قبلوني اليوم بس إداري
 

السلام عليكم ورحمة الله وبركاته

انا قبلنوي إداري بس عندي أسئله هل الاداري مطلوب

و وش التخصصات اللي فيه و وش الكتب اللي يعطونا ويمديني احول تقني بسس متى ..

وجزاكم الله خيييييييييير


:love080:

رد: قبلوني اليوم بس إداري
 

يمديك تحول إذا جبت معدل فوق 2.5 في الأوريا

رد: قبلوني اليوم بس إداري
 

وش الاوريا :lllolll:

ولآهنت :love080::love080:

رد: قبلوني اليوم بس إداري
 

^^

الأوريا السنة التحضيرية

و أي إستفسار في الخدمة
:smile:

رد: قبلوني اليوم بس إداري
 

شروط التحويل من إداري إلى تقني :

1 . أن يمضي الطالب فصل دراسي في المسار التقني

2 . أن يحصل الطالب على معدل 2.5 من 4

3 . أن لا يعاني الطالب من سمنة مفرطة أو عمى ألوان أو قصر في القامة أو إعاقة بدنية

رد: قبلوني اليوم بس إداري
 

=جزاك الله خير يا خووي تعبناك معنى



:love080::love080:


بس هالاإداري صعب ولا سهل :tongue:

رد: قبلوني اليوم بس إداري
 

قبلوك اليوم..؟ وكم درجاتك

رد: قبلوني اليوم بس إداري
 

^^

أخوي أنا توني بأول فصل ما أدري عن دراسة الإداري و لا تقني

لكن بشكل عام الدراسة بالكلية تحتاج لمذاكرة و إجتهاد و تختلف عن الثانوي كلياً

و الدراسة أول سنة كالتالي :

الفصل الأول
لغة أنجليزية كل يوم 4 ساعات
مهارات دراسية ساعة في الأسبوع
رياضة ساعتين في الأسبوع
مقدمة في الحاسب / تذاكر بنفسك بس تجي تختبر

-------------

الفصل الثاني
إنجليزي كل يوم 4 ساعات
ماث ( رياضيات ) ما أدري كم ساعة

=============

المدرسين في اللغة فيهم سعوديين و أجانب
و كل الدراسة بالانجليزي :33_asmilies-com::33_asmilies-com:

رد: قبلوني اليوم بس إداري
 

لآهنت يا خووي جزاك الله خيير باالتوفييق للكــل

يارب ..


:love080:

رد: قبلوني اليوم بس إداري
 

ما قلت لي كم درجاتك

رد: قبلوني اليوم بس إداري
 

رد لي خبر كم درجاتك بالمدرسه والقدرت والتحصليلي

رد: قبلوني اليوم بس إداري
 

اخوي (( م.احمد )) : السلام عليكم ..كيف الحال
انا طالب مستجد السمستر الجاي اول ترم لي بالكليه وحاب اسالك بعض الاسئله بعد اذنك؟؟
1- انا لغتي الانجليزيه جدا ضعيفه اقدر ادخل الكليه بهذا المستوى؟؟لاني خايف جدا.
2- السكن استلمته اقدر اجي قبل الدراسه بيوم او يومين ؟
3- كم المعدل المطلوب عشان اتخصص هندسه كهربائيه او ميكانيكيه او كيميائيه؟
4- استلمت الكتب 12 كتاب انجليزي وكتاب قرامر بس؟باقي كتب ثانيه ومن وين اخذها؟
5- الجدول كيف اخذه ؟
6- حذاء السلامه (الله يكرمكم) لازم اول سنه ومن وين اجيبه؟
7- ايش المواد اللي ادرسها اول سنه ؟ وكلها داخله بالمعدل؟
8- طبعا الكليه ثلاث سنوات ونص..اقدر اخلصها في مده اقل؟
9- في ترم صيفي بالكليه ؟؟
المعذره اذا طولت عليكم بس تعرفون طالب مستجد وما اعرف شي ..بالتوفيق للجميع

رد: قبلوني اليوم بس إداري
 

أما عاااااد من جدك انت :71: قبلوووك طيب متى ارسلو لك رسالة وكم درجاتك ؟





يعني في آمل مثلا:cool:

رد: قبلوني اليوم بس إداري
 

والله ما ادري يالحدادي

رد: قبلوني اليوم بس إداري
 

اخوي (( م.احمد )) : السلام عليكم ..كيف الحال
و عليكم السلام .. بخير الله يسلمك ,, بشرني عنك

انا طالب مستجد السمستر الجاي اول ترم لي بالكليه وحاب اسالك بعض الاسئله بعد اذنك؟؟
تفضل عزيزي .. بالخدمة
1- انا لغتي الانجليزيه جدا ضعيفه اقدر ادخل الكليه بهذا المستوى؟؟لاني خايف جدا.
عادي في كثير مستواهم في البداية ضعيف لكن مع المذاكرة المستمرة و المتابعة تحسن مستواهم
و أهم شيء الحضور لا تغيب إلا للضرورة فقط و
2- السكن استلمته اقدر اجي قبل الدراسه بيوم او يومين ؟
أنت من أي منطقة ؟؟
3- كم المعدل المطلوب عشان اتخصص هندسه كهربائيه او ميكانيكيه او كيميائيه؟
ما أعرف بالضبط , لكن أنت حاول تجيب أعلى معدل لأنهم يخلون أصحاب المعدلات الأعلى يختارون التخصص
ثم البقية حسب الشواغر
طبعا الطب أكثر شيء على الكهربائية ( تحتاج أنك تكون قوي في الفيزياء ) و بعدها الميكانكية و الكميائية

4- استلمت الكتب 12 كتاب انجليزي وكتاب قرامر بس؟باقي كتب ثانيه ومن وين اخذها؟
لا هذي كل الكتب

5- الجدول كيف اخذه ؟
إذا نزل الجدول بتوصلك رسالة على الجوال و تدخل على الموقع و تشوف جدولك

6- حذاء السلامه (الله يكرمكم) لازم اول سنه ومن وين اجيبه؟
لا مو لازم أول سنة حذاء سلامة ( الله يكرمكم ) أي حذاء يفي بالغرض

7- ايش المواد اللي ادرسها اول سنه ؟ وكلها داخله بالمعدل؟
أول فصل بتدرس لغة إنجليزية و حاسب (أنت تذاكر و تختبر بس ما فيها محاضرات ) داخلين في المعدل
و رياضة( محاضرتين بالأسبوع )و مهارات دراسية (محاضرة في الأسبوع ) ليست في المعدل لكن يلزمك حضورها
و الفصل الثاني أنجلش و ماث (رياضيات ) كلهم في المعدل

8- طبعا الكليه ثلاث سنوات ونص..اقدر اخلصها في مده اقل؟
ما أتوقع

9- في ترم صيفي بالكليه ؟؟
في للإعادة في اللغة أو الرياضيات
بالنسبة للتخصص لا أعلم

المعذره اذا طولت عليكم بس تعرفون طالب مستجد وما اعرف شي ..بالتوفيق للجميع

حياك عزيزي و أي إستفسار بالخدمة


&& من المهم حضور اللقاء التعريفي أول يوم ( فيه كثير من التساؤلات التي ممكن ترد عليك )