ملتقى طلاب وطالبات جامعة الملك فيصل,جامعة الدمام - جميع التخصصات عن السنه التحضيريه

اقتباس:

المشاركة الأصلية كتبت بواسطة غير إعتياديه (المشاركة 1306192)

Gladiolus
تيب كلمينا عن هالسنه التحضيريه
عن طبيعة الدراسه و كل شششي فيها ...

و شسمه سؤال ... كيف تنتقلين لـ السمستر اللي بعده ؟؟
لازم تجيبين معدل مرتفع و لا كيف ؟؟؟؟
و إذا كيذا
مثلا البنت ما جابت معدل مرتفع فصل و لا ايش السستم حقهم =#

ايوه عادي تنتقلين للترم الثاني عادي

المعدل ماله دخل هنا والمواد الي بتحملينها (الله لايقوله) بعضها تدرسينها بالترم الثاني

ومافي شي اسمه فصل ع طول لازم بيعطونك فرصه

اما المعدلات المررره ضعييفه انا سمعت انهم بيفصلونهم بس ماشفت احد فصلوه

عشان كذا اقولك يعطون فرص

اممممم

ايش تبين بالضبط يعني

الفصل الدراسي الاول :
1- النحو التطبيقي (1)

النحو هنا مرره سهل كله اشياء معيوده زي الافعال وغيرها
بس زايدين فيها شوي اشياء جديده بس عموما سهل

2-ادارة

مبادئ الاداره اممم تحسينه فلسفه ومو كل بنت تتقبله يعني انا ماحسيته يناسبني يعني ادراة اعمال ومدري ايش يعني شغل رجال بس في بنات يحبونه ع حسب انتي وشتميلين له بس استفدت منه يعني اشياء جديده اول مره تمر علي حتى وانتي تقرينه صحيح بتدوخين بس بنفس الوقت تنمين ثقافتك
مو صعب ولاسهل بس انه طويييييل مررره ويبيله اذكر دفعتي اغلبها دخلنا القاعه واحنا ماخلصنا والاغلب مواصل شدي حيلك

3- English
الانجليزي عادي نفس الثانويه قرامر وبارقراف وكلمات وغيره
بس بالترم الثاني بيبدا يصعب
هالماده >> شدددي حيلك كثير بنات حاملينه وان شاء الله ماتكونين منهم لازم تنجحين فيه عشان تدرسين مواد الانجليزي الي بالترم الثاني

4-حاسب (1)

كله اشياء معتاده راح تبدين تدرسين الحاسب من اوله من الالف الى الياء

5-مهارات التعلم والتفكير
ماعجبني كثير فلسفه وهذره يعتمد ع الدكتوره الي تدرسك يعني ماده أغلبها حفظ مو فهم

6-تحرير عربي
دروس حلوه اممم ماذكر بالضبط بس ملخصه ومأخوذه من مواد العربي يعني مثلا في درس اسمه الهمزه وانواعها وعلامات الترقيم و..

7-عقيدة
مادة دين تدرسين العقيده الاسلاميه بتتعمقين فيها شوي وبتدرسين المذاهب والاحزاب المعاصرة والوجيز في الايمان واصول الدين يعني يبيله شددددة حييييل

8-فقة السيرة
عن السيرة النبوية وسيرة سيدنا محمد - عليه الصلاة والسلام- حلووووه هالماده مع انها شوي طويله انا درستني د.نسيبة العماري صحيح متشدده بس شرحها رهيييييب واسئلتها ماتطلع عن الي تقوله

9-الصحة واللياقة
عن الصحه والرياضه يعني هيك من اسمها مرررررررررره حلووووو حتى اسئلة الامتحااان مررره سهله وبعضها تقدرين تجاوبين عليها من دون ماتدرسين ان شاء الله يدرسونك الي درسوني لانهم مررره ششي وطيوبيين ماني ذاكره اساميهم بس اذا تبين اسالك قولي

الفصل الدراسي الثاني:

1-النحو التطبيقي (2)
هوب هوب هنا النحو راح يكون اصعب من الفصل الاول :000: يعني مثل الحال والاعداد والتوكيد وغييييره دروس معيوده بس الي صعبها انهم مزودين فيه بهارات عشان كذا صار اصعب

2-حاسب (2)
اذا كانك تذكرين الي بالثانوي البوربوينت والاكسل والوورد و.. هذا الي بتدرسينه يعني اشياء قد درستيها من قبل

3-إحصاء
اويييييييييلي انا مابي اخوفك بهالماده :000: هي مادة رياضياات دارسينه العلمي صعععب وسهل السهل انو مجرد قوانين تحفظينها وتطبقين لاغير اما الصعب فيها حفظ هذي القوانين

4-القراءة والمحادثة
ماده جدا عاااديه هي القراءه (المطالعه) بيعلمونك اول شي مصطلح القراءه وغيره وكيف تقرين وايش الشروط الي تسوينها لجيتي تقرين يعني بيتفلسفون بالبدايه بس عموووما حبيتها مرره سهللله والحلو انها بترفع معدلك ان شاء الله بدون ماتتعبين

5-التذوق الادبي
ماادة أدب بس بدون نصوص حفظ

6-التلاوة والتجويد
ماده حلوه بعد قرآن تلاوه وحفظ وبيعلمونك التجويد فيها كيف تقرين القرآن ووين لازم توقفين وماتوقفين يعني كذا حلللوه هالماده بس بيعطونك سور تحفظينها بعضها طوال شوي بالنسبه للي كنا نحفظها بالثانوي

7-English Reading-English Writing
الريدينق والرايتنق لما تدرسينهم راح تحسين بصعوبه فيها بس شوي شوي بتلاقينها سهله ان شاء الله
الرايتنق بيدرسونك قرامر وبيعلمونك كييف تكتبين باراقراف وهي اساس الماده اما الريدينق يعطونك قطعه وتستخرجين منها وحفظ الكلمات ومعانيها << هذا للاختبار اما الماده هي اساسا تعلمك كيف تقرين انقليش

9-علم اجتماع
تعرفين هالماده نصه دارسته بثالث ثانوي والنص الثاني شي جديد عليك فلسفه يعتمد ع الحفظ مو الفهم

عمووووما اعيييد

السنه التحضيريه يبيييلها شدة حييل لاتتهاونون فيها فيها الصعب وفيها السهل

ولاتنسين ان لاززم تدرسين وتشدين حيلك عشان تجيبين معدل عالي يدخلك اي تخصص تبينه

واي استفسار انا حاظره :119:

دعواتكـ لي بالتخصص الي ابيه :119: