المشاركة الأصلية كتبت بواسطة bashayer =$ (المشاركة 7811619)

المشاركة الأصلية كتبت بواسطة ms.tsleek (المشاركة 7810896)

اساسا معروف من اول ان تخصص الانقلش في كليتنا انه ادب انجليزي وليس ترجمه لان فيه اقسام في كليات ثانيه تكون ترجمه

وادب الانجليزي يركز على النثر والروايه والشعر والدراما والمسرحيه ومدري ايش يعني المفروض تكونون عارفين هذا الشي من البدايه ان قسم الانجليزي في كليتنا ادب انجليزي وليس ترجمه

لان فيه تخصص انجليزي في كليات اخرى يكون لغات وترجمة يبداون معك من a b c d لين تصيرين تمشين وتترجمين الانجليزي في جميع المجالات

كان المفروض تستفسرون من قبل ان ايش الانجليزي اللي في كليتنا
اللحين خلاص تخصصتوا وحصل اللي كتب ربي و ممكن تمشون فيه وتتفوقون بعد اذا طورتوا اللغه عندكم بالتعليم الذاتي من المواقع او دورات خلال الاجازه الصيفيه والترجمه اول باول , اتوقع انه حفظ اكثر من انه فهم لانه ادب يعني ترجميه وافهميه بعدين احفظيه
انتي بس حبي تخصصك و اللي تشوفينه صعب سهليه على نفسك النت عندك بضغطة زر تحصلين اي شيء تبغينه وخلي همتك عاليه ولاتسمعين للتحطيم اذا كنتي انتي فعلا حابه الانقلش ولو قالو لك شوفي كم وحده حولت او رسبت او دبلت سنين الدراسه اسالي عن طريقة مذاكرتها مليون بالميه ماكانت تتبع الطريقة الصحيحه اللي هي ترجمه بعدين فهم وحفظ او غيره من الطرق المناسبه اكيد كانت تمسك الماده قبل الامتحان بكم يوم وتبغى تنجح بعدين كلها 4 مستويات وتتخرجين فشدي حيلك فيها والسنين الباقيه هذي من اهم السنين في حياتك لاني هي اللي يبني عليها طموحك ومستقبلك

هذا الكلام مو لبنات الانقلش بس لجميع الاقسام الرياضيات مثلا ><" وانا اكلمكم من واقع تجربه احضر المحاضرات واتنح ما افهم شي نهائي عندنا دكتورة الله يذكرها بالخير بس كانها تعطينا درس املاء ولا التمارين حوسه مافيه كلاس ثابت وتاخرنا نص ساعه لين تلقى كلاس وتعطينا التمارين قبل ماتشرح الدكتوره المحاضره المتعلقه بالتمارين والاسئله مدري من وين تجيبها مو من مستوى المحاضره اللي نناخذها ابدا وقبل الاختبار بكم يوم اذاكر واجيب درجات الله المستعان بس ماعمري جبتها في حياتي ابدا :") بس يوم صرت اذاكر واحاول افهم نفسي وافتح مواقع شروحات وكذا وقنوات تعليميه في اليوتيوب الحمدلله احس اني بديت استوعب وارتفعت درجاتي نوعا ما
> احس اني تحمست وطلعت برا محور الحديث بس كلام في صدري وطلعته :")


خلاصة كلامي
اهم شيء اللحين عند اي طالبه الهمه لازم يكون عندها دافع قوي من داخلها انها تتخرج بمعدل محترم وماتخلي اي شي يوقف في طريقها سواء اسلوب او شرح دكتوره او تحطيم من البنات او درجات منخفضه لان زي ماقلت هذا مستقبلك وكل شيء بيدك انتي لوحدك


بالتوفيق للجميع

المشاركة الأصلية كتبت بواسطة nourah.r (المشاركة 7818957)

نبي نرفع خطاب نبيهم يحسنون مستوى التدريس
انا كنت بكليه ثانيه ادرس انقلش كان طاقم التدريس رائع ومتعاون ويعيدون الشرح مره ومرتين ويعطون امثله توضيحيه انصدمت لما جيت هنا تقراء لنا العرض وتطلع :23: