المشاركة الأصلية كتبت بواسطة moon light (المشاركة 245617) بنات هذي الاسماء اذا نسيت وحدة تقولي او اذا خطئت في معلومات وحدة من البنات تقولي كل ابن ادم خطاء ببدا ببنات سنة رابعة وهكذا طبعا احنا اكبر منكم:mh35:[/COLOR] [الفرقة الثالثة] صبا معنويات محطمة طموح شانتال بشاير سعيد قيثارة noona amora88 whisperlips [

بسم الله الرحمن الرحيم
السلام عليكم ورحمة الله وبركاته

وأخيراً امتلكتُ الجرأة على المشاركة في الملتقى
الفزززززززززززززززززززززززعه يا بنات الإنجلش
تكفوووووووووون ترى تكفى ما تهز الرجاجيل بس...تراها تهز حتى البنات والحريمااااات
الله يجزيكم بالجنه عايشوا موقفي واحكموا
هذا إنتوا طالبات انتظام ومتورطين وش تقولون على طالبة انتساب فرقه راااااااااابعه:011:
والله إني أكسر الخاطر:000:
مو لأني انتساب بس...كلٍ حاسدني على هالقسم وإني مشيت فيه مع إني والله ما عندي ما عند جدتي...حتى جدتي حافظه ثلث القرآن الله يحفظها يعني لا وجه للمقارنه ولا يستقيم المثل:c8: أضيفوا إلى ذلك كله المصيبه اللي بحكيها لكم:t1:

المهم وبما اني متابعتكم من فتره وألفتكم حتى شعرت والله كأني أعيش معكم في بيت واحد:s3: <<< أقول لا يكثر
أبشرح لكم وش الساااااااالفه:064:

لحظه خلوني أبكي شوي العبره خانقتني:Cry111:

خلاص شبعت بكى وخلصت دموعي
طيب أنا من يوم كنت بسنه أولى انتساب وأنا أعتمد على الله سبحانه ثم على المحاضرات اللي أشتريها من المدرسات اللي أكيد تعرفونهم...اللهم لك الحمد كما ينبغي لجلال وجهك وعظيم سلطانك كنت أنجح والله مو من زود الفلاحه بل من توفيق الله عز وجل...لأني أصلاً حتى باللقاءات مع الطالبات المنتسبات أفتح فمي والدكتوره تتكلم -هذا إذا تكلمت وما قالت خذوا كل شي من الإنتظام لتزيد همي همين- وأستغرب ما شاء الله بارك الله وشلون البنات يتكلمون معها انجليزي بطلاقه وأنا أتكلم هندوإنجلش...تخيلوا إنكم تكلمون هندي بالشارع وشلون تكلمونه؟؟!!!:s11:

المهم إني أمس كلمت آخر وحده متعاقده معها -مدري المصطلح صح ولا لأ بس مشووووها- اللي هي أ. نجلاء وكنت من قبل متفقه معها ومسجله إسمي عندها...يوم دقيت امس 10 ونص بالمسا صحيتها من نومها الله يغفر لي وسألتها وش صار على المحاضرات لأني غبت تقريباً أسبوعين بمكه الحبيبه ومتطمنه إن المحاضرات رايحه تجيني على إيميلي... قالت لي بكل هدووووووووووووء أنا ما صرت أسوي محاضرات لسنه رابعه....تخيلوا موقفي حينها والله جلست أضحك من كبر الصدمه مثل المجنونه...أجل بخربها على آخر سنه وأنا خاطري اطلع من هالكليه المعفنه على خير بأسرع وقت ممكن...شكرتها وواسيتها على بالي متعبها كثر الشغل وقفلت...بعدين جلست أفكر يمكن قالت هالكلام وهي نايمه مو مستوعبه اللي جالسه تقوله بكلمها بكره...كلمتها اليوم وتأكدت إنها كانت صاحيه أكثر مني يوم قالتها...طيب وش السواااااااااااااااة يا بنات...تكفووووووون رجيتكم أي معلومه...أي خبر...أي شي أي شي أنا متأكده إنه بيفيدني بإذن الله...احسبوها صدقه جاريه الله يكتب لكم الجنه

بإمكاني أكتب فرقتي وأطلب المساعده بس أنا حبيت تكونون معي حتى لو في جزء من الصوره....وتطمنوا لا يغركم ثرثرتي ترى أموت ولا أقط وجهي على أحد -يعني بمعنى أدق مو غثيثه لأني أتخيل أعيش مشاعر الطرف الآخر -يقولون هذا مرض نفسي ووسواس صحيح؟! :g2:...

بنات ملتقانا...أُشهد الله أني ذكرتكم في دعائي عند شربة زمزم...وما جزاء الإحسان إلا الإحسان ياخواتي:praying:

- اللي تعرف مدرسه تكتب محاضرات لسنه رابعه تكفون دلوني عليها...أو حتى طالبه تكتب حتى لو كان بمقابل مادي بس المهم ألاقي المحاضرات

- اللي تعرف أسماء الروايات والمسرحيات المطلوبه اكتبوا لي أسماءها -لا هنتم- علشان ألحق أشتريهم قبل ما أتورط مثل العام وأنا أطامر من مكتبه لمكتبه في وقت متأخر

- اللي عندها محاضرات للسنه هذي أو للسنوات الماضيه أو أي شي ممكن يفيدني بأي ماده فلتزودني بها الله لا يحرمكم الأجر

والله مدري فيه وحده جاهدت الين وصلت لهالسطر وتحملت ثرثرتي ولا ولأ...لكن ثقتي بالله جل وعلا...ثم بكرمكم أعظم من كل هواجيسي ووسوستي...
ولله الأمر من قبل ومن بعد

أوه نسيت أشكر كاتبة الموضوع...الغاليه موون لايت...شكر الله لكِ...أسأل الله العظيم أن يرزقكِ من خيري الدنيا والآخره وأن يكفيك ما أهمك من أمر الدنيا والآخره وأن لا يحرمكِ أجر نفع أخواتك...واعلمي أن الدال على الخير كفاعله وأن الله في عون العبد ما كان العبد في عون أخيه وأنتِ فتحتِ باب خير للتيسير على أخواتك المسلمات....حقيقةً أغبطكِ...كم لكِ من الأجر حبيبتاه:g8:

أحبكم في الله
كونوا بخير أخواتي
أستودعكن الحي القيوم الذي لا تضيع عنده الودائع

بسم الله الرحمن الرحيم
الحمد لله

أختي الغاليه أموره...كلمت أ. إيمان وقد سبق وتعاملت معها سنه ثالثه السيميستر الأول...بدا لي من حديثها أنها لم تعد تكتب لسنه رابعه...
يا أللـــــــــــــــــه يا ربي يا مقلب القلوب إن قلب أ.هيام و أ.نجلاء وأ. إيمان بين إصبعين من أصابعك تقلّبها كيف تشاء سبحانك...اللهم فاشرح صدر إحداهن لإكمال المسيرة معنا حتى نتخرج على خير
اللهم إنك تعلمنا ما دخلنا هذا التخصص إلا لاستخدامه في الدعوة ونصرة دينك اللهم فاشرح لنا صدرنا ويسّر لنا أمرنا يا حي يا قيوم...

يا ريت المحاضِرات الفاضلات ما يستنذلون علينا ويمنعون التسجيل...يعني بربكم من وين بندرس إذا كانوا بيحرّمون علينا دراسة المحاضرات اللي يعطونها للإنتظام؟؟؟ وشلون بنستفيد؟؟؟!!!
وش بنسوي يعني بأصواتهم؟ وش خايفين منه الله يغفر لنا وياهم؟؟؟!!!
يا رب يسمحون بالتسجيل على القليل تنكتب لنا المحاضرات ندرسها بالبيت لأننا ما نقدر نحضر :011:

حسبنا الله الذي لا إله إلا هو عليه توكلنا وهو رب العرش العظيم
اللهم لا سهل إلا ما جعلته سهلا وأنت تجعل الحزَن إذا شئت سهلا

جُزيتي كل الخير أختي أموره...أشكر لكِ جهدك وأقدّر لكِ محاولتك مساعدتي...أسأل الله أن يكتب لكِ بها أجرا وأن يمحو عنك بها وِزرا وأن يرفعكِ بها قدرا...أسال الله أن يجزيكِ خير ما في هذه الدنيا والفردوس في الآخره


لا زلنا بانتظار المــــــــدد
:
:
:
كونوا بخير أخواتي
أستودعكن الرحمن

المشاركة الأصلية كتبت بواسطة أخت أخوها (المشاركة 242318) بنااااااات ابي اسالكم عن دكتوورتين وحده اسمهـا لميااااء دخلت علينا اليوووم احسها حبيبه بس مدري عن الشررح والثاانيه ليلى بس مو ليلى بااطووق مدري احسها جااافه وتصعب المااده مدري والله انا احساااسي يقوولي تسذا:017: وش راايكم انتم اللي جربتووهم

المشاركة الأصلية كتبت بواسطة بشاير سعيد (المشاركة 246311) هاي أنا بشاير سنة ثالث سكشن A رأي إن : شوفي حبيباتي .. أنا أقولكم :mh19: أنا سنة ثالث .. كلل شي يعتمد على الدكتورة .. ممكن يكون الـ Grammar أصعب من الـ poetry أو الـ prose يعني مثلا مثلا أنا يدرسوني هالسنة كللل الدكاترة الصعبين ( وفية - نجلا - حفصة - حصة - نعيمه - اميمة ) ماعدا لميا المبارك تدرس سنة ثانية .. شدوا حيلكم بالمواد الادبية و اعرفوا كل دكتورة وش تحب .. حفصة تحب دششش الكلاااام تحب كلاااام كثيييير .. أي معلومة عندكم اكتبوها بالتفصييييل .. نعيمة تجي بالتمييلح معها .. أميمة لا مفر من أسئلتها غير تقطعون نفسكم بالمذاكره .. حصة :: تحب الشي شبه المختصر لكننن ما تحببب الخرابيش و الاسهم و الكوريكتير بورقة الامتحان .. أي شي من ذولا ما تقراه على طوووول .. :Cry111: وفيه و نجلا ما أقدر أفيدكم فيهم لأن توني أجربهم .. و لميا المبارك ما جربتها بس سمعت انها صععععبه اذا تدرسكم شدي حيلكم معها .. ليلي باطوق عسسسسسسسسسسسل :love080: .. ويمدحون ليلى العقيلي بعد with my love :lllolll:

على فكره استاذه العربي غيروهــا من ميرفـــت الى وداااد يعني الشغله عناد لما شريت القميص الابيض غيروها كان قالو من قبل >>> استخفت البنت