ملتقى طلاب وطالبات جامعة الملك فيصل,جامعة الدمام - السنة التحضيــرية موآد آلسنه التحضريه +افضل آلدكآتره (تم تعديل العنوآن )

- منتدى كلية الآداب بالدمام (https://vb.ckfu.org/forumdisplay.php?f=63)

- - [ السنة التحضيــرية ] : موآد آلسنه التحضريه +افضل آلدكآتره (تم تعديل العنوآن ) (https://vb.ckfu.org/showthread.php?t=476306)

رد: موآد آلسنه التحضريه +افضل آلدكآتره (تم تعديل العنوآن )

يب في مواد بس مقالي يعني تكتبين وكذا ومواد موضوعي خيارات واجوبتها واختاري الجواب الصحيح والتصحيح الي طبعا وفي مواد موضوعي ومقالي وهاذي اللي تقدرين تجيبين فيها درجات لانك لو م عرفتي شي بالمقالي تعوضين بالموضوعي وكذا :42:

رد: موآد آلسنه التحضريه +افضل آلدكآتره (تم تعديل العنوآن )

يعطيك العافيه:16::29:

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة silent. (المشاركة 9238361)

هذا ردي بأحد المواضيع :16:

يعطيك العافيه :16:

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة ترَف (المشاركة 9264280)

الترم الاول بس تختارين الشعبة .. مثلا اخترتي لمادة النحو شعبة 1 باقي المواد اجباري تكون كلها شعبه 1
بس اللي عليك تختارينها وتاكدين عليها .. الترم الثاني هو اللخبطة انتي تسوين الجدول اللي تبين وكل مادة شعبة..
بتكلم عن تجربتي ..

الترم الاول 9 مواد
* انقلش عام .. المادة انجليزي وسهلة مافيها قاعدات جديدة نفس اللي اخدنه بالثانوي بالضضبط الا يمكن قاعدتين او 3 يكون جديدات
الدكتورات ( حمدة العبدالله - علا اسماعيل مصرية - ثيرومالا هندية )
انا درستني خديجة انصاري - هندية .. مو مرة صراحة بس انتي اقعدي قدام وابشري بالخير وخليك مرة منتبهة

* ثقافة اسلامية .. المادة مادة عامة من مواد الدراسات .. صراحة صراحة لازم تدرسين المادة اول باول ولاتهملين ابدددا لان الكمية اللي تاخدينها بالمحاضرة الوخدة مررره كثير فيتراكم عليك للاختبار
اخذت المادة عند نسيبه العماري مرره حبوبة وتعطيك حقك بس شديدة شوي من ناحية الالتزام ..

* مبادى ادارة .. المادة تتكلم عن الادارة والمدير وعن المنظمة والمؤسسة .. صراحة الدكتورات هم اللي مسهلين المادة لانهم يخططون ويختصررن كثييييير مافيه الا دكتورتين ( امل عبدالفتاح - مصرية وثانية نسيت اسمها :( اردنيه او فلسطينية موجود اسمها بالصفحات اللي قبل )
جربت كل الثنيتين لكن امل افضضضل بكثير فرفوشة وتعطي جو للمحاضرة

*مهارات تعلم وتفكير .. المادة ثقيييلة دم احسها المفروض تكون مواد كلية التربية مو الاداب !! تتكلم عن التفكير وانواع التفكير يعني المادة حلوة بالمحاضر، وبس لكن كدراسة خسيتها سامجة شوي وماتندرس .. مافيه الا دكتورتين ( اسماء عبدالسلام ومنى هيكل ) المهم كلهم مصريات وجربت كل الثنتين لكن اسماء افضل اقعدي قدام وخليك معاها بالمحاضرة وتعرفك

*فقه سيره :""""" .. المادة تتكلم عن سيرة الرسول من مولده الى وفاته ،، المادة سهلة سهلة سهلة بس دسمة دسمة دسمة كمية اسماء و،تواريخ كثييييرة .. اذا اهملتي فالبداية بتتوهقين اذا جاء الاختبار اهمتمي بهالمادة كثيييير
درستني فاطمة الكلثم انا عن نفسي ماحبيتها تقعد ع الطاولة وتقرا بس ! ماتقوم وتشرح ع السبورة صدق المادة سهله بس المفروض تجزء افكار المحاضرة .. المهم البنات حبوها بس انا لا

* مدخل الى تقنية المعلومات .. مادة حاسب بححتة المادة سهله بس مافيها تطبيق ع الاجهزة كله يعتمد ع الحفظ
دكتورات الحاسب كلللهم عسل ويجننون بدون استثناء وكلهم صغيرات .. وطريقتهم بتقسيم المنهج حلو يعني بعد كل فصل او فصل وشوي يسون اختبار .. فمايجي الاختبار الشهري او النهاىي الا وانتي كل شي مذاكرته من قبل ( درست مع عذاري الراجحي وش اقوووول وش اقووول ؟؟ تجنن شوي عليها :( وتمزح مع البنات وكذا .. يعني وقت المزح مزح ووقت الجد جد )

* نحو تطبيقي 1 .. نحو عادي مافيه اي شي جديد يعني ماله وصف :) :39: اخذت المادة عند دكتورة تجنن لكن الحين راحت وتركت الجامعة :) ومااعرف صراحة دكتورات زينات للنحو ان شاء الله البنات يفيدونكم

* صحة ولياقة .. المادة سهلة ( بنات اللي انا اقول لكم سهل اقصد سهل مقارنة مع مواد الجامعة الثانية مو مقارنة مع مناهج الثانوي .. لما اقول سهل مو معناته تهملون لا لازم تهتمون ) المادة تتكلم عن الصحة والرياضة والغذاء وهالاشياء .. مافي الا دكتور مصري ودكتوره اسمها ايات الشرع ماادري صراحة يمكنها سورية الزبدة درست مع الدكتور وصراحة كانت المشرفة اللي علينا تاركة البنات يسولفون وحوسة وازعاج فما كنا نركز مع الدكتور .. هو زين يعني بس يعصب بسرعة :) وماادري عن ايات الشرع

*تحرير عربي .. المادة كانها املاء شلون تكتبين الهمزة والمعاجم وهالاشياء

بنااااااااااات الله يخليكم لاتهملون بولا شي بنات هذا مستقبلكم لازم تتخرجون حتى لو قعدتي بالبيت اهم شي معاك شهادة
الجامعة مو تجين وتلعبين الجامعة شي جدي اذا انتي مااهتميتي محد راح يهتم فيك

وفيه شي بقوله كل المواد كل يوم محاضرة بالاسبوع الا الانجليزي محاضرتين بالاسبوع

الانجليزي العام لازم تنجحين فيه عشان تقدرين تاخدين مادتين انجليزي الترم الثاني .. يعني لو حملتي المادة لا سمح الله او مااخذتيها ماتقدرين تاخذين المادتين الانجلش حقت الترم الثاني الا اذا نجحتي بالعام
نحو 1 .. لازم تنجحين فيه عشان تاخذين الترم الثاني نحو 2 ومادة قراءه ومحادثة
مدخل الى تقنية المعلومات ... لازم تنجحين فيها عشان تقدرين تاخدين برامج حاسب مكتبية بالترم الثاني

بس هذولي المواد اللي لها متطلب

** اذا تبغوني اتكلم عن مواد الترم الثاني قولوا لي .. اذا فيه بنات يبون ياخذون من مواد الترم الثاني :16:

موفقين يارب وادعوا ربي ييسر اموري :)

*يارب مايصير فيه اخطاء بالكتابة:18:*

يب تكلمي :31:

رد: موآد آلسنه التحضريه +افضل آلدكآتره (تم تعديل العنوآن )

بسم الله

* تلاوة وتجويد .. كل محاضرة تقيميك على تلاوتك وفيه ست سور حفظ تسمعها لك بعد ماتاخذونها .. والاختبار النهاىي حقها يكون قبل الاختبارات الاساسية باسبوع الدكتورة تحدد لك وقت ويوم وكذا .. تاخذين احكام النون والميم والتنوين والمدود وهالاشياء وطبعا فيه تقييم على هالاشياء .. في له اختبار شهري عادي تحريري مع الاختبارات الثانية ، اخذتها عند اسماء الحسون مرره متعاونة وتشرح تشرح تشرح لحد ماتقولين خلاص والله فهمت ومن النوع اللي تسأل عن المحاضرة اللي راحت .. بنات اعرفهم اخذين عندها لكن شعبة غير شعبتي لكن مايمدحونها ! وحتى هي كانت تقول انتم افضل شعبة عندي مرة ممتازين وكانت درجاتنا بالميد مرة عالية

*احصاء .. مو زي الرياضيات بالضبطططط لا فيه اختلاف .. بس تحفظين القانون وتطبقين وطول الوقت معاك الحاسبة
بتقولين لا انا ميح بالرياضيات وماافهم وماادري ايش ! انا كنت دبشة بالثانوي ممتازه بكل الممواد الا الرياضيات دايم جيد !
لكن يوم اخذت الاخصا صرت كل محاضرة ادرسها واحفظ قوانيها حتى لو كانت الدكتورة ماتسأل انتي احفظي لنفسك ترى المادة سهلة جدا وممتعة .. يدرسونها ٣ دكتورات وكلهك سودانيات .. اخدتها عند امل ياسين عسل عسل عسل تشرح من العرض بعدين تطبق التمارين على السبورة .. تقريبا هذي المادة الوحيدة اللي لها واجبات يوميا .. طريقة استاذة امل انه تتأكذ من حلك اذا صح او غلط واذا كان غلط تقول لك وانتي تعدلينه .. لاتفكرون تاخدون غير هالاستاذة

*قراءة ومحادثة .. تتكلم المادة عن المتحدث الجيد وطريقة الحديث الجيدة وفواىد القراءه .. ولها تطبيق بحيث ان الدكتورة تعطيك نص وتقرينه وتقيمك على قرايتك بس التقييم دقيق جدا من ناحية مخارج الحروف والنطق الصحيح للكلمة والضبط الاعرابي عشان كذا ماتقدرين تاخدين هالمادة الا لازم تعدين نحو ١ .. اخذتها عند عفاف العتيق .. الدكتورة حليوة بس ماتخلص محاضراتها طول الوقت تتكلم .. بس تحسين بالاطمىنان بمحاضرتها تحسينها كانها امك .. لكن جددددددددددددددددا دقيقة .. لكن المادة بكبرها دقيقة :) واختبارها النهاىي قبل الاختبارات الاصلية باسبوع زي التلاوة والتجويد

* انجليزي قراءة .. كل بداية يونت قطعة طويلة تقريبا ٣ او ٤ صفحات تقرينها مع الدكتورة وتفهمينها وتطلعين الفكرة الرىسية بعدين فيه بعض الكلمات الغريبة تكون مكتوبة وقدامها ترجمتها بالانجليزي طبعا .. وبعدين تمارين ع القطعة مثلا قراغات وحطي الكلمة المناسبة ، افكار ورتبي هالافكار حسب تسلسل القطعة اللي قريتي وبس خلص اليونت .. المادة يبغالك قبل ماتاخدين اليونت تقرين القطعة وتفصفصينها بالبيت وتترجمين لانه مستحيل تفهمينها من اول مرة .. يبغالك بعض ماتخلصون اليونت تحفظين الكلمات ومعانيها بالانجلزي وتحطينها بجملة .. هالشي يفيدك باختبار الميد والفاينل .. لانه بتتجمع ليك كل الكلمات .. اخذتها عند ثيرومالا هندية او باكستانية .. زينة ومن النوع اللي تحفظ اسمك بسرعة تحب البنت اللي تتفاعل معاها ونهاية كل يونت تختبرك بالكلمات والمعاني وتحطينها بجملة وهالشي مرره يساعدك وسط الترم ونهايته مثل ماقلت قبل ،، لازم تنجحين بانقلش عام عشان تاخذين هالمادة

* برامج الحاسب المكتبية .. مادة حاسب وتطبقين ع الجهاز تاخدين الوورد والاكسل والبوربوينت .. مايبغى لها شي واختبارها النهاىي قبل الاختبارات الاصلية باسبوع زي التلاوة والتجويد والقراءة والمحادثة . اخذتها عند ديمة العيسى مررره تجنن وحبوبه وتمزح مع البنات ومثل ماقلت كل اساتذة الحاسب يجننون .. لارم تنجحين بتقنية المعلومات عشان تاخذين هالمادة

* انجليزي كتابة .. سههههههههههل اسهل من الانقلش العام بعد .. بس كل يونت تكتبين قطعة وتاخذين قاعدات بسيييطة وتافهة زي ال a , an ,the مرره سهل ... الاختبار النهاىي تقول اكتبي قطعه وتصير هي محددة الموضوع ، طبعا فيه اسىلة غير القطعةة .. اخذتها عنذ زيبا خان ماتعرف عربي بس تساعد كثير وتمشي للبنات والبنات يستهبلون عليها وياعمري هي ماتزري وش السالفة .. ماانصحكم فيها لا لانقلش عام ولا لقراءة لانها ماعرف تشرح بس تنفع للكتابة .. ماتقدرين تاخدين الكتابة الا اذا نجحتي بالعام ..

* تذوق ادبي .. زي الادب العزبي اللي بالثانوي .. قصيدة بعدين تعريف بالشعار بعدين الفكرة الرىيسة بعدين الصور الجملة والتشبيهات بعدين اسىلة على القصيدة .. اذكر اخذنا ٩ قصاىد مع المقدمة اللي اول الكتاب تتكلم عن التدوق ومصطلح التدوق وكذا .. المادة يبي لها يوم بيوم تدرسينها لانه بتتجمع عليك القصاىد .. اخذتها عند منى العيسى مااااااااااانصحكم فيها ابدا بس تقرا قراية بس والمحاضرة تخلص بنص ساعة خير ؟ اشرحي لاتقرين جد جد ماامزح تمسك الدرس من اوله لاخره تقرا والسلام عليكم .. صرت مااهتم اني احضر سحبت كثير على المحاضرة لان حضوري وغيابي نفس الشي .. الاختبار النهاىي تجيب لك قصية خارجية ،يلا اشرحي بس ترى يجيبون لكم قصيدة كلماتها سهلة ومفهومة ..

*نحو ٢ .. ماتاخذينه الا اذا نجحتي بنحو ١ .. عادي جذا مثل اي نحو بالحياة وعندي اسهل من نحو ١ .. اخذته عند رزان خدام سورية .. تشرح كويس وتفهمين معاها وكلش وتعطيك ملاحظات تكتبينها ع جنب

*مبادى علم الاجتماع .. انا عن نفسي اككككره علم الاجتماع من الثانوي .. اخذته عند د ايمان شومان مصرية .. مررة متعاونة مع البنات وتعيد وتزيد فاالكلام .. هالمادة احس تعتمد عليك انتي مو على الشرح .. كلللللها حفظ ادا ماانقذتي نفسك من البداية بتروحين فيها

وبس : )

علم اجنماع واحصاء ، مهارات تعلم و مبادى ادارة
هذولي كل مادتين بدل المادتين الثانيات
يعني تقدرين تاخدين علم اجنماع واحصاء الترم الاول مع المواد السبعة الباقية
و تقدرين تاخدين مهارات تعلم و مبادى ادارة الترم الثاني مع المواد السبعة الباقية

بس نصيحتي انك تاخذين الترم الاول مهارات وادارة لانها اسهل من الاحصاء وعلم الاجتماع
لانه انتي بتكونين مشوشة بداية السنة ومو عارفة شي
زيادة مواد الترم الثاني مررره سهلة غير الترم الاول .. فافضل انك تاخذذين معاهم علم اجنماع واحصاء

*يارب مايصير فيه اخطاء*

ادعوا لي () وموفقين يارب وان شاء الله تصير افضل سنة لكم

رد: موآد آلسنه التحضريه +افضل آلدكآتره (تم تعديل العنوآن )

الله يوفقك ويسعدك تشكرآآآآت
كنت ابغا اعرف ولقيت الجوابعلم اجنماع واحصاء ، مهارات تعلم و مبادى ادارة
هذولي كل مادتين بدل المادتين الثانيات
يعني تقدرين تاخدين علم اجنماع واحصاء الترم الاول مع المواد السبعة الباقية
و تقدرين تاخدين مهارات تعلم و مبادى ادارة الترم الثاني مع المواد السبعة الباقية

رد: موآد آلسنه التحضريه +افضل آلدكآتره (تم تعديل العنوآن )

يعطيك الف عافية ( ترف )ماقصرتي افدتيني جدااااااااا صراحه ااشكرك ,,:16:

رد: موآد آلسنه التحضريه +افضل آلدكآتره (تم تعديل العنوآن )

ترف ماقصرتي كتبتي كل شيء ممكن يفيدهم : )

رد: موآد آلسنه التحضريه +افضل آلدكآتره (تم تعديل العنوآن )

البنات الي اخذوا التذوق الأدبي

طلبتكم من احسن دكتورة / دكتور

لاني حذفتها وعلى اذكر البنات يقلون العبوا بدرجاتهم والاختبار كان غير الي انقال لهم :36::36::36:

حدي متأزمة

رد: موآد آلسنه التحضريه +افضل آلدكآتره (تم تعديل العنوآن )

اقتباس:

المشاركة الأصلية كتبت بواسطة biscuit (المشاركة 9398757)

شوفي في دكتوره مااعرف اسمها بس هاجريه هي ابعدي عنها قد ماتقدرين عذبت البنات

انا اخذت عند سهام سلامه بالمحاضرات حلوه وكل شي بس اذا سلمتيها شي اتاكدي انها شافته وحطت لك الدرجه بنفسكك :37: