ملتقى طلاب وطالبات جامعة الملك فيصل,جامعة الدمام - ^^السنة التحضيرية و تجارب الطالبات ^^

هلا نوارا
والله التاريخ غلاتي بالضبط ماذكره بس اللي اعرفه انو كنا مع المدارس وانقهرت مامداني احر اخواني :017:بس قبل الأختبارات نغيب اسبوعين اسبوع على حسب متى تخلصين المواد بالنسبه للأختبارات اليوميه مافيه يعني اذا الدكتوره بتعطيكم كويز بتخبركم من قبل وبالنسبه لورش العمل شي بسيط في الحياه هي تعتبر نشاط يعني تجمعون قروب 6 بنات مثلاً وتسوون عرض بور بوينت تشرحون بوه المحاضره او بحووث وعليه درجات حليووه مايستهان به تنفعتس بعدين وبالتوفيق

ايه انا خاطري اتكلم عن نقطه مهمه الغياب الغياب ثم الغياب انا بحطكم بالموقف اللي رح يكون بعد اول غياب تخيلو معي الموقف احم تعرفون سنه تحضيرية ولابد من الهياط واحنا ماتعرفنا ع الكولج يله بنات نسحب ع الماحضره اول غياب لاتصيرون دوافير اصلا مافيه شي بالمحاضره يله وتسسسحبين والمره اللي بعدها تعبتي وغبتي بذاك اليوم قلتي يله بجيب عذر جبتي عذر والله الدكتوره روحي للشؤون تجين الشؤون وش ذا لا مو هذا العذر اللي نبيه يعني خسارة الورقه اللي انطبعت امنا بالله غياب غياب ماباليد حيله بقا لك غياب ثالث وبيجيك انذار والرابع حرمان شوي الا جيتي متاخره وهاذي بتصير كثير يعني رح اقولكم بعدين عن اسباب التاخر نكمل موقفنا دخلتي الكلاس احمم السلام عليكم :mh318: الدكتوره: برااااااااااااا :017: وهذا ثالث غياب بعدو حضرتي بنص المحاضره قاصره صوتس لو سمحتي معتس كلينكس الا
الدكتوره :انتي يابت اسمك ايه !!
أنتي: هاه فلانه الفلاني <<<فيتس خير لاتقولين :000:
الدكتوره : حسبتك غياب اخرقي براا
انتي : دكتوره لا بيجيني حرمان <<لاتفكرين تناقشين ماحد معطيك فيس
وش حالك بعد هذا الموقف تركضين ورى الدكتورات وتشحذ ومستشفيات خاصه وقلق واعذار والشؤون قبلها والدكتوره رفضت والعكس صحيح
7
7
7
زبدة الهرج كله
حاولي ماتغيبين قدر الأمكان
طيب خلونا نتكلم عن الغياب وكيف انتي تقللين من غيابك !!
لعلمك الغياب 4 محاضرات ثالث محاضره تعطيك انذار واذا غبتي الرابع اعرفي انتس حرمان كيف حرمان يعني حملتي المادة

طيب بالنسبه للاعذار الطبيه
غبتي ذاك اليوم كنتي تووعبانه رحتي للمستشفى انتبهي لنقطه مهمه
قولي ابي اجازة لاتاخذين اشعار مراجعه لأنو جننوني هالشؤون بذا النقطه ورجعوني بأكثر من ورقه جبتها طيب وش الفرق بين الثنتين اشعار مراجعه يعني زرتي الدكتور بس شاف انو حالتلك ماتستدعي اجازه طبيه شوفو الدبب تسيف يدققون يعني بالله جيت المستشفى اتمشى يعني :017:
المهم انتبهو لها
حاولي ماتسحبين يعني البنات بتلاقون وياهم وقت البريك اذا تحمسو يسحبون قولي طيب نشوف الدكتوره وش عندها واذا سماجه انحشنا وماعليتس بس تدخلون الكلاس بنت امها تنحاش :(284):
طيب وش الأسباب اللي ممكن تأخرك ع المحاضره :
*الكلاااس انتي كاطالبه سنه تحضيري مستحيل من ثاني اسبوع بتحفظين مواقع الكلاسات انتو بتكون محاضراتكم بجناحين أ ؛ب طبعا الكلاسات مرقمه يعني مثلاً 2أ ؛ 5ب تسذا
اللي ابيه منتس انو الصبح لاجيتي هاذي للي ينسون كثير تروح تشوف وين موقع محاضراتها لليوم كله وجدولك خليه معك لاتضيعينه خليه في البوك عشان ماتضيعين وقت وتنشدين فلانه وعلانه

* وقت المحاضره حاولي تروحي قبلها بعشر دقايق يعني لين توصلين لأنو بتلقين زحمه ع الدرج كالعاده خاصه بعد البريك ايه طيب صارت وجيتي طالعه ع الدرج متأخره الا تطلع بوجهك فلانه هاذي ماشفتيها من زمان بتنحرجين وبتسلمين طيب ياقلبي لاتدقينها سوالف عادي قوليلها معليش عندي محاضره ومتاخره عليها وكملي هرجتس وانتي ماشيه بعد لاتقولين عيب فشله لا ترى هي طالبه جامعيه زيتس وتعرف النظام وهي لو عندها محاضره ماوقفت معتس:(177):

طيب اللحين نقطه مهمه مراقبة الشبكات يمكن اغلبكم مايدري انا شقصد هاذي ياحبايب قلبي مراقبه تكون موجوده لما تكون الماده مع دكتور هاذي تاخذ الحضور وتحافظ على هدوء القاعه وتسذا طيب كيف تتعاملي معها انا السنه الماضيه جننتهم وهم جننوني اجي متاخره يسوون لي سالفه اتكلم غياب ساعه ماعرفت لهم الا اخر السمستر صرت اجيهم بالريق الحلو يعني جيتي متاخره روحي عندها وسلمي عليها وهي ليش متاخره وتبي تغيبتس انتي عاد ابدي تمسكني :bawling: كنت اصلي اذا كانت الماحضره ثالثه ولا كنت بالشؤون وافضل شلتس اللي في شعب ثانيه مايوصلونتس لأنها لاشافتس معهم بتعرف انتس تسذوب هع والله وبالكلام المعسول بتمشي بس عاد انتن لاتاخذنها حلا كل محاضره متاخرات :017:

<<<احس اني كثرت هرج بس وربي الشاهد اني ابي افيدكن عسوولاتي واعذرونا ع القصور اي خدمه انا فيذا :(204):