|
ساعدوني باللي تعرفونه عن الكليه ..!
السلام عليكم .. كتبت هالموضوع لأني أحس إني تايهه وماني عارفه وش أختار ولا إيش أتخصص !! كان حلمي هندسه بس زي ماتعرفون عندنا مافيه ، وبعدها قلت أما التصميم أو الحاسب وانا ماعندي معلومات عن الكليات قريت كلام وسويت بحث بقوقل بس ما أحس إني فهمت شي .! انا بالقسم العلمي واللي اعرفه اني اقدر ادخل كلية التصميم .. وما أعرف عنه شي سألت بملتقى الإرشاد الأكاديمي وقالوا لي ادخلي موقع الجامعة وراح تلقين معلومات عن التخصصات .. دخلت وما احس اني وصلت للي أبيه فـ ياليت من أي وحده عندها معلومات عن التصميم .. وعن سهولة المواد ، والتحضيري كم مدته؟ والوظايف .. بس من واقع تجربه يعني تكون درست التخصص هذا ، واللي عندها معلومات حتى لو مادرسته تفيدني الله يجزاها خير ترى محتاجه لكم حيل :011: |
رد: ساعدوني باللي تعرفونه عن الكليه ..!
وأنـآ بعد نفس الحاله .. اقبلوني اول شي علوم الحاسب .. وبعدين طلعوني للتصميم ..
واحترت :( وقريت اشياء عن التصميم .. بس مافهمت ..! أحس لو وحدهـ دارسته وتقول لنا عن القسم معلومات .. أحسن :( يآليت تفيدوننآ :) :: وبالتوفيق خيتو |
رد: ساعدوني باللي تعرفونه عن الكليه ..!
ننتظركم !!!
ويارب تكون دراسته سهله ولا تنسين أمول تخبريني عنه لا درستي .. ربي يوفقك =) |
رد: ساعدوني باللي تعرفونه عن الكليه ..!
انا اقولكم عنه
طبعا ماحصل لي القبول فيها لكن لانها كانت حلمي بس الله قدر وماانقبلت فيها كلية التصاميم طبعا بعد ماتدرسيها تطلعين بلقب المهندسة لانها هندسة فيها اقسام حلوة لكن اللي اني كنت ابغاها وبشغف قسم هندسة التصميم الداخلي وهذي عبارة عن هندستك ولمساتك الخاصه للديكور ,, انا كانت رغبتي وشغفي لاني كنت حابة اني انا اصمم بيتي بيت العمر به التصميم من ناحية الديكور والالوان والمساحات والجبس والاثاث والمرايات بتصميمك انتي الخاص وبذوقك انتي الخاص طبعا هي دراسه صعبه لكن اللي بتحب دراستها بتسهل عليها لانها جدا جدا ممتعه ,,, وطبعا متعبه لانها تحتاج لها ادوات كثيرة ومعرفة لبرامج التصاميم الخمسة .. بس نسيت اسماءهم في البداية تتلمي الرسم باليد وبعدها تتعلمي بالكمبيوتر بحيث ترسمي ابعاد الغرفة مثلا بشكل ثلاثي الابعاد ,,, اممممم ايش بعد ,,, جد جد انصحكم انكم ماتفوتوها على نفسكم ,, انا كنت ابغاها لبيتي وان يكون في تميز لي في تصميمي لبيتي ,, بس انتوا تنظرون لها من ناحية الوظيفة ,,, هم الوظيفة متوفرة جدا وبرواتب راااائعه بحيث انك تشتغلين في شركات الهندسة او انك تشتغلين شغل حر بانك تصممين مكاتب خاصة او مكاتب حكومية وغيرها بس هذي معلوماتي عنها بالاخص قسم التصميم الداخلي ودعواتكم لي بالقبول فيها ان شاء الله السنة الجاية <<< مع العلم اني من العام متخرجة لكني متمسكة بحلمي !!! |
رد: ساعدوني باللي تعرفونه عن الكليه ..!
^^^
مآآآقصرتي والله .. جزاك الله ألف خير .. وإن شااء الله يقبلونك فيهـآ .. ويوفقك فيها يارب :) .. بس انا سمعت انك تكونين بالأخير ( مصممه ) وليس ( مهندسه ) .. :s وشكرآآ |
رد: ساعدوني باللي تعرفونه عن الكليه ..!
ودي افديدك بس ماعندي معلومات كافية[align=center][/align]
|
رد: ساعدوني باللي تعرفونه عن الكليه ..!
بالتوفيق.
|
رد: ساعدوني باللي تعرفونه عن الكليه ..!
:tongue:
|
رد: ساعدوني باللي تعرفونه عن الكليه ..!
:bawling:
|
رد: ساعدوني باللي تعرفونه عن الكليه ..!
ان شاء الله يفيدونك الاخوووان
|
رد: ساعدوني باللي تعرفونه عن الكليه ..!
وبالتوفيق
|
رد: ساعدوني باللي تعرفونه عن الكليه ..!
:oao:
|
رد: ساعدوني باللي تعرفونه عن الكليه ..!
:106:
|
رد: ساعدوني باللي تعرفونه عن الكليه ..!
اقتباس:
وش فيك بسم الله عليك :Looking_anim: ؟ |
رد: ساعدوني باللي تعرفونه عن الكليه ..!
انا راح اتكلم لك عن الي أعرفه وإن شاء الله اساعدك ولو بالقليل
في كليتنا تخصصين كل واحد منهم دراسه 5 سنوات أول واحد التصميم الداخلي Interior Design ويهتم بالتصميم الداخلي لفراغ معطى ، يعني تنعطين مساحة معينة ويكون مطلوب منك توزعي فيها الغرف والخدمات الأخرى حمامات الخ ، يعني انتي الي تحددي أماكن الغرف والجدران وكل شي من داخل فقط بعكس المصمم المعماري الي يصمم من برا وكذلك توزعين فيها الأثاث والإضاءة وتختارين تصاميم الأسقف والأرضيات والجدران حسب ذوق العميل مع خبرتك كل ترم في هالكلية يكون مطلوب منا في نهاية السنه نصمم تصميم داخلي كامل لشي زي سنة أولى جناح في فندق أو مدخل في كلية وسة ثانية مطعم وهيك ، كل سنة تتطور الأشياء الي نصممها واحجامها بحيث انو في نهاية الدراسة نكون قادرين على حل مشكلة اي فراغ وإعطاء تصاميم جميلة وعملية في نفس الوقت القسم الثاني الجرافيك ديزاين ويعلمك كيف تسوين إعلانات او شعارات لمؤسسات على اسس ناجحة وأشياء اخرى بعد بس ماني خبره فيه يُقال انه الجرافيك راح يزداد الطلب عليه مستقبلا وقد يكون راتبه أرفع من راتب المصمم الداخلي بس كل هذا علمه عند الله في كلا الحالتين تطلعي بشهادة مصممة ، الأول كان تطلعي بشهادة مهندسة لأنه الكلية كانت تبع كلية العمارة والتخطيط بس الحين صار تبع كلية التصاميم بالأخير هي كلها أرزاق وتوافيق من الله في الحصول على وظيفة ، وأهم شي تختارين تخصص انتي تحبينه لأنه دراسة تخصص ما تحبينه ابد وتجبرين نفسك عليه تخليك في جحيم دراسي مو شرط يعني تدرسي التخصص الي انتي تحبيه بس أي تحصص قريب يناسب لك وتميل نفسك له ولو بالقليل شي ثاني لازم تعرفين انتي تمتلكي أي نوع ذكاء عشان تعرفي اي التخصصات تنفع لك وممكن تبدعين فيها وتتفوقي وتنجحي موفقين جميعًا وانا أعرف انه هالايام صعبه عليكم وقلقه بس إن شاء الله الي وفقنا يوفقكم :) |
رد: ساعدوني باللي تعرفونه عن الكليه ..!
طيب لازم اكون اعرف للفوتوشوب اذا راح ادخله :mh12:
لاني اخترته وانا ما اعرف للفوتوشوب :d5::(269): |
رد: ساعدوني باللي تعرفونه عن الكليه ..!
لا عادي
هم في سنة اولى يعطونك كورس فوتوشوب مع الحاسب وبالممارسة تعرفين :) |
| All times are GMT +3. الوقت الآن حسب توقيت السعودية: 09:19 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه