ملتقى طلاب وطالبات جامعة الملك فيصل,جامعة الدمام - السنة التحضيرية بخصوص كليتكم (كلية التربية بالجبيل)

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- منتدى كلية التربية بالجبيل (https://vb.ckfu.org/forumdisplay.php?f=61)

- - [ سنهـ تحضيري ] : بخصوص كليتكم (كلية التربية بالجبيل) (https://vb.ckfu.org/showthread.php?t=312283)

άβεέεκ

2012- 4- 7 12:19 AM

بخصوص كليتكم (كلية التربية بالجبيل)

السلام عليكم ورحمة الله وبركاته ,

اخباركم بنات ؟

حبيت أسألكم بخصوص كلّيتكم ,
كثير أسمع مدح عنها , بالمقابل أسمع عن المشاكل اللي فيها ,
وانا بأذن الله رآح احول من الدمام الى الجبيل ,
فحبيت أسأل عن الأقسام اللي فيها ؟؟
وكيف الدكاترهـ ؟ هل هم مصعّبين عليكم ؟
وكيف نظام الكليه ,! هل هم متعّبينكم وَ مرمطينكم مثل مآهو حآصل لنآ ><"؟؟
والكليه بششكل عام , هل تصلح وإلآ لآ ؟؟!
الله يجزآهآ الجنه اللي تجآوبني بالتفصصصيل ,
لآني الآن أنآ طآلبة سنه تحضيري المستوى الثآني في جآمعة الدمام ,
أبي أنهي هـ السمستر وأنقل بإذن الله عندكم بالتربية في الجبيل ,
فحآبه أستفسر عن كل شي ,
وَ يكون عندي خلفية عن الكولج واللي فيها بشكل عاام ,
اتمنى إنكم تردون ,
الله يعطيكم العافيه والصصحه يآرب العالميين

مهوش	2012- 4- 7 02:18 PM

رد: بخصوص كليتكم (كلية التربية بالجبيل)

حياااااااااااااك الله والله ..
اذا انتي علمي عندنا رياضيات , فيزياء, حاسب , انقلش
ادبي تربيه خاصه , رياض اطفال , انقلش
..والدكاتره وربي مافيه احسن منهم ومبنى الكليه مدرسه مو كليه صغيره مره
وصراحتن احسسسسن من كليه الجبيل بالنظام مافيه واذا انتي ادبي بعد اختباراتنا كلها صح وخطا واختاري

Sister of men

2012- 4- 7 04:46 PM

رد: بخصوص كليتكم (كلية التربية بالجبيل)

حيآآتس ربي :106:
لكل مكان وله ايجابيات وسلبيات !
ولكل دكتور/ه وأستاذ/ه ولها ايجابيات وسلبيات !

زي مآقالت لتس الحلوه الي فوق عن الاقسسآم ,
وحنا بعد العلمي اسئلتنا اختيارات متعددهه :004:
وصراحه كليتنا ولله الحمد احسن من كليات الدمام -,-
وأحسها خفيفه وحلوه ومريحه !
واتمنى افدتس ولو بالقليل :rose:

Mimie

2012- 4- 7 09:57 PM

رد: بخصوص كليتكم (كلية التربية بالجبيل)

هي صح يمكن مافي منها و احسن من الدمام و دكاترته مشي حال بس نتايجنا حلوه

بس بالمقابل انا حابه انتقل للدمام انتي بعد افيديني اذا الدمام يستحق اني انتقل لها و لا بيضيع مستقبلي فيه و بكون شاااكره لك من اعماق اعماق اعماق قلبي :004: :119:

άβεέεκ

2012- 4- 9 11:09 PM

رد: بخصوص كليتكم (كلية التربية بالجبيل)

يعطيكم العآفيه وَ الله بـ جد حمّستوني :53::004:

^^
إللّي تسأل عن جآمعة الدمـآم ,
شوفي بدون مبآلغه :
وَ الله إلى الأن وَ أنآ متندّمه إنّي فييهـآ ,
يخي يمرمطون الطآلبآت مرمطططه الله لآيورّيك ,
خصوصآ أوّل شهر ><"""
المشرفآت , المرشدآت , المعيدآت (الأسآتذهـ) , الدكآترهـ ,
كلّهمممممم يجيبون همّ ,
مآعدآ كم وحدهـ تنعد ع الأصبع ,
كل موآدنـآ بحثث , لـ كل مآدّهـ بحث ,
وَ أكثرهم يطآلبون بـ البحث الفردي ,!!
أنـآ متى أذآكر وَ متى أسوّي البحث وَ الشرح وَ التلخيص !!
كل هذآ يحصرونه في أسبوع ,
وَ يتوقّعون مننآ نجيب نسب عآليه ><"
جآمععة الدمــآآم أقولهآ وَ بـ الصّوت العآلي :
(لـ الدّجججججه لآ أكثر)
مآتصلح أببدآ لـ إللّي تبي تجيب نسبه وَ تبي تشوف مستقبلهآ ,
التربيه بـ الدمآم فيهآ بس قسمين (ريآض أطفآل + درآسآت قرآنيه)
<- وَ مآلهم مبنى خآص فيهم , حآصرينهم مع مبنى العلوم ,
وَ حآطين لهم دور خآص فيهم ><"
,,
الأدآب فيهآ جميع الأقسآم أظن , وَ كذلك العلوم ,
<-- مدري لأنّي تربية أنـآ وَ أبي أنقل عشآن أبي قسم إنجليزي ,

نصيييحه نصيييحه من طآلبة في جآمعة الدمآم ,!!
إللّي بـ تحوّل من الجبيل لهـآآآ ,!
(بتندممم)
<-- وَ كثير ندموآ عندنآ يوم جوّ من الجبيل ,
لأنّه بـ جد (جآمعععه "مصصصخرهـ") .,!!!!!
><""

ทεrrч

2012- 4- 11 11:25 PM

رد: بخصوص كليتكم (كلية التربية بالجبيل)

الزين عندنا شين بالدمام
والشين عندنا زين بالدمام

ماكو فكه :007:

البنت الكويسه

2012- 4- 12 01:56 AM

رد: بخصوص كليتكم (كلية التربية بالجبيل)

أهلن و سهلن

نصييحة استخيري ثم استخيري ثم استخيري ثم استخيري

حتى احنا في اقسام ضغط يعني عندك الحاسب و الفزياء مشاريع و ورش و أبحاث و يناقشونك في العرض و و و
و قسم الانقلش كمان ما يمدحونه و ثلاث ارباع أ نص طالبات انقلش يسبون التدريس هناك و يحملون مواد بالهبل - انا ما اعمم و لكن نسبة كبيرة يعني ما شاء الله القسم المرتاح في العلمي رياضيات و في الادبي رياض اطفال صدق شغلهم واجد اسبوعيا تقريبا بس بسيط أما قسم التربية الخاصة ما عندي معلومات عنه , الامتحانات اغلبها موضوعي و يمكن يجيك سؤال مقالي - هاذي بالنسبة للمواد العامه و التربوية
احنا الحاسب اغلب امتحاناتنا - التخصص - مقالي .. و اسألي كل قسم عن طريقة امتحاناتهم

موفقه

شموخي بكلمتي

2012- 4- 12 02:35 AM

رد: بخصوص كليتكم (كلية التربية بالجبيل)

حتى حنا عندنا بحوث فرديه وجماعيه وعروض وشرح وورش ععمل
كل كليات التربيه كذا
والدكاتره الحممدالله حححلوين اكثرهم
بسس بعد فيه دكاتره :(177):
وبككل مكان الزين والششين مافي شي كامل

وبالنسبه لقسم التربيه الخاصصه جممميل بس بعد لازم كل ماده عرض ووشرح وهذا الشي المتتعب فيه . وفيه عمملي . وفيه كويزات مقالي . والاختبارات لازم فيه سؤال او 2 مقالي والاغلب موضوعي . والحمدالله عندنا معيدات عسسل ومتفهمات كككثير

والله يوفقك ياارب ومثل ماقالت العسسل اللي فوق اسسسستخيري
والله يسهل لك امورك :rose:

همسه غلا8414

2012- 4- 13 12:13 AM

رد: بخصوص كليتكم (كلية التربية بالجبيل)

اننآ من الدممآم .. ووادرس بالجبييل

بالعككس كثير يمدحون كلية التربيه بالججبيل ولها يقلووون مستقبل

يكفي انها شهادتها بكالوروس + تربية

وكثيرر بنات اعرفهمم يتمنون انهم يدرسسسون فيها

نصيحة لك صلي صلاة استخارة وربي يكتب لك اللي فيه خيرر

Bashayer =$

2012- 4- 14 10:31 PM

رد: بخصوص كليتكم (كلية التربية بالجبيل)

مدري بس أنآ لو أني منك مآرآح أحول :sm4:

Ghayood

2012- 4- 15 08:52 PM

رد: بخصوص كليتكم (كلية التربية بالجبيل)

صحيح بعص الدكاتره يكرفوننا
بس حلو نظآمنآ اهون من غيرنآ

كليات التربيه هي اللي تعلّم صح

άβεέεκ

2012- 4- 16 03:34 AM

رد: بخصوص كليتكم (كلية التربية بالجبيل)

أنآ بـ صرآحة محوّلة عشآن قسم (الإنجليزي)
التربية بـ الدمآم مآفيهآ قسم إنجليزي ,
وَ أنآ رغبتي أبي هـ التّخصص ,
عشآن كذآ مقررّهـ أحوّل بـ إذن الله ,
لكنّ يوم قريت عن إللّي كآتبته الإخت "لطآلبآت الإنجليزي"
حسّيت مدري كيف ,!
لكنّ سبحآن الله تختلف قدرآت البنآت من إلى ,
ع العموم إللّي تخصصّهآ (إنجليزي) لآتحرمني من طلّتهآ هنآ ,
وَ تكتب لي الإيجآبيّآت وَ السلبيّآت في طرق تدريسهم لـ المآدة ,
وَ الدكآترة نفسهم , وَ المطلوب منهم .....إلخ (كل شي)
ربي يجزآكم خيييير كلّكم وَ الله

لبي قلبيي

2012- 4- 22 06:31 PM

رد: بخصوص كليتكم (كلية التربية بالجبيل)

السلام عليكم
شخباركم بنات حم احم انا تو ساكنتن الجبيل وماعرف بنضام الكليه شي يعني بالعربي داجتن:000:
لو سمحتو ابي تفيدونن بالتسجيل طريقته وابي شرايكم بقسم التربيه الخاصه من ناحيه الصعوبه الدكاتره .... انا عندي بيبي:24_asmilies-com: وناقلتن هم وش كبرررره في ناااس مااايمدحون الحضانه عندكم من ناحيه تعاملهم مع الي بعمر ولدي
بليزززز الي عنده معلومات تفيدنااااااا بناااااات

ĤǿŐǿмά

2012- 4- 23 01:31 AM

رد: بخصوص كليتكم (كلية التربية بالجبيل)

امممم

والله لو احكي واطلع م بداخلي ... بتجيني جلطه ع اخر حرف اكتبه
كليتنا من ناحية مبناها .. الله يخلي الهيئه الملكيه م صرف عليها غيرها :wink:

مبناها عادي وكويس بس قسمنا بعيييييييييييييييد مشوار ع مَ نروح له :bawling:

ومن ناحية دكاترتها بتكلم لك عن اللي مجربتهم بسـ

بالاخص تبع رياض اطفال وعموما قسم التربيه وعلم النفس

فيه اللي تطيب خاطرك وتعطيك ع قد تعبك

وفيه الشين اللي يطلع لك نخل

مثل م قالو البنات ,,, :wink:

قسمي حلو بس متعب من ناحية الاعمال

يعني فوق عروض البوربوينت والاضافا والتقرير والخريطة الذهنيه لكل طالبه ) فيه مواد عملي :bawling:
خفو علينا طيب :bawling:

واذا م سلمناها في نفس اليوم ننقص

وش رايكم افتح مكتبه ببيتنا ؟؟

من جد شي يقهررر ويتعب :icon9:

الله يعين بس

وكيف نظام الكليه ,! هل هم متعّبينكم وَ مرمطينكم مثل مآهو حآصل لنآ ><"؟؟
اي , اذا كنتي تقسدين اللبس وم اللبس والمحاضرات في وقتها وهيك انظمه فهو ترين قرار عام لجميع الكليات حتى كليات مكه وغيرها << ومتاكدا من هالخبر

وعندنا الامن بصراحا حبيبات خاصة التؤام وسهام والمتينه / اما الباقي :(177):

والكليه بششكل عام , هل تصلح وإلآ لآ ؟؟!
اي تنفع :wink:

الحمدلله بسـ :rose:

بالتوفيق حوبتي :106:

مودتيـ :004:

ĤǿŐǿмά

2012- 4- 23 01:33 AM

رد: بخصوص كليتكم (كلية التربية بالجبيل)

متاكدا من ناحية خبر اللبس
انو ممنوع الاسترتش والميدي وهيك

فهو معمم ع جميع كليات المملكه :139:

الله يعين :106:

Loody

2012- 4- 23 09:19 AM

رد: بخصوص كليتكم (كلية التربية بالجبيل)

بعد سوالفكم تحطمت اقعد تعليم عن بعد
بدل هالمشوره:sm1:
جد كان ودي احول انتظام الجبيل و ارتاح من النت الي دمر عيوني :017:

ρєяƒυмє

2012- 4- 23 11:04 AM

رد: بخصوص كليتكم (كلية التربية بالجبيل)

استخيري .. :004:

حجابي عفافي

2012- 4- 23 11:37 AM

رد: بخصوص كليتكم (كلية التربية بالجبيل)

اللي تسأل عن الحضانة تختلف من حاضنة لحاضنة ثانية ع حسب اللي تمسك ولدك بس بصراحة اللي مسكت ولدي طيبة بس:(177): في كيفية التعامل مع الطفل مو سالفة ضرب او شي اقصد الاهتمام :hhheeeart4: بالنسبة لي ماتحملت ونقلت ولدي مكان ثاني وبالتوفيق

ايقاع الايام

2012- 4- 23 01:27 PM

رد: بخصوص كليتكم (كلية التربية بالجبيل)

اهلين حبيبتي انا تخصص انقلش مستوى رابع بنقل لك تجربتي مع الدكاتره والقسم بصوره عامه
اممممم بالنسبه لمواد مستوى ثالث مراااااا سهله وجميله وعلى حسب قدرتك انت اذا كنت تمام بالانقلش يعني مو بلبل فيه لا يكفي انك تكوني ملمه فيه راح تاخذي مواد مثل رايتنق وقرامر وريدنق وادب القرنين كلها سهله وقلت لك على حسب مستواك اذا شديتي حيلك صدقيني محد يظلمك مشكله البنات مو عارفين انه هم يدريون لغه ثانيه مو مثل اي تخصص اخر بالكليه شي طبيعي بيكون اصعب والداكاتره معاهم حق لو ما نجحوا البنات لان بصراحه تجيك وحده يالله تقرا كلمتين على بعض:sm4: وتلوم الدكتوره طيب كيف تبين تنجحين وتطلعين لمستوى اعلى :000:وانت قدرتك ولا شي يعني لو فرضنا نجحتك ما راح تعدي الي بعدها كل الي يسونه لمصلحتك :hhheeeart4:
الدكاتره فيه هنديات وبكستنيات وبصراحه ماشفت منهم الا كل خير في حاجتين لازم تسوينها اول شي انا مثلك سمعت كثير عن الانقلش عندنا بس حبيبتي كلام الناس ما يوقف توكلت على ربي ودخلت وها انا ماشيه فيه ومحد ظالمني الحمدلله:wink: مثل ماقلت لك استخيري وثقي بنفسك ومافي تخصص يخلوا من الصعوبات بس حطي ببالك انك تدرسين لغه ولابد تواجهين صعوبات سواء بالتعبير والحفظ بس راح تتعودين ((:119::119: اي سؤال اختي انا حااااااااظره لا يردك الا لسانك:cheese:

R7MONA

2012- 4- 27 08:27 PM

رد: بخصوص كليتكم (كلية التربية بالجبيل)

احم احممممم , نبدا بسم الله :Looking_anim:
انا طالبه من الخبر وبكلية الجبيل سنه تحضيري
قبل لا ادخل جامعة كثير مدحوو التربيه الي بالجبيل
ورحتلها , وصراحه تحسفتتتتتت
وليومك هذا اتحسف اني مادخلت كليه التربيه الي بالدمام
بس نقول خخخخيره باذن الله :004:
صراحه مششدين من ناحية بطايق ولبس وكل شي تدخلين كأنك داخله سجن
ست عند الباب وبدون مبالغه كل يوم الصبح على هالحاله :139:
تحسسسين بغلقه :icon9: مو بنت جامعه :icon9: الله يصلحهم :icon9:
والجوالات أي جوال يشوفونه تكسير على طول :139:
ومن ناحية الدكاتره فيه الزين وفيه الشين
والابحاث والعروض ترا نفسكم كل ماده ولها عرض وبحث وكويز و .. و.. إلخ
وفوق ذااا تطقين مشوار للجبيل يوميا :(
مأججججورين باذن الله ,,
والاختبارات احنا بما اننا سنه تحضيري كلها مواد عامه
تجينا موضوعيه بس ممكن يجي سؤال مقالي

صراحه ونصيحه مني كأخت , ,
اسسسسسسسستخيري وراجعي تفكيرك :icon9:
والله يكتبلك الي فيه الخير :004:

وعندي سؤال انتو التربيه الي بالدمام , زينا باكلوريوس صح !!
واسألتكم بالمد تيرم او النهائي كيف ؟ زينا موضوعي بس سؤال مقالي ولا ؟!

وان شاء الله اكون افدتك
وهذي من وجهة نظري , حبيت تستفيدين منها :rose:
وارجع اقول الله يكتبلك الي فيه الخير :004:

عن نفسي ناويه احول للتربية الي بالدمام وبقوة :icon9:
الله يكتبلي الي فيه الخير :004:

άβεέεκ

2012- 5- 17 01:47 PM

رد: بخصوص كليتكم (كلية التربية بالجبيل)

بخصوص ردودكم عن التشديد في الزّي ,
أنآ هذآ الشي ايييزي بـ النسبه لي , ولآ أهتم,
بـ العكس أشوفه شي زين منهم الصرآحه ,
لأنّ بعض البنآت الله يهديهم لآبسه ولآ كأنهآ لآبسه :|:| ؟؟
ع العموم أنآ اللي يهمني الدكآترة كيف =/ ؟!
عقّدونآ الله يعقدّهم أن شآء الله :@:@:@
مآعلينآ ,

اقتباس:

وعندي سؤال انتو التربيه الي بالدمام , زينا باكلوريوس صح !!

يب هذي أوّل سنة لـ كلّية التربية بـ الدمآم ,
فيهآ بكآلوريوس وَ فيهآ دبلوم ..

اقتباس:

واسألتكم بالمدتيرم او النهائي كيف ؟ زينا موضوعي بس سؤال مقالي ولا ؟!

لآ حبيبي , عندنآ مقآلي وَ موضوعي على حسب الدكتورة ,
يعني مو بس سؤآل وآحد مقآلي =/ ,!!
لآ تلآقين 2 , 3 مآتدرين ..

يعطييكم العآفيه ياللي ردّيتم (l)
وَ إللي تخصصهآ عنقلش < ربي يسعدك ع الرد =)))
بـ التوفيق لـ الجميع يآآآآآآآآآآرب :106:

Nosah

2012- 5- 23 10:01 PM

رد: بخصوص كليتكم (كلية التربية بالجبيل)

:Looking_anim:

All times are GMT +3. الوقت الآن حسب توقيت السعودية: 07:18 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه