|
رد: اي استفسار عن كليه التصاميم - طالبه سنه ثانيه
الرياضيات بس سنة تحضيرية ، كلية التصاميم ما بها رياضيات
الرسم اتدربي على أي شي بس عشان ايدش تصير خفيفة على الرسم اييه تتخرجي مصممة :( لما تدخلي الجامعة يقسموكم على حسب المستوى ما بتضيعي وان شاء الله تتطوري المستوى ماهو الا يأثر قد نذالتهم في أسئلة الاختبار �� وأساسا المواد شرحهم بالعربي :)) |
رد: اي استفسار عن كليه التصاميم - طالبه سنه ثانيه
السلام
أنا طالبة بكلية علوم .. ممكن أحول لكلية التصاميم ؟ وايش الشروط |
رد: اي استفسار عن كليه التصاميم - طالبه سنه ثانيه
السلام عليكم عدنا للاجابه على الاسئله حالياً انا بسنه التخرج، سنه خامسه إن شاء الله بقدر اجاوب على جميع استفساراتكم الا اللي تختص بالتحويل ما عندي خبره فيها الاسئله بعد ردي هذا اللي بجاوب عليها ، اللي قبل اتوقع قديمه بس هذا هو ، تفضلوا |
رد: اي استفسار عن كليه التصاميم - طالبه سنه ثانيه
اختي نسبتها الموزونة 80 وخلف الفاصلة ارقام
نقول تقريبا 81 بس خليها 80 لها احتمالية تدرس التصميم ؟؟ رغبتها شديدة بالتخصص :" |
رد: اي استفسار عن كليه التصاميم - طالبه سنه ثانيه
اقتباس:
اذا فتح التسجيل بكره تقدر تشوف اذا طلعت لها كليه التصميم من الخيارات معناه تقدر تسجل الله ييسر لها |
رد: اي استفسار عن كليه التصاميم - طالبه سنه ثانيه
السلام عليكم ربي يعطيكن الف عااافية ع مجهودكن في الاجابة على التساؤلات انا طالبة بفضل الله اجتزت السنة التحضيرية وانقبلت بكلية التصاميم ان شاء الله ع السنة الجديد بدرس تصميم داخلي حابة استفسر عن معنى التصميم الداخلي ومدى صعوبة دراسته وهل هو عبارة عن تصميم الديكور لكن خالص شكري وتحياتي |
رد: اي استفسار عن كليه التصاميم - طالبه سنه ثانيه
اقتباس:
اهلا حبيبتي ، اعتذر عن التاخير في الرد ومبروك اجتياز التحضيري بالنسبه للتصميم الداخلي يشمل تصميم الديكور وتصميم المبنى بشكل عام ابتداءً بالبلانات الى الاثاث والالوان معرفتي قليله بالتصميم الداخلي بحكم اني تخصص الجرافيك لكن اللي اعرفه كل ترم ياخذون مبنى ويصممونه بحسب الكونسبت المطلوب هذا بالنسبه لكورس الديزاين ، فيه كورسات اخرى مثل التاريخ ،تصميم الاثاث ، الرسم ، الاعمال اليدويه ، وغيرها من المواد اذا عندك اسفسار معين لم اجب عليه اكتبيه وبحاول اتواصل مع احدى زميلاتي بقسم التصميم الداخلي و بالتوقيق |
رد: اي استفسار عن كليه التصاميم - طالبه سنه ثانيه
السلام عليكم
يعطيك العافية على الموضوع أفادنا كثيير و تقريبا جاوبتو على كل الاسئلة بس حبيت استفسر عن اللبس يعني أخاف هالسنة تغير عشان ما اشتري شي و ما البسه و الحين اذا تخصصنا اقدر اشوف بنات المسار الصحي و العلمي ؟ < ابي اطمن عشان اشوف صديقاتي �� اكيد بنكون مكروفين و ما فيه وقت بس بعد نبي نشوف بعض لو مرة بالاسبوع |
رد: اي استفسار عن كليه التصاميم - طالبه سنه ثانيه
اقتباس:
لا اللبس نفس الشي، اذا انت سنه تحضيري بتكونين بالحرم الجامعي مع باقي الكليات تقدرين تقابلين صديقاتك واللبس نفس القوانين بس يحرصون على العبايات ممنوع تنلبس داخل + يسوون تفتيش عالبطاقات كل يوم عند البوابه لكن بعد التخصص تجين كليتنا بمكان ثاني خارج الحرم الجامعي، عبايات عادي مافي تفتيش بطاقات + مافي صديقات |
رد: اي استفسار عن كليه التصاميم - طالبه سنه ثانيه
السلام عليكم
النون ؛( يختي الله يسعدك ويوفقك فكيتي ازمه ابا اسال عن التخصص لاني حصل ٣ خيارات بالموقع تصميم داخلي و تصاميم المطبوعات و تصميم عام اش هوا التصميم العام ؛( ؟ |
| All times are GMT +3. الوقت الآن حسب توقيت السعودية: 07:25 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام