ملتقى طلاب وطالبات جامعة الملك فيصل,جامعة الدمام - السنة التحضيرية بنآت ابي اسماء المواد سنة تحضيري علمي

ما ازيد على كلام ياقوته شي :004::004:
كفت ووفت :wink:

بس حبيت اقول لكم لا تعتمدين على ذاكرتك و بس
يعني لما تطلب الدكتوره شي اكتبي بورقه بالتفصيل
عشان ماتنسين ولا تضطرين تاخذين من احد شي المذلة شينه :119:

واذا كان فيه عمل جماعي بحث او عرض او اي شي
ابحثي عن جزئك بدري لا تتاخرين و اعطيه البنت المسؤوله عن البحث او العرض
يا تتفقون وترسلينه على الايميل او تشترين فلاش ميموري خاص فيك و يكون للكلية فقط
نصيحه لا تجيبون واحد فيه صور او اي شي احتمال كبير يضيع بالكلية او بالباص :sm4:
وخلي لك ملف باللاب توب للكلية رتبي فيه واجباتك و بحوثك و عروضك وحطي نسخة منها بالفلاش
عشان لا سمح الله لو ضاع الفلاش عندك نسخة من الواجب او البحث ايا كان باللاب توب

وفيه شغله حلوه انك تحددين مع الدكتوره الكلام المهم بحيث لو كنتي تعبانه او مالك خلق تدققين بالكتاب
تقرين المهم و تفهمينه للكوز Quiz اوكيه ؟
خصوصا اللي تجي من بعيد راح يكون وقتكم ضيق ويادوب تريحون كراعينكم من المشي و الجلسة بالباص :biggrin:
وعموما لو كنتي مركزه ومن النوع المجتهد باذن الله بتجيبين درجات حلوه وكامله
محد ياخذ فل مارك وهو مايذاكر ومايدري عن الكتاب وشفيه :58545:

وبالنسبة للجداول روقي و الاغلبية تقريبا نفس اوقات المحاضرات مافيه اختلاف
و احتمال كبير مايكون فيه اوف انا كذا العام الترم الاول والثاني ماكان عندي اوف :sm1:
بس والله بتتعودين واذا كان معك صديقات بيروح الوقت ..
والمواد انا اقول خذيها كلها هو صح تعب بس بتعرفين قيمته بعدين
لو كنتي تبين تخلصين ب4 سنوات خذي المواد زي مايحددونها لك الكلية
ولو عادي عندك تطولين خففي المواد و خلي لك يوم اوف هذا كله راجع لك انتي
والافضل تخلصين بدري , وعلى فكره المكافأه مدتها 4 سنوات فقط بعدين ماتنزل
يعني لو طولتي ماراح تنزل لك مكافأه :(204):
حاولي على الاقل يكون معدلك اعلى من 3.5 والـ4 حلو كثير
عشان تقدرين تسجلين كل المواد وتمشين على الخطة
لا تقولون صعبة هي سهله بس يبيلها تنظيم و مذاكره :004:
واللي بتشد حيلها وبتجيب 4.5 او 5 لها مكافأة تفوق نهاية السنه اتوقع 1000 ريال
بس .. :106:

والله يابنات ماكتبت لكم الا من واقع و ماحبيت اشوفكم كذا وما افيدكم
والله يوفقكم ياقلبي :106: