|
رد: هل يوجد خطه دراسيه لكلية تربيه*عام
السلام عليكم ورحمه الله وبركاته
انا بجاوب على بعض الاسئله<< ابتليقف خخخخخخخخخ الي سئل عن علم اجتماع انصحك د0 احمد فاضل جمعان روعه ومبادى اداره د0 احمد زكي لا تخليه يضيع عليك يجنن بس الاسف ماشفت عنده ماده هالسنه اما التخصص فيكون على النسبه مدري هذا على وقتنا واتوقع الى الحين00 98 ومافوق تربيه خاصه و96 ومافوق رياض اطفال بالنسبه للبنات لان الاولاد اتوقع ماعندهم هالتخصص وماتحت 96 على طول يحولونهم اللغه العربيه اما اللغه الانجليزيه فيعتمدون على النسبه وعلى الاختبار الي يسونه قسم اللغه الانجليزيه<< هذا بالنسبه القسم الادبي طالبات اما تخصصات الطلاب تختلف ماعندي خبره عنهم في سؤال انا ابغى اساله للاخ حسن يوسف ابغى اسال عن ماده طرق تدريس عامه هي صعبه ولا سهله وعن ايش هي مدري ليه متخوفه منها << سوري على الاطاله وبالتوووفيق للجميع:g8: |
رد: هل يوجد خطه دراسيه لكلية تربيه*عام
اقتباس:
كل عام وانتم بألف خير وصحة وعافية بصراحة على الكلام اللي سمعته انها مو صعبه حييل لكن أنا كنت متخوف منها في واحد من اصحابي أخذها وكان الدكتور مو ذاك الزود وصاحبي جداً ممتاز ولا عداها إلا بالـ C يقول مو صعبه حييل لكن الدكتور مو ذاك الزود واللي سمعته ان هالمادة نادراً ما ياخذ فيها أحد درجات عالية وفي واحد من اصحابي ممتاز ايضاً ثاني أخذها عند دكتور ثاني وأودعده بالدرجات الزينه لكن نكب فيه وعطاه B وسمعت ايضاً ان الدكاتره اللي يعطون هالمادة مو زينين كثيير وعشان كذا انا كنت خايف منها لكن ضحيت وأخذتها عند دكتور اسمه فهد آل عمر لكن كنت مضطر اني آخذها هالسمستر لأني راح أتأخر إذا ما أخذتها لأن مواد للسمستر اللي بعدها يكون تعارض مع كل الشعب المطروحة لمادة طرق التدريس العامه وأنا ما اريد آخذ صيف السنه الجاية >>> احتمال اسافر ادرس معهد بره والمادة تفتح لي مادتين وهم تصميم وتطوير الدروس وطرق تدريس خاصة وهم السمستر الأول من السنه الجاية وأن ما بقى لي إلا 3 سمسترات وبعدها التطبيق لذا انا ما ابي أتأخر اعذروني طولت عليكم |
رد: هل يوجد خطه دراسيه لكلية تربيه*عام
السلام عليكم ورحمه الله وبركاته
وانت بصحه وسلاااامه والجميع00 ويعطيك العافيه على الرد والتوضيح وبالتوووفيق ياررررب تحياااتي00:g20: |
رد: هل يوجد خطه دراسيه لكلية تربيه*عام
يعطيكم الف الف الف عاااااااااافيه
وماقصرتو واذا عندي استفسار ثاني ماراح اتردد في سؤالكم |
رد: هل يوجد خطه دراسيه لكلية تربيه*عام
حسين يوسف
الاداره المدرسيه عند د.احمد الزكي تنصحني فيها ولا |
رد: هل يوجد خطه دراسيه لكلية تربيه*عام
اقتباس:
أهلاً بك وكل عام وانت بخير الادارة المدرسية ليه تاخذها انت مستجد وهالمادة مو من المستوى الأول مواد المستوى الاول هم: اللغة الانجليزية الثقافة الاسلامية الكتابة والتعبير مدخل الى التربية مدخل الى علم الاجتماع مدخل الى علم النفس مبادئ الاحصاء مبادئ البحث التربوي ومجموع ساعاتهم 17 ساعة أتمنى انك ما تطلع عن هالمواد إذا انت مستجد ومثل ما قلت لك بالبداية انصحك بهالمواد اللغة الانجليزية الثقافة الاسلامية الكتابة والتعبير مدخل الى التربية مدخل الى علم النفس مبادئ البحث التربوي ومجموعهم 13 ساعة والسبب ذكرته في البداية |
رد: هل يوجد خطه دراسيه لكلية تربيه*عام
حسين يوسف شكلي غثيتك بكثر الأسئله
لكن لاتلومني ابي اعرف كل شي وانت ماقصرت وجزاك الله كل خير حسين يوسف اللغة الانجليزيه ماعرفت شنو آخذ بالضبط ياليت يابعد راسي تدخل النضام وتعطيني اسم الماده الي تنصحني اخذها لانك انت نصحتني آخذ نجل101 وانا ما شفت مكتوب كذا ياليت تدخل وتعطيني اسمها المكتوب بالجداول ويعطيك ربي الف عااااااااااااااااافيه |
رد: هل يوجد خطه دراسيه لكلية تربيه*عام
اقتباس:
يا هلا فيك خيو شدعوه ما غثيتني ولا شي إذا كانت عندي معلومة مستحييل ابخل بها على أحد لاتنسى احنا راح نصير معلمين والمعلم يعطي العلم لطلابه والفروض ما يكون بخيل بأي معلومه :119: اللغة الانجليزية إذا دخلت على جداول الكليات راح تشوف واحد من الجداول باسم ((مركز اللغة الانجليزية)) ادخله وراح تشوف مادة اسمها اللغة الانجليزية ... هذي هي نجل 101 نجل 101 اختصار لها في الجامعة وهذا تفصيلها: نجل(( انجليزي)) 101 رقم المادة بالنسبة لمواد اللغة الانجليزية ................. بعطيك معلومة في كلية التربية خصوصاً أغلب المواد ذات محاضرة وحده في الاسبوع ما عدا بعض المواد ومنها اللغة الانجليزية وهذا توضيح لهالشي http://up.5yal.net/uploads/a16a75be4f.jpg شوف هالصورة راح تلاحظ ان رقم الشعبة في الخانتين واحد هذا معناها ان الوقت لشعبة وحده يعني معناها تدرس المادة مرتين في الاسبوع وهذا على حسب توزيع الجامعة للمحاضرتين قد يكون في بعض التوزيعات للجامعة تكون المحاضرتين في نفس اليوم او تكون ورى بعض والأيام س= السبت ح= الأحد ن= الأثنين ث= الثلاثاء ر= الأربعاء والوقت أعتقد انك تعرفه إذا جيت بتضيف مثل هالمواد ذات محاضرتين تكتفي انك تاخذ رقم الـCRN واحد منهم بس لأنهم اثنينهم نفس الشي لو تلاحظ ........ شوف خيي إذا بغيت أنا مستعد ارتب لك الجدول انت حدد المواد اللي بتاخذهم وأنا مستعد اني اجيب لك ارقام الـCRN لعندك هنا في المنتدى :119: أنا راح أعمل باللي اقدر عليه وراح اختار لك كأني ارتب لنفسي انت شرايك حتى إذا كانت الشعبة امتلت راح اعطيك شعبة ثانية بحيث ان الجدول تنظيمه ما راح يخترب وإذا صار مجال راح افضي لك يوم بحيث ان الجدول يكون مو ضغط عارف اول سمستر في الجامعة ولا تكون متعود على كرف محاضرات الظهر إلا إذا ما حصلت شعبة مناسبة .... اعذرني طولت عليك خيك/ حسين يوسف :praying: |
رد: هل يوجد خطه دراسيه لكلية تربيه*عام
حسين يوسف تسلم لي يالغلا
وماتقصر وما ابي اتعبك زووود انت كفيت ووفيت وانا راح ارتب جدولي وما ابي اتعبك سلمت يالغالي |
رد: هل يوجد خطه دراسيه لكلية تربيه*عام
الله يسلمك خيي
انت ما تعبتني ولا شي أنا احس بمتعه إذا افدت غيري أنا على اتم الأستعداد في الخدمة إذا صار عندي اي خلفية عن الشي المستفسر عنه |
| All times are GMT +3. الوقت الآن حسب توقيت السعودية: 03:01 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام