ملتقى طلاب وطالبات جامعة الملك فيصل,جامعة الدمام - السنة التحضيرية آستفسآر عن دكآترة السنه آلتحضيريه

سلام

بغيت اقولكم ان دكاتره التحضيري اغلبهم تمام http://www.shooq4.com/vb/images/bb/32.png يمكن فيه كم وحده عليها ملاحظات , بس بشكل عام جيدين وما منهم خوف .. http://www.shooq4.com/vb/images/bb/5.png

و فيه شي حلو ان اسئئلة الامتحانات موحده لو دكتورتك ما حددت او حذفت لك بعض الاشياء تقدرين تاخذينها من البنات اللي تعطيهم دكتوره ثانيه وتكون اشرت لهم وكذا , و المنتدى بيكون افضل مكان لتعاون الطالبات ونقل الاخبار والتاشير والاشياء المهمه ..

اللحين بقولكم عن الدكاتره والمعيدات اللي جربتهم http://www.shooq4.com/vb/images/bb/21.png
طبعا انا علمي يعني اخذ مواد مشتركه بين العلمي والادبي ( المواد العامه ) و مواد خاصه للعلمي , المواد الخاصه للعلمي بكتب جنبها علمي عشان تعرفون http://www.shooq4.com/vb/images/bb/17.png

تحرير عربي : دكتورة بثينه الجلاصي (تونسيه ). شرحها جميل ومختصر وتعطيكم اسئلة الامتحان على شكل اسئلة مراجعه http://www.shooq4.com/vb/images/bb/21.png http://www.shooq4.com/vb/images/bb/35.png
اهم شي خليك سيدا معها ولا تسوين حركات نص كم لانها بتقلب عليك وعلى الكلاس كامل http://www.shooq4.com/vb/images/bb/9.png http://www.shooq4.com/vb/images/bb/13.png http://www.shooq4.com/vb/images/bb/28.png بس مهما تسوي عسسل وبالاسلوب الطيب والمؤدب تراعيك بس تكلمينها في الوقت المناسب :064:

احياء عامه و ماده ثانيه صحة ولياقه : دكتوره ناهد رمضان ( مصريه )http://www.shooq4.com/vb/images/bb/16.png ارووع دكتوره مرت علي انسانه مرتبه و منظمه في عملها وتحترم الطالبات وتستقبلهم في مكتبها اي وقت تكون فاضيه ونادرا ماتتذمر , بتطلب منك اعمال مثل مجله و واجب فردي وتسميع وحمله جماعيه وغيره انتي التزمي بالوقت اللي تحدد لك اياه وسلمي اعمالك دائما تعطي الطالبات بونس (درجات اضافيه ) مقابل اعمال تطلبها منكم احرصوا عليها , في المحاضره ضروري يكون معك نوت في المادتين (احياء عامه للعلمي وصحه ولياقه للادبي ياخذونها الترم الاول والعلمي ياخذونها الترم الثاني ) وتسجلين في النوت الكلام اللي تقوله او يكون كتابك مفتوح وتاشرين على الكلام اللي تركز عليه وعلى فكره هي طريقة شرحها جميله جدا http://www.shooq4.com/vb/images/bb/5.png تشرح بشكل شامل ومبسط في نفس الوقت http://www.shooq4.com/vb/images/bb/21.pngوبطريقة سهله تخليك تستوعبين المعلومه بكل سهوله وبعد ماتخلص شرح تراجع معكم المحاضره مره ثانيه وتشغل لكم بور بوينت مدعم بالصور والفيديو ولاتخافون كل هذا تخلصه في وقت معقول وسريع نوعا ما > وتلوموني فيها http://www.shooq4.com/vb/images/bb/22.png http://www.shooq4.com/vb/images/bb/31.png, اسئلة الاختبار من الشرح اللي هي تقوله وتركز عليه عشان كذا قلت لكم سجلوا معها اول باول .. لو سمعتوا كلامي بتاخذون A او A+ بكل سهوله http://www.shooq4.com/vb/images/bb/32.png , وفيه معمل للاحياء اخذته عند استاذه موضي القحطاني مافي غيرها يعطي احياء عملي انسانه حبوبه ومحترمه جدا جدا وماعليها كلام http://www.shooq4.com/vb/images/bb/32.png, مدة المعمل ساعتين بس انها كانت تخلص معنا بدري ونطلع , طبعا لازم يكون معك ملزمه تشترينها من المكتبه ترسم الاستاذه كم رسمه على السبوره وتشرحها والمطلوب منك ترسمينها في الملزمه مع البيانات واغلبها رسوم بسيطه اخذناها في الثانوي وفيه مجاهر تشوفون شكل الشرايح والعينات اللي درستوها مثلا ( انسجة الجسم المربعه والمكعبه وغيره ) والمطلوب منك تحفظين شكل الشريحه عشان تتعررفين عليها وقت الامتحان بحيث انها تجيب لك كذا شريحه وتقولك اكتبي وش شفتي وتطلبك ترسمين كذا رسمه من الرسمات الموجوده في الملزمه .. المعمل سهل جدا جدا جداااا ,, واغلب البنات ياخذون فيه كامل .

كيمياء عامه ( للعلمي ) :اعطتني استاذه هيا الاحمري , طبعا الماده هذي سهله وكلها اشياء اخذناها في الثانوي الاستاذه بتشرح لكم شرح سريع وتقول ارجعوا للكتاب اقروا الموجود وتمرنوا اذا كان فيه مسائل ... في هذي الماده اعتمدي على نفسك واشرحي لنفسك سواء كنتي عند استاذه هيا او دكتورة شيخه الخرساني لانهم كلهم بيشرحون شرح سريع وتحسين نفسك ضايعه ويقولون ارجعي للكتاب واقري اللي فيه http://www.shooq4.com/vb/images/bb/21.png وصح كلامهم في المحاضره تضيعين مع شرحهم الجميل :sm5: بس لو فتحتي الكتاب بتحسينه اشياء مفهومه وسهله المول والكتله والجدول الدوري وذي الاشياء .. , لو اخذتي مع استاذه هيا ضروري تجيبين معك الكتاب لانها تأشر معك المحذوف اول باول كل محاضره بمحاضرتها , الكتاب كبير وفيه اشياء كثيره محذوفه , لاتقولين باخذ من البنات لانها تختصر لك بعض التعاريف وتحدد المسائل واشياء مايهتمون فيها الكثير من البنات وهذا اللي شفته انا بنفسي ولا اثق الا في تحديدي
معمل الكيمياء اعطتني المعمل استاذه ايمان وجربت استاذه امل بعد كلهم شرحهم ممتاز وطيوبات واسئلتهم موحده وسهله , في المعمل بيكون عندك ملزمه فيها الدروس جاهزه طبعا الدروس بتكون عباره عن تجارب ممتعه فيه بعض المعلومات الدقيقه انتي ضيفيها على ملزمتك لان الملزمه ضروريه وبتدخلينها معك يوم الامتحان النهائي http://www.shooq4.com/vb/images/bb/35.png وتتبعين الخطوات الموجوده فيها ( اختبار الكيمياء العملي يعتمد على استنتاجك ومشاهدتك عشان كذا احرصي على حضور المحاضره لانكم بتتمرنون فيها لييين تطفشون عشان يجي يوم الامتحان وكل شي سهل باذن الله ) , اغلب شغلكم وقت المعمل بيكون على شكل قروبات تسوون تجارب وتتابعون النتيجه والمشاهدات .. بشكل عام المعمل سهل جدا بس انتي احرصي واسالي لاتترددين في سوال استاذتك حتى لو حسيتي ان اسالتك كثير اسالي محد بيسكتك وترا ااستاذات المعامل ( كيمياء , فيزياء , حاسب ) توهم بنات متخرجات يعني بتاخذين راحتك معهم و مافي احراج ان شاء الله http://www.shooq4.com/vb/images/bb/5.png

مقدمه في الحاسب الالي : اعطتني استاذه نجلاء ( سودانيه ) كويسه ومتفهمه ركزي معها في المحاضره لانها تحب تراجع الفقره السابقه على شكل سؤال تساله للطالبات ولو حستك مفهيه بتختارك تجاوبين http://www.shooq4.com/vb/images/bb/14.png اسئلتها سهله وكل شي في ذي الماده تمام . معمل الحاسب اخذته عند استاذه تغريد سهل كله تطبيق على الكمبيوتر زي في الثانوي http://www.shooq4.com/vb/images/bb/21.png http://www.shooq4.com/vb/images/bb/32.png

مبادئ التربيه : اخذتها عند استاذه رباب انسانه مثقفه وراقيه وتحب تسولف مع الطالبات ماده سهله وجميله من واقع حياتنا تاخذين فيها A وانتي مغمضه http://www.shooq4.com/vb/images/bb/22.png

مبادئ الاحصاء : اعطتني اياها دكتوره رائده رشيد ( اردنيه ) دكتوره نشيطه و امينه ولاتحب الظلم في الدرجات دايما توزع بنات الكلاس قروب ثابت على مدار الترم وتحب تكونون جالسين مع بعض في شكل حلقات ( بالكراسي طبعا مو في الارض http://www.shooq4.com/vb/images/bb/18.png ) وتطلب منكم اعمال جماعيه ويكون فيه قائده للقروب او رئيسه مسؤوله عن الاعمال وكذا وبالنسبه للماده الماده جميله وممتعه فيها بعض القوانين الرياضيه ( ضروري بنات الادبي يركزون في هذي الماده واذا عندهم سوال لا يترددون في سوال الاستاذه ) وفكرة الماده ان انتي ان شاء الله اذا تخرجتي وصرتي معلمه او مديره كيف تحصين اعدد لطلاب ودرجاتهم وكم عدد المتفوقين وكم عدد الراسبين واشياء زي كذا , الماده جميله واغلب البنات ياخذون فيها درجات عاليه http://www.shooq4.com/vb/images/bb/32.png

مهارات البحث : اعطتني اياه دكتوره رائده رشيد >>> تاخذونها الترم الثاني الادبي والعلمي

انجليزي عام : استاذه نهاد عسيري حبوبه وطيوبه وكل شي فيها تمام http://www.shooq4.com/vb/images/bb/32.png > ادبي ياخذونه الترم الاول والعلمي الترم الثاني ,,, واستاذات الانجليزي كلهم طيوبات والكل يمدحهم

صحة ولياقه : دكتوره ناهد رمضان

ثقافه اسلاميه : استاذه عذاري اليابس كل شي فيها تمام http://www.shooq4.com/vb/images/bb/32.png محترمه وتعاملنا زي خواتها الصغار , وتحب تسوي كويزات وتطلب منك بعض الاعمال والشروح وتعطيك مقابلها درجاااات بالهبل http://www.shooq4.com/vb/images/bb/22.png http://www.shooq4.com/vb/images/bb/31.png وكل دكاتره الدين بشكل عام جيدات ونادر ما اسمع بنت تشكي منهم ( دكتوره ناديه عياد و دكتوره تغريد وزه ) > مصريات

رياضيات عامه (علمي ) : اعطتني استاذه معالي انسانه فاهمه وعمليه شررحها يعجبني تحسين شرح وحده فاهمه http://www.shooq4.com/vb/images/bb/31.png في الرياضيات ضروري يكون معك نوت وتكتبين وراها كل شي وخليك سرريعه لانها تكتب وتمسح السبوره عشان تمشي بالشرح ما بتستنى حضرتك تكتبين http://www.shooq4.com/vb/images/bb/2.png , وفيه ساعة تاخذون فيها تمارين اعطتني اياها استاذه رغد حبوبه وطيوووبه وعسل و تزنن http://www.shooq4.com/vb/images/bb/31.png http://www.shooq4.com/vb/images/bb/22.png

علم النفس : درستها عند دكتوره منال محروس ( مصريه ) دمها خفيف وطريقة شرحها جميله وبسيطه واساسا الماده هذي كنها سواليف واشياء تحصل في حياتنا , احرصي يكون معك كتابك لانها تحدد بعض الاشياء وقت المحاضره .

-
-
-

هذا اللي عندي ,, و من تجربتي انا و من كلام صديقاتي اللي اخذوا مع دكاتره غير اللي درسوني مافيه اي دكتوره احذرك منها او انصحك انك ماتسجلين معها , انتي لو كنتي مؤدبه والتزمتي الانظمه والقوانين محد بيزعجك او يضايقك .. ولو حرصتي على نفسك وذاكرتي بجهد معتدل ومتوازن بتاخذين اعلى الدرجات , وهذا كلامي من واقع تجربتي الشخصيه
http://www.shooq4.com/vb/images/bb/21.png ولو فيه دكتوره ظالمه او تخوووف صدقوني ما بكون ترددت في اني احذركم منها http://www.shooq4.com/vb/images/bb/2.png لاتسمعون لكلام البنات اللي يخوفونكم و يحبطونكم http://www.shooq4.com/vb/images/bb/33.png

مع تمنياتي للجميع بالتوفيق http://www.shooq4.com/vb/images/bb/31.png http://www.shooq4.com/vb/images/bb/31.png http://www.shooq4.com/vb/images/bb/31.png
لاتنسوني من دعواتكم http://www.shooq4.com/vb/images/bb/34.png