|
سؤآآل لطآلبآت قسم الأنجليزي؟؟
السلام عليكم
حبيت أسأل عن الانجليزي هل هو صعب أو سهل يعني درآسته نفس المدرسه ولا كلللش بالأنجليزي وكلمآت صعبه ولآلآ..؟؟؟ طيب هل لمآ أتخصص أنجليزي هل بكليه ولا جآآآمعه يعني اكون بمسمى كليه ولا جآآآمعه...؟؟ يعني كلية الأدآب تندرج تحت مسمى جآمعه ولا..؟؟؟ ولا مآكون بالكليه الأدآب تكون بجآمعة الملك فيصل أنا من الأحسء وحآبه يكون بجآمعة النملك فيصل بكلية التربيه لأن مآودي أروح كلية الأدآب الجديده وتخصص الأنجليزي كم نسبته المركبه ونسبة الثآنوي ولمآ أتخصص وأخلص الوظيفه وش هي مدري مآآآأبي سلك التدريس مآأبيهسه أنجليزي وأكون مدرسه هل فيه وظيفه غيره مسآآآر غير التدريس واختبآآآر الأنجليزي أختبآر الأجتيآز هل هو صعب هل هو أختيآري كله ولا فيه تعبير وأسأله وقطعه وهل هو صعب ولا؟؟؟ يآرب تفيدوني .. عآرفه طولت بس وربي محتآجه كل هالأسئله.. |
رد: سؤآآل لطآلبآت قسم الأنجليزي؟؟
كليه الاداب تبع الجامعه
يعني اذا تخرجتي تكون الشهاده جامعيه .. قسم الانجليزي تبع الكولج اسمه ادب انجلزي اما اللي بالجامعه ترجمهــ .. غير التدريس فيه مترجمه بستشفى ع مااضن ,, |
رد: سؤآآل لطآلبآت قسم الأنجليزي؟؟
هااااي
اللي تسأل عن الانجلش بصرااحه مو مو سهل يعني يبي له تشدين حيلك اول بأول لان فيه المواد الادبيه تقريبا هي اصعب شي مو مرره صعبه بس لازم تشدين حيلك فيها والله يوفقك :m22asmilies-com: |
رد: سؤآآل لطآلبآت قسم الأنجليزي؟؟
اموت على شي اسمه انجليزي من المستحيل افكر في شي ثاني غير الأنجليزي يعني الحمدالله ذا الحين أنا في سنة ثاني انجليزي باقي لي سنتين واتخرج يارب توفقني هذي السنة :love080::love080::love080::150::150::g10::bye: |
رد: سؤآآل لطآلبآت قسم الأنجليزي؟؟
اختي النبراس ياليت لو تكلمينا اكثر عن تخصص الانجليزي الله يخليك
لاني حتى انا ناوي اتخصص انجليزي بإذن الله انا مستجد وعلى فكره انا سمعت انو لما اتخرج مافيه تربوي يعني مااصير معلم وسمعت اني اقدر اصير معلم في حالة وحده اني اخذ دورة تربوية على حسابي الخاص مدتها 6 شهور على فكره يقولون فيه اكتفاء بعدد المعلمين حقين اللغه الانجليزيه والله اعلم |
رد: سؤآآل لطآلبآت قسم الأنجليزي؟؟
^^^^^^^^^^^^^^^
تعقيبا ع رد الأخ صآلح ياخي حتى لو قسم الأنقلش من ناحية التوظيف اكتفى توظيف الأنقلش رآح يفيدك بحياتك كثير لأن الأنقلش اللغه الأم تعتبر بالعالم و يرحم امهاتكم وش تبون بالتدريس لآعت كبودنا كل ماتخرج احد صار مدرس وش ذا كأن عاد اشوف مجتمعنا خالي من الاميه استغفر الله بس .. |
رد: سؤآآل لطآلبآت قسم الأنجليزي؟؟
الأنجليزي مادة حلوة وتجنن في البداية يمكن تحسي بالصعوبة بس مع مشاهدة الأفلام اولا بالترجمة وبعدين شوفي الأفلام او البرامج الأنجليزية بدون الترجمة وبكذا راح تعرفين الأنجليزي احنا يوم كنا في سنة اوله المواد الي كناندرسها النثر و الأدب المسرحي والشعر و الصوتيات وهذي المواد بصراحة واجهت صعوبة في التعامل معها في البداية لكن مع الوقت والأختبار الشهري عرفت وش السالفة وندرس بعد ترجمة وقواعد اللغة الأنجليزية وهذي المواد حلوة وتجنن والمفضلة بالنسبة لي بالأضافة الى المهارات الدراسية وهذي المادة بصراحة سهلة جدا وحرام الي تحملها ومادة المقال وهذي المادة تعتمد عليك يعني لازم تكون عندك حصيلة من المعلومات عشان تقدري تعبري بدون تعب اتمنى انه هذا التفصيل في نوع من الأفادة لمن يريد دخول قسم اللغة النجليزية:150::066::150::066: |
رد: سؤآآل لطآلبآت قسم الأنجليزي؟؟
لو تعرفين وش معنى البطاله ماكان قلتي كذا
على فكره انا مستجد ولكن عمري 26 سنه وظروفي مايعلم فيها الا الله واذا انتي الله مغنيك عن الوظيفه انا محتاجها محتاج وظيفه لو بأقل راتب الله يسلمك بس مو كل الناس مثلك ترى فيه ناس فقراء ومحتاجين لازم تعرفين هالشي |
رد: سؤآآل لطآلبآت قسم الأنجليزي؟؟
^^^^
طيب اخوي انا ماقلت شي انت مافهمت وش اقصد يعني انا اقصد نبي التنويع في التوظيف وانا اعرف وش يعني بطاله ولاتحسب الله مغنيني يعني بشوف نفسي على الناس و لمعلوميتك هذا انا الله مغنيني لكن عندي اخوي اكبر منك عمره 28 سنة و لاحصله وظيفه يعني ياخوي بزمنا هذا الغني والفقير يعيشون نفس الوضع >> و آتمنى ماتفهم الناس غلط و تفسر ع كيفك اني مافهم شي واني واني >> الله يسامحك بس ،، |
رد: سؤآآل لطآلبآت قسم الأنجليزي؟؟
بلا تنويع بلا هم احنا بالسعوديه ياوظيفه حكوميه او يصير المستقبل مجهول او بالاحرى عديم
والكل يعرف هالشي انا اخترت وظيفة معلم فقط لانها حكوميه وشوفي كم واحد معلم يقدر يدرس في مدرسة خاصه بس مايبغى مافيه اي محفز يستنى الحكومي الحكومي تريح الواحد وتخليه يتزوج وتخليه يسوي اي شي اما القطاع الخاص متى ماخلصوا منك براااااااااااا وبعدين فيه وظايف غير المعلم لكنها مو حكوميه ايش الفايده؟؟ اروح حق مستقبل مجهول واذا جبت عيال من وين أوكلهم لاطردوني الخاص وبعدين الفرق بيني وبين اخوك سنتين وانا مريض وهو مستصح الله يدوم الصحه علينا أجمعين انتي دخلتي تتكلمين بأسلوب اني انا غلطان وهذا اللي عصب بي الناس يرغبون في التعليم الحكومي لانه فقراء والفقير مايفكر الا كذا يبي شي مضمون اذا عند غير معلم وحكوميه مضمونه عطيني الله يبارك فيك ويجزاك الخير بالنسبه للانجليزي انو مفيد في الحياة ايوه مفيد صحيح ورغبتي اني اتعلمه ويفيديني في حياتي لكن اذا فيه تخصص ثاني فيه وظيفه اروح له واترك التخصص هذا ليه اضيع 4 سنوت من عمري في تخصص مافيه وظيفه انا ابي استقر ابي اعيش مابغى اخذ لغه واقعد في بيت ابوي او الشؤون الاجتماعيه تصرف علي هذا ان صرفت علي ههههههههههههههههههههههههههه واقع مضحك مبكي الله المستعان |
رد: سؤآآل لطآلبآت قسم الأنجليزي؟؟
الله يعينك ياخوي والله لو اعرف وظايف كان عطيت اخوي وصادق القطاع الخاص نصب بنصب إلا بسألك : آرامكوا قطاع خآص << خافت ع ابوها هاع
و الله يشفيك و اهنيك على قوة عزيمتك و طموحك ماشاء الله عليك ،، و شد حيلك عشان نشوفك معلم جبآر خخخ ،، من جد واقع مضحك مبكي يستر علآك ياخوي ،، |
رد: سؤآآل لطآلبآت قسم الأنجليزي؟؟
ارامكو لا
يعتبر حكومي وانا ابوي في ارامكو وودي ادخل بس ماقدر بسبب سني هم يبون 24 سنه هجريه هذا شروطهم وماعندي واسطه والا انا ودي فيها عشان العلاج |
رد: سؤآآل لطآلبآت قسم الأنجليزي؟؟
يكون بعونك اخوي و يشفيك بس انت وش تعاني منه امكن اقدر افيدك بمستشفى ؟؟
|
رد: سؤآآل لطآلبآت قسم الأنجليزي؟؟
تكسر الدم المنجلي
افضل المستشفيات اللي اتعالج فيها الحرس وارامكو فقط الحكوميه لو يموت الواحد مادروا عنه والخاصه ماقدر على فلوسها ارامكو راح تطردني من العلاج هاذي اخر سنه لي والحرس ماعندي واسطه اتعالج فيه الله يعطيك العافيه |
رد: سؤآآل لطآلبآت قسم الأنجليزي؟؟
الله يكون بعونك من جد انا عيال خالتي نفسك يعانون و يتعالجون بمستشفى جلوي والله هالدنيآ هموم وادع ربك يآخوي و إذآ كنت جآلس بالليل مآ ورآك شي سهران فاضي قوم توضى و صل ربك كم ركعه والله يآخوي أن صلاه الليل تجلب الرزق والتوفيق والشاهد على مآقول أنا وقت انتظاري لنتايج القبول بالجامعه كنت هالفتره اسهر مع خواتي والله اتركهم واقوم اصلي واحس هذيك الفتره كنت اسعد ماخلق ربي و النتيجه طلعت مقبوله و التوفيق و التسهيل كان حولي وهذا الحمدلله بفضل صلآه الليل
فأتمنى تصلي الليل وتدعي ربك وتبتهل و بتشوف بحيل الله كيف التوفيق والتسهيل :) |
رد: سؤآآل لطآلبآت قسم الأنجليزي؟؟
ربي يبارك فيك
|
رد: سؤآآل لطآلبآت قسم الأنجليزي؟؟
هــاه مزيونة-صالح.. خلصتوا؟ :cheese:<------<<ترى مروقة على سوالفكم!
* الله يرزق الجميع الوظيفة المضمونة يــآآرب حتى انا تـرى اتــأمل أتخـرج وأتوظف بوظيفة بشهادتي حتى لو مدرّسة مو مشكلة,. * انا قسم انجليزي في كلية التربية في الجامعة وقسمنا يعني.. التخصص الدقيق لنا هو EFL تعليم اللغة الإنجليزية لغير الناطقين بها,. نعم كلية التربية بمجرد تخرج الطالب يتوظف في التدريس على طول اما كلية الآداب-حالياً لما يتخرج الطالب يحتاج لآخذ دورة تدريس اذا حاب يكون مدرّس (وهذا ماقالته دكتورتنا وعميدة كلية الطب) * طبعاً دراسة الانجليزي بالجامعة مارح يكون مثل الدراسة في الثانوي بالتأكيد وهو أكثر تعمقاً وصعوبة طبعاً, لكنك اذا كنت متمكنة من اللغة اصلاً فمارح تتأزمين كثيراً, الآزمة راح تكون للي تدخل القسم بدون عزيمة قووية تدفعها للمضي فيه حتى وان كان متعب وصعب قسم اللغة الإنجليزية من اكثر الاقسام اجهاد وتعب نفسي يجيب الهم بس حلو.. لأني احب الانجليزي من الطفولة والحمدلله ماشية فيه,. * كلية الآداب صارت تندرج تحت مسمى الجامعة ومااعرف الحين كيف يتم القبول في الانجليزي فيها,. لكن سابقاً كان يعتمد على النسبة في الثانوي<<ايام ماكانت كلية التربية الاقسام الادبية وكلية التربية اللي بالجامعة كان القبول فيها على اساس اختبار قبول خاص بالقسم وهو مو صعب حيل وكله اختياري مافيه كتابة.. لكن يقولون ان القسم تقفل الحين ومافيه قبول في قسم الانجليزي في كلية التربية!! *"مع خالص محبتي"* |
رد: سؤآآل لطآلبآت قسم الأنجليزي؟؟
ههههههههههههههه انتي ملاحظه اننا مسوين مجلس بو حمدان انا و صالح ههههههههههههههه
وأنآ آموت بالأنقلش من المتوسط وانا اخذ ممتاز و درجاتي كامله فيه و أنا من جد رغبانه فيه والله يسهل |
رد: سؤآآل لطآلبآت قسم الأنجليزي؟؟
حب اللغه هو اللي يخلينا نختار هالتخصص
انا حبيت اللغه من زمان بس كنت فاشل ايام المتوسطه هههههههههه كله مقبول مقبول ولاادري وش احل بس لما دخلت معهد البسام عندنا حبيت اللغه وكنت منقطع عن الدراسه يعني فاضي وركزت كل جهدي في الدورات اللي اخذتها وحبيت اللغه وحسيت انو مخي لاول مره يستوعب ماده ماشاء الله تبارك الله ههههههههههههههه الحالمه الله يعطيك العافيه ماقصرتي صراحه كلامك يعطي دافع ويوضح لنا معلومات عن هالتخصص هياوي الله يعطيك العافيه ههههههههه اصلا المفروض نسولف في موضوع الشات مو هنا شكله الموضوع بيطق 3 صفحات بالراحه ههههههههههه |
رد: سؤآآل لطآلبآت قسم الأنجليزي؟؟
ههههههههههههههههههههه
والله موضوع الشآت نآيم مطري وش بوه ؟؟؟ المهم فتكو بعآفية :) |
رد: سؤآآل لطآلبآت قسم الأنجليزي؟؟
انقلش يانقلش >>مادري وش احس فيه !!:no2:
ماقصرو الشباب .. |
| All times are GMT +3. الوقت الآن حسب توقيت السعودية: 10:43 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه