ملتقى طلاب وطالبات جامعة الملك فيصل,جامعة الدمام - السنة التحضيــرية موآد آلسنه التحضريه +افضل آلدكآتره (تم تعديل العنوآن )

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- منتدى كلية الآداب بالدمام (https://vb.ckfu.org/forumdisplay.php?f=63)

- - [ السنة التحضيــرية ] : موآد آلسنه التحضريه +افضل آلدكآتره (تم تعديل العنوآن ) (https://vb.ckfu.org/showthread.php?t=476306)

Af.1995

2013- 7- 11 02:54 PM

موآد آلسنه التحضريه +افضل آلدكآتره (تم تعديل العنوآن )

السلام عليكم
أنا طلع قبولي في كلية الآداب ولله الحمد
وحابه اعرف ايش هي المواد اللي راح ادرسها
ومين أفضل الدكاتره والدكتورات

Queen.Bee

2013- 7- 11 03:15 PM

رد: مساعده

عندي عن خلفية عن المواد بس لأني طالبة سنة تحضيرية زيك :$
وعن الدكاترة ان شاء الله باقي الأعضاء يفيدونك
تفضلي هذي المواد :-
بالمستوى الاول
-الثقافة الاسلامية
-فقه السيرة
-التحرير العربي
-النحو التطبيقي(1)
-اللغه انجليزي عامة
-مبادئ الإدارة
-مهارات التعلم والتفكير
-مدخل الى تقنية المعلومات
-الصحه واللياقة

\

المستوى الثاني :
-التلاوه والتجويد
-النحو التطبيقي (2)
-التذوق الادبي
-القراءه والمحادثه
-انجليزي(قراءه)
-انجليزي (كتابه)
-مبادى علم الاجتماع
-برامج الحاسب المكتبيه
-مبادئ الاحصاء

موفقة :16::1:

P!nk~❥

2013- 7- 11 03:52 PM

رد: مساعده

آفضل آلدكآتره اللي درسووني

بالمستوى الاول
-الثقافة الاسلامية[شهرات فيصل ]
-فقه السيرة
-التحرير العربي
-النحو التطبيقي(1) [عبير النجار - نرجس عجميه - رنا الدوسري ]
-اللغه انجليزي عامة [حمده العبدالله ]
-مبادئ الإدارة[ نجلاء الغامدي ]
-مهارات التعلم والتفكير
-مدخل الى تقنية المعلومات
-الصحه واللياقة[ايات الشرع]

\

المستوى الثاني :
-التلاوه والتجويد [اسماء الحسون - نوره العرفج]
-النحو التطبيقي (2) [درسني محمود عكاشه صدق مايعرف يشرح ولآ حتى تفهمين بس تضمنين النجاح عنده]
-التذوق الادبي [ ابعدي عن منال بسيوني ]
-القراءه والمحادثه[نوآل الحسين تجيب النوووم عموما الماده سهله مع اي دكتوره تمشييين ]
-انجليزي(قراءه)
-انجليزي (كتابه)[ ليلى القحطاني - خديجه انصاري ]
-مبادى علم الاجتماع [شيخه الشريف شديده شوي بس هي افضل وحده بالقسم :21: من وجهه نظري ]
-برامج الحاسب المكتبيه[ البندري العامر ]
-مبادئ الاحصاء[ امل ياسين ]

Lorans

2013- 7- 11 05:27 PM

رد: مساعده

افضل دكاترة بنظري بسنة اولى

المستوى الاول
ثقافة اسلامية : نسيبة العماري شرحها يجنن واسألتها حلوه وتساعد كثير
فقه السيرة : فاطمة الكلثم
نحو ١ : سهية الشلوي > ابتعدي عنها قدر المستطاع >_<
تحرير عربي : حورية العتيبي يالببببببببى هالادمية تهبببل
انقلش عام : درستني خديجه الانصاري سيئه بكل ماتعنيه الكلمه
صحه ولياقه : ايات الشرع
مبادئ ادارة : امل عبدالفتاح زززينه واسألتها مره سهله بسهوله تجيبين معها تقدير عالي
مدخل الى تقنية المعلومات : عذاري الراجحي بس دقيقة جداً
مهارات التعلم والفكير : درستني مصريه بس ناسيه اسمها

المستوى الثاني
تلاوة و تجويد : سمية السويدان معيده رائعة
نحو ٢ : نرجس عجمية شرحها جميل وتوصل تحاول بكل جهدها توصل المعلومه وتساعد كثير
قراءة ومحادثة : هذي المادة ماتوفقت بالاختيار درستني دكتورة مصريه منال بسيوني ماعجبتني ابد ابد ابد ابد
انقلش قراءة : ليلى الحسن زوينه بس ماحبيتها
انقلش كتابة : زيبا خان هذي عشششششق بس انها ماتتكلم عربي
مبادئ علم اجتماع : ايمان شومان بالشرح والعروض تمام مررره بس طريقة تصحيحها مو حلوه
برامج حاسب مكتبية : جمانه القضاه مره حلووه صارمه وقت الشرح لكن طيووبه

وبالتوفيييق :2:

P!nk~❥

2013- 7- 11 06:04 PM

رد: مساعده

تفضلي هآلموضوعييين بيفيدوتس حيل ..

http://www.ckfu.org/vb/t416567.html

http://www.ckfu.org/vb/t353210.html

:16:

qror	2013- 7- 11 09:20 PM

رد: موآد آلسنه التحضريه +افضل آلدكآتره (تم تعديل العنوآن )

السلام عليكم

انا بتكلم عن مادتين

النحو التطبيقي انصحكم بنرجس عجميه تشرح بذمه و ضمير و الامتحان من الشغلات اللي تشرحها انا حبيتها كثييييييير :1::1:

التذوق الادبي انصحكم تبعدون عن منال بسيوني بصراحه ما يعجبها شي و ما تعطي الطالبه حقها

Ďσα'α♔

2013- 7- 11 10:17 PM

رد: موآد آلسنه التحضريه +افضل آلدكآتره (تم تعديل العنوآن )

ماذكر الدكاتره اللي درسوني كلهم
بس اذكر نحو 1 محمود عكاشه لكن مانصح فيه ﻻن م يشرح تمام ونحو 2 عبد الباسط تمام ويساعد:21:
انجليزي العام عند حمده العبدلله ابداع هاﻻنسانه وتفهم حيل وتتعب ف الشرح ولو تبين تعيد م عندها مانع
انجليزي كتابة اخذته عند حمده بس بدلوها بدكتوره اردنيه نداء عزام حتى هي ماشاء الله شرح جميل وتساعد
لكن لو خيروني بينهم بختار استاذه حمده:42::21:

ميمي ّ

2013- 7- 11 10:18 PM

رد: موآد آلسنه التحضريه +افضل آلدكآتره (تم تعديل العنوآن )

بالمستوى الاول
-الثقافة الاسلامية تهاني اليوسف
-فقه السيرة رجاء البحر ماجربتها بس الكل يمدحها حاولي تبتعدين عن محمد اسود قدر الامكان
-النحو التطبيقي(1) نوال الحسين زينة بس محاضرتها تجيب النوم وشرحها بارد :6:
-اللغه انجليزي عامة ليلى الحسن
-مبادئ الإدارة نبيلة العمري او امل عبدالفتاح
-مهارات التعلم والتفكير اسماء عبدالقادر
-الصحه واللياقة آيات الشرع

\

المستوى الثاني :
-التلاوه والتجويد اسماء الحسون
-النحو التطبيقي (2) رزان خدّام
-التذوق الادبي ايات الخالدي
-انجليزي(قراءه) خديجة الفضيلي
-انجليزي (كتابه) حمده العبدالله
-مبادى علم الاجتماع اميرة المطيري
-برامج الحاسب المكتبيه سميه بو خشوين

خريجة الثانويه

2013- 7- 12 01:12 AM

رد: موآد آلسنه التحضريه +افضل آلدكآتره (تم تعديل العنوآن )

بالمستوى الاول
-الثقافة الاسلامية:نسيبة العماري جمييييييله والمحاضرة معاها ممتعه
-فقه السيرة:كنت مع زهراء القحطاني
-التحرير العربي:امل التميمي اهي حليو شرحها وتخلي المحاضرة فيها روح بس اسلوبها مع البنات مش ولا بد
-النحو التطبيقي(1):رزان خدام تجنن وماتظلم حد والاحلى ان تسوي اختبارات تحسين نهاية السمستر
-اللغه انجليزي عامة:ياسمين حداد ولا بأس بها
-مبادئ الإدارة:نبيلة العمري الظاهر اسم عائلتها كدا قميييلة اوي اوي المحاضرةا معاها كلها ضحك
-مهارات التعلم والتفكير:في البداية كنت مع منى هيكل وحبيت المحاضرة معاها وبعدين صرت مع اسماء عبد السلام المحاضرة كانت كلها قرضة فاضيه
-مدخل الى تقنية المعلومات:عذاري الراجحي هادئة حدها وشرحها ماعليه كلام
-الصحه واللياقة:دكتور احمد يجننننن اسئلة الاختبارات سهله بقققوه

\

المستوى الثاني :
-التلاوه والتجويد:عفراء العوهلي شرح واسلوب:21:
-النحو التطبيقي (2):رزان خدام
-التذوق الادبي :كنت مع ايات الخالدي وبعدين هيفاء الحسن حليوه بس احسها ماتساعد
-القراءه والمحادثه:وداد القرعاوي عجبتني بصراحة رغم الانتقادات الي سمعتها عنها بس اهمشي في المحاضرة تتكلمي لغة عربية فصحه وفي الاختبار تعطيك وقتك عشان تقري وتفهمي
-انجليزي(قراءه):حمدة العبدالله وه عليها تجنننننن اعجز وانا امدح فيها
-انجليزي (كتابه):هناء محتشم قميلة اوي
-مبادى علم الاجتماع:فاطمة الموسى تعطيك الخلاصة من الموضوع بس اهمشي لاتعصبوها ولا بتقول لكم المحاضرة مشروحه
-برامج الحاسب المكتبيه:سمية باخشوين سريعة في الشرح والتطبيق
-مبادئ الاحصاء:امل ياسين تعطيك المحاضرة من تم ساكت على قولتهم رسمية بقوه

SILENT.

2013- 7- 12 02:04 AM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

الانجليزي جربت ثيرومالا , هنديه !
هالدكتورة مرة حبيتها اخذت عندها انجليزي عام وانجليزي قراءة وانجليزي كتابه
ولا فكرت اخذ عند غيرها ولو متواجده بمستوى ثالث راح اخذ عندها بعد
أهم شي عندها تكونين مشاركة معاها وتحلين واجباتك وراح تنجحين وتعطيك درجات كثيرة زيادة لما تشوفك شاطرة بالكلاس

فقة السيرة اخذت عند دكتور اسمه محمود ااظن :/
الزبدة لاتاخذين عنده كان يقرا بس من الكتاب
ومثلا احنا بصفحة 10 , فجأه تلقينه رايح صفحة 16
حملت الماده عنده

النحو التطبيقي 1
جربت رزان خدام , تسوي دايم اختبار تحسين واخذت نحو 2 عندها بعد

الصحة عندك ايات الشرع تعطي درجات بالهبل

ثقافة اسلامية اخذت عند تهاني اليوسف , شديده شوي تعطي كل بنت حقها
حملت الماده عندها لأني كنت مقصره صراحه

تحرير عربي وضحى القحطاني
صح أنها ماتخليك تشاركين وبس تقرا
بس من كلاسي محد حمل المادة عندها وتسوي تحسين للي درجتهم ضعيفه + اختبار تحسين لكل الكلاس

مبادئ ادارة دكتورة نبيلة
نجحت عندها بتقدير حلو
دايم تحدد وتحذف اشياء كثيرة

مهارات التعلم والتفكير جربت اسماء , ماحبيتها
واساسا ماكنت متقبله الماده لأن يبي لها تفكير وتخيلات ومدري ايش

+ تكوين الصداقات بسهوله تكونينها
لآن اكثر البنات يدخلون الكلية مايعرفون احد وكل وحدا تبي تتعرف

موفقين

هذا ردي بأحد المواضيع :16:

بتولہ

2013- 7- 12 05:03 AM

رد: موآد آلسنه التحضريه +افضل آلدكآتره (تم تعديل العنوآن )

آفضل آلدكآتره اللي درسووني

بالمستوى الاول
-الثقافة الاسلامية[ امل ] نسيت اسمها الكامل :6:
-فقه السيرة ( نورة العرفج ) بس شوي متشدده الي يمشي معاها سيده تمشي معه ولزم اذا قالت
جيبو الواجب باليوم تجيبيه بدري ولا ترا تخفس ام الدرجات .. يعني لزم معاها بكل شي :38:
-التحرير العربي ( انصصحك اشد النصح ابد ماتاخذي عند الدكتورة ( ضحى بلال ) في كثير بنات رسبتهم
-النحو التطبيقي(1) [عبير النجار - رنا الدوسري - رزان الخدام]
-اللغه انجليزي عامة [ انصحك بالدكتورة هناء محتشم وربي عسسسسل :29:]
-مبادئ الإدارة[ نبيلة العمري ]
-مهارات التعلم والتفكير ( اسماء عبد القادر )
-مدخل الى تقنية المعلومات ( عذاري الراجحي )
-الصحه واللياقة[ايات الشرع]

وموفقه ياررب :1::1::1::1:

Af.1995

2013- 7- 12 04:57 PM

رد: موآد آلسنه التحضريه +افضل آلدكآتره (تم تعديل العنوآن )

حبيباتي والله ماقصرتو وأخذت فكره عن بعض الدكاتره وهيك
بس يعني أنا ودي أخذ ٧ مواد الترم الأول عشان أبي أجيب معدل
والتخصص اللي أبيه لازم أجيب في الحاسب والإنجليزي وتحرير عربي لا يقل عن c
وحابه اعرف أكثر مين افضل الدكاتره لهذي المواد واللي تكون أسئلتهم سهله ويساعدون

SILENT.

2013- 7- 12 05:00 PM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة af.1995 (المشاركة 9239873)

حبيباتي والله ماقصرتو وأخذت فكره عن بعض الدكاتره وهيك
بس يعني أنا ودي أخذ 7 مواد الترم الأول عشان أبي أجيب معدل
والتخصص اللي أبيه لازم أجيب في الحاسب والإنجليزي وتحرير عربي لا يقل عن c
وحابه اعرف أكثر مين افضل الدكاتره لهذي المواد واللي تكون أسئلتهم سهله ويساعدون

نصيحه لاتحذفين ولا ماده !
خذي كل المواد حتى لو انه ضغط عليك , لما تتخصصين بعدين بتتورطين مع مواد التحضيري:39:

تحرير عربي وضحى القحطاني
انجليزي انا اخذت عند هنديه ونجحت بامتياز الحمدلله , بالميدتيرم تحاول تساعدنا قد ماتقدر
اهم شي تكونين مشاركه عندها عشان تاخذ فكره حلوة عنك
اسمها ثيرومالا ..
الحاسب مدري والله درستني وحدة نسيت اسمها وكنت انام بالمحاضرة ونجحت على الحفه بعد

شجن الروح

2013- 7- 12 07:42 PM

رد: موآد آلسنه التحضريه +افضل آلدكآتره (تم تعديل العنوآن )

ماراح تقدرين تختارين الدكاترة اللي تبين بالمواد راح يجبرونك تسجلين كل المواد شعبة وحدة !

مثلأ : شعبة ( 1 ) الثقافة الاسلامية : نوال فقه السيرة : انعام
شعبة ( 2 ) الثقافة الاسلآمية : نورة فقه السيرة : أمل

اذا اخترتي شعبة ( 1 )
وأخذتي الثقافة عند نوال اجباري تأخذين فقة السيرة عند انعام وماراح يرضى يسجل لك عند امل ! :39:

هذا النظام تطبق ع البنات السنة اللي رآحت اكيد بيطبق عليكم هالسنة !
بس انتي شوفي لآ فتح التسجيل ايش الشعبه اللي دكاترتها احسن شي .. =)
بالتوفيق يآرب .. :37:

Af.1995

2013- 7- 12 08:39 PM

رد: موآد آلسنه التحضريه +افضل آلدكآتره (تم تعديل العنوآن )

حبيباتي مره ضغط علي وكيذا وعشان ما اتعب ف اهم شئ أبي اعرف الشعبتين كل شعبه ايش موادها ومين دكاترتها
الله يجز أكم الجنه
ومعرف شئ وتوني يعني وكيذا

شجن الروح

2013- 7- 12 08:52 PM

رد: موآد آلسنه التحضريه +افضل آلدكآتره (تم تعديل العنوآن )

مو شعبتين بس اكككثر مدري كم بالضبط ع حسب عدد البنات وماتقدرين تعرفين مين يدرس الا اذا فتح التسجيل :39:

Af.1995

2013- 7- 12 09:41 PM

رد: موآد آلسنه التحضريه +افضل آلدكآتره (تم تعديل العنوآن )

الله يجزاكم الجنه أخذت فكره بسيطه والله يسهل علينا في التحضيري

شجن الروح

2013- 7- 12 10:06 PM

رد: موآد آلسنه التحضريه +افضل آلدكآتره (تم تعديل العنوآن )

آمين يارب واكيد اذا فتح التسجيل مااحنا مقصرين معكم :29:

" رَوْنَق "

2013- 7- 13 04:40 AM

رد: موآد آلسنه التحضريه +افضل آلدكآتره (تم تعديل العنوآن )

على البركه حبيباتي إلي أنقبلو :1: ,
والله يفرح الباقين :16:

بالمستوى الاول
-الثقافة الاسلامية / أمل العرفج .. تساعد :)
-فقه السيرة / أبتعدي عن محمود أو محمد أسود < ناسيه أسمه ! بس الزبده طلع الشيب براسي ! :28:
-التحرير العربي / منى رشاده < يارب أسمها صح :) .. ما تحب اللف والدوران ! وإي كلام برا الكلاس :) < من حقها ! ,بس زوينه ..
-النحو التطبيقي(1) / دكتور ناسيه أسمه :*
-اللغه انجليزي عامة / علا إسماعيل , الجممال هي وبس :( تساعد وتفهم وحريصه على أنك تاخذين درجه كامله
-مبادئ الإدارة / نبيلة وبس :15:
-مهارات التعلم والتفكير / د . أسماء عبدالسلام :) الماده معقده وصعبه الصراحه ! لازم تحديد أول بأول .. وكوني منضبطه معها وتصصيرين عسل عندها :1:
-مدخل الى تقنية المعلومات / سناء الصمادي :) حليوه , بس صيري معها تمام تصير معك تمام :1:
-الصحه واللياقة / دكتور درسني , ناسيه أسمه :) بس الزبده أن الماده سهلله جداً

\

المستوى الثاني :
-التلاوه والتجويد / أكثر من 3 دكتورات درسوني :10: وكلهم :44::23:
-النحو التطبيقي (2) / رزان الخدام :( .. رسبتني !
مع أن وآجباتي وبحوثي أسلمها أول بأول + درجاتي زينه بإختبار النصفي :( بس ما أقول حسبي الله ونعم الوكيل :24: !
-القراءه والمحادثه / نوال الحسين < ما أنصحكم :41::20: , كلاسها ينوم :/ وتحب تطول بالكلام !
والإختبار النهائي إلا تطلع أغلاط من كلامك !
-انجليزي (كتابه) / العسسل د. علاء إسماعيل وبس :1::1::1::1::1:
-مبادى علم الاجتماع / مها أبو ريه < أبتعدي عنها :30: ! تخسف بالدرجات بشكل فضيع ! حتى لو جبتي لها البحث كامل ! إلا تطلع لك فيه عله :20:
-برامج الحاسب المكتبيه / ديمة العتيبي < أتوقع أسم عايلتها كيذا , يا أنها تجننن :12::1::1::1::1: وكلاسها مرح , وأتحمس له :)
-مبادئ الاحصاء / أمل ياسين :) < عععسل وحبوبا وتساعد وطيوبه , وأحسها كله مالها خلق :5::1::1::1:
والله أشتقت لها :* أنا درست الماده بالسمستر الأول :11: , مرا تجنن ~ بس لآزم تكونين مركزه أول بأول
وتلخصين وراها . . ولا تغيبين :) لآن لو غبتي بتتلخبط الدروس عندك :19:

:16::16::16::16:

والله يوفقكن يارب :1:

maram.

2013- 7- 13 06:40 AM

رد: موآد آلسنه التحضريه +افضل آلدكآتره (تم تعديل العنوآن )

يعطيكم العافيه ماقصرتو الله يسعدكم والله يسهل علينا يارب ♡♡

Af.1995

2013- 7- 13 03:35 PM

رد: موآد آلسنه التحضريه +افضل آلدكآتره (تم تعديل العنوآن )

الله يسعدكم ويسهل علينا يارب

ويارب صحباتي ينقبلون معاي عشان ما أصير لحالي :39:

ريومة~

2013- 7- 13 08:53 PM

رد: موآد آلسنه التحضريه +افضل آلدكآتره (تم تعديل العنوآن )

السلام عليكم
انا بقولكم الموضوع من وجهه نظري
لا تثقين برأي اي بنت تقول لك تعليقها عن دكتورة

بتقولين ليش ؟ هي قد جربتها و اكيد بتفيدني

بقولك انا لكل بنت قدرات استيعاب تتميز بها عن غيرها
مثلا انا سالت وحده عن دكاترة الاحصا
قالت لي امل ياسين لا تقربين منها ولا تفكرين تسجلين عندها

و سمعت كلامها لكن خلصت المقاعد و سبحان الله مالقيت الا عند هالدكتورة
و سجلت و توكلت ع الله
و جبت بالاحصااء a+

شفتوا هو يعتمد ع قدراتك
لذلك سجلي ع حسب جدولك انتي و ماعليك من الدكتورة اللي بتسجلين عندها دامك ملتزمه لكل اللي عليك تجاههاا

والله يوفقكم

maram.

2013- 7- 14 08:03 PM

رد: موآد آلسنه التحضريه +افضل آلدكآتره (تم تعديل العنوآن )

صادقه والله:21:

هآله القحطاني.

2013- 7- 14 10:47 PM

رد: موآد آلسنه التحضريه +افضل آلدكآتره (تم تعديل العنوآن )

انا بعد توني انقبلت في كلية الاداب. ابي اسئل متى تسجيل المواد!!!

NORA1994

2013- 7- 18 02:26 AM

رد: موآد آلسنه التحضريه +افضل آلدكآتره (تم تعديل العنوآن )

يعطيكم الف عااافيه :16:

زمرد19

2013- 7- 18 03:35 AM

رد: موآد آلسنه التحضريه +افضل آلدكآتره (تم تعديل العنوآن )

كم م ماده لازم اخد باليوم لو حبيت اخلص التحضيري حتى لو انضغط عادي ما عندي مشكله بس المهم اخلص مواد السنه ؟
و هل المستوى الأول يكون منفصل عن المستوى الثاني بينهم اختبارات ال ميدي ترم
كذا حسب ما فهمت ولا متداخلين

جرحني غلاك

2013- 7- 18 04:10 AM

رد: موآد آلسنه التحضريه +افضل آلدكآتره (تم تعديل العنوآن )

1- باليوم 3 مواد م تقدرين تاخذين زياده عن 3

2- الترم الاول منفصل تماما عن الترم الثاني واختبار الميد ترم زي اختبارات نصف السنه اللي قبل كم سنه الغوها بالمدارس وفيه اختبارات نهائيه بعد وبعد الاختبارات النهائيه نقعد اجازه اسبوعين تقريبا وبعده الفصل الثاني وفيه ميد ترم ونهائي وسلامتك
ي رب كونين فهمتي وسوري ع طوالة الحكي :29:

حلم الفراشة

2013- 7- 18 04:12 AM

رد: موآد آلسنه التحضريه +افضل آلدكآتره (تم تعديل العنوآن )

يابنات متى تسجيل المواد ووين وكيف نسجل؟

جرحني غلاك

2013- 7- 18 04:22 AM

رد: موآد آلسنه التحضريه +افضل آلدكآتره (تم تعديل العنوآن )

تحطين المواد بالعربه بكرا ان شاء الله وتاكيد التسجيل بشوال اذا الله احيانا

سرادق

2013- 7- 18 04:26 AM

رد: موآد آلسنه التحضريه +افضل آلدكآتره (تم تعديل العنوآن )

من جد شوال

ليش مايخلونة سنه جاية احسن

زمرد19

2013- 7- 18 04:27 AM

رد: موآد آلسنه التحضريه +افضل آلدكآتره (تم تعديل العنوآن )

طيب يعني انا ما فهمت الجدول شلي علي بالضبط بس اختار شعبه الي ارتاح لها و خلاص وشو يعني اسجل المواد؟
وابغا مثلا الانجليزي بالنسبه لي اهم شيء اختار المعلمه الي تعجبني وباقي المواد مو كيفي
ومو كل البنات الي بشعبه وحده يبغوا ياخذو كل المواد مثلي يعني كيف اضمن واعرف اني ما افوت علي اي ماده ؟
واسفه على الاطاله

جرحني غلاك

2013- 7- 18 04:45 AM

رد: موآد آلسنه التحضريه +افضل آلدكآتره (تم تعديل العنوآن )

الحين لما تفتحين البيبول سوفت وتسوين بحث وتطلع لك المواد اوك راح تبدين تختارين مثلا اهم شي الانقلش خخذي دكتوره مدحوها البنات كثير مثلا حمده العبدالله وشعبتها 6 راح تصير كل موادك الـ 8 الباقيه بشعبه 6 يعني شعبه وحده موب تنوعين كل ماده شعبه لا لازم نفس الشعبه انتي اذا مشيتي ع الخطه وسجلتي كل مواد السنمستر الاول بتضمنين الـ 9 مواد ان شاء الله

ان شاء الله تكونين فهمتي:42::21:

حلم الفراشة

2013- 7- 18 04:57 AM

رد: موآد آلسنه التحضريه +افضل آلدكآتره (تم تعديل العنوآن )

مشكورين ي بنات

جرحني غلاك

2013- 7- 18 05:04 AM

رد: موآد آلسنه التحضريه +افضل آلدكآتره (تم تعديل العنوآن )

العفو م سوينا شي :29:

wemoo

2013- 7- 18 04:05 PM

رد: موآد آلسنه التحضريه +افضل آلدكآتره (تم تعديل العنوآن )

يعطيكم العافيهه :16::16::16:

SEj	2013- 7- 18 07:43 PM

رد: موآد آلسنه التحضريه +افضل آلدكآتره (تم تعديل العنوآن )

سلام انا طالبه جديده
اول ترم مايعطونه الجدول جاهز ولا حنا نسوي جداولنا !!

زمرد19

2013- 7- 18 11:00 PM

رد: موآد آلسنه التحضريه +افضل آلدكآتره (تم تعديل العنوآن )

^ والله كلما يشرحون لي مرا أفهم كذا ومرا كذا اخرطي:26:

ترَف	2013- 7- 19 04:58 AM

رد: موآد آلسنه التحضريه +افضل آلدكآتره (تم تعديل العنوآن )

الترم الاول بس تختارين الشعبة .. مثلا اخترتي لمادة النحو شعبة 1 باقي المواد اجباري تكون كلها شعبه 1
بس اللي عليك تختارينها وتاكدين عليها .. الترم الثاني هو اللخبطة انتي تسوين الجدول اللي تبين وكل مادة شعبة..
بتكلم عن تجربتي ..

الترم الاول 9 مواد
* انقلش عام .. المادة انجليزي وسهلة مافيها قاعدات جديدة نفس اللي اخدنه بالثانوي بالضضبط الا يمكن قاعدتين او 3 يكون جديدات
الدكتورات ( حمدة العبدالله - علا اسماعيل مصرية - ثيرومالا هندية )
انا درستني خديجة انصاري - هندية .. مو مرة صراحة بس انتي اقعدي قدام وابشري بالخير وخليك مرة منتبهة

* ثقافة اسلامية .. المادة مادة عامة من مواد الدراسات .. صراحة صراحة لازم تدرسين المادة اول باول ولاتهملين ابدددا لان الكمية اللي تاخدينها بالمحاضرة الوخدة مررره كثير فيتراكم عليك للاختبار
اخذت المادة عند نسيبه العماري مرره حبوبة وتعطيك حقك بس شديدة شوي من ناحية الالتزام ..

* مبادى ادارة .. المادة تتكلم عن الادارة والمدير وعن المنظمة والمؤسسة .. صراحة الدكتورات هم اللي مسهلين المادة لانهم يخططون ويختصررن كثييييير مافيه الا دكتورتين ( امل عبدالفتاح - مصرية وثانية نسيت اسمها :( اردنيه او فلسطينية موجود اسمها بالصفحات اللي قبل )
جربت كل الثنيتين لكن امل افضضضل بكثير فرفوشة وتعطي جو للمحاضرة

*مهارات تعلم وتفكير .. المادة ثقيييلة دم احسها المفروض تكون مواد كلية التربية مو الاداب !! تتكلم عن التفكير وانواع التفكير يعني المادة حلوة بالمحاضر، وبس لكن كدراسة خسيتها سامجة شوي وماتندرس .. مافيه الا دكتورتين ( اسماء عبدالسلام ومنى هيكل ) المهم كلهم مصريات وجربت كل الثنتين لكن اسماء افضل اقعدي قدام وخليك معاها بالمحاضرة وتعرفك

*فقه سيره :""""" .. المادة تتكلم عن سيرة الرسول من مولده الى وفاته ،، المادة سهلة سهلة سهلة بس دسمة دسمة دسمة كمية اسماء و،تواريخ كثييييرة .. اذا اهملتي فالبداية بتتوهقين اذا جاء الاختبار اهمتمي بهالمادة كثيييير
درستني فاطمة الكلثم انا عن نفسي ماحبيتها تقعد ع الطاولة وتقرا بس ! ماتقوم وتشرح ع السبورة صدق المادة سهله بس المفروض تجزء افكار المحاضرة .. المهم البنات حبوها بس انا لا

* مدخل الى تقنية المعلومات .. مادة حاسب بححتة المادة سهله بس مافيها تطبيق ع الاجهزة كله يعتمد ع الحفظ
دكتورات الحاسب كلللهم عسل ويجننون بدون استثناء وكلهم صغيرات .. وطريقتهم بتقسيم المنهج حلو يعني بعد كل فصل او فصل وشوي يسون اختبار .. فمايجي الاختبار الشهري او النهاىي الا وانتي كل شي مذاكرته من قبل ( درست مع عذاري الراجحي وش اقوووول وش اقووول ؟؟ تجنن شوي عليها :( وتمزح مع البنات وكذا .. يعني وقت المزح مزح ووقت الجد جد )

* نحو تطبيقي 1 .. نحو عادي مافيه اي شي جديد يعني ماله وصف :) :39: اخذت المادة عند دكتورة تجنن لكن الحين راحت وتركت الجامعة :) ومااعرف صراحة دكتورات زينات للنحو ان شاء الله البنات يفيدونكم

* صحة ولياقة .. المادة سهلة ( بنات اللي انا اقول لكم سهل اقصد سهل مقارنة مع مواد الجامعة الثانية مو مقارنة مع مناهج الثانوي .. لما اقول سهل مو معناته تهملون لا لازم تهتمون ) المادة تتكلم عن الصحة والرياضة والغذاء وهالاشياء .. مافي الا دكتور مصري ودكتوره اسمها ايات الشرع ماادري صراحة يمكنها سورية الزبدة درست مع الدكتور وصراحة كانت المشرفة اللي علينا تاركة البنات يسولفون وحوسة وازعاج فما كنا نركز مع الدكتور .. هو زين يعني بس يعصب بسرعة :) وماادري عن ايات الشرع

*تحرير عربي .. المادة كانها املاء شلون تكتبين الهمزة والمعاجم وهالاشياء

بنااااااااااات الله يخليكم لاتهملون بولا شي بنات هذا مستقبلكم لازم تتخرجون حتى لو قعدتي بالبيت اهم شي معاك شهادة
الجامعة مو تجين وتلعبين الجامعة شي جدي اذا انتي مااهتميتي محد راح يهتم فيك

وفيه شي بقوله كل المواد كل يوم محاضرة بالاسبوع الا الانجليزي محاضرتين بالاسبوع

الانجليزي العام لازم تنجحين فيه عشان تقدرين تاخدين مادتين انجليزي الترم الثاني .. يعني لو حملتي المادة لا سمح الله او مااخذتيها ماتقدرين تاخذين المادتين الانجلش حقت الترم الثاني الا اذا نجحتي بالعام
نحو 1 .. لازم تنجحين فيه عشان تاخذين الترم الثاني نحو 2 ومادة قراءه ومحادثة
مدخل الى تقنية المعلومات ... لازم تنجحين فيها عشان تقدرين تاخدين برامج حاسب مكتبية بالترم الثاني

بس هذولي المواد اللي لها متطلب

** اذا تبغوني اتكلم عن مواد الترم الثاني قولوا لي .. اذا فيه بنات يبون ياخذون من مواد الترم الثاني :16:

موفقين يارب وادعوا ربي ييسر اموري :)

*يارب مايصير فيه اخطاء بالكتابة:18:*

نورهّ

2013- 7- 19 10:51 AM

رد: موآد آلسنه التحضريه +افضل آلدكآتره (تم تعديل العنوآن )

ماقصرتي حبيبتي ..
كنت ابعلق او افيد البنات بشئ لاكن كفيتي ووفيتي وكل اللي قلتيه صح ونفس الكلام اللي كنت بقوله
الله يوفقهم ومثل ماقالت لاتهملون اي ماده نصيحه نصيحه > متعقده :p
** بالتوفيقق جميعااً ♥

maram.

2013- 7- 19 08:01 PM

رد: موآد آلسنه التحضريه +افضل آلدكآتره (تم تعديل العنوآن )

الله جزاك خير ترف
بس حبيت اسأل باﻻختبارات الشهريه والنهائيه
كيف تجي نفس المدرسه
اسئله واجوبه وخيارات وكذا؟

جرحني غلاك

2013- 7- 19 10:06 PM

رد: موآد آلسنه التحضريه +افضل آلدكآتره (تم تعديل العنوآن )

يب في مواد بس مقالي يعني تكتبين وكذا ومواد موضوعي خيارات واجوبتها واختاري الجواب الصحيح والتصحيح الي طبعا وفي مواد موضوعي ومقالي وهاذي اللي تقدرين تجيبين فيها درجات لانك لو م عرفتي شي بالمقالي تعوضين بالموضوعي وكذا :42:

maram.

2013- 7- 19 11:45 PM

رد: موآد آلسنه التحضريه +افضل آلدكآتره (تم تعديل العنوآن )

يعطيك العافيه:16::29:

arwa k

2013- 7- 20 07:56 AM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة silent. (المشاركة 9238361)

هذا ردي بأحد المواضيع :16:

يعطيك العافيه :16:

نداء الصباح

2013- 7- 21 12:01 AM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة ترَف (المشاركة 9264280)

يب تكلمي :31:

ترَف	2013- 7- 21 03:47 AM

رد: موآد آلسنه التحضريه +افضل آلدكآتره (تم تعديل العنوآن )

بسم الله

* تلاوة وتجويد .. كل محاضرة تقيميك على تلاوتك وفيه ست سور حفظ تسمعها لك بعد ماتاخذونها .. والاختبار النهاىي حقها يكون قبل الاختبارات الاساسية باسبوع الدكتورة تحدد لك وقت ويوم وكذا .. تاخذين احكام النون والميم والتنوين والمدود وهالاشياء وطبعا فيه تقييم على هالاشياء .. في له اختبار شهري عادي تحريري مع الاختبارات الثانية ، اخذتها عند اسماء الحسون مرره متعاونة وتشرح تشرح تشرح لحد ماتقولين خلاص والله فهمت ومن النوع اللي تسأل عن المحاضرة اللي راحت .. بنات اعرفهم اخذين عندها لكن شعبة غير شعبتي لكن مايمدحونها ! وحتى هي كانت تقول انتم افضل شعبة عندي مرة ممتازين وكانت درجاتنا بالميد مرة عالية

*احصاء .. مو زي الرياضيات بالضبطططط لا فيه اختلاف .. بس تحفظين القانون وتطبقين وطول الوقت معاك الحاسبة
بتقولين لا انا ميح بالرياضيات وماافهم وماادري ايش ! انا كنت دبشة بالثانوي ممتازه بكل الممواد الا الرياضيات دايم جيد !
لكن يوم اخذت الاخصا صرت كل محاضرة ادرسها واحفظ قوانيها حتى لو كانت الدكتورة ماتسأل انتي احفظي لنفسك ترى المادة سهلة جدا وممتعة .. يدرسونها ٣ دكتورات وكلهك سودانيات .. اخدتها عند امل ياسين عسل عسل عسل تشرح من العرض بعدين تطبق التمارين على السبورة .. تقريبا هذي المادة الوحيدة اللي لها واجبات يوميا .. طريقة استاذة امل انه تتأكذ من حلك اذا صح او غلط واذا كان غلط تقول لك وانتي تعدلينه .. لاتفكرون تاخدون غير هالاستاذة

*قراءة ومحادثة .. تتكلم المادة عن المتحدث الجيد وطريقة الحديث الجيدة وفواىد القراءه .. ولها تطبيق بحيث ان الدكتورة تعطيك نص وتقرينه وتقيمك على قرايتك بس التقييم دقيق جدا من ناحية مخارج الحروف والنطق الصحيح للكلمة والضبط الاعرابي عشان كذا ماتقدرين تاخدين هالمادة الا لازم تعدين نحو ١ .. اخذتها عند عفاف العتيق .. الدكتورة حليوة بس ماتخلص محاضراتها طول الوقت تتكلم .. بس تحسين بالاطمىنان بمحاضرتها تحسينها كانها امك .. لكن جددددددددددددددددا دقيقة .. لكن المادة بكبرها دقيقة :) واختبارها النهاىي قبل الاختبارات الاصلية باسبوع زي التلاوة والتجويد

* انجليزي قراءة .. كل بداية يونت قطعة طويلة تقريبا ٣ او ٤ صفحات تقرينها مع الدكتورة وتفهمينها وتطلعين الفكرة الرىسية بعدين فيه بعض الكلمات الغريبة تكون مكتوبة وقدامها ترجمتها بالانجليزي طبعا .. وبعدين تمارين ع القطعة مثلا قراغات وحطي الكلمة المناسبة ، افكار ورتبي هالافكار حسب تسلسل القطعة اللي قريتي وبس خلص اليونت .. المادة يبغالك قبل ماتاخدين اليونت تقرين القطعة وتفصفصينها بالبيت وتترجمين لانه مستحيل تفهمينها من اول مرة .. يبغالك بعض ماتخلصون اليونت تحفظين الكلمات ومعانيها بالانجلزي وتحطينها بجملة .. هالشي يفيدك باختبار الميد والفاينل .. لانه بتتجمع ليك كل الكلمات .. اخذتها عند ثيرومالا هندية او باكستانية .. زينة ومن النوع اللي تحفظ اسمك بسرعة تحب البنت اللي تتفاعل معاها ونهاية كل يونت تختبرك بالكلمات والمعاني وتحطينها بجملة وهالشي مرره يساعدك وسط الترم ونهايته مثل ماقلت قبل ،، لازم تنجحين بانقلش عام عشان تاخذين هالمادة

* برامج الحاسب المكتبية .. مادة حاسب وتطبقين ع الجهاز تاخدين الوورد والاكسل والبوربوينت .. مايبغى لها شي واختبارها النهاىي قبل الاختبارات الاصلية باسبوع زي التلاوة والتجويد والقراءة والمحادثة . اخذتها عند ديمة العيسى مررره تجنن وحبوبه وتمزح مع البنات ومثل ماقلت كل اساتذة الحاسب يجننون .. لارم تنجحين بتقنية المعلومات عشان تاخذين هالمادة

* انجليزي كتابة .. سههههههههههل اسهل من الانقلش العام بعد .. بس كل يونت تكتبين قطعة وتاخذين قاعدات بسيييطة وتافهة زي ال a , an ,the مرره سهل ... الاختبار النهاىي تقول اكتبي قطعه وتصير هي محددة الموضوع ، طبعا فيه اسىلة غير القطعةة .. اخذتها عنذ زيبا خان ماتعرف عربي بس تساعد كثير وتمشي للبنات والبنات يستهبلون عليها وياعمري هي ماتزري وش السالفة .. ماانصحكم فيها لا لانقلش عام ولا لقراءة لانها ماعرف تشرح بس تنفع للكتابة .. ماتقدرين تاخدين الكتابة الا اذا نجحتي بالعام ..

* تذوق ادبي .. زي الادب العزبي اللي بالثانوي .. قصيدة بعدين تعريف بالشعار بعدين الفكرة الرىيسة بعدين الصور الجملة والتشبيهات بعدين اسىلة على القصيدة .. اذكر اخذنا ٩ قصاىد مع المقدمة اللي اول الكتاب تتكلم عن التدوق ومصطلح التدوق وكذا .. المادة يبي لها يوم بيوم تدرسينها لانه بتتجمع عليك القصاىد .. اخذتها عند منى العيسى مااااااااااانصحكم فيها ابدا بس تقرا قراية بس والمحاضرة تخلص بنص ساعة خير ؟ اشرحي لاتقرين جد جد ماامزح تمسك الدرس من اوله لاخره تقرا والسلام عليكم .. صرت مااهتم اني احضر سحبت كثير على المحاضرة لان حضوري وغيابي نفس الشي .. الاختبار النهاىي تجيب لك قصية خارجية ،يلا اشرحي بس ترى يجيبون لكم قصيدة كلماتها سهلة ومفهومة ..

*نحو ٢ .. ماتاخذينه الا اذا نجحتي بنحو ١ .. عادي جذا مثل اي نحو بالحياة وعندي اسهل من نحو ١ .. اخذته عند رزان خدام سورية .. تشرح كويس وتفهمين معاها وكلش وتعطيك ملاحظات تكتبينها ع جنب

*مبادى علم الاجتماع .. انا عن نفسي اككككره علم الاجتماع من الثانوي .. اخذته عند د ايمان شومان مصرية .. مررة متعاونة مع البنات وتعيد وتزيد فاالكلام .. هالمادة احس تعتمد عليك انتي مو على الشرح .. كلللللها حفظ ادا ماانقذتي نفسك من البداية بتروحين فيها

وبس : )

علم اجنماع واحصاء ، مهارات تعلم و مبادى ادارة
هذولي كل مادتين بدل المادتين الثانيات
يعني تقدرين تاخدين علم اجنماع واحصاء الترم الاول مع المواد السبعة الباقية
و تقدرين تاخدين مهارات تعلم و مبادى ادارة الترم الثاني مع المواد السبعة الباقية

بس نصيحتي انك تاخذين الترم الاول مهارات وادارة لانها اسهل من الاحصاء وعلم الاجتماع
لانه انتي بتكونين مشوشة بداية السنة ومو عارفة شي
زيادة مواد الترم الثاني مررره سهلة غير الترم الاول .. فافضل انك تاخذذين معاهم علم اجنماع واحصاء

*يارب مايصير فيه اخطاء*

ادعوا لي () وموفقين يارب وان شاء الله تصير افضل سنة لكم

زمرد19

2013- 7- 21 01:08 PM

رد: موآد آلسنه التحضريه +افضل آلدكآتره (تم تعديل العنوآن )

الله يوفقك ويسعدك تشكرآآآآت
كنت ابغا اعرف ولقيت الجوابعلم اجنماع واحصاء ، مهارات تعلم و مبادى ادارة
هذولي كل مادتين بدل المادتين الثانيات
يعني تقدرين تاخدين علم اجنماع واحصاء الترم الاول مع المواد السبعة الباقية
و تقدرين تاخدين مهارات تعلم و مبادى ادارة الترم الثاني مع المواد السبعة الباقية

سوماا

2013- 8- 16 06:53 AM

رد: موآد آلسنه التحضريه +افضل آلدكآتره (تم تعديل العنوآن )

يعطيك الف عافية ( ترف )ماقصرتي افدتيني جدااااااااا صراحه ااشكرك ,,:16:

W E J D A N

2013- 8- 16 09:28 AM

رد: موآد آلسنه التحضريه +افضل آلدكآتره (تم تعديل العنوآن )

ترف ماقصرتي كتبتي كل شيء ممكن يفيدهم : )

Biscuit

2013- 8- 17 05:53 AM

رد: موآد آلسنه التحضريه +افضل آلدكآتره (تم تعديل العنوآن )

البنات الي اخذوا التذوق الأدبي

طلبتكم من احسن دكتورة / دكتور

لاني حذفتها وعلى اذكر البنات يقلون العبوا بدرجاتهم والاختبار كان غير الي انقال لهم :36::36::36:

حدي متأزمة

جوري الغلا

2013- 8- 17 06:02 AM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة biscuit (المشاركة 9398757)

شوفي في دكتوره مااعرف اسمها بس هاجريه هي ابعدي عنها قد ماتقدرين عذبت البنات

انا اخذت عند سهام سلامه بالمحاضرات حلوه وكل شي بس اذا سلمتيها شي اتاكدي انها شافته وحطت لك الدرجه بنفسكك :37:

عناقيد الضياء

2013- 8- 17 06:10 AM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

البنات الي اخذوا التذوق الأدبي

طلبتكم من احسن دكتورة / دكتور

لاني حذفتها وعلى اذكر البنات يقلون العبوا بدرجاتهم والاختبار كان غير الي انقال لهم

حدي متأزمة

اي صدق كانوا جايبين لنا اختبار كلية التربيه والله واختبرتا وفرحت انه كان سهل
بعدين قالت لنا الدكتورة اللي اختبرناه كان اختبار التربيه والتربيه اختبروا حقنا
وتغيرت الدرجات :12:

Biscuit

2013- 8- 17 06:24 AM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة عناقيد الضياء (المشاركة 9398798)

ياويلي :4::4:

عناقيد الضياء

2013- 8- 17 06:35 AM

رد: موآد آلسنه التحضريه +افضل آلدكآتره (تم تعديل العنوآن )

اي والله ججججد وربي ، بعد اذكر قالت لنا الدكتورة انتوا الوحيدين اختبرتوا حق التربيه يعني بس كلاسنا اختبر اختبار التربيه
عشان كذا درجاتكم مرتفعه وغيرت بالدرجات ،،،،، يالله الحمممدالله:1:

بنات بسالكم انا الحين خلصت اول سنه تحضيري
بس باقيلي مواد من التحضيري ما اخذتها اعتبر الححين اي مستوى؟
وكيف اسجل موادي اذا فتح التسجيل اسجلهم مع التحضيري ولا كيف ؟
اقدر اسجل مواد من مستوى ثالث ؟؟

zσσz яαsнιd

2013- 8- 17 06:46 AM

رد: موآد آلسنه التحضريه +افضل آلدكآتره (تم تعديل العنوآن )

^

اذا تخصصتي عآدي سجلي موآد التخصص مع التحضيري :16:

عناقيد الضياء

2013- 8- 17 06:53 AM

رد: موآد آلسنه التحضريه +افضل آلدكآتره (تم تعديل العنوآن )

اي تخصصت دراسات
طيب مواد التحضيري ككيف اسجلهم ؟؟؟

Ms.Meme!

2013- 8- 17 07:55 AM

رد: موآد آلسنه التحضريه +افضل آلدكآتره (تم تعديل العنوآن )

مواد التحضيري اللي ما أخذتيهم عادي تسجلينهم مع يوم التحضيري
و التخصص مع يوم مستوى ثالث ..
موفقهه :21::15:

seabreeze

2013- 8- 17 01:20 PM

رد: موآد آلسنه التحضريه +افضل آلدكآتره (تم تعديل العنوآن )

الله يجزاكم خير وماقصرتوا ..كلكم :11:
كفيتوا ووفيتوا ..مشالله كل شي واضح ومفهوم
الله يوفقكم دنيا واخره :1::1::1::1::1::16::43:

Lujain_o

2013- 8- 17 02:54 PM

رد: موآد آلسنه التحضريه +افضل آلدكآتره (تم تعديل العنوآن )

يعطيكم الف عافيه على هالموضوع ..
ومشاركات البنات .. يا الله جد مشكورين
فكيتوا ازمه ..
سويت لي جدول .. افضل الدكاتره .. واسوءهم !
والله يوفق الجمع يارب !
:16:

Biscuit

2013- 8- 17 05:01 PM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة ms.meme! (المشاركة 9399039)

مواد التحضيري اللي ما أخذتيهم عادي تسجلينهم مع يوم التحضيري
و التخصص مع يوم مستوى ثالث ..
موفقهه :21::15:

يعني مو كلهم بنفس اليوم ؟؟ :6:

عناقيد الضياء

2013- 8- 17 06:51 PM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

مواد التحضيري اللي ما أخذتيهم عادي تسجلينهم مع يوم التحضيري
و التخصص مع يوم مستوى ثالث ..
موفقهه

يعني مواد التحضيري بتكىن جاهزه لي ولا اسجلها ماده ماده ؟؟

Mesh1

2013- 8- 25 02:45 PM

رد: موآد آلسنه التحضريه +افضل آلدكآتره (تم تعديل العنوآن )

وش رايكم ب عذاري الراجحي ( تقنية معلومات ) ؟!
يقولون انها مره دقيقه بأسئلتها :31: ؟!

والانجلش اي افضل ؟! ( شموخ أو حمده :31::1:

سر دمعه

2013- 8- 25 03:15 PM

رد: موآد آلسنه التحضريه +افضل آلدكآتره (تم تعديل العنوآن )

بنات مين تعرف رمز مقرر النظام الاجتماعي اللي حاطينه بدال الثقافه ؟؟
والصحه واللياقه تبع اي ماده , عارفه الرمز بس ابي اعرف الماده ؟؟

zσσz яαsнιd

2013- 8- 25 03:54 PM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة mesh1 (المشاركة 9441640)

جربت حمده جدا رائعه :21::16:

بسمة $

2013- 8- 25 03:56 PM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

شمووووووووخ

درستني حمده بتحضيري ماعجبتني

ROONY.

2013- 8- 25 04:48 PM

رد: موآد آلسنه التحضريه +افضل آلدكآتره (تم تعديل العنوآن )

بنات التحضيري بالله طلب لما تفتحوا البحث حق المواد يطلعلكم عدد الشعب كثير ولا شويا
لان انا من تحضيري العام وللحين اغلب المواد 5 او 10 شعب مافي الدكاتره اللي ابيهم """(

zσσz яαsнιd

2013- 8- 25 05:13 PM

رد: موآد آلسنه التحضريه +افضل آلدكآتره (تم تعديل العنوآن )

تحضيري تسجيل موآدهم مو احين !

ROONY.

2013- 8- 25 05:24 PM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة ro7i fdak (المشاركة 9442402)

تحضيري تسجيل موآدهم مو احين !

ايوا اعرف التسجيل مش الحين اقصد نحط المواد بعربة التسوق

خريجة الثانويه

2013- 8- 25 07:09 PM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة mesh1 (المشاركة 9441640)

انا كنت ماخده عذاري في تحضيري
بصراحه اي الاسئلة دقيقه بس سهله يعني لما تركزي تعرفي تجاوبي

حمده
جربتها في انجليزي قراءة وكانت حليوه بس ماجربتها في انجليزي عام
بس الزبده اسلوبها في المحاضرة يجنن وممتع

تسذآ	2013- 8- 25 08:02 PM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة maram. (المشاركة 9266136)

الله جزاك خير ترف
بس حبيت اسأل باﻻختبارات الشهريه والنهائيه
كيف تجي نفس المدرسه
اسئله واجوبه وخيارات وكذا؟

شوفي يجيك خيارات كثير خاصة النهائي أغلب الدرجة عليه , لكن ترى مهوب سهل فيه دقه بعضه , و يجيك اسئلة مقاليه يعني عددي أو أشرحي أو عللي ..

السالفة تعتمد عليك أنتي ذاكري أول بأول و جيبي بحوثك و واجباتك و أحضري تمشي أمورك

هدوء إنسآنة

2013- 8- 25 08:15 PM

رد: موآد آلسنه التحضريه +افضل آلدكآتره (تم تعديل العنوآن )

آنصحكم بـــ حمممده للإنجليزي العــــآم مرررره تجننن وماودكـ المحاضرة تخلص
آسلوبها رآآقي في التعامل وطيبوبه وتشرح كويس ..
وتحب كل الكلآس يشــآرك معاها :16::43:

maram.

2013- 8- 26 12:58 AM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة تسذآ (المشاركة 9443224)

يعطيك العافيه حبيبتي ♡♡

نورة 88

2013- 8- 26 03:17 AM

رد: موآد آلسنه التحضريه +افضل آلدكآتره (تم تعديل العنوآن )

بنات وش رايكم في احمد حسن حق نحو 2
افيدوني :7:

طآلبه مشآغبه

2013- 8- 26 04:09 AM

رد: موآد آلسنه التحضريه +افضل آلدكآتره (تم تعديل العنوآن )

احمد حسن .. خذيه وانتي مغمضه :8: احيانا شرحه طويل بس الاهم يعطيك حقك ومايظلم :16:

ب التوفيق :29:

نورة 88

2013- 8- 26 04:45 AM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة طآلبه مشآغبه (المشاركة 9446069)

احمد حسن .. خذيه وانتي مغمضه :8: احيانا شرحه طويل بس الاهم يعطيك حقك ومايظلم :16:

ب التوفيق :29:

مشكورة طمنتيني :11: :21:

zσσz яαsнιd

2013- 8- 26 06:56 PM

رد: موآد آلسنه التحضريه +افضل آلدكآتره (تم تعديل العنوآن )

بنآت اللغه العربيه معقول محد يعرف نهى الشايقي زينه شينه !! :31:

saroonh

2013- 8- 28 12:34 PM

رد: موآد آلسنه التحضريه +افضل آلدكآتره (تم تعديل العنوآن )

أبي رأيكم بأمل خياط تذوق أدبي

آرتوآء

2013- 8- 28 07:13 PM

رد: موآد آلسنه التحضريه +افضل آلدكآتره (تم تعديل العنوآن )

^ آمل خياط

خويتي مآخذه عندهآ ، مرآ تمآم

سرادق

2013- 8- 28 07:15 PM

رد: موآد آلسنه التحضريه +افضل آلدكآتره (تم تعديل العنوآن )

بنات بسالكم
جدول سنه تحضيري نزلت ولا لا
يطلع لي رساله انقليش

صفيناز

2013- 8- 28 07:43 PM

رد: موآد آلسنه التحضريه +افضل آلدكآتره (تم تعديل العنوآن )

بنات انا سنة تحضيريه

شرايكم في المهارات منى هيكل؟

تقنيه المعلومات سميه بوخشوين والا مين افضل؟؟

انصحوني بنات...................

سرادق

2013- 8- 28 08:31 PM

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة صفيناز (المشاركة 9464907)

سمية بوخشوين عسل مرة وتساعد ولله

maram.

2013- 8- 28 08:40 PM

رد: موآد آلسنه التحضريه +افضل آلدكآتره (تم تعديل العنوآن )

شرايكم بماده النظام اﻻجتماعي في اﻻسﻻم الي كانت ثقافه
ب الدكتور محمود مبارك ؟
وفقه السيره
زهراء القحطاني ؟

صفيناز

2013- 8- 28 09:16 PM

رد: موآد آلسنه التحضريه +افضل آلدكآتره (تم تعديل العنوآن )

طيب بنات والمهارات اخذ منى هيكل؟

zσσz яαsнιd

2013- 8- 28 09:18 PM

رد: موآد آلسنه التحضريه +افضل آلدكآتره (تم تعديل العنوآن )

^

درست عندهآ زينه مآعليهآ :21:

nourah >

2013- 8- 29 01:23 AM

رد: موآد آلسنه التحضريه +افضل آلدكآتره (تم تعديل العنوآن )

انجليزي عام سميره الهي احد سمع فيها اذا اوكي وتستعد :44:

alaa1

2013- 8- 30 03:28 AM

رد: موآد آلسنه التحضريه +افضل آلدكآتره (تم تعديل العنوآن )

بنات انا حاملة انجليزي عام ومترددة جدا وخايفة احاملة فاايش رايكم بالامانة علا اسماعيل تساعد الاني ابغى ارفع معدلي محتاجه ارفع:12::12:

W E J D A N

2013- 8- 30 01:02 PM

رد: موآد آلسنه التحضريه +افضل آلدكآتره (تم تعديل العنوآن )

^ماجربتها بس سمعت كثير يمدحونها !
شدي حيلك ويرتفع معدلك :21:

All times are GMT +3. الوقت الآن حسب توقيت السعودية: 03:38 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه