|
طلب مساعده (اختي والجامعه)
سلام بنوتات كيفكم،،،، قد يكون الموضوع بغير مكانه بس بليز ردوا علي
انا ماعرف شي عن الجامعات.. خلصت ثانويه بس.. >>>>>ياحسره اختي تبي تسجل بجامعة الدمام ومعدلها عالي انشالله الترم القادم.. بس المشكله في هواش بالبيت هي مع امي .. انا محايده ومحتاره ونصحتها بالانتساب.. امي متدينه الحمدلله وتخاف ع بنيتها من الانحراف ورافضه قطعيا دخولها الجامعه بحجتها انه البنت مابتكون تحت مراقبتها وووو كلام كتير بلخصه لكم بشكل اسئله ياليت تجاوبونها: وكلامكم راح اعرضه ع امي. 1-هي راح تداوم مع سواق شركه وتقول كيف تترك بنتها تلف في الشوارع ومعاكسات الشباب مامنها فكه.؟؟؟ 2-لما تداوم البنت كيف نظمن انها لما توصل الجامعه تطلع مع احد(استغفر الله) وفي نهاية الدوام ترجع للجامعه وتركب باصها..؟؟؟ 3-اذا تغيبت الطالبه هل يتصلون ع ولي امرها.؟؟؟ 4-هي تشوف بنات الجامعه في المولات وقت الدوام.. كيف طلعوا وين الرقابه .. واهاليهم يفكروهم مداومين؟؟؟ من الاخر كيف نظمن ان البنت تطلع تداوم وترجع بوقتها بدون ماتروح يمين او يسار....؟؟؟؟؟؟؟؟؟؟؟؟؟؟ ويعطيكم العافيه وامطار خير وبركه واعذروني ع كلامي فديتكم..:g2: |
رد: طلب مساعده (اختي والجامعه)
من جدك ...!
يعني مانتو واثقين في بنتكم 1-هي راح تداوم مع سواق شركه وتقول كيف تترك بنتها تلف في الشوارع ومعاكسات الشباب مامنها فكه.؟؟؟ محد يتحرش الا في الي ترخص نفسها 2-لما تداوم البنت كيف نظمن انها لما توصل الجامعه تطلع مع احد(استغفر الله) وفي نهاية الدوام ترجع للجامعه وتركب باصها..؟؟؟ ابد التربيه تطلع 3-اذا تغيبت الطالبه هل يتصلون ع ولي امرها.؟؟؟ لا طبعا يتصلون على مين ويخلون مين كثير 4-هي تشوف بنات الجامعه في المولات وقت الدوام.. كيف طلعوا وين الرقابه .. واهاليهم يفكروهم مداومين؟؟؟ يمكن هربانات او اصلا مع سواق خاص فما داومو اصلا بعدين اذا دخلت الجامعه ممنوع تطلع الا وقت الخروج او ببطاقة ولي امرها ابوها واخوها عمها ..الخ من الاخر كيف نظمن ان البنت تطلع تداوم وترجع بوقتها بدون ماتروح يمين او يسار....؟؟؟؟؟؟؟؟؟؟؟؟؟؟ حرام عليكم تنهون مستقبلها عشانكم بس تشوفون بنات الناس ليش امك مو واثقه من تربيتها في بنات لو تقطينهم في بؤرة فساد ماتاثرو على حسب التربيه حبيبتي |
رد: طلب مساعده (اختي والجامعه)
حبيبتي كل هالكلام ماله داعي
أنتوا أدرا في بنتكم اذا أهي ثقة ولالا أستودعوها الله وبس |
رد: طلب مساعده (اختي والجامعه)
.
1-هي راح تداوم مع سواق شركه وتقول كيف تترك بنتها تلف في الشوارع ومعاكسات الشباب مامنها فكه.؟؟؟ البنت بما انها متربيه صح. تعرف تحمي نفسها ويكفي باص الجامعه حكومية ومعها جوال تقدر تطمن عليها باي وقت 2-لما تداوم البنت كيف نظمن انها لما توصل الجامعه تطلع مع احد(استغفر الله) وفي نهاية الدوام ترجع للجامعه وتركب باصها..؟؟؟ في اختراع اسمه جوال تقدر تطمن عليها وتعلمها كم محاضره باليوم ومتى تبدأ ومتى تنتهي 3-اذا تغيبت الطالبه هل يتصلون ع ولي امرها.؟؟؟ لا طبعا لان البنات كثير واللي تبي الشهادة هي تحصر على حضورها بس 4 غيابات بكل محاضره حرمان 4-هي تشوف بنات الجامعه في المولات وقت الدوام.. كيف طلعوا وين الرقابه .. واهاليهم يفكروهم مداومين؟؟؟ اللي مثل هبنات ما عندهم رقابه من أهلهم وبعدين ممنوع نهائيا تطلعني وقت الدوام الرسمي الا اذا أبوك او اخوك جاء يأخذك طبعا بعد أتأكد من الهويه بالبطاقة التحوال ًتطابقها ببطاقة الجامعه للطالبه |
رد: طلب مساعده (اختي والجامعه)
يعطيكم العافيه بنات وكلامكم هذا اطلعت عليه امي وتطمنت شوي.. بس تعرفون متدينه وتخاف ع بنتها بليز لاتقول ترا تربيتها مافي منها
بس باقي عندها استفسار 1-كيف تعرف كم محاضره عند بنتها ومتى يخلص الدوام..؟ 2- في ايام وسط الاسبوع اجازه قد تكذب البنت وتقول عندي دوام محاضره وتطلع تلعب يومها كله وماحد عرف عنها.. ومن الللي يفتشون ع كل طالبه من اللي ياخذها... كثير الطالبات مابيلحقون كل بنت جيب بطاقتك انت اخوها ابوها ووووو ومشكورين |
رد: طلب مساعده (اختي والجامعه)
أحسن لها تقعد بالبيت من الهم اللي بتاكله من أمك وحتى أمك بعد ترتاح !!,,
وبعدين حبيبتي الدين موكذا !! الدين يسر موعسر ,, أمك مشدده وحريصه بمبالغـه كبيره ,, وأتوـــقع البنت خلصت من سن المراهقه والطيش ووصلت لسن تفهم الصح والغلط ,, *والهدايه من الله * *وبذى الأسلوب تسببون لها عققد نفسيه مالها نهايه وأمك بالنهايه اللي بتاخذ ذنوب بنتها كلها ,, *وقولـي لها تري زي مافيه شر فيه خيييروكثيير والحمدلله ... و تتوكل على الله وتتعوذ من أبليس ووساوسه وتعطي شوي ثقه لبنتها وتقرب منها وتفهمها وتبعد عن الأفكار السلبيه ولاتضيع تعبها بالدراسه .. وياما بنات درسوا وتخرجوا ...والحمدلله ماسمعنا عنهم الا كل خيييير .. *والله يهدي الجميييع ...:icon19: |
رد: طلب مساعده (اختي والجامعه)
احس تفكيركم غريب
اذا بتسوي الغلط بتسويه في جامعه ولا غيره وهي اللحين كبيره مو صغيره تعرف الصح والخطأ وهاذي تعتبر وسوسه زايده وانعدام ثقتكم في بنتكم |
رد: طلب مساعده (اختي والجامعه)
جيبو لكم سواق خاص وخلي امك تجيبها وترجعها :(204):
|
رد: طلب مساعده (اختي والجامعه)
اقتباس:
ج1/ بيكون تسجيل موآد آختك بالآنترنت على نظام الجامعه وهي ترتب موآدها ج2/ زي ماقلت لك في وقت تسجيل المواد بالانترنت على النظام هي تحدد لها يوم اجازه في الاسبوع عاااد انتم شوفو اي يووم وبخصوص ان الطالبات كثار وما بيلحقون عليهم وقت الخروج لالالا من هالناحيه تطمني مستحيل يطلعون الطالبه بدون مايطابقون بطاقتها مع بطاقة اللي بيآخذها مستحيييل اصلا بيكشفونها الامن |
رد: طلب مساعده (اختي والجامعه)
هههههههههههههههههههههههه اللي ما تقدر تطلع للخراب بتجيب الخراب لعندها لو براسها خراب
وبعدين ليش اخذت هالجانب من الدين مو نفس الدين يقول من سلك طريقا يلتمس فيه علما سهل الله له به طريق الى الجنة ؟ ويحث على العلم ؟ الله يخلي لكم الوالدة ويوفق اختك ويعطيها ع قد نيتها :16: + خليها كل محاضرة تدق تكلم الدكتورة تتأكد : ) |
رد: طلب مساعده (اختي والجامعه)
لو البنت جالسه بسجن وتبغا خراب بتلقى الف طريقه و طريقه
الحرص المبالغ فيه مو حل .. الحل هو الثقه |
رد: طلب مساعده (اختي والجامعه)
حبيبتي زرع الثقة له دور كبير وعدم ثقتكم ومراقبتكم الزايدة لها تأثير سلبي عليها
وبعدين كيف كانت تدرس بالمدرسة وكان عادي مع أن ما كان عندها جوال ولا تتواصل مع أمك ؟ وبعدين أنتوا تعرفون بنتكم وأخلاقها ف استودعوها الله وما بيضرها شي بإذن الله وبالنسبة لروحتها مع سواق عادي جدا يوميا إذا وصلت اتصل ع أمي أطمنها إني وصلت الجامعة وغيري كثيييير |
رد: طلب مساعده (اختي والجامعه)
صباح الخير اولا حبيبتي اتفهم شخصيه امك ولكل انسان شخصيته ونظرته والله يطمن قلبها وهذا الزمن فيه من البلا مالله به عليم لكن الجامعه ولله الحمد تمنع الخروج لاي سبب كان الا بولي الامر والباب مقفل بايدي حارسات الامن وسيارات الهيئه واقفه بمواقف الجامعه مستحيل احد يدخل بدون لايعرف بنفسه مين هو وليش جاي ثانيا تقدر الوالده تعرف خروج بنتها الوقت والدقيقه من خلال جدولها الالكتروني بالجامععه سهله جدا هاذي وتاخذ نسخه امك وتعرف اختك متى تروح وتجي ثالثا اتمنى تزرع امك شعور الثقه بنفس اختك لاتخوفها لان البنت تحب امها اغلى شي بحياتها تحس انها كفوؤ اخيرا الجامعه مثل المدرسه لكن المجتمع اكبر تدخل الجامعه وتطلع رافعه راس امك واهلك وتتوظف وتعيش لمستقبلها وقولي لامك هالكلمه ؛ هالبنت امانه برقبتها وتعليمها امانه لاتستأثم فيها قال تعالى وقفوهم انهم مسئولون لان الدراسه حق البنت وابسط حق على اهلها طولت بالكلام بس اتمنى امك تقتنع في امان الله :004:
|
رد: طلب مساعده (اختي والجامعه)
خل يقبلونهاا اول ثم وسوسو "( يمكن عندها ايمكانيات تبهركم مستقبليا وامك السبب الاول في عدم ظهور اختك في مستوى معين بالمجتمع ........... آنتي شلون داخله الجامعه وهي لا ؟ ليه التشيد على البنت والتفرقه ؟ لو الله اراد لها الخير انقبلت بالجامعه والله يعرف النيات الزبده حرام اللي قاعد تسوية امك مع احترامي لها *_* ؟ |
رد: طلب مساعده (اختي والجامعه)
حبيبتي اذا الاهل واثقين بتربيتهم ومن بناتها مستحيل رح تشك
والام اصلا ماتشك في بنتها الااذا شافت عليها شي االثقة معدومة هذاا مشكلة صح الحرص واجب بس مش بهالدرجة والبنت اللي خربانة وفاسدة لويحطونها بعزلة بتسوي اللي براسها الافضل لاختك تجلس بالبيت اذا الثقة بينكم معدومة |
رد: طلب مساعده (اختي والجامعه)
لا حولا و لاقوة الا بالله
الله يعين البنت بس تكسر الخاطر بسبت مرض " الشك " تتوقف حياتها |
رد: طلب مساعده (اختي والجامعه)
هاه ايش قالت امك ، ما اقتنعت ولو شوووي
|
رد: طلب مساعده (اختي والجامعه)
تستودعها للرحمن و ربي بيحفظها ان شاء الله الهيئه في كل مكان خاصتن فترة الدوامات كل اللي يطلعون مجمعات و مطاعم الصباح يمسكونهم و اصلا باب الكليه ما يفتحونه الا 12 قبل 12 تطلع ببطاقه ولي امرها مايطلعونها ابد و اذا بتطلع تطلع مع صاحباتها و الام ادرى ب بنتها مين تماشي و بنات مين و كيف اخلاقهم و الامن مليان بالكليه ﻻ تخاف امك و تتاثر باللي تسمعه على كذا بتتعب والله ان شاء الله تدخل اختك و ترفع راسكم و يرزقها بالزوج الصالح اللي يصونها و يطمن قلب امك عليها
|
رد: طلب مساعده (اختي والجامعه)
لآ حول ولا ققوة الا بالله
اانا امي مخليه اختي تدرس بمدينه ثانيه لا هي معها ولا ابوي !!! في بالها اهم شي المستقبل !! ومعطتها الثقه حرام امك اللي تسويه حرام تحبسها بالبيت وتصير معدومه بس اهم شي تتتزوج وتطبخ وتغسسل وتنظف بكرا تكبر البنت وتشوف اللي بعمرها موظفات دكاترره لهم مكانتهم وسمعتهم وهي ولاا شي بسبب شك امها !! الله يهدي امك وخل تفكر زين زين , حرام يضيع مستقبل البنت بسبب وساوس |
رد: طلب مساعده (اختي والجامعه)
مشكورين وجزاكم الله خير وامي شافت كل كلامكم وابشركم اقتنعت بالمرررررره ووافقت
اترتوا عليها كثير بكلامكم جزاكم الله خير ياربي يوفقكم وفالكم الدكتوراه |
رد: طلب مساعده (اختي والجامعه)
الحمدلله يااارب :)
|
رد: طلب مساعده (اختي والجامعه)
الحمدلله
الله يوفقها ويارب امك تفرح فيها |
رد: طلب مساعده (اختي والجامعه)
مشكورين حبيباتي وانشالله تلاقون اختي معاكم هنا بالمنتدى قريب" انا خبرتها عنه
مووفقين يارب,,,,,,:d5: |
| All times are GMT +3. الوقت الآن حسب توقيت السعودية: 08:10 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام