال واحد وهذا يسمونه مطعم الطلاب واكله جيد وكويس وينوعون بالاكل وشغله اوكي ..قبله كانت الشركة السعوديه للتموين والتعهدات وكانت شركة سيئه جدا ومع الحاح الطلاب على لدكتور مصلح (مدير الكلية ) انها عقدها وتقاولت الكلية مع هذا المطعم الجيد ( اوقاته من الساعه 6 الى 8 صباحا للافطار )(ومن 11 الى الساعه 1 للغداء ومن الساعه 6 حتى الساعه 8 للعشاء ) 3- مطعم شركة نسمه ونسمية المقصف ويكون فاتح من الصباح الى الساعه 8 مساءا يعني متى ماجيت تقلى اكل وهو نفس طبخ المطعم المخفض بس اللهم انك تلقاه باي وقت وعندهم سندويشات للافطار وجرب البيض جبن راح يعجبك مع الخبز الدائري مع بطاطس ومايونيز وحمضيات:g8: |
رد: اي سؤال عن الكلية والحياة في الكلية ..انا موجود
السلام عليكم
اولا ليش مافيه مشاركات ياشباب ثانيا نبدا باجابات الاسئله الاخ Naz من ناحية الترفيه فيه صالات للبلياردو وللترفيه في الكلية وتقع خلف المسجد وهي خوووش اماكن وهادئه ولا فيها عيال الشوارع وانت تعرف وش يصير بالمقاهي واماكن البلياردو من دخان وصياح ولجه بالعكس اللي موجود بالكلية مكان هادئ وفيه اشراف ومراقبين وناس مسؤؤله عن الشي هذا وكذلك فيه مكتبة الكلية ويوجد فيها انترنت مجاني سريع جدا وكذلك قسم لقراءة الجرائد والصحف التى تصل يوميا الى المكت |
رد: اي سؤال عن الكلية والحياة في الكلية ..انا موجود
ومن ناحية الكافور لاتخاف مايحطون كافور
دوسري عسا ماشر لايكون مكثر بالفطور بس ترا الدعوه ماهي عسكرية لا تخافون انا اعرف ناس شغالين بالمطعم ومراقبين من الهيئة الملكية وسالتهم قاموا يضحكون علي ويقولون انت من جد ؟؟ لا تصيرون خوافين اخوي دوسري 502 تموون عادي بس الشئ اللي ماتعرف عنه شي يمكن انا اعرف عنه اكثر منك ويمكن اكون انا فاهم اكثر منك لان على حد علمي انت بالتحظيريه انا ماعندي مانع انك ترد عني بس لاتشوه الكلية في وجيه الطلاب الجدد يعني ممكن تكون عندك اخطاء تتوقع كل الطلاب مثلك ااسف على شدة اللهجه معك والدعوه انترنت ووناسه وسؤال واجابه تقبوا تحياتي دمتم بوووووووووووود ...........حبيبكم |
رد: اي سؤال عن الكلية والحياة في الكلية ..انا موجود
:d5:
سلام عليكم حبيبكم اقدر لك اتعابك معنا لايصال افضل صوره للكليه الى الطلبه الجديدين فيها:praying: واشكر لك جهدك الفاضل انا عندي كم سؤال ياريت توضحلي اياهم :119: [بغيت اسال عن التحاليل هل هم يسوون تحاليل للامراض او للصرع او لفصيله الدم او للمخدرات يعني بالعربي بيسوون لنا تحاليل اذا بدينا الدراسه ولا لا ؟؟ وحبيت اسال عن مواد الانجليزي 12 كتاب والجرامرز هذي حقت ترم ولا ترمين؟؟ وهل بيعطونا زياده؟؟ وبغيت اسال عن الغرف مفروشه كامل ولا اجيب معي اشياء ((وياريت اذا بجيب معي تعلمني وش نجيب)):119: وبالنسبه للعب الكوره الملعب مفتوح اربع وعشرين ساعه :000: ولا بس وقت الحصص يعني يمدينا نلعب كل عصريه <<كما هو حالنا الان)).. .:hahaha_2008: وابي اعرف هالحين الجو رطوبه طووول السنه ولا بعض الاوقات تخف وبعض الاوقات تزيد؟؟:mh19: وسلامتك يالغالي واسمحلي ع الاطاله بيني وبينك انا شفتك تستقبل الاسئله قلت خليني اسالك كم سؤال |
رد: اي سؤال عن الكلية والحياة في الكلية ..انا موجود
ألف شكر أخوي حبيبكم على الإجابة الرائعة :d5:
وحبيت أسألك سؤال ثالث كمان: كيف السكن؟ وأيهم أحسن القديم ولا الجديد؟ |
رد: اي سؤال عن الكلية والحياة في الكلية ..انا موجود
:d5::d5::d5:
:d5::d5: :d5: والله ماقصرت وانت شاد حيلك وانا اقرالك في منتدى كلية ينبع والى الأمام س / وش افضل عماره من ناحية السكان والقرب من الكليه والراحه النفسيه :lllolll:<<< بينقي الأخ :hahaha_2008: ووش تنصحني اجيب معاي للسكن والشنط للي ما عنده سياره وبن يحطها اول يوم قبل ما يستلم السكن :s11: |
رد: اي سؤال عن الكلية والحياة في الكلية ..انا موجود
السلام عليكم
نبدا باسالة اخونا فيصل هشام التحليل على حسب توقعاتي انه حللوك عند الفحص الطبي ويكون لفصيلة الدم علشان يحطونها بالبطاقه ويمكن لهم فيها مأرب اخرى ( ماادري عنهم ) اما من ناحية الانقلش ون اتوقع انك استلمت كتب الانقلش ون بس يعني 12 كتاب سكيلز وهي الكتب البيض وكتاب احمر وكتابين لونها اسود صغار يعني اصغر من الاحمر على حسب عدد الصفحات وتلقى مكتوب عليهم فوليوم A وهاذي الكتب للانقلش ون بس يعني الله يعينك عليها بس ترا والله بسيطه وتافهه خاصة الكتاب الاحمر شكله يخوف بس بسيط والانقلش تو راح يعطونكم كتب مثلها 12 كتاب سكيلز وكتابين لونها اسود مكتوب عليها فوليوم B ملاحظه ( ممكن تكون الكتب اللي لونها اسود مع بعض يعني volume A + volume B في كتاب واحد يعني راح تستفيد منه الترمين ) من ناحية الغرف الغرفه مفروشه يعني فيها سريرين وفيها ابجورتين (اذا انت بالسكن الجديد) وفيها مكتب صغير وفيها دولاب للملابس ويمكن تلقى تلفزون من الطالب اللي قبلك ( في السكن القديم ) يعني اذا جيت راح تمشي اوضاعك يعني تشتري اشياءك الناقصه مثل غلاية الشاي والمناديل الاشياء اللي مثل كذا الملعب حق الكورة مفتوح الى تقريبا الساعه 10 مساءا بما فيها ملعب كرة اليد والطائره + ملعبين كره قدم وابشرك كل عصريه يصير فيه مباريات بين الطلاب يعني بدل ملابسك ورح هناك وبتلعب ( واذا تبي واسطه انا موجود يلعبونك هجوم ) الرطوبه تكون في فصل الصيف فقط وفي فتره بالصيف بس اما باقي فصول السنه الجو كويس وفي الشتاء يكون الجو بارد وبعض الاحيان قارس ننتقل لاسئلة الاخ NAZ ايجابيات السكن الجديد 1- السوبر ماركت وطعم الزاد ومغسلة الملابس قريبه منك 2- المكيفات بارده جدا في فصل الصيف 3- المباني جديده بنيت عام 1425 او 1426 4- المواقف متوفره سلبيات السكن الجديد 1- الغرف ضيقه نوعا ما 2- لايوجد كيبل للتلفزون واضف الى ذلك ممنوع تجيب تلفزون معك يعني اذا كنت بتشغل DVD 3- بعيده نوعا ما من مبنى اللفه الانجليزية اللي راح تروح له كل يوم ايجابيت السكن القديم 1- الغرفه وسيعه 2-يوجد كيبل للتلفزيون 3-قريب من المباني الاكاديميه ومبنى اللغه الانجليزيه 4- قريب من المطعم 5- قريب من المسجد للعمائر التالية ارقامها 3و4و5و6و7و8 اما العمائر الباقيه تقطع الخميه الي بنص المباني القديموه عند النافوره وتروح للمسجد سلبيات السكن القديم 1- المباني قديمه لكن مايبين عليها 2- التكييف عليه مشاكل بالصيف يعني اذا جات الرطوبه وجوده مثل عدمه في بعض العمائر 3-المواقف شحيحه وقليله يعني من يوم تشغل سيارتك وتبي تطلع من الموقف تلقا وراك سياره تنتظر متى تطلع علشان ياخذ موقفك ( اما من ناحية النظافه العمائر كلها الجديده والقديمه نطيفه جدا يعني من يوم تحذف المنيدل في الاسياب تلقا عامل النظافه منبطح تحتك ولاقط المنديل قبل لايطيح على الارض ) واما من ناحية النفسيه فيه مستشفى اسمه اشهار بالطائف كويس ويمدحونه واما من ناحية الشنط>>>>> اكتفي بقول كلمة مدري اتمنى اني اكون افدتكم وهذا مااسموا اليه وطموحي في هذا المنتدى انكم تاخذون اكبر قدر من المعلومات لدرجة انك اذا دخلت الكلية في ذلك اليوم انك تشوف انها ماهي غريبه عليك وانك عارف كل شي عنها ملاحظه انا هنا في المنتدى بعد صلاة فجر كل يوم الى بداية الدراسه دمتم بود ...........................حبيبكم |
رد: اي سؤال عن الكلية والحياة في الكلية ..انا موجود
يعطييييييك العافيه ماقصرت ووافي:d5:
وانا يوم سجلت اخذو مني تحليل عشان فصيله الدم فالبدايه ابي اعرف في غير هذا التحليل؟؟؟ |
رد: اي سؤال عن الكلية والحياة في الكلية ..انا موجود
لا خلاص مافيه غير التحليل هذا
|
رد: اي سؤال عن الكلية والحياة في الكلية ..انا موجود
مشكوووووووووووووووور ,,,
أخوي بجيب معنا شنطة عشان نشيل الكتب ذي ونروح لقاعة الانقلش <<<<< مثل الثانوي ؟؟ :lllolll: |
رد: اي سؤال عن الكلية والحياة في الكلية ..انا موجود
السلام عليكم
لا اخوي مع نفسك مايحتاج شنطه اول يوم اخذ معك القرامر الاحمر مع كتاب السكيلز الابيض رقم 1 واذا خلصتوا الكتبا اخذ معك كتاب 2 مو لازم تشيلها كلها معك |
رد: اي سؤال عن الكلية والحياة في الكلية ..انا موجود
:o3::o3::o3::o3::o3::o3::o3::o3::o3::o3::o3::o3::o 3::o3::o3::o3::o3::o3::o3::o3:
|
رد: اي سؤال عن الكلية والحياة في الكلية ..انا موجود
ايه معقول
واشكرك على المرور . |
رد: اي سؤال عن الكلية والحياة في الكلية ..انا موجود
مشكوور الف شكر أخوي حبيبكم مجهود
تستحق عليه جائزة هداف الدورة << وش عنده س1\ الجدول كيف يكون نظامه وكم مدة البريكات اللي بين المحاضرات ؟؟؟ س 2\وعن اللبس نكتفي بالحضور بالزي الموحد ؟؟ وحذاء السلامه هذا اللبسه اربعه وعشرين ساعه ولا بس حق مختبرات لخم أم أمي مكبر وجهه من حذيان الله يعين اذا كل اليوم اقعد مشعبطه برجلي ؟؟ س3 \ متى يبدا الطابور الصباحي وكيف وضع التمارين << ياويل امها يالسؤال رايح مدرسة طيبة الثانويه يبو .. لا بسالك متى يبدا الدوام ؟؟ س4 \ والجداول متى تتوزع ؟؟ أتمنى اني ماأكون كثرت بالاسئلة عليك أخوي حبيبكم بس عندي احساس ان فيه طلاب يدورون عن اجابات هذه الاسئله .. دمت بود |
رد: اي سؤال عن الكلية والحياة في الكلية ..انا موجود
ماعليش انا راح اجيب عن استفساراتك(نريح حبيبكم شوي) س1\ الجدول كيف يكون نظامه وكم مدة البريكات اللي بين المحاضرات ؟؟؟ الجداول على حسب في بعض الطلاب عندهم الدوام من الساعة 9_3 والبعض الآخر من الساعة7_12 ......اهم الشي الساعة 3 او بالأدق الساعة 2:50 مساءا جميع طلاب السنة التحضيرية منتهي دوامهم وبالنسبة لمدة البريكات هي 10 دقائق س 2\وعن اللبس نكتفي بالحضور بالزي الموحد ؟؟ وحذاء السلامه هذا اللبسه اربعه وعشرين ساعه تكتفي بالحضور بالزي الموحد وبالنسبة لحذاء السلامة انت ماتحتاجه الا اذا كنت متخصص لأنه يستعمل للورش فقط يعني اشتري لك حذا خفيف وفك حالك وتلبسه اربعه وعشرين ساعه ليش عسكري........متى ماانتهى الدوام اخذه وشوت به:bngo12: س3 \ متى يبدا الطابور الصباحي وكيف وضع التمارين وضع التمارين 40 مرة ضغط :mh35: وين احنا الواحد جاي وراسه وراسه هاذا كبره مافيه تمارين روح الكلاس وريح حالك:mh001: لا بسالك متى يبدا الدوام ؟؟ كل طالب وجدوله بس الدوام الرئيسي يبدأالساعة السابعة صباحا س4 \ والجداول متى تتوزع ؟؟ الجداول تنزل لك على موقع الكلية في الاسبوع الاخير من الاجازة:Cry111: ويمكن يوم الاربعاء آخر يوم في الاجازة وهم راح يرسلون لك رساله اذا نزل الجدول أتمنى اني ماأكون كثرت بالاسئلة خذ راحتك المنتدى وضع للمناقشة والاستفسارات وانا او حبيبكم كلنا مكملين لبعض وكل واحد يساعد الثاني واي شيء يدور في بالك لاتتردد احنا حاضرين |
رد: اي سؤال عن الكلية والحياة في الكلية ..انا موجود
اجابات شافيه اخي Night Wolf واشكرك على الرد
دمتم بود ...................حبيبكم |
رد: اي سؤال عن الكلية والحياة في الكلية ..انا موجود
شكراً أخوي حبيبكم على الإجابات الشافية
وتم إضافتك إلى قائمة الصداقة لدي:119: وكمان عندي سؤالين: في المحاضرات نجيب دفاتر؟ وإذا نجيب دفاتر كم ورقة؟:hahaha_2008: والسؤال الثاني: إذا جبت معدل عالي في السن التضيرية يمكن أحول لجامعة الملك فهد؟ |
رد: اي سؤال عن الكلية والحياة في الكلية ..انا موجود
السلام عليكم
اتوقع انك ماتحتاج للدفاتر لان كتاب السكيلز يعتبر كانه دفتر وحل التمارين تكون في الكتب ولا مانع انك تاخذ دفتر لتسجيل ملاحظاتك الخاصه اما من ناحية التحويل مااتوقع لان السنه التحضيريه بالكلية تختلف عن السنه التحضيرية بجامعة الملك فهد نصيحه (اذا دخلت كلية الجبيل انسى جامعة الملك فهد علشان تبدع في كليتك ودراستك اما اذا كنت تفكر في جامعة ثانيه صدقني ماراح تفلح فاذا ماقبلتك جامعة الملك فهد انساها وكمل دراستك في اي مكان ثاني ) دمتم بود .......................حبيبكم |
رد: اي سؤال عن الكلية والحياة في الكلية ..انا موجود
السلام عليكم ورحمة الله وبركاته وتقبل الله طاعتكم في هذا الشهر
لدي بعض الإستفسارات أتمنى التفضل والإجابة عليها ولكم جزيل الشكر 1-أنا من خريجي الكلية التقنية قسم حاسب آلي هل أستطيع الإلتحاق بالكلية ولو على حسابي الخاص أي برنامج تعاوني كالموجود في الكلية التقنية وجامعة الملك فيصل؟ 2-إذا كانت الإجابة بنعم هل أستطيع الإستفادة من الساعات المكتسبة من الكلية التقنية أم فقط أستطيع التسجيل بالشهادة الثانوية علما بأني خريج ثانوية عامة تخصص علمي ؟ 3-ماذا عن برنامج التحويل هل أستطيع الإستفادة منه علما بأنيي إدرس حاليا خارج المملكة ؟ ولكم جزيل الشكر والإمتنان |
رد: اي سؤال عن الكلية والحياة في الكلية ..انا موجود
عذرا اخي مونارو لايوجد عندي اي معلومه عن التحويل
اتصل بالرقم 033402000 وسوف تجد الاجابات الشافيه ان شاء الله |
رد: اي سؤال عن الكلية والحياة في الكلية ..انا موجود
:d5: :d5: :d5: :d5:
هذا الرد والا بلاش مو زي الي يتفلسف فيها ويسوي ما فيه زيوه :g8: |
رد: اي سؤال عن الكلية والحياة في الكلية ..انا موجود
ماسوينا الا الواجب
|
رد: اي سؤال عن الكلية والحياة في الكلية ..انا موجود
الله يعطيك العافية وما قصرة وكفيت وفيت يا حبيبكم :love080:
|
رد: اي سؤال عن الكلية والحياة في الكلية ..انا موجود
حياك ربي خيووووو
|
رد: اي سؤال عن الكلية والحياة في الكلية ..انا موجود
السلام عليك يا ذيبان... الله لا يهينك ويوفقك إن شاء الله... أنا بسأل سعال :bngo12: آسف قصدي سؤال؟؟ ألحين إذا تخرجت من الكلية دبلوم وقدمت على البكالوريوس ودخلت وما توفقت مثلاً في أول سنة أو في منتصف البكالوريوس أقدر أطلع من الكلية بالدبلوم ولا ما أقدر؟؟؟ وشاكر لكم،، |
رد: اي سؤال عن الكلية والحياة في الكلية ..انا موجود
فهد القحطاني تحية لك ألحين إذا تخرجت من الكلية دبلوم وقدمت على البكالوريوس ودخلت وما توفقت مثلاً في أول سنة أو في منتصف البكالوريوس أقدر أطلع من الكلية بالدبلوم ولا ما أقدر؟؟؟ اكيد تقدر لأنه شهادة الدبلوم مستقلة |
رد: اي سؤال عن الكلية والحياة في الكلية ..انا موجود
السلام عليكم حبيبكم
كيف حالك؟ الحمد لله:119: بأسألك سؤالين عن الجدول الدراسي اللي نزل اليوم: فيه مادة اسمها Introduction to Computer يعني المدخل في الحاسب الآلي في الجدول اللي عندي ولا يوم نحضر محاضراتها وكاتبين اسم المحاضر Self Study يعني دراسة ذاتية ممكن تشرح لي كيف كذا الله يوفقك؟ والسؤال الثاني: لما نحضر حصص التربية البدنية فين نبدل الملابس؟ فيه خزنات نحط فيها الملابس؟:c8: وسؤال ثالث كمان: لكن أول شي أدخل على هذا الرابط: http://212.24.255.67/e-Registration/...n)/absent.aspx السؤال: يعني ايه (3/15)؟:000: والسلام عليكم..... |
رد: اي سؤال عن الكلية والحياة في الكلية ..انا موجود
السلام عليكم
اخي Naz اما من ناحية مادة المدخل في الحاسب الالي ( على عهدنا كان فيها محاضرات ودراسه ) في وقتكم مالها محاضرات ولكن لها اختبرات يعني تدرس الماده بغرفتك الله لايهينك وتختبر الميجر والفاينل والماده بيني وبينك سهله كلها وورد واكسل وشوية تعاريف واشكال الاجهزه وخرابيط اما من ناحية التربيه البدنيه فيه اماكن لتغيير ملابس ( وبعدين وش ذا الحياء على ايامنا كنا نبدل في الشارع ولافيه اي مشكله ) اما من ناحية ثلاثه على خمسه يعني عدد محاضرات 3 اسابيع من اصل محاضرات 15 اسبوع يعني لو فيه ماده تدرس فيها 6 محاضرات بالاسبوع وتغيب فيها اكثر من ثلاث اسابيع يعني تغيب 18 محاضره تاخذ فيها احلى دي ان ان شاء فهمت واذا مافهمت قول مافهمت علشان اوضح اكثر دمت بود |
رد: اي سؤال عن الكلية والحياة في الكلية ..انا موجود
السلام عليكم.............. كيف الحال اخوي حبيبكم
اول شيء أشكرك من صميم قلبي على الخدمات اللي قدمتها لنا والله بينت لنا اشياء كثيره ما كنت اتوقع اني بعرفها واتوصل لها في السرعه هاذي وبعدين مواظيعك اللي إطلعت عليها كلها خياليه ........الله يجعلك من كذا واحسن ,.,.,.,.,.,.,.,.,.,.,.,.,.,.,.,.,.,.,., ثاني شيء عندي كم سؤال ابغى تجاوبهن إذا اكون ما ثقلت عليك ... الأسئله هي 1- وشي الوجبات اللي يقدمها المطعم إذا كنت مشترك معهم بالكروت وهل تأخذ على عينك ولايعطونك الوجبات هم بلا إختيار 2- الإشتراك بكم وكم المده وكم عدد الوحبات 3- صالة كمال الأجسام هل فيها مدرب ولا لا وماهي طريقة الإنتظام بالصاله هل هو بإشتراك ولا بدون وإذا كان بإشتراك كم سعر الإشتراك مع أمنياتي لك بالتوفيق والسداد وشكرًا ودمت سالم |
رد: اي سؤال عن الكلية والحياة في الكلية ..انا موجود
اقتباس:
اقتباس:
اقتباس:
اقتباس:
فهمت كل شي وما يحتاج شرح مع السلامة..... |
رد: اي سؤال عن الكلية والحياة في الكلية ..انا موجود
حياك ربي خيووووووووو
|
رد: اي سؤال عن الكلية والحياة في الكلية ..انا موجود
الوجبات متنوعه كثيرا وان شاء الله تعجبك ونعم تاخذ على عينك تطلب منه اذا اردت من هذا الصنف
الاشتراك تشتري دفتركوبونات اتوقع بعشرين ريال فيه سبع وجبات غداء وعشاء واتوقع ان سعره 20 ريال صالة كمال الاجسام لا اعلم عنها شيئا ولكن ارى طلاب يدخلون فيها ولم اسال احدا منهم |
رد: اي سؤال عن الكلية والحياة في الكلية ..انا موجود
الصالة لا يوجد لها اشتراك فري اخوي انت ذكرت اذا عندك مادة فيها 6 حصص في الاسبوع و غبت 18 فانك تاخذ احلى DN ,, لا تاخذ الـ DN لما تغيب 19 نسيت +1 لان المسموح هو 3/15 وبعدها يتغير اللون . الله يعيني عندي هالسمستر بيهيفير الله يعين بس منزلنها عن واحد اسمه سعيد الشهراني الله يستر افيدونا وعندي تكنيكال رايتنج عند هاري . اذا فيه معلومات عن سعيد وهارلي الرجاء افيدونا . |
رد: اي سؤال عن الكلية والحياة في الكلية ..انا موجود
مشكورين اخواني على الإجابه بس الصاله فيها مدربين ولا لا وإذا فيها مدربين يكونون موجودين من الساعه كم إلى الساعه كم ومتى يفتحون الصاله ومتي يسكرونها ......................وشكرًا
|
رد: اي سؤال عن الكلية والحياة في الكلية ..انا موجود
أسير الليل راح اعطيك الاجابة بدل من حبيبكم ......يوه ياذا الملقوف:c8: 1- وشي الوجبات اللي يقدمها المطعم إذا كنت مشترك معهم بالكروت وهل تأخذ على عينك ولايعطونك الوجبات هم بلا إختيار الوجبات التي يقدمها المطعم متنوعة مثل الوجبات الرئيسية معكرونة -رز-بيتزا وايضا حلى كيك وعصير او لبن وسلطة وحمص وصنف من الفاكهة ولكن الأكثر رز طبعا هم راح يعطونك كل شيء بس اذا فيه شيء ماتريده ماراح يعطونك اياه بس لاتفرح واجد اكلهم الله بالخير ؟؟؟؟؟؟؟؟؟؟؟؟؟؟ انا مايعجبني ولا بريال بس جربه انت واحكم بنفسك 2- الإشتراك بكم وكم المده وكم عدد الوحبات تشتري التكت من نفس المطعم بعشرين ريال ولمدة اسبوعين وفيه 7 وجبات غداء وعشاء 3- صالة كمال الأجسام هل فيها مدرب ولا لا وماهي طريقة الإنتظام بالصاله هل هو بإشتراك ولا بدون وإذا كان بإشتراك كم سعر الإشتراك فيها مدرب طل:011:الصالة مافيها مدرب ولاتحتاج الى اشتراك انت روح وعلى طول درب حالك بحالك والمعدات ارى انها قديمة ولا يوجد اهتمام بهذه الصالة ولكن اتمنى ان تصل الرسالة الى المسؤلين دمت سالم |
رد: اي سؤال عن الكلية والحياة في الكلية ..انا موجود
اشكرك على المعلومه
|
رد: اي سؤال عن الكلية والحياة في الكلية ..انا موجود
طيب أنا بسأل عن المدرسين ,, خاصة المدرسين التاليين ::
Khan ( خان ) مدرس انجليزي ---- قراءة و قواعد S.a. Al-arishi ( العريشي ) مدرس انجليزي ---- كتابة S.abdulhakim ( عبدالحكيم ) مدرس انجليزي --- مهارات ــــــــــــــــــــــــــــــــ M.al- Hrige ( الحريجي ) مدرس الرياضة ـــــــــــــــــــــــــــــــ A.a.s.al-jerboa ( الجربوع ) مدرس مهارات ـــــــــــــــــــــــــــــــ أنا أدري أنه تعاملهم ان شاء الله تمام ,, بس ودي أعرف سلبيات المدرس و ايجابياته ,, يعني كيف اختباراته و شرحه ؟؟ في سؤال أيضا ,,, هل نكلف بواجبات ,, وهل يوجد بحوث ؟؟؟:: |
رد: اي سؤال عن الكلية والحياة في الكلية ..انا موجود
السلام عليكم
اشكرك اخي بالرد عني اما ناحية كل من khan =فكثير من المدرسين يحمل هذا الاسم ولا اعرفهم كلهم العريشي= ماادري وش اقول وكيف اصفه هذا الدكتور سلطان عريشي سعودي الجنسيه افضل دكتور في الكلية وشبابي ومحبوب بين الطلاب ويدرس احسن تدريس عبدالحكيم = مااعرف عنه شي واول مره اسمع عنه الحريجي =مدرس كويس ومتفاهم مع الطلاب ويطلع الطلاب بدري;) الجربوع= مدرس ثقافه اسلاميه ويدرس مادة مهارات التعلم مطوع وسعودي مهتم بالتحضير كثيرا ولا يطلع بدري يعني لو تموت ماطلعك اذا عطاك واجبات لاتحل لان مافيه درجات على الواجب بس الطالب المهتم يذاكر ومن المذاكره يحل الواجب والبحوث يطلبونها من المتخصصين لان بالعقل كيف يطلب منك بحث وانت تدرس انجليزي |
رد: اي سؤال عن الكلية والحياة في الكلية ..انا موجود
السلام عليكم...كيف حالكـ
عندي سؤال بخصوص مادة (المدخل في الحاسب) التي أصبحت دراسة ذاتية: هل نكلف في هذه المادة بالواجبات و التطبيق العملي. يعني بإختصار (نجيب معانا لاب توب في السكن علشان نحل الواجب إذا كان تطبيق منزلي)؟ |
رد: اي سؤال عن الكلية والحياة في الكلية ..انا موجود
يااخي مافيها محاضرات ولا واجبات ولا شي فيها شي واحد واسمه اختبار يعني تختبر وبس
وبعدين وش قصتكم مع الواجبات انا من يوم دخلت الكلية مااذكر احد عطاني واجب |
رد: اي سؤال عن الكلية والحياة في الكلية ..انا موجود
وكمان بأسألك عن المدرسين وجنسياتهم وأخلاقهم طريقة دراستهم اللي عندي في الجدول:
1- Jenn (انجليزي-قراءة) 2- J.d.rosa (انجليزي-كتابة و مهارات) 3- M Al-nofaie (انجليزي-قواعد) 4- M.al-hrige (تربية بدنية) ولكـ جزيل الشكر |
رد: اي سؤال عن الكلية والحياة في الكلية ..انا موجود
اقتباس:
أعرف انك جاوبت على سؤالي السابق عن هذه المادة وفهمتك لكن أنا قصدي من هذا السؤال: فيه تطبيق عملي ولا لأ ؟ |
رد: اي سؤال عن الكلية والحياة في الكلية ..انا موجود
هههههههههههههههه ماعليك انا ماازعل
المدرسين هاذولا اول مره اسمع فيهم |
رد: اي سؤال عن الكلية والحياة في الكلية ..انا موجود
Naz الحريجي مدرس التربية الرياضية مخلص في مادته وطيب واخلاقه عالية والباقي ما اعرفهم |
رد: اي سؤال عن الكلية والحياة في الكلية ..انا موجود
ادري اني ثقلت عليك بس عندي إستفسارين
1-انا اسمع بعض الشباب يقولون فيه مغسلة ملابس وانها اسعارها رمزيه يااليتك تبين لي اكثر 2-انا إستلمت الملابس وطلعت مي على قدي اقدر استبدلها ولا لا |
رد: اي سؤال عن الكلية والحياة في الكلية ..انا موجود
3- انا طلع الجدول حقي وصرت ما تخلص محاضراتي إلا الساعه ثلاث ومعي زميل يخلص الساعه 12 علماً انه اسماء الدكاتره عندي يختلفون عن اسماء الدكاتره عنده اقدر اغير الشعبه اللي انا فيها واصير معاه ......
|
رد: اي سؤال عن الكلية والحياة في الكلية ..انا موجود
1-انا اسمع بعض الشباب يقولون فيه مغسلة ملابس وانها اسعارها رمزيه يااليتك تبين لي اكثر نعم صحيح فمثلا الثوب سعره العادي 3 ريال اما داخل الكلية 1.5 2-انا إستلمت الملابس وطلعت مي على قدي اقدر استبدلها ولا لا والله ماادري شوف الادارة 3- انا طلع الجدول حقي وصرت ما تخلص محاضراتي إلا الساعه ثلاث ومعي زميل يخلص الساعه 12 علماً انه اسماء الدكاتره عندي يختلفون عن اسماء الدكاتره عنده اقدر اغير الشعبه اللي انا فيها واصير معاه ...... بما ان رقم الشعبة يختلف فأكيد راح يكون الوقت والدكاترة غير ما اظن تقدر تغير الشعبة اللي انت فيها لأنه هناك كان اختبار تحديد مستوى وعلى هذا الاختبار تم توزيع الطلاب ليكونوا نفس المستوى تحياتي |
رد: اي سؤال عن الكلية والحياة في الكلية ..انا موجود
KHAN <<<<<>>>> Reading
EWING <<<<>>>> Writing PEER <<<<>>>> Grammar O.AL-TARAIEH <<<<>>>> SKILLS M.AL- HRIGE <<<<>>>> Practical WALEED AL-BELALI <<<<>>>> Theoretical SELF STUDY <<<<>>>> Practical وووش رايكم في المدرسين Theoretical ووش هاذي الماده عن ايش تتكلم تكفون ردو :s12: |
رد: اي سؤال عن الكلية والحياة في الكلية ..انا موجود
هههههههههههههههههههههههههههههههههههههههههههههههههه ههههههههههههههههههههههههههههههههههههههههه
:119::119::119::119::119::119::119::119::119::119: :119::119::119::119: self study = هذا مو مدرس بل تعني دراسة ذاتيه يعني تدرسها انت وتجي تختبر theoretical= نظري practical= عملي هاذي ليست مواد بل عملي ونظري بعض المواد تنقسم الى عملي ونظري وبعدين يوجد في مبنى اللغه الانجليزية فوق 90 مدرس يعني وش ذا المخ اللي بيعرفهم كلهم |
رد: اي سؤال عن الكلية والحياة في الكلية ..انا موجود
ما قصرت اخوي night wolf كفيت ووفيت وبيض الله وجهك
|
رد: اي سؤال عن الكلية والحياة في الكلية ..انا موجود
حبييبكم من يقدر يغير الشعبه في الكليه
|
رد: اي سؤال عن الكلية والحياة في الكلية ..انا موجود
طلاب التخصص هم اللي يستطيعون تغغير الشعب
واذا كنت تقصد السنه التحضيريه فلايوجد احد يستطيع تغيير الشعبه سواء من الموظفين والطلبة والمدرسين |
رد: اي سؤال عن الكلية والحياة في الكلية ..انا موجود
مرسسي أوي خيو حبيبكم والله جواب بياخذ العئل
|
رد: اي سؤال عن الكلية والحياة في الكلية ..انا موجود
اخوي حبيبكم ادري والله اني ثقلت عليك بس اتمنى انك ما عندك مشكله ....... إذا ما عندك مشكله تقدر تجاوبني عن السؤال التالي
في السكن اجيب معي ثلاجة ولا فيه وهل اقدر ادخل دافور (فرن صغير) داخل السكن وهل فيه تفتيش للغرف بشكل دوري وشكرًا ودمت سالم |
رد: اي سؤال عن الكلية والحياة في الكلية ..انا موجود
السلام عليكم
افاا عليك بس انا مانزلت الموضوع ذا الا وانا ابي اجاوبكم على اسئلتكم السكن مافيه ثلاجه واذا تبي تجيب جب ثلاجه مسموح والكهرب على مااتوقع 110 الدافور ممنوع اللي فيه نار ولكن الغلايه مسموحه والتفتيش على حسب ادارة الاسكان يعني اذا فيه بلاغ على احد بيفتشون غرفته والبلاغ يكون من عريف العماره ( طالب مسؤؤل عن العماره ) |
رد: اي سؤال عن الكلية والحياة في الكلية ..انا موجود
السلام عليكم
يعطيكم الف الف عافيه على ذا الجهد وبصراحه في اشياء توني اعرف عنها رغم اني في الكلية لي سنه ونص وعندي بس استفسارين للمتخصصين ماعليهم امر اول شيء انا معدي من السنه التحضيريه بمعدل نازل ونزلوا لي 17 ساعه هل لي حق احذف مواد وكيف ؟؟ نزلتي لي ذي المواد .. اتمنى اللي عنده خلفيه يفيدني وش طبيعة دراسه ذي المواد وكيف المدرسين اللي عندي English III A.SALMAN GES 113 Calculus I A.HABIB GES 132 Fundamentals of Physics Physics Lab 2 F.AL-RAMADHAN 103 Theoretical K.AL-ASSADI MME 101 Engineering Drawing OSAMA MME 102 Workshop Technology M.I.ABUTOUQ MME 103 Industrial Safety and Environment M.A.HAMMAD MME 141 Refrigeration Fundamentals S.S.HYDRI 2 Theoretical S.S.HYDRI |
رد: اي سؤال عن الكلية والحياة في الكلية ..انا موجود
اقتباس:
بس هو سعودي ولا لأ ؟:119: ======================= وكيف حالك أخوي حبيبكم :119: ترا أنا ماني زعلان منك والله بالعكس....أحبك في الله وعندي كمان سؤال: ماهي الخدمات الإلكترونية المقدمة من موقع الكلية للطلاب خلال أيام الدراسة؟ وبالنسبة للبريد الإلكتروني الموجود في موقع الكلية كيف أستفيد منه؟ ودمتم بود........ |
رد: اي سؤال عن الكلية والحياة في الكلية ..انا موجود
السيف تحية طيبة لك عندي بس استفسارين للمتخصصين ماعليهم امر حـــــاضرين واحنا في الخدمة اول شيء انا معدي من السنه التحضيريه بمعدل نازل ونزلوا لي 17 ساعه هل لي حق احذف مواد وكيف ؟؟ نعم يحق لك الحذف عند المرشد الأكاديمي حقك ومدة الحذف او الاضافة ثلاثة أيام بداية من تاريخ 11 /10 الى 13/10/1429هـ نزلتي لي ذي المواد .. اتمنى اللي عنده خلفيه يفيدني وش طبيعة دراسه ذي المواد وكيف المدرسين اللي عندي English III A.SALMAN مادة تعبير تتسم بالصعوبة نوعا ما لكن اذا كنت مهتم بها راح تفيدك كثير ومدرس المادة عليم سلمان مدرس هندي ممتاز وطيب وهو يعجبني سبق ودرست معه انجليش 1 و2 GES 113 Calculus I A.HABIB مادة التكامل والتفاضل شبيهة بمادة ثالث ثانوي لكن بالانجليش صعبة على من لاينتبه لشرح المدرس وكثير من الطلاب يعيد في هذ المادة لاهمالهم لها انتبه ومدرس المادة البروفيسور انور حبيب هندي وهو ممتاز GES 132 Fundamentals of Physics Physics Lab 2 F.AL-RAMADHAN مادة الفيزياء عملي وهي التطبيق العملي للفيزياء مدرس المادة العراقي الدكتور فخري الرمضان مدرس طيب وجيد 103 Theoretical K.AL-ASSADI مادة الفيزياء النظري وهي مقدمة للفيزياء مادة سهلة نوعا ما ولكن طويلة وقوانينها كثيرة مدرس المادة الأسدي مدرس جيد وطيب MME 101 Engineering Drawing OSAMA مادة الرسم الهندسي مادة شيقة وسهلة لكن يجب ان تكون مركز علشان تعرف كل شي وتكون مبدع فيها مدرس المادة ما اعرفه MME 102 Workshop Technology M.I.ABUTOUQ مادة تقنية الورش مادة سهلة جدا وهي عبارة عن تصاميم وقياسات مدرس المادة محمد ابو طويق طيب ولكن غثيث المادة عملي يخليها لك نظري:hahaha_2008: ولا يسكت على طول كلام:017: الله يعينكم عليه MME 103 Industrial Safety and Environment M.A.HAMMAD مادة السلامة الصناعية والبيئة مادة سهلة جدا بس تحتاج الى واحد يحب الحفظ مدرس المادة ما اعرفه MME 141 Refrigeration Fundamentals S.S.HYDRI مادة اساسيات التكييف والتبريد ما اعرفها 2 Theoretical S.S.HYDRI هذه المواد درستها ماعدا اساسيات التبريد والتكييف لأنه تخصصي هو الصيانة الميكانيكية وانت التكييف والتبريد اللي عرفته كتبته لك والباقي عليك دمت موفق |
رد: اي سؤال عن الكلية والحياة في الكلية ..انا موجود
Naz تحية لك جميع مدرسي التربية البدنية من المملكة العربية السعودية والباقي يجاوبك عليه حبيبكم |
رد: اي سؤال عن الكلية والحياة في الكلية ..انا موجود
اقتباس:
وبإنتظار حبيبكم:cheese: |
رد: اي سؤال عن الكلية والحياة في الكلية ..انا موجود
مشكووووووووووووووور ,,
حبيت أسأل كيف أخذ ورق التعريف من الكلية ؟؟ واذا في امكانية أخذها في هذي الأوقات ؟؟ |
رد: اي سؤال عن الكلية والحياة في الكلية ..انا موجود
يعطيكم العافيه
تاخذ التعريف يالغلا م المكينه اللى بالمكتبه او ادارة السكن ويمكن انهم فاتحين وشغاله المكينه شكرا |
رد: اي سؤال عن الكلية والحياة في الكلية ..انا موجود
طيب مشكورين على الردود !!!!!
طيب عندي أسئلة ثانية !!! ــــــــــــــــــــــــــــــــــــــــ أنتم تقولوا السكن الجديد غرفها صغيرة ,, كم يعني مساحتها ؟؟؟ الكهرباء 110 أو 220 ؟؟؟ هل المكواة مسموح ؟؟؟ و هل الكونكت مسموح ؟؟ وكيف شبكة موبايلي في الكلية ؟؟ |
رد: اي سؤال عن الكلية والحياة في الكلية ..انا موجود
السلام عليكم
اخي Naz الخدمات الكترونيه >>> لكل طالب حساب في الشبكة الداخلية في الكلية ويحتوي هذا الحساب على جميع المعلومات الخاصه بالطالب مثلا الغياب والحضور , كشف المكافات التي استلمتها , رقم جوالك , مدرسينك , درجاتك ,جدولك الدراسي ,وجدول الاختبارات ,,,,,,,,الخ وكذلك تستطيع التعرف على اعضاء هيئة التدريس بكتابة اسمه في الخانه وسوف يظهر لك صورته واسمه وجنسيته ومن وين متخرج وشهادته ومكتبه ........ بالنسبه للبريد الالكتروني تجيك فيه الرسايل من االاداره ومدراء الاقسام واخبار الكلية والتنبيهات خاصه لك ويكون طريق التواصل مع الطالب يعني لازم تفتحه شبه يومي لان كلمة نسيت ولا ادري ماتنفع معهم دمتم بود.......................حبيبكم |
رد: اي سؤال عن الكلية والحياة في الكلية ..انا موجود
اخي مع نفسك
تاخذ ورقة التعريف من جهاز للتعاريف ويكون في ادارة الاسكان وفي المكتبه جهازين فقط في الكلية والتعليمات لاستخدام الجهاز موجوده عند الجهاز اما من ناحية فاتحين ماادري في السكن الجديد الغرف صغيره ولكن ليست ضيقه وتصل الى هذه الحدود الكهرباء على مااتوقع 110 المكواه مسموح الكونيكت مسموح من ناحية شبكة موبيايلي الشكة كويسه فلللللللللللللللل |
رد: اي سؤال عن الكلية والحياة في الكلية ..انا موجود
السلام عليكم ....................... الكهرباء بس 110 فولت ولا فيه 220فولت
|
رد: اي سؤال عن الكلية والحياة في الكلية ..انا موجود
على مااتوقع مافيه الا 110 الجبيل الصناعية كلها 110
|
رد: اي سؤال عن الكلية والحياة في الكلية ..انا موجود
يعطيك العافية أخوي
ما شاء الله مجاوب على الاسئلة كلها ( بيني وبينك أعتقد أني عرفت كل شي بالكلية منك ) أخوي أبي رأيك أحد المسؤلين في الكلية يريدني أن العب مع منتخب الكلية لكرة القدم انت ويش رايك أدخل منتخب الكلية وله كيف وأذا دخلت هل سيؤفر على مستواي الدراسي ؟ |
رد: اي سؤال عن الكلية والحياة في الكلية ..انا موجود
اقتباس:
تعبتك معاي عندي آخر سؤال وإن شاء الله ما يكون الأخير: بالنسبة لمغسلة الملابس, إيش خدماتها ؟ وكيف أسعارها؟ والإنترنت يوصل للسكن الجدويد ولا أضطر إني أشتري موبايلي كنكت؟ وفي أمان الله. |
رد: اي سؤال عن الكلية والحياة في الكلية ..انا موجود
السلام عليكم
يا اخوان تكفون متى توزيع السكن :praying: كل يوم يجي واحد ويقول يوم اما يوم 6 او 11 :bngo12: وابي الخبر الاكيد منكم :praying: ويعطيكم العافيه |
رد: اي سؤال عن الكلية والحياة في الكلية ..انا موجود
اقتباس:
اتصلت عليهم وقالوا لي لانشوف رقعه وجهك الا بـ 11/10 وماراح تحصل ولا موظف مداوم قبل 11/10 |
رد: اي سؤال عن الكلية والحياة في الكلية ..انا موجود
أخوي حبيبكم ,,
احين عندنا رياضة ,, رياضة مثل الثانوي ,, المدرس يرمي الكورة بالنص والكل يدخل عليها ؟؟ :hahaha_2008: و الا في تمارين ؟؟ كيف يعني رياضة ؟؟ |
رد: اي سؤال عن الكلية والحياة في الكلية ..انا موجود
يا ناس وشي ورقة التعريف انا اقرا عنها ولا ادري وش سالفتها ؟ وهل هي مهمه ولا لا
|
رد: اي سؤال عن الكلية والحياة في الكلية ..انا موجود
السلام عليكم ,, أخوي حبيبكم ,,
معليش مثقلين عليكــ بس ودنا نعرف كل شي قبل ما نتفاجأ ونروح في خرايطها في الكلية !!! أقول لو جبت معي شراشف ما تدري يمكن يتوسخ الموجود ,, عادي ؟؟ |
رد: اي سؤال عن الكلية والحياة في الكلية ..انا موجود
السلام عليكم
اخي طالب كلية الجبيل بالنسبه لمنتخب الكلية لن يؤثر على دراستك اذا كنت انت مهتما بها . فانا اعرف ناس موظفين ويدرسون بالكلية ومنسقين بين الكلية والدوام الشي هذا يرجع لك انت في الترتيب .. اخي Naz بالنسبة لمغسلة الملابس خدماتها تغسيل الملابس وش اقول اكثر من كذا وفيه مستعجل وعادي زي المغاسل اللي برا واسعارها نفس المغاسل اللي برا يعني مافي فرق كبير يمكن نص ريال بس او ريال ومن ناحية الانترنت انا مااستخدم الانترنت داخل الكلية ولكن ارى بعض الطلاب ( متبطحين ) بين العماير الجديده ويستخدمون الشبكة . اخي مع نفسك الرياضه في الكلية تنقسم الى ثلاث كورسات كورس كرة طائره وكورس كرة سلة وكورس كرة قدم ويتم تعليمكن جيع خصائص اللعبه وتطبقونها بالملعب وبعض المدرسين يحط فيها نظري وبعض مايحط وطبعا قبل البددايه باللعب يكون فيها هروله وشوية تمارين اما من ناحية الشراشف ( يااخي انت منت داخل عسكرية جب اللي تبيه لو تبي اثاث بيتكم كله جبه معك يعني من اللي يحاسبك؟؟؟ ) اخي اسير الليل هذا ورقة التعريف من اسمها ورقة تعريف تثبت انك طالب بالكلية بس علشان تستفيد من التخفيضات في الخطوط والطيران بس لا اكثر ولا اقل ويمكن تستخدمها في اشياء ثانيه دمتم بود .........................حبيبكم |
رد: اي سؤال عن الكلية والحياة في الكلية ..انا موجود
Laboratory Techniques<<<<<< Practical<<<<<<<H.Y.HIJAZI Theoretical<<<<<<<<H.H.JABBAD English III <<<<<ALEX Fundamentals of Physics <<<<<<<Theoretical<<<<<K.AL-ASSADI General Chemistry <<<<<<<Practical>>>>>>A.O.ABBASHER Theoretical<<<<<<MOUAID Industrial Safety and Environment<<<<<<H.A.ABU JUBBAH هاذي اسامي مدرسيني الله يعافيكم اللي عنده اي فكرة عنهم او اي نصيحة في التعامل معهم لا يبخل علينا ودمتم.......:119: |
رد: اي سؤال عن الكلية والحياة في الكلية ..انا موجود
السلام عليكم
نصيحه لوجه الله ادرس GENERAL CHEMISTRY عند Dr.JIMOH TIJANI خوووووش مدرس وانا اضمن النجاح عنده 100% بس اهم شي الحضور والاسئله تافهه وفي المعمل يعطيك الدرجه فل مارك |
رد: اي سؤال عن الكلية والحياة في الكلية ..انا موجود
طيب كيف ادرس عنده ؟؟ يعيني اقدر ادرس عنده بدون تغيير الشعبة ولا لازم اغير الشعبة؟؟ حتى لو غيرت الشعبة ايش دراني ان الشعبة اللي بروح لها هو اللي بيدرسها؟؟ بليز انتظر الرد:praying: |
رد: اي سؤال عن الكلية والحياة في الكلية ..انا موجود
ااسف على التاخير
ابحث عن الشعبه واسال اخوياك عن الشعبه اللي يدرسها تيجاني وحاول يكون مدرسك في النظري والعلمي ودمتم |
| All times are GMT +3. الوقت الآن حسب توقيت السعودية: 11:57 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه