المشاركة الأصلية كتبت بواسطة Sunries (المشاركة 11986883)

السلام عليكم ورحمة الله وبركاته
بسم الله الرحمن الرحيم ��
حبيبتي اخذيها مني ، مافي دكتورة تسترجي ترسبك إلا إذا كنتِ انتِ فعلاً مؤهله انك ترسبين ! يعني كيف ؟ ماتدرسين ، ماتركزين بالمحاضرة ، ماتحلين واجباتك ، معتمدة ع النقل من البنات ومو فاهمه شي ، هذا كله بالأخير يأثر عليك وتضيعين بالطوشة ومو عارفه راسك من ساسك �� يعني الي تجي وتقولك عن اي دكتورة انها ترسب اسألي البنت قبل هي تدرس تشد حيلها ! تفعل وتسوي ؟ وبتشوفين ان الغلط من البنت ، بالعكس في دكاترة اذا كنتِ مؤهله للنجاح وباقيلك شوي يدفونك ! مايقصرون
يعني بإختصار ، لاتسمعين الا الشي الايجابي عن الدكاترة والسلبي اتركيه او اتجنبيه وتأكدي كل وحده تختلف عن الثانيه ��
الحين بقولك بخصوص الإحصاء ، الإحصاء مادة ممتعه فعلاً بس متى تصبر ممتعه ؟ اذا انتِ ايقنتي بهالشي وماخليتي هالمادة هم على قلبك ، المادة جداً حلوة صحيح في اشياء معقدة بس بالأخير تستوعبينها وبتشوفين انك بطله بالإحصاء بإذن الله
انا اخذت الإحصاء عند " عليا عثمان " تتكلم بسرعة ، تعطيك الزبدة ، ماتحاول تطوّل بالمحاضرة ، تهبل ، تعطي بونس ، خفيفة دم ، وتعصب أحياناً بسبب البنات لكن طيبه وتوصل المعلومه كويس ونجلا الي اخذتيها كثييير يمدحونها ��
نصيحة اخيرة : هالمادة بالذات خليك اول بأول فيها ، المحاضرة تعرضها بالكلاس وتنزلها نفسها بالبلاك بورد يعني اذا مافهمتي لاتقولين بعدين بعدين انتبهي ! بنفس اليوم افتحي المحاضرة " لانها تنزلها بنفس اليوم " وراجعي وذاكريها واعرفي كيف صار كذا ، واعرفي طريقة الحساب بالحاسبة واذا استصعب عليك شي افتحي اليوتيوب واذا مرا ، روحي مكتبها محد يقصر ترا �� يساعدونك من قلبهم ويوضحون لك اللبس بالموضوع واصلاً يفرحون لما يشوفون طالبة مهتمه بالمادة وتسأل وحابه تتعلم فحاولي تكونين منهم ��⛅️
تابع للـ نصبحة : ارجوك لاتنسين الدفتر ، اشتري دفتر خاص للمادة اكتبي كل شي مع الدكتورة اكتبي الشرح اكتبي الاشياء المهمه الي تقولها ، هي لما تشرح الدكتورة وتعرض لكم مثال ويطلع الناتج هذا كله له طريقة وغالباً الطريقة مو مكتوبة بالمحاضرة هي تشرحها لنا وتكتبها ع السبورة بشكل اوضح انتِ اكتبي الاختصارات والطرق وكل شي ! صدقيني محد بيفيدك بهالمادة بعد الله إلا دفترك ! عشان لاجا وقت الواجبات تعرفين كيف تحلين ، تعرفين كيف تطلعين الناتج من الاله لانم انتي كاتبة تفاصيل المحاضرة بالدفتر ��
دفترك بيكون " تفاصبل محاضرتك " يعني وسيلة للفهم �� وبالتوفيق ��