ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية التربية بحفر الباطن (https://vb.ckfu.org/forumdisplay.php?f=60)
-   -   انادخيلة الله ثم دخيلة بنات الحفر وشبابها ..!! (https://vb.ckfu.org/showthread.php?t=74057)

×خطيرة الملامح× 2010- 5- 15 11:56 PM
انادخيلة الله ثم دخيلة بنات الحفر وشبابها ..!!
 


صباح / مساء .. الخيرات ..

انشا الله ان احوالكم بخير .. وعسى جوكم ماهو جوي ..

الله لايهين كل من دخل صفحتي .. يالغوالي انا عندي مشكله وين ما اطقها تجيني عوجا ..

انا ربي كتبلي الشقاء اللهم لا اعتراض .. والله لو اقولكم سالفتي قسم تطلعون والعبره متولجتكم ..

انا من يوم كنت باول ابتدائي وانا والله ما اطلع غير الاولى على فصلي واذا طلعت الاولى مكرر تقل صايبتني مصيبه ..

حصدت اكثر من 24 شهادة تفوق ..

درست الثانويه علمي .. وجبت الفصل الاول 98% مع شهادة شكر وتقدير ..

قدر الله وماشاء فعل وصابني التهاب رئوي حاد طول ايام اختبارات الرئاسه العامه .. ولا قدرت اختبر مثلكم .. اختبرت بالمستشفى وربي اراد اجيب نسبه خلتني ابكي ليل ونهار ..

جبت 83% .. ولاقدرت اسجل بالكليه العلميه .. وقبلتني الكليه الادبيه ومنتسبه بعد حسبي الله عليهم ..

تحطمت بدرجه عساكم ماتذوقون مرارتها ..

نفسيتي زفت واختباراتي زفت ومعدلي زفت .. وفجاءه نزلوا علي 3 انذارات دفعه وحده يوم صرت بثاني دراسات .. وعقبها صكوني بالرابع اللي هو فصل نهائي ..

ويوم رفعت خطاب وفتحولي الترم الثاني ودرسته ودرست ثالث الفصل الاول ... وسكرو بوجهي ابواب البنر للفصل الحالي ..

انفصل .. عباره طوو قيدي .. امي درت وانقهرت على اللي صابني لكن ابوي .. ااااه يايبه .. طول عمره باني احلامه علي .. ولا اقدر اقوله .. كيف اقوله يبه مفصوله وهو ينتظرني بعد سنه اتخرج واتوضف باعلى المراكز ..

اددري طولت عليكم لكن والله من حر ما اونس بصدري حسبي الله على اللي مانظر فينا انا والكثير ..


تكفون ابي اللي عنده راي يوجهني ويشور علي .. وله دعواتي يشهد الله كل ماقمت الليل ..

انا وش اسوي .. اسحب ملفي .. اقدم على الكليه من جديد سنه تحضيريه .. او اقدم بالكليه العلميه .. ولا وش اسوي .. وش الحل وين يقبلوني .. اهم شي عندي اخر البكلريوس واكمل دراسه .. انا توني باول العمر .. وطموحي شامخ يشهد الله ..

تكفون اللي يفهم بهالامور يشور علي ..

وين اروح مابي مستقبلي يتحطم تكفون ..

تكفون والله لاموت واندفن مانسيت اللي له يد بعودة الامل لي .. تكفوون تكفوون :Cry111: ..

جنة000 2010- 5- 16 01:00 AM
رد: انادخيلة الله ثم دخيلة بنات الحفر وشبابها ..!!
 
مرحبا أختي والله حاسه فيكي بكل كلمه كتبتيها وأنا مثلك بس بشكل أخر بس ربي كريم أسمعي انتي في اي سنه والى الحين أنتساب وكم معدلك الفصل الاولى والانذرات وش سببها وقلولك أن طووقيدك ردي علي بتفصيل يمكن أساعدك أنا في الادبيه ودراسات

×خطيرة الملامح× 2010- 5- 16 05:46 AM
رد: انادخيلة الله ثم دخيلة بنات الحفر وشبابها ..!!
 
تسلمين يالغلا على ردك .. والله ضاق خلقي يوم محد رد ..

انا درست سنتين بالكليه ودرست كورس من السنه الثالثه .. ومعدلي مع الاسف اقل من اثنين .. والانذارات سببها انخفاض المعدل ..
وقالولي خلاص انتي مفصوله .. ومعاي بنات كثيييييير ..

جنة000 2010- 5- 16 02:11 PM
رد: انادخيلة الله ثم دخيلة بنات الحفر وشبابها ..!!
 
توقعت معدلك فوق الاثنين قدرت أساعدك بس أقل الاستطاعه صعبه بس بعطيك كذا حل مادام هذي الانذارات والفصل يا بنت اسحبي ملفك كذا مافي أمل تكملين بلكليه بها الطريقه أبدي صح أن كان عندك مقدره ماليه قدمي باالانتساب المطور بفلوس عندهم تخصصات حلوة ومضمونه واذا في استطاعه تقدمين من جديد على الكليه يعني استفسري من المسولات انه تقدرين تقدمين من جديد ويقبلونك زين سحبي ولا ترددي طريقتك هذي غلط أنتي تبين مجموع تبين تقدير مو بكالوريوس وبس والكليه العلميه النسبه المطلوبه السنه الماضيه هذي 86.45 %علمي السنه هذه مطلوب درجة القياس والقدرات وانا بسالك عن التفاصيل وانشالله أساعدك بس لا تنقطعين عن المنتدى انا اي خبر يخص التسجيل والنسب بردلك بس ابي اسالك انتي مختبره قدرات لانه لازم بسالك وحده معيده بلكليه اليوم وردلك قريب بس تابعي موضوعك وشوفي ردودي لان اجيبلك خبرلاتنسيني من الدعاء مابي غير الدعاء

×خطيرة الملامح× 2010- 5- 16 10:09 PM
رد: انادخيلة الله ثم دخيلة بنات الحفر وشبابها ..!!
 
لك دعواتي يالغلا ليل نهار .. بس انا كل الكورسات معدلي فوق 1,80 الا اخر كورس 1,79 ..

وقدرات ما امتحنت لانه ماكان مطلوب علينا ..

ايه الله يوفقك اسئلي صاحبتك هو انا اقدر اسحب ملفي واقدم على تحضيري من جديد ولا وش اسوي ..

والله الدكتوره فاطمه كرهتني من كثير ماجيتها ولا عطتني ولا مره كلام يبرد القلب او اجابه شافيه ..

ski 2010- 5- 16 11:24 PM
رد: انادخيلة الله ثم دخيلة بنات الحفر وشبابها ..!!
 
الله ايعينج
والله ماعندي اي خلفيه لاني نظام قديم
ومابغيت اطلع من غير لارد وادعيلج
بس الله يعينكم يا نظام الجامعه
بصراحه هالنظام للاسف ضحياه واجد واكثر البنات ضاعوا

همي رضى ربي 2010- 5- 16 11:49 PM
رد: انادخيلة الله ثم دخيلة بنات الحفر وشبابها ..!!
 
والله ودي افيدك بس الشكوى لله ما عندي ادنى شي اقدمه لك غير الدعاء

ابدعليك في صلاة ليل ان الله يفرج همك ويوفقك

هذا اللي اقدر عليه وانا اختك

ذكرى 2010- 5- 17 12:05 AM
رد: انادخيلة الله ثم دخيلة بنات الحفر وشبابها ..!!
 
038577000

اختي هذا مكتب العماده والتسجيل

,,

حلو مشااكل كثيييييييييييييير من البنات

...

واكيد راح تلاقي حل لمشكلتك ,,,


,,ربي يوووفقك ,,,

لاوند 2010- 5- 17 12:30 AM
رد: انادخيلة الله ثم دخيلة بنات الحفر وشبابها ..!!
 
ربي يفرج همكـ

لاوند 2010- 5- 17 12:32 AM
رد: انادخيلة الله ثم دخيلة بنات الحفر وشبابها ..!!
 
ربي يفرج همكـ

ملآمح فرح 2010- 5- 17 01:47 AM
رد: انادخيلة الله ثم دخيلة بنات الحفر وشبابها ..!!
 
عسوووووله
اذا تحسي آنك مو مــآشيه بالأدبيــه
في بنــآت اعرفهم بالــ80 نسبهم ومعنــــآ بآلعلميـــه..
×انتي غذي عقلك معلومـــآتـ ودآيركتـ ع القدآرآتـ آذآ فيه تسجيـــل للحين ..
وآنشـــآآلله يقبلونك هذآ آذآ خآطرك بمــآدهـ علميــه ..

×أو خلي أحديروووح لأدآر’ة الكليــــآتـ بآلحفر
محمد زيدآن <بيفيدك ومــآ يقصر

أهم لأ تجلسييين كذآ ..
وشدي ح ــــيلك وآبذلي الأسبآآآآآب ..
ولآ تضيقين صدرك آلدنيـــآ مآ تسوى ..

وبشرينـــآ لآ صــآر جديد ..
آختك :
mEsHoOoO

جنة000 2010- 5- 17 02:29 AM
رد: انادخيلة الله ثم دخيلة بنات الحفر وشبابها ..!!
 
مرحبا أختي سالتلك تقول ما في أمل الا أنه تنسحب الحين في أختبار قدرات شهر 6 قدمي فيه وأختبري وأدخلي الكليه العلميه لا تجلسين كذا بسرعه قبل لا ينتهي أختبار القدرات اختي اختبارها يوم الاربعاء 5/6 أنشاء الله يوفقك الكليه الادبيه صعب لانك أخذتي اربع أنذرات طبعا هذا كلام المعيده تقول صعبه مسالتها لان المساله فيها أنذار بس تقول كل اللي طووى قيدهم رجعوهم انتي الحين تدرسين ولا خلاص ودقي على الرقم اللي عطتك ذكرى يمكن يفيدونك ويساعدونك كلمي قبل اي تصرف اذا كان ردهم من صالحك كملي وان ردوكي وسكروها بوجهك أنسحبي وادعيلك الله يعينك وقولي لا حول ولا قوة الابالله عشر مرات كل يوم بنية تفريج كربتك وراح تشوفين النتيجه اللي ترضيك وتصدقي بنية تفريج كربتكي واستغفري بنية تفريج الكربه وان الله يسخر لك قلوب من بيدهم سلطه وأمر وربي طيب وكريم ورحيم بعباده ارحم من العميده وغيره ورجعي بدعاء بأخر الليل واشكي همك للي ماتنام عينه واللي فيه خير ربي ما يرده عنكي متدرين وين الخيره بس خلي أيمانك قوي بالله لا تضعفك مشكلتكي أنا أكتبلك الكلام عن تجربه والله ما أعني غير ربي سخرلي قلوب قويه ولينهم لمساعدتي بس الهمه والعزيمه اللي تواجهين به كل المشاكل ترى اذا أنكسرتي ونطوتي وقلتي خلاص انتهيت اعرفي انك ضيعتي نفسك بيدك انتي تبين العلم والعلم من طاعة ربي اعرفي هاالشي يعني ربي بيساعدك لانك في رجاء طريق خير

بنت العديم 2010- 5- 17 12:01 PM
رد: انادخيلة الله ثم دخيلة بنات الحفر وشبابها ..!!
 
ربي يفرج همك وهم كل بنات المسلمين

×خطيرة الملامح× 2010- 5- 18 04:10 AM
رد: انادخيلة الله ثم دخيلة بنات الحفر وشبابها ..!!
 
ياجعلي والله ما انحرم من دعواتكم الصادقه يارب .. الله ياجعلكم ماترون مكروه بحياتكم

انا بكره من بدري بتصل على الرقم اللي عطتني اياه ذكرى عسى ربي يحقق لها كل مافي خاطرها وانتم معاها ..

وبرد اكتب لكم وش قالوا لي لو ردو علي ..

واذا عن القدرات انا الحمدلله معلوماتي بتفيدني انشا الله .. يعني اقدر ادخل على طول ..

بس بالاول مثل ماقلتولي بدق على الرقم واردلكم خبر واخذ رايكم ..

تكفون خليكم معاي والله مافي احد حاس بقهري وصاف معاي ..

×خطيرة الملامح× 2010- 5- 18 09:30 AM
رد: انادخيلة الله ثم دخيلة بنات الحفر وشبابها ..!!
 
حسبـــــــــــــــــــــي الله وعم الوكيــــــــــــــــــــــــل

عساهم يذوقون ربع القهر اللي ذقته بسبتهم

دقيت عليهم يابنات وليتني مادقيت .. مايحس بالنار الا رجل واطيها

يقولي مالك امل تدخلين لا الكليه الادبيه ولا العلميه

حرام عليهم اضيع ثلاث سنوات حسبي الله ونعم الوكيل .. يقولون مالك امل ترجعين لاي شي يتعلق بجامعة الدمام

يقول هي ثلاث بيبان اثنين مسكرين بوجهك والثالث الانتساب المطور .. انا وش ابي بالانتساب انا ماجاب فيني العيد غير الانتساب ماكسر مجاديفي غيره

يشهد الله من قريت ردودكم وانا والله ماغمضت عيني لين طلع الصبح وعلى طول دقيت وهذا حصيلي اااااه ياراسي اااه

المشكله اني عطيت امي امل عقب كلام جنة يوم تقول اسحبي ملفك وقدمي عالعلميه

تكفون وينكم ليش مافيه احد منكم

ملآمح فرح 2010- 5- 18 02:35 PM
رد: انادخيلة الله ثم دخيلة بنات الحفر وشبابها ..!!
 
آآآآآآآآهـ يآ حوبيلك ..

مكتووبـ ومقدّر ..

ريحي وروقي وتذكري آنو آمر من آمور آلدنيــــآ ولآ تحزنـــي عليه ..

بجد آسفه آنوو عطينــآك آمل ..

بس لآ يمووتـ الآمل عندك قبل ما يعيش فيك آمل جديد ..

لآ تخليين مثل هالشيء ينعكس ع حيآآآتك ..

{ امك وابوك } حوولك تذكري آنووو آحلى شي بآلدنيـــآآآ ..

وووو الضيقه عسى مآلهآ مكــآن عندكـ ..

ملآمح فرح 2010- 5- 18 02:39 PM
رد: انادخيلة الله ثم دخيلة بنات الحفر وشبابها ..!!
 
عسسسسووووله عليك بهالدعــــــــــــــآء :

ما أصاب عبداُ هم و لا حزن فقال : اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه فرحـــاً ..


دع ـوآتكـ لي ..


آختك :

mEsHoOoO

Nبلقيس2000 2010- 5- 18 05:26 PM
رد: انادخيلة الله ثم دخيلة بنات الحفر وشبابها ..!!
 
:praying:حسبي الله ونعم الوكيل ناااااااااااااااااااااس ماترحم

بس شوفي ياخيتو لاتخافين بلا دراسه بلا بطيخ ان شاء الله تاخذين فاااارس احلامك وتجيبين احلى حلوين يملون عليك حياااااااااااااتك وابتسمي مادام الماما والبابا موجودين

ولاتنسي ان الدعاااااااااااااااااء في جوف الليل مستجاااااب والاستغفار خيتو والله انه مجرب لتفريج الهموم
تقبلي تحياااااااااااااااااااااااات اختك بلقيس

×خطيرة الملامح× 2010- 5- 18 07:10 PM
رد: انادخيلة الله ثم دخيلة بنات الحفر وشبابها ..!!
 
اللهم اني عبدك ابن امتك .. ناصيتي بيدك ماضِ بحكمك عدل بقضاءك .. اسالك بكل اسماً هو لك .. سميت به نفسك .. او انزلته في كتابك .. او علمته احداً من خلقك .. او استاثرت به عندك في علم الغيب ..

ان تجعل القران ربيع قلبي ونور صدري وجلاء حزني وذهاب همي ..


جزاكم الله خير ياخواتي .. تكفي وقفتك والله

×خطيرة الملامح× 2010- 5- 18 07:11 PM
رد: انادخيلة الله ثم دخيلة بنات الحفر وشبابها ..!!
 
بنات انا بروح للكليه بكره .. وباخذ اخر كلام من العميده وبسحب ملفي

جنة000 2010- 5- 18 08:12 PM
رد: انادخيلة الله ثم دخيلة بنات الحفر وشبابها ..!!
 
اقول يا الغاليه مدام هذي علومهم وردهم عساهم مايردون هم ودراستهم من زين عاد ها التعليم والدراسه ما علمو ا أنفسهم طريقة التعامل مع الناس وطريقت الرد وحس الاخلاق هم يبلهم أنذار وعلى ها التعامل الخايس ومن زين الكليه الادبيه عاد والله تشوفين الخير من تفرقينه عني انا اليو م لو أقولك وش سوت فيني العجوز نوال يعله باالماحي أموت واعرف وشلون صارن اداريات ودكتورات حرام حرام المنصب الللي هن فيه تعاملهن زفت وخايس مع الطالبات توي اكتشفت شي ان حسن التعامل والاخلاق ماتجيي من وراء شهاده او تعليم تجي من الله تخيلي اليوم وكله من سبايب ذكرى هي اللي شارت علي اروح لهن اسال وبذات نوال غير هاالمره اسمع شور ذكرى المهم رحت الاخت نوال جالسه عند مكتبه عساه ينكسربه هي وامل حقت النحو دخلت قلت لنوال اني ابي احول انتظام الى اخره من الكلام عيونه عندي احسبه تسمع لكلامي دخلت وحده وتجلس تسولف معه ولا كأن وحده تتكلم معه المهم عدت الكلام مره ثانيه عليه ويوم خلصت كلامي قالت لأمل انتي جايبه الفطار عساه سم قالتي ايوه وتقعد الاخت امل تطلع من الكيس جبنة بوك وخبز وفلافل وانا واقفه مكاني أتحرى نوالوه تردلي أخرشي بعد ساعه وهي حاطه القمه بفمه لا ا لاا خلاص مافيش تحويل بغيت انط عليه وادقه

×خطيرة الملامح× 2010- 5- 18 10:00 PM
رد: انادخيلة الله ثم دخيلة بنات الحفر وشبابها ..!!
 
حسبي الله عليها .. انا لو رجعت للادبيه صدقيني راح تصيبني المراره ولا راح اصير طالبه جامعيه سويه استغفر الله يارب

×خطيرة الملامح× 2010- 5- 18 10:00 PM
رد: انادخيلة الله ثم دخيلة بنات الحفر وشبابها ..!!
 
انا خلاص ماعاد ابيهم .. قوليلي بس وشرايك بالانتساب المطور

جنة000 2010- 5- 18 10:09 PM
رد: انادخيلة الله ثم دخيلة بنات الحفر وشبابها ..!!
 
الانتساب المطور ميه باالميه قرار سليم

:,:ميــــــــهـاف:,: 2010- 5- 18 11:23 PM
رد: انادخيلة الله ثم دخيلة بنات الحفر وشبابها ..!!
 
الله يفرج همكـ والله توقريت قصتكـ مالي لكـ إلا الدعاء وييسر امركـ ويوفقكـ

ملآمح فرح 2010- 5- 18 11:56 PM
رد: انادخيلة الله ثم دخيلة بنات الحفر وشبابها ..!!
 
عسسسوووله ..

آذآ نــــآويه تشدّين حيلك وأول بأول لأن الانتساااب مايبيلوو تطنيش ولا حتّى تسوويف ..

يس حطي ببآلك دآفع مثل تفرحين ابوك وامك ..

وما رآح تفشلييين أبداً انشالله ..

لوتشووفين أخووي بالابتدائي اندمج مع سالفتك وعصصصصصصصصصصب

يقووول جآيه تتعلم يمنون عليها ليييش <لانه يكرهـ المدرسه ×_×

موفقــه وحسبي عليهم ..

×خطيرة الملامح× 2010- 5- 19 12:34 PM
رد: انادخيلة الله ثم دخيلة بنات الحفر وشبابها ..!!
 
ياحياتي سلميلي عليه وقوليله خذ منها العبره ولاتخلي طموحك احد يسرقه منك ..

بنات علموني عن الانتساب المطور تكفون ما اعرف شي عنه ولا عن تخصصاته .. لكن شكلي بختار دراسات اسلاميه بحكم اني درسته 3 سنوات

سلطان الحفر 2010- 5- 19 12:47 PM
رد: انادخيلة الله ثم دخيلة بنات الحفر وشبابها ..!!
 
الله يفرج همك وووعساها خيره لك

جنة000 2010- 5- 19 01:34 PM
رد: انادخيلة الله ثم دخيلة بنات الحفر وشبابها ..!!
 
ادخلي على جامعة الملك فيصل باالانترنت وشوفي قسم خاص فيه عن الانتساب المطور وكل التفاصيل وبيانات التسجيل كل اللي تبين تعرفينه عن الانتساب المطور تلقينه فيه

×خطيرة الملامح× 2010- 5- 19 01:59 PM
رد: انادخيلة الله ثم دخيلة بنات الحفر وشبابها ..!!
 
ياقلبي ياجنة .. هذا انا فاتحه على القسم يالغلا ..

يسعدك ربك سلطان على دعواتك ..

ملآمح فرح 2010- 5- 19 11:57 PM
رد: انادخيلة الله ثم دخيلة بنات الحفر وشبابها ..!!
 
يآ ربــــ يسر لهـــآآآآ ..

ski 2010- 6- 9 06:31 PM
رد: انادخيلة الله ثم دخيلة بنات الحفر وشبابها ..!!
 
up

دلوعه وعسوله 2010- 6- 10 09:33 PM
رد: انادخيلة الله ثم دخيلة بنات الحفر وشبابها ..!!
 
ربي يفرجك ويووفقك

Galaxy-sa 2011- 2- 22 10:00 AM
رد: انادخيلة الله ثم دخيلة بنات الحفر وشبابها ..!!
 
اختيار موفق الأنتساب المطور ..

عسا الله يوفقك ويفرج همك ..

ويسعدك دنيا وأخره ..

يارب تحقق أملي 2011- 2- 22 12:02 PM
رد: انادخيلة الله ثم دخيلة بنات الحفر وشبابها ..!!
 
اختي الله يسعدك ويوفقك

انا نفس حالتك بالضبط بس انا سحبت العام لان الكليه الادبيه جابت لي المرض والهم

سحبت ملفي سجلت السنه ذي انتساب مطور

وقسم بالله اني ارتحت كثير
واختبرااتها اسهل منهم لانه موضوعي كله اختيارات انصحك تسجلين
بس يبي مذاكره اول باول
لاتحسبينه صعب نفس الانتساب العادي لااسهل كثييرر
وربي يوفقك

Galaxy-sa 2011- 2- 22 02:42 PM
رد: انادخيلة الله ثم دخيلة بنات الحفر وشبابها ..!!
 
ايه سهل الأنتساب المطور يا عبوره ..

الله يوفقك يارب وانتي وغاليتنا خطيرة الملامح ..

يالبى قلبها 2011- 2- 22 05:12 PM
رد: انادخيلة الله ثم دخيلة بنات الحفر وشبابها ..!!
 
الله يفرررررررررررررررررررررج همك ويحقق لك امنيااااااااااتك ومابيدي شي يالغاليه الا الدعاء ولا تياسين

مهاوي111 2011- 2- 22 11:29 PM
رد: انادخيلة الله ثم دخيلة بنات الحفر وشبابها ..!!
 
لسآنـــــي يعجــــز عن التعبير

مآلــــــــــي غير الدعـــــــاءلك بالفرج القــريب

موعدنــا قيـــــام اليل

شمس الهدي 2011- 2- 23 12:47 AM
رد: انادخيلة الله ثم دخيلة بنات الحفر وشبابها ..!!
 
الله يوفقك ويرزقك خيتو عن جد لو عند حل لاعطيتك بس الشكوووى لله جل جلاله

ان شاء الله احد يقدر يفيدك:Cry111::Cry111:

روحي هو$$ 2011- 2- 23 02:20 AM
رد: انادخيلة الله ثم دخيلة بنات الحفر وشبابها ..!!
 
الله ييسر لك

Galaxy-sa 2011- 2- 23 09:14 AM
رد: انادخيلة الله ثم دخيلة بنات الحفر وشبابها ..!!
 
أميييييييييييييين يارب كل دعواتكم لغاليتنا ..

أميييييييييييييين عسا الله ييسر امورها ..

همس العيون.... 2011- 2- 24 12:19 AM
رد: انادخيلة الله ثم دخيلة بنات الحفر وشبابها ..!!
 
الله ايعينج
والله ماعندي اي خلفيه لاني نظام قديم
ومابغيت اطلع من غير لارد وادعيلج
بس الله يعينكم والله ودي افيدك بس الشكوى لله ما عندي ادنى شي اقدمه لك غير الدعاء
حبيبتي اصبري واستغفري كثير وردد دعاء ذا النون لا اله الا انت سبحانك اني كنت من الظالمين




All times are GMT +3. الوقت الآن حسب توقيت السعودية: 08:08 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه