ملتقى طلاب وطالبات جامعة الملك فيصل,جامعة الدمام - جميع التخصصات تعالي انصحي المستجدات بأي شيء (لبس،ميكاب،صداقات،دراسة) أو إي شي

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- منتدى كلية التربية بالجبيل (https://vb.ckfu.org/forumdisplay.php?f=61)

- - [ جميع التخصصات ] : تعالي انصحي المستجدات بأي شيء (لبس،ميكاب،صداقات،دراسة) أو إي شي (https://vb.ckfu.org/showthread.php?t=476245)

يَ رب تَوفيقكـ

2013- 7- 11 04:02 AM

تعالي انصحي المستجدات بأي شيء (لبس،ميكاب،صداقات،دراسة) أو إي شي

هلا بنات ،

أول شيء مبروك لكل البنات اللي انقبلوا
ؤاللي مَ انقبلوا لا يزعلوا ممكن خيرة. و يقدروا يكملو بمعهد أو دبلوم حاسب ولغة أو يقدموا السنة الجاية ??

عالعموم أتمنى من كل قلبي أن هالمووضوع مَ يتقفل ويَ ليت يثبتوووه عشان الكل يستفيد ??

الموضوع بإختصار ??

إن أي بنت درست أو تدرس بالجامعة. أي. تخصص. يَ ليت تفيد البنات المستجدات من كل النواحي ???

لبس. وَ ميكاب وَ دراسة وَ صداقات
وادا عندها أي معلومة تحطها هناا عشان الكل يستفيد ??

وَ بالتوفيق للجميع ??

Miss Nourah

2013- 7- 11 04:29 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

مشكووره و أنا مستجده بعد و محتاجه آستفييد آككثر من خبرة الطالبات آللي سبقوونا :24:

بس هالموضوع فآدني حييل يعطيهم آلف عافيهه :16:

http://www.ckfu.org/vb/t356511.html

ارجُوان

2013- 7- 11 10:20 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

,’

هلااا وغلاااا بكل المقبولات الجميلات في كليتنا :11::1:

بتكلم عن تجربتي بالكليه

اول مادخلت الكليه ماحبيتها ابدا :26: وجلست متأزمه منها فتره لين دخلت بجوها

الشاهد ان اول ماتدخلين ممكن ماتروق لك لانها غير عن نظام المدرسه تماماً عشان كذا انتي

لا تتازمين ابدا بالعكس حاولي تستكشفينها وتحبينها

بالنسبه للصداقات بالكليه

لا تستعجلين بصداقاتك وتدورين لك أي كلام عشان مسمى " صديقه " لا تمهلي واعرفي البنت كويس لان الصديق ياثر اكيد اختاري صديقه طيبه وتعاونك على الخير :15:

اما بالنسبه للبس

خلي لبسك نعوم للصبح وابعدي عن الالوان اللي ترهش وتلمع :5:

ونفس الشي الميك اب خليه نعوم وبسيط عشان تكون طلتك فرش على الصبح

اما الدراسه تختلف طبعا عن المدرسه :33:

انتي مسؤوله عن نفسك يعني اذا عندك واجب ماحد بيذكرك انتي لازم تتذكرينه وتسلمينه بالوقت المحدد لك :19:

كمان المحاضرات احرصي ماتتاخرين عليها وتنتبهين لمواعيدها وبالكليه موفرين ساعات رقميه بكل ممر :29:

طبعا لكل ماده مجموعه من المهام حاولي تنجزين كل شي اول باول عشان مايتراكم عليك وتتوهقين

ولا تستهرين وتهملين وتلعبين عشان ماينزل معدلك لتحت ال2 ويجيك انذارات مالها داعي :23:

طبعا ثرثرتي واجد بس حبيت اقدم هالنصايح وربي يووووووووفقكم ياااارب :11:

:16:

Miss Nourah

2013- 7- 11 07:19 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

ششششكراً آرجوان :16:

بنت العظيم

2013- 7- 11 08:04 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اللهم صل على محمد وآل محمد

اولا مبروك القبول وكل عام وانتوا بخير اهلا بالمستجدات في كليتنا المصون

بالصراحة الكلية عالم ثاني حاولي تتمتعي فيها قد ماتقدرييي انا بروح سنة ثالثة ومستمتعه فيهااا

في البداية بيكون كل شي غامض بالنسبة لش بس بعدين راح تفهمي من خلال تجربتش كل شي حبة حبة

اول يوم تروحي فيه حاولي تعرفي كل مكان في الكلية وتعرفي كل جناح وقاعاته لاني ثاني يوم ضيعت قاعاتي
والصداقات خليها تجي من الله اكيد بتلاقي لش بنات حلوات تنضمي ليهم

وثاني شي لاتعتمدي على احد ابدا ابدا ابدا في الكلية بس اعتمدي على نفسش وركزي عليهاااا

في حل الواجبات او في تأدية الأعمال بتحتاجي في كل مادة لقروب حاولي تنضمي لبنات شاطارت حتى لو ماكنتي تماشيهم في الاوقات الثانية المهم تخلصي شغلش في الكلاس
واللبس احلى حاجة نصيحة مني خذي لش كم شغلة بسيطة تنورة وحدة وكم بلوزة مو واجد وداومي اول اسبوع شوفي كيف لبس البنات المعتاد بعدين روحي قضي ملابس على راحتش بحيث مايكون لبسش شاذ بينهم خذي فكرة اول اسبوع عن لبس البنات وبعدين كمليي تسوووق هالشي نفعني انا كثيررر
ونصيحة ثانية ركزي على معدلششش زيين جيبي معدل زين عشان مايكون عليش شي صعب ترفعينه بعدين وتدخلي التخصص الي تبيه بعون الله .:14::2:

وان شاء الله اكون افدتش لو بالقليل

يَ رب تَوفيقكـ

2013- 7- 11 08:09 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

مس نورا , ارجوان . بنت العظيمم

شكرااا لكممم استفدتت كثيررر

وي ليت يكون في تفاعل اكثر في الموضوع

:16::16::16:

hala_alsub

2013- 7- 12 12:47 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

تحمست :5:
قولو لنا ايش المسموح باللبس وكذا الالوان مسموحه
والقمصان اي لون وقد وش الاكمام

Rasha alqahtani

2013- 7- 12 12:52 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اول شي مبروك القبول ❤' الله يوفقكم بالنسبه الدراسه التحضيري / سنه كامله
التخصصات على حسب معدلك ! شدي حيلك لان المواد سهله بإذن الله :)
بالنسبه للي تبي تتخصص انجليزي وهي علمي :)
لازم تجيبين معدل فوق ٢ ونص أيضاً لازم فوق c
بالنسبه لدراستي التحضيري !
حذفت كيمياء وفيزياء ورياضيات ! لان حسيت بتنزل معدل وهي مواد مو متطلبه !
وبيعادلون لك الساعات اذا تخصصتي :)
الله يوفق الجميع ❤

mnm3	2013- 7- 12 01:12 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

ممكن احد يكلمني عن تخصص الانقلش ؟
صدق انه ادب انقليزي مو ترجمه ؟

وكم المعدل المطلوب لدخوله

ارجُوان

2013- 7- 12 02:10 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

,’

hala_alsub

بالنسبه للتنانير [ رمادي , كحلي , اسود , جينز ]

البلايز خذي راحتك بالشكل والالوان الا الشفاف طبعا مو مسموح

والكم مسموح لحد فوق الكوع بشوي :17:

,’

mnm3

على كلام بنات الانجليزي في تجمعهم فالقسم لغه وترجمه :14:

بالنسبه لتخصص انقلش معدله 2 ونص وبتدرسين مادة انجليزي عام بالسنه التحضيريه ولازم تجيبين اقل تقدير فيها c اللي هو جيد:27:

:16:

batoOol4

2013- 7- 12 06:35 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

مشكورين على نصايحكم
تحمست أشوف الكلية من خﻻل كﻻمكم
وان شاء الله نتعود عليها ونجيب معدﻻت عاليه
:16:

نوتيلا20

2013- 7- 12 07:26 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

ي سلام :16:ع الموضوع الحلووو تسلمون الله يسعدكم

شجـره التـوت

2013- 7- 13 03:59 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

منورين يالغاليين
الف مبروك ع القبول وان شاء الله تلاقو الخير بدربكم دوم يارب

ادري فيكم خايفين ومتوترين اكيد
<<مجربه :41:
بس بالعكس بنات تراها حلوه واذا احد ذم فيها فكل واحد ووجهة نظره:29:
انا اول مادخلت الكليه حسيتها مررره كبيره وحاله وكنت متخوفه من كلام البنات
بس كونت لي صداقات هنا وكملت معها بالكليه والحمدلله مازالت معي ويارب للابد :37:

الصداقه لابد من انك تتأني فيها لان الصاحب ساحب
لازم تصاحبي الي يعاونك عالاجتهاد ويكون معك متعاون :21:

واذا ع اللبس ف نظامهم يعجبني بصراحه
بس في بنات يزودوها وطبعا الامن قايمين بالواجب مع تعهداتهم
اهم شي لاتلبسي التنوره قصيره حدها حدها للكعب ولا بتصكك تعهد :33:
كحلي -اسود - رمادي - جينز عادي ممكن
والبلايز اي لون تحبين اهم شي مو شيفون خفيف ولا دانتيل يبين الجسم واهم شي الكم مسموح لفوق الكوع اقصر شي :19:

الميك اب بتلاقين عجب بس عادي سوي الي يريحك وافضل شي اقوله لك لاتتعبي بشرتك وكليتنا مهي مفتوحه بس فيها ساحات ممكن مع الشمس تتعب بشرتك ويالميك اب :34:

اممممم ايش باقي ☺
ايواااااااا اهممممممم شيييييييييء

الدراسه :30:
شوفي بالنسبه للدراسه هي حلوه
ولكن يحتاج لها شده حيل
لك تقريبا 8 مواد بالسمستر
وكل ماده بيكون عليك واجبات فيها والتزامات مهم تسويها لرفع مستواك :21:
وغير كذا حلو انه يعلموك طريقه الشرح للتلاميذ عن طريق تجربتك الشخصيه مع زميلاتك بقروب
وهالشي يعلمك التعاون مع الغير ويقوي العلاقه الاجتماعيه عندك :17:
كل شي بوقته يتسلم وان كان قبل وقته افضل وممكن عليه درجه زياده :27:
غير كذا طلباتهم اوقات سهله بس يحتاج لك لاب ونت وطابعه
واوقات لازم تعملون حملات تدعم نوادي مختصه بالكليه تفيدكم وتفيدها
لانها تعتبر اكاديميه :26:

وماقبل الاخير :29:
الدكتورات
ماراح اذم ولا راح امدح
بس بصراحه مستواهم حلو وعندهم درجه تعاون وكل ماشافو الطالبه مجتهده كل مااعطو وتساهلو معكم بالتعامل الزين
لاتستهترو بالدراسه
راح تلاقون دكتورات تعاملهم :21: وتعيشو مرتاحين بكل الترم وتنصدمو بالنهايه
وممكن العكس انها معاملتها دايما:23: وبالنهايه تصدمكم بتعاونها
فمن كذا اقولكم انتبهو اهم شي الاحترام والاجتهاد :17:

والمحاضرات لازم تعرفو اماكنها وتروحو للكلاس قبل ولو بـ5 دقائق افضل لك
الموعد موعد 👆 وانتي المسؤوله عن نفسك بهالمرحله محد يهتم فيك مثل الثانوي ويدلك
وافضل اول يوم دوام تستطلعو على الكليه وكل قسم تعرفو له عدل

ومعلومه اخيره 😏
في دورات ومحاضرات وندوات دينيه او اجتماعيه او صحيه تقام بالكليه كل فتره تتبع لنادي مختص فيها وبالمواد الي تدرسوها
لو حضرتو بتستفيدو من مخالطه الدكتورات ومن علاقاتكم الي بتتكون فيها و ممكن بعضها خاصه بشهادات :33:

وكل ماقل الغياب استفدتي
لك بكل مادة 3 غيابات بس
وكل تاخيرين يحسب غياب فانتبهو 😒 وغير كذا بتاخذي تهزيء
وغير كذا اذا ماتغيبتي ولامره ممكن تكمل لك درجه المشاركه فيها او شي كذا
وبالاخير
ادري طولت عليكم
ولكن حبيت اقول كل الي اعرفه
:35:

موفقين حبيباتي وربي ييسر دربكم ويكتب لكم اعلى الدرجات يارب ❤

وعقبال ماتتخصصو 👍🌹😘

طالبة الادبي

2013- 7- 13 04:22 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

ابي اشوف صور للكلية

آحلآممم

2013- 7- 13 05:47 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

الله يوفقكم بنات في طريقكم الجديد :16:

Miss Nourah

2013- 7- 14 07:52 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

مشكوريييين جد آستفدت منكمم :16:

نوتيلا20

2013- 7- 15 06:26 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

كل الشكر لكم:3::11:

اميرة الياقوت

2013- 7- 15 07:58 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

هذه صورة الكلية من الخارج

[IMG]https://fbcdn-sphotos-a-****************/hphotos-ak-prn2/970038_457163744377966_806326614_n.jpg[/IMG]

يلا بسم الله وندخل الكلية :14::14:

[IMG]https://fbcdn-sphotos-g-****************/hphotos-ak-frc1/229107_1990619401572_164979_n.jpg[/IMG]

على ايدك اليمين في بـاب يؤدي إلى المصلى ..

[IMG]https://fbcdn-sphotos-h-****************/hphotos-ak-prn2/222757_1990618921560_2144676_n.jpg[/IMG]

وهذا المصلى :1::1:

[IMG]https://fbcdn-sphotos-f-****************/hphotos-ak-ash3/431968_457164851044522_1922344427_n.jpg[/IMG]

وهذه صورة للحديقة الكبيرة ( بتلاقي اغلب البنوتات جالسين هون )

[IMG]https://fbcdn-sphotos-g-****************/hphotos-ak-frc3/971277_457165781044429_503676413_n.jpg[/IMG]

هذه صوره للحديقة الصغيره ( بتكون جنب الكافتيريا وجناح أ )

http://img03.arabsh.com/uploads/imag...444862f50c.jpg

هذه صورة كلاس موجود بجناج ج ( الكلاسات بهل جناح تكون كبيرة )
ويتميز جناح جيم بالبروده والجليد ههههــ ..

http://img03.arabsh.com/uploads/imag...444862f402.jpg

هذا الدرج حق جناج جيم
[IMG]https://fbcdn-sphotos-a-****************/hphotos-ak-ash2/223217_1990619881584_1357531_n.jpg[/IMG]

وهذه قاعه موجودة بجناج أ ( قسم الحاسب اكثرر تواجد في هذا الجناح بالاضافه الى بعض المواد العامه )

http://img02.arabsh.com/uploads/imag...444862fb04.jpg

بنوتات العلمي هذه صور لمعمل الكيمياء ( اشتقت إليه واجد :1::1::1:)

[IMG]https://fbcdn-sphotos-g-****************/hphotos-ak-ash2/268062_2181096772676_6443330_n.jpg[/IMG]

[IMG]https://fbcdn-sphotos-h-****************/hphotos-ak-prn2/268890_2181097612697_2717543_n.jpg[/IMG]

[IMG]https://fbcdn-sphotos-d-****************/hphotos-ak-ash4/268816_2181098532720_645811_n.jpg[/IMG]

[IMG]https://fbcdn-sphotos-f-****************/hphotos-ak-prn1/269691_2181099012732_381399_n.jpg[/IMG]

هذه الصور موجودة عندي ..
حتى لو تشوفي الكلية صغيره بس الدراسه ممتعه والاجواء جميله وقلوبنا على بعض ^.^
وبالتوفيق حبوبه

شهد محمد

2013- 7- 15 09:18 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

^

منورين يَ بنات ومبروك القبول :34:

بقولكم اول شيء عن اللبس
آبتعدو عن التنورات الجينز كلششش
والاقمصه والبلايز لاتشترو مزكرشين ولا زحمه
بوريكم صور شغلآت ممكن تعطيكم فكره عن اللبس بالكليه

التنورات
http://img02.arabsh.com/uploads/imag...444863f107.png http://img02.arabsh.com/uploads/imag...444863f106.png

الآقمصه
http://img02.arabsh.com/uploads/imag...444863f707.jpg http://img02.arabsh.com/uploads/imag...444863f701.jpg http://img02.arabsh.com/uploads/imag...444863f506.png

والبلآيز السبورت آحسن بعد عشآن مو كل يوم رآيقه تكوي ملآبسك :sm5:

وآنصحكم تآخذو نفس هذا الشكل لأنكم بتحتاجوهم مرررررره
http://img02.arabsh.com/uploads/imag...444863f605.png

والجزم آريح شي تومس وآذا كنتي رآعية كعب آنصحك بالكعب المريح عشآن ماتروحي وطي :5:
http://img02.arabsh.com/uploads/imag...444863f602.jpg

وبآلنسبه للدرآسه فهي حلوه وممتعه جداً
ما اقول انها سهله ولا اقول انها صعبه كل شي يبيله جهد وتعب :19:

وبآلنسبه للدكآتره نآدر إذا لقيتي وحده سيئة جداً
وآنصحكم مآتصدقو كلآم البنات عن الدكتورات ابببببد
كل وحده وتجربتها الشخصيه وانطباعها عن الدكاتره يختلف (:

وبآلنسبه للصدآقات لآحد يخآف الدراسه مع الآيام بتجيب لكم صآحبات
بس آختارو الي تفتح نفسكم للدرآسه والونآسه مع بعض :5::21:

آن شاءالله لو تذكرت شيء مهم تآني برجع آقولكم
موفقين جميعآ :27::16:

almzuwna

2013- 7- 15 05:34 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

الحديقة الكبيرة سمعت انهم بيقفلونها بيخلونها ساحه مغلقه

طالبة الادبي

2013- 7- 15 06:28 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

بنات الكليه صغيره ولا كبيره

يعني هي اصغر من كلية الاداب بالدمام الزرقاء

ارجُوان

2013- 7- 15 07:45 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

^

أي حبيبتي اصغر

اول ماتدخلينها تحسبينها كبيره :31:

بعدين لا حجمها وسط

:42:

TAHANI_47

2013- 7- 15 07:55 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

طب ارجوان فيه مصلى ولا لا والكفتريآ كبيره وفيها مطاعم مثل الاداب والعلوم ولا غير :) ؟

طالبة الادبي

2013- 7- 15 08:37 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

تصير في الكلية نشاطات ومسابقات وكدا يعني

لان في الاداب كان فيه نشاطات واسواق ومهرجانات

ارجُوان

2013- 7- 15 09:49 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

تهاني /

الكليه فيها مصلى وفيها كافتيريا بس الكافتيريا صغيره ودايم مليانه

وفيها مطعم الليوان اللي هو مشاوي , والباقي مقسم اجزاء يعني جزء للشبسات والحلويات وحزء للكوفي وجزء للفشار والايس كريم وكمان فيه كورنر معجنات :29:

/

طالبة الادبي :

الانشطه هي تبع انديه تشتركين فيها

زي النادي العلمي والادبي والفني والديني وكذا

وعندنا بازار يفتتح دائما يعني سوق مصغر جوا الكليه

المسابقات مامر علي الا تبع حفظ القران

وتبع مين تخسر وزن اكثر رشاقه يعني :42:

:16:

Lama.A

2013- 7- 15 10:17 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

نصيحة لأي بنت علمي تبي تتخصص انقليزي و ضامنة انها تجيب بانقليزي عام c
ما تسجل مواد علمي "رياضيات كيمياء فيزياء أحياء " لأنها تنزل المعدل وهي غير متطلب
وتاخذ مواد ادبي بدالهم

يَ رب تَوفيقكـ

2013- 7- 16 06:27 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

بنات تحضيري ادبي
الكتب كثيرةة او لا
يعني احتاج اشتري شنطة حجمها كبير :/

بكرآ آحلى~

2013- 7- 16 06:40 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة يَ رب تَوفيقكـ (المشاركة 9251393)

بنات تحضيري ادبي
الكتب كثيرةة او لا
يعني احتاج اشتري شنطة حجمها كبير :/

كثيرة او بالأصح ثقيله :")
فالأحسن تآخذين واسعه شوي :27:

شهد محمد

2013- 7- 16 06:45 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

^

باليوم مابتحتاجي اكثر من 3 كتب
والافضل تآخذي لك لوكر

وبالنسبه للكليه حالياً فيها صيانه يقولون بيكبروها وعشان كذا ذا الصيف مافيه دراسه صيفي

Shforii

2013- 7- 17 12:49 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

بنات وش سالفة الجوالات ؟
يعني الجوالات اللي فيهم كام ممنوعه ؟
مافي امانات او شي كذا :24:

ارجُوان

2013- 7- 17 12:51 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة shforii (المشاركة 9254421)

بنات وش سالفة الجوالات ؟
يعني الجوالات اللي فيهم كام ممنوعه ؟
مافي امانات او شي كذا :24:

ايون حبيبتي ممنوعه

خذي لك ابو كشاف بينفعك جوا الكليه
:16:

Shforii

2013- 7- 17 12:57 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

^ طيب مافي امانات ولا مكان نحط فيه جوالاتنا :7:

بحر الجود ~

2013- 7- 17 01:12 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

^^
اذا تجين من بعيد دايم الجوالات تنحط بالباص ~ :$
كل البنات يحطونها مع السايق فعادي
وفيه تقدرين الشؤون الخارجيه ان فيه يوم نسيتي جوالك تحطينه عندهم
او مثلا احيانا اقعد بالجبيل انا عند اخوي وقت الاختبارات احطه بالشؤون الخارجيه
تلقينها اول ماتدخلين وانا عن نفسي صاروا حافظيني من كثر ما احطه عندهم ايام الاختبارات :42:
//
اما اذا كنتي ساكنه بالجبيل فنصيحه لاتاخذين جوالك ~ :$
اشتري كشاف عشان تتصلين منه :$

Shforii

2013- 7- 17 01:18 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة بحر الجود ~ (المشاركة 9254587)

طيب شكرا :16:

طالبة الادبي

2013- 7- 17 01:53 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

هل يفتشون الشنط

يعني عادي نحط جوال ابو كام في الشنطه طول الوقت ولا في تفتيش

بحر الجود ~

2013- 7- 17 02:18 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

^^
ايه يفتشون الشنط اوول الايام
ووممكن في اي يوم يسون تفتيش وقت الطلعه او الدخله ~

شلآلـ عطر .. }

2013- 7- 17 03:03 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

فيه تصليحات بالكلية يعني يمكن تلقون اختلافات بسيطة عن اللي قالوه البنات

طالبة الادبي

2013- 7- 17 03:31 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

ايش هي التصليحات

Miss Nourah

2013- 7- 17 03:38 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

طالبة الأدبي .. نصيحه لا تجيبين جوالك الكام آبدااااا الأمن تفتيشهم يوميا دقييق جدا و قريت خبر آنهم كسروا جوالات بنات بالمطرقه :42:

‏باتريشيا

2013- 7- 17 03:44 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

تجمعكم جميل >قاطه وجهي :34:

طالبة الادبي

2013- 7- 17 03:47 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة miss nourah (المشاركة 9255241)

بالمطرقه عاد هههههه

انا لمن كنت في الاداب البنات عادي يجيبوا جوالاتهم لكن بس مايطلعونهم اذا الامن موجود
والامن مايفتشون ولا شي
اني مستغربة من التشديد في هذي الكلية

نوتيلا20

2013- 7- 17 04:07 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

والله لقيت مقال عن الكليه قريته بجد فضيع حسيت ان الكليه هاذي مستحيل امشي فيها من التعقيد والظلم
بس لمن سجلت هنا فتحتو نفسي المقال هاذا مكتوب سنه٢٠٠٩ بس بجد حطمني
اول ماقريته لكن مدام اغلب الطالبات هنا قالو الدراسه حلوه والكليه حلوه اتطمنت
الحمد لله ماابغا اقول اسم المقال لانه بجد الي تقراه بتكره الكليه وتتحطم والظاهر انه طلع كذب في كذب بس تشويه الله المستعان

ارجُوان

2013- 7- 17 04:12 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

^
^

لا لاتخافون مو لهدرجه !!! :31:

يششددون ع الجوالات أي صح

وبداية الاسابيع يدققون باللبس بعدها خلاص ماحد فاضي :8:

والدراسه اللي مجتهده وخلوقه الكل بيحترمها وبتاخذ حقها :43:

الله ييسر لكم :16:

يَ رب تَوفيقكـ

2013- 7- 17 05:11 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

يب اتوقع قريت مقال زي كذاا حسيت ان الكلية معتقل غوانتانامو :42:

مشآعر خجوله

2013- 7- 17 07:56 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

بالنسبه لكليتنا

ترى مافيها ذاك التعقيد اللي تتكلمون عنه
حسيتهم متسآهلين جداً

ببدآية الايام يفتشون وبعدين محد درى عنكم
الا اذا صادكم أمن بالصدفه :41:

يكسروا الجوالات هذآ النظام كان سابقاً
الحين يآخذونه من عنده وماتلاقيه الا نهاية السنه امها تجي تاخذه طبعاً :31:

Miss Nourah

2013- 7- 17 11:41 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

آلكلية من كلام الصبايا هينآ حسيتها حلووه بس لما دخلت صفحة الآعترافات بتويتر ( آعترافات الطالبات وتعليقاتهم ) حسيتها همم و كئآآبة و تسسد النفس من كلآآمهم

بسس مثل م قلتو بجتهد بدراستي و بصيير خلوقه و بمسك نفسسي لين آتخرج و آفتكك >> تتو النااس :42::42:

نوتيلا20

2013- 7- 17 11:17 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

تمررر بسرعه وانا اختك ان شاء الله زي الثانوي ماحسينا فيها بس زياده سنه << رفع معنويات :8:

نوتيلا20

2013- 7- 17 11:35 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

بنات عندي سؤال..
التنورات لازم تكون ساااده ولا عادي موديلات :31:

شهد محمد

2013- 7- 19 09:31 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

^

عآدي موديلات بس نصيحه ابتعدي عن التنورات الي فيها زحمه كثير والقماش الثقيل :27:

Njooood

2013- 7- 19 10:27 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

كم لازم اجيب في السنه التحضيري عشان ادخل حاسب؟

وفيه مواد احذفها بالسنه التحضيري عشان مالها اهميه في تخصص حاسب؟

to0mi

2013- 7- 20 01:46 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

شكلهآ الكلية صغيرة بسس ملمومة
متحمسسه بس فيه خوف شوي
أول سننة و ككذآ ><
الله يععين و يوفق و يسههل

Candy...

2013- 7- 20 04:59 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

:15::15:

نوورهه

2013- 7- 20 05:02 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

الف مبروووك اول شيء القبول بالكلية

عجبني الموضوع ولي عودة ان شاء الله مع نصايح بما اني خريجه :42::19: من هالكلية

موفقات جميلاتي :16::16:

SILENT.

2013- 7- 20 03:45 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة طالبة الادبي (المشاركة 9248933)

بنات الكليه صغيره ولا كبيره

يعني هي اصغر من كلية الاداب بالدمام الزرقاء

هههههه
لاتقارنين اداب بتربيه :4:
الاداب كأنها مطار كبيرة واجد
التربية حيل صغيرة مثل المدارس لو يوسعونها افضل ..

احساس مخملي

2013- 7- 20 06:13 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

مبارك عليكم القبول عزيزاتي الله يوفقكم ويسعدكم
نصيحتي لكم :
سعادتك بالكليه تكون حسب العلاقات التي تتخذيها لنفسك
اخترتي السعيدات ستسعدي واما غيرهم فلا ..
:16::16:

Candy...

2013- 7- 20 07:59 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

بنات من وين نقضي للجامعه ابغى اسواق حلوه في الدمام واسعارها مو غاليه يعني مو ماركات

احساس مخملي

2013- 7- 21 03:33 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

ستي بلازا , ستي ماكس , رد تاغ اسعارها كوييسه
:16:

Candy...

2013- 7- 21 03:35 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

مشكووووره ي عسسسل:16:

Miss beeshoo

2013- 7- 24 08:23 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

حبيت الموضوع
اول شي مبروك القبول يا جميلات
والله يوفقكم ويسهل لكم
والله أني اشتقت للكلية
بالنسبة لكليتنا لا تسمعين كلام البنات عن الدكاترة وتخويفهم الزايد والمبالغة
كليتنا صغنونه تعتبر كأنها مدرسه
والدكاتره اغلبهم حبوبين
بالنسبة للبس
احلى شي يكون لبسك بسيط ومرتب
وبعدي عن الأوفر باللبس والميكاب خليك ناعمة
والدراسة حلو خصوصا تحضيري ولما تكوني صداقات كويسه رح تستمتعين أكثر
الله يوفقكم :1:

Njooood

2013- 7- 24 10:30 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

:16:

{ مُجرد حُلم..~

2013- 7- 24 11:07 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة njooood (المشاركة 9266607)

نفس السؤال :39:

انثى بروح طفله

2013- 7- 25 06:36 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

الحاسب تقريبا المعدل 4 ونص

ترا كليتنا جميلة :21::16:

Hogaho

2013- 7- 25 06:58 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة miss nourah (المشاركة 9255241)

انا ما سمعت انا صار لي صراحه هالموقف هههههه

شر البليه ما يضحك هذي الشي هو اللي اكبر اكس في وقت الناس تطور فيه كثير يعني مش معقول طالبه جامعيه ما يثقون فيها وعاملات في الكافتيريا بنفس اعمارنا معهم جوالات كاميرا

بس برضو النظام نظام وانا اكلتها قبل سنه وكسروه بالمطرقه بس وقتها كان توه طالع نظام الكسر قبل اسبوع

بس الحين اول مره يشوفونه ياخذون ترم كامل ثاني مره تعهد ثالث مره فصل سنه

شددو كثثير يعني فصل سنه

مع العلم اني قلت فتشوه اذا بتلقون صور وقتها اكسرو بس قالت لي حقت الشؤون مانبي نفتش خذي المومري!

يعني لو عندي شي خلوني وبس يبون يكسرو ويعطوني مومري حقي !

يعني نظام يطبق بطريقه جداً غريبه

وفوق كذا جبت مره ايباد حقي بس بدون كاميرا وقالو جيبيه رحت كلمتهم وقالو خلاص بس لا تجيبينه مره ثانيه! يعني كله تسهيل بدال الورقه والقلم وبدون كاميرا ورفضو!

الحين اتوقع عادي بس اي جهاز فيه كاميرا ممنوع الا الابتوب بحكم العروض والواجبات

وبما ان النظام كذا التزمو فيه احسن

وكثثثثثثثثثير شفت وعرفت كسرو جوالاتهم

بس الحين اتوقع حطو عقبات اشد منها تعهد وفصل ترم وبعدها سنه

to0mi

2013- 7- 25 05:59 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

طيب عندي سؤآل !!
عآدي أطول أظآفري و أحط لي منآككير ؟؟
ولآ نفس نظآم المدآرس ممنوع :42:

яαωσмα

2013- 7- 25 07:12 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

^لا شششدعوة عادي ههههههه:5:

to0mi

2013- 7- 26 02:00 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

ههههههههههههه
عاد وش دراني عن نظآم الجآمعه
متعووده على نظآم المدآرسس :5:

مناكير

2013- 7- 26 04:30 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة to0mi (المشاركة 9303706)

طيب عندي سؤآل !!
عآدي أطول أظآفري و أحط لي منآككير ؟؟
ولآ نفس نظآم المدآرس ممنوع :42:

ههههههههه اي و ميك اب بعد :42:

to0mi

2013- 7- 26 05:54 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

ههههههههههه أي الميك اب ادري عادي :8:
نتكشخ للجآمعه أجل :29:

أحلامنا

2013- 7- 27 06:37 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

طيب لو وحده معدلها ٢،٥ وماخذه جيد في كل مواد علمي والحاسب واحد D والاخر c وين تدخل ؟فيزياء ام رياضيات ام حاسب :35:

مناكير

2013- 7- 27 06:49 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة أحلامنا (المشاركة 9311329)

طيب لو وحده معدلها 2،5 وماخذه جيد في كل مواد علمي والحاسب واحد d والاخر c وين تدخل ؟فيزياء ام رياضيات ام حاسب :35:

ما ادري عن التخصصات الباقي بس الحاسب مستحيل لازم 4 وشوي

smaroz

2013- 7- 27 01:28 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة أحلامنا (المشاركة 9311329)

طيب لو وحده معدلها 2،5 وماخذه جيد في كل مواد علمي والحاسب واحد d والاخر c وين تدخل ؟فيزياء ام رياضيات ام حاسب :35:

تقدري تتخصصي فيزياء ورياضيات :16:

أحلامنا

2013- 7- 27 03:55 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

مشكوره اختي :2:

ربي يوفقنا جميعا ونحصل على أعلى الدرجات وافضل التخصصات:16:

SUMA_A2

2013- 7- 27 11:50 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اللي سألوا عن الحاسب واذا يمديهم يشيلون مواد تكون مالها دخل بالحاسب
اي يصير شوفوا الخطة تبع الحاسب وتعرفون ايش تاخذون وايش اللي مو مطلوب :24:
بس اتوقع كل اللي نزلت الترم الاول موجوده بخطة الحاسب

الأمل الكبير

2013- 7- 28 06:45 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

تحمسسسسست ادخل الكلية :11::11:

Njooood

2013- 7- 28 07:58 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة suma_a2 (المشاركة 9313470)

طيب وين خطة الحاسب ؟ .. والله يخليك شيكي لي عشان اذا فيه خففت علي مواد واجيب معدل عالي:18:

ريحآنه

2013- 7- 28 08:17 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة نوتيلا20 (المشاركة 9258299)

بنات عندي سؤال..
التنورات لازم تكون ساااده ولا عادي موديلات :31:

ياحلوه لاتسوين موديل بتنورتك أبد
خليها ستريت و فيها جيب من ورا و مو لازم جيب بعد

بحر الجود ~

2013- 7- 28 08:38 PM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

1 مرفق

اقتباس:

المشاركة الأصلية كتبت بواسطة njooood (المشاركة 9315994)

طيب وين خطة الحاسب ؟ .. والله يخليك شيكي لي عشان اذا فيه خففت علي مواد واجيب معدل عالي:18:

خطه الحاسب تتضمن كل مواد علمي
زي المواد اللي عندك لازم تدرسينها عشانن حاسب ..
ممكن تاجلين ماده او تاخرين ماده بس بتدرسينها ووممكن تاخذين سنه زياده عشان تاخير المواد
فإخذي كل المواد .. نصيحة
لانها كلها متطلبه بس الانجليزي هو اللي غير لان مساره ادبي
اما الباقي لا كل المواد
[ بالمرفقات الخطه تبع السنه اللي طافت ]

بدل ثقافه اسلاميه --> النظام الاجتماعي في الاسلام
بس الحين حطوا لكم عقيده السمستر الاول والثاني النظام الاجتماعي
وتحرير عربي = كتابه وتعبير ~

رغد1	2013- 7- 29 03:45 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

بسم الله *-*
بسألكم بالنسبة للجوالات , أقدر أستخدم جوال فيه كام بس أني شايلتها ؟
يعني زي نظام الجامعية , ولا لازم بدون كام :"( ؟

batoOol4

2013- 7- 29 05:32 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة رغد1 (المشاركة 9319478)

أحلامنا

2013- 7- 29 06:43 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

<<<<<<<<<نفس السؤال :29:

Mẻ_ém

2013- 7- 29 07:31 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

أتوقع عادي بس أذكر بنات جوالاتهم بلاك وبدون كام ياخذونها الشغله على حسب المزاج
جيبي لك كشاف وريحي راسك من المشاكل

أم علوووك

2013- 7- 29 10:51 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة njooood (المشاركة 9315994)

طيب وين خطة الحاسب ؟ .. والله يخليك شيكي لي عشان اذا فيه خففت علي مواد واجيب معدل عالي:18:

أكبببر خطأ انك تحذفففين مواد
غلط غلط غلط
ﻷن تي مادة تنزل بالجدول حقك انتي ملززززمة تدرسينها
ومستحيل تتخرججي من الكلية وباقي لك مواد )
ملاحظة
الكلام لبنات تحضيري
ما اتكلم عن المحولات والحالات الخاصة

Shforii

2013- 7- 31 01:36 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

اقتباس:

المشاركة الأصلية كتبت بواسطة mẻ_ém (المشاركة 9320430)

طيب الجوال اللي فيه كام ممنوع ليه ياخذون اللي مافيه !! قهر :18:

Meeejo

2013- 8- 27 02:15 AM

رد: تعالي انصحي المستجدات بأي شيء (لبس،ميكاب،صداقات،دراسة) أو إي شي

يعططططططططططيكم العافيههه أستفدت من حكيكم والصوووور وتحمممستت صراحهه:(:1::1:

All times are GMT +3. الوقت الآن حسب توقيت السعودية: 02:40 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه