|
مزايا وسلبيات كلية الجبيل الصناعيه
((بسم الله الرحمــن الرحيـــم)) السلام عليكم ورحمة الله وبركاته ... وبعــــد.... هلا وسهلا فيكم ياطلاب كلية الجبيل الصناعيه... طبعاً بما ان هذا الملتقى توه فاتح ولا لقيت هالموضوع واحس انكم كلكم تحتاجون لمثل هالموضوع ... مزايا وعيوب الكليــــــــه ,,,,, مزاياها,,,,, كليـــه قويه تخرج طلاب فاهمين ومدركين جداً...يعني الدراسه قويـــه والمناهج دائما ً جديده ومناسبه لفهم الطالب,,,, *طاقم هيئة التدريس رائع واغلبهم من متحدثي اللغه الانجليزي(للسنه التحضيريه)... *توفر سكن للطلاب اللائي تبعد مناطق سكنهم عن 200 كم وسمعت انهم بيوفرون للمناطق القريبه حالما انتهائهم من بناء وحدات سكنيه جديــده.... *المكافأه ,,, نظامها روعه ... تنزل بتاريخ 25 من كل شهر حالما دخول اليوم يعني الساعه 12 الليل تشيك تلقاها مسدوحه بالرصيد 990 ريال... *الإدراه اكثر من روعه برئاسة الدكتور /مصلح بن حامد العتيبي .... هذا الإنسان روعه بكل ماتعنيه الكلمه يستمع لهموم الطلاب ويساعدهم ودائما بابه مفتوح لجميـــــع الطلاب... *وجود مراكز ترفيهيه كمسبح ومركز ترفيهي فيه بلياردو وتنس وتلفزيون وحركات.... * وجود مكتبــــه كبيره وجديده ومكيفه واجهزة حاسوب مدعومه بالنت دائما مو مثل بعض الجامعات كل شوي النت يقطع بالمكتبه ....وفيها اجهزه كثيره حوالي 50 حاسوب.... *توفر مطعمين بالكليه ....الأول بأسعار رمزيه؛؛<< بس انا ما احبه مدري ليه... ومطعم آخر تجاري اسمه زاد<< له فرع بالدمام.... وسوبر ماركت بمكتبه.... * السكن يتفرع الى قديم وجديد.... بالنسبه للقديم ميزاته ان فيه تلفزيون بقنوات محدوده بس حلوه جميع القنوات الرياضيه فيه آر تي وشوتايم وطقتها بس تفتح اذا كانت فيه مباريات ... وسلبيات السكن القديم فيه بعض الأحيان تخرب المكيفات مثل ماسووها لنا الفصل الماضي وقفت المكيفات اكثر من اسبوع<<< حسبي الله عليهم ماقدرت اذاكر والنكبه كان عندنا فاينل ميجر وخربتها :017: بس يكون معك اثنين بالغرفه يعني يمكن تنكب وتصير برا مو بالبارت وخذها ازعاج من اللي معك بالغرفه واحد داخل واحد طالع << مهجد اللي معه بالغرفه :lllolll: السكن الجديد ميزته مكيفاته بااااااارده ومامعك الا واحد وبعض الاحيان يصيرون اثنين بس مافيه تلفزيون ....فيه صالة استراحه تحت بس غثيثه واحد يبي القناه الفلانيه والثاني يبي ذي القناه وخذها مضاربات...:hahaha_2008: وميزة الكليه ان اذا تخرجت يجيك راتب فلــــه... حتى كان وكيل الكليه يقول انتم تتخرجون افهم من طلاب جامعة الملك فهد للبترول والمعادن:lllolll: لاننا ندرس ونطبق يعني ملكعين (فاهمين):o3: في ترم التطبيق الأخير اللي بعد دراسة 5 اترام بلكليه ترتفع مكافئتك الى 1500 ريال كبدل للمواصلات يعني..... فيه حلاق ابشركم توه فاتح تركي :lllolll: ________________________ ______________________________ سلبيات الكليـــه ما اعتبرها سلبيات مره وحده بس تختلف من فهم الى فهم.... * الكليــــه نظامها شديـــد مره يعني اسهل ماعليهم يقولون لك اطلع برا انت مفصول لانهم يبون يخرجون ناس منضبطه وفاهمه... * الكليه اللي ماسك الامن فيها الأمن الصناعي للهيئه الملكيه ... وشديدين يعني يشوفونك داخل الكليه تسرع ولا تفحط يرفعون اسمك وتزل بحقك عقوبه تصل الى الحرمان من الدراسه لفصل كامل وحرمانك من تصريح دخول مركبه للكليه.... الأعذار لاتقبل إلا من مستشفيات حكوميه واذا جبت العذر مايقبلونه على طول يرسلون تقرير لنفس المستشفى يتأكدون من العذر وياويلك لو تكذب فصل على طول ويرتاحون من وجهك:lllolll: *السنه التحضيريه لازم تجيب معدل فوق 2,5 من 4 عشان تخش تخصص صاحي ولا تنطق في هندسة تبرييد وتكييف؛؛<< على فكره هالهندسه لها مستقبل وارامكو تاخذ اللي يتخرجون منها على طوووول...:t1: بالنسبه للسنه التحضيريه فيه شي اسمه الحد الأقصى من الغياب يعني تغيب اسبوع كامل بدون عذر يجيك DN(حرمان) على طول...وحتى بالتخصص فيه حرمان بس النظام اريح شوي... * المواقف.... توقف بموقف مخالف على طول يحطون قفل على سيارتك ودايم نعاني من ازمه بالمواقف مانلقى مواقف ونضطر للوقوف بمواقف مخالفه وخذها قفل ...وماتفكه الا بـ100 ريال والمره الثانيه 200 وانت طالع....:Cry111: مشكلة السكن... انك تسكن بعض الاحيان مع ناس ماتعرفهم ,., وبعض الاحيان تسكن مع واحد عاداته غير وكلامه غير وحتى مذهبه غير ..وهذي المشكله عانيت منها اول ماخشيت الكليه بس تجاوزتها ولله الحمد والمنّه..... * الجبيل بطبيعتها كئيبه شوي يعني لانها مدينه صناعيه بحته بس شاطئها حلو ومنظمه مررره كأنك بدبي<< ايه هين:bngo12: الطريق بين الجبيل والدمام خطير شوي ودايم حوادث بسبب ان العالم فيه تسرع ياعساكر وعنده استلام ويبي يلحق او تلقاه يشتغل بشركه ولا يبي يفوته التوقيع او تلقاه طالب مسكين ويبي يلحق على المحاضره عشان مايسجل له غياب ويجيه دي إن على ظهره.. الحضور والغياب شديد مره بالذات بالسنه التحضيريه... تتأخر 5 دقايق عن المحاضره تحسب غياب لك حتى لو جيت بعد 6 دقائق... ومن 5 دقايق وتحت يحسب (ليت) تأخير يعني وكل 3 تأخيرات تعتبر غياب وانت طالع ياحبيبي... معلوميه للي يحبون المشاكل والقدحات<< مثلي اي مضاربه يجي الامن الصناعي وياخذ بطاقاتكم ويفصلونكم من الكليه لووول:lllolll: سريع سريع ..................................... هذا ماعندي واتمنى انكم خذتوا فكره كامله عن الكليه واتمنى الإستفاده من الموضوع واتمنى تثبيته لإعمام الفائده...... واي استفسار انا حاضر وبالخدمه..... شاكر لكم حسن القراءه.... الموضوع إكسكلوزيف(يعني حصري) اخوكم.... (( دوســ502ــري)) |
رد: مزايا وسلبيات كلية الجبيل الصناعيه
تسلم على الموضوع الحلو
انا طالب انقبلت فيها هذي السنة وان شاء الله خير |
رد: مزايا وسلبيات كلية الجبيل الصناعيه
ماشاء الله الدوسري وراهم مايحطونك مدير الكليه حافظ القوانين من الشطانه:hahaha_2008:
مشكووووووووووووووووووووووور ماقصرت وفيت وكفيت |
رد: مزايا وسلبيات كلية الجبيل الصناعيه
مشكوووووووووووووووور ,,
أفدتني كثيييييييييييييييييير :d5: |
رد: مزايا وسلبيات كلية الجبيل الصناعيه
اقتباس:
الله يوفقــــك شد حيلك وفالك التوفيق اخوك دوسري |
رد: مزايا وسلبيات كلية الجبيل الصناعيه
اقتباس:
تلاحظني حافظ امها من لكاعتي ... والله هذي المعلومات اتمنى تكون وافيه ووضعتها طلباً للأجر العفو ومشكور على المرور.... |
رد: مزايا وسلبيات كلية الجبيل الصناعيه
اقتباس:
الحمدلله هذا الهدف إفادة اكبر شريحه من الطلاب والمهتمين.... شاكر لك مرورك |
رد: مزايا وسلبيات كلية الجبيل الصناعيه
مشكوور اخوي الدوسري على المعلومات
|
رد: مزايا وسلبيات كلية الجبيل الصناعيه
أخوي دوسري مشكور وماقصرت:g8: وهذا اللي كنت أبغاه بالضبط يمكن تحسون اني بنوته وقاطه عرض بس اخوي حبيبي وتاج راسي انقبل فيها وخلص اجراءات القبول ولله الحمد لا اوصيك عليه ولااسمع انك سويت فيه شي
|
رد: مزايا وسلبيات كلية الجبيل الصناعيه
اقتباس:
العفو ياعبدالله وهذا الواجب نفيد ونستفيد مشكور على مرورك |
رد: مزايا وسلبيات كلية الجبيل الصناعيه
اقتباس:
ومن ناحية اخوك لاتوصين حريص علميني وينه فيه لاخليه ينساكم معي<<< وش بتسوي به :hahaha_2008: ماقدامه الا التوفيق ان شاء الله.... اختي ام ليان شاكر لك مرورك وتعطيرك لموضوعي... |
رد: مزايا وسلبيات كلية الجبيل الصناعيه
اخوي دوسري ماعليك امر بس حبيت اسأل
لاني سمعت ان في اول سنه فيه ترم صيفي اجباري للطلاب هل هذا الكلام صحيح او لا |
رد: مزايا وسلبيات كلية الجبيل الصناعيه
لا والله لا ترم صيفي ولا شي ياوخيتي......
بعدين بسال هالإشاعات اللي ماشيه مليونين كيف تصدقونها يعني على مستوى السعوديه مو موجود هالنظام ... لان الترم الصيفي من حق الطالب ان ياخذه او يرفضه...... بعدين ترا كليتنا تسعى لراحة الطالب<< ايه هيّن:hahaha_2008: الله يوفقك ويوفق اخوك معك مره وحده..... وشاكر لك تعطيرك لموضوعي مره اخرى..... |
رد: مزايا وسلبيات كلية الجبيل الصناعيه
.. انا عني بصراحة أكـره شي في كليتكم اللبس ،، تحس عمال مهوب طلاب على هاللبس ..
:mh19: |
رد: مزايا وسلبيات كلية الجبيل الصناعيه
:c8: خوفتنا شوي
بس انشا الله نعدي هذي السنه على خير >>> يبي يقول انه انقبل :hahaha_2008::hahaha_2008: يعميك العافيه اخوي دوسري :d5: |
رد: مزايا وسلبيات كلية الجبيل الصناعيه
:
اقتباس:
هلا والله باخوي الغالي,,,,, لا ابشرك الحين غيروا اللباس ماعاد مثل اول كأنك بسجن غوانتنامو<<:hahaha_2008: الحين غيره صار بنطلون وقميص حلو شكله مثل كلية التقنيه تقريبا بس فرق الشعار طال عمرك.... دمت بود وشاكر لك مرورك |
رد: مزايا وسلبيات كلية الجبيل الصناعيه
اقتباس:
الله يوفقك بعدين وش يعميك العافيه :017: يعطيييك العافيه قصدك بس انا احب ادقق عندك مانع :bngo12: |
رد: مزايا وسلبيات كلية الجبيل الصناعيه
:hahaha_2008::hahaha_2008::hahaha_2008: توني عرفت اني مكلج
ييـــيعــطــيك العافيه :cheese: :hahaha_2008: |
رد: مزايا وسلبيات كلية الجبيل الصناعيه
اقتباس:
الله يعينك اي تكليج مع كلية الجبيل لاتكليج بعد اليوم<<< ايه هيّن ان ماوسوست :hahaha_2008: مشكووووور على مرورك |
رد: مزايا وسلبيات كلية الجبيل الصناعيه
السلام عليكم...
شكراً أخوي على هذا الموضوع الحلو:119: أنا انفبلت فيها هاذي السنة بس عندي سؤال: هل يوجد (وايرلس) في سكن الكلية؟ |
رد: مزايا وسلبيات كلية الجبيل الصناعيه
يا دوسري ممكن لوسمحت تقولي متى موعد التسجيل للترم الثاني بالضبط ولك جزيل الشكر
|
رد: مزايا وسلبيات كلية الجبيل الصناعيه
اقتباس:
هو فيه في وسط المباني القديمه بس لك عليه يغث اللي ماينغث ضعيف ومايفتح المسن.... بس الواير لس فيه بشاطئ النخيل حلو وسريع بس المشكله المشوار مع ان الشاطئ قريب بس هم تشغل السياره وتمشي<< عجــــــــــــاز الله يوفقك اخوي والحياة بدون نت لك عليها :017: |
رد: مزايا وسلبيات كلية الجبيل الصناعيه
اقتباس:
والله يوفقك واعذرني ماساعدتك بس ما ابي اتفلسف .... ...... لك الشكر على المرور... |
رد: مزايا وسلبيات كلية الجبيل الصناعيه
يعطيك العافيه اخوي دوسري ع المساعدات المتناثره في ارجاء المنتدى <<<<<بداء يتفلسف
وبغيت اسال عن التمشيات يعني لازم نضرب مشوار لين الخبر ولا الجبيل فيها تمشيات يعطيك العافيه وتقبل تحياتي:s11: |
رد: مزايا وسلبيات كلية الجبيل الصناعيه
اقتباس:
ناوي تجي تتمشى اجل ناويها اجل تتونّــس<< وانت وش لك فيــــــــــــــه؟؟:017: المهم من ناحية التمشي فيها تمشي بس مو مرررره يعني لك عليه في شاطئ النخيل والفناتير وحركات يعني بس ينمل منهم ..... واذا بغيت تتمشى ياليت تدق وتفصل عشان نتمشى سوا<< محد احسن من احد:praying: |
رد: مزايا وسلبيات كلية الجبيل الصناعيه
قدااااااااام
بس على كذا لازم نشوف وضع البحرين:119::119: |
رد: مزايا وسلبيات كلية الجبيل الصناعيه
اقتباس:
رووووووق المنقا يازميلي ....قسم ان تطفـّر هناك ....مسوي نفسك بـ 990 ريال ترجع مديون 990 ريال اركـــــد بس انت حدّك شارع التحليه وحياة مول كنها عندك البحريـــن :mh001: اهـــم شي الاخــــــلاق وانك تصير عاقل وماتذب علبة الببسي من دريشة السياره :lllolll: |
رد: مزايا وسلبيات كلية الجبيل الصناعيه
:lllolll:هههههههههههههههههههههههههه:lllolll:
يا حبيبي البحرين هذي لابد منها بس وش اللي ببسي يا الطيب ما نشرب الا ديو بس م عليك من ناحيه البحرين المعززين ينتظروني هناك لا تخاف |
رد: مزايا وسلبيات كلية الجبيل الصناعيه
اقتباس:
|
رد: مزايا وسلبيات كلية الجبيل الصناعيه
يا هلا بالدوسري ..
جزاك الله خير على المعلومات الطيبه .. عندي أستفسار يا صحبي .. الحين زميل السكن أقدر أغيره إذا ماعجبني (( صار غثيث وما أثق فيه )) <<< :t1: أو أقدر أختار مذهب محدد يسكن معي .. ما أبي أتورط بواحد وأبلش فيه ثاني يوم مرتكب جريمه فيه :000: وإذا بغيت أوسع صدري وين أروح .. ولا كأأأأأبه :( ؟؟ وبيني وبينك أنا من النوع اللي أكره الطفش يعني أحتمال أسحب إلا صاار الوضع نفسيه :bawling: ولاهنت على الإفاده .. وسؤال أخير .. السنه التحضيريه طلابها نفس السكن ولا خليطي مع السنه الثانيه والثالثه ..؟ وسلامتكـ .. وأعذرني على الإطاله |
رد: مزايا وسلبيات كلية الجبيل الصناعيه
اما من ناحية السكن ممكن يسكن معك واحد بيتخرج بكره يعني شايب وممكن يسكن معك واحد كبر ولدك في السنه التحضيريه
|
رد: مزايا وسلبيات كلية الجبيل الصناعيه
اقتباس:
اقتباس:
بعدين هم يقولون لك من يسكن معك ... إذا ماتبيه يمديك تقول لا غيّره لاهنت وثانيا<<هو فيه اولاً تقدر تغير انت سكنك يعني والله لقيت لك واحد رجال مثلي وشرواي:mh001: وعندي مكان شاغر تروح لإدراة السكن وتطلب تغيير سكن :119: اقتباس:
وش بعد ايه ولاتنقز للخبر..... بعدين انت صاحي .....:017: تبيني اسطرك الين تعض الأرض تعال تعال قرب ....بعد قرب .....ايوووه وقف هنا ناظرني وحط عيني في عينك الحين تسحب ملفّك عشان الوضع نفسيه ....ياخي اللي يبي الدح مايقول اح والمهتوي يقطع المستوي.....يعني روّق المنقا وش نظامك انت ترا الكليه والله العالم تفحط انها تدخلها وانت بتسحب ملفك... ياخي والله تندم اذا شفت ناس كانوا معك بنفس الكليه تخرجوا ورواتبهم على 15 الف وفوق والله ان تعرف ان الله حق..... لذلك اعقل لايجيك شي مابعد شفته...:bngo12: اقتباس:
ومن قال مايهون اقتباس:
ماعاد الا يحطون للسنه التحضيريه سكن.... وش رايكم بعد نحط لكم سيارات ومواقف خاصه وبقاله لحالكم<< طيب ليه معصب:cheese: الدعوه تراها تساهيل واللي بياخذها وبيحطها بباله انها صعبه بتبتل علهي صعبه الين يفطس واسمح لي عالأسلوب بس والله صايم وعطشان ومافيني نوم الله يعين الين اذان المغرب |
رد: مزايا وسلبيات كلية الجبيل الصناعيه
اقتباس:
عطيتك اذن خطّي بالرد على استفسارات الأعضاء ولا الدعوه سايبه ارد على كيفي؟؟:017: ههههههههههههههههههههههه الموضوع موضوعك وحبيت امزح معك..... تفطر على خير |
رد: مزايا وسلبيات كلية الجبيل الصناعيه
.. تسلم يالدوسري ..
بس ترى أحتسب الأجر حق الصيام لا تفطر علينا :s12: _______________________ اقتباس:
ولا بقاله بعد ..؟ إلا بسألك حول الكليه فيه بسطت ثلاجات ؟؟ ولا أجيبها معي من الرياض . ؟ << بتل يسأل .. |
رد: مزايا وسلبيات كلية الجبيل الصناعيه
اقتباس:
بعدين انت ماقريت الموضوع زين..... فيه مواقف بس بعض الاحيان تمتلي وفيه سوبر ماركت تطارد فيه الحمير<< قصدي الخيول والله الثلاجات لو تجيبها معك من الرياض اتوقع احسن والله يوفقك الحين انت ليه ماتنوم.....اليوم جمعه ولا انت نظامك تقعد الى الساعه 9 وتنوم ومايردك الا اذان المغرب عشان تقوم تفطر<<سؤال بسيط.....انت وش دخلك؟؟؟:cheese: |
رد: مزايا وسلبيات كلية الجبيل الصناعيه
:064: نمت عشان ماتفطر من كثر صراخك علينا ..
أجل الثلاجه علينا .. طيب فيه شي ثاني أجيبه معي مهم غير الثلاجه .. وأول يوم أداوم بـ بدله ولا رسمي .. ؟ |
رد: مزايا وسلبيات كلية الجبيل الصناعيه
اقتباس:
من ناحية اول يوم والله انا داومت ببدله عاديه بس حذرني الدكتور وقال تجي مره ثانيه باغيبك بس انتبه تداوم بثوب لان تلبس بدله ولا تلبس ثوب واحسن لك داوم بالبدله الرسميه واقصر الشر ياسديراوي:mh001: |
رد: مزايا وسلبيات كلية الجبيل الصناعيه
والله أخاف أطاوعك ..
وجيب معي فرن كهربائي ويكرشوني أنا والفرن ,؟ أجل إن شاء الله ثلاجه وغلايه .. وأول يوم نداوم بـ ملابس الكليه .. والجزمه وأنت بكرامه أختياري .؟ وننتظر شوفت الدكاتره .. بسألك فيه دكاتره فلبينيين .. :mh19: |
رد: مزايا وسلبيات كلية الجبيل الصناعيه
اقتباس:
لأني انا عندي طريقه اقنع اخصائي السكن فيها.... والجزمه البس اي جزمه نو بروبلم بس تكون يعني لائقه مو مش حالك.... ايه فيه دكاتره ابو فلبّن<< وش تبي بهم:no2: |
رد: مزايا وسلبيات كلية الجبيل الصناعيه
دوسري قسم بالله خوفتني من ردودك احس انك شري لايكون انت من سكان عماره 15 ( عمارة السفاحين ) طبعا بادارتي الفذه اللي ماراح تلقى مثلها بالشرق الاوسط كله
واعذرني اني رديت عليك بشده في موضوعي وعلى ماقالوا وحده بوحده ووالبادي اظلم |
رد: مزايا وسلبيات كلية الجبيل الصناعيه
هههههههههههههههههههههههههههههههههههههههههههههههههه ههههههههههههههههههههههههه :lllolll: |
رد: مزايا وسلبيات كلية الجبيل الصناعيه
اقتباس:
ولا كل شي حلو منك ترد بشده انا ارد اسبّك عاااادي كل شي معقول :bngo12: |
رد: مزايا وسلبيات كلية الجبيل الصناعيه
هههههههههههههههههههههههههههههههههه
|
رد: مزايا وسلبيات كلية الجبيل الصناعيه
يخوك عسكرية :000:مو كلية صناعية على العمووم يعطيك العافية والله يسهل أمري بالعسكرية أقصد الكلية:hahaha_2008:
|
رد: مزايا وسلبيات كلية الجبيل الصناعيه
<< يقول فيه نفسه مافيه واحد اسمه جوكر رد على الموضوع :119:
|
رد: مزايا وسلبيات كلية الجبيل الصناعيه
يعطيييييييييييييييييييييييييييييييييك الف عافيه يالغلا
كفيت ووفيت وكل كبيره وصغيره سدحتها هنا يسلمو اخوك:عبدالله المطيري |
رد: مزايا وسلبيات كلية الجبيل الصناعيه
اقتباس:
ومرحبا باخوي عبدالله المطيري ونعم فيكم ياحمران النواظر والله يحييك في الكليه وبالتوفيق يارب |
رد: مزايا وسلبيات كلية الجبيل الصناعيه
وين الغيبه يا دوسري :mh19:
وكل عام وانت بخير |
رد: مزايا وسلبيات كلية الجبيل الصناعيه
اقتباس:
وانت بخير وصحه وسلامه بس انشغلت شوي تخبر انت عيد سعيد وحركات ومثلك خابر<< يغمز مشكووور على السؤال وعدّاك العيب يازميل |
رد: مزايا وسلبيات كلية الجبيل الصناعيه
:o3:
يالله حيه ما مداني اسئل :hahaha_2008: يستنى واحد يسئل عنه :mh35: :hahaha_2008::hahaha_2008::hahaha_2008: تقبل مروري |
رد: مزايا وسلبيات كلية الجبيل الصناعيه
دوســــــــــــــري ممكن طلب
<<>> <<>> <> < > طيب داري انك موافق ارسلي ايميلك :lllolll::lllolll: |
رد: مزايا وسلبيات كلية الجبيل الصناعيه
عوااااااااااااااااااااااااااااااااااااااااااافي |
رد: مزايا وسلبيات كلية الجبيل الصناعيه
اقتباس:
لا والله أسمح لي مانشيف عاطلين بالإيميل :hahaha_2008: والله ياخوي ايميلي بالملف الشخصي موجود رح واضفني وابشرك بسعدك وحنا بالخدمه |
رد: مزايا وسلبيات كلية الجبيل الصناعيه
اقتباس:
|
رد: مزايا وسلبيات كلية الجبيل الصناعيه
السلام عليكم
تكفى يالدوووسري عطني رقمك محتااااااااجك ضروري انا امنية حياتي ادخل هـ الكلية باقي شهر واتخرج من الثانوي وعندي استفسارات طويييله عرييضه انا مسجل في هالمنتدى عشان هالموضوع بغيت ارسلك رسالة خاصة بس ما اقدر لازم مشاركاتي فوووق الميه واذا يضايقك هالشي اووكي مو مشكلة سي يو |
رد: مزايا وسلبيات كلية الجبيل الصناعيه
صراحه ما خليت شي و انا اتفق معك في الايجابيات والسلبيات الا حاجه وحده الغياب
لو تغيب اسبوع ونص ما يقولون لك شي بس احنا احسن من البترول البترول لك 15 غياب بس :lllolll: يعطيك العافيه |
| All times are GMT +3. الوقت الآن حسب توقيت السعودية: 07:19 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه