|
سوء نظافة الكلية !!!!
السلام عليكم ورحمة الله وبركاتة
صبــاح ( مساء ) الخيــر ,, رســـالة بسيطة عن الأهمال الحاصل داخل ســـور الكلية ,, من نظافة و سوء تنظيـــم ,, تم رفع أكثــر من شكوى للأدارة العامة بالشــرقية ولم يحصــل رد إيجابي إذا لم يكن هناك كلمة من الطالبات للعميدة مباشرة اعتقد راح نواجه مشكلة الحريق بالكلية ( التربية ) مرة أخرى , بسبب التسرب والمبنى متصــدع من الداخل !!! ولا ننسى العلمية ,, ميزانية ترصد لنظافة الكلية لانعلم أين تذهب . ولانهمــل الجانب الأدارة من الادارة العامة للبنات بالمنطقة مســؤلة أيضــا . لانعلم أين التقصــير !! نتكلم بلسان كل طالبة ولا نرى تجاوب !! هذه ,, كليمات بسيطة بــ صباح الأجازة ,,, من كثـــرة الكلام عن الكلية وبالاخص ( التربية ) |
رد: سوء نظافة الكلية !!!!
فعلا اخوي النظافه فلكليه العلميه صفر بما اني من الكليه العلميه راح اتكلم عنها 00
المعامل عندنا وخاصه معمل الكيمياء قررررررررررررررررف البنش وسخه بالمواد الكيميائيه وابشركم المعمل مافيه ماء ماغير حاطين جركل ماء اي وحده تبي تغسل انبوبة التجربه او يدها تغسلها عن طريق الجركل هاذا مافي لاصابون ولا مناديل وغير الريحه اخاف من التسمم 00والله اني شايله هم اختبار العملي حق الكيمياء 00وغير اخر السنه رابع احياء يكون عندهم تشريح سمك تعال شوف قبل نهاية الدوام السمك مالي برميل الزباله وطايح فلارض وريحته ودورات المياه اعزكم الله على كثرها مافيها ماء 00 لا واسعار المواد الغذائيه عندنا دددددددددددددبل 00وش اقول وش اخلي 00الله يعين ورافعين ضغطنا انتم جامعه انتم جامعه اي جامعه والمبنى مايعرف النظافه00:Cry111::Cry111::Cry111::Cry111: |
رد: سوء نظافة الكلية !!!!
الله يكون بالعون اختي ,, بس لازم تتكلمون انتم يالبنات ,,
بالنسبة لي انا واعوذ بالله من كلمة انا قبل ماينتقل الى مكان غير معلوم فرع الادارة للجامعة بحفرالباطن كلمتهم شخصيا وكان ردهم " إن شاء الله " يعني الكل بحفرالباطن له اهل بالكلية والجميع خواتنا ,, مافي عاملات نظافة بالكلية خليهم ينظفون ,, او العميدة وصلوا لها كلام كل القروب اللي انتم فية !! ومن ناحية الاسعار ,, الشي هذا موجود من درسنا بالحفر ابو نص بريال وابو ريال بريالين :011: والوضع الحاصل حاليا مثل ماتفضلتي اختي حفراوية الادارة العامة للبنات يقولون خلاص غير مسؤلين عن الكليات لانها تبع الجامعة !!! |
رد: سوء نظافة الكلية !!!!
اخ مشعل
دائما تفاجأنا بمواضيعك الرائعه التي تهم كليتنا ,, والتعليم بشكل عام ,, تستحقق التمييز فعلا ,,,, الاهم انت تطرقت ,,الى اعظم مشكله وهي سوووء النظافه ,, ,, والله انها مشكله عظيمه ,, اتعلم اين تكمن القذاره الحقيقيه (عند الكافيتيريا ,, ,, كيف نأمن ع مانأكله ,,والمسالك متدمره والروائح عفنه ,,, .. العميده الجديده ,,قامت بتغييرااات عده ,, ولم تتطرق الى الان ,,لهذا التغيير ,, وقد اوصتنا رئيسه القسم بكتابه اي شيء نشكو منه وتوقيع الجميع عليه ورفعه سواء للعماده او الجهات المسؤووله ,, اذا نحن نعاني لكن لم نتقدم بفعل شيء,, , سأسعى للحصول ع تواقيع مجموعه كبيره لابأس بها ,, ,,ولن نسكت ,,مادمنا تحت سقفها المتهالك ,, .. اخي سلمت ع ماتفضلت به ,, واعذرني ع الاطــــــــــــــاله |
رد: سوء نظافة الكلية !!!!
باركـ الله فيكِ مشــرفتنا وأستاذتنـــا ,,
واللهِ ياأختي لم أكتب الموضوع وأتدخل بأمور تربوية من أختصاص البنات ,, غير أني سمعت من الدفاع المدنـــي على الحريق الأول وكيف كان المبنى ,, وسمعت من الطالبات ( الأهل ) يشكــــون ,, المسألة أصبحت وباء ناقل للأمراض كما ذكرت أختي حفراوية وذكرتي ,, النظافة تولد أمراض جديدة ,, ومكان لتكاثر كثير من الأمراض , والأمر هذا أزعجني كثيرا لأن كان لدي بحث عن تكاثر الأمراض وفكرت بما أنتم فية !! وللأمانة : دار كلام مع بعض منسوبي أدارة التعليم .. وأصبح الأمر شخصــي نوعاَ ما ,, ولكن الرد دائما : أبـــشر ,,, وإن شاء الله يصـير خير وبالنسبة للكافتريا ,, أختي تقدرون تطلبون من برى !! أو حاولوا قدر المستطــاع عدم الاكل من الكافتريا ,, المطاعم القريبة من الكليات كثيرة ,, او اكل البيت افضل من هذا وذاكـ ,, وكان الله بعــونكـــم ,, |
رد: سوء نظافة الكلية !!!!
(احب اوضح لك ,,شيء
مانقدر نطلب من برا ,,لانه ممنوووووووووووووع:000: .. .. .. ومن البيت صعبه احيانا نجيب ,, لانه مو دايم يتوافر اشايء للفطور بحكم اني الوحيده اللي اداوم ,,بالبيت:011: .. فالله يعين ,, عصير يكفي ,, ,, (ومجهوداتك ,,انت كفيت ووفيت فيها ولد الديره وتسوي اللي تقدر عليه وزووود .. واتحدى احد يقول غيرر ,, والله يكرمنا من قولتهم لابشر ,,وان شاء الله .. .. دمت وفيا وذخرا للمنتدى واهله |
رد: سوء نظافة الكلية !!!!
اذا على المطاعم عندنا ممنوع ياخوي مانقدر الا نهاية الدوام نطلب من المطعم وويجيبه000 وعلى فكره السنه اللي فاتت كان حتى ممنوع نهاية الدوام اذا جاء العامل تبع المطعم يطرده الحارس :hahaha_2008::hahaha_2008::hahaha_2008: الله يعين حتى فلعيشه ناشبين فحلوقنا 00
|
رد: سوء نظافة الكلية !!!!
الله يكون بعووونكـــم بس لاتسكتون ,,
لما كنت بالجامعة ,, اشوف شي على طول نتكلم مع الدكتـــور ,, مانترك شي ,, والعفــو اختي ,, هذا اقل شي نقدمة لــ أخواتنــا بالكلية ,, واذا رجع الامر ع الكافتيريا : الامر سهل أعتقد ,, المسألة نظافة ,, وللمعلومية انتشرت صور كثيرة عن الكلية بخصوص الأوساخ التي فيها ,, وان شاء الله يكون لتلعيم بالمنطقة الحظ الاكبر بعد الميزانية وتخصص مبلغ وقدرة لتعليم فقطـ ,, وشاكر لكِ المتابعة استاذتنا ^_^ |
رد: سوء نظافة الكلية !!!!
اقتباس:
الله يسلم المطاعم الصباح ,, اخذوا فطائر معاكــم ولا هي متعفنة ,, والعصائر والمشروبات الساخنة أمرها سهل ان شاء الله عندكم ,, |
رد: سوء نظافة الكلية !!!!
يوه اذا على النظافه انا وحبيبت عزوز كنا جالسين بساحة الرياضيات والا ماحسينا الا زباله وقرف ترمي فوقنا والا نشوف وطلعت المستخدمه نظفت غرفة الاقتصاد ورمت الزباله بوسط البنات:017::017::017: بجد شي يقهر ويرفع الضغط ماندري منين نستحمل من من قرف الكليه اوقرف الحارس اوقرف الكهرباء:bawling:الله يعين وصدقتي حفراويه مافيه ماء بالمعامل بس اللي يقهر يقولون صارت جامعة الملك فيصل:hahaha_2008: الله يجزاك خير على الموضوع الرائع:g8:
|
رد: سوء نظافة الكلية !!!!
السلام عليكم ورحمة الله وبركاتة
صبـــاح ( مساء ) الخير ,, طيب اخواتي ماحاولتم تكلمون العميدة على الوضع الحــــاصل , اذا الزبالة تكـون داخل حرم الكلية أجل سلم على النظـــام أكيد التقصــير من الأدارة , بالنسبة للجامعة بالأحســـاء شي مو طبيعي يعني تطـــور بشكل رهيب , المعمل بالصيف ثلج :119: تعتقدون في أسباب بالتقصـــير هذا !!!؟ أعتقد كثرة الطالبات والسكــوت أصبح الأمر مهمــل وأعتادة العميدة لاتفعل شيئا غير اذا حصلت مصيبة أبعد الله المصائب |
رد: سوء نظافة الكلية !!!!
بصراحه مادري ايش اقول لك اخوي انا من اول دخلت جوالي وصورت الوساخة والقرف اللي فية وكلمت اخواني بس مافيهم احد قال
شي وتجمعت اانا وكم بنت قلت يالله شرايكم نسوي زي ماقلت نكلم العميدة بس اكثرهن قالن نخاف تحقد وكذا تعرف قرف العميدة راح تسوية بس ماشاء الله عليك انت تتكلم وتطرح وانا شفت لك رد ورحت للادارة بالاقتراحات وانا سجلت لاني متابعة كثيرا لمواضيعك وكلامك تحب تساعد الناس ماشاء الله عليك مميزه جدا جدا جدا جدا الله يوفقك يااااارب واذا راح يصير شي عن طريقك حاول فيها الله يخليك باقي لسى كم سنة ولا راح باين يصير حاجة |
رد: سوء نظافة الكلية !!!!
بصراحه الوضع صار محزن الا مبكي
كثير صورو الكليه وصورو وصخها ولا أحد تحرك انا استغرب وين تروح الميزانيه شكلها بجيب العميده وتوابعها بصراحه يعني مدري شقول وحده دخلت بعينها حشره ويقولون ماتوجده الا باوسخ الاماكن تخيلو الامر تطور وصار وبآآآء يعني بفهم الاداريات لامرو وشافو البلاوي ماتلوع كبودهم مايحسون بالريحه والقرف المتواجد وربي يادورات المياه (الله يكرمكم)اقدر احلف ان لها سنين ماتنظفت ولا الكافتريا محل تجمع البنات والاكل والشرب فيها مستنقعااات وبائيه انا شخصيا اتوقعـ انو يطلع مرض خطير بهالكليه صرت اكره آآكل ولا اشتري ولا حتى امر بالكافتريا بسبة الريحه الي تسبب صداع وبعد القاعااات خاليه من اي شي يدل على النظافه والترتيب والمكيفات تسرب مويا ولا الكهرب مره وربي الي خلقني ضرب شوط بالارض وحنا بدورات المياه الله يكرمكم الي جنب المصلى الاسلاك واضحه والاضاءه زيروووو بصراحه انا تعبت نفسيتي وكل مالي اكره الدراسه بسبة الكليه اين توفير الاجوااء المناسبه للطالبات والمشكله طالبات جامعه الله يستر على مستقبلنا لاني اشوفه مجهول بهالكليه اخوي الله يعطيك العافيه على جهودك حتى انت حسيت فينا اكثر من العميده وتابعاتها الله لايحللهن ولا يبيحهن الى يوم الدين ان تخرجت وهن ماحركن ساكن وبضل ادعي لييين اشوف فيهم يوم شكرا مره ثانيه على موضوعك وعلى مساعداتك لنا جعل وجهك يحرم عالنار ياااااارب |
رد: سوء نظافة الكلية !!!!
شوف اعتقد اهمالهم هاااذا والله اعلم لانهم يدرون ان في مبنى جديد لكليات الحفر تحت الانشاء اللحين ومدري متى يخلصونه فظن مايبون الفلوس تنصرف ع المبنى هاذا وفي غيره يبناء جديد ووسيع هاذا والله اعلم
وشاكره لك اخوي اهتمامك والله يجزاك خيرا 00:d5: |
رد: سوء نظافة الكلية !!!!
:s11:و صارت مصيبة اخوي مشعل البنت اللي انصعقت بالكهرباء بس ان ماصار فيها شي يبغون وحده ثانيه تموت علشان حضرتهم يصحون من غيبوبتهم :017:وربي شي يقهر مره تكلمت في المنتدى عن غرفه في مبنى الرياضيات كلها كهرباء واسلاك متقطعه والماء تحت والباب مفتوحه واليوم الثاني بعد ماكتبت الموضوع لقيت الباب تسكر موب كله بعد لان فيه حديده تحت الباب ماتخلي الباب يتسكر بالكامل بس اكيد ذي وحده من الاداريات سمعت وسكرت الله يجزاها خير ((ومزيد من التقدم ياكليتي))
|
رد: سوء نظافة الكلية !!!!
لقد سعدت كثيرا لطرحك لهذا الموضووع اخي مشعل
لكن مايجووول بخاطري ويتردد كثيرا .. إلى متى هاذا الاهمال في كليات حفر الباطن؟؟ أين السمعه ؟؟ اعذرني أخي مشعل ..؟؟! بالنسبه للكليه الأدبيه أنا إداريه فيها ولا نستطيع وضع حد لهاذا الاهمال والسبب :؟! كل من نشكووو له يقول الأمر ليس بيدنا .. ويسكتنا بقوله إنشاء الله عن قريب فنحن تعبنا كثيرا من هاذه الفوضى وهذا الاهمال .. المشكله همهم تخريج الطالبات فقط وليس الاهتمام والعنايه بالبيئه والمرفقات .. فإلى من نشكوووو ؟؟ سلمت يمينك أخي مشعل على طرحك الرااائع وتسحق التمييز بجداره .. |
رد: سوء نظافة الكلية !!!!
شكرن أخوي على هلموضوع و أنا تكلمت بأكثر من منتدى عن هلمشكله بس محد سامع أنا من كليه التاريخ
فعلن النظافه معدومه بكليه التاريخ والريحه و أصله أخر الدنيا و الحمامات (و أنتم بكرامه )كلها مخلفات القطاوة و الله حتى أكل صرنا ما ناكل بلكليه من الريحه الي فيها بس من يسمع ياليت يهتمون بنظافه شوي :praying: |
رد: سوء نظافة الكلية !!!!
السلام عليكم ورحمة الله وبركاتة ,, أسعد الله مسائكم بكل خير ,,
كل الشكر لكم على المتابعة ,, وكما ذكرتكم ,, الامر تعدى مسألة النظافة , أصبحت المشكلة وباء وأمراض وكما نسمع الان عن بعض الامراض الجديدة التي سببها تجمع الفطريات لا نود ذكرها ونتمنى انها لاتحصــل وكما تفضلتي مشرفتنا الفاضلة كونك من الأدارة ,, أن المصيبة لاتعلمون من تخاطبـــون ,, وفيكــم الخير والبركة ولكن نطمع بالمزيد منكـــم مهما كان فأنتم الصوت لكل طالبة بالكلية بالقديم كان التقصير من التعليم بالمنطقة لانها تتبع التربية والأن تبع الجامعة ,, ونسمع ببناء مبنى جديد للجامعة على طريق الرياض وذهبت له شخصيا المبنى حاليا للأولاد !!!؟ ولكن الكلية التقنية الجديدة للبنات .!! ونفرض انه تم بناء مبنى جديد الأن متى سوف يتم الانتهــاء منه ,, على أقل تقدير سنتـــــــــان .. المشكلة الحاصلة مشكلة يومية . وأن شاء الله يكــون في تقدم كلمت أحد الأخوان بالادارة العامة للبنـــات وسوف أذهب له يــوم السبت , ويشهد الله حــرصي على الكليات الخاصة للبنات بالمنطقة لان كٌل من فيها أخواتنــــا ,ولا أحد بالمنطقة ليس له قرابة فيها . لحديث الرسول صلى الله علية وسلم "{مثل المؤمنين في توادهم وتراحمهم وتعاطفهم كمثل الجسد الواحد، إذا اشتكى منه عضو تداعى له سائر الجسد بالسهر والحمى } متفق عليه " |
رد: سوء نظافة الكلية !!!!
والله مشعل اخوي كلامك طيب بالمره وخاصة بينة كلامك وسبب تدخلك بأمورنا بالحديث
لحديث الرسول صلى الله علية وسلم "{مثل المؤمنين في توادهم وتراحمهم وتعاطفهم كمثل الجسد الواحد، إذا اشتكى منه عضو تداعى له سائر الجسد بالسهر والحمى } متفق عليه " الله يجزاك خير |
رد: سوء نظافة الكلية !!!!
على قولة المثل..
الشكوى لغير الله مذله... وربي كلامك كله صحيح.. وتكلمنا ولا فيه فايده.. صراحه انا عن نفسي مليت من كثر ماتكلمت ولا فيه فايده.. اخوي مشعل الله لا يهينك على الموضوع.. واشكر لك اهتمامك... |
رد: سوء نظافة الكلية !!!!
سلمت يمينك على هالموضوع أخوي مشعل كل اللي أنقال بحق كليتنا صح 100% لا وبعد مقصرين أقل شي نبي موية بالحمامات أكرمكم الله عشان نتوضأ اما وساخة المرفقات حدث ولا حرج أهم شي سووه حطوا الاداره سيراميك ورشوها بويه ومكاتب تدخل الاداره كأنك ما انت بالكلية اللي نتكلم عنها وكل غرف الاستاذات الخارجيه انواع التطور والسيراميك بأي حق هذا ؟؟ معقولة يكون من جيبهم الخاص ؟؟؟ مستحيييييييييييييييييييييييييييييييل والعميده 24 ساعه ماسكة التلفون على اذنها اللي يشوفها يقول كوندليزا رايس على غفله عايشه الظاهر حلم انها مهمه مايدرون ان كل شي مسئولين عنه أمام الله يوم الموقف العظيم مانقول الا حسبي الله ونعم الوكيل وأشكرك على طرحك المميز ومن أبداع الى أبداع |
رد: سوء نظافة الكلية !!!!
حنا لا نحط الغلط على العميده يد وحده ماتصفق واذا كانت ماتجيها ميزانيه وش تسوي؟؟؟ اما اللي تقول تحط في جيبه مستحيل انا كلمته شخصيا قمه في التعامل والاحترام ومع ذالك درسنا احسن من اسلوب الاستاذات كلهم ومتواضعه مرررره ربي يحفظها ويعينها
|
رد: سوء نظافة الكلية !!!!
اقول لا حياة لمن تنادي الدليل جتبه لكم
بالصور:104: http://www.image.gostshare.com[IMG]h...8qol0efemg.jpg /files/9n01q6tzjabj6hdtg2op.jpg[/IMG] http://www.image.gostshare.com/files...bj6hdtg2op.jpg انواع القرف |
رد: سوء نظافة الكلية !!!!
رائع يعطيك العافية تسلم الايادي :hush:
|
رد: سوء نظافة الكلية !!!!
والله الكليه قمه الوساخه
ياناس وفروا المـــــــــــــــــــــــــــــــــــــــــــــــ ــــــــــــــــــــــــــــــــــاء المويه المويه<<<<<<<<<بالله هذا صعب بينقص الميزانيه والا وش السالفه اليوم اختبرت كيمياء مافيه ماء اغسل الانابيب وبعدين يوم سالت قالت بالجركن ههههههههه :c8:وش كبره كيف اشيله المهم شالنه البنات جزاهم الله خير بعدين ايديني كيف اظمن ان الماء نظيف<<<طولت عليكم بس معاناتي بالاختبار جزاك الله خير على الموضوع "المهم البكتيرياء والفايروسات " مشكووووووووووووووووور الموضوع رائع:d5: |
| All times are GMT +3. الوقت الآن حسب توقيت السعودية: 07:59 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام