|
سؤال عن التخصصات في كلية التربية + السنة التحضيرية
السلام عليكم ورحمة الله وبركاته
كيف الحال جميعا انشاء الله الكل بخير عندي سؤال بسيط..؟! ماهي التخصصات في كلية التربية..؟! اللتي تكون بمبنى الجامعهَ..! ..؟! وسؤالي الثاني :ماهي الدراسه التحضيريه..؟! يعني ماهي المواد..؟! اللتي ندرسها سمعت انه ندرس رياضيات وكيمياء وفيزياء ..وانا بالقسم الادبيَ..! هل تكون مبسطه لنا او معقده..؟! اتمنى اشوف ردودكمَ..011 |
رد: سؤال عن التخصصات في كلية التربية + السنة التحضيرية
وعليكم السلامة والرحمة تخصص تربية خاصة - رياض اطفال المواد على حسب الخطة الدراسية عادة تكون المواد هذي اساس الكل سنة ثقافة اسلامية - كتابة وتعبير - مدخل الى التربية - مبادئ البحث التربوي - مبادئ علم النفس - مبادئ احصاء - اسس مناهج - علم نفس النمو - مبادئ ادارة هالمواد تسمى مواد عامة تدرسونها مستوى اول بالنسبة للكيمياء والفيزياء اذاتخصصتي تربية خاصة وسمعت بنات تقول سهلة والبعض تقول صعبة على حسب انتي وشطارتك |
رد: سؤال عن التخصصات في كلية التربية + السنة التحضيرية
طيب عندي سؤآل بعد إذن صآحبة الموضوع
الكيمياء والفيزياء يكونون بمستوى آول ثانوي ؟ أو بشكل مكثف ! آدبي آحنا المشكله :( |
رد: سؤال عن التخصصات في كلية التربية + السنة التحضيرية
اقتباس:
على ماسمعت انا تكملة للي اخذوه ثالث ثانوي>>> مابي اخوفك بس انتي ماعليك من الي تسمعينة لأنك بتتعبين انتي شدي حيلك |
رد: سؤال عن التخصصات في كلية التربية + السنة التحضيرية
موفقين يارب ودراسه سعيده وبسيطه:119:
|
رد: سؤال عن التخصصات في كلية التربية + السنة التحضيرية
موفقين
وصدقوني الدكاتره حلووين بالجامعه ويبسطون اكثر من ماهوو مبسط والي اعرفه انا ان الي مو من تخصصك مايعقدونه وذا انتم بيخلون لكم السنه التحضريه اتوقع اكثر شي فيها مقررات انجليزي والعلم عند الله والي اتوقعه اكثر ان مافي سنه تحضريه لانهم توهم يعملون خطه مابعد تطبق وبالتوفيق للجميع |
رد: سؤال عن التخصصات في كلية التربية + السنة التحضيرية
نفسي اعرف متى تنزل مواد السنه التحضيريه ....؟؟؟؟؟؟؟؟؟؟؟؟؟؟؟؟؟؟؟؟؟؟؟
نبي ننظم جداولنا برحتنا لان مابقى وقت و تبدى الدراااااااااااااااااسه :Cry111: ؟؟؟؟؟؟؟؟؟؟؟؟؟؟ اي احد فضلا لا امرا يرد علينا وربي محتاارين و مالنا الا الله ثم انتووا :bawling: |
رد: سؤال عن التخصصات في كلية التربية + السنة التحضيرية
اهلاً
غـلاي هذا جدول الطالبات شوفي المواد الي ممكن تاخذينها (( ثقافة اسلامية - مبادى ادارة - تربية صحية - مدخل لعلم الاجتماع - انجليزي(مايكون موجود بهل جدول) - احصاء - مدخل لعلم النفس - مدخل إلى التربية - مبادى البحث التربوي )) هذي المواد تقدرين تترتبين جدولك على حسب الايام والاوقات الي تبينها رموز الأيام س السبت ح الاحد ن الاثنين ث الثلاثاء ر الاربعاء الاوقات معروفه 7ونص 9ونص 10 ونص 12 بالنسبة للمحاضرة الي الساعه وحدة تكون مكتوبة كذا 13 إلى 14و40 يعني ن 1 إلى 2وأربعين والمحاضرة الي الساعه 3 تكون 15 إلى 16و40 يعني من 3 إلى 4 وأربعين بالتــــــــــــــــــوفيق وأي سؤال عن الدكاتره لا يردك شي http://bannerinb.kfu.edu.sa/KFU/ws?p...&p_sex_code=12 وللمعلومية وقت المحاضرة ســاعتـين والدكتور ياخذ فترة 10 دقايق او 20دقيقة فمرة وحدة خلوا المحاضرة ساعه و40 ^___^ دقيقه |
رد: سؤال عن التخصصات في كلية التربية + السنة التحضيرية
خيتوو انا اوول سنة لي بالجامعه وموو فاهمه كيف نرتب جدوول..؟!:mh19:
يعني اختار يوم السبت مثلا واختار مادة ثقافة اسلاميةَ والدكتوره نزيهه عبداللطيف عبدالعزيز المغلوث كذا ارتب الجدوول ولا..؟كيف..؟ لوسمحتوا اللي يعرف يعلمنا حنا تونا مبتدئين :011: طيب هالجدوول يجي نفسه بالضبطَ..؟! يععني نفس المواد اللي ذكرتوها ولا كيف..؟ لان حنا ندرس سنة تحضيرية فيها كيمياء وفيزياء واشياء ماذكرتوها بالجدوول..:( الله يخليكم فهمونا ..؟!:011: |
رد: سؤال عن التخصصات في كلية التربية + السنة التحضيرية
أكفأ وحده فيـه 25 مادة مشتـركة بكل الأقسام .. سواً كنتي تربية خاصة او رياض اطفال او عربي او علم الاجتماع لازم تاخذين ال25 مادة ((وبعض منها الي ذكرته فوق )) ,......... وفيه 25 مادة ايضاً للتخصص .. يعني تكون خاصة للقسم ماياخذها المواد إلا قسمك مثلاً لو تخصصتي أي تخصص غير التربية الخاصة .. مافيه لا رياضيات ولا كيمياء هذي المواد العلمية بس للتربية الخاصه انا تخصصي علم الاجتماع مالي علاقة بالكيمياء والرياضيات من قبـل تقدرين تاخذين مواد التخصص + المواد العـامه يعني مثلا الترم الواحد 5 تخصص و5 مواد عامه المهـم الحين الجامعة بتخليكم سنـة كامله تاخذون مواد عامه وعلى السنه الثانية تقدرون تاخذون مواد التخصص وكم مادة عام يعنيي المواد العامه انتي دارستها دارستهــا سواً اول سنه اوو ثاني سنه وكل الي حصل انهم بيخلون المواد العامه سنـة كامله علشان بعدين تتفرغون للتخصص أكثر يعـــني مثلاً لو وحده دخلوها قسم عربـي وأهي تبي علم الاجتماع (مثلاً) تروح البنت تاخذ لها بس مواد عامه علشان لو حولوها بعدين لعلم الاجتماع مايروح تعبها على الفاضي عكس لو بنت تبي قسم علم الاجتماع وهي عربي تروح تاخذ مواد العربي .. بعدين تحول .. في النهاية بتعتبر مواد العربي ولا كأنها خذتها يعني تعب على الفاضي بالنسبة لترتيب الجدول مثل ماقلتي اول شي تحددين المواد الي تبينها وشوفي كل دكتور وقته الي يناسب لك مثلاً السبت 10ونص لحد 12 علم الاجتماع بعدين من 1 إلى 2وأربعين ثقافة اسلامية الاحد : ممكن تخلينه أووف الاثنين : تقدرين تخلينــه اووف بعد الثلاثاء : 7ونص ل9وعشـر احصاء من 10ونص ل12 ... من 1 إلى 2وأربعين ... مـــــــثل كـــذا ترتبين جدولك وكل دكتور بتشوفين لمادته رقم (الرقم يحدد لك المادة ووقتها والدكتور حقها ) بعدين اذا فتح التسجيل تدخلين ارقام المواد وبــــــس صايرة ثرثاارة بس حبيت أفيدك بألي أعرفه وبالتوفيييييييييييييق |
رد: سؤال عن التخصصات في كلية التربية + السنة التحضيرية
اميره الآحسساس
يعطيك ربي العافيه مرا شششكرآ فهمت اشياء ماكنت عارفتها من قبلَ..! الله يووفقك ويسسهل لك آموركَ..:love080: |
رد: سؤال عن التخصصات في كلية التربية + السنة التحضيرية
سؤالي كلية التربيه غير الادآب ...
وسؤالي الثاني .. كيف اسجل موادي ومتى اسجلها ... وش الطريقه ؟ بلييييييييييز حد يريحني :Cry111: |
رد: سؤال عن التخصصات في كلية التربية + السنة التحضيرية
كلية التربية مبناها داخل الجامعة اما الأداب مبنى جديد خارج الجامعة لما تجين الترتبين جدولكوالخطة الدراسية انك تاخذين مثلا ثقافة اسلامية – ومبادئ احصاء ... الخ تروحين للثقافة في الجدول تشوفين عند مين نازلة المادة من الدكاترة تاخذين افضل دكتور/ة كيف ترتبينه ؟ هذا مجرد مثال .. تروحين للثقافة وتشوفين الوقت الي نازله فيه لو كانت نازلة السبت تشوفين وقتها كم وترتبينة في جدول خارجي ومبادئ احصاء تشوفين وقتها مثلا احصاء وقتها من 8,30 الى 10,10 يكون ترتبينة في الجدول بهذي الطريقة س 8,30 الى 10,10 >>> مبادئ احصاء 10,30 الى 12,10 >>> ثقافة اسلامية وبكذا بقية الأيام والمواد ح ن ث ر ولاتنسي لما تختارين المادة تسجلين في الورقة رقم crn >>> هذا رقم تدخلينة في البانر شي اساسي |
رد: سؤال عن التخصصات في كلية التربية + السنة التحضيرية
اقتباس:
انا فهمت تقريباً لكلامك .. بس اللي محيرني لو اخذنا عدد كبير من المواد كيف نوزعهم على الايام ومتى يمدي ندرسهم ؟؟!! الاسبوع فيه خمس ايام .. ولو كانت 25 ماده منها التخصص ومنها العام هذي اللي مادري شلون تصيير :011: محتاااااااره حيل ومو عارفه:bawling: |
رد: سؤال عن التخصصات في كلية التربية + السنة التحضيرية
لا مو 25 مادة في السمستر
عدد المواد في السمستر الواحد 9 مواد واذا تبقين اقل عادي بس كلما اخذتي عدد قليل من المواد يعني تتأخرين في التخرج عن المدة المحددة الي هي 4 سنات |
رد: سؤال عن التخصصات في كلية التربية + السنة التحضيرية
زاااااااااااغ قلبي انا اووووووه من صجكم ناخذ مواد علميه انا من عظم كرهي للمواد العلميه ما اشتهي اعد برده اشلون بنجيب نسب عاليع وندخل القسم اللي نبيه اجد:Cry111: |
رد: سؤال عن التخصصات في كلية التربية + السنة التحضيرية
طيب حيآتي انتووا انآ عندي سؤآآآآآآآل :cheese: ,,,, على اي اسااس نرتب الجدوول يعني مثلا على اسااس
عدد معين من الساعات او ايش ؟؟؟ و كيف اعرف اسماء الدكاتره اللي يدرسووني بالجامعه لان بالجدوول مو ذاكرين اسم الدكتوور حق كل ماده ؟؟؟ اتووقع ان جدولنا (( بنات التربيه )) ما اكتمل لانه حاطين خانة " سعة القاعه " و " قيود التسجيل " فااااضيه مو مكتووب فيها شي :g2: ؟؟؟ بليييييز ساعدووني مآني عآرفه اسووي شي و مآلي الآ الله ثم انتووا .. |
رد: سؤال عن التخصصات في كلية التربية + السنة التحضيرية
آهـآ هيك لكآإن :119: طيب إبتسامه .. اقدر انزل لي اكثر .. صح ؟ وانتي كـ نصيحه وش تفضلين عدد المواد ؟ |
رد: سؤال عن التخصصات في كلية التربية + السنة التحضيرية
لا لأن عادة المستجدات الهم مواد مخصصة يدرسونها بسنة اولى كمتطلب دراستهم تتعلق بها مواد ثانية مثلا حلو انك تاخذين مادة ثقافة اسلامية في السمستر الأول >>> ليه ؟ لأن اذا اخذتيها تقدرين في السمستر الي بعده تاخذين مادة عقيدة واخلاق - نظام سياسي - اقتصادي اما اذا ماخذتيه مستحيل تقدرين تاخذين الثلاث المواد ذول >>> اتممنى فهمتي عليي :119: ننصيحة مني حتى لو كان تقدرين تاخذين ساعات اكثر بترتبين جدولك 17 - 18 ساعة ماتزيد ولاتنقص راح اوضح لك وجهت نظري بالموضوع :064: اذا أخذتي اكثر راح يكون عليك ضغط بالمحاضرات :150: واذا اخذتي اقل من الخطة الدراسية هذي مصيبة اعظم :000: حلو انك تكونين ماشية مع الخطة الدراسية :103: انا ضطريت اخذ صيفي :017::017: لأن متأخرة ثلاث مواد في السمستر الأول ماخذت الى 12 ساعة :cheese: |
رد: سؤال عن التخصصات في كلية التربية + السنة التحضيرية
مرحبا
اني طلع لي بكلية الاداب وكنت حابه اني ادرس في التربية.. عشان كذا قلت بدرس السنة التحضيرية في الاداب وبحول على التربية ..سؤالي هو.. طبعا في فرق بين المواد الي في الكليتين.. فلو درست في الاداب عادي احول للتربيه او لا المواد غير..؟؟ وبس اتمنى تجاوبوني بسرعه تحياتي |
رد: سؤال عن التخصصات في كلية التربية + السنة التحضيرية
يعطيك العافيه على الافاده الجمليه
اميره |
رد: سؤال عن التخصصات في كلية التربية + السنة التحضيرية
موفق بإذن الله ... لك مني أجمل تحية .
|
| All times are GMT +3. الوقت الآن حسب توقيت السعودية: 02:42 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام