|
مــســتــر بــنـــر
السلام عليكم ورحمة الله وبركاته .. اخواني اعاني من مشكله وعسى اني القى عندكم حل ! وطبعا المشكله هي الاكثر شيوعاً بالجامعه وتختص بالبنر [ حسبي الله عليه ] :011: طبعا انا طالب مستجد بكليتكم .. سجلت بالأمس عن طريق نظام البنر وما لحقت الا على محاضرتين .. [الثقافه الاسلامية - مبادئ علم الاجتماع ] اربع ساعات بس .. :bawling: .. المتعارف عليه انو اقل ساعات يسجلها الطالب هي 12 ساعه والحد الأقصى 18 ساعــه !! والحين جميع الشعب مغلقه ! .. اللي ابي اعرفه منكم ياجماعة الخير الحين ..؟! ابتم طول السمستر على محاضرتين .. :o3: ولا إن كان فيه حل ياليت تخبروني فيه .. ؟! |
رد: مــســتــر بــنـــر
هــــــــــــــــــلا..
هونهاا وتهوون.... والله ماعندي اي خلفيه ع الموضوع..... الله يوفقك.... |
رد: مــســتــر بــنـــر
noni شلون اهونها وتهون .. :Cry111: يعني اتقبل السمستر على المحاظرتين :s12: هذا اذا خلوني بالجامعه اشك انهم راح يتفاهمون معي بالسمستر الجاي .. ياويلي الظاهر السمستر هذا بعديه وانا اطل على الحرم الجامعي بس ! ع العموم جزاك الله الف خير وعلى الرد .. وكان الله في عوني |
رد: مــســتــر بــنـــر
اخــوي شكلك أتأخرت مرة
كلنا من 6مقابلين شاشة الكمبيوتر ومافتح النظام إلا امس الساعه 7و40 دقيقه وحاولنا نسجل المقررات بسرعه انـت افتح الجدول الرئيسي للجامـعه هذا هو http://appserver.kfu.edu.sa/kfudad2/...&p_sex_code=11 وارقـام الكرن (الدكاترة )لكل مادة جربهم كلهم لحد مااااااا تدخل لك مادة وحاول دايماً لان أي طالب يسوي تعديل ويحذف المادة وفي نفس الوقت انت تضيفها تصير لك فمثل ماقلت لك مثلاً الثقافه الاسلامية جـرب كل الارقاااام والانجلييزي جرب كل الارقام وعلم الاجتماع علم النفس وبشرنا بالأخبار الزييينه وحاول ليوم الســـــــــــبت صديقتي ماكان لها مكان وجالسه وجالسه واحاول والحمد لله ^__^ صارت معدل 14 ساعه من أصل 4 |
رد: مــســتــر بــنـــر
أنا في الكلية قسم دراسات
متى آخذة |
رد: مــســتــر بــنـــر
و عليكم السلاام و رحمة الله وبركاته
مستغرب حاول بين فترة وفترة تسجل .. ممكن يكون فيه طلاب يحذفون شعب .. و أنت تجي و تسجل مكانهم لو أستمرت مشكلتك .. حاول أنك تتواصل مع وكيل كليتك .. و تخبره بالمشكلة |
رد: مــســتــر بــنـــر
amam
انتي جدولك جاهز تروحين تاخذينه السبت وتحطينه في نظام البنر ^__^ روحي السبت الكلية ويعلمونك التفاصييل |
رد: مــســتــر بــنـــر
مشكورة ياأميرة الإحساس الله يوفقك
|
رد: مــســتــر بــنـــر
السلام عليكم ورحمة الله وبركاته
اخي الكريم مستغرب لا تيئس وحاول اكثر من مرة و ان شاء الله تنضاف لك المواد التي تريدها و في حال استمرت المشكلة معاك اذهب الى عميد القبول والتسجيل الدكتور عبد الله النجار واطرح عليه مشكلك وان شاء الله راح يساعدك |
رد: مــســتــر بــنـــر
الإخــوة ماقصــروا,.
بشرنا اخوي,. *"مع خالص محبتي"* |
رد: مــســتــر بــنـــر
أميرة الإحساس هلا والله انا ماتأخرت كثيــر وبديت التسجيل بنفس اليوم العالمي للبنر :011: وتقريبا بديت ع الساعه 11 بالليل وجلست احاول واحاول وما طلعت معي الا المادتين وما تأخرت الا لظرف مايعلم به الا الله وانا اصلا منزل الجداول ومشغلهم عن طريق برنامج Adobe Reader 9 وآخذ من عندها ارقام الشعب واسجلها وبدون اي فائده تذكر .. ع العموم ماقصرتي والحمدلله ع الاقل طلعت amam بفايده من الموضوع وبمساعدتك واشهد للملتقى طيب اهله وناسه ووقفتهم معي الى اليوم .. واذا فيه مستجدات راح اخبركم هنا ! .. -:: Admin ::- شرفتني بحضورك طال عمرك واول ماقريت ردك وانا شغال ع البنر وبدون اي فايده .. الله يسهل بس وبقابل وكيل الكليه وباخذ بشورك .. وتوقعاتك اطلع بنتيجه معهم .. ؟! .. has2006san اروح على العميد بكبره [ عبدالله النجار ] .. اممممممـ .. شكل مشكلتي يبيلها سالفه على ماتنحل الأمل بالله كبيــر .. وجزاك الله الف خير ع المساعده .. .. *"الحالمة"* الله يعطيني حلم ع المطالب بحقي في عدد الساعات بالجامعه والله على خبرك ماصار شي وحاولت وحاولت .. ومثل ماقلتي الاخوان ماقصروا .. وانشاءالله تتسهل اموري ! .. دعواتكم الطيبه من قلوبكم الطاهره وان كان فيه حد عنده اشباه للحلول يتكرم ويحطه هنا .. |
رد: مــســتــر بــنـــر
نصيحة من اخوك لا تروح الى وكيل الكلية ما بتستفيد منه بس بكشر في وجهك وبسمعك كلام انت ما تريده
مثل ما قلت لك روح الى عميد القبول افضل لك من تروح الى وكيل الكلية * اسئل مجرب ولا تسأل طبيب :119: |
رد: مــســتــر بــنـــر
السلام عليكم
انت حاول اخوي والاسبوع الاول دايم يصير في تعديل الجدوال يعني رح قسم الكليه الي انت مقبول فيها وقلهم اني ماسجلت معي الا المادتين لاني انا اذكر العام اني رحت وشفت كذا وحده تعاني من هالمشكله ويضفون لها مواد ويسالون وش معدلك يمكن عشانه نزل انت قلهم انك مستجد والله يسهل امورك ويوفقك وحاول في البنر مفتوح ترا يمكن تحصل وبالتوووفيق يارب:g8: |
رد: مــســتــر بــنـــر
has2006san
كلامك على عيني وراسي .. والمشكله اللي اعاني منها ! يعانيها اكثر من 60 طالب غيري ؟ اعداد كبيره .. ورغم انهم جعلوا اتاحة التسجيل والحذف الى يوم الإثنين فأنا والى الآن احاول وبجهد كبير ولا حياة لمن تنادي .. وليست المشكلة في وكيل الكلية .. بل في مدير مكتبه[ إنسان لا يكل ولا يمل من التحدث وكأنه يحمل سخط الأرض كلها في تعابير وجهه .. ! ] .. على رغم الزحام الا ان هذا لا يشفع له مواجهة كل هذا بطريقته تلك .. ومسجل الكليه حفظه الله جعلنا في قائمة الانتظار ساعات مديده ! وبعد ذلك كله خرج من المكتب مغلقاً الباب ودون عوده ! :119: نظام قاهر .. وما رأيته يخالف ما توقعته عن جامعة الفيصل ! وعميد القبول والتسجيل هو الآخر ليس بالأمر الهين الوصول اليه ! .. كان الله في العون وشاكر لك D5oon كثير من الامور وضحتها في ردي السابق .. بس بنشوف وش آخرتها ؟! لآن الخوف كل الخوف من السنه هذي لآن الجامعه قبلت اعداد هائله من الطلبه .. وهذا بدوره سبب الكثير والكثير من الزحام .. ولا اظنه امراً يمت للصحة بصله ان ادرس محاظرتين طيلة النصف الاول من السنه ! :u2: بل انه ومن الشروط ان لا تقل عدد الساعات عن الـ 12 ساعة ! انا في متاهة ولا ارى مخرجاً .. واملي بالله دائماً كبير :119: كل الشكر لعبق مرورك الكريم .. |
رد: مــســتــر بــنـــر
هلا ..
مشكلتك يامستغرب نفس مشكلتي بالضبط .. ولااه بعد نفس المواد الي عندي :lllolll: ولحين ماعرف وش اسوووي وين اروح وين اجي :S الله يكوون بعووونا . تح ـــــياتي // |
رد: مــســتــر بــنـــر
للحين انتمـ ع 4 ساعات ..
شوفوا لكمـ حل بسرعهـ .. اكيد راح يفتحون شعب جديدهـ خلكمـ ع النت اول مايفتحونهم تسجلون .. وراجعوا الجامعه مايصير كذا لازم يضيفون لكم المواد .. |
رد: مــســتــر بــنـــر
تم بحمد الله حل المشكله من قبل الكلية .. ولجميع المستجدين عليهم بمقابلة مسجل الكلية وأشكر كل من حط رحاله هنا للمساعدة وكان التوفيق حليفنا :love080: |
رد: مــســتــر بــنـــر
الحمد الله ريحتني واللهـ ..
يالله بالتووفيق :cheese::cheese: |
رد: مــســتــر بــنـــر
صلووووووووات ع محمد وآل محمد ..
مووووفق اخوي مستغرب .. عقباااال ماتنحل سالفتي .. تح ـــــــياتي // |
رد: مــســتــر بــنـــر
غلا الدنيا
هلا غلاوي .. ايــه انحلت المشاكل وبأتم حال وفديت طيبتك ع الاقل ارتحتي لحل مأساتنا .. وهذا ان دل فهو يدل على طيب روحك دمتِ مستنيره ! sknknaa اقول اخوي لازم تلاحق عمرك اذا ان حالتك مانحلت .. اذا مسجل الكلية ما يحظر كعادته حفظه الله :cheese: تروح على مكتب وكيل شؤون الطلاب وتكلم السكرتير وهو مسؤول في انه يسجلك المواد وبنفس اليوم اللي تروح له سلام |
| All times are GMT +3. الوقت الآن حسب توقيت السعودية: 05:19 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام