ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية الآداب بالدمام (https://vb.ckfu.org/forumdisplay.php?f=63)
-   -   [ السنة التحضيــرية ] : ابي احد يتكلم عن مواد السنه التحضيري (https://vb.ckfu.org/showthread.php?t=602010)

rana_1 2014- 7- 9 11:38 PM
ابي احد يتكلم عن مواد السنه التحضيري
 
:icon120::icon120:اول شي رمضان كريم ياليت الي تعرف عن مواد السنه التحضيري تتكلم اكثر عنه لان مثل ماتعرفون مانعرف شي فيها وابي اسال اذ اخذت 9المواد كلها بيكون في اف ولا لا وايش المواد الصعبه الاكثر صعوبه يعني وووووو
والانكليزي كيف يعني باختصار الله يخليكم قولو ايش تعرفونه عن المواد كلها او الي تقدرون عليها

Šãdêęm 2014- 7- 10 03:04 AM
رد: ابي احد يتكلم عن مواد السنه التحضيري
 
اول شيء مبرووك قبوولك حبيبتي الله يكتب لك التوفيق في هذي السنه
وتفرحين بالنجاح بالمعدل العالي ..
*
*
بالبدايه بنصحك نصيحه اذا ببالك تخصص معين استفسري عن متطلباته وكم المعدل الي يبيه
وش المواد المتطلبه له وشدي حيلك فيها وجيبي تقديرات مرتفعه عشان تاخذينه
*
*
وبالنسبه لحبيب الكل الاف:cheese: تقدرين تضبطين جدولك ويصير لك حتى لو بـ9 مواد
*
*
مواد السمستر الاول هي :-
ثقافه اسلاميه، فقه السيره، تحرير عربي، نحو1، انلقش عام ،مبادئ ادارة، مهارات التعلم والتفكير،
مدخل الى تقنية المعلومات ، صحة ولياقة .
طبعاً فيه منهم مواد متطلب للسمستر الثاني لازم تنجحين فيهم عشان تاخذين مواد . ما اقدر احدد لك صعوبه المواد ولا سهولتها لان كل شخص له قدرات تختلف يمكن شي يصعب علي انتي تشوفينه سهل بس حطي ببالك شيء مهما كنتي تشوفين الماده صعبه ولا ماتحبينها مع شده حيلك والمذاكرة اول بأول بتمشي امورك
وبتحضيري تاخذون المواد باختصاار وبشكل عام ومايصعبونها عليكم ان شاءالله ، يمكن بالبدايه بتتعبين من كثره المواد وكذا تخصص معك وانك منتي متعودة على الجو الجامعي لان الجامعه تختلف طبعاً عن المدرسه بس صدقيني بسررعه بتتأقلمين وعن نفسي اشوف التحضيري كانت أجممل سنه .

مواد السمستر الثاني :-
تلاوة وتجويد ، نحو2، تذوق أدبي، قراءة و محادثة ، انقلش قراءة ، انقلش كتابة، مبادئ علم الاجتماع ، برامج الحاسب المكتبية ، مبادئ الاحصااء.

مواد سههله وترفع من معدلك ، بس الي عليك تركزين مع الدكتورة داخل المحاضرة اذا قالت اسألة أثناء الشرح تكتبينها وراها تحاولين تعرفين بكل محاضرة يكون تركيز الدكتوره على ايش ، اوصيك بالمشاركة شاركي مع دكتورة المادة خليك متفاعله داخل المحاضرة لان بشكل عام كل الدكتوراات يحبون هالشي ويعطون درجات يعني لازم تاخذ فكره عنك ان ششاطرة
*
*
بالنسبة للسؤالك عن دراسة الانقلش عادي زيه زي أي مادة ثانيه وبوجهة نظري الانقلش داخل جامعتنا يعتمد اكثر شيء على دكتورة المادة ومدى تعاونها مع الطالبة و طريقة شرحها ..

أتمنى أكون أفدتك لو بشيء بسسيط والله يووفقك حبيبتي ويسهل أمرك ..:16.jpg::004::icon1:

سارةةة 2014- 7- 10 05:01 AM
رد: ابي احد يتكلم عن مواد السنه التحضيري
 
مواد السنه التحضيريه مو صعبه حيل ولا سهلة كلها تعتمد على التركيز واسلوب الدكتور او الدكتورة في الشرح يعني ركزي في كل نقطه وحاولي يكون معك دفتر تسجلين فيه المعلومات المهمة وطبعا عندك البلاك بورد يعطونك فيه واجب
ومرات اختبار ويكون للواجب ساعات محددة دخلتي حليتي اخذتي الدرجه او لو ما دخلتي راحت عليك فكوني دقيقه في الاختبارات والواجبات
انجلش عام مهم تشدي حيلك فيه يعني اساسيفي بعض التخصصات ولو نجحتي فيه حيكون عندك القراءة والكتابه يعني بانجلش العام حاولي تنتبهي للقاعدات الغرامر وعندك المحادثة وكمان عندك الواجبات حلها اول بأول وتدربي على القطع في انجلش القراءة قرائتها وفهمها وكيفية استخراج الاجابات من القطعة لأنها تعتمد على الفهم الكلمات الجديدة لازم تذاكريها اول بأول كل وحدة تساوي الدكتورة فيها اختبار قراءة وكمان معاني كلمات على ورق و انجلش كتابه سهل لازم تعرفي قاعدة الكتابة وطبعا كل الكتاب عن كتابه والتعبير وكتابة موضوعات وطبعا كلمات تختبري فيها تحفظيها عن غيب وتملئي الفراغ من دون ما تكتب لك وش الفعل او الكلمة المناسبة موفقه عزيزتي ان شاء الله تسهل الأمور عليك

سمآرا 2014- 7- 10 10:53 PM
رد: ابي احد يتكلم عن مواد السنه التحضيري
 
نصيحه من مجربه لاتسجلي الموادكلها لان 9ضغط مررره الا اذا انتي عندك قدره

تدرجي يعني حلو تسجلي7 بالسمستر الاول وتشوفي كيف ولو نجحتي بمعدل حلو سجلي الترم الي بعده 8

وبدي الي لهم متطلب وبعدين يمديك مع الصيفي تسجلي 3 مواد

موفقه

rosy+ 2014- 7- 10 11:03 PM
رد: ابي احد يتكلم عن مواد السنه التحضيري
 
مساءِك خير , السنة التحضيرية سهله جدًا بس يبي لها اجتهاد من البداية يعني من اول ترم
مو شرط تاخذين تسع مواد تقدرين تاخذين سبع او ست فقط عشان تقدرين تجيبين اربعه وفوقها بأول ترم
الدكتورات المميزات عندي هم : لمادة فقة السيرة رجاء البحر , لمادة التحرير العربي أمل التميمي او ضحى بلال
لمادة مبادئ الإدارة نبيلة العمري وانتي مغمممضه , لمادة الانجليزي العام دكتورة ليلى الحسن او اي دكتورة عربية .. المادة ذي سهله بس شدي حيلك بالكوزات والشهري عشان تكونين مطمنه وانتي تحلين بالنهائي
مادة الصحة واللياقة اسخف مادة ! خذيها عند دكتورة ايات الشرع , مهارات التعلم والتفكير سخيفة بعد
خذيها عند مها عبد السلام او اي دكتورة عادي مو مشكلة بس انتي لا تتباسطينها وتقومين تهملينها لين النهائي !! ركزي زين دامها مويه لا تخلينها مراكمه بعدين تجيك حالة نفسية قبل النهائي وانتي بحاجة انك تكونين ريلاكس عشان تحلين وتجبين فُل مارك إن شاء الله , لا تاخذين علم اجتماع او احصاء من اول ترم .. خليها ع الترم الثاني إن شاء الله ,, صدقيني المشاركة ذي كاتبتها من قلبي طبقيها والله يوفقك
اخذي بس ست عشان تجبين معدل اربعه ونص يارب .. موفقه واي سؤال نحنُ في الخدمة :rose::S_45:

rosy+ 2014- 7- 10 11:04 PM
رد: ابي احد يتكلم عن مواد السنه التحضيري
 
وصح ترا فيه صيفي عندنا فلا تسجلين كل المواد زي ماقالت سمارا

rosy+ 2014- 7- 10 11:07 PM
رد: ابي احد يتكلم عن مواد السنه التحضيري
 
وشوفي لا تصيرين زي بنات التحضيري الجداد الله يستر عليهم
واللهِ فطسوني ضحك لما اخذت عقيدة معهم يضحكون ويفكرون نفسهم بثانوي والدكتورة ابرد مايكون
لانها احر مايكون في الدرجات وهم مساكين يفكرونها تسامحهم ههههههههههههههههههههه
خليك ذوق معهم والكلام المعسول وصبحي عليهم كل يومين ببساطة خليهم يلصقونك بمخهم ويحفظون اسمك
موفقه يااارب

3BO0OO0R 2014- 7- 11 01:13 AM
رد: ابي احد يتكلم عن مواد السنه التحضيري
 
و انا بعد انصحك ما تاخذي 9 مواد ب سمستر واحد
ضغط و تعب عليك مره
-مجربه- :18:

Af.1995 2014- 7- 11 08:09 AM
رد: ابي احد يتكلم عن مواد السنه التحضيري
 
مبارك القبول حبيبتي ؛ السنة التحضيرية مو بذيك السهولة و لا يذيك الصعوبة مو كل شيء سهل و لا كل شيء صعب حطي في بالك السنة التحضيرية تعتمد على تركيزك و فهمك و حفظ و تعتمد على طريقة اسلوب الدكتور

اول شيء اعرفي ايش تخصصك ايش ميولك ايش انتِ خاطرك تكونين مستقبلًا .

ثاني شيء اعرفي متطلبات تخصصك و شدي حيلك فيهم .

ثالث شيء حطي في بالك لازم تشدين حيلك و لازم معدلك ما يقل عن 2 ليه ؟ 3 انذارات تحت ال 2 و فصل من الجامعة

بالنسبة للمواد انتِ و قدرتك و استطاعتك في التحمل ..

Af.1995 2014- 7- 11 08:10 AM
رد: ابي احد يتكلم عن مواد السنه التحضيري
 
اول شيء مواد السمستر الأول ؛ -راح اكتب اسم الدكتورة اللي اخذت عندها جنب كل مادة-

انجليزي عام ؛ امم نوعًا ما سهلة نصيحة إذا انتِ مش شاطرة في الانقلش لا تاخذينه عند دكتورة هندية بذات (فانسثي مدري فاسنثي)

الصحة و اللياقة مادة ممتعة جدًا سهله بسيطة و حلوة -د.غادة-

نحو (1) شوي في صعوبة بس ركزي و تفهمين و دكتورتي اللطيفة كانت تساعدنا شوي -د.رزان خدام-

علم اجتماع ما ادراك ما هو كلام كثير كثير كثير و حفظ -د.فاطمة الموسى- ما جازت لي ما تشرح احنا نشرح يعني مدري كيف صراحة احسها مش مهتمة .

النظام الاجتماعي في الاسلام مادة سهلة لطيفة حلوة و دكتورتي الطف صح تطول في الشرح بس عسل مررة -د.رجاء بحر-

فقه السيرة مادة طويلة كلامها كثير -د.ريم الكاملي او كاملي - -د.سارة الشهري- طبعًا هالدكتورتين درسوني كل وحدة درست نص :(

تحرير عربي مادة سهلة حدًا لكن تنصدمين من اسئلتهم صراحة -د.حصة الدوسري- نوعًا ما كويسة.

مدخل إلى تقنية المعلومات سهلة جدًا جدًا و حلوة كمان دكتورتي اللطيفة -مها القاضي-

-طبعًا بس اخذت هذولا باقي الاحصاء ما تسجل معي في السمستر الأول انضغطت كثير و لا يوم اوف و طلعت منه بمعدل 2،68 و السمستر الاول نظام شعب لازم كل المواد في شعبة معينة-

Af.1995 2014- 7- 11 08:11 AM
رد: ابي احد يتكلم عن مواد السنه التحضيري
 
السمستر الثاني اسهل من الاول ؛

مبادئ الادارة سهلة جدًا وكلها فهم -د.نبيلة العمري-

مهارات التعلم و التفكير طويله غثيثة هفف بس نوعًا ما ممتعة بس ما حبيتها مع الدكتورة -اسماء-

نحو (2) ما تاخذينه الا إذا نجحتي بنحو (1) اسهل من الاول بكثير و اشياء اخذينها بالثنوي -د.فوزية المزروع-

تلاوة و تجويد سهله و حفظ و تجويد يعني هي المادة اللي 70 بالمية ترفع لك معدلك -د.مريم مغربي-

الحاسب المكتب مادة سهله جدًا و ممتعة اشياء في البوربوينت و الورود و الاكسل طبعًا اخذتها عن اللطيفة -مها القاضي-

اخذت هذي المواد عشان ارفع معدلي باقي طبعًا قراءة ومحادثة هذي لازم تنجحين في نحو 1 عشان تاخذينها باقي انجليزي قراءة و انجليزي كتابة ما تاخذينهم الا إذا نجحتي في انجليزي عام و طبعًا أنا حملته :( و باقي تذوق ادبي طلعت من هذا السمستر بمعدل 3،18

فالك التوفيق ؛ شدي حيلك حطي اهدافك قدام عينك اي شيء تبينه هينا أنا و البنات بإذن الله راح نفيدك حاولي تكونين دايم ايجابية ركزي في كل شيء في الجامعة و يارب يكون معدلك دايم عالي المعدل اللي تجيبينه راح يستمر معك ل آخر سنة في الجامعة اما يرتفع او ينزل خليه دايم مرفوع ..

rana_1 2014- 7- 11 04:01 PM
رد: ابي احد يتكلم عن مواد السنه التحضيري
 
الله يعطيكم العافيه كلكم مرررررره ماتوقعت الرد انا ماابي او مو عاجبني الا الاعلام او اخصائي اجتماعيه بس بس مااعرف اذ ان شاءلله دخلت علم اجتماع وخدمة المجتمع وشلوان اصير اخصائيه ومره ثانيه مره شكرا لكم

rana_1 2014- 7- 11 04:09 PM
رد: ابي احد يتكلم عن مواد السنه التحضيري
 
وكم المعدل حق الاعلام وعلم اجتماع

rana_1 2014- 7- 11 04:30 PM
رد: ابي احد يتكلم عن مواد السنه التحضيري
 
الله يعطيكم العافيه كلكم

سميرة محمد 2014- 7- 11 07:28 PM
رد: ابي احد يتكلم عن مواد السنه التحضيري
 
السلام عليكم
انا نفس الاخت الي قبلي خاطري ب علم الاجتماع ك تخصص بس ماعرف ايش هي
متطلباته ؟
حابه استفسر بعد هل بالمحاضرات الاخرى غير الانقليزي يكون فيه اساله و اجوبه
بالانقليزي و لا لا ؟
يعطيكم العافيه مقدما
:love080:

R.R 2014- 7- 11 08:02 PM
رد: ابي احد يتكلم عن مواد السنه التحضيري
 
المحاضرات كلها عربي اصلا معروف من اسمها
بس انجليزي عام وقراءة وكتابة انجليزي

Shiny Tiffany 2014- 7- 11 08:14 PM
رد: ابي احد يتكلم عن مواد السنه التحضيري
 
اقتباس:
المشاركة الأصلية كتبت بواسطة سميرة محمد (المشاركة 11229231)
السلام عليكم
انا نفس الاخت الي قبلي خاطري ب علم الاجتماع ك تخصص بس ماعرف ايش هي
متطلباته ؟
حابه استفسر بعد هل بالمحاضرات الاخرى غير الانقليزي يكون فيه اساله و اجوبه
بالانقليزي و لا لا ؟
يعطيكم العافيه مقدما
:love080:

متطلب التخصص هو معدلك 3 وفوق ..

ويقولون ما تجيبين أقل من C في المادة ..

بس أعرف بنات جابو أقل من C وتخصصوه ..

المهم مافي غير طبعاً المواد الانقليزية الي بيكون أسئلتها وأجوبتها بالانجليزي ..

في مادة علم الاجتماع بيعطونك ورقة فيها كلمات انجليزية ومعناتها بالعربي ..

يعني بس ذا الشي الي اللهم اذكر مر علي بالتحضيري ان يكون فيه اشياء انقليزية غير المواد الانقليزية ..

بسس بالتوفيق :) :love080:

Mesh1 2014- 7- 11 08:28 PM
رد: ابي احد يتكلم عن مواد السنه التحضيري
 
اقتباس:
المشاركة الأصلية كتبت بواسطة af.1995 (المشاركة 11228970)
اول شيء مواد السمستر الأول ؛ -راح اكتب اسم الدكتورة اللي اخذت عندها جنب كل مادة-

انجليزي عام ؛ امم نوعًا ما سهلة نصيحة إذا انتِ مش شاطرة في الانقلش لا تاخذينه عند دكتورة هندية بذات (فانسثي مدري فاسنثي)

الصحة و اللياقة مادة ممتعة جدًا سهله بسيطة و حلوة -د.غادة-

نحو (1) شوي في صعوبة بس ركزي و تفهمين و دكتورتي اللطيفة كانت تساعدنا شوي -د.رزان خدام-

علم اجتماع ما ادراك ما هو كلام كثير كثير كثير و حفظ -د.فاطمة الموسى- ما جازت لي ما تشرح احنا نشرح يعني مدري كيف صراحة احسها مش مهتمة .

النظام الاجتماعي في الاسلام مادة سهلة لطيفة حلوة و دكتورتي الطف صح تطول في الشرح بس عسل مررة -د.رجاء بحر-

فقه السيرة مادة طويلة كلامها كثير -د.ريم الكاملي او كاملي - -د.سارة الشهري- طبعًا هالدكتورتين درسوني كل وحدة درست نص :(

تحرير عربي مادة سهلة حدًا لكن تنصدمين من اسئلتهم صراحة -د.حصة الدوسري- نوعًا ما كويسة.

مدخل إلى تقنية المعلومات سهلة جدًا جدًا و حلوة كمان دكتورتي اللطيفة -مها القاضي-

-طبعًا بس اخذت هذولا باقي الاحصاء ما تسجل معي في السمستر الأول انضغطت كثير و لا يوم اوف و طلعت منه بمعدل 2،68 و السمستر الاول نظام شعب لازم كل المواد في شعبة معينة-

انتي الظاهر كنتي معاي ب الشعبه ☺️

3BO0OO0R 2014- 7- 12 09:49 AM
رد: ابي احد يتكلم عن مواد السنه التحضيري
 
تقريبًا الكل يبي يتخصص علم اجتماع تعويضًا عن علم النفس
-انا وحده منهم- :18:
علم اجتماع ان جبتي معدل 3 و فوق بالراححه تتخصصي ..
عشان كذا انا ادرس المقررات شوي شوي
الحين بدخلترم ثالث بالتحضيري من اصل سنتين
بس لأجل اجمع معدل حلو يخليني اتخصص اللي ابي ..
عشان كذا دايم اوصي و أقول لا تاخذوا مواد كثير تتعبون و بالعكس كثرة المواد تقلل المعدل
الله يوفقققكم جميع و تتخصصوا اللي يحبه قلبكم :27::1::1:

Sunries 2014- 7- 12 09:58 AM
رد: ابي احد يتكلم عن مواد السنه التحضيري
 
السلام عليكم ورحمة الله وبركاته
بسم الله الرحمن الرحيم
شوفي ياقلبي مواد التحضيري جد يبغالها تشدين حيلك وتحلين وتفعلين لكن بالنهايه بترتاحين لما تخلصين سنة النحضيري وانتِ مخخلصة جميع المواد صح ولا لا ! في بنات ياخذون اوف وياخذون 9 مواد عادي جداً ضاغطين ع انفسهم لكن راضين هالشي ب اختيارهم لانهم يبون " الأوف " لكن لو انتِ ياقلبي مافيك حيل تضغطين نفسك لاتضغطينها لاحقه ع الاوف موب طاير ، ونصيحة لاتسمعين كلام اي وحده تقولك خذي 7 او 6 مواد ممكن هالشي هم ارتاحو له بس يمكن انتِ قدراتك افضل يمكن انتِ قدها وعندك هدف راسمته ف مخيلتك بأنك ماتخلصين سنة تحضيري الا وانتِ مخلصة كل المواد ! والي تقول تاخذين بعضهم بالصيفي اوكي حلو لكن مو اي وحده تضمن نفسها تسجل صيفي ممكن تحصل ظروف وخاصة انو السنة الثانيه تخصص ف حلو اتخصص وانا مو شايلهه هم مادة حذفتها بالتحضيرب وبضطر اخذها ! ماقولك لاتحذفين وتفعلين شي راجعلك بس اجلي هالحذف لبعدين وانا اقولك اياها بنات كثييييييير اخذو 9 مواد بالترمين وربي لك الحمد نجحو بمعدلات عالية ! مافي شي صعب شدي حيلك ليش نعطي انفسنا مستويات اقل ليش مانكون قدها ونكون قد الهدف الي رسمناه ! ترا صعوبة مواد التحضيري تختلف من شخص إلى اخر ! انا ماقولك اخذي 9 غصصب !! انا اقولك امشي ع الخطه افضل لك وتوكلي على الله ربي قادر على كل شي 💜 ونبذه عن مواد التحضيري من حيث صعوبتها وماعرف ايش اولا فقه السيره هالمادة لو نفكر بس ونستوعبها شوي كان ماضيعنا وقتنا واحنا نتذمر من صعوبتها وبالتالي تروحح دراجتنا لان ماذاكرنا لان ماشدينا حيلنا بالاساس ف مادة " فقه السيره " مادة تعتمد ع الحفظ والفهم لكن بنظري الحفظ بشكل كبير وفعلت بالنسبة لي كانت صعبه بس يمكن بالنسبة لك لا لان في بنات يقولون مرا سهله ماشاءالله وفي بنات لا يعني هالشي يعتمد ع ايش ؟ ع البنت نفسها 😚 المهم انا اصلا اول سمستر كان قلبي مع الثانويه وكنت احسب الوضع تاشير زي الثانويهه فكنت اتذمر ليش فقه السيره هذا كله نذاكرهه ليش م يحدد الاشياء المهممه وطبعا بالاخير الغلط مني مو من الدكتور لان نظام الجامعه كذا اساسا مافي دلع زي قبل تاشير لكل مادة المهم المادة من اسمها فقه السيره تتكلم عن سيرة الرسول صلى الله عليه وسلم وتتكلم عن المواقف والغزوات والصحابة مادة جميله فعلا واستوعبت هالشي لما جلست اسبوع اذاكرها من قلبي لان كنت في غفله والاختبار النهائي قرب ! المهم الحمدالله ربي وفقني ونجحت فيها ونصيحة : انا اخذتها عند الدكتور " محمد الاسود " ماقولك لاتاخذينه عنده مدري يمكن يعجبك نظامهه وتوزيعهه للدرجات واسالته لكن عن نفسي ابدا ماعجبني اصلا احنا كنا مختارين دكتورة لكن حصل شي وجابو هالدكتور بدال هالدكتوره ف اخذيها عند دكتورة افضل والأمر الاول والاخير يرجع لك 👩
هذي بالنسبة لي اصعب مادة كانت 😚
بقولك موادي السمستر الاول : فقه السيرة / النظام الاجتماعي ف الاسلام / تحرير عربي / نحو 1 / احصاء / مبادئ ادارة / صحة ولياقه / انقلش عام / مدخل إلى تقنية المعلومات
احلى مادة بنظري مبادئ الاحصاء ولله الحمد ماشاءالله ربي يبارك
حسيتها لطيفه وفعلا فيها حسابات واشياء ومرات اعصب لكن بالنهاية لما استخرج الجواب احس بالفخر 😂 المهم كثير بنات يحبونها وكثير لا ف حبيها من نصيحتي وخليك اول باول مع الدكتوره واخذيها ولاتحذفينها ونصيحة 👶💜
يابنات امشو ع الخطة ولاتحذفون شي مدامكم قدها الي غيركم قدرو ف بالتالي انتم تقدرون قسم بالله لاحقين ع الاوف : مدامكم توكم اول سنة خلو حماسسسكم عالي وانتو قادرين تاخذون 9 مواد ترا عادي ماشوف شي عظيم والي يقولون لكم ضغط وماعرف ايش اوافقهم الراي صح ضغط مرات لكن هالشي مانخليه عاااائق !!! نشد شوي ع حيلنا نذاكر كويسس نبحث نستكشف نسوي اي شي ترا الموضوع بسيط لاتضيقونهه بتفكيركم ووسوستكم خلوكم متفاااااائلين وقبل كل شي متوكليييييين على رب العالمييين خلاص وكلو امركم اليه لاتخلون شغلكم الشاغل احذف ولا اخلي احذف ولا اخلي ، انا العام مافكرت زيكم ولا جا ع بالي ومشيت ع الخطة ومادري عن شي بس عادي تقبلت الموضوع الحمدالله ماقلت نهاية الدنيا وماجلست طول السنة عادي طبعا انضغطت واحس اني ماقدر بس لما اخذ بريك ساعتين واجلس افكر بيني وبين نفسي عن هدف وصولي لهالمرحلة الجامعية واجلس افكر اني اققققدر غير قدر اكيد اقدر غير فعل اكيد بفعل مافي شي مستحححححيل 😢💜 فلوها ي جماعة الخير 😎

rana_1 2014- 7- 12 11:55 AM
رد: ابي احد يتكلم عن مواد السنه التحضيري
 
الله يعطيك العافيه انا اختي قالت لي بعد يوم قلت لها ماباخذ تسع مواد قالت انا كنت مااخذه تسع ماشاءلله عليك احسك شاطره كم جبتي بالثانويه

Sunries 2014- 7- 12 07:31 PM
رد: ابي احد يتكلم عن مواد السنه التحضيري
 
اخذيها وانتِ مغمضهه تتسهل من رب العالمين ياختي ��
ماله دخل بالثانوي كم جبت ياما بنات كانو مش ولابد بالثانوي وابدعو بالجامعه ومعدلاتهم مرتفعه :")
لو نتيجتك بالثانويهه بتخلينها مقياس ع نجاحك ب الجامعه ماينفع لان الجامعه غير ماتعتمد ع شطارتك بالثانويهه تعتمد ع شطارتك بالجامعهه واجتههداك !! ��

R.R 2014- 7- 13 01:55 AM
رد: ابي احد يتكلم عن مواد السنه التحضيري
 
^^
صح كلامك

انا اخذتهم كلهم ونجحت فيهم كلهم
خذيهم كلهم وتوكلي على الله وذاكري زين زين لان اذا اجلتي بتتوهقين تاخذينهم ولا تاخذين مواد التخصص

rana_1 2014- 7- 13 02:14 AM
رد: ابي احد يتكلم عن مواد السنه التحضيري
 
بس ولو حتى لو شوي ياثر بنات المهملات فالثانويه ماراح يكونون مثل عزيمة المجتهدات تفرق لو شوي وشكرا لك ياقلبي

rana_1 2014- 7- 13 02:15 AM
رد: ابي احد يتكلم عن مواد السنه التحضيري
 
الله يعطيك العافيه r.r

Anoud. 2014- 7- 13 02:33 AM
رد: ابي احد يتكلم عن مواد السنه التحضيري
 
اللي بتمشي عالخطة بترتااح كثير و الله افضل من ان تشيلين هم تعارض في الاختبارات النهائية و ماتدرين كيف بتاخذين المادة اللي خليتيها متى, ترى و الله تنضعطين طول السنة و تجيبين درجات و كل امتحان بيومة و لا يكون عليك امتحانين بنفس الوقت و تزفتين فيهم لا سمح الله

الزهراني999 2014- 7- 13 03:18 AM
رد: ابي احد يتكلم عن مواد السنه التحضيري
 
هلارنى مبروك قبولك .... مااقدر اقولك خذي 7 او9 ذا يعتمد ع تحملك للمواد انا عني اخذت 9 السمستر الاول وقالوا بنات كثر لاتاخذيها كلها ضغط ومدري ايش وراح تنزلي معدلك ومن ذا الكلام عاد رحت عند وحدة من المشرفات كنت ابي اسقط مادة او مادتين ونصحتني اني اخذها كلها واتوكل ع الله والحمدلله اني سمعت كلامها واخذت التسع مواد ونجحت فيهم وافتكيت فلا تستعجلي خصوصا اذا انتي ماشاءالله بالدراسة كويسة وكان عندي اوف واحد بالاسبوع عاد شدي حيلك من البداية وركزي بالمحاضرات واسالي عن الدكتورات اللي يساعدون وموفقه

Af.1995 2014- 7- 13 04:48 PM
رد: ابي احد يتكلم عن مواد السنه التحضيري
 
الله يوفقك و يسهل عليك بالنهاية قرارك كل وحدة عطتك رايها استخري و شوفي ايش تاخذين

وخليك دايم اول بأول في المحاضرات اي معلومة اكتبيها عندك شدي حيلك من بداية السمستر ذاكري اول بأول

بالتوفيق

rana_1 2014- 7- 15 12:41 PM
رد: ابي احد يتكلم عن مواد السنه التحضيري
 
الله يخليكم:love080::love080:

حنان1 2014- 7- 15 01:08 PM
رد: ابي احد يتكلم عن مواد السنه التحضيري
 
الله يطيك العافية

&برستيج بنوته& 2014- 7- 17 01:53 AM
رد: ابي احد يتكلم عن مواد السنه التحضيري
 
اقتباس:
المشاركة الأصلية كتبت بواسطة rana_1 (المشاركة 11230944)
بس ولو حتى لو شوي ياثر بنات المهملات فالثانويه ماراح يكونون مثل عزيمة المجتهدات تفرق لو شوي وشكرا لك ياقلبي
انامعاك ومومعاك اصابعك موسوى طالما ان للبنت هدف مايخليهاتنشغل بأجواء الجامعه رح تشد حيلهابعضهم تقدرين تقولين انه بعد الثانويه ممكن يتغيرون ويشدون حيلهم وبعضهم لا انا خريجه لي سنتين صديقاتي بعضهم دخلو وانا تو انقبلت وترا ماكانو شطار وفي منهم شطار بعضهم انطردو من اهمالهم وبعضهم كان معدلهم بثانويه انزل مني انا كنت اشطر منهم بس شوفيهم الحين معدلاتهم مرتفعه وبس:16.jpg::wink:

سرادق 2014- 7- 17 02:56 AM
رد: ابي احد يتكلم عن مواد السنه التحضيري
 
اقتباس:
المشاركة الأصلية كتبت بواسطة af.1995 (المشاركة 11231537)
الله يوفقك و يسهل عليك بالنهاية قرارك كل وحدة عطتك رايها استخري و شوفي ايش تاخذين

وخليك دايم اول بأول في المحاضرات اي معلومة اكتبيها عندك شدي حيلك من بداية السمستر ذاكري اول بأول

بالتوفيق


انتي بصراحة يناسب لك علم الاجتماع

miss قمله 2014- 7- 17 05:13 PM
رد: ابي احد يتكلم عن مواد السنه التحضيري
 
بتكون الجداول جاهزه من الجامعه ولا احنا نسوي الجدول

سمآرا 2014- 7- 17 08:49 PM
رد: ابي احد يتكلم عن مواد السنه التحضيري
 
يعني الحين صار كل البنات الي ما اخذو ال9 مواد معناته هم مهملات ؟!
لا يا عمري
اشوى انه مو بس انا

R.R 2014- 7- 17 10:11 PM
رد: ابي احد يتكلم عن مواد السنه التحضيري
 
اقتباس:
المشاركة الأصلية كتبت بواسطة miss قمله (المشاركة 11237934)
بتكون الجداول جاهزه من الجامعه ولا احنا نسوي الجدول
بس التحضيري اول ترم لهم بالكلية تكون جاهزة
من مستوى ثاني الى اخر مستوى بالكلية ترتبين جدولك انتي

موفقه يارب

R.R 2014- 7- 17 10:22 PM
رد: ابي احد يتكلم عن مواد السنه التحضيري
 
اقتباس:
المشاركة الأصلية كتبت بواسطة سمآرا (المشاركة 11238102)
يعني الحين صار كل البنات الي ما اخذو ال9 مواد معناته هم مهملات ؟!
لا يا عمري
اشوى انه مو بس انا
لا مين قال كذا
انا يوم كنت بالتحضيري اول مستوى اخذتهم كلهم ونجحت فيهم الحمدالله
ثاني مستوى ما اخذتهم كلهم اخذت اسهل المواد ودرست ونجحت
بعدين خلصت سنه كاملة وانا ما خلصت بعض مواد مستوى ثاني ، بعد سنه كاملة من الكلية تخصصت
السنه الثانية اخذت باقي المواد اللي باقية لي من التحضيري مع مواد التخصص ونجحت اللهم لك الحمد والشكر

Roony 2014- 7- 18 12:11 AM
رد: ابي احد يتكلم عن مواد السنه التحضيري
 
شدي حيلك
و حطيها بببالك جهدك بالثانوي ولاشي قدام الجامعه
مو تخويف بس لازم شدة حييييل و تحطي كل جهدك و ووقتك بالدراسه عشان تجيبي معدل حلو
بالتوفيق

Shiny Tiffany 2014- 7- 18 01:32 AM
رد: ابي احد يتكلم عن مواد السنه التحضيري
 
بنات في أحد أخذ مادة الثقافة الاسلامية ؟!

هو الحين طالع مستوى ثالث ؟!!

rana_1 2014- 7- 18 12:43 PM
رد: ابي احد يتكلم عن مواد السنه التحضيري
 
مين قال ان الي ياخذون تسع مواد مهملات ؟؟؟؟؟؟؟؟؟؟؟؟؟؟؟؟؟؟؟؟؟؟؟ مااحد قال اختي العزيزه

rana_1 2014- 7- 18 01:01 PM
رد: ابي احد يتكلم عن مواد السنه التحضيري
 
بنات الحين لو وحده انقبلت بالاداب وهي الرغبه الثانيه والرغبه الاولى طلب والرغبه الاولى يقبلون بالسمستر الثاني تدرس الاداب واذ انقبلت بالاول تروح ولا لازم ماتدرس وتنتظر ؟؟؟؟؟؟؟؟؟؟؟؟؟ لان لو ماادرست بالاداب يمكن ماتنقبل بالرغبه الاولى

SILENT. 2014- 7- 18 02:46 PM
رد: ابي احد يتكلم عن مواد السنه التحضيري
 
اقتباس:
المشاركة الأصلية كتبت بواسطة rana_1 (المشاركة 11239058)
بنات الحين لو وحده انقبلت بالاداب وهي الرغبه الثانيه والرغبه الاولى طلب والرغبه الاولى يقبلون بالسمستر الثاني تدرس الاداب واذ انقبلت بالاول تروح ولا لازم ماتدرس وتنتظر ؟؟؟؟؟؟؟؟؟؟؟؟؟ لان لو ماادرست بالاداب يمكن ماتنقبل بالرغبه الاولى
لا ياقلبي
لو كملت بالاداب خلاص بتصير بالاداب طول حياتها .
اتوقع قصدك التطبيقيه رغبتها الاولى لانها تقبل ترم ثاني !
فاذا تبي تطبيقيه تقعد بالبيت وتسحب ملفها من الجامعه لانها اكيد ودته
بس خلي هالشي ببالك ! ( ماتدرين لو هالسنه يصير فيه تسجيل ترم ثاني او لا )
مو كل سنه يصير نفس االشي , يمكن هالسنه يتغير كل شي :139:
فاحسن لها تكمل بالاداب وبس

rana_1 2014- 7- 18 05:11 PM
رد: ابي احد يتكلم عن مواد السنه التحضيري
 
الله يعطيك العافيه ويخليك يارب

rana_1 2014- 7- 18 05:14 PM
رد: ابي احد يتكلم عن مواد السنه التحضيري
 
نحنا هذي السنه غير كل شي بالنت مافي نودي ملفات ولا شي انا فكرت عادي لان السمستر الثاني بيقبلونها بس معلومة جديده الله يوفقك

rana_1 2014- 7- 18 05:18 PM
رد: ابي احد يتكلم عن مواد السنه التحضيري
 
الي عندها معلومات ممكن نستفيد منها بخصوص الي قلت عنه

طالبه عربية 2014- 7- 19 12:31 AM
رد: ابي احد يتكلم عن مواد السنه التحضيري
 
بنات ممكن تغيدوني
تنصحوني ادرس عند مين مبادئ علم الاجتماع
لانه سنة تخرج واتغيرو جميع دكاترة التحضيري
ارجو منكم تساعدوني
والله يوفقكم ويسهل عليكم

R.R 2014- 7- 19 12:51 AM
رد: ابي احد يتكلم عن مواد السنه التحضيري
 
انا اخذتها عند فاطمة الموسى والحمدالله نجحت

سمآرا 2014- 7- 19 01:32 AM
رد: ابي احد يتكلم عن مواد السنه التحضيري
 
موزه الكعبي تكرفك كراف وانا كرهت الماده منها وما احضر وانا موجوده رحت باسحب الا يقولو لي تاخر الوقت
وتعامل بمزاجها مو كل البنات سوا وربي
يقولو فيه وحده اسمها سوسن

سمآرا 2014- 7- 19 01:33 AM
رد: ابي احد يتكلم عن مواد السنه التحضيري
 
طبعآ الي اسمها سوسن احسن حسب ما سمعت

طالبه عربية 2014- 7- 19 07:35 AM
رد: ابي احد يتكلم عن مواد السنه التحضيري
 
مشكووورات ������

طالبه عربية 2014- 7- 19 08:02 AM
رد: ابي احد يتكلم عن مواد السنه التحضيري
 
اقتباس:
المشاركة الأصلية كتبت بواسطة rana_1 (المشاركة 11239178)
الي عندها معلومات ممكن نستفيد منها بخصوص الي قلت عنه
الي اقدر افيدك فيه ادرسي السنه التحضيريه في الاداب واجتهدي فيها وحاولي تنجحي ومعدلك يكون فوق 2 ومخلصه 50% من الساعات قدمي طلب تحويل لاي كليه تطلبينها او جامعه وبكدا تقدري تحولي
وبالتوفيق لك

rana_1 2014- 7- 19 01:42 PM
رد: ابي احد يتكلم عن مواد السنه التحضيري
 
حتى لو كان على الكليه الي تبيها مكتوب طلب مو رفض يعني يمكن السمستر الثاني يطلع قبول اننا ماقصد كيف احول انا اقصد هل يوثر لو اخذت سمستر بالاداب علما يجي القبول بالكليه الثانيه وبس .الاخت الي كلمتني بالاول ماقصرت

zoz ahmed 2014- 7- 22 07:18 AM
رد: ابي احد يتكلم عن مواد السنه التحضيري
 
مشكورين بنات على ردودكم استفدت حيييييل منها :1::1::1:

بصمة ابداع 2014- 7- 27 09:59 AM
رد: ابي احد يتكلم عن مواد السنه التحضيري
 
هلا ي حلوة , طبعاً الجامعه تختلف من الثانوية كثير , بس الشي المشترك تعاملك مع الدكتورات و الاساتذة , اذا كنتي حبوبه معهم و دايم تفهمي معهم و حتى لو ان شاء الله تصطنعي الفهم , مئه بالمئه راح يتقبلونك كطالبة علم و مستحيل يحملونك الماده , اما عن المواد , بعطيك اسماء دكتورات الكل تقريباً يشهد على حسن تعليمهم و اسلوبهم مع الطالبات " فقه السيره " سمية سويدان , انجليزي سواء كان قراءه او كتابه او عام انصحك بـ خديجة انصاري ( هندية بس مره funny ) .. " احصاء " نجلاء عثمان الزين , مها القاضي للحاسب ..
الصحه و اللياقه " آيات الشرع و تقريباً كلياتون مناح " , ادارة ممكن تاخذيها مع ايمان ابراهيم .
ان شاء الله قدرت افيدك

نداء الصباح 2014- 7- 31 08:28 AM
رد: ابي احد يتكلم عن مواد السنه التحضيري
 
بسم الله والله اكبر حياج الله ويانا

ازبده بقولج شي وان ما سمعتيني عدل بتندمممممين ندم شديد

ادري خوفتج بس هشي لصالحك انسى نظام الثانوي تماما
انتي داشه عالم جديد عالم جدا جميل ويتطلب مجرد تكوني اجتماعيه املي حياتك بالامل وسعاده
مهما واجهتي لى بقولج ياه اخذي المواد كامله مثل خطة الجامعة امشي عليها ولى تقولج اخذي ست مواد امبيه تعب تسع قولى لها تبا لج وامشي لانه بتصير خربطة مالها اول ولا تالي

والحين بفهمج انا اول ما دشيت الجامعة قلت ليه اتعب نفسي اخذ ست مواد واهم شي الاوف واتفشخر على خواتي خو مو مدرسه المهم ان كان مرا حماس اول سمستر وثاني سمستر مرا كانت جميله بوجود صديقاتي الجدد بوجود المواد القليله

هسعاده لى كنت عايشه فيها انقلبت ضدي رسبت بمادتين لى تقولج اجتهدي واخذي ست
انتي ما تدرين ايش يصير وياج سنة ثانيه اخت مواد سنة تحصيري ومفروض اتخصص بيني وبين تخصص كانت ساعتين اذا اول مشكله كل دفعتي تخصصو الا انا تخصصة سنة ثانيه جامعة ترم ثاني بتالي القسم ما حيطلب الا عدد قليل بعكس لو كنتتي مخلصه سنة تحضيري جان انقبلت بلي انا ابيه

نجي لترم ثاني من سنه ثانيه بالجامعة اهنيه عشت شي الله لا يوذقه لحد
فتح تسجيل وتخصصت جغرافيا تخيلي ما نزلت الا مادتين 3 بسس طيب انا اهنيه شسوي
و كانت عندي وعكه صخيه طريت اضغظ على نفسي و اروح الجامعة ومن مكتب الي مكتب يقطوني الي ماخلاص هلكت رحت للقسم وقلت ابي مواد عطتني ورقة والخ الخ

المشكله ثانيه مالقيت مواد شفتي

هدوامة انتي بغنى عنها بقوه

خلج بسليم وامشي على خطة الجامعة اكذب عليج لو اقولج سهل بس بتنقذج من الحوسة لى انا حطيت نفسي فيها ثمن هذا شي بسيط لا تنسين انتي لج ست سنوات بالجامعة او خمس بالجامعة وبتقولج اوت يا الخفوق هذا حدج فانتبه وحسبي صح

اخر شب ابي اقولج ان تغرفي على بنات من خلال المنتدى وسجلو بنفس الشعبه بتسهل عليج اموررر كثيره واولها راحه نفسيه عندج وحدخه تمشين وياها تتواصلين
والحلو ثنتينكم تواجهون نفس المشاعر وكذا
سوو قروب وهيكا واتساب او بيبي

وبس جذيه موفقه

نداء الصباح 2014- 7- 31 08:38 AM
رد: ابي احد يتكلم عن مواد السنه التحضيري
 
http://www.ud.edu.sa/DU/ar/colleges/...RLSDAM_DEPT_AR

هذي اقسام التخصص اضغطي عليها وبيعطيج الخطة

قد يكون في تحديث قبل موعد تسجيل دشي وشوفي الخطة

اخر شي لازم تحطين بالج تخصص مثلا علم الاجتماع
شوفي جم يحتاج معدل ايش المواد لى مفروض تعدينها يسمونها متطلب
روحي القسم اسالي كثيير ولمي معلومات عن تخصص لى تبينه

k.r.z 2015- 7- 2 05:15 PM
رد: ابي احد يتكلم عن مواد السنه التحضيري
 
السلام عليكم ..أنا طالبة جديدة بهالكلية وأبغى أعرف المعدل المطلوب لتخصص الإعلام
وماهي متطلباته ؟؟

Shiny Tiffany 2015- 7- 3 08:51 AM
رد: ابي احد يتكلم عن مواد السنه التحضيري
 
اقتباس:
المشاركة الأصلية كتبت بواسطة k.r.z (المشاركة 12538249)
السلام عليكم ..أنا طالبة جديدة بهالكلية وأبغى أعرف المعدل المطلوب لتخصص الإعلام
وماهي متطلباته ؟؟


وعليكم السلام

حبيبتي تخصص الاعلام غير انه لازم تجيبين معدل عالي ..

في مواد بالسنة التحضيرية لازم تجيبين c وطالع ..

الي هي :

انجليزي عام >> الانجليزي الي ان شاء الله بتاخذينه في السمستر الأول
هو على حسب لغة كل طالبة يعني اذا لغتك اوكي فيه راح يكون ان شاء الله سهل عليك ..

تحرير عربي >> مادة تقريباً تشبه مادة الأملاء بس اللهم ضايفين لك شلون تكتبين التقارير وشلون تكتبين المقالات والرسائل واذكر اشياء بعد ضايفينها بس نسيت وش لان لي سنتين ماخذتها، تاخذينها ان شاء الله بعد في السمستر الاول ..

تقنية المعلومات >> مادة تدرسين فيها الكمبيوتر نظري وبتاخذينها بعد في السمستر الاول ..

وموفقة ان شاء الله :106:

ranaa-33 2015- 7- 3 08:38 PM
رد: ابي احد يتكلم عن مواد السنه التحضيري
 
انا اقولك خذي المواد كامله لا تعب ولا شي الفرق انك بتداومين الاسبوع كامل ممكن مايكون فيه يوم اوف وانتي توك خارجه من الثانوي ف متعوده، والاختبارات بتكون ورا بعض ولو ذاكرتي اول باول صدقيني بتمشين بالراحه .. خذيها زي ماهي المواد وشدي حيلك عشان حتى وقت التقديم على التخصصات تكونين شامله كل مواد السنه التحضيريه،، كثير بنات خففو على نفسهم وجابو معدل نازل حتى وهم مخففين ولا تخصصو يعني سنه ونص بتروح عليهم تحضيري حرام

rosy+ 2015- 7- 3 11:24 PM
رد: ابي احد يتكلم عن مواد السنه التحضيري
 
انا انصح الطالبة بما انه سنوات الدراسة عادي تخليها ست سنوات
فأنا اشوف ان الشخص لا يضغط على عمره بالتحضيري

لأن اول ترم هو الي يحدد معدلك وثاني ترم صح يقدر يرفعك فوق الخمسين نقطة
لكن من البداية خوذي ياعزيزتي القارئة خمس او ست مواد اقلها الترم الاول فقط
عشان يكون لك معدل طيب وتقدرين تتخرجين بشهادة تشرف مو 2 اسمنه يعني مافي انذارات
لا بالعكس حددي لك هدف واذا تعبتي مستحيل يضيع تعبك تذكري هالشيء

rosy+ 2015- 7- 3 11:27 PM
رد: ابي احد يتكلم عن مواد السنه التحضيري
 
اقتباس:
المشاركة الأصلية كتبت بواسطة k.r.z (المشاركة 12538249)
السلام عليكم ..أنا طالبة جديدة بهالكلية وأبغى أعرف المعدل المطلوب لتخصص الإعلام
وماهي متطلباته ؟؟
معدل القبول 2 ونص اقل شيء
وجيبي سي بثلاث مواد المتطلب
تقنية معلومات ، تحرير عربي ، انقلش عام

Shiny Tiffany 2015- 7- 4 03:43 AM
رد: ابي احد يتكلم عن مواد السنه التحضيري
 
بنات انتبهو اذا البكالوريس خذيتيه 6 سنوات وتبين تاخذين ماجستير برا ..

ماراح تكونين ضمن البعثة لأن من شروطها ان البكالوريس مو أكثر من 5 سنوات ..

ادري شطحة ..

بسس عشان شفت كثير بنات يبغون ماجستير برا اذا تخرجوا ..

Mesh1 2015- 7- 4 05:30 PM
_


All times are GMT +3. الوقت الآن حسب توقيت السعودية: 02:19 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه