|
مهم ....
بخصوص البيبول سوفت ..
بارك الله فيكم ,, ادعوا اكثر على الجامعه وسبوا اكثر عادي ترا ماوراكم شي .. انتو قاعدين بالبيت ورا الاجهزة ومايفتح معكم وتدعون على خلق الله .. بغض النظر انهم غلطوا بتحديد الموعد بس عندهم كادر مايوقف عن الشغل عشان يجهزون لكم هذا الموقع .. اذا ماتدرون ادرو الحين وفكروا عدل الي مخلين اسرهم بالاجازة عشان يوفرون لكم التسجيل بالنت .. اجل خل يخلون التسجيل بالجامعه ها ؟؟ تدرون وش بتقولون ؟؟ بتقولون حسبي الله عليهم ماتطوورو صح ؟؟ اخواني على فكرة بجامعات ثانيه والله من 6 المغرب لابدى التسجيل الى 12 او اكثر مايفتح معهم ومحد تحلطم كذا .. الموقع له عدد من محدد من المستخدمين للدخول عليه عشان كذا محددين اوقات للمستويات .. المهزله الي تصير كل مرة على البيبول سوفت والكلام الي ينقال والدعوات الي توجهونها ابد مو من صالحكم ..لان فوقكم رب العباد انتو يمكن قاعدين تسبون وتدعون وتتحسبون على مساكين مأمورين بالشغل حالهم من حالكم قاعدين يشتغلون ويحاولون يوفرون لكم الي تبون .. انا ما أتكلم من عبث والي مو حاب يقرا الموضوع عادي براحته انا عندي 8 قريبات يشتغلون بالجامعه مو فخر ولا شي بس بقول لكم شي تدرون ان المصخره الي يشوفونها اسوأ منكم بكثير ؟؟ يعني تجي البنت ولاهي مسجله لنفسها جدولين ! او ظاغطه الزر بالغلط ومدري شصار بالبيبول سوفت ومدري شسوت واعفست الدنيا بعدين تجي تحط اللوم على الجامعه ولا على البيبل سوفت ولا على مدري مين ؟؟؟؟ انتو بنات كبار وامهات المستقبل اذا ماصبرتوا على امور تافهه للجامعه شلون بتصبرون على حياتكم ؟؟ اي مشكله تواجهكم تمسكون طريق الدعاء والسب والتحسب ؟؟ والله حيل يرثى لحالكم والله يكون بعونكم وحالكم .. |
رد: مهم ....
:d5: من جد حتي الاسبوع اللي راح مداومين الموضفات مالادعي الدعاوي كلن بياخذ رزقه واللي الله كاتبه
|
رد: مهم ....
صحيح يمكن أنهم يشتغلون الآن لكن بعد شنو؟؟؟
كان عندهم فترة طويله عريضه ما فكروا يطوروا الموقع ولا حتى يحسنونه ؟؟؟ ومن متى الموقع فاتح على الفكره الموقع كان موجود ومفتوح قبل لا تنقل سجلاتنا فيه لكن المشاكل نفسها مازالت مستمره ولا فيه تطور ولا شئ واليوم والأمس قبل لا يفتح التسجيل تو يبدون ينزلون المواد مان الترم الثاني وكل شوي يسكرون الموقع عشان يعلمون فيه اصلاحات وينهم من قبل ما حلو كل هالمشاكل لو بس من جت حزة الحزة بدوا يستنفرون ويهملون أعيالهم ويقولن حنا نعمل إصلاحات بالموقع وحنا نحل المشكلات ياشيخه أنت عشان قريباتك موظفات قلتي حرام لا تتحسبون و تدعون بس لو حالك مثل حالنا يمكن عملتي مثلنا ويمكن أعظم .... وأنا اللي أشوفه بعيني أن الموظفات مش كلهم بس الأغلب الأعم ما يدري وين ربي حاشرنه وكل وحده تقطك على الثانيه ويقولك اسألي البنات اللي بالمنتدى أجل أنتم شنو وظيفتكم ؟؟ أقول خلني ساكته أفضل لأن أن تكلمت ما راح أسكت لأن عيبوهم لا تعد ولا تحصى .... |
رد: مهم ....
اقتباس:
وادري بكل الي تقولينه ان في موظفات مايدرون ربي وين حاطهم بس اصلا هم مالهم شغل بالنظام .. اخطائهم وايد ماقلت ماعندهم اغلاط وانقهر مثلكم بس ما أدعي واتحسب .. والموظفات مالهم شغل بالنظام اصلا .. هذولي شركه ومكتوب اسمهم في البيبول سوفت وتبين اشرح لج شنو البيبل سوفت اذا ماكنتي فاهمه وشو هو عادي عشان تعرفين شنو الجهد الي يبذلونه عشان يطورونه وترى السالفه مو بيوم وليله ولا حتى اسابيع ويمكن شهور عشان يتعدل عليه .. .. وانا ماحطيت هالموضوع عشان تتفرغ الطاقات والحرات فيني بس اذكركم ان في ناس تشتتغل ومو هاملين الموضوع ابدا ... و الله يهدي الكل |
رد: مهم ....
على سالفة الموظفات اللب بالكليه صدقتي يا غموضي
كل مارح مكتب قولولي روحي المكتب اللي جمبي واذا رحت عندهم يرجعوني المكتب الاول:(177)::017::017: صاااايره لعبه عندهم بسالكم بكل صراحه هذا صاير في الكليه اولا:(107)::(204): |
رد: مهم ....
لا حبيبتي ما يحتاج تشرحين لي شنو البيوبل سوفت وأنا مش طفله عشاني تخاطبيني بهاللهجة
وبعدين حنا عارفين أنو النظام يبي له وقت عشان يتطور وما يبي له يوم ولا حتى شهر بس الموقع مفتوح صار له فوق السنتين تعرفين شنو يعني فوق السنتين يعني الوقت كافي أنو الموقع يتطور للأفضل مو يكون بنفس العيوب في كل مره نسجل والمصيبه انو أخطاء التسجيل مان الترم الأول قاعده تتكرر الترم الثاني يعني لا تطور ولا هم يحزنون وكل المشاكل اللي كانت البنات ترسلها على البريد قاعده تتكرر الآن حنا ما نمانع أنو يكون فيه مشاكل قابه للتطور بس اللي يقهر أن الأخطاء ما تطورت وقاعده تتكرر بذاتها هذا اللي يقهر وأنت بما أنك حاطه الموضوع لازم تتقبلي وجهات النظر المختلفة لأن مش كل البنات راح يوافقونك الرأي والكل راح يردد كلامك بذاته هذه وجهة نظري وأنا عرضتها وهذيك وجهة نظرك وأنت بكيفك أنا ما أجبرك تغيرنها |
رد: مهم ....
:(204): يس صاير
|
رد: مهم ....
اقتباس:
ويش نسوي يأريام هذه هي طريقتهم وأنا صار لي هذه السنه الرابعه بالكليه يعني أنا ما أتكلمت إلا من واقع تجربه شايفتهم وما نقول الا بس الله يهدي الجميع :106: |
رد: مهم ....
تقولي تاركين بيوتهم واسرهم .. وهذي النتيجة ! O.M.G:000: عزيزتي .. احنا ما نطلب المستحيل .. كل اللي نطلبه نظام يقدر يتحمل كل هالعدد الهائل من الطلبة والطالبات نظام يكون مجهّز لهم .. مو يلخبط ام الدنيا تدرين .. انا في قسمي طلبوا مننا انا نروح لسكرتيرة القسم وناخذ سجلنا الدراسي من عندهم ونروح نقارنه باللي في البيبل سوفت تتوقعين ليش ؟؟ تمضية وقت ؟؟ لا يا عزيزتي لان معظم الطالبات فقدوا جزء من سجلاتهم الدراسية لما انقلوها للبيل سوفت اللي انحذفت موادها واللي طلعت راسبة واللي انخسف معدلها طيب .. هم يتعبون الله يعطيهم الف عافية وفي ميزان اعمالهم ان شاءالله بس يعطونا موعد محدد وثابت بعد ما يتاكدوا من ان النظام اصبح جاهز لاستخدام مو حقل تجارب كل يوم يفتحوه ويسكروه ما صارت ترى:24_asmilies-com: |
رد: مهم ....
صح لسانك ياغموضي :mh001::mh001::mh001::mh001::mh001:
|
رد: مهم ....
كلامك ينحط عالجرح يبرى
|
رد: مهم ....
صح الله بدنك " مليت أنا الدنيا "
بس والله ما قلت إلا الحق واللي قاعده أشوفه :106: |
رد: مهم ....
:hahahahahah::hahahahahah::hahahahahah::hahahahaha h::hahahahahah::71::71::71::71::71::71::71::71::71 ::71::hahahahahah::hahahahahah::hahahahahah::hahah ahahah::hahahahahah::hahahahahah::71::71::71::71:: 71::71::71::71::71::71::71::71::71::71::71::71::71 ::71::71::71::33_asmilies-com::33_asmilies-com::33_asmilies-com::33_asmilies-com::33_asmilies-com:
|
رد: مهم ....
اتوقع كلامي كله واضح واني اقول لا تدعون والي ماعجبه لا يقرأ ..
وانا ماكلمت احد بطريقه طفوليه او استهزاء .. وما ظنتي كلامي يحتاج يستهزأ فيه ابدا .. ومالي دخل بالموظفات الي يصفطون البنات وانا مامدحت الي اعرفهم بس قاعده اقولكم يواجهون مشاكل من الطالبات لا ن في ناس مو فاهمين البرنامج .. وقاعده بيانات كبيره تتحمل اكثر من 1500 طالب مو سهله .. الموقع عليه بنات واولاد وكل الي بجامعة الدمام .. اذا انتو تستخدمونه عدل في ناس يخربون .. وقلتوها سنتين يعني توه جديد .. المهم موضوعي من البدايه ان لا تدعون على خلق الله وانا مابديت بهجوميه عشان ينرد علي بالهطريقه .. واشكر كل وحدهـ ايدتني .. لهم ودي :106: |
رد: مهم ....
صح لسااانك kadooj كل كلمه قلتيها صح واكييييد اي شي لازم يكووون فيه ايجابيات وسلبيات .. وإذا احنا البشر تغلط فما بالكم بنظام الكترووني اكييييد بيطلع فيه اغلاط .. وبصراحه البيبول سوفت ريحنا في نواحي كثيييره لو اعدها ماخلصت .. الله يجزاااهم خييير ويعطيهم العااافيه وفي ميزان حسناتهم ان شاء الله .. ......... وإذا على تأخيير التسجييل .. كل تأخييره فيها خيييره .. |
رد: مهم ....
غموضي ترا البنت ماتهجمت عليكم عشان تردين بهالطريقه
هي طرحت وجهت نظرهآإ وكل واحد وله وجهه الحوار لهـ ذوقهـ وتراي طالبهـ مثلي مثلكـ ويعلق علي النظام والي الحين ماجهزت جدولي بس انا مو ادرا بالنظام والي يصير فيهـ عشان اقعد اسب واظلمهم |
رد: مهم ....
kadooj
حبيبتي صح كلامك لازم البنات مايدعون عليهم .. لكن يعطونا وقت محدد مو يخلونا ع اعصابنا ونأجل طلعاتنا ع حسابهم.. وانا اوافق غيوضي لما قالت ان سنتين فاتحينه تو يفكرون يطورونه او يصلحونه ...الخ وبعض الموضفات مايشتغلون جايين ع الفاضي وكل مانروح لوحده تقولنا روحو عند الاستاذا الفلانيه يعني في اهمال مو طبيعي وع العموم يعطيهم العافيه ويعطيك الف عافيه ع الموضوع |
رد: مهم ....
حنآ بالمملكه العربيه السعوديه .. محنـآ ببلد فقر ..!! تعرفين كيف يعني أن بلدنـآ من أغنى دول العـآلم !! دام هذي ميزه بدولتنا ليش حتى بالنت نعآني ؟ وهذا الموقع حكومي والمفروض يكون الأهتمام عليه أكبر .. مآهي مشكلتي عليه كوآدر ولآ مليون عآمل عليه .. حنا نبي موقع يقآل عنه عآلمي ..! مو بطيخ كل شوي وعلق لنـآ .. وأجـآزه وذآلييينآ عليهـآ ..!! النتآيج تنزل بالقطـآره .. والتسسجيل كل يوم قآلو لنـآ بكره ..! حتى حنـآ حآيسسسين وحآلتنـآ حآله .. وكليه زفت مثل هالكليه مآشفت !! تطور وتطور وبطيخ وهم بموقع تسسجيل ماهم عـآرفين يضبطونه .. ولو انه فيهم خير فتحوآ لنـآ موقع زي العـآلم والنآس .. وفيه موآقع كثير يدخل عليها فوق المليون مستخدم ويحوس ويحمل ويسوي اللي يبيه ماعلقت ولا خربت الدنيآ .. الحين على كم ألف طآلبه مسويين لنا مشآكل ؟ هذآ حنـا طول الترم ما نقرب صوبه .. مـآ حلآ لهم تعديله إلآ الحين ؟ ليش انا الطالبه المفروض أشقى واتعب طول الترم على اللي يسوى واللي ما يسوى واتحطم بنتيجه زفت وحسسبي الله على الظالم .. وفوق هذا يطلع لي نظام خااايسس يزيد الحوسه علي ؟ المفروض لو ان فيهم خير جهزوآ هالجدآول من نص الترم الأول ع الأقل .. أجي أدخل ألآقي الجدول وآضح وماهو ملعق وأسجل وكان الله غفور رحيم ..! مو جـآلسسسه أبني عمااره انا ..!! ضغطه زر ومسويين عليها مششآكل .. يتحملوآ مآيجيهم .. ومحد يآخذ إلآ نصيبه .. كليه .. قرف !! |
رد: مهم ....
اقتباس:
اقتباس:
بس هذي قدرآتهم ..؟ 1500 شخص ..! وبنآت وأولآد ..!! تظنين إنتي بهالكلام تعطينهم مبررآت :cheese: ؟ حنا فوق الـ 50 ألف طآلبه .. ركزوآ .. ترى ذآ الموقع الخايسس مابه جامعه بالسعوديه ماتدخل عليه .. وهو أمكانياته 1500 .. هههههه عجييب بصرآحه .. |
رد: مهم ....
حمدالله على كل حال ..
كل وحده ووجهة نظرها وعلى موقع ومافتح وهالازمه كلها مدري ليش .. قلت غلطوا وقلت عندهم اغلاط وايد وقلت وقلت وقلت .. انا يا عالم مو واقفه معهم ابد .. انا وحده متضررة من الكليه وبقوة .. بس ما أأدعي عليهم .. عرفتوا انا ليه فتحت الموضوع !! عشان انبهكم لا تدعون على احد ي حلوات واعذروهم .. ومثل ماقالت اختي ان كل تأخيره فيها خيره .. وجامعات اسمها فوق وعندهم مشاكل نفسنا عادي يعني مافي شي كامل .. جربت تسجيل جامعة ثانيه وعرفت قيمة جامعتنا .. وعلى العموم كل الاماكن فيها نقص وغلط وووووو الخ .. وقلت 1500 كذا ليس الا واكيد هو اكثر منه بواجد يعني كلية الطب مستويان شوفي عددهم كم ويمكن بعد بنات واولاد وطب السنان نفس الشي .. وباقي الكليات نفس الشي يعني من جد بس 1500 طالب من صجي فاتحه موضوع وكاتبه هالحجي وبعدين اقولج 1500 طالب بس اني قلته كذا والمواقع تختلف عن قاعدات البيانات ي عزيزتي .. المهم .. ارجع لنقطه البدايه ومحور الحديث الي انشطح عنه .. التمس لاخيك سبعين عذرا .. ولا تدعون على احد ، بالعكس ادعوا بالتسهيل من الله .. :106: |
رد: مهم ....
اقتباس:
ان شالله مليون ولا 1500 ولا الي يكون الرقم .. مابررت لاحد ولا دافعت عنهم ولا اصلا فتحت الموضوع على كذا .. |
رد: مهم ....
الله يهدي الجمييع والله يصبرنآآ
|
رد: مهم ....
بليز بنات الي ودها ترد مهما كانت وجهة نظرها لاتشطح عن نقطة الحوار وانكم لاتدعون عليهم ، لان ماودي يتسسكر الموضوع من احد المشرفات بسبب نقاش انا مالي خص فيه ..
الي بخاطرها شي تفتح موضوع جديد وتبرد الي بخاطرهاا :biggrin: |
رد: مهم ....
عفواً هذ1 شغلهم احنا مالنا دخل
:) أفهم الجامعات الثانية ليش محترمين طلابهم :)؟؟؟؟؟؟؟؟؟ :) أفهم بس ! واحنا ماطلبنا المستحيل طلبنا عطونا وقت محدد ! أحترموا نفسياتنا بس هذا الي طلبناهـ :(269):! |
رد: مهم ....
مساء الخير .. قريت جميع الردود .. و واضح الكل متوتر .. ومحد ينلام .. ومحد غلط ع احد .. تبقى وجهات نظر لا اكثر ولا اقل .. ومو لازم احد يقنع الثاني .. صاحبة الموضوع قصدها نتجنب الدعاوي والسب .. والله يجزاها الف خير ..
كنا غافلين عن هالشي .. واللي ردوا وقالوا كان معهم وقت كافي لتعديل بعد ع صواب .. وانا متأكدة صاحبة الموضوع ماهي معارضه هالشي ان معهم وقت .. ولكن كل موضوعها يدور حول ( السب واللعن ) .. ولكن يمكن الموضوع ماوصل بالطريقة اللي هي كانت تبيها .. ولا تنسون حالها من حالنا .. هي مثلنا تنتظر .. وفعلا جامعتنا فاشله والموقع مخيس وهالشي مايختلف علية اثنين .. وهذا قطرة في بحر عيوب جامعتنا .. الله يهدي الكل .. وبالتوفيق جميعا .. ونبقى خوات متعاونات في هالمنتدى .. :106: |
رد: مهم ....
بنات هدو وشفيكم قلبتوا الوضوع هوشه:119:
|
رد: مهم ....
جرحني خطاك
صح السانكـ ي الغلآإ :106: |
رد: مهم ....
كل واحد وقدراته وهذا الي الله وفقناه فيه ودخلنا هالجامعه وهذي قدراتهم ..
وفي جامعات وايد يعني اهليه وحكوميه الي مو مرتاحه هنا ولا عندها مشاكل الدنيا عادي ترى حطي فلوسج وروحي عادي يعني .. او حولي من الجامعه الي مو عاجبتج لجامعه ثانيه ترى السالفه سهله مرة :biggrin: وتسلموون كلكم على ردوودكم الجميله :biggrin: على قولة جرحني خطاااك حالي من حالكم وكلامها على راسي والله وبالظبط ووصلت الي ابيه يعطيها العافيه عشان الي مافهمني يقرا كلامها ويفهمني:biggrin: .. |
رد: مهم ....
هذي جامعة حكومة وتمشي على كيفنا ! مو عشان فلوس تمشيهم !! ترا ردك مستفز لأبعد الحدود ! احنا لقينا القرب وقلنا لا !:119: :119:والتحويل مين قالك انه سهل ؟! :119: |
رد: مهم ....
مشكور على الكلام يا بعد حيي يس مين يحس ويفهم الله يكون معنا :ان شاء الله
|
رد: مهم ....
اقتباس:
عادي انا ما اقصد احد على فكره ولا اقصدج بكلامي اصلا .. انا اعطي حل ليس الا للي متضايقين من الوضع .. وحمدالله جت من غيري ان التحويل مو سهل يعني بكل مكان في اشياء صعبه ومو سهله زكل مكان فيه عيوبه ... ونسيت المثل بس انه مدري ايش لا يفسد في الود قضيه :biggrin: |
رد: مهم ....
كلمة حق ولازم تنقال السب واللعن والدعاوي مالها داعي << مع اني ما قصرت فيهم لانها في النهاية ما رح تغير شي بس هذا ما يمنع ان احنا نلومهم وما نبرر موقفهم بضغط الشغل او بكثرة العدد لان هذي وظيفتهم انهم يوفروا نظام يستطيع تحمل الأعداد المهولة والله المعين |
رد: مهم ....
اقتباس:
أيييه مرره تصصصدقين .. ضغطت زر وأحول لجآمعه ثآنيه :cheese: .. |
رد: مهم ....
ياحلوووووكم تونسون الوحدا وتوسعون صدرهاااا :biggrin:
ابي افهم تسجيل وفتح .. ورجع قفل وش صار بالدنيا عادي كملي يومك وعيشي حياتك وانبسطي بالاجازه .. مافيه شي بيروح عليكم رووووووووووووووووووووووووووووووووووووووقوا صراحتن استغرب ليه هالحماس :000: |
رد: مهم ....
بنات مشينآ نسوي قطيه ونحول لجآمعه بأمريكآ وإلآ كندآ وإلآ الصومـآل مره وحده :cheese: ..
أنآ بقط مكآفئتي إللي تو نآزله :cheese: .. وأنتو وكرمكم .. :cheese: |
رد: مهم ....
احنا ورانا الف شغله وشغله مو فاضين لهم
المفروض مايحددون الوقت الا وكل شي جاهز لنا عشان احنا نرتاح وهم بعد :(177): الوقت كالسيف ان لم تقطعه قطعك |
رد: مهم ....
اقتباس:
|
رد: مهم ....
في نهاية هذا اليوم السعيد الملييييئ بالردود الجميله والسعيده ايضا :biggrin:
اتمنى الله يوفق الجميع ويسهل على كل مستوى تسجيلهم .. وتنحل ازمة البيبل سوفت .. وأسمع اخبار تخرجكم من الجامعه كل ابوكم :biggrin: :106: |
رد: مهم ....
اقتباس:
|
رد: مهم ....
حسبي الله لا اله الا هو عليه توكلت و هو رب العرش العظيم :love080:
|
رد: مهم ....
خدووووج فكرتك وصلت والله :106:
من المعيب ككل شويه واحده تفتح موضوع ما بقت سبه ولا لعنه الا قالتها :icon9: والمصيبة يسبون الكلية ابغى افهم وش دخل كلية الآداب بالبيبول سوفت اشتغل ولا وقف !! كل كليات جامعة الدمام بنات واولاد كلهم بالبيبول سوفت طبيعي جداً الاخطاء ، طبيعي جداً الضغط ، طبيعي جداً المشاكل اللي قاعده تصير بس احنا نطالب بشغل جاد و دؤوب عشان تنحل المشاكل وتسلك الامور :119: سب ولعن عيب وحرام ولا راح تغير شيء في الموضوع انا بصراحة ما احب اسمع ولا اقرأ الكلام اللي هنا يعني واحده قالت جامعة فاشلة و كلية فاشله مسكوها الاجيال من حينها للحين اتوقع انقالت قبل 32 سنة وباقي البنات ماسكين الفكرة طبيعي ترى إذا ارخيتي اذنك وسمعتي السب واللعن و التحطيم بتحسين نفسك معصبه متنرفزة تندبين حضك انك بجامعة مثل جامعتنا على فكرة بالبداية كنت اتضايق خاصة يوم تأخرت النتائج لكن لما شفت الجامعات الثانية واولها جامعة الاميرة نورة اللي ينضرب فيها المثل تأخروا و لعبوا في البنات لعب ما طلعوا النتائج الا بعدنا هذا وهم خلصوا اختبارات قبلنا عرفت ان الوضع طبيعي وجامعتنا اهوون من غيرها :biggrin::(204): اقول يالله انشدوا جامعة الدمام سناءٌ وضياءٌ يشرق في ذاتي ويخط طريقاً للأسمى ويهب بأحلى النسمات :mh001: الله يوفقكم ويسعدنا اجمعين شوية امل ونظرة تفاؤلية و تزين الامور :wink::106: |
رد: مهم ....
مش بس الدمام ،كل التعليـــــــم عندنا يجلط :biggrin:
|
رد: مهم ....
اقتباس:
ياحلوووووووووين روقو وين الصبر والله يبنات الصبر ثم الصبر ثم الصبر على قولة المثل الصبر مفتاح الفرج وماحد حقه بضيع منكم كل وحده وبتسجل وبتسوي موادها وبتخلص وبتضحك على عصبيتها صحيح انو جامعتنا الحلووووه طلعت لي شيبه وجابت لي الضغط وقريب السكر ههههههههه بس شنسوي نصبر ولا قعدت البيت :hahahahahah::hahahahahah: |
رد: مهم ....
على العموم الحمدلله على كل حال يمكن تأخير هذا خيره لنا:biggrin:
|
رد: مهم ....
اجل اذا قربت القيامة شو بتسون
كل وحدة قالت جهه نظرها انا مالومها ترى كل شي بالدنيا في مميزات وعيوب مو بس كليتنا:biggrin: وكلن يطمح للافضل والعالمية والشهرة:hahahahahah: وحنا بشر مو معصمين نخطأ ونصيب وطبيعة بنى آدم لا يخلو من العصبية:017:<<< مثل ذا:biggrin: حنا لمن نعرف خطأنا مو نكرره مثل ماحصل بكليتنا الموقرة نظام لازم في الانحدار يعلق, يهنك , واحيانا ندخل ارقامنا يقل خطأ , احيانا يقول ليس لديك صلاحية, احيانا نشوف موادنا محذفة, واحيانا مادنا متغيرة درجتها, احيانا المعدل متغير, ,في شي ماقلته:biggrin: مو معقوله الخطأ يتكرر مثل ماقالت بعض الاخوات صحيح في موظفين يتعبون ويبذلون مجهود ربي يعطيهم الف عافية الانسان مايحقق النجاح الا لازم يمر بتجربة من الفشل:cool: طيب لازم نشوف الخطأ وين عشان نصححه مو نظل نكرره:(177): وحنا نعرف اي لعنه او سبه مصيرها ترجع علينا:biggrin: وحنا نعرف ان عدد الطابات كثير باللآف مو قليل فلازم الانسان يحسب كل شي بحسابه يعني لازم النظام يستقبل عدد هالطلاب والطالبات ولسى الحكاية ماراح تخلص موفقين بنات لكل خير |
رد: مهم ....
اقتباس:
كلامك روووووووووووووووعه جزيتي خيرا غاليتي |
رد: مهم ....
اللي تقول ليه الحماس لان الموقع ضييع وقتنا نقابله 6ساعات ولا يفتح ولبعض البنات فاتح وهذا يأثر على جداولنا اذا سكرت الشعب وكليتنا نادر ماتوسع الشعب ولاتفتح جديده والحين اغلب المواد ماها الاوقت واحد يعني مجرد ماتمتلي ماتقدري تاخذي الماده وتزود عدد السنوات والتسجيل ماله وقت محدد يفتح ولايسكر فيه الترم الاول ماسجلت نظام اقتصادي بسبب ان الموقع خالط مواد الخطه الجديده مع القديمه والتسجيل قفل بدون مقدمات خبر يعني ماده عامه قهر تاخرني
واغلب الموظفات تعاملهم زفت والاياليت يقولون ماندري يقولون اجابات غلط من راسهم وبعدين موتاركيين بيوتهم ببلاش شوفي كم يستلمون ع هالمهزله اللي يسوونها :017::017: يعني ماتركو اعيالهم ببلاش |
رد: مهم ....
بناااااااااات انا ابي اطرح موضوع ماهو يم الموضوع الي انتم تحكووون فيه:biggrin:
يس يااااليت القى اححد يسااعدني :(269): صديقتي معدلها 1.545 وهي مستوى 3 وكل مستوى معدلها انزل من كذا سؤالي هو... كيف اعرف كم عندها انذار وهل راح تدرس السمستر 4 ولا لا واذا تقدر تدرس شلون نعرف تكفووووون صديقتي حييييل متضااايقه ي لييييت تسااااعدونها:mh12: |
رد: مهم ....
يمكنج ماقريتي المواضيع عدل لان كان مكتوب كل شب وقت بداية التسجيل ونهايته ومواد قديم وجديد ووكل شي كان مكتووب جنب الماده ..
فتح الموقع الحين .. الله يوفقكم :106: |
رد: مهم ....
الموضوع جميل لاكن العجله فطره في بني آدم لاننسى قول الله تعالى((وكان الإنسان عجولا)) وايضا((خلق الإنسان من عجل))
|
رد: مهم ....
اقتباس:
كلامتتتتتتتتتتتتتتتس در:biggrin::love080: |
رد: مهم ....
صحيح كلامك جزاك الله خير عسووووووووووووووووووووله:106:
|
رد: مهم ....
عن جد كلالالامك درر
|
رد: مهم ....
:wink::wink::wink::wink::wink::d5::d5::d5::d5:
|
رد: مهم ....
شوفوا اوقات التسجيل الغبيه مره في رمضان ومره بالاجازه وش يحسون فيه
وفوق هذا لنا من الاحد كل يوم يتاجل للي بعده وانا اقعد من ساعه 2 الظهر لين المغرب واخرتها يتاجل وكل يوم ع هالحاله وتقولين لا تدعون الا بدعي حسبي الله ونعم الوكيل كل يوم نقوم من نوم لا ناكل ولا نقعد مع اهلنا ولا نطلع ولا نسوي اي شي بس قاعدين مقابلين هاللاب وندخل والنظام الذكي يطلعنا ولا سجلنا ولا شي واللي يقهر ان اذا تم التعديل بتقفل الشعب ويخرب الجدول اللي مسوينه يعني وش نقول ندعي لهم مثلا من جد شي يقهر وجامعه تبي تطور بس مو عارفه كيف والنظام فاشل من بدايته رجعونا ع نظام البنر احسن ميت مره |
رد: مهم ....
حبيبتي الملك يقول لج ولك مثل ذلك ..
أنا مجرد نصيحه قدمتها لكم لان الي بالمنتدى مثل خواتي .. ولا أجبر احد يسوي الي قلته .. |
رد: مهم ....
لاحول ولاقوة الا بالله
استغفر الله واتوب اليه |
رد: مهم ....
لاحول ولاقوة الا بالله:love080:..
|
رد: مهم ....
ياعمري
انا ضد الدعاوي والتحسبات والكلام دا كله / ترى صايره الاخلاق أزمه لكن بعد في (موظفات ) مو الكل مايفهمون شي لا بالنظام ولا بغيره مايعني إنها عمرت في الكليه وإكتسبت سنوات خبره يغفر لها جهلها بعملها ترى هذي أمانه وهي ماتترك عايلتها مجبره لا هي بكامل إرادتها وإختيارها ولو خيرتيها ترتاح وتتنازل عن الوظيفه بتقول مستحيل أبدا فالإخلاص في العمل واجب وليه تروحين بعيد يعني هي تشتغل تطوعي طبعا لا أقل موظفه بالكليه على المرتبه الثالثه لا تقولين هذا حقها درست وتعبت في موظفات بالكليه المتوسطه القديييييييييييييييييمه مره الى إنقرضت خلاص حلو لما تروحين المكاتب وتقولك الموظفه إيش يعني بيبل سوفت والأحلى من كذا لما تكون حافظه النقاط حفظ إدخلي على السجلات الأكادميه بعدين كذا كذا :(269): الجهل موعيب بس عيب ماأتعلم شغلي و أتقنه وأكون جديره بالمكان اللي أنا فيه الكثير يحتاجني وأنا لازم أقدم العطاء للي يحتاجه هذا واجبي وحق لهم علي أكيد في بنات ما يفهمون لكن ترى هم تحظيري جاين من ثانوي من فين لهم الخبره وطبعا اللي مالها خوات ولا بنات يساعدونها ويعلمونها انظام من فين تفهم وتركز :000: إذا لاحظتي بدايه السنه كيف كان لقاء بنات الأداب ولقاء بنات العلوم تعرفين الفرق في الإداره أنا ماانكر ان في موظفات بالإدارة أكثر من رائعين لأنهم فاهمين شغلهم أمثال أ ميسون نلتمس لهم العذر لكن نطمح للأرقى اعرفوا حقوقكم وواجباتكم واللي لكم والي عليكم أخلاقكم لأنفسكم :love080:أختاري لنفسك الأفضل دائما والأرقى دمتم سالمين :119: |
رد: مهم ....
صح كلامك سارة
و فعلاً الجامعة ما بتتطور إلا تحت أيدي موظفين أكفاء مخلصين في عملهم >>> تدرون أن أغلب موظفات الكلية ماخدين شهادات ثانوية و متوسط ؟؟؟؟ و توظفو بالواسطة :41jg:و ما يعرفوون شي أبد بالله عليكم شلون نتطور و نرتقي !!!!!!! و الواسطة شغالة على ناس و ناس متعلمات قاعدات في البيت بس مع هذا المفروض ما نسب ما نلعن لأنه حرام و اللعان مطرود من رحمة لله فياليت يا أخوات تنتبهو لهذي النقطة خدوج حبيتي مشكوره على الموضوع و فكرتك اوصلت :cool::106: |
رد: مهم ....
ششوفي حبيبتي كلامك صح وزينه العقل لكن حابه انوه لك ان دعوه الطالبات على اعضاء الجامعه لوكانو مظلومين حطيها بين قوسين (مظلومين)ترا الدعوه تنرد على الي دعت ذا معروف اما ان كان ظالمين اوك قلنا ظالمين فدعوه المظلوم مابينها وبين الله حجاب ثانيا حبيبتي النظام كم له مفتوح سنه تقريبا وذي الثانيه معقوله كا ذا صيانه!? جيبو مهندس فظرف ساعه يصلحه اما من كلامك انو تركو اهلهم كثري منها ندق محد يرد محسستني الرجال مشمرين اكمامهم وعاقدين اللثمه ويصلحون الموقع والله لوسئلتي اعضاء الجامعه عن النظام ٢٪يعرفون والباقي اسئلو المنتدى هيا ب الله موقع جامعه تهكر مرتين وين احنا ياهوه طيب تقولون سعه الموقع ماتستوعب عدد كبير حلو عارفين طيب خلو نطامكم يستوعب عدد كبير دام تدرو تحت سقف الجامعه اكثر من ٦كليات والله لو موقع شات كان السعه تكفي اممممه بكاملها لكن نقول حسبنا الله ونعم الوكيل
|
رد: مهم ....
شكرا على كل من رد ..
كل شخص له وجهة نظر .. وي حبيبتي مو احنا الي نحكم مظلومين ولا لا بس انا كل كلامي عن لاتدعون على احد .. وانا ماتكلمت عن اعضاء الجامعه وموظفينها ، علة فكرة انا حالي من حالكم طالبه اداوم واشوف وأعاني ماقلت اني ماعندي شي وجايه ادافع .. انا قلت عن الي يشتغلون الي هم المسؤلين عن البيبل سوفت .. ومثل ماقلت قاعده بيانات كبيره يتم شراءها بمبلغ وقدره ويتم توسيعها على عدد نصف الى ثلاث ارباع العدد المتوقع لاستخدامه ويقعدون يوزعون عليه المعلومات .. صحيح صار له سنه او سنتين او الي يكون بس طول السنه البيبول سوفت يشتغل بسلام الايام العاديه بس وقت الاختبارات والنتايج هو يعلق يعني هم يواجهون مشكله وماندري عن طاقاتهم واجد ولا شوي ولا ندري عن الظروف الي تواجههم .. اسألكم بالله اي وحده تقرا الكلام وتعرف مبرمجين قواعد بيانات ومبرمجين هذي الاشياء تسأله اذا كانت السالفه سهله ولا صعبه ؟؟ كل شي بالحياه فيه السهل والصعب وكل شي فيه الصح والغلط ... وجامعتنا غلطت بأشياء واجد بس مويعني اننا ندعي .. الدعاء شي عظيم ، وحمدالله محد بينقصه شي وكل وحده مكتوب لها الي بيصير لها .. ومقدر لكم قبل لاتولودون ، انتو بس توكلوا على الله ولا تدعون على خلق الله وادعوا بالتسهيل والله يعطيهم العافيه ويقويهم ويسهل امورنا كلها وامور المسلمين .. |
| All times are GMT +3. الوقت الآن حسب توقيت السعودية: 02:28 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام