|
رد: المسار الأدراي
انا قبلوني بالأداري ونا من الرياض وجيت للجبيل امس بس وين موقع الكليه بالضبط و وش الأوراق المطلوبه وكيف نظام التقديم هم قالو تعال 12/ 2 السبت التقديم كيف نظامه يطول ولا بـ يوم وكيف على الشعر لازم احلق ولا يمشوون لأن مكتوب بالورقه الي طبعتها لازم تحلق ياليت تردون على أسألتي لأني ما اعرف شي بالجبيل اول مره اجي هنا لو فيه احد بكره مقبول بـ الأداري مثلي يكلمني على الخاص عشان نروح مع بعض لأني ما ادل بالجبيل |
رد: المسار الأدراي
اقتباس:
حياك الله الله يحييك في كليتنا اخوي شوف / - الشعر لازم يكون قصير - اوراقك تكون كاملة وخلي وياك صور من كل الاوراق الرسمية - صور شخصية - لو معاك سيارة باسمك جيب صورة استمارتها وصورة من الرخصة عشان تاخذ تصريح مواقف - السكن حاول تاخذ في الجديد انظف من القديم . بالنسبة للاوراق المطلوبة فحسب ماطلبوا منك هم:119: . وخليك عارف انه الكلية لها قوانين صارمة لو خالفت واحد تتحمل مسؤولية نفسك ماعندهم تهاون ابدددد:t1: |
رد: المسار الأدراي
مشكور اخوي Shalash بس حبيت أسألك الزي بالقسم الأداري أجباري ولا عادي اجي بـ ثوبي |
رد: المسار الأدراي
ها وش قلت يابو خالد نتخاوى اول يوم ولا انا بالدمام وانت >>> قوم تعااونوو ماذلوووا
|
رد: المسار الأدراي
a0q كيف وضعك تبي تاخذلك سكن بالكليه ولا تسكن بالدمام شقه رايح جاي مثلي عشان اعرف سيم سيم ولا لا ؟
|
رد: المسار الأدراي
هلا بك يالعاطل ولله شوف انا شكلي بسحب عليهم حسيتها ماهي حلوه ولله يعيني على خسارة المشوار من الرياض جاي وتعب اول شي نظام سخيف قسم اداري وتلبس الزي هذا وليه مو ثوب المفروض الواحد على راحته ما احبها هل حركات انا وحركتهم قص شعر ومدري شلون .. على كذا صارت عسكريه اجل نروح للعسكريه احسن واحسهم ناس معقدين وشددين بالدراسه وليه تاخذ لك سكن بالدمام الجبيل مليانه من الشقق انا على شارع ابو بكر الستين حصلت شقق واجد وعلى الملك عبد العزيز بعد فيه شقق واجد خذ لك شقه هناك وقريبه شوي من الكليه الدمام مشوار 90 كيلو رايح جاي وذا تبي نصيحتي اسسسجب يا شنب وشف لك عسكريه اذا انت مو حق دراسه وذا تحب الدراسه ادرس على حسابك وخلاص ونا اذا تأكدت انها مافيها تعقيد وناس فاهمه يعني تجي بـ ثوب تجي بـ الزي تجي بـ اي شي وتحلق ولا ماتحلق دخلتها ونا مغمض |
رد: المسار الأدراي
اقتباس:
العفو اخوي . بالنسبة لزي المسار الاداري فحسب ما اشوف فيه طلاب لابسين لبس منوع مو شرط زي رسمي ابد لانه مافي لا معامل فيها شي خطير ولا شي يستاهل . وياشباب نصيحة مني ترى والله العظيم الكلية مرة قوية وشهادتها لها حساب خاص يوم تقدم على وظيفة لك اولوية عن جامعات وكليات اخرى لانه كليتنا معروفة بانظمتها وانه الطالب الي يتخرج منها يتقيد بالنظام بكل ماتعنيه الكلمة + اللغة الانجليزية ممتازة . والله المستعان:119: |
رد: المسار الأدراي
اخوي العاطل
انا بسكن الكليه اخوي shalash كلام جميل وهذا شي اكيد لان كلية الجبيل لها مكانتها الخاصة وما تخرج الا ناس فاهمه توكل على الله اخوي a0q ورح الكلية وان شاء الله ما تندم |
رد: المسار الأدراي
السلام عليكم ورحمة الله و بركاته ..
مبروك القبول ,, الله يوفقكم ,, طبعا أنا خلصت ترم بالكلية ,, وعندي كم من معلومة ودي افيدكم بها ,, * اللي انقبل قسم إداري (مثلي) ويبغى يحول للتقني .. لازم تعرف حاجتين : 1). إذا أنت سمين حيل وتعاني من البدانة أو معاك عمى ألوان هذه الحالة ما تقدر تحول حتى لو تجيب معدل 4 من 4 2). إذا أنت ما عندك الحاجتين ـقدر تحول بشرط أنك تجيب معدل 2.5 من 4 * الكلية تبغى ناس تشد حيله وهي ممتعة .. الدوام أيام طويله وأيام قصيره .. لكن المعروف عنها وهذا الي شفناه أنها بالأنظمة صارمة جدا جدا .. * السكن مو لأي واحد لا .. الي جاي من مدينة تبعد أكثر من 150 كيلو عن الجبيل ياخد سكن .. غيره لا .. * الزي موحد لجميع طلاب الكلية .. بجميع المسارات الإدارية و التقنية .. بصراحة : ( أنا قسم إداري و معي عمى ألوان .. يعني مستحيل أحول إدري .. لذلك أبي أنحاش .. وأدرس بجامعة ثانية ).. أتمنى أكون أفدتكم .. ربي يوفقكم .. |
رد: المسار الأدراي
اقتباس:
طيب اخوي في في طلاب في المسار الاداري لبسهم منوع كيف ك>ا:t1: |
| All times are GMT +3. الوقت الآن حسب توقيت السعودية: 12:32 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام