|
الدراسة؛
السلام عليكم أبي رد شافي لسؤالي, وشوو صار بموضوع الدراسه.؟؟ :011: ما أبي أجلس في الأحساء أسبوع كامل على الفاضي ياريت الي يعرف الخبر الأكيد يقول لنا تحياتي؛:119: |
رد: الدراسة؛
حلم انتي أي دفعه
دفعة 2010 والله اشوفهم محتارين يروحون الكليه ولايشوفون شي اذا انتي غير الدفعات الثانيه فالدراسه ابتدت |
رد: الدراسة؛
. يالغاليـه احنا سنة اولى وللحين محتـآرين .. اذا في دراسه هالاسبوعَ او لا .. ماندري :( . ياليـتَ نحصل رد ..~ |
رد: الدراسة؛
:Cry111:ياليت حد يعطينا خبر عن الدراسه:Cry111:
|
رد: الدراسة؛
بنـات علـى مسؤوليتـي :: لا تـداومـون :cheese: :cheese: انـا بعد مستجـدة مثلـكم داومت اليوم ما ستفدت شي ... بس اقاويل يمكن ويمكن ! وسألوا دكتورتكم وسألوا دكتوركم !! طيب شمعرفنا فيهم احنـآآ :103: يمكن فيه دراسة ويمكن لا وتعالوا اسبوع الجاي وتعالوا بكـرآآ شلـون دراسة ؟؟ وأصـلاً وين ندرس والمكان بهالشكل !! انا عن نفسـي بكـرآ بداوم س 11 وبرد س 12 عشان الجداول لأني سمعت أن تبع البـآنر مو أكيدة ما بعرف شو والعملي ما نزل للحين !! برجع من الكلية وبنزل الدمـآآم :mh001: اقعد شسـوي بيعطون محاضرات بالرمل والغبرة و الوساخة هذي ! خل يعطون ويسجلوني غياب بعد :150: |
رد: الدراسة؛
يااللي فوق وانا مثلك بعد داومت اليوم ....
وعععععع حامت كبدي من الغبره والوسخ .... من جدهم ندرس في ذا ...لا انا بستخف يعني ينقال عنا بنات العلوم يعني المفروض يرزونا شوي ...بنات الدراسات احسن منا يعني احنا حتى الشاشات مثل وجهم ...:s3: مبنى يلوع الكبد ؟؟؟:017: وانا عن نفسي ما راح ادااااوم ويصير اللي يصير :Cry111: ومن عندي لا تداومون احسن لكم هع ...:cheese: |
رد: الدراسة؛
من جد المبنى يقرف الكبد
:no2: انا داومت اليوووم بس بكرا يدورون اللي بيروح لهم عاد هذا اولها ينعاف تاليها:103: |
رد: الدراسة؛
انا بروح يوم الاحدالساعه 12 ونص للخرابه:g4: :وبشوف لان شعبتي ال7 وهذا وقت دوامنا
وباسالهم وبستفسر هذا اذا عطونا الاجابه الشافيه: :103: : الصراحه انا مارحت السبت لان صديقتي دقت علي وراحت على الفاضي:017: المهم ابي اعرف وشو التاكيد الي تتكلمون عنه فيه تاكيد غير الي سويناه بالبنر |
رد: الدراسة؛
بسم الله الرحمن الرحيم
اللهم صل على محمد وال محمد انا مثلكم يابنوتات ويام شفت الكليه بهالشكل ماتهيأ للدراسه شكلي ماراح اروح الاسبوع هذا كله لان اصلا وين بيعطون اذا القاعات وسخه |
رد: الدراسة؛
بنـآآت إليـكم أهم الأخبـار لهـذا اليـوم !! :cheese: بنـات المجموعـة الـ 3 أخـذوا محاضرة " حيـآآ " :hahahahahah: ويُقـال أخذوا الحضور بس مدري عن الغيـآآب !! وشنو المحاضرة قالت لهم عن الكتب و شرحت شنو يعني الأحيـآآء :think: ~> أولى ثانوي على غفلة :p سمعـت أن المجمـوعة الـ 5 و الـ 1 و مو متـأكدة الـ 6 كمـآآن أخذوا محاضرات (( يقولون فوق في قاعات نظيفة نوعـاً ما أو مرتبة والله مدري ! )) بس مثل ما قلت لكم عن المحاضرة عبارة عن " كلام فاضي " :cool: وقـالوا لهم :: المحـاضرات اللي بتكون عبر الشـاشة " شبكـآت " ~> دكتور يعني هالـأسبوع ماراح تاخذونها لأنها ماجهزت ~> الله والمبنى الجاهز ألحين !! :087: وبخصوص مـواعيد العملـي ‘‘ قالوا لهم بنعطيكم إياها السبت الجـآآآي :o3: وأنا كنت بداوم س 11 اليـوم بشوف وش سالفة الجـدوآل بس فيه ناس داوموا وقالوا مايحتـاج تتعبين نفسج ! ~> فما تعبت نفسي :119: عمشـه بنـت مقحـص :eek: ويييينج يا بنت الحـلآآآل .؟! أخيـرآ لقيت وحـدي معـاي بالمجمـوعة !! تعبت وانا ادور وللأسف دوامنـا " مسائي " :011: يعني سأستمر على نفس الروتين ... سهر × سهر وبخصوص محاضرتنا اليوم .. بتكون مع د. ماهر ~> يعني شبكات .. يعني مافي :oao: وبكـرآآ عندنـا " كيـم " ~> يعني دكتورة بس ما بداوم لأني أعرف شنو معناة كيم !! :mh01: وانا خلاص نويت أنزل الدمـام اليوم :bgs15: بس ان شاء الله البـاص يوافق يرجعنـآآآ ولا بنروح بالقطـآآر عالعموم خيتـو ماعليج أمر إذا داومتي وصار أي جديد .. ياريت تخبرينـي :119: وشكـرآ مقدمـآآ وإن شاء الله نلتقي |
رد: الدراسة؛
زين اني مانزلت الحسا على الفاضي
خلاص انا مش مداومه الا في 28 والي تروح تعطينا موجز الاخبار حق الايام هع هع:mh35: |
رد: الدراسة؛
بنــآت المجموعه الثالثه .. اخذتوا اليوم محاضرة احيــآء ..؟؟ :000: انا بصراحه مارحت .. لان وضع الكليه مايهيــأ للدراسه ..~ بس ان شـآء الله ما اخذوا الغياب .. :p . . وفي دوام بكرى والا لا .؟ |
رد: الدراسة؛
طيب والمجموعه 2 مافي عنها اي خبر بليييييز ردوا علي:mh19::Cry111:
|
رد: الدراسة؛
مملوحة الوصـايف :: أي الحمد لله :cheese: بس أسبوع الجاي مانبي نشوف مواضيع اللي بيداوم تاريخ 28/10 يدخـل !! :hahahahahah: زهرة الكرز :: أي أخذوا محاضرة الأحيـآآء ‘ بس مثل ما قلت لكم بس قالت لهم سنو يعني حيـآآ :hahahahahah: وقالت لهم عن الكتب وهالسوالف وانتوا بكرا واللي بعده واللي بعده كل محاضراتكم ~> دكتور يعني مافي لأن الشاشات ما جهزت للزمـن جـروح :: بصراحة ماعندي خبر عن مجموعتكم ‘ على كل حال انا خلاص ما بداوم هالأسبوع لأن وببساطة " مـافيه شـي " و " لا تتعبون روحكم على فـاضي " :119: |
رد: الدراسة؛
السـلام عليكم
مسائكم نجاح ونظافه <- متفائله ومتعقده من الكليه ! :cheese::cheese: أنا بالمجموعه الرابعه حضرت فيز سجلت حضـور لأن وصلت المبنى والقاعه بعد نصف ساعه من بدء المحاضره بكره بروح وبشوف لأن مافيه مواصلات تبع السكن عشـان أرجع موفقات بنات |
رد: الدراسة؛
هههههههههههههههههههه زين اجل اليوم مارحت
والله ماتقصرون وبكره مافي ناااايس:g11: ولا تقصروووون بالاخبار السنعه:g2: |
رد: الدراسة؛
تاك تاك
هههههههههههههههههه ضحكتيني شكلك مليتي من مواضيعي ان شاء الله يووم 28 ما اكتب هذا الموضوع بس بنزل لــــــ 23 24 25 هع هع ادري طولتها معكم بس عشان نبي نستفيد:g20: |
رد: الدراسة؛
هلا بنات اني في المجموعة 3
اليوم دخلت الدكتورة واخدت غياب وتكلم شووي عن الاحياء ماتدروو عن الدكاتر بيدرسونا اول هالاسبووع لو لا |
رد: الدراسة؛
يؤ سجلونا غياب من اول محاضره خوش
يالله يعني احنا المجوعه الثالثه هالاسبوع كله مانداوم لانهم دكاتره بس حرام عليهم غياب من اول محاضره حنا وش درانا :017: وبعدين متأكدين مانحضر هالاسبوع لا يكتبونا غياب بعد انزين يوم دخلنا على الجدول مافي اماكن القاعات احنا شلون نعرف والا انتوا ياللي رحتوا شلون عرفتوا اماكنهم يعني مكان قاعتنا :Cry111:شو بيصير الحين يوم اخذوني غياب |
رد: الدراسة؛
السلام عليكم ورحمة الله وبركاته ....
تاك تاك .... وعموشه .....انتم بالسابعه انا بعد بالسابعه تقولوا مااختوا حاجه زين ...زين انا بصراحه لازم اروح واكلم شؤون الطلبه بابا مو مصدق اللي يصير.... |
رد: الدراسة؛
,’ زهوره .. :011: شفتي كيف حطونــآ غيـإب من اول اسبووعَ ..~ اصلا مايصير صــإير مافي خبر عن المحاظرإتَ ولا شي :( . الله يعينَ لايخصموون من درجـآتنا .. هذي بدايتها كذا الله يعين من تاليهــإ :000: يعني الحين خلاص مافي دوام الاسبوع كله ؟ |
رد: الدراسة؛
مملوحـة :: اي والله تضحكيني كل يوم نفس الموضوع ونفس المضمون :cheese: بس عدل كلامج لازم نستفيد ... عاد نبيج اول يوم تنزلين موضوع تقولين شسويتي لأن قمنا نحاتيج بالتوفيق حبوبة ^^ الفيلسـور :: هلا اختـي .. عليكم السلام والرحمة زين زين طلعلوا بنـات الـ 7 خلونا نسوي قرووب !! ماعرف حد انا اليوم الاحد ماداومت لان دكتور " فيز " والشبكات ماجهزت وبكرا عندنا دكتورة " كيم " بس ما بداوم لاني بنزل الدمام بروح بيتنـــآآآ :mh001: وشغله ثانية اصلا انا مادل بالكلية شلون يبوني اروح للمحاضرة :hahahahahah: يلا الله يوفقنـا كلنـآآ :love080: |
رد: الدراسة؛
على اني بروح يوم الاحد وكنسلت لان صديقتي راحت وهي بالمجموعه 2 وقالتلي هاجده الجامعه مافيها احد الا قليل بس قالولهم انه عندهم فيزياء
وقالتلي شمس وحر فانا خفت على بشرتي الورديه تحترق لوووووووول فما رحت مالي خلق عرق وخياس اما مجموعتي السابعه ما اعرف الا نفسي فيها ماعرف بنات غيري بهالمجموعه حسيت انها مهجوره والله انا بالنسبه للدوامنا مره عاجبني يعني من 1 الى 4 روعه اجل من صبح الله والله استانست يوم دريت انه في بنات معي:cheese: في امل اعرف بنات بمجموعتي اشوا:000: |
رد: الدراسة؛
بسم الله الرحمن الرحيم
اللهم صل على محمد وال محمد زهرة الكرز شكله ذي الاسبوع كله مافي لان الشبكات ماجهزت بس اهم شي مااخذوا محاضره بس خرابيط وانا اتوقع بس كاتبين الاسامي جي يعني مابعد يجي سجل الغياب والحضور هع |
رد: الدراسة؛
. اللهم صل على محمد و آل محمدَ زهوورهَ ان شــآء الله مايسجلونـآ غيــآب .. لاني بديت اتحطم هذي من اولهـآ غياب :cheese: بس مااتوقع .. لان اوول اسبوعَ ومحتـآسين مانعرف شي .. :000: . بتداووميـنَ بكرى زهووره .؟ عندنـآ محاضرة كيم ولاندري اذا فيه او لا ..!! |
رد: الدراسة؛
:119:ههههههههههههههههه يسجلون براحتهم غيااااب بس انا اقول اللي عندهاا دكتوره بكره تداوم اما اذا كان دكتور لامايحتاج واذا كان عندها أوف مثلي مايحتاج تروح
خخخخخخخخخخ:119: |
رد: الدراسة؛
أبي أسأل عن المجموعة الخامسة عطوهم محاضرات لو لا
وين داومو والكليه فوق تحت وصحيح سجلو حظور وغياب ؟! وكم طالبة حظرت المحاضرة من شان يسجلو حظور وغياب؟! |
رد: الدراسة؛
انا المجموعه 5 بس ماداومت ولا يوم
مالي خلق بروح السبت |
رد: الدراسة؛
انا بالثااالثهـ
تاكـ تاكـ :cheese: تحدين البناااآآآت ع الغياااب :cheese::cheese::cheese: :017: مو تعصبين امزح |
رد: الدراسة؛
أنا أصلاً نزلت و لا أستنيت حظور لو غياب ,, تعبت نفسيتي من يوم شفت الكلية , موفقين يارب لكم جميع , بس سمعت أن المجموعه الخامسة عطوهم محاضرات .؟؟ عادي شحلات الغياب من أول أسبوع, شكراً لكم جميعاً عزيزاتي على المرور الطيب , أنبسطت معاكم :119: |
رد: الدراسة؛
:mh35:تقول الاداريه حتى تعرفين قاعد محاضرتك عطيها اسم الدكتوره وهي تعطيك رقم القاعه وتدلك فين محلها :c8:
:no2: كلها اسبوووووووع وويمضي صدق تعبنا نفسين:cheese: :g20: :g11: والستايل والبشره جد بتخترب :g4: <<<<< طولتها وهي قصيرة |
رد: الدراسة؛
اقتباس:
:cheese: :cheese: نعم نعم للغيــآآب نعم نعم للغيــآآب نعم نعم للغيــآآب لأن مافي مافي دوآآآم :g8: بالتووفيق و يابنـآآت لاتدومون هالـأسبوع :mh001: فلوهـآآ وعلوهـآآ :hahahahahah: |
رد: الدراسة؛
بسم الله الرحمن الرحيم
اللهم صل على محمد وال محمد زهرة الكرز انا اليوم مااداومت وصفحة امل وتاك تاك يلا كلنا طقه وحده كلنا غايبن هذا الاسبوع بس لاسج يسجلونا غياب احنا دكاتره يعني مافي شبكات شنسوي نروح انزين بنوتات احنا اذا بعد بكره ماراح نروح متى نطلع البطاقه الجامعيه مدري شسمها يقولوا مافي غير هذا الاسبوع عشان نطلعها |
رد: الدراسة؛
انا طول الاسبوع مارحت ور حت:191: يوم الاثنين فقط الساعه الواحده والنصف
بعد زن ابوي المهم دخلت ماشفت احد لاطالبات ولا شئ يوم شفت :bgs18:زول العبايه واقعد الحقها وارقى الجبال واتزحلق على الرمال لين وصلت ممكتب المديره اثرها بتطلع انتهى الدوام قالتلي وش جايبتس انت قلت حنا دوامنا يبدا الساعه وحده بما ان مجموعتي 7 قالت لا هالاسبوع لاتجين وترزين وجهتس :nono: يوم السبت بنخلص الضروريات الي نحتاجها عشان نبث المحاضرات على الهواء مباشره:c10: يعني الزبده ماراح يخصمون من درجات الغياب لاتوسوسون:mh5858: وش سلالفه البطاقه الي صاجين امنا عليها؟ |
رد: الدراسة؛
:g20: اجازه الاسبوع ذا كله ياعيني
:g11: الله يعينا الاسبوع الجاي دوام رسمي:no2: |
رد: الدراسة؛
بس بنوتات لازم نروح بكره
انا بروح بكره باخذ جدول العملي |
رد: الدراسة؛
الي المجموعه 5 وخذت جدولها العملي تعطيني اياه
|
رد: الدراسة؛
بنوتات انا رحت الكليه اليوم
واخذت جدول العملي وفي الجدول مكتوب اماكن القاعات بس يوم بطلع من الكليه شالوا الجدول حق العلمي قالوا بغيروه ومايندرى تغير وايد عن اللي اخذته او لا بس صديقتي راحت بعدي وكان حاطين الجدول وكتبته واهي نفس مجموعتي فبطابقه مع جدولي واذا صح بكتبه لكم |
رد: الدراسة؛
بنوتات إذا ما عليكم أمر إلي أخذت الجدول حق الجموعه الخامسه تكتبه إلينا وجزاها الله ألف أخير ورحم الله والديها مقدماً |
رد: الدراسة؛
الله يعاطيكم العافيه ابغى جدول العملي المجموعه3:119:
|
رد: الدراسة؛
بنوتات يعطيكم العافيه
اللي اخذت جدول العملي للمجموعه الخامسه سنه اولى ياريت تكتبه لنا لاني رحت وماشفت شيء |
| All times are GMT +3. الوقت الآن حسب توقيت السعودية: 08:41 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام