استفسارات..
 

السلام عليكم
مبارك عليكم ماتبقى من الشهر حبايبي:004:

انا عندي بعض الاستفسارات واتمنى تجاوبوني وان شاء الله انكم ماتقصرون..

1) لما تنزل المواد ويجي التسجيل انا اختار الدكاتره؟ اللي فهمته بيكون نظام شعب يعني مثلا انا اخترت شعبه وصديقاتي مثلي بنكون بنفس الشعبه صح؟ سؤالي يكونون الدكاتره معينين لكل شعبه يعني جدول نازل من عندهم باسماء الدكاتره اللي يدرسون بهالشعبه صح؟

2) فيه لوكرات؟ واذا اي بكم ايجارها ومتى يبدا بداية الدراسه او متى؟ ويصير عليها زحمه وتخلص بسرعه او لا؟

3) عرفت ان الترم الاول 9 مواد ابي اسال اللي مجربه ماخذتها كلها بترم واحد شلون سهل ولا صعب؟ واثر على معدلها او لا؟

4) متى يعطوني الرقم الجامعي عشان اقدر ادخل على سجلات الطلاب؟ لان اللي فهمته ان تسجيل المواد من هالمكان بس انا لسى ماقدر ادخل عليه

5) احكولي اشياء تفرح وتبسط بالجامعه تخليني اتفائل واتحمس لها:verycute::004:

شكرا لكم:004:

رد: استفسارات..
 

وعليكم السلام

اي صح اول مستوى يكون نظام شعب يعني الدكاترة هم منزلينها انتي بس اختاري الشعبه الللي تبين
بعدين الترم الثاني انتي تختارين الدكاترة :rose:

اب فيه لوكرات ، السنه 100 ريال ، لا عادي مو شرط يكون زحمه تقدرين تاخذينها من بداية السنه :rose:

انا اول مستوى لي بالكلية اخذت تسع مواد الصراحه ضغط ضغط وزحمه الحمدالله اني نجحت فيهم كلهم ، بس اذا بتذاكرين اول بأول خذيها كلها لان بعدين بالنهائي تصير اختباراتك ورا بعض ما فيه يوم راحه هذا اذا اخذتيها كلها التسعه:rose:

بالنسبة الرقم الجامعي والله ما أدري عنه :rose:



تبين نصيحتي لك !
نصيحه ذاكري اول بأول عشان ما يتراكم عليك بالنهائي وتندمين
حتى لو اخذتي أقل من تسعه ذاكري اول بأول ، الكلية مو نفس المدرسسة
ذاكري زين عشان يرتفع معدلك وتدخلين التخصص اللي تبينه

لان الاسئلة اللي تذاكر زين تحل واللي ما تذاكر تلخبط
وحاولي تجلسين قدام وتكتبين كل شي مع الأستاذة لان اغلب اللي يقولونه يجي بالاختبار ، بعضهم كذا
بس انتي شدي حيلك من اول مستوى من اول السنين لانها هي الأهم :rose:



موفقه يارب ، وأي سؤال تبين تسألين اسألي :rose:

رد: استفسارات..
 

السلام عليكم ورحمة الله وبركاته ❤️
بسم الله الرحمن الرحيم
اول شي مبروك القبول ()
ثاني شي من ناحية المواد والشعب الموضوع بسيط اول ترم جدولكم يكون جاهز ، ثاني ترم انتي تختارين الدكتوره الي تبينها بالوقت الي تبينها ومو شرط تكون كل المواد بنفس الشعبه ! الترم الاول بس لازم تكون المواد بنفس الشعبه اساسا هو جاهز لكم
انصصصصحك وبشده تاخذين ٩ مواد كلها الي مطلوبه منك ولاتأجلين شي ولاتخلينه بعدين نصيحة ❤️ ترا تتسهل من رب العالمين لاتقولين صعب مافي شي سهل وبس في سهل وصعب وطبعا حطي ببالك اذا شديتي حيلك بالترم الاول وجبتي معدل كويس كذا تظمنين نفسك وماتخافين وتروحين الترم الثاني وانتي مبسوطه بإذن الله ، ذاكري اول باول اهم شي اهم شي اختبارات الميد تيرم حاووولي تجيبين فيها كويس لان بعدين هم بيحسبونها مع المشاركة والنهائي ف هالشي يعتمد ع الميد تيرم لانو غالبا الاختبار الي بوسط السمستر عليه ٣٠ ف ححرام تضيع ع الفاضي صح ولا لا ! وانا ماخذه ٩ مواد ولله الحمد وماثر على معدلي واذا ماتبين شي ياثر ع معدلك حلي واجباتك بانتظام سلمي واجباتك بوقتها شاركي سوي اي شي يرفع معدلك ! انا بالنسبة لي الترم الثاني اسهههل صراحة من الترم الاول لان في تقريبا مادتين مافيهم اختبار نهائي بس شفوي المهم اتمنى فهمتي علي �� وصح اكتبي كل شي مع الدكتوره كككل شي ولاتتاخرين عن المحاضره ولما تبدا السنة روحي شوفي اماكن قاعاتك واكتبيها والسي ار ان اكتبيه هالاشياء مهمه وبرضو مكان القاعه كل هالاشياء مهمه اول اسبوع ممكن تنحاسون من الوضع ثاني اسبوع بتحسون نفسكم دليتو الجامعه شوي وعرفتو ككيف تروحون للقاعات وتختصرون الطريق ������ وموفقه ❤️

رد: استفسارات..
 

الله يسعدك يارب مشكوره ماقصرتي:love080:
يعني اللوكرات بتكون بمكان قريب؟ يعني سهل علي اني اروح لها واجي بسرعه مثلا احط عبايتي واغراضي وكذا؟
وانتي مستخدمه اللوكر ولالا؟ يعني تحسين مهم ويفك ازمه ولا ماله داعي؟
كيف المبنى زين وبارد ولا مكشوف حر وكذا احتاج نظاره عشان الشمس؟
والتنوره ايش الحد المسموح لطوله بالضبط؟؟
اسفه ثقلت اسئله بس ابي اعرف واكون ملمه باغلب الاشياء:rose:

رد: استفسارات..
 

ياربي الله يكتب لك كل ماتتمنين يارب مشكووووره ماقصرتي:rose:
بحاول افكر فيها واستخير ربي والله يكتب اللي فيه الخير ان شالله
بس عندي سؤال يعني هم يكونون اوردي حاطيني بشعبه ولا انا اختار الشعبه؟ يعني لو ابي مع صديقاتي وكذا نقدر نختار الشعبه؟
شكرا شكرا ماتوفيك:verycute::love080:

رد: استفسارات..
 

رد: استفسارات..
 

ممم لا حسيت ضروري اللوكر خصوصا للعبايه صعب وين احطها والدوام طويل:(177):
اوو يعني شمس عليله وحر الكافتيريا مسكره صح؟ مستحيل تكون مكشوفه:139:
طيب بشكل عام كيف جو الكليه والكلاسات بارد مره ولا حر؟ عشان اعرف نوعية الملابس اللي اشريها ثقيله او خفيفه:Looking_anim:
اخاف من السنه الجديده بدايتها يكون متشددين وبعدها يفكون دايم هالحركات تصير.. طيب في محلات زينه حق تنانير قماشها زين مايحتاج كوي وعمليه؟ مالي بالتنانير انا ابد:mh318:
وشكرا مرا يسعد لي قلبك يااارب:rose:

رد: استفسارات..
 

اي الكافيتيريا مسكره تخيلي مكشوفه هههههه ننشوي��، الكلاسات صراحه غالبا بارده تكون بس عاد مو تاخذين ثقيل مره لان بما انك تحضيري فموادك بتكون من كل قسم بتصيرين راقيه نازله بتحترين، اممم التنانير اغلب المحلات تنزل تنانير للجامعات بعد العيد اهم شي خذي لك تنوره مريحه وعمليه وتساعدك بالمشي مو تضايقك...

رد: استفسارات..
 

بس لازم تداومين اول اسبوع عشان تدلفين مكان القاعات لان الكلية اول ما دخلتها ضعت ضعت وبعض المحاضرات ما أحضرها عشان ما اعرف مكان القاعات

لازم تداومين وتحفظين القاعات والمباني وكل شي

هم يعلمونكم كل شي بيوم التهيئة ، واذا ما دليتي شي الأمن موجود إسالي

رد: استفسارات..
 

شكرا لكل من ردت الله يعطيها العافيه ويحرم وجهها عن النار💜💜
اي وحده ودها تقول شي اي شي اي شي عن الجامعه او نصايح تكفون تقولها محتاجينها جدا :060:

رد: استفسارات..
 

اي ياقلبي تقدرين تكونين انتي وصديقاتك بشعبة وحده هذا الترم الاول وحطو ببالكم الترم الاول الجدول الجاهز غالبا مايكون فيه اوف اعتقد ، الترم الثاني تقدرين تنسقين جدولك وبالتالي تقدرين تحطين اوف / نصيحة خلصو مواد التحضيري كلها يعني لاتاخذون ٥ او ٣ او ٤ شدو حيلكم عادي ترا الي غيركم شدو حيلهم مو احسن منكم تقدرون تصيرون زيهم لاتخلون نفسكم في مستوى معين زيدو من كفاءة انفسكم وفعلا نلاقي ضغط وتحدي بس هالشي مانخليه عائق لابد يكون في ايجابيه وتفائل بالموضوع لابد يكون في حل لكل شي ، واهم شي ممكن اقوله لكم قبل ماتدخلون من باب الكلية " رجااااء خاص لاتسمعون لأي ادميهه تتكلم بخصوص الكلية او المواد وتحبطكم او تقولكم " صراحة ٩ مواااد كثير اكيد ( بنحمل ) مواد " صدقوني الكلام هذا ماراح ينفعكم بيزيدكم سلبيه والعياذ بالله نصيحتي خليك ايجابيه وحطي ببالك اي احد يقولك كذا قوليله خير ان شاءالله وانتي شدي حيلك وخليك اولا واخرا مستعينه بالله وحده ف كل امورك وتجنبي الغش بكل امورك عشان ايش ؟ عشان ربي يرضى عليك ويوفقك وعشان انتي ترضين ع نفسك ❤️ وشي ثاني يوم الاوف انا سنة التحضيري ماخذت لرغبه ف بالي ولا انا اقدر لكن هالسنة ان شاءالله اذا ربي كتب راح اخذ لانه بيكون تخصص واقل مواد / انا عن نفسي بستفسر عن مواد التخصص بسال وبشوف وبشوف هل يستاهل لو احذف مادة انتو سوو نفسي اسالو وفكرو مو بس تقلدون هذا مستقبلكم مخ غيرك يفرق عنك اجتهادك يفرق عن اجتهاد غيرك يعني مو كل شي يناسب غيرك يعني يناسبك وطبعا ماننسى بالأول والأخير استخيييييييرو ❤️ من ناحية كل شي وصح واذا تبون اساعدكم لما تبدا السنة اعرفكم ع الجامعه تعريف خفيف �� ابشرو بالخير انا العام كنت ابي احد يعرفني لاني حست ���� المهم ادري تكلمت كثير وادري اني توني مخلصة تحضيري وبتقولون توني يعني سنة بالجامعه بس اقولكم سنة بالجامعه خلتني افهم اشياء كثيييييييييير وصرت افرق واعرف واستشير ويعني انتوو بنفسكم راح تعرفون نصيحة اخيره خلصي مواد السنة التحضيري بسنة احسن لك لاتحذفين شي اذا انتي بالك رايق وشاطرة ونشيطهه لايحطمك احد اياك والكلام السلبي واللقاء ��❤️

رد: استفسارات..
 

^
الله يجزاك خير يارب ويحقق لك اللي فبالك:love080:
كلامك يريح:rose:
ايي انا عن سالفة المواد مو حاطه فبالي من الحين اني احذف وكذا لين اشوف الوضع والمواد وقبل كل شي استخير
بس سؤال لو عندك اسامي دكاتره ترشحينهم للتحضيري؟ يعني يصير من اشوف اسمهم باي جدول او شعبه اسجل فيها
وجد شكرا شكرا الله يسعدك:060:

رد: استفسارات..
 

مبروك القبول في جامعتنا الجميلة :rose:
بالنسبة للمواد و من تجربتي السنه اللي فاتت لا تحذفين شئ و ربي ترتاحين إذا اخذتيها و افتكيتي و الترم الثاني أصلاً خفيف بس الترم الأول شوي ضغط بس إذا فكرتي بالمدرسة كنا نأخذ إجباري تسع مواد و نذاكرها و الحمد لله نجحنا و تخرجنا كلها ترم اضغطي علي نفسك عشان ترتاحين و بتحسين بالراحة فعلاً الترم الثاني ان شاء الله خفيف و سريع بطريقه ما تتخيلينها لان بيكون فيه يوم أوف و المحاضرات أصلاً قليله
اللبس خذي راحتك بس بحدود المعقول بعض البنات الله يصلحهم. اوفرررر و أشكالهم تنرفز
بالتوفيق حبيت أقولك عن تجربتي و ان شاء الله أفدتك و اهم شئ خليك شطوره و تفاعلي مع الدكاترة عشان يحفظون اسمك و بيساعدونك والله

رد: استفسارات..
 

^
شكرا شكرا قد الدنيا:004:
ايي صح كنا ناخذ كذا واكثر بس احس مواد المدرسه يبيلها جهد اقل بواجد من مواد الجامعه:biggrin:
يعني ماحسيتي بضغط مرره وماتفضين ويكون عندك وقت فراغ تسوين اللي تبين؟
خصوصا ايام الاختبارات وشلوون ان ورا بعض المواد ماكانت طويله عليك؟
وبس جزاك ربي الجنه:004::004:

رد: استفسارات..
 

انا خذيت ٩ مواد الترم الأول و ٩ مواد ترم ثاني
وشديت حيلي فيهم الحمدلله معدلي مرتفع
اذا حطيتي فبالك انك تقدرين عليهم بتقدرين
وبالنسبة للإختبارات ،
أنتي بتكونين أوردي مذاكره ربع او نص المنهج بأختبارات اعمال السنه
يعني بالاختبارات النهائيه تكون بالنسبه لك مجرد مراجعه وبالتوفيق
ونصيحة تاخذين تسع مواد تفتكين احسن
وبالتوفيق.

رد: استفسارات..
 

ياهلابك بكليتنا :16.jpg::004:

البنات ماقصروا بالنسبه للأستفساراتك

بس بغيت انصحك نصيحه مجرررربه :biggrin: لا تحذفين ولا ماده من تحضيري والله مارفع معدلي بعد الله الا هي
وبعد ماتخصصين بتنشغلين بمواد التخصص ويصير عندك حوسه مثل صاحباتي حذفوا مواد والحين متوهقين فيهاا عشان كذا الافضل انو تاخذينها كلها وتفتكين و ترا مو مره صعبه بالنسبه لمواد التخصص توكلي ع الله والله بيسرها لك :004:

وبالنسبه للحر الكلاسات الاغلب تكون بارده حتى برا الكلاسات مكيفه ومقفله ومريحه

رد: استفسارات..
 

صح انا مع البنات لاتحذفين المواد لأنك اذا بديتي وحذفتي بتتعودين وتقعدين كل مره تحذفين ومنتي مخلصه ع كذا، المواد سهله جدا وتافهه بالنسبه لمواد التخصص فتعودي ع المذاكره اول بأول وتعودي ع مذاكرة وتقسيم المواد الصعبه عشان اذا تخصصتي ماتتفاجأين ، اذا حذفتي بتضطرين تاخذينها اذا تخصصتي وانتي عندك مواد تخصص غير مواد عامه بيصير ضغط وزحمه وممكن تعارض اختبارين نفس اليوم والوقت، اهم شي الواجبات لاتستهيتين فيها هذي تنجح وترسب يعني جدا تساعد والعروض ، الحضور والغياب بعضهم يحطون عليه بونس اذا ماغبتي وهالشي يساعد حاولي تستغلين اي فرصه تزيد من درجاتك.

رد: استفسارات..
 

يارب الله يرضى عليكم ويوفقكم ويحقق لكم امانيكم يارب العالمين:love080:
شكرا من كل قلبي لكل وحده ردت في هالموضوع الله يبارك فيها وييسر لها امورها:rose:
جديا بديت افكر اكثر اني اخذ التسعه وبستخير ربي والله ييسر ويعين يارب

رد: استفسارات..
 

العفو حبيبتي
شوفي بالنسبة لي مدري عن غيري والله مواد الجامعه أسهل و أقصر بكثيررررر من المدرسة
يعني تخيلي كلها 15 محاضرة بس فرق عن كتاب كامل كنا نذاكره و ننكرف
و بعدين الميدتيرم اللي هو امتحان نصف السنه يجئ بجزئيه قصير يعني ثلاث أو اربع محاضرات بالكثير و عليه 30 درجه
يعني فرصه من ذهب تجمعين درجات
صدق كان فيه ضغط بس حطي برأيك أنها فترة و تعدي ان شاء الله و انك قدها
و الفراغ طول السنه فاضيه الواجبات مؤ كثيره يعني الماده ثلاث أو واجبين و مرات يطلبون بحث بدالها مؤ زي المدرسة واجبات يوميه و هذا أحلى شيء :53:
ما وصلتي للجامعة و قبلوك من بين الوف البنات إلا لأنك تستاهلين
الله ييسر لك و تكون من أحلى مراحل حياتك
و جازينا و جزاك الجنه يارب :004:

رد: استفسارات..
 

^
اها يعني مانذاكر الكتاب كامل اذا كان في كتاب وكذا؟
مشكوره ماقصرتي الله يوفقك:004:

رد: استفسارات..
 

السلام عليكم ورحمة الله وبركاته ��
بسم الله الرحمن الرحيم
شوفي ياقلبي صراحة انا تندمت قد شعر راسي ايام اختبارات ال " ميد تيرم " كنت مرا معصبه ليش مافي تأشير وكيف اذاكر اساسا لاني متعوده ع الدلع زييّ زيكم ايام الثانويه وطبعا العصبيع خلتني اتهاون حبة حبة وماذاكر زين لاختبارات " الميد تيرم " وبالتالي جبت درجة تخسف للاسف بس طبعا كافحت ودرست وتعبت وسهرت عشان اجيب درجة بالنهائي وانجح بهالمادة والحمدالله ���� كله بتوفيق ربي
، يعني نصيحتي لي ولنفسك اختبارات الميد تيرم جزئية قصيرة واساله سههله " حرام اضيعها " واضيع بعدين ��
وبالنسبة للكتاب الي نذاكره شوفي كل كتاب يختلف من مادة إلى اخرى وطبعا مانقدر نقول تذاكرين نص الكتاب او اشياء محدده لان هالشي يرجع للدكتور وكيف تقسيمه للمادة ( شي حبيت اوضحه ) كل مادة من مواد التحضيري تعطيكم الدكتوره " توصيف المقرر " ايش هذا ؟ هذا الله يسلمكم يخليكم تعرفون ايش المطلوب تذاكرون منه بالكتاب يعني لما تشترين كتاب لاتتتتوقعين انك تذاكرينه كله وتنفجعين وتحطمين نفسك احتمال كبير تكون جزئيات معينه مكتوبه بالتوصيف / نجي لل " التأشير " مادة فقه السيرة كنت ماخذتها عند دكتور صراحة هو يقراء كل شي واحنا ناشر معاه اشياء معينه م ياشرها بس الاغلب ياشرها كلها يعني بنهاية الترم صرت م اتعب نفسي واشر معاه لان كل شي معانا ���� ( وفي دكتوره الله يسعدها امل عبد الفتاح مادة مبادئ ادارة كانت تاشر لنا صراحة ��/ طريقة المذاكرة ! تعتمد عليك انتي بس مافي شي احلى من التنظيم نظمي نفسك وذاكري اول باول وسلمي واجباتك بدري وفكي عمرك من التوتر لما تتاخرين عن تسليم اي واجب / في شي بقوله اغلب المواد تقول لكم الدكتوره " ابيكم تقسمون نفسكم لمجموعات وكل مجموعه تشترك ببحث " لاحظي مجموعات وحطي ببالك انتي بشعبة كامله يعني مو شرط تعرفين كل البنات ف من هالناحية لاتشيلين همك بيكون الاختيار عشوائي غالبا لانك ماتعرفينهم الا اذا كنتي ويا صاحباتك وانتم ثلاثه وناقصكم بنتين قولو للي وراكم وبكذا تعينون وتعاونون وطبعا لما تتحدون مجموعتكم تحددون الموضوع الي بتسون عليه البحث " ع حسب ماتقوله الدكتوره " وتاخذون ارقام بعض وتتفاهمون وبس / اسماء الدكاتره وكذا شوفي من هالناحية مقدر افيدك رسمي لان ممكن دكتوره اقدر استوعب منها بس انتي لا ف مقدر اجزم لك ع وحده وتختارينها ع طول عشاني بس قلت لك ماضمن لك في بنات كانو يسالوني عن مادة اخذتها الترم الاول وهم بياخذونها الترم الثاني وسالوني عن الدكتوره وكذا وانا فعلا احبها هالدكتوره والمادة بالنسبة لي لطيفه معاها بس ايش النتيجة ؟ صديقتي ابدا ماتمدح المادة كلش ومرات لما اقول لوحده عن دكتوره معينه تقول ماقدر استوعب منها لكن بالمقابل بنات كثير يستوعبون منها ف مقدر افيدك من هالناحية فهمتي واذا تبين اسمائهم حاضر بس مو شرط كلهم جازولي ���� فيهم الخير والبركة فعلا لكن مرات يصعبون علي حاجة بس جد المخوخ تختلف شنسوي ���� نصبر ���� وايش بعد ايش اقولكم / ايوه اللبس انا عن نفسي وبكل اريحية بداية الدوام كنت اكشخ والبس الحمدالله لكن شوي شووي طفشت وصرت مافسخ العباية حتى �� وراااحة يالله لك الحمد �� بس انتبهي بعض الدكاتره تحرّص وبشدة ماتكونين لابسه العبايه ب محاضرتهها ، انا عموما تحت العبايه البس لبس الجامعه غصبا عني لان بلحظة ممكن الدكتوره تغير رايها وتبينا نفسخ العبايه ، ومرات تطق براسي اكشخ يومين وارجع لعبايتي حبيبتي ���� الحمدالله يعني ومدري هالسنة ان شفتو وحده كاشخة لها يومين لين ٣ وبعدها لبست عبايتها وتافلله العافيه من التعب هذي انا ���� بس على اجر طبعا �� / احس لي رواق وانا اكتب بس حبيت اكتب بالتفصيل واي وش بعد - ليش نقولكم داومو اول اسبوع لان ياقلبي انتِ وياها خلاص مستقبلكم بيتحدد هههههههههههههه يعني لازم تعرفون وين مكان القاعة ، تسجلون ارقام القاعات وال سي ار ان وكل شي !! هالشي لصالحك لاتعتمدين ع احد وتبلشينه كل يوم وتتصلين عليه " وين مكان قاعتي ساعديني " ماينفع كذا اعتمدي ع نفسك انتي لنفسك لاتعتمدين ع احد وشوي وشوي بتشوفين نفسك تعودتي اساساً وشسمه خلاص احس تكلمت عن كل شي باقي بس انزل النتايج ���������� < مانمت ويحق لي استهبل ، يالطيفين دعواااتكم تطلع لي نتيجة التخصص عاجلا غير اجل وافرحح فيها �������� تعبت والله وأنا انتظر بس متفائله وكل تأخيره فيها خيره

رد: استفسارات..
 

^
الله يسعدك قلبك قولي امين:sm1::004::004::004:
مرا انبسطت لما شفت ردك طويل ومليان كلام مرا احب الردود اللي كذا استمتع جدا وانا اقراها:icon120:
كل يوم لاتنامين وتعالي اكتبي رد شطوله عادي حيااااك والله:060::004:
الله يكتب لك اللي فيه الخير وييسر لك امرك يارب طمنينا:106:

رد: استفسارات..
 

يازينك وياك يارب امييييين هههههههههههه لا ابشرك عدلت نومي راحت عليكم سوالفي الطويله ��
بس جد اي شي تبغينه اي استفسار اسالي وانا حاضرة واساعدك بل اعرفه ������ والله يحيك ودعواتكم تطلع نتيجة التخصص لسا ��

رد: استفسارات..
 

^

مم ثقلت عليك والله ادري بس يختي قلقانه كل شوي افكر بشي ودي بكرا اداوم عشان اريح مخي من التساؤلات اللي براسي لول:sm1:
ماعندي سؤال محدد مدري وش اسألك والله غصب مخي بيطلع سؤال هههههههههه
طيب من ناحية اللبس كيف ستايل البنات؟ ادري كلن وذوقه بس يعني لا جيت اشري وكذا وش اللي ابعد عنه؟ عشان مايطلع شكلي اوڤر ومايناسب الجامعه؟
تكلمي واجد عن اي شي يخطر ببالك واي شي تكفين:060:
خلاص حسيت اني صدق بثره:icon9:
شكرا مقدما والله ييسر لك التخصص اللي تبينه يارب:004:

رد: استفسارات..
 

السلام عليكم ورحمة الله وبركاته ��
بسم الله الرحمن الرحيم
بالعكس لابثره ولا شي انا فاضيه واحب اجاوب ����
شوفي كل واحد وذوقهه ف اللبس زي ماقلتي وبرضو ماقدر احدد لك لبس معين لان انتِ لك ذوقك وتكنيكك الخاص !
بس اهم شي اللبس المعتاد تنوره سوداء او رماديهه ماتكون صاكهه مرا ع الجسم لان الشكل بيطلع مو حلو للأسف حلو الواخذ ياخذ تنوره تناسب جسمه وممممريحة بالمشي لانه ماراح يقعد طول الوقت بيمشي طبعا وفوق هذا مو حلوو تكون مفصلهه الجسم تفصيل !
واشتريلك بلايز وكنزات خفيفهه الي بزارا الي ب ازارير وكذا بينفعونك كثير تقدرين تستخدمينهم باكثر من طريقةة واشتري تيشرتات بس شوففي لاتشترين كثييير اشتري اشياء بسيطه وبعدها داومي لما تبدا السنة وشوفي البنات وبتشوفين انواع لبسهم يمكن وحده يعجبك ماشاءالله لبسها ممكن تاخذين فكرة من هن وهنا وتطلعين بلوك لطيف وجميل من الصبح يعني الموضوع كلهه يعتمد ع ذوقكك زي ماقلت اهم شي تنوره وشوز مريح وبلايز ع راحتك / عن نفسي مافصخ العبايهه الا نادرا ع المزاج يعني ووقتها البس الي بخاطري وكذا المهم هذا من ناحية اللبس وايوه شنطة ع راحتك كروس او كبيره او اي حاجة انا عندي كروسس وعندي شنطة تبع الكتب انصحك فيها مرا الس تجي زي حقت الابتوب مرا تنفففففع م استغنى عنها اخذتها من مارك جايكوبس ب ٣٠٠ سعرها غالي بس حقة كرف ماشاءالله وتستاهل الحمدالله كرفتها سنة تقريبا وبكرفها بعد �� لانها حلوة وماتتغير معاك �� المهم كان ستايلي شنطة كروس صغيره ومعاها شنطة الكتب واحيانا شنطة كبيره شوي واستغني عن الكروس يعني ع الممممممزاج�� واي شي تبين تسالين عنه اممممري بس

رد: استفسارات..
 

🙋🙋🙋🙋🙋أنا انا ابي احد يساعدني اول أسبوع ع الأقل بليز يعني انا مره خايفه لان ما عندي احد اعرفه فإذا ممكن تخذلني وتعلميني الين ربي يسهلها 💜💜💙😘

رد: استفسارات..
 

يعني اذا أتعرفين احد في كليه التربيه الي في الجبيل 💔💔💔💔💔

رد: استفسارات..
 

اهم شي الله يخليكم ابعدو عن الهيلز!!!! ابدا مو جو دوام وشكلا جدا مو حلو ولا يليق لدوام وفوق كذا بتعذبون روحكم،، ابعدو عن الفل اوفر ميك اب والله بشرتكم بتتعب ويطلع الشكل غلطط كثير يجون كأنهم مضيعين قاعة الزواج من كثر الاطنان بوجههم.. حلات الوحده يكون شكلها هادي مريح للعين (متعوب ع الوصف) شي مهم واقي شمس قبل كل شي تعرفون شمسنا ماتقصر.. حلو يكون لك ستايل خاص تتميزين فيه بعيد عن الاوفر.. وزي ماقالت لاتشترين كثير لين تشوفين الجو بشكل عام ...

رد: استفسارات..
 

حبيبتي انا بكلية الاداب ماعندي خبره بكلية التربيه ��

رد: استفسارات..
 

مششششكورين بنات ماقصرررتم ربي يعطيكم الف عافيه

بجد كانت براسي اسأله كثيرره والحمدلله لما دخلت على هالموضوع حصلت اجابات كافيه

بس عندي سؤال صغنون >>>متى يعطونا الرقم الجامعي

رد: استفسارات..
 

^

الاساابيع الاولى

مووفقات حبيباتي ..

رد: استفسارات..
 

مشكووووووره ربي يسعد قلبك

رد: استفسارات..
 

جججد ربي يسعد كل وحده جاوبت افدتونا باشياء كثيره
يعطيكم ربي العافيه

رد: استفسارات..
 

شكرا شكرا من كل قلبي:icon9::004:
الله يسعدكم ويوفقكم وييسر لكم جميع اموركم يارب
طمنتوني دام الكليه فيها بنات شرواكم:004:
اللي ودها تزيد او تقول شي المجال مفتوح تفضلو:060:

يعطيك العافيه الصراحه ماقصرتي انا جالس اقرا وداخله معاك جو تسلمين وان شاء الله تدخلين التخصص اللي تبينه
:lllolll:

رد: استفسارات..
 

الله يعطيكم العافيه بجججد افدتونا كثثيييررر ♥♥♥♥