ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية الأمير سلطان العسكرية للعلوم الصحية بالظهران (https://vb.ckfu.org/forumdisplay.php?f=107)
-   -   إجابات للإستفسارات الشائعة. (https://vb.ckfu.org/showthread.php?t=601195)

Nada GH 2014- 7- 1 02:39 PM
إجابات للإستفسارات الشائعة.
 

السلام عليكم ورحمة الله وبركاته، ومبارك عليكم الشهر وتقبل الله صيامكم وقيامكم وصالح أعمالكم.

أنا ندى الغامدي، أتممت السنة التحضيرية بكلية الأمير سلطان بالظهران الحمدلله بنسبه راضيه عليها ودعواتكم لي أتخصص التخصص اللي أبغاه، تصفحت بعض المواضيع وحصلت أسئلة مشتركة وإن شاء الله أقدر أجاوب عليها بحكم تجربتي والمعلومات اللي عندي.

اقتباس:
كيف أعرف إذا نسبتي تدخلني الكلية؟
- من شروط القبول تكون نسبة التراكمي للثانوية 85% وفوق، والقدرات 70% كحد أدنى، والتحصيلي 65%.

اقتباس:
كيف انطباعكم عن الدراسه والدكاتره وأسئلة الإختبار
وإيش جنسية الدكاترة أجانب أو عرب؟
- أنا راح أتكلم عن تجربتي ويمكن أحد يختلف معاي، الدراسه بالسمستر الأول جداً سهله ما فيها مواد صعبه بس مو معناته التساهل فيها لأن ﻻزم تجيبون 5 عشان ترفع معدلكم السمستر الثاني، أما السمستر الثاني فهو يبغاله جهد أكبر شوي خصوصا إنها المواد علمية أكثر والأساتذة بيساعدونكم بالفهم إن شاء الله.

- من ناحية الإختبارات كل أستاذ أو دكتور عنده إسلوبه الخاص بس بشكل عام ما راح تكون تعجيزية كلها من الأشياء اللي انشرحت.
- الجنسيات مختلفة فيه السعودية والبريطانية والهندية والجنوب أفريقية والأردنية.

اقتباس:
هل يدخلون الأساتذة الرجال عند البنات أو تكون المحاضرة من شاشة؟
- بالتحضيري كان دكتور واحد يدرسنا فيزياء وكان يجي عندنا بالكلاس يلقي المحاضرة، وأظن باقي التخصصات كذا إن الدكتور أو الأستاذ يجي الكلاس.

اقتباس:
ايش الإجراءات اللي تكون بعد القبول؟
- إذا تم قبولك راح يوصلك إيميل بالقبول أو مسج على الجوال أو إتصال من الكلية، يعطونك يومين كحد أدنى أو ثﻻث عشان تقدم لهم أوراقك، "إذا كنت مقدم بجامعة أخرى وأرسلت لهم أوراقك ﻻزم تجيب معها إخلاء طرف"، راح يعطونك استمارة القبول وتعبيها بعد كذا تسوي الفحص الطبي بمجمع الملك فهد الطبي اللي هو جنب الكلية، وﻻزم تروح للأدلة الجنائية بالدمام عشان تعطيهم بصماتك،بكذا راح تكون أتممت إجراءات القبول.

اقتباس:
ايش المواد اللي أدرسها بالتحضيري ومتى ساعات الدوام؟
- الفصل الدراسي الأول: English اللغة الإنجليزية + Self development تطوير الذات"تدرسها بالعربي" + Math رياضيات + Computer كمبيوتر.

الفصل الدراسي الثاني: English اللغة الإنجليزية + Biology علم الأحياء + Chemistry الكيمياء + Physics الفيزياء + Islamic الثقافة الإسلامية "تدرسها بالعربي".

- ساعات الدوام: السمستر الأول من 7 ونص إلى 3 وربع، السمستر الثاني نفس الشيء بس راح يكون يوم بالإسبوع إلى 4 "بهذا اليوم كنا نطلع 3 وربع عادي".

اقتباس:
هل الكلية معترف فيها؟
- إيه معترف فيها وأعرف من المتخرجين توظفوا بأرامكو وبعضهم توظفوا بمستشفى الملك فهد التخصصي بالدمام.

اقتباس:
كم سنة الدراسة؟
- بكالوريوس: خمس سنوات " الأولى تحضيري + 3 سنوات تخصص + سنة امتياز".
دبلوم: 3 سنوات ونص.

اقتباس:
كم مقدار المكافأة الشهرية؟
- 1000 ريال وتنزل على حسابك في البنك الأهلي.


هذي الأسئلة اللي حصلت كثير يسألونها وأتمنى قدرت أجاوب عليها بالشكل المطلوب، واللي عنده أسئلة يطرحها هنا أو بهاشتاق الكلية على تويتر #PSMCHS وإن شاء الله نقدر نجاوبكم عليها.

هنا موقع الكلية إذا حابين تتعرفون أكثر على الكلية: http://www.psmchs.edu.sa/


بالتوفيق للجميع.

مذهلهه 2014- 7- 1 03:02 PM
رد: إجابات للإستفسارات الشائعة.
 
السلام عليككم /مساء الورد خيتي
ويعطيك الف عافيه ع الطرح .. بس انا حابه استفسر انا هالسنه متخرجه من الثانويه وميولي بالطب وسجلت بالكليه لكن متى تطلع نتائج القبول بالجامعه (انجنت من كثر ماهي تشيك كل يوم :icon120::icon120: لاتلوميني هاه)

مذهلهه 2014- 7- 1 03:06 PM
رد: إجابات للإستفسارات الشائعة.
 
بس نسيت شغله انا ساكنه بالرياض وقدمت ع اللي بالرياض طبعآ

Nada GH 2014- 7- 1 03:13 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة مذهلهه (المشاركة 11214310)
السلام عليككم /مساء الورد خيتي
ويعطيك الف عافيه ع الطرح .. بس انا حابه استفسر انا هالسنه متخرجه من الثانويه وميولي بالطب وسجلت بالكليه لكن متى تطلع نتائج القبول بالجامعه (انجنت من كثر ماهي تشيك كل يوم :icon120::icon120: لاتلوميني هاه)
وعليكم السلام ورحمة الله، الله يعافيك.
بالنسبة للنتائج حقتنا طلعت على نص رمضان تقريباً، مالك إلا الصبر مصيرها بتطلع إن شاء الله.
والله يكتب لك اللي فيه الخير💙

مذهلهه 2014- 7- 1 03:19 PM
رد: إجابات للإستفسارات الشائعة.
 
اووك مشكوووره وماقصرتي والله يسمع منك يارب

عواشه22 2014- 7- 1 04:51 PM
رد: إجابات للإستفسارات الشائعة.
 
مشكوره أختي ندى على كل هالاجوبه الله يسعدك ويوفقك و يارب تدخلين التخصص اللي تتمنينه ..
بس حبيت أسألك شي أنا خايفه منه كثير اللي هو الانقلش أنا سجلت بالكليه و يارب انقبل فيها بس للأسف ما أعرف انقلش كثير يا ليت تقولين لي كيف كانت لغتك و كيف صارت بعد السنه التحضيريه و هل واجهتي صعوبه في المذاكرة يا ليت تجاوبيني :d و شكرا

Nada GH 2014- 7- 1 05:23 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة عواشه22 (المشاركة 11214421)
مشكوره أختي ندى على كل هالاجوبه الله يسعدك ويوفقك و يارب تدخلين التخصص اللي تتمنينه ..
بس حبيت أسألك شي أنا خايفه منه كثير اللي هو الانقلش أنا سجلت بالكليه و يارب انقبل فيها بس للأسف ما أعرف انقلش كثير يا ليت تقولين لي كيف كانت لغتك و كيف صارت بعد السنه التحضيريه و هل واجهتي صعوبه في المذاكرة يا ليت تجاوبيني :d و شكرا

العفو وإياك إن شاء الله.
الإنقلش يا طويلة العمر راح يدرسونكم كلكم من الصفر يعني حتى اللي عنده لغة ويعرف انقلش بيدرس من الصفر، لغتي الإنقلش جيدة بس بعد التحضيري صارت ممتازة لأني مع الدراسة كنت أقرأ كتب وأتفرج على أفلام أجنبية غير كذا أحيانا أنا وزميلاتي كنا نتكلم مع الأجانب بالكلية ونقوي اللغة عندنا.

صدقيني لغتك بتصير ممتازة كثير خصوصا إنك بتضطرين تمارسينها مع الأساتذة وعاملات النظافة والبائعات اللي بالكافيتريا، يعني من هالناحية لا تقلقين.

المذاكرة السمستر الأول كانت سهلة بالنسبة لي أما الثاني فكنت أواجه صعوبة بالبداية لما أذاكر لأنها مواد علمية وبلغة ثانيه، بس بعدين سهلت عندي المذاكرة وعلى فكرة الأساتذة يشرحون لين ما يوصل المعنى لكم.

ما أخبي عليك كنا ننضغط اختبارات السمستر الثاني بس تعودنا على هالشيء وأفادنا في الفاينل.

بشكل عام استمتعت واستفدت بتجربتي في التحضيري كثير الحمدلله.

Aqdar 2014- 7- 1 06:21 PM
رد: إجابات للإستفسارات الشائعة.
 
السلام عليكم
الله يعطيك العافيه على المعلومات
بس عندي استفسار هل بعد التخرج من الكلية لازم اتوظف في مستشفى عسكري ؟

غريبة بوحدتها 2014- 7- 1 06:28 PM
رد: إجابات للإستفسارات الشائعة.
 
السلام عليكم ورحمة الله وبركاته
اختي بقيت استفسر فيه سكن للطالبات ؟؟
كمان بالنسبة للقبول كم النسبه الي يطلبوها !
هل بمجرد اني استوفيت الشروط للنسب اعتبر مقبولة او فيه مفاضله؟
كمان بسأل
اذا شفت رقمي اني مقبوله خلاص اسلمهم الشهاده واعتبر طالبه فيها او يحتاج اختبار ومقابله شخصيه ؟

Dr-Ahlam 2014- 7- 1 08:05 PM
رد: إجابات للإستفسارات الشائعة.
 
اذا انقبلت صديقتي في الكلية هم يعطوني الفحص ولا انا اطبعة من الموقع.
ثانياً :هل ضروري اسوي بطاقة احوال خاصة فيني؟
ثالثاً: متى اسوي اجراءات الفحص الادلة الجنائية وين مكانها وهل يكون الفحص فقط خلال فترة 3 ايام من بعد القبول صح..
وماعليك امر اذا عندك كتب السنة التحضيرية ابغاها لصديقتي لاني انا اللي اسجلها واتبع قبولها.
لاني انا مسار صحي ..
شهادات التطعيم تبع الفيروس هذة من وين اجيبها هل بنفس المستشفى اللي كانت تطعم فية وهي صغيرة يعني اخلها تروح للمستشفى وتطلب الدفتر على طول يعطونها..
لان صديقتي محتاجة مساعدتكم ولا عندها نت علشان تواصل معاكم فانا بدل عنهاا

مريم علي 17 2014- 7- 1 09:23 PM
رد: إجابات للإستفسارات الشائعة.
 
عندي سوال: قبل اعلان النتائج يعلنوو في الموقع لو فجأه يطلعوو الدفعه الاولى

Nada GH 2014- 7- 1 09:55 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة aqdar (المشاركة 11214519)
السلام عليكم
الله يعطيك العافيه على المعلومات
بس عندي استفسار هل بعد التخرج من الكلية لازم اتوظف في مستشفى عسكري ؟

وعليكم السلام، الله يعافيك.
ايه ﻻزم بس تقدرين تشتغلين بأي مستشفى لين ما يجي دورك بالوظيفة، وتقدرين تدفعين مبلغ وتصيرين تشتغلين بأي مكان ودك فيه.

Nada GH 2014- 7- 1 10:01 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة غريبة بوحدتها (المشاركة 11214524)
السلام عليكم ورحمة الله وبركاته
اختي بقيت استفسر فيه سكن للطالبات ؟؟
كمان بالنسبة للقبول كم النسبه الي يطلبوها !
هل بمجرد اني استوفيت الشروط للنسب اعتبر مقبولة او فيه مفاضله؟
كمان بسأل
اذا شفت رقمي اني مقبوله خلاص اسلمهم الشهاده واعتبر طالبه فيها او يحتاج اختبار ومقابله شخصيه ؟
وعليكم السلام ورحمة الله وبركاته
ﻻ مافيه سكن لأنهم أساسا بس يقبلون طالبات المنطقه الشرقية.
ﻻ طبعا فيه مفاضلة لين ما يكتمل العدد المطلوب.
الكلية بمجرد ترسل لك القبول هذا يعني إنك إنقبلتي بس يطلبون فحص طبي وأدلة جنائية عشان يتأكدون ما عندك سوابق وﻻ مريضة من شيء.

مافيه اختبار وﻻ مقابلات شخصية.

Nada GH 2014- 7- 1 10:09 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة dr-ahlam (المشاركة 11214601)
اذا انقبلت صديقتي في الكلية هم يعطوني الفحص ولا انا اطبعة من الموقع.
ثانياً :هل ضروري اسوي بطاقة احوال خاصة فيني؟
ثالثاً: متى اسوي اجراءات الفحص الادلة الجنائية وين مكانها وهل يكون الفحص فقط خلال فترة 3 ايام من بعد القبول صح..
وماعليك امر اذا عندك كتب السنة التحضيرية ابغاها لصديقتي لاني انا اللي اسجلها واتبع قبولها.
لاني انا مسار صحي ..
شهادات التطعيم تبع الفيروس هذة من وين اجيبها هل بنفس المستشفى اللي كانت تطعم فية وهي صغيرة يعني اخلها تروح للمستشفى وتطلب الدفتر على طول يعطونها..
لان صديقتي محتاجة مساعدتكم ولا عندها نت علشان تواصل معاكم فانا بدل عنهاا
ﻻ الكلية تسلمها إياه، البطاقة مو ضرورية بس الأفضل تطلع.
الأدلة الجنائية في مديرية الشرطة بالدمام عند سوق الحب والأمارة هناك تسويه، ما أعرف المدة تقدر تسأل لما تروح.
بخصوص تطيعم الفيروس ما أذكر أعطيتهم شيء عن هذا..
وكتب السنة التحضيرية هي كتابين للإنقلش وكتاب تطوير الذات يعطونها الكلية وباقي المواد ملازم تصورهم من الأساتذة أو من مكتبة الكلية، بالتوفيق.

غريبة بوحدتها 2014- 7- 1 10:10 PM
رد: إجابات للإستفسارات الشائعة.
 
شكررااً خيتوو

طيب بالنسبة للنتايج كيف اتابعهم ومتى يعلنون
هل يرسلون لي ع الجوال او الايميل ؟

Nada GH 2014- 7- 1 10:11 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة مريم علي 17 (المشاركة 11214765)
عندي سوال: قبل اعلان النتائج يعلنوو في الموقع لو فجأه يطلعوو الدفعه الاولى
يعلنوا في الموقع.

غريبة بوحدتها 2014- 7- 1 10:11 PM
رد: إجابات للإستفسارات الشائعة.
 
بسأل عن اللبس كمان :)
سكربز او تنوره ؟

Nada GH 2014- 7- 1 10:12 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة غريبة بوحدتها (المشاركة 11214841)
شكررااً خيتوو

طيب بالنسبة للنتايج كيف اتابعهم ومتى يعلنون
هل يرسلون لي ع الجوال او الايميل ؟
العفو، يرسلون على الإيميل والجوال وراح يعلنون بموقع الكلية تابعيهم.

Nada GH 2014- 7- 1 10:16 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة غريبة بوحدتها (المشاركة 11214846)
بسأل عن اللبس كمان :)
سكربز او تنوره ؟
تنورة سوداء طويلة + ﻻب كوت يعطونك إياه الكلية.

غريبة بوحدتها 2014- 7- 1 10:19 PM
رد: إجابات للإستفسارات الشائعة.
 
انا بإذن الله بدرس تمريض
بس خوفوني يقولون مو معترف فيها الكليه
وانا اخطط انو ممكن اذا ربي كتب اكمل للطب ف خايفه يعيقني هالشي كونها مو معترف فيها !!!!

غريبة بوحدتها 2014- 7- 1 10:44 PM
رد: إجابات للإستفسارات الشائعة.
 
وين مكان الكلية بالضبط ؟؟؟

Aqdar 2014- 7- 1 11:50 PM
رد: إجابات للإستفسارات الشائعة.
 
Nada GH
مششكوره على المعلومات الله يوفقك يارب

مريم علي 17 2014- 7- 2 12:39 AM
رد: إجابات للإستفسارات الشائعة.
 
شكراا جزيلاا على الرد على الاستفسارات ،، عندي سوال صغير وخايفهه منه بعد هل القبول يعتمد على المنطقه سمعت خبر ان بس يقبلو من صفوى وراس تنوره صحيح ذا الخبر لو مايهم المنطقه دام الموزونة عاليه

Nada GH 2014- 7- 2 02:06 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة غريبة بوحدتها (المشاركة 11214890)
وين مكان الكلية بالضبط ؟؟؟
مجرد ما تعرفين مكان مجمع الملك فهد الطبي العسكري تكونين وصلتي للكلية لأنها من نفس البوابة، أما عن الوصف الدقيق فاعذريني أتمنى فيه أحد يقدر يفيدك.

Nada GH 2014- 7- 2 02:17 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة aqdar (المشاركة 11214961)
nada gh
مششكوره على المعلومات الله يوفقك يارب
العفو أختي، وإياكِ إن شاء الله.


اقتباس:
المشاركة الأصلية كتبت بواسطة مريم علي 17 (المشاركة 11215032)
شكراا جزيلاا على الرد على الاستفسارات ،، عندي سوال صغير وخايفهه منه بعد هل القبول يعتمد على المنطقه سمعت خبر ان بس يقبلو من صفوى وراس تنوره صحيح ذا الخبر لو مايهم المنطقه دام الموزونة عاليه
عفوًا جزيلًا، ما عندي خلفية عن هالشيء للأسف..
إن شاء الله أحد يفيدك.

غريبة بوحدتها 2014- 7- 2 02:50 AM
رد: إجابات للإستفسارات الشائعة.
 
طيب خيتو بالنسبة للوظيفه
سمعت انو بنفس المستشفى اتوظف اجباري
سؤالي
ع طول بعد مااتخرج اتوظف ولا
وهل يسلموني وثيقتي واقدر اقدم بمستشفيات ثانيه !؟

Dr-Ahlam 2014- 7- 2 03:42 AM
رد: إجابات للإستفسارات الشائعة.
 
اذا انقبلت صديقتي في الكلية هم يعطوني الفحص ولا انا اطبعة من الموقع.
ثانياً :هل ضروري اسوي بطاقة احوال خاصة فيني؟
ثالثاً: متى اسوي اجراءات الفحص الادلة الجنائية وين مكانها وهل يكون الفحص فقط خلال فترة 3 ايام من بعد القبول صح..
وماعليك امر اذا عندك كتب السنة التحضيرية ابغاها لصديقتي لاني انا اللي اسجلها واتبع قبولها.
لاني انا مسار صحي ..
شهادات التطعيم تبع الفيروس هذة من وين اجيبها هل بنفس المستشفى اللي كانت تطعم فية وهي صغيرة يعني اخلها تروح للمستشفى وتطلب الدفتر على طول يعطونها..
لان صديقتي محتاجة مساعدتكم ولا عندها نت علشان تواصل معاكم فانا بدل عنهاا
بليز ابي رد بسرعة الله يوفقكم...

Nada GH 2014- 7- 2 03:47 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة غريبة بوحدتها (المشاركة 11215225)
طيب خيتو بالنسبة للوظيفه
سمعت انو بنفس المستشفى اتوظف اجباري
سؤالي
ع طول بعد مااتخرج اتوظف ولا
وهل يسلموني وثيقتي واقدر اقدم بمستشفيات ثانيه !؟
ما عندي أي معلومه أكيده بالشيء هذا، تقدرين تستفسرين من الكلية نفسها.

اقتباس:
المشاركة الأصلية كتبت بواسطة dr-ahlam (المشاركة 11215299)
اذا انقبلت صديقتي في الكلية هم يعطوني الفحص ولا انا اطبعة من الموقع.
ثانياً :هل ضروري اسوي بطاقة احوال خاصة فيني؟
ثالثاً: متى اسوي اجراءات الفحص الادلة الجنائية وين مكانها وهل يكون الفحص فقط خلال فترة 3 ايام من بعد القبول صح..
وماعليك امر اذا عندك كتب السنة التحضيرية ابغاها لصديقتي لاني انا اللي اسجلها واتبع قبولها.
لاني انا مسار صحي ..
شهادات التطعيم تبع الفيروس هذة من وين اجيبها هل بنفس المستشفى اللي كانت تطعم فية وهي صغيرة يعني اخلها تروح للمستشفى وتطلب الدفتر على طول يعطونها..
لان صديقتي محتاجة مساعدتكم ولا عندها نت علشان تواصل معاكم فانا بدل عنهاا
بليز ابي رد بسرعة الله يوفقكم...
جاوبت على أسئلتك ورا.

Roodi613 2014- 7- 3 02:22 AM
رد: إجابات للإستفسارات الشائعة.
 
الله يجزاك خير حبيبتي

شوق الزهر 2014- 7- 3 12:44 PM
رد: إجابات للإستفسارات الشائعة.
 
اجراءت الفحص لخلو سوابق امنية .كيف اقدر اجيبها ..هل اخلي الوالد ايروح لوحده اجيبها ولا اخلي اختي اتروح معاه
اممممم..كنت افكرانها بس حق الاولاد

jojo24 2014- 7- 3 04:59 PM
رد: إجابات للإستفسارات الشائعة.
 
متى تنزل النتائج ؟

Nada GH 2014- 7- 3 05:00 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة roodi613 (المشاركة 11216624)
الله يجزاك خير حبيبتي
وإياك إن شاء الله💙


اقتباس:
المشاركة الأصلية كتبت بواسطة شوق الزهر (المشاركة 11217198)
اجراءت الفحص لخلو سوابق امنية .كيف اقدر اجيبها ..هل اخلي الوالد ايروح لوحده اجيبها ولا اخلي اختي اتروح معاه
اممممم..كنت افكرانها بس حق الاولاد
لما يتم قبولك تروحين للكلية ويعطونك ظرف فيه ورقة تروحين بنفسك لقسم الأدلة الجنائية اللي بالدمام وتعطينهم الورقة وياخذون بصماتك.


اقتباس:
المشاركة الأصلية كتبت بواسطة jojo24 (المشاركة 11217405)
متى تنزل النتائج ؟
ما عندي فكرة، بس السنة اللي فاتت طلعت على نص رمضان.

.طموحه. 2014- 7- 3 09:04 PM
رد: إجابات للإستفسارات الشائعة.
 
كم طالبة تحضيري تنقبل

Nada GH 2014- 7- 3 09:56 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة .طموحه. (المشاركة 11217623)
كم طالبة تحضيري تنقبل
دفعتنا 4 تخصصات وكانوا بين 70 - 80 طالبة، بس هالسنه فتحوا تخصص جديد فأتوقع يزيدون عدد الطالبات.

عواشه22 2014- 7- 4 12:09 AM
رد: إجابات للإستفسارات الشائعة.
 
التخصص الجديد اللي هو عنايه تنفسيه صح و هو بكالوريوس ولا :d

Nada GH 2014- 7- 4 03:03 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة عواشه22 (المشاركة 11217858)
التخصص الجديد اللي هو عنايه تنفسيه صح و هو بكالوريوس ولا :d
ايه عناية تنفسية واللي اعرفه إنها بكالوريوس.

jojo24 2014- 7- 4 03:19 AM
رد: إجابات للإستفسارات الشائعة.
 
اذا انقبلت ادخل سنة تحضيرية او التخصص اللي اخترته في التسجيل؟

Nada GH 2014- 7- 4 06:04 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة jojo24 (المشاركة 11218073)
اذا انقبلت ادخل سنة تحضيرية او التخصص اللي اخترته في التسجيل؟
نظام الدفعة الجديدة يختلف عن نظامنا عشان كذا ما أعرف بصراحة.

X096 2014- 7- 5 08:03 PM
رد: إجابات للإستفسارات الشائعة.
 
ياخي قولو لنا العام أخر دفعه قبلوها "بنات" كم الموزونه كانت؟
طمنولي قلبي :icon9::icon9:

Nada GH 2014- 7- 6 04:48 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة x096 (المشاركة 11220043)
ياخي قولو لنا العام أخر دفعه قبلوها "بنات" كم الموزونه كانت؟
طمنولي قلبي :icon9::icon9:
النسبة الموزونة تختلف من سنة لسنة على حسب شطارة الدفعة ومتوسط نسبهم.

X096 2014- 7- 6 05:07 PM
رد: إجابات للإستفسارات الشائعة.
 
طيب كم تقسيم الموزونه ؟ يعني مثل الدمام تحصيلي 40 والباقي 30 - 30 ولا كيف ؟

joker2014 2014- 7- 6 05:50 PM
رد: إجابات للإستفسارات الشائعة.
 
عندي سؤؤؤؤؤال اللي يعرف يجاوبني
من ضمن الشروط <شهادة معتمدة بجرعتين من تطعيم الفيلروس الثلاثي>؟
من فين أجيب الشهادة ذي رحت المستشفى المدني و ما عرفوها ورحت مستشفى خاص وما عرفو :Cry111:

اللي يعرف يررد

غريبة بوحدتها 2014- 7- 6 11:12 PM
رد: إجابات للإستفسارات الشائعة.
 
عندي سؤال

ممكن يقبلو خريجين العام :( ؟؟؟؟

كمان بسأل كم يوم يعطونا مشان نسلم اوراقنا وهيك





بنات توقعاتكم كم توصل نسب القبول !!!

Dafer.SQ 2014- 7- 7 01:59 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة مذهلهه (المشاركة 11214310)
السلام عليككم /مساء الورد خيتي
ويعطيك الف عافيه ع الطرح .. بس انا حابه استفسر انا هالسنه متخرجه من الثانويه وميولي بالطب وسجلت بالكليه لكن متى تطلع نتائج القبول بالجامعه (انجنت من كثر ماهي تشيك كل يوم :icon120::icon120: لاتلوميني هاه)
الكلية ليس فيها تخصص طب بشري وانما علوم صحية

Dafer.SQ 2014- 7- 7 02:03 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة غريبة بوحدتها (المشاركة 11221820)
عندي سؤال

ممكن يقبلو خريجين العام :( ؟؟؟؟

كمان بسأل كم يوم يعطونا مشان نسلم اوراقنا وهيك





بنات توقعاتكم كم توصل نسب القبول !!!
نعم يقبلون خريجي العامين السابقين
لكل دفعة يمهلون حوالي 3 ايام
والكلية لا تقبل الطالبات الغير سعوديات
بالتوفيق ..

Roodi613 2014- 7- 7 03:37 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة joker2014 (المشاركة 11221442)
عندي سؤؤؤؤؤال اللي يعرف يجاوبني
من ضمن الشروط <شهادة معتمدة بجرعتين من تطعيم الفيلروس الثلاثي>؟
من فين أجيب الشهادة ذي رحت المستشفى المدني و ما عرفوها ورحت مستشفى خاص وما عرفو :cry111:

اللي يعرف يررد
يقصدون دفتر تطعيماتك يوم كنت صغير

joker2014 2014- 7- 7 04:17 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة roodi613 (المشاركة 11222372)
يقصدون دفتر تطعيماتك يوم كنت صغير
اللي هو اللي كان باللون الاخضر ..
فيه كثير تعطيمات وحصلت من ظمنها الفيروس الثلاثي يعني اجيبه هو واعطيهم اياه

Nwera 2014- 7- 7 04:37 AM
رد: إجابات للإستفسارات الشائعة.
 
السلام عليكم..

انا كتب لي قبول مبدئي .. شنو يعني ؟

وهل انا مقبوله او لا ؟

Nwera 2014- 7- 7 04:44 AM
رد: إجابات للإستفسارات الشائعة.
 
احتاج الرد باسرع وقت ممكن :(

Roodi613 2014- 7- 7 05:18 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة nwera (المشاركة 11222513)
السلام عليكم..

انا كتب لي قبول مبدئي .. شنو يعني ؟

وهل انا مقبوله او لا ؟
وعليكم السلام , حبيبتي في وين انكتب لك قبول مبدئي ؟ :106:

Alaa hussain 2014- 7- 7 09:59 AM
رد: إجابات للإستفسارات الشائعة.
 
طلع لك في كلية سلطان ولا غيرها ؟لان لسه ماطلعت النتايج

Nwera 2014- 7- 7 03:40 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة roodi613 (المشاركة 11222568)
وعليكم السلام , حبيبتي في وين انكتب لك قبول مبدئي ؟ :106:
بكليه الامير سلطان ارسلوا على الايميل رساله .. ويوم فتحت الموقع مكتوب قبول مبدئي ورقم القبول ..

ايش يعني ؟ ..

Nwera 2014- 7- 7 03:41 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة alaa hussain (المشاركة 11222809)
طلع لك في كلية سلطان ولا غيرها ؟لان لسه ماطلعت النتايج
اي بكلية الامير سلطان .

jojo24 2014- 7- 7 09:13 PM
رد: إجابات للإستفسارات الشائعة.
 
طيب وين ف الموقع بالضبط ماشفت استعراض طلب او شي مثل كذا ياليت تردون اذا تعرفون شي

غريبة بوحدتها 2014- 7- 7 11:43 PM
رد: إجابات للإستفسارات الشائعة.
 
الاخت الي ارسلو لها ياليت تفيدينا من وين دخلتي بالموقع !!!!!

Nwera 2014- 7- 8 12:50 AM
رد: إجابات للإستفسارات الشائعة.
 
ارسلو لي رساله ع الايميل فيها رابط لما دخلت على الرابط فيه خانه وحده حقت السجل المدني لما حطيته فتح ملفي وحاطين رقم القبول وانه قبول مبدئي ...

Nwera 2014- 7- 8 12:52 AM
رد: إجابات للإستفسارات الشائعة.
 
ابي تفسير لكلمة "قبول مبدئي" واللي العام سجل وانقبل قالو له كذا والا لا ؟

على فكره مو بس انا .. وصديقه لي بعد .

غريبة بوحدتها 2014- 7- 8 12:54 AM
رد: إجابات للإستفسارات الشائعة.
 
الظاهر انهم قبلوك
اختي كم موزونتك وموزونة صديقتك اذا ممكن
وياليت تسدجي لنا الرابط هنا
كلميهم افضل مشان مايضيع وقتك

Nwera 2014- 7- 8 01:24 AM
رد: إجابات للإستفسارات الشائعة.
 
رقمهم ؟

غريبة بوحدتها 2014- 7- 8 01:38 AM
رد: إجابات للإستفسارات الشائعة.
 
للطالبات هاتف رقم 0138440000 – تحويلة 3635

للطالبات هاتف رقم 0138440000 – تحويلة 3660

Zahraa maher 2014- 7- 8 01:58 AM
رد: إجابات للإستفسارات الشائعة.
 
-

السلام عليكم و رحمة الله و بركاته
بنات انا يوم اسجل ما حطيت السنة التحضيرية حطيت باقي التخصصات الطبية التطبيقية !
ما كنت ادري ان بعد السنة التحضيرية اختار و ع بالي باقي التخصصات يعني بكالريوس اشعة و كذا

فهذي وش تخصصاتها ؟ ووش تفرق عن التحضيرية ؟ :(((

Nwera 2014- 7- 8 02:12 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة غريبة بوحدتها (المشاركة 11224000)
للطالبات هاتف رقم 0138440000 – تحويلة 3635

للطالبات هاتف رقم 0138440000 – تحويلة 3660
شكرا حبيبتي , بس اتاكد من الرابط بنزله هنا ..
وان شاءالله افيدكم مثل ما افدتوني

غريبة بوحدتها 2014- 7- 8 02:15 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة nwera (المشاركة 11224041)
شكرا حبيبتي , بس اتاكد من الرابط بنزله هنا ..
وان شاءالله افيدكم مثل ما افدتوني
العفوو
الله يكتب الي فيه الخير:004:

joker2014 2014- 7- 8 02:40 PM
رد: إجابات للإستفسارات الشائعة.
 
السلام عليكم ..
كيفكم طيبين ان شاء الله ..
الشهادة المعتمدة ضد فيروس الثلاثي ..
اللي هي يوم كنت صغير كتيب التطعيمات صح ولا لا .. لقيت فيه الفيروس الثلاثي مع مجموعه تطعيمات تطعمتها
اجيبه هو بنفسه ولا اروح المستشفى واطلع حق الفيروس الثلاثي لوحده ..يعني عادي اجيبه مع بذاته مع مجموع التطعيمات :)

jojo24 2014- 7- 8 04:20 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة nwera (المشاركة 11223878)
ارسلو لي رساله ع الايميل فيها رابط لما دخلت على الرابط فيه خانه وحده حقت السجل المدني لما حطيته فتح ملفي وحاطين رقم القبول وانه قبول مبدئي ...
طيب انت شنو اخترتي سنة تحضيرية او تخصصات تطبيقية ؟؟ لما سجلتي

Alaa hussain 2014- 7- 9 02:12 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة zahraa maher (المشاركة 11224027)
-

السلام عليكم و رحمة الله و بركاته
بنات انا يوم اسجل ما حطيت السنة التحضيرية حطيت باقي التخصصات الطبية التطبيقية !
ما كنت ادري ان بعد السنة التحضيرية اختار و ع بالي باقي التخصصات يعني بكالريوس اشعة و كذا

فهذي وش تخصصاتها ؟ ووش تفرق عن التحضيرية ؟ :(((

مثلي.. اساسا في بدايةالتسجيل يطلع لك خيارين فقط باقي التخصصات الطبيه التطبيقيه والتمريض فأنتي كذا كذا بتحطي باقي التخصصات
بس عند اكمال التسجيل فجأه يطلع خيار ثالث اللي هو السنه التحضيريه... المهم ان هالشي لحس مخي اقول شالفرق يعني فقدمت استفسار. اني ابي اعدل من باقي التخصصات الى السنة التحضيريه وكان الرد لاداعي لتعديل البيانات فباقي التخصصات يعني كل التخصصات ماعدا التمريض في الكليه... يعني مافيه فرق ارتاحي

Alaa hussain 2014- 7- 9 02:24 AM
رد: إجابات للإستفسارات الشائعة.
 
بنات لسه ماطلع شي كلش.. كيف انكتب لك قبول مبدئي ولسه ماأعلنو النتائج.. او انك صدمتينهم بنسبتك فتحمسو وقالو خلنا نفرحها الشاطره ههههههه امزح
طيب كم نسبك اذا مافيه مشكله؟
واذا تقدرين تحطين الرابط اللي ارسلوه لك؟

Nwera 2014- 7- 9 02:57 AM
رد: إجابات للإستفسارات الشائعة.
 
تحضيريه

مو بس انا :) ، وصديقه لي بعد

Nwera 2014- 7- 9 02:58 AM
رد: إجابات للإستفسارات الشائعة.
 
على فكره انا مستغربه مثلكم :)

طيب متى قالو بيعلنون ؟!

abeer-aq 2014- 7- 10 12:54 AM
رد: إجابات للإستفسارات الشائعة.
 
طيب كم موزونتك ؟ عشان نعرف
الله يوفقك ياارب ويبشرك بالقبول ..

joker2014 2014- 7- 10 02:49 AM
رد: إجابات للإستفسارات الشائعة.
 
ايه فيه بنااات جثيير جتهم رساله من الكلية الله يوفقهم يااارب
وش وضعنا حنا ي الطلاب .. خااايف صراحه الله يستر بس

reem.f 2014- 7- 13 11:00 AM
رد: إجابات للإستفسارات الشائعة.
 
واللي موزونته 78 ‹☹›

بينقبل ولا لا

Nwera 2014- 7- 13 04:56 PM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة reem.f (المشاركة 11231366)
واللي موزونته 78 ‹☹›

بينقبل ولا لا
ان شاءالله تنقبلين ليه لا ..

غريبة بوحدتها 2014- 7- 31 04:28 PM
رد: إجابات للإستفسارات الشائعة.
 
السلام عليكم ورحمة الله وبركاته
في سؤال مهم جدا حابه اسألك بما انك خلصتي تحضيري <<<صاحبة الموضوع
كيف المقابله تبعهم؟ وهل فيه ناس انرفضو من الكليه بعد المقابله؟
ياليت تتكلمين لنا عن المقابله بكون شاكره لك^_^

محمد1416 2014- 8- 1 11:22 PM
رد: إجابات للإستفسارات الشائعة.
 
انا برضوه جاتني رسالة من الكلية حقت الظهران من زماان على الايميل لكن ما فتحت الرابط
اختي اللي وصلتها الرسالة انتي مقدمة عللى كلية سلطان اللي بالظهران ولا منطقة ثانية
ايه وترا انا خريج السنة الماضيه مو خريج هالسنه

محمد1416 2014- 8- 1 11:23 PM
رد: إجابات للإستفسارات الشائعة.
 
سؤال اختي غريبة مهم والله وهو اكثر شي مخوفني بالكلية

وهل المقابلة بالعربي ولا الانقليزي

somin17 2014- 8- 2 05:36 PM
رد: إجابات للإستفسارات الشائعة.
 
السلام عليكم
عندي سؤال. .
على كم وقفت نسب القبول العام للبنات !!!

Nada GH 2014- 8- 3 11:41 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة غريبة بوحدتها (المشاركة 11247436)
السلام عليكم ورحمة الله وبركاته
في سؤال مهم جدا حابه اسألك بما انك خلصتي تحضيري <<<صاحبة الموضوع
كيف المقابله تبعهم؟ وهل فيه ناس انرفضو من الكليه بعد المقابله؟
ياليت تتكلمين لنا عن المقابله بكون شاكره لك^_^
وعليكم السلام ورحمة الله وبركاته، المقابلة تكون بعد السنة التحضيرية للتخصصات وسمعت إنها شيء روتيني وأكثر شيء يعتمدون على المعدل.

Nada GH 2014- 8- 3 11:45 AM
رد: إجابات للإستفسارات الشائعة.
 
اقتباس:
المشاركة الأصلية كتبت بواسطة somin17 (المشاركة 11248385)
السلام عليكم
عندي سؤال. .
على كم وقفت نسب القبول العام للبنات !!!
ما عندي علم بس كل سنة نسل القبول تتغير على حسب شطارة كل دفعه.


All times are GMT +3. الوقت الآن حسب توقيت السعودية: 09:39 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه